ഗവ.എച്ച് .എസ്.എസ്.കതിരൂര്
| സ്കൂൾ | സൗകര്യം | പ്രവർത്തനം | പ്രൈമറി | എച്ച്.എസ് | എച്ച്.എസ്.എസ്. | വി.എച്ച്.എസ് | ചരിത്രം | അംഗീകാരം |
കണ്ണുൂർ ജില്ലയിലെ തലശ്ശേരി വിദ്യാഭ്യാസ ജില്ലയിൽ തലശ്ശേരി നോർത്ത് ഉപജില്ലയിലെ കതിരൂർ എന്ന സ്ഥലത്തുള്ള ഒരു സർക്കാർ വിദ്യാലയമാണ് ജി വി എച്ച് എച്ച് എസ് എസ് കതിരൂർ.
| ഗവ.എച്ച് .എസ്.എസ്.കതിരൂര് | |
|---|---|
 | |
| വിലാസം | |
കതിരൂർ ടി സി റോഡ്,കതിരൂർ , കതിരൂർ പി.ഒ. , 670642 , കണ്ണൂർ ജില്ല | |
| സ്ഥാപിതം | 22 - 10 - 1922 |
| വിവരങ്ങൾ | |
| ഫോൺ | 0490 2306180 |
| ഇമെയിൽ | 14015ghskadirur@gmail.com |
| വെബ്‍സൈറ്റ് | http://gvhskadirur.blogspot.com/ |
| കോഡുകൾ | |
| സ്കൂൾ കോഡ് | 14015 (സമേതം) |
| എച്ച് എസ് എസ് കോഡ് | 13043 |
| വി എച്ച് എസ് എസ് കോഡ് | 913010 |
| യുഡൈസ് കോഡ് | 32020400402 |
| വിക്കിഡാറ്റ | Q64457133 |
| വിദ്യാഭ്യാസ ഭരണസംവിധാനം | |
| റവന്യൂ ജില്ല | കണ്ണൂർ |
| വിദ്യാഭ്യാസ ജില്ല | തലശ്ശേരി |
| ഉപജില്ല | തലശ്ശേരി നോർത്ത് |
| ഭരണസംവിധാനം | |
| ലോകസഭാമണ്ഡലം | വടകര |
| നിയമസഭാമണ്ഡലം | തലശ്ശേരി |
| താലൂക്ക് | തലശ്ശേരി |
| ബ്ലോക്ക് പഞ്ചായത്ത് | പാനൂർ |
| തദ്ദേശസ്വയംഭരണസ്ഥാപനം | പഞ്ചായത്ത് |
| വാർഡ് | 16 |
| സ്കൂൾ ഭരണ വിഭാഗം | |
| സ്കൂൾ ഭരണ വിഭാഗം | സർക്കാർ |
| സ്കൂൾ വിഭാഗം | പൊതുവിദ്യാലയം |
| പഠന വിഭാഗങ്ങൾ | യു.പി ഹൈസ്കൂൾ ഹയർസെക്കന്ററി വൊക്കേഷണൽ ഹയർസെക്കന്ററി |
| സ്കൂൾ തലം | 5 മുതൽ 10 വരെ |
| മാദ്ധ്യമം | മലയാളം, ഇംഗ്ലീഷ് |
| സ്ഥിതിവിവരക്കണക്ക് | |
| ആൺകുട്ടികൾ | 731 |
| പെൺകുട്ടികൾ | 692 |
| ആകെ വിദ്യാർത്ഥികൾ | 2227 |
| അദ്ധ്യാപകർ | 80 |
| ഹയർസെക്കന്ററി | |
| ആൺകുട്ടികൾ | 290 |
| പെൺകുട്ടികൾ | 334 |
| വൊക്കേഷണൽ ഹയർസെക്കന്ററി | |
| ആൺകുട്ടികൾ | 90 |
| പെൺകുട്ടികൾ | 90 |
| സ്കൂൾ നേതൃത്വം | |
| പ്രിൻസിപ്പൽ | അനിത എസ് |
| വിഎച്ച്എസ്എസ് പ്രിൻസിപ്പൽ | പ്രമോദൻ പി |
| പ്രധാന അദ്ധ്യാപകൻ | പ്രകാശൻ കർത്ത |
| പി.ടി.എ. പ്രസിഡണ്ട് | ശ്രീജേഷ് പി |
| എം.പി.ടി.എ. പ്രസിഡണ്ട് | അജിത |
| അവസാനം തിരുത്തിയത് | |
| 16-03-2022 | 14015 |
| ക്ലബ്ബുകൾ | |||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
|
ആമുഖം
കാലത്തിന് മുമ്പെ സഞ്ചരിക്കുന്ന കതിരൂർ ഗവ. വൊക്കേഷണൽ ഹയർ സെക്കന്ററി സ്കൂൾ പ്രവർത്തന മികവുകൊണ്ട് എന്നും പുതുമ സൃഷ്ടിക്കുന്നു. തൊട്ടതെല്ലാം പൊന്നാക്കുന്ന സ്കൂൾ പി ടി എ യുടെ സാന്നിധ്യം എല്ലാ പ്രവർത്തനങ്ങൾക്കും കൈത്താങ്ങായും ആത്മബലമായും ഉണ്ടായിരുന്നു. പ്രവർത്തനങ്ങളിലെ വൈവിധ്യം അക്കമിട്ട് നിരത്തുമ്പോൾ ഏറെയാണ്. വിദ്യാലയ മുറ്റത്ത് തലയുയർത്തി നിൽക്കുന്ന 'കുട്ടികളുടെ സിംഹ മുദ്ര', ' പി എസ്സ് എൽ വി മാതൃക', മനോഹരമായ പൂന്തോട്ടം, ഔഷധ തോട്ടം, പച്ചക്കറിത്തോട്ടം തുടങ്ങിയവ തികച്ചും പരിസ്ഥിതി സൗഹൃദ പരമായ വിദ്യാലയ അന്തരീക്ഷം മുതലായവ നമ്മുടെ സ്കൂളിന്റെ പ്രത്യേകതയാണ്. മികച്ച പിടിഎ, മികച്ച ശുചിത്വ വിദ്യാലയം. പഠന പിന്നോക്കാവസ്ഥ പരിഹരിക്കാൻ ജ്യോതിർഗമയ,ശ്രദ്ധ, നവപ്രഭ കായിക ശേഷി വികാസത്തിനായുളള ടാലന്റ് ഹണ്ട്,കാരുണ്യത്തിന്റെ കൈത്താങ്ങ് HOPE, അവധിക്കാല പരിശീലനങ്ങൾ കളിയരങ്ങ്, നക്ഷത്രകൂടാരം, ലിറ്റിൽകൈറ്റ്സ്, കതിരൂരിന്റെ കളരി പാരമ്പര്യം നിലനിർത്താൻ കളരി, മറ്റായോധന കലകളായ കരാട്ടേ,യോഗ, എന്നിവയും കിണർ റിചാർജിങ്. മാലിന്യ സംസ്കരണം,ജൈവ വൈവിധ്യ പാർക്ക്, ബയോഗ്യാസ് പ്ലാന്റ്,കരിയർ ഗൈഡൻസ്, സമ്പൂർണ്ണ ഹൈടക് ക്ലാസ്സുകൾ, ആർട്ട് ഗാലറി, വിശാലമായ ഭക്ഷണ ശാല, ,വിശാലമായ കളിസ്ഥലം, ശാസ്ത്ര പോഷണി ലാബുകൾ, സുസ്സജമായ ലൈബ്രറി, ആർട്വേർ ക്ലിനിക്ക്, ആസാപ്പ് സെന്റർ, സുസ്സജമായ കമ്പ്യൂട്ടർലാബുകൾ, ഓപ്പൺ ക്ലാസ്സ് റൂം തുടങ്ങി കതിരൂർ ഗവൺമെന്റ് വൊക്കേഷണൽ ഹയർസെക്കന്ററി സ്കൂളിന് അപ്രപ്യമായി ഒന്നുമില്ല. പിടിഎ യുടെ നേതൃത്വത്തിൽ അഭ്യുദയകാംക്ഷികളായ നാട്ടുകാരും പഞ്ചായത്തും മിടുക്കരായ വിദ്യാർത്ഥികളും അദ്ധ്യാപകരും എല്ലാം ചേർന്ന് വിദ്യാലയത്തെ അന്താരാഷ്ട്ര നിലവാരത്തിലേക്ക് ഉയർത്തുകയാണ്.
