സി.എം.എസ്.എച്ച്.എസ് മുണ്ടക്കയം

സ്കൂൾ

സൗകര്യങ്ങൾ

പ്രവർത്തനങ്ങൾ

പ്രൈമറി

ഹൈസ്കൂൾ

ചരിത്രം

അംഗീകാരം

ഇംഗ്ലീഷ് വിലാസം

https://schoolwiki.in/C.M.S.H.S._Mundakayam

സി.എം.എസ്.എച്ച്.എസ് മുണ്ടക്കയം
പ്രമാണം:/home/cmshsmdm8/Pictures/school img.png
വിലാസം
മുണ്ടക്കയം മുണ്ടക്കയം പി.ഒ. , 686513 , കോട്ടയം ജില്ല
സ്ഥാപിതം	01 - 06 - 1921
വിവരങ്ങൾ
ഫോൺ	0482 8272550
ഇമെയിൽ	kply32042@gmail.com
കോഡുകൾ
സ്കൂൾ കോഡ്	32042 (സമേതം)
യുഡൈസ് കോഡ്	32100400812
വിക്കിഡാറ്റ	Q87659145
വിദ്യാഭ്യാസ ഭരണസംവിധാനം
റവന്യൂ ജില്ല	കോട്ടയം
വിദ്യാഭ്യാസ ജില്ല	കാഞ്ഞിരപ്പള്ളി
ഉപജില്ല	കാഞ്ഞിരപ്പള്ളി
ഭരണസംവിധാനം
ലോകസഭാമണ്ഡലം	പത്തനംതിട്ട
നിയമസഭാമണ്ഡലം	പൂഞ്ഞാർ
താലൂക്ക്	കാഞ്ഞിരപ്പള്ളി
ബ്ലോക്ക് പഞ്ചായത്ത്	കാഞ്ഞിരപ്പള്ളി
തദ്ദേശസ്വയംഭരണസ്ഥാപനം	പഞ്ചായത്ത്
സ്കൂൾ ഭരണ വിഭാഗം
സ്കൂൾ ഭരണ വിഭാഗം	എയ്ഡഡ്
സ്കൂൾ വിഭാഗം	പൊതുവിദ്യാലയം
പഠന വിഭാഗങ്ങൾ	യു.പി ഹൈസ്കൂൾ
സ്കൂൾ തലം	5 മുതൽ 10 വരെ
മാദ്ധ്യമം	മലയാളം, ഇംഗ്ലീഷ്
സ്ഥിതിവിവരക്കണക്ക്
ആൺകുട്ടികൾ	335
പെൺകുട്ടികൾ	252
ആകെ വിദ്യാർത്ഥികൾ	587
അദ്ധ്യാപകർ	24
സ്കൂൾ നേതൃത്വം
പ്രധാന അദ്ധ്യാപിക	ബീന മേരി ഇട്ടി
പി.ടി.എ. പ്രസിഡണ്ട്	ജയലാൽ എൻ
അവസാനം തിരുത്തിയത്
06-01-2022	32042-HM

ക്ലബ്ബുകൾ

ലിറ്റിൽകൈറ്റ്സ് (സഹായം?) ഗ്രന്ഥശാല (സഹായം?) എൻ.സി.സി (സഹായം?) എൻ.എസ്.എസ് (സഹായം?) സ്റ്റൂഡന്റ് പോലീസ് കാഡറ്റ് (സഹായം?) സ്കൗട്ട് & ഗൈഡ്സ് (സഹായം?) ജൂനിയർ റെഡ് ക്രോസ് (സഹായം?) വിദ്യാരംഗം‌ (സഹായം?) സോഷ്യൽ സയൻസ് ക്ലബ്ബ് (സഹായം?) സയൻസ് ക്ലബ്ബ് (സഹായം?) ഗണിത ക്ലബ്ബ് (സഹായം?) പരിസ്ഥിതി ക്ലബ്ബ് (സഹായം?) ആർട്‌സ് ക്ലബ്ബ് (സഹായം?) സ്പോർ‌ട്സ് ക്ലബ്ബ് (സഹായം?) ടൂറിസം ക്ലബ്ബ് (സഹായം?) ആനിമൽ ക്ലബ്ബ് (സഹായം?) ഫിലിം ക്ലബ്ബ് (സഹായം?) സ്കൂൾവിക്കി ക്ലബ്ബ് (സഹായം?) മറ്റ്ക്ലബ്ബുകൾ (സഹായം?)