ചരിത്രം
പഴയ കോട്ടയം താലൂക്കിലെ ഏക ഹൈസ്കൂൾ. താലൂക്കിലെ സ്വാതന്ത്ര്യ പോരാട്ടത്തിന്റെ ഈറ്റില്ലം. മലബാറിലെ കായിക മികവിൽ ചരിത്രം കുറിച്ചു.വയനാട്, ഇരിട്ടി, പിണറായി, പെരളശ്ശേരി, പാനൂ൪ തുടങ്ങിയ ദൂരദേശങ്ങളിൽ നിന്നും കതിരൂരിൽ താമസിച്ചും കാൽനടയായും വന്ന് പഠിച്ച വിദ്യാ൪ത്ഥികൾ ധാരാളം. 1922 മുതൽ 1945 വരെ ഇത് തുട൪ന്നു. 1945 ൽ കൂടാളിയിലും 1946 ൽ കൂത്തുപറമ്പിലും 1950 ൽ പാതിരിയാടും 1953ൽ പാനൂരിലും 1955 ൽ പേരാവൂരിലും 1956 ൽ ചൊക്ലിയിലും ഇരിട്ടിയിലും മാനേജ്മെന്റ് ഹൈസ്ക്കുളുകൾ ആരംഭിക്കുന്നത് വരെ ആ പ്രദേശങ്ങളിലെ ഹൈസ്കൂൾ വിദ്യാഭ്യാസത്തിന്റെ ഏകകേന്ദ്രം കതിരൂ൪ ഗവണ്മെന്റ് ഹൈസ്കൂൾ മാത്രമായിരുന്നു . തലശ്ശേരി താലൂക്കിലെ ഏറ്റവും പാരമ്പര്യമുള്ള സ൪ക്കാ൪ സ്കൂൾ എന്ന ബഹുമതി ഇന്നും കതിരൂരിന് തന്നെ. കതിരൂരിൽ ബോ൪ഡ് ഹൈസ്കൂൾ സ്ഥാപിക്കുന്നതി ൽ പി.ടി.ഭാസ്കരപണിക്ക൪ വഹിച്ച പങ്ക് ഒരു ചരിത്രഭൂമിയുടെ ആകെ വിദ്യാഭ്യാസ നവോത്ഥാനത്തിന് നിസ്തുലമായ ക൪മ്മ വേദിയൊരുക്കി. കതിരൂ൪ ഹൈസ്കൂളിലേക്ക് വിദ്യാ൪ത്ഥികൾ വന്നുചേ൪ന്ന പ്രദേശങ്ങളിൽ ഇപ്പോൾ 66 ഹൈസ്കൂളുകൾ പ്രവ൪ത്തി ക്കുന്നുണ്ട്. ഈ വിദ്യാലയം വിദ്യാ൪ത്ഥികളുടെ നിറവിലും അദ്ധ്യാപകരുടെ മികവിലും ഇപ്പോഴും പ്രശസ്തമായ നിലയിൽ പ്രവ൪ത്തിക്കുന്നു, മൂല്യാധിഷ്ഠിത വിദ്യാഭ്യാസത്തിന് ഇന്നും ഊന്നൽ നല്കുന്നു. സാംസ്കാരിക രംഗത്ത് ശ്രദ്ധേയരായ പൂ൪വ്വവിദ്യാ൪ത്ഥികൾ കേരളത്തിന്റെ നാനാ മണ്ഡലങ്ങളിലും നിറഞ്ഞുനില്ക്കുന്നു. സ്വദേശത്തും വിദേശത്തും പ്രഗത്ഭരായ മഹത് വ്യക്തികളെ ഈ വിദ്യാലയം സംഭാവന ചെയ്തിട്ടുണ്ട് .
ഭൗതികസൗകര്യങ്ങൾ
ഹൈസ്കൂളിനും ഹയർസെക്കണ്ടറിക്കും വെവ്വേറെ കമ്പ്യൂട്ടർ ലാബുകളുണ്ട്. 4 ലാബുകളിലുമായി ഏകദേശം 70 പതോളം കമ്പ്യൂട്ടറുകളുണ്ട്. എല്ലാ ലാബുകളിലും ബ്രോഡ്ബാന്റ് ഇന്റർനെറ്റ് സൗകര്യം ലഭ്യമാണ്. ഹൈസ്കൂളിനും ഹയർസെക്കണ്ടറിക്കും വൊക്കേഷണൽ ഹയർസെക്കണ്ടറിക്കും വെവ്വേറെ ഫിസിക്സ്, കെമിസ്ട്രി ബയോളജി, കമ്പ്യൂട്ടർ ലാബുകളുണ്ട്. വി എച്ച് എസ് ഇ ക്കു് അഗ്രിക്കൾച്ച൪, MRDA , MRRTV എന്നീ ലാബുകളുണ്ട്. ഹൈസ്കൂളിന് ശാസ്തവിഷയങ്ങൾക്കായി ശാസ്ത്രപോഷിണിലാബുകൾ ഉണ്ട്. സ്കൂളിന് വിശാലമായ രണ്ട് ഗ്രൌണ്ടുകൾ ഉണ്ട്. ഗ്രൌണ്ടിൽ ജംപിംങങ് പിറ്റും, ഫുട്ട്ബോൾ, വോളിബോൾ മുതലായവ കളിക്കാനുള്ള സൌകര്യങ്ങൾ ഉണ്ട്. സ്കൂളിലെ 44 ക്ലാസ്സ് മുറികളും ഹൈടെക്കാണ്. വിദ്യാർത്ഥികളുടെ സർഗ്ഗാത്മതയ്ക്ക് പ്രോത്സാഹനം നൽകാൻ സ്കൂളിൽ ആർട്ട് ഗ്യാലറിയും ഉണ്ട്. ശബ്ദവും വെളിച്ചവും ഒപ്പം എൽ സി ഡി പ്രൊജക്ടറും കൊണ്ട് മികവ് പുലർത്തുന്ന ഗ്യാലറിയിൽ വിദ്യാർത്ഥികൾ വരച്ച ചിത്രങ്ങളുടെ പ്രദർശനമാണ് ലക്ഷ്യമിടുന്നത്. മനോഹരമായി രൂപകല്പന ചെയ്ത ജൈവ വൈവിധ്യ പാർക്ക് സ്കൂളിന്റെ സൗന്ദര്യം വർദ്ധിപ്പിക്കുന്നു.പാർക്കിലുള്ള ആമ്പൽപൊയ്കയിൽ മത്സ്യങ്ങളും മറ്റ് ജലജീവികളും വളരുന്നു. പൂമ്പാറ്റകളുടേയും കിളികളുടേയും സന്ദർശന കേന്ദ്രമായി ഇവിടം മാറിയിട്ടുണ്ട്.സ്കൂൾ അസംബ്ലി, കലോത്സവം, മറ്റ് പൊതു പരിപാടികൾ എന്നിവയുടെ സുഗമമായ നടത്തിപ്പിനായി ഓപ്പൺ ഓഡിറ്റോറിയം ഒരുക്കിയിട്ടുണ്ട്.സ്വാഭാവികമായ അന്തരീക്ഷത്തിൽ പഠനം സാധ്യമാക്കത്തവിധത്തിൽ രണ്ട് ഓപ്പൺ ക്ലാസ് മുറികളും നിലവിലുണ്ട്. കുട്ടികൾക്ക് ഉച്ചഭക്ഷണം കഴിക്കാനായി വിശാലമായ ഭക്ഷണശാല ഉണ്ട്.