പ്രോജക്ടുകൾ
തിരികെ വിദ്യാലയത്തിലേക്ക്	(സഹായം)
എന്റെ ഗ്രാമം	(സഹായം)
നാടോടി വിജ്ഞാനകോശം	(സഹായം)
സ്കൂൾ പത്രം	(സഹായം)
അക്ഷരവൃക്ഷം	(സഹായം)
ഓർമ്മക്കുറിപ്പുകൾ	(സഹായം)
എന്റെ വിദ്യാലയം	(സഹായം)
Say No To Drugs Campaign	(സഹായം)
ഹൈടെക് വിദ്യാലയം	(സഹായം)
കുഞ്ഞെഴുത്തുകൾ	(സഹായം)

ആമുഖം

കോട്ടയം ജില്ലയിൽ കാഞ്ഞിരപ്പള്ളി വിദ്യാഭ്യാസജില്ലയിൽ കാഞ്ഞിരപ്പള്ളി ഉപജില്ലയിൽ മുണ്ടക്കയം എന്ന പ്രദേശത്ത് സ്ഥിതിചെയ്യുന്ന എയ്ഡഡ് വിദ്യാലയമാണ് സി.എം.എസ്. ഹൈസ്ക്കൂൾ.1921ൽ സ്ഥാപിതമായ ഈ വിദ്യാലയത്തിൽ ഇംഗ്ളീഷ്,മലയാളം മാദ്ധ്യമങ്ങളിൽ യു.പി.,ഹൈസ്ക്കൂൾ വിഭാഗങ്ങൾ പ്രവർത്തിച്ചുവരുന്നു.

ചരിത്രം

മുണ്ടക്കയത്ത് എത്തിയ പാശ്ചാത്യ മിഷനറിനാരിൽ റവ: ഹെൻറി ബേക്കർ ജൂനിയറാണ് മുണ്ടക്കയത്ത് ഒരു സ്കൂൾ സ്ഥാപിക്കുന്നതിനെക്കുറിച്ച് ചിന്തിച്ചതെന്ന് സഭാചരിത്രം പറയുന്നു. 1849 ൽ ഇതിനുള്ള ശ്രമങ്ങൾ ആലോചിച്ചു. ഘോരവനങ്ങളും വന്യജീവികളും മാത്രമുണ്ടായിരുന്ന അന്നത്തെ മുണ്ടക്കയത്ത് സ്ഥാപിച്ച ആദ്യ വിദ്യാ കേന്ദ്രം- കിഴക്കൻ മേഖലയിലെ ആദ്യ വിദ്യാലയം എന്ന ബഹുമതിയിൽ ഇന്നുംഅഭിമാനം കൊള്ളുന്നു.

മണിമലയാറിന്റെ അക്കരെ ഇന്നത്തെ പുത്തൻചന്തക്കും അപ്പുറത്ത് വേങ്ങക്കുന്നിൽ ആയിരുന്നു ആദ്യവിദ്യലയം സ്ഥാപിച്ചതെന്ന് കരുതപ്പെടുന്നു. ഹെൻറി ബേക്കർ ജൂനിയറിന് ശേഷം മുണ്ടക്കയത്ത് എത്തിയ മിഷനറിയായ ഹെൻറി ലോറൻ സ്ക്കൂൾ സ്ഥാപിക്കൽ ലക്ഷ്യത്തെ ഗണ്യമായി സഹായിച്ചു. വളരെ സാമ്പത്തിക സഹായങ്ങൾ അദ്ദേഹം നൽകിയിരുന്നു. വന്യജീവികൾ ഉൾക്കാടുകളിലേക്ക് നീങ്ങിയതും കുടിയേറ്റങ്ങൾ ആരംഭിച്ചതും ആ മലയോര പ്രദേശത്തെ വിദ്യാഭ്യാസ ആവശ്യത്തെ ഗണ്യമായി സ്വാധീനിച്ചു. ആറിന് അക്കരെ ആയിരുന്ന സ്കൂൾ പിന്നീട് കൂടുതൽ സൌകര്യാർത്ഥം മുണ്ടക്കയത്തേക്ക് മാറ്റി. നമ്മുടെ പള്ളിയുടെ തൊട്ടടുത്ത സ്ഥലമായിരുന്നു അതിന് തിരഞ്ഞെടുത്തത്. സ്ക്കൂളിന്റെ ഒരു ചെറിയ രൂപമായിരുന്നു അത്. അവിടെ നിന്ന് താഴെ പള്ളിയുടെ റോഡരുകിൽ ഇന്ന് കൊന്നമരങ്ങൾ നിൽക്കുന്ന ഭാഗത്ത് പ്രിപ്പറേറ്ററി ക്ലാസുകൾ ആരംഭിച്ചു. അന്നത്തെ വികാരിയായിരുന്ന റവ:എ.പി.ഇട്ടിച്ചൻ ഇതിന് നേതൃത്വം നൽകി. ശ്രീ. എ. പി. ജോസഫ് ആയിരുന്നു മിഡിൽ സ്ക്കൂളിന്റെ ആദ് ഹെഡ് മാസ്റ്റർ . അതിനും താഴെ ഉണ്ടായിരുന്ന പാറക്കൂട്ടങ്ങൾ നീക്കി നിർമ്മിച്ചെടുത്തതാണ് ഇപ്പോഴത്തെ സി. എം. എസ്. എൽ. പി. മിഡിൽ സ്ക്കൂളിൽ പ്രഗൽഭരായ ശ്രീ. ഡി. ഡി. ഐസക്ക് കുന്നുംപുറത്ത്, കൊടുകുളത്തി സ്വദേശി ആയിരുന്ന ശ്രീ. പി. സി. ജോസഫ് തുടങ്ങിയ അദ്ധ്യാപകർ സ്ക്കൂളിനെ പുരോഗതിയിലേക്ക് നയിച്ചു.

ഹൈസ്ക്കൂൾ ഇംഗ്ലീഷ് വിദ്യാഭ്യാസമായിരുന്നു അടുത്ത ലക്ഷ്യം. പള്ളിയുടെ റോഡരികിൽ ഇന്ന് വാകമരങ്ങൾ നില്ക്കുന്ന സ്ഥാനത്ത് ഇതിനുളള ശ്രമം ആരംഭിച്ചു. മുളയും പുല്ലും കാട്ടുകമ്പുകളും ഉപയോഗിച്ച് സ്ക്കൂൾകെട്ടിടം നിർമ്മിച്ചു. സ്ക്കൂളിന് അംഗീകാരം നൽകുന്നതിന് മുന്നേടിയായി അന്നത്തെ ഡിവിഷണൽ ഇൻസ്പെക്ടർ പരിശോധനക്ക് എത്തിയപ്പോൾ ക്ലാസ് മുറിയും ശവക്കോട്ടക്ക് അടുത്തായുളള അതിന്റെ സ്ഥാനവും തൃപ്തികരമല്ലെന്ന് അദ്ദേഹം അഭിപ്രായപ്പെട്ടു. പുതിയ കെട്ടിടം വേണമെന്ന് നിർബന്ധിച്ചു. അതിന്റെ ഫലമായി അല്പമകലെ മാറിയുളള കുന്നിൻ പുറം തിരഞ്ഞെടുത്തു. അവിടെ പുതിയ വിദ്യാലയം ആരംഭിക്കുന്നതിനുളള നടപടികളെക്കുറിച്ച് ചിന്തിച്ചു. അതാണ് ഇന്നത്തെ മുണ്ടക്കയം സി. എം. എസ്. ഹൈസ്ക്കൾ. പുത്തൻ പുരക്കൽ, പൊട്ടംകുളം, കടൂപ്പറമ്പിൽ എന്നീ കുടുംബക്കാരിൽ നിന്നും ഇന്ന് സ്ക്കൂൾ സ്ഥിതി ചെയ്യുന്ന രണ്ടേക്കർ സ്ഥലം ലഭിച്ചു. മാനേജ്മെന്റിൽ നിന്നും സഹായത്തിനായി ഇട്ടിയച്ചന്റെ നേതൃ അങ്ങനെ 1920-ൽ ആദ്യത്തെ ഇംഗ്ലീഷ് മിഡിൽ സ്ക്കൂൾ മുണ്ടക്കയത്ത് സ്ഥാപിതമായി.