പാഠ്യേതര പ്രവർത്തനങ്ങൾ
2021-2022 അദ്ധ്യയനവർഷം
ഭിന്നശേഷി വിദ്യാർഥികൾക്കായി ഒരു റിസോർസ്‌ റൂം
ജിവിഎച്ച്എസ്എസ് കതിരൂർ ശതാബ്ദി വർഷത്തിൽ ഏറെ ധന്യമായ ഒരു മുഹൂർത്തത്തിന് സാക്ഷ്യം വഹിച്ചു. ഏറെ നാളത്തെ പരിശ്രമത്തിനൊടുവിൽ വിദ്യാലയത്തിലെ ഭിന്നശേഷി വിദ്യാർഥികൾക്കായി ഒരു റിസോർസ്‌ റൂം രാജ്യസഭ എം പി യായ ശ്രീ വി ശിവദാസൻ സ്കൂളിനായി സമർപ്പിച്ചു. ഹെഡ്മാസ്റ്റർ ശ്രീ പ്രകാശൻ കർത്ത സ്വാഗതം പറഞ്ഞ ചടങ്ങിൽ കതിരൂർ ഗ്രാമപഞ്ചായത്ത് പ്രസിഡണ്ട് ശ്രീ പി പി സനിൽ അധ്യക്ഷത വഹിച്ചു. ഭിന്ന ശേഷി വിദ്യാർഥികൾക്കായുള്ള ഉപഹാര സമർപ്പണം ബഹുമാനപ്പെട്ട തലശ്ശേരി ഡി ഇ ഒ ശ്രീ എ പി അംബിക നിർവഹിച്ചു. വിവിധ എൻഡോവുമെൻ്റുകൾ കണ്ണൂർ ജില്ലാ പഞ്ചായത്ത് മെമ്പർ ശ്രീ മുഹമ്മദ് അഫ്സൽ വിദ്യാർഥികൾക്ക് നല്കി. വിവിധ മത്സരങ്ങളിൽ വിജയിച്ചവരെയും ഇൻസ്പയർ അവാർഡു ജേതാക്കളായ നാല് വിദ്യാർത്ഥികളെയു൦ ചടങ്ങിൽ അഭിനനന്ദിച്ചു. ജേതാക്കൾക്കായുള്ള ഉപഹാര സമർപ്പണം റിട്ട: കൊല്ലം ഡിഇഒ ശ്രീമതി ജ്യോതി കേളോത്ത് നിർവഹിച്ചു. പാനൂർ ബ്ലോക്ക് പഞ്ചായത്ത് മെമ്പർ ശ്രീമതി ഷീജ കാരായി, പി ടി എ പ്രസിഡണ്ട് ശ്രീ ശ്രീജേഷ് പി, പ്രിൻസിപ്പൽ ശ്രീമതി എസ് അനിത, വിഎച്ച് എസ് ഇ പ്രിൻസിപ്പൽ ശ്രീ പ്രമോദൻ, ശ്രീ സുരേഷ് ബാബു പുത്തലത്ത്, സ്റ്റാഫ് സെക്രട്ടറി ശ്രീ ജയരാജൻ കെ പി എന്നിവർ ചടങ്ങിന് ആശംസയർപ്പിച്ചു സംസാരിച്ചു. കുട്ടിക്കൊരു വീട് സ്നേഹ ഭവനം
കുട്ടിക്കൊരു വീട് സ്നേഹ ഭവനത്തിന് തറക്കല്ലിട്ടു.
ചരിത്രത്തിലൂടെ നടന്ന് ചരിത്രത്തിലിടം നേടിയ ജിവിഎച്ച്എസ്എസ് കതിരൂർ നൂറാം വർഷത്തെ നൂറിന പരിപാടിയിലെ കുട്ടിക്കൊരു വീട് സ്നേഹ ഭവനത്തിന് ബഹുമാനപ്പെട്ട ശ്രീ എ എൻ ഷംസീർ എംഎൽഎ തറക്കല്ലിട്ടു. ഹെഡ്മാസ്റ്റർ ശ്രീ പ്രകാശൻ കർത്ത സ്വാഗതം പറഞ്ഞ ചടങ്ങിൽ ജില്ലാ പഞ്ചായത്ത് മെമ്പർ ശ്രീ മുഹമ്മദ് അഫ്സൽ അധ്യക്ഷത വഹിച്ചു. കതിരൂർ പഞ്ചായത്ത് പ്രസിഡണ്ട് ശ്രീ സനൽ പി പി, പാട്യം പഞ്ചായത്ത് വൈസ് പ്രസിഡണ്ട് ശ്രീ കെ പി പ്രദീപൻ മാസ്റ്റർ, പി ടി എ പ്രസിഡണ്ട് ശ്രീ ശ്രീജേഷ് പി, ശ്രീ സുരേഷ് പുത്തലത്ത്, വി എച്ച് എസ് ഇ പ്രിൻസിപ്പൽ ശ്രീ പ്രമോദൻ, ഹയർ സെക്കൻഡറി അധ്യാപകൻ ശ്രീ ടി എ൦ ശശി, വിദ്യാർഥികൾ, രക്ഷിതാക്കൾ എന്നിവർ ചരിത്രമുഹൂർത്തത്തിന് സാക്ഷ്യം വഹിച്ചു.
ജിവിഎച്ച്എസ്എസ് കതിരൂർ നൂറാം വാർഷികം- സംഘാടക സമിതി രൂപീകരണ യോഗം
കതിരൂർ ഗവ: വൊക്കേഷണ|ൽ ഹയർ സെക്കണ്ടറി സ്കൂൾ ശതാബ്ദി ആഘോഷം വളരെ വിപുലമായി നടത്തുന്നതിനായി സംഘാടക സമിതി രൂപീകരണം സ്കൂൾ ഓസിറ്റോറിയത്തിൽ വെച്ച് നടന്നു. പ്രിൻസിപ്പൽ ശ്രീമതി എസ് അനിത സ്വാഗതം പറഞ്ഞു. കതിരൂർ പഞ്ചായത്ത് പ്രസിഡണ്ട് ശ്രീ പി പി സനലിൻ്റെ അധ്യക്ഷതയിൽ ജില്ലാ പഞ്ചായത്ത് മെമ്പർ ശ്രീ മുഹമ്മദ് അഫ്സൽ ഉദ്ഘാടനം ചെയ്തു. നൂറിന കർമ്മ പരിപാടിയുടെ രൂപരേഖ ഹെഡ്മാസ്റ്റർ ശ്രീ പ്രകാശൻ കർത്ത അവതരിപ്പിച്ചു. നൂറാം വാർഷികത്തിൻ്റെ നൂറിന പരിപാടിയിൽ സ്കൂൾ ഏറ്റെടുത്ത് നടത്തുന്ന നന്മയുടെ പാഠമാണ് സ്നേഹഭവനം. ഈ വീട് പൂർത്തീകരിക്കാനായി തങ്ങളുടെ സമ്പാദ്യക്കുടുക്ക നല്കാൻ തയ്യാറായ മൂന്നു കുട്ടികളിൽ നിന്ന് അവരുടെ നന്മ ഏറ്റുവാങ്ങിയത് ബ്ലോക്ക് പഞ്ചായത്ത് സ്റ്റാൻ്റിംഗ് കമ്മിറ്റി ചെയർമാൻ ശ്രീ രമേശ് കണ്ടോത്ത് അവർകളാണ്.ശ്രീ കെ വി പവിത്രൻ, കതിരൂർ ഗ്രാമപഞ്ചായത്ത് വൈസ് പ്രസിഡണ്ട് ശ്രീമതി സനില പി രാജ്, ബ്ലോക്ക് പഞ്ചായത്ത് വൈസ് പ്രസിഡണ്ട് ശ്രീമതി ടി ടി റംല, ശ്രീ കാരായി രാജൻ, ബാലാവകാശ കമ്മീഷൻ മുൻ ചെയർമാൻ ശ്രീ സുരേഷ് പി, പി ടി എ പ്രസിഡണ്ട് ശ്രീ ശ്രീജേഷ്, ശ്രീ സുരേഷ് ബാബുപുത്തലത്ത് ,ശ്രീ ഒ.ഹരിദാസ്, ശ്രീ കെ വി രജീഷ്, ശ്രീ ശിവകൃഷ്ണൻ കെ എം, ശ്രീ അബ്ദുള്ള മാസ്റ്റർ ,വി എച്ച് എസ് ഇ പ്രിൻസിപ്പൽ ശ്രീ പ്രമോദ് പി തുടങ്ങിയവർ സംസാരിച്ചു. നൂറിന പരിപാടിക്ക് നേതൃത്വം നല്കാനുള്ളവരുടെ പാനൽ ശ്രീ ടി എം ശശി മാസ്റ്റർ അവതരിപ്പിച്ചു. ശ്രീ കെ.പി ജയരാജൻ ചടങ്ങിന് നന്ദി. കതിരൂർ ഗ്രാമപഞ്ചായത്ത് പ്രസിഡണ്ട് പി.പി.സനിൽ ചെയർമാനും സ്കൂൾ പ്രിൻസിപാൾ ഡോ: എസ്.അനിത കൺവീനറുമായി 501 അംഗ കമ്മറ്റി രൂപീകരിച്ചു.
കെട്ടിടോദ്ഘാടനം
കതിരൂർ: കതിരൂർ ഗവ: വൊക്കേഷണൽ ഹയർ സെക്കണ്ടറി സ്കൂളിൽ കെ.മുരളീധരൻ എം.പിയുടെ പ്രാദേശിക വികസന ഫണ്ടുപയോഗിച്ച് നിർമ്മിച്ച കെട്ടിടത്തിന്റെ ഉദ്ഘാടനം ശ്രീ കെ മുരളീധരൻ എം.പി നിർവഹിച്ചു. 50 ലക്ഷം രൂപ ചെലവിൽ നിർമ്മിച്ച കെട്ടിടത്തിന്റെ ഉദ്ഘാടനച്ചടങ്ങിൽ ജില്ലാ പഞ്ചായത്ത് മെമ്പർ ശ്രീ മുഹമ്മദ് അഫ്സൽ അധ്യക്ഷത വഹിച്ചു. സ്കൂൾ പി ടി എ പ്രസിഡണ്ട് ശ്രീ സുരേഷ് ബാബു പുത്തലത്ത് സ്വാഗതം പറഞ്ഞു. ജില്ലാ പഞ്ചായത്ത് പ്രസിഡണ്ട് ശ്രീമതി പി പി ദിവ്യ മുഖ്യാതിഥി ആയിരുന്നു. അറിവിന്റെ വെള്ളിവെളിച്ചം വിതറിക്കൊണ്ട് കാലചക്രത്തിരിച്ചിലനുസൃതമായി അനിവാര്യമായ മാറ്റങ്ങളോടെ ഈ പൊതു വിദ്യാലയം നൂറാം വർഷത്തിലേക്ക് പ്രവേശിക്കുന്ന വേളയിൽ ഭൗതിക സൗകര്യങ്ങളിൽ ഒരു നാഴികക്കല്ലുകൂടി പിന്നിടുകയാണ്. കോവിഡ് മാനദണ്ഡം പാലിച്ചുകൊണ്ട് നടന്ന ഉദ്ഘാടനച്ചടങ്ങിൽ പാനൂർ ബോക്ക് പഞ്ചായത്ത് സെക്രട്ടറി ശ്രീ ടി വി സുഭാഷ് റിപ്പോർട്ട് അവതരിപ്പിച്ചു. പാനൂർ ബ്ലോക്ക് പഞ്ചായത്ത് സ്റ്റാന്റിംഗ് കമ്മിറ്റി ചെയർമാൻ ശ്രീ രമേശ് കണ്ടോത്ത്, തലശ്ശേരി വിദ്യാഭ്യാസ ജില്ല ഓഫീസർ ശ്രീമതി അംബിക എ പി, മുൻ പ്രധാനാധ്യാപിക ശ്രീമതി ജ്യോതി കേളോത്ത്, ശ്രീ കെ.വി പവിത്രൻ, ശ്രീ എം പി അരവിന്ദാക്ഷൻ ശ്രീ പൊന്ന്യം കൃ ഷണൻ, ശ്രീ ബഷീർ ചെറിയാണ്ടി, ശ്രീ കെ വി രജീഷ് പ്രിൻസിപ്പൽ ശ്രീമതി അനിത എസ്, ഹെഡ്മാസ്റ്റർ ശ്രീ പ്രകാശൻ കർത്താ, ശ്രീ പി പ്രമോദ് മാസ്റ്റർ സ്റ്റാഫ് സെക്രട്ടറി ശ്രീ കെ പി ജയരാജൻ മാസ്റ്റർ എന്നിവർ ചടങ്ങിൽ സംസാരിച്ചു.
സ്കൂൾ തുറന്നപ്പോൾ
നൂറിൻ്റെ നിറവിൽ കതിരൂർ ഗവ.വൊക്കേഷണൽ ഹയർ സെക്കണ്ടറി സ്കൂൾ നീണ്ട ഇടവേളക്കുശേഷം കേരളപ്പിറവി ദിനത്തിൽ തുറന്നപ്പോൾ മധുരം നല്കി കുട്ടികളെ സ്വീകരിച്ചു. കൊല്ലം ജില്ലാ വിദ്യാഭ്യാസ ഓഫീസറായിരുന്ന ശ്രീമതി ജ്യോതി കേളോത്ത് പ്രവേശനോത്സവം ഉദ്ഘാടനം ചെയ്തു. പ്രിൻസിപ്പൽ ശ്രീമതി അനിത എസ് സ്വാഗതം പറഞ്ഞു. പാനൂർ ബ്ലോക്ക് പഞ്ചായത്ത് വൈസ് പ്രസിഡണ്ട് ശ്രീമതി ടി ടി റംല അധ്യക്ഷത വഹിച്ചു.ശ്രീ രമേശൻ കണ്ടോത്ത് മുഖ്യാതിഥിയായി. ശ്രീമതി റംസീന, ശ്രീ സുരേഷ് പുത്തലത്ത്, എച്ച് എം ശ്രീ പ്രകാശൻ കർത്താ, ശ്രീ പ്രമോദൻ പി, ശ്രീ ജയരാജൻ കെ പി എന്നിവർ ആശംസയർപ്പിച്ച് സംസാരിച്ചു. തുടർന്ന് അധ്യാപകകരുടെയും രക്ഷിതാക്കളുടെയും കുട്ടികളുടെയും കലാവിരുന്നും പ്രവേശനോത്സവത്തിന് ചാരുതയേകി.