റബ്ബർ തോട്ടങ്ങളും തേയില തോട്ടങ്ങളും വെച്ചുപിടിപ്പിക്കുന്ന കാലമായതിനാൽ ധനികരായ ഉടമകൾ ഇവിടെ എത്തിയത് നമ്മുടെ സ്ക്കൂളിന് നല്ല കാലമായിരുന്നു. അവരുടെ സഹകരണത്തിലും സ്വദേശികളുടെയും പളളിയുടെയും ശ്രമത്തിലും പുതിയ ക്ലാസ് മുറികൾ പണിയുവാൻ ആരംഭിച്ചു. ശ്രമദാനത്തിലൂടെ ആയിരുന്നു മിക്ക പണികളും പൂർത്തിയാക്കിയത്. സ്ക്കൂളിലെ പ്യൂൺ ആയി സേവനം അനുഷ്ഠിച്ച ശ്രീ. പി. ജെ. വറുഗീസും നിർണ്ണായക പങ്കു വഹിച്ചു. കെട്ടിട നിർമ്മാണത്തിനുളള ദൈനം ദിന ചെലവുകൾ ബഹുമാനപ്പെട്ട ഇട്ടിയച്ചൻ വീടുകളിൽ നിന്നും നേരിട്ട് ശേഖരിക്കുകയായിരുന്നു. വൈകുന്നേരമാകുമ്പോൾ ഒരു വീട് ലക്ഷ്യമാക്കി നടന്നുചെന്ന് അന്നത്തേക്ക് കൊടുക്കേണ്ട കൂലിയും വാങ്ങിയാണ് മടങ്ങിയിരുന്നത്. അദ്ധ്യാപകർക്ക് പന്ത്രണ്ടര രൂപയായിരുന്നു അന്നത്തെ ശമ്പളം. പകുതി മാത്രമേ കൈയിൽ കിട്ടിയിരുന്നുളളു. അതിൽ തന്നെ ഏറിയ ഭാഗവും സ്ക്കൂളിന് നൽകി വന്നു. 1939-ൽ മിഡിൽ സ്ക്കുൾ അപ്ഗ്രേഡ് ചെയ്ത സംഭവത്തെ അടുത്ത നാഴിക്കല്ലായി വിശേഷിപ്പിക്കാം. മാനേജ്മെന്റിൽ നിന്നും സഹായത്തിനായി ഇട്ടിയച്ചന്റെ നേതൃത്വത്തിൽ ശ്രീ. പി. ടി. വറുഗീസ്, ശ്രീ. ടി. എം. കുര്യൻ, ശ്രീ. പി. സി. ജോൺ എന്നീ അദ്ധ്യാപകർ കോട്ടയത്തിന് പോയി. ആവശ്യങ്ങൾ അന്നത്തെ മാനേജർ ആർച്ച് ഡീക്കൻ പി. സി. കോര മുമ്പാകെ അവതരിപ്പിച്ചു. എന്നാൽ കെട്ടിട നിർമ്മാണത്തിന് യാതെരു വിധ സഹായവും ലഭിച്ചില്ല. ഈ ആവശ്യത്തിനായി ഇനിയും കോട്ടയത്തിന് വരേണ്ടതില്ലായെന്നും അറിയിച്ചു. തിരിച്ചെത്തിയ അവർ നിരാശരായില്ല. ഇട്ടിയച്ചന്റെ ധീരമായ നേതൃത്വത്തിൽ ഹൈറേഞ്ചിന്റെ കവാടമായ മുണ്ടക്കയത്ത് അഞ്ചു മുറികളുളള ഒരു കെട്ടിടം നിർമ്മിച്ചു. അന്നത്തെ അദ്ധ്യാപകരായിരുന്ന ശ്രീ. സി. പി. അലക്സാണ്ടർ, ശ്രീ. ടി. എം. കുര്യൻ, ശ്രീ. പി. സി. ജോൺ, ശ്രീ. ഏ. വി. ശാമുവേൽ, ശ്രീ. മാമ്മൻ സഖറിയ എന്നിവർ രാവും പകലും വിശ്രമമില്ലാതെ അക്ഷാണം പരിശ്രമിച്ചു. അങ്ങനെ 1939-ൽ ആദ്യ ഇംഗ്ലീഷ് ഹൈസ്ക്കൂൾ പൂർത്തിയായി. പ്രഥമ ഹെഡ്മാസ്റ്റർ ശ്രീ. സി. ജെ. ചെറിയാൻ സാറായിരുന്നു. 1946 വരെ അദ്ദേഹം സേവനം അനുഷ്ഠിച്ചു. 1941-ൽ ആദ്യ E.S.L.C ബാച്ച് പരീക്ഷ എഴുതി. ആദ്യമായി ഫസ്റ്റ് ക്ലാസ്സോടെ പാസ്സായത് ശ്രീ. ടി. കെ. മാത്തൻ തൈപ്പറമ്പിൽ ആണ്. 1945-ൽ കേവലം 15 അദ്ധ്യാപകരും 520 കുട്ടികളും ഉണ്ടായിരുന്ന ഈ വിദ്യാലയത്തിൽ 1946 ആയപ്പോഴേക്കും അദ്ധ്യാപകർ 14 ആയും കുട്ടികളുടെ എണ്ണം രണ്ടായിരമായും വർദ്ധിച്ചു. ശ്രീ. സി. ജെ. ചെറിയാൻ സാറിനെ തുടർന്ന് പ്രഗൽഭരായ പ്രഥമാദ്ധ്യാപകരുടെ ഒരു വേലിയേറ്റം തന്നെ ഉണ്ടായി. 24 ഹെഡ്മാസ്റ്റർമാർ ഇതിനോടകം ഈ വിദ്യാലയത്തെ നയിച്ചിട്ടുണ്ട്. നല്ല നിലവാരവും അച്ചടക്കവും നിലനിന്നിരുന്നത് കൊണ്ട് മുണ്ടക്കയത്തിന്റെ തിലകക്കുറിയായി ഈ വിദ്യാലയം ശോഭിച്ചു. പുറത്തിറങ്ങിയ ആയിരക്കണക്കിന് വ്യക്തികൾ ഇന്ന് നമ്മുടെ സംസ്ഥാനത്തും ഭാരതത്തിലും ലോകത്തെമ്പാടും സേവനം ചെയ്തു വരുന്നു. ഹെൻറി ബേക്കർ ജൂനിയറിന്റെ സ്വപ്നം സഫലമായിരിക്കുന്നു. മുണ്ടക്കയത്തിന്റെ വിദ്യാഭ്യാസ പുരോഗതിയെക്കുറിച്ച് അന്ന് അദ്ദേഹം ചിന്തിച്ചില്ലായിരുന്നെങ്കിൽ മുണ്ടക്കയം നിവാസികൾ വിദ്യാസമ്പന്നരാകുന്ന കാലം എത്രയോ അകലെയായിരുന്നേനെ!