നവംബർ ഒന്നിന് സ്ക്കൂൾ തുറക്കുന്നതിൻ്റെ മുന്നൊരുക്കങ്ങളുടെ ഭാഗമായി കതിരൂർ ഗവ: വൊക്കേഷണൽ ഹയർ സെക്കണ്ടറി സ്കൂളിൽ ശുചീകരണ പ്രവർത്തനങ്ങൾക്ക് ഒക്ടോബർ രണ്ട് ഗാന്ധിജയന്തി ദിനത്തിൽ തുടക്കം കുറിച്ചു. ശുചീകരണ പ്രവർത്തനങ്ങളുടെ ഉദ്ഘാടനം കതിരൂർ ഗ്രാമപഞ്ചായത്ത് പ്രസിഡണ്ട് ശ്രീ സനൽ പി പി ഉദ്ഘാടനം ചെയ്തു. പിടിഎ പ്രസിഡണ്ട് ശ്രീ സുരേഷ് ബാബു പുത്തലത്ത് അദ്ധ്യക്ഷത വഹിച്ച ചടങ്ങിന് ഹെഡ് മാസ്റ്റർ ശ്രീ പ്രകാശൻ കർത്താ സ്വാഗതം പറഞ്ഞു.വിദ്യാലയ പരിസരം, ലാബ്, ലൈബ്രറി, ശൗചാലയം എന്നിവ ശുചീകരിച്ചു.എൻ സി സി, എൻ എസ് എസ് ,ഗൈഡ്സ് , ഹൈസ്കൂൾ, ഹയർ സെക്കണ്ടറി, വൊക്കേഷണൽ ഹയർ സെക്കണ്ടറി വിഭാഗങ്ങളിലെ മുഴുവൻ അധ്യാപകരും അധ്യാപകേതര ജീവനക്കാരും, സന്നദ്ധ പ്രവർത്തകരും ശുചിത്വ യജ്ഞത്തിൽ പങ്കാളികളായി.
ചാന്ദ്രദിനാഘോഷം
കതിരൂർ: ശതാബ്ദി വർഷത്തിൽ ജിവിഎച്ച്എസ്എസ് കതിരൂർ ചാന്ദ്രദിനാഘോഷം സമുചിതമായി ആഘോഷിച്ചു. ഓൺലൈനായി സംഘടിപ്പിച്ച ചാന്ദ്രദിനാഘോഷ പരിപാടി കണ്ണർ എഞ്ചിനിയറിംഗ് കോളേജ് അസിസ്റ്റൻ്റ് പ്രൊഫസർ ശ്രീ സുകേഷ് ഉദ്ഘാടനം ചെയ്തു.സ്ക്കൂൾ ഹെഡ്മാസ്റ്റർ ശ്രീ പ്രകാശൻ കർത്താ ചടങ്ങിൽ അധ്യക്ഷം വഹിച്ചു. മുൻ ഹെസ്മിസ്ട്രസ്സും കൊല്ലം ഡി ഇ ഒ യുമായിരുന്ന ശ്രീമതി ജ്യോതി കേളോത്ത് വിശിഷ്ടാതിഥിയായിരുന്നു. പി ടി എ പ്രസിഡണ്ട് ശ്രീ സുരേഷ് ബാബു പുത്തലത്ത്, ദേശീയ അധ്യാപക അവാർഡ് ജേതാവ് ശ്രീ ശിവ കൃഷ്ണൻ കെ.എം, അധ്യാപകരായ ശ്രീ പ്രജോഷ് എ.കെ, ശ്രീ ജയരാജൻ കെ.പി, ശ്രീ അനിൽ കുമാർ, ശ്രീമതി ഷംന എം.ടി.കെ എന്നിവർ ചടങ്ങിൽ സംസാരിച്ചു.
ജൂലൈ പതിനേഴ് മുതൽ സയൻസ് ക്ലബ്ബിൻ്റെ നേതൃത്വത്തിൽ ആരംഭിച്ച വിവിധ പരിപാടികളുടെ വിജയികളെ ചടങ്ങിൽ പ്രഖ്യാപിക്കുകയും അഭിനന്ദിക്കുകയും ചെയ്തു. കുട്ടികൾ 'കല്പന ചൗള ഒരു അഗ്നിനക്ഷത്രം' ഡോക്യുമെൻററി അവതരിപ്പിച്ചു. ഇ-ആൽബം, ഡോക്യുമെൻ്ററി നിർമാണo, ക്വിസ്, പെയിൻ്റിംഗ് എന്നീ മത്സരങ്ങൾ സംഘടിപ്പിച്ചു.
നൂറിൻ് നിറവിൽ നൂറുമേനി
കതിരൂർ ഗവ: വൊക്കേഷണൽ ഹയർ സെക്കണ്ടറി സ്കൂളിന് SSLC പരീക്ഷയിൽ നൂറു ശതമാനം വിജയം. പരീക്ഷയെഴുതിയ 279 പേരിൽ 96 പേർ A + നേടി. ശതാബ്ദി വർഷത്തിൽ നേടിയ നൂറുമേനി ഏറെ പ്രാധാന്യം അർഹിക്കുന്നു. പി ടി എ യുടെയും അധ്യാപകരുടെയു൦ കൂട്ടായ്മയുടെ വിജയം കൂടിയാണിത്'.
കതിരൂർ ഗവൺമെൻറ് ഹയർ സെക്കൻഡറി സ്കൂൾ സമ്പൂർണ്ണ ഡിജിറ്റൽ വിദ്യാലയം പ്രഖ്യാപനം
കതിരൂർ ഗവ ഹയർ സെക്കൻഡറി സ്കൂൾ സമ്പൂർണ ഡിജിറ്റൽ വിദ്യാലയമായി പ്രഖ്യാപിച്ചു. സന്നദ്ധസംഘടനകൾ, പൂർവവിദ്യാർത്ഥികൾ, എൻ.സി.സി , എസ്.പി.സി വിദ്യാർത്ഥികളുടെ രക്ഷിതാക്കൾ, സ്കൂൾ അധ്യാപകർ, സഹകരണബാങ്ക്,അധ്യാപക സ൦ഘടകൾ, വിദ്യാർത്ഥി സംഘടനകൾ, യുവജന സംഘടനകൾ അഭ്യുതയകാ൦ഷികൾ എന്നിവർ കുട്ടികൾക്കാവശ്യമായ ഡിജിറ്റൽ ഉപകരണങ്ങൾ ഉറപ്പുവരുത്തി. പൊതു സമൂഹം മുഴുവനും കൈകോർത്തപ്പോൾ ഓൺലൈൻ പഠന സൗകര്യം ഇല്ലാത്ത മുഴുവൻ കുട്ടികളെയും പഠന വഴിയിൽ നിർത്താൻ സാധിച്ചു. സമ്പൂർണ്ണ ഡിജിറ്റൽ വിദ്യാലയമായി അഡ്വക്കേറ്റ് എ. എൻ ഷംസീർ എ൦. എൽ. എ പ്രഖ്യാപിച്ചു. കതിരൂർ ഗ്രാമപഞ്ചായത്ത് പ്രസിഡണ്ട് ശ്രീ സനൽ പി.പി അധ്യക്ഷനായി. തദവസരത്തിൽ ഗിഫ്റ്റഡ് ചിൽഡ്രൻ വിദ്യാർഥികൾക്കായി പുസ്തകവിതരണം ജില്ലാ പഞ്ചായത്ത് മെമ്പർ ശ്രീ മുഹമ്മദ് അഫ്സൽ നിർവഹിച്ചു. സ്കൂൾ എൻ.സി.സി യൂണിറ്റ്, 1992 എസ്.എസ്.എൽ.സി ബാച്ച് വിദ്യാർഥികൾ എന്നിവരുടെ കൂട്ടായ്മയിൽ 1992 ബാച്ച് വിദ്യാർത്ഥിയായ റജീഷ് പി.കെ സ൦ഘടിപ്പിച്ച് കൈമാറിയ 10 ഫോണുകൾ ഡിജിറ്റൽ പ്രഖ്യാപന വേളയിൽ രക്ഷിതാക്കൾക്ക് കൈമാറി. ഡി.വൈ.എഫ് ഐ കതിരൂർ മേഖലാ കമ്മറ്റി സ്കൂളിന് നൽകുന്ന ഫോണുകൾ സെക്രട്ടറി കെ.മർഫാൻ, പ്രസിഡണ്ട് ലിജിൻ തിലക് എന്നിവർ ചേർന്ന് ഡി.ഇ.ഒ എ.പി.അംബികക്ക് കൈമാറി. പി.ടി.എ പ്രസിഡണ്ട് ശ്രീ പുത്തലത്ത് സുരേഷ് ബാബു, തലശ്ശേരി ഡി. ഇ. ഒ ശ്രീമതി എ.പി അംബിക , ഹയർ സെക്കൻഡറി പ്രിൻസിപ്പൽ ശ്രീമതി എസ്സ് അനിത, വി.എച്ച്.എസ്.ഇ പ്രിൻസിപ്പൽ ശ്രീമതി ഹീര ജോഷി , തലശ്ശേരി നോർത്ത് ബി.പി.സി ശ്രീ ജലചന്ദ്രൻ, സ്റ്റാഫ് സെക്രട്ടറി ശ്രീ കെ.പി ജയരാജൻ എന്നിവർ ചടങ്ങിൽ സംസാരിച്ചു. ജാഗ്രതാ സമിതി നോഡൽ ഓഫീസർ ശ്രീ സുശാന്ത് ചടങ്ങിൽ നന്ദി പറഞ്ഞു.
എസ്സ്.പി.സി യൂണിറ്റ് ഉദ്ഘാടനം - ജി.വി.എച്ച്.എസ്സ്.എസ്സ് കതിരൂർ
ഗവ.വൊക്കേഷണൽ ഹയർ സെക്കൻ്ററി സ്കൂളിൽ പുതുതായി അനുവദിച്ച എസ്സ്.പി.സി യൂണിറ്റ് ഉദ്ഘാടനം ബ്ലോക്ക് പഞ്ചായത്ത് പ്രസിഡൻ്റ് ശ്രീമതി. എ. ശൈലജയുടെ അദ്ധ്യക്ഷതയിൽ ചേർന്ന' യോഗത്തിൽ ബഹു. കണ്ണൂർ സിററി പോലീസ് കമ്മീഷണർ ശ്രീ.ആർ. ഇളങ്കോ ഐ.പി.എസ്സ് അവർകൾ നിർവ്വഹിച്ചു. അഡ്വ. എ.എൻ.ഷംസീർ MLA വിശിഷ്ടാതിഥിയായ ചടങ്ങിൽ പി.ടി.എ പ്രസിഡണ്ട് ശ്രീ.സുരേഷ് ബാബു പുത്തലത്ത് സ്വാഗതം പറഞ്ഞു. ACPO ശ്രീമതി ജീജ പ്രമുഖ വ്യക്തികളെ അനുസ്മരിച്ചു. DYSP ശ്രീ.കെ.വി. വേണുഗോപാൽ ഹെഡ്മിസ്ട്രസ്സ് ശ്രീമതി ജ്യോതി കേളോത്തിന് പതാക കൈമാറി. കതിരൂർ പഞ്ചായത്ത് പ്രസിഡണ്ട് ശ്രീ പി.പി സനൽ വിവിധ പരിപാടികളിൽ വിജയിച്ച എസ്സ്.പി.സി കേഡറ്റുകൾക്ക് സമ്മാനദാനം നൽകി. കതിരൂർ എസ്സ്.ഐ ശ്രീ. അഭിലാഷ് കെ.സി ദൗത്യ പ്രഖ്യാപനം നടത്തി. പഞ്ചായത്ത് സ്റ്റാൻ്റിങ്ങ് കമ്മിറ്റി ചെയർപേഴ്സൺ ശ്രീമതി. റംസീന കെ.പി, ബി.പി.സി.ഒ ശ്രീ.ജലചന്ദ്രൻ സി, അസി. സ്റ്റേഷൻ ഓഫീസർ ശ്രീ.ശശിധരൻ, സി പി ഒ ശ്രീ. റിജീഷ്, എൻ.സി.സി ഓഫീസർ ശ്രീ പ്രശാന്ത്, സ്റ്റാഫ് സെക്രട്ടറി ശ്രീ ജയരാജൻ എന്നിവർ സംസാരിച്ചു.
പാനൂർ ബ്ലോക്ക് പഞ്ചായത്ത് ജി.വി.എച്ച്. എസ്സ്. എസ്സ് കതിരൂരിന് അനുവദിച്ച ഡസ്ക്കിൻ്റെയും ബെഞ്ചിൻ്റെയും കൈമാറ്റം ബ്ലോക്ക് പഞ്ചായത്ത് പ്രസിഡണ്ട് ശ്രീ. സനൽ നിർഹിച്ചു .പി.ടി.എ പ്രസിണ്ട് ശ്രീ.സുരേഷ് പുത്തലത്ത് അദ്ധ്യക്ഷത വഹിച്ച ചടങ്ങിൽ ഹെഡ്മിസ്സ്സ് ജോതി കേളോത്ത് സ്വാഗതവും ബ്ലോക്ക് പഞ്ചായത്ത് വൈസ് പ്രസിഡണ്ട് ഷിമി, സ്റ്റാൻ്റിങ്ങ് കമ്മിറ്റി ചെയർപേഴ്സൻ സംഗീത, തലശ്ശേരി നോർത്ത് ബി.പി.സി ജലചന്ദ്രൻ, സുശാന്ത് എന്നിവർ സംസാരിക്കുകയും ചെയ്തു.
ലോകത്തിലെ വിവിധ രാജ്യങ്ങളിലെ വിദ്യാർത്ഥികളെ പങ്കെടുപ്പിച്ച് നടത്തുന്ന ഇൻ്റർനാഷണൽ യൂത്ത് മാത്സ് ചാലഞ്ച് 2020 ക്വാളിഫിക്കേഷൻ റൗണ്ടിൽ പങ്കെടുത്ത് പ്രീ-ഫൈനൽ റൗണ്ടിലേക്ക് തിരഞ്ഞെടുക്കപ്പെട്ട ജി.വി.എച്ച്.എസ്സ്.എസ്സ് കതിരൂരിലെ ദേവിക എൻ. വിദ്യാർത്ഥികളിലെ മാത്സ് സ്കിൽ കണ്ടെത്തുക എന്ന ലക്ഷ്യത്തോടെ നടത്തുന്ന ഒരു ഇൻറർ നാഷണൻ ഓൺ ലൈൻ ഗണിത മത്സരമാണിത്. വേറ്റുമ്മൽ കുന്നുമ്മൽ ഹൗസിൽ പവിത്രൻ്റെയും ബിന്ദുവിൻ്റെയും മകളാണ്.