ഇന്ന് കിഴക്കൻ മേഖലയിലെ വിദ്യാലയങ്ങളുടെ തറവാട്ടമ്മയായ മുണ്ടക്കയം സി. എം. എസ്. ഹൈസ്ക്കൂളിന് കാലത്തികവിൽ തിളക്കങ്ങളും മങ്ങലുകളും ഉണ്ടായിട്ടുണ്ട്. ഇന്നും നൂറ് കണക്കിന് കുട്ടികൾക്ക് അറിവ് നൽകുന്ന ഈ സ്ഥാപനം മുണ്ടക്കയത്ത് ശോഭിക്കുന്നു. ആ പഴയ വിദ്യാലയത്തെ ആധുനീകരിച്ച് രൂപവും ഭാവവും മാറ്റി വരും തലമുറകൾക്കായി നിലനിർത്തേണ്ടത് നാം ഓരോരുത്തരുമാണ്.

ഭൗതികസൗകര്യങ്ങൾ

വിദ്യാലയം സ്ഥിതിചെയ്യുന്നത് 3 ഏക്കർ ഭൂമിയിലാണ്. 2 കെട്ടിടങ്ങളിലായി 26 മുറികൾ സ്കുളിനുണ്ട്. ഫുട്ബോൾഗ്രൗണ്ട്, കമ്പ്യൂട്ടർലാബ്,മൾട്ടിമീഡിയറൂം, സയൻസ് ലാബ്,ലൈബ്രറി, പ്രയർറൂം, 50000 ലിറ്ററിന്റെ മഴവെളള സംഭരണിയും ഉണ്ട്.