കതിരൂർ ഗവ: വൊക്കേഷനൽ ഹയർ സെക്കന്ററി സ്കൂൾ ഇനി പ്രാദേശിക വികസന സമിതികളുടെ കരുതലിൽ മുന്നേറും
പ്രാദേശിക വികസന സമിതിആദ്യ യോഗം പുല്യോട് സി.എച്ച്.നഗറിൽ ഗവ: എൽ.പി.സ്കൂളിൽ നടന്നു. ശ്രീ.എ.വി.രത്നകുമാർ രക്ഷിതാക്കൾക്കുള്ള മാർഗ്ഗ നിർദ്ദേശക ക്ലാസ്സ് എടുത്തു.ജി.വി.എച്ച് എസ്.എസ്.കതിരൂ രി ലെ വിദ്യാർത്ഥികൾ മലയാളം - ഇംഗ്ലീഷ് - ഹിന്ദി ഭാഷകളിലുള്ള കാവ്യാലാപനം, സ്കിറ്റ് ഉൾപ്പെടെയുള്ള കലാപരിപാടികൾ അവതരിപ്പിച്ചു. ലഹരിക്കെതിരെയും മൊബൈൽ ഫോണിന്റെ ദുരുപയോഗത്തിനെതിരെയും സന്ദേശം നൽകുന്ന സ്കിറ്റ് ഏറെ പ്രശംസ പിടിച്ച് പറ്റി.PTA പ്രസിഡണ്ട് പി.സുരേഷ് ബാബു അധ്യക്ഷത വഹിച്ചു. പ്രിൻസിപ്പാൾ സുപ്രഭ, ഹെഡ്മിസ്ട്രസ് ജ്യോതി കേളോത്ത്, അധ്യാപകരായ ഗംഗാധരൻ, സുശാന്ത് കെ, പ്രമോദ്, പ്രജോഷ്, ജലചന്ദ്രൻ , PTA വൈ. പ്രസിഡണ്ട് പി.പി.ശ്രീധരൻ, എന്നിവർ നേതൃത്വം നൽകി. സംഘാടക സമിതിക്ക് വേണ്ടി എം.ബിജു സ്വാഗതം പറഞ്ഞു.
ജിവിഎച്ച്എസ്എസ് കതിരൂരിൽ മുഴുവൻ കുട്ടികൾകുട്ടികൾക്കും സൈക്കിൾപരിശീലനം
കതിരൂർ ഗവൺമെൻറ് വൊക്കേഷണൽ ഹയർ സെക്കൻഡറി സ്കൂളിലെ മുഴുവൻ കുട്ടികളെയും സൈക്കിൾ പരിശീലിപ്പിക്കുന്നതീന്റെ ഉദ്ഘാടനം പാനൂർ ബ്ലോക്ക് പ്രസിഡൻറ്പഞ്ചായത്ത് ശ്രീ എൻ അനൂപ് നിർവഹിച്ചു. പാനൂർ ബ്ലോക്ക് പഞ്ചായത്ത് വൈസ് പ്രസിഡണ്ട് ശ്രീമതി കെ ഷിനിയുടെ അധ്യക്ഷതയിൽ ചേർന്ന യോഗത്തിൽ പിടിഎ പ്രസിഡണ്ട് ശ്രീ സുരേഷ് പുത്തലത്ത് സ്വാഗതവും ശ്രീ ജയരാജൻ കെ പി നന്ദിയും പറഞ്ഞു. സ്കൂൾ പ്രധാനാധ്യാപിക ശ്രീമതി ജ്യോതി കേളോത്ത് പദ്ധതി വിശദീകരണം നടത്തി. ശ്രീ കെ വി പവിത്രൻ, ശ്രീധരൻ സി സി, ഋഷികേശൻ എന്നിവർ ആശംസകൾ അർപ്പിച്ചു. മുഴുവൻ വിദ്യാർത്ഥികളെയും സൈക്കിൾ ഓടിക്കാൻ പ്രാപ്തരാക്കുക എന്നതാണ് ലക്ഷ്യം
കുട്ടികൾക്ക് സമ്പൂർണ നീന്തൽ പരിശീലനം
കതിരൂർ: കതിരൂർ ഗവൺമെൻറ് വൊക്കേഷണൽ ഹയർ സെക്കൻഡറി സ്കൂൾ , കതിരൂർ പഞ്ചൊയത്തിലെ അക്വൊറ്റിക്ക് ക്ലബ്ബിൻറെ സഹകരണത്തൊടെ വിദ്യാലയത്തിലെ മുഴുവൻ കുട്ടികളെയും നീന്തൽ പഠിപ്പിക്കുന്നതിന്റെ ഔപചൊരിക ഉദ്ഘാടനം ശ്രീ രാംകുമാർ നിർവ്വഹിച്ചു. നീന്തൽ പഠനത്തിലൂടെ കുട്ടികൾക്ക് ആത്മവിശ്വൊസവും കൊയികക്ഷതയും കൈവരിക്കൊനൊകുമെന്നും ഇത് പഠനത്തെ സഹൊയിക്കുമെന്നും അധ്യൊപകർ സൊക്ഷ്യപ്പെടുത്തുകയും ഉണ്ടൊയി. സൂര്യ നാരായണ ക്ഷേത്രം ചിറയിൽ എല്ലൊ സൗകര്യങ്ങളും ഒരുക്കി ക്ഷേത്രഭരണസമിതിയും വലിയ സഹൊയമാണ് പദ്ധതി നൽകിവരുന്നത്. പരിശീലനം സിദ്ധിച്ച പുരുഷവനിതൊ പരിശീലകരുടെ നിസ്വാർത്ഥമായ സേവനം രാവിലെ അഞ്ചര മുതൽ ലഭ്യമാക്കുന്നു.ചടങ്ങിൽപഞ്ചായത്ത് സ്റ്റാൻഡിങ് കമ്മിറ്റി ചെയർപേഴ്സൺ ശ്രീമതി സംഗീത അധ്യക്ഷത വഹിച്ച. യോഗത്തിൽ സ്കൂൾ ഹെഡ്മിസ്ട്രസ് ശ്രീമതി ജ്യോതി കേളോത്ത് പദ്ധതി വിശദീകരിച്ചു. വൊർഡ് മെമ്പർ ശ്രീമതി ശൈലജ, ശ്രീ ജലചന്ദ്രൻ എന്നിവർ ആശംസകൾ നേർന്നു. പി ടി എ പ്രസിഡണ്ട് പറഞ്ഞു ശ്രീ സുരേഷ് പുത്തലത്ത് സ്വാഗതവും ശ്രീ ഗംഗാധരൻ നന്ദിയും പറഞ്ഞു.
2019-2020 അദ്ധ്യയനവർഷം
2020 ഫിബ്രവരി : പഠനോത്സവം 2019-2020 വർഷത്തെ പഠനോത്സവം നമ്മുടെ വിദ്യാലയത്തിലെ വിദ്യാർത്ഥിയും വിവിധ മേഖലകളിൽ തന്റെ പ്രതിഭ തെളിയിച്ച കുമാരി.അശ്വിനി ഉദ്ഘാടനം ചെയ്തു. തുടർന്ന് വിദ്യാർത്ഥികളുടെമ വിവിധ കലാ പരിപാടികൾ അരങ്ങേറി.
2020 ജനുവരി:പ്രാദേശിക പി.ടി.എ യോഗം
അന്താരാഷ്ട്ര നിലവാരത്തിലേക്ക് ഉയർത്തപ്പെടുന്ന കതിരൂർ ഗവ: വൊക്കേഷനൽ ഹയർ സെക്കന്ററി സ്കൂൾ നടത്തിയ മൂന്ന് പ്രാദേശിക പി.ടി. യോഗങ്ങളിൽ ആദ്യ യോഗം പുല്യോട് സി.എച്ച്. നഗറിൽ ഗവ:എൽ.പി.സ്കൂളിൽ നടന്നു. ശ്രീ.എ.വി.രത്നകുമാർ രക്ഷിതാക്കൾക്കുള്ള മാർഗ്ഗ നിർദ്ദേശക ക്ലാസ്സ് എടുത്തു. ജി.വി.എച്ച്.എസ്.എസ് കതിരൂരിലെ വിദ്യാർത്ഥികൾ മലയാളം - ഇംഗ്ലീഷ് - ഹിന്ദി ഭാഷകളിലുള്ള കാവ്യാലാപനം, സ്കിറ്റ് ഉൾപ്പെടെയുള്ള കലാപരിപാടികൾ അവതരിപ്പിച്ചു. ലഹരിക്കെതിരെയും മൊബൈൽ ഫോണിന്റെ ദുരുപയോഗത്തിനെതിരെയും സന്ദേശം നൽകുന്ന സ്കിറ്റ് ഏറെ പ്രശംസ പിടിച്ച് പറ്റി. PTA പ്രസിഡണ്ട് പി.സുരേഷ് ബാബു അധ്യക്ഷത വഹിച്ചു. പ്രിൻസിപ്പാൾ സുപ്രഭ, ഹെഡ്മിസ്ട്രസ് ജ്യോതി കേളോത്ത്, അധ്യാപകരായ ഗംഗാധരൻ, സുശാന്ത് കെ, പ്രമോദൻ, പ്രജോഷ്, ജലചന്ദ്രൻ, PTA വൈസ്സ് പ്രസിഡണ്ട് പി.പി.ശ്രീധരൻ എന്നിവർ നേതൃത്വം നൽകി. സംഘാടക സമിതിക്ക് വേണ്ടി എം.ബിജു സ്വാഗതം പറഞ്ഞു.
2020 ജനുവരി: മികച്ച ജൈവ വൈവിധ്യ പാർക്കിനുള്ള അംഗീകാരം
വിദ്യാലയം അടിമുടി മാറുകയാണ്. വിദ്യാലയങ്ങളുടെ ഭൗതികസാഹചര്യം മാറി. ഒാടിട്ട കെട്ടിടങ്ങൾക്ക് പകരം കോൺക്രീറ്റ് കെട്ടിടങ്ങൾ അന്താരാഷ്ട്ര നിലവാരത്തിലേക്കുയരുന്ന ക്ലാസുമുറികൾ. ഭൗതിക സാഹചര്യങ്ങൾ മാറുമ്പോഴും പഴമയെ സംരക്ഷിക്കാനും ചെടികളും വൃക്ഷങ്ങളും നിലനിർത്തി പരിസ്ഥിതി സൗഹൃദമായ ഒരു വിദ്യാലയ അന്തരീക്ഷം സൃഷ്ടിക്കാനും നമുക്ക് കഴുയുന്നു. ജൈവവൈവിധ്യങ്ങളുടെ കേന്ദ്രമാണ് ഈ വിദ്യാലയം. ഈ വൈവിധ്യങ്ങൾ വളരെ കരുതലോടെ സംരക്ഷിക്കുന്നതിൽ ഓരോരുത്തരും ശ്രദ്ധാലുക്കളാണ്. ഇതിന് നല്ലൊരുദാഹരണമാണ് നമ്മുടെ ജൈവവൈവിധ്യ പാർക്ക്. മികച്ച ഓരു ജൈവ വൈവിധ്യ പാർക്ക് സജ്ജമാക്കാൻ നമുക്ക് സാധച്ചിട്ടുണ്ട്. ജില്ലയിലെ മികച്ച രണ്ടാമത്തെ ജൈവ വൈവിധ്യ പാർക്കിനുള്ള അംഗീകാരം നമുക്ക് ലഭിക്കുകയുണ്ടായി.
2020 ജനുവരി :സൗരോർജ നിലയത്തിന്റെ ഉദ്ഘാടനം
കണ്ണൂർ ജില്ലാ പഞ്ചായത്തിന്റെ സഹകരണത്തോടെ ജി.വി.എച്ച്.എസ്സ്.എസ്സ് കതിരൂരിൽ സ്ഥാപിച്ച സൗരോർജ നിലയത്തിന്റെ ഉദ്ഘാടനം ബഹു.ജില്ലാ പഞ്ചായത്ത് പ്രസിഡൻറ് കെ.വി.സുമേഷ് നിർവഹിച്ചു. കതിരൂർ പഞ്ചായത്ത് പ്രസിഡന്റ് ശ്രീമതി എം. ഷീമ്പ അദ്ധ്യക്ഷത വഹിച്ച ചടങ്ങിൽ സംസ്ഥാന കാ കായികമേളയിൽ വിജയം നേടിയ പ്രതിഭകളെ ജില്ലാ പഞ്ചായത്ത് വിദ്യാഭ്യാസ സ്റ്റാന്റിംഗ് കമ്മറ്റി ചെയർമാൻ ശ്രീ.ജയപാലൻ മാസ്റ്റർ അനുമോദിച്ച് ഉപഹാരങ്ങൾ നൽകി. ചടങ്ങിൽ സ്കൂൾ പ്രിൻസിപ്പൽ ശ്രീമതി സുപ്രഭ .പി .കെ സ്വാഗതവും സുശാന്ത് കൊല്ലറക്കൽ (സ്റ്റാഫ് സെക്രട്ടറി) നന്ദിയും പറഞ്ഞു. ആശംസ നേർന്ന് കൊണ്ട് കെ. എസ്.ഇ.ബി.അസി.എക്സിക്യൂട്ടീവ് എഞ്ചിനിയർ വിഷ്ണു പ്രഭു, ജില്ലാ പഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർപെഴ്സൻ ടി.ടി. റംല, എച്ച് എം ശ്രീമതി. ജ്യോ തി കേളോത്ത്, പി.ടി എ.പ്രസിഡന്റ് സുരേഷ് പുത്തലത്ത്, വി എച്ച്.എസ് .ഇ പ്രിൻസിപ്പൽ. ഹീര.കെ.എസ്, സംഗീത.എ, കെ.വി.പവിത്രൻ എന്നിവർ സംസാരിച്ചു.
2020 ഡിസംമ്പർ:അടൽ ടിങ്കറിംങ്ങ് ലാബ്
പൊതു വിദ്യാഭ്യാസ സംരക്ഷണത്തിന്റെ ഭാഗമായി ഗവ.വൊക്കേഷണൽ ഹയർ സെക്കണ്ടറി സ്കൂൾ കതിരൂരിൽ വൈവിധ്യങ്ങളായ പ്രവർത്തനങ്ങൾ നടന്നുവരികയാണ്. നീതി ആയോഗ് നടപ്പിലാക്കുന്ന കേന്ദ്ര പദ്ധതിയായ അടൽ ടിങ്കറിംങ്ങ് ലാബ് നമ്മുടെ വിദ്യാലയത്തിൽ ഈ വർഷം ആരംഭിച്ചിരിക്കയാണ്. 6 മുതൽ12 വരെ ക്ലാസ്സുകളിൽ പഠിക്കുന്ന വിദ്യാർത്ഥികളിൽ സർഗ്ഗാത്മകയും, ജിഞ്ജാസയും, കമ്പ്യൂട