പാഠ്യേതര പ്രവർത്തനങ്ങൾ

• സ്കൗട്ട്
• വിദ്യാരംഗം കലാസാഹിത്യവേദി
• ക്ലാസ് മാഗസിനുകൾ
• റോഡ് സുരക്ഷാക്ലബ്
• സി.എം.എസ്.എച്ച്.എസ് മുണ്ടക്കയം/Nature Club
• പച്ചക്കറിത്തോട്ടം
• എസ്.പി.സി

മാനേജ്മെന്റ്

ചർച്ച് ഓഫ് സൗത്ത് ഇൻഡ്യയുടെ മധ്യകേരള ഡയോസിസാണ് വിദ്യാലയത്തിന്റെ ഭരണം നടത്തുന്നത്.ബിഷപ്പ് റൈറ്റ് റവ. തോമസ് സാമുവൽ ഡയറക്ടറായും റവ. ഡോക്ടർ സാം റ്റി. മാത്യു കോർപറേറ്റ് മാനേജറായും പ്രവർത്തിച്ചുവരുന്നു. ലോക്കൽ മാനേജർ റവ.റെജി. വി . സ്കറിയയും , ഹെഡ് മിസ്ട്രസ് അന്നമ്മ ജോർജുമാണ‍്.

മുൻ സാരഥികൾ

സ്കൂളിന്റെ മുൻ പ്രധാനാദ്ധ്യാപകർ. 1. ശ്രീ. പി.എം തോമസ് -1946-48 2. ശ്രീ പി.സി ഉമ്മൻ 1948-49 3.കെ.എം വർഗീസ്-1949-50 4.കെ. സി ജോർജ്-1950-51 5.കെ.എം വർഗീസ്-1951-58 6.കെ.തോമസ് -1958-60 7.പി.സി നൈനാൻ-1960-62 8.കെ.ഒ ഉമ്മൻ-1962-65 9.കെ. സി. ഫിലിപ്പോസ്-1965-68 10.വി.ഐ.കുര്യൻ-1968-71 11.വി.സി വർഗീസ്-1971-73 12.പി.ഐ ജേക്കബ്-1973-75 13. ജോർജ് പി. മാത്യു-1975-77 14.ഐപ്പ് സാമുവൽ തോമസ്-1977-79 15.കെ.ഇ ജോൺ 16.എം.വി. ഏലിയാമ്മ 17.എ.വി.വർഗീസ് 18.ചെറിയാൻ. കുര്യൻ 19.പി.എസ്.കോശി 20.എ.ജെ.ജോസഫ് 21.പി.കെ.ചെറിയാൻ 22.മാത്യു വർഗീസ് 23.അന്നമ്മ തോമസ് 24.കെ.എം സാറാമ്മ 25..കെ ജേക്കബ് 26..മാത്യു .മാത്യു 27.പി.ജി. സക്കറിയ 28.വി.ജെ.മറിയം 29.മറിയാമ്മ ചെറിയാൻ 30.അന്നമ്മ ജോർജ്ജ് 31 അന്നമ്മ ദാനിയേൽ

വഴികാട്ടി

വിദ്യാലയത്തിലേക്ക് എത്തുന്നതിനുള്ള മാർഗ്ഗങ്ങൾ NH 220തൊട്ട് mundakayam നഗരത്തിൽ നിന്നും 100.മീറ്റർ അകലത്തായി മുണ്ടക്കയം - കുട്ടിക്കല് റോഡില് സ്ഥിതിചെയ്യുന്നു.

<googlemap version="0.9" lat="9.53905" lon="76.885049" zoom="16" width="350" height="350" controls="none"> 9.539135, 76.884556, CMS HS Mundakkayam </googlemap>

header 1	header 2	header 3
row 1, cell 1	row 1, cell 2	row 1, cell 3
row 2, cell 1	row 2, cell 2	row 2, cell 3

മുണ്ടക്കയം ഗ്രാമപഞ്ചായത്ത് 1	header 2	header 3
row 1, cell 1	row 1, cell 2	row 1, cell 3
row 2, cell 1	row 2, cell 2	row 2, cell 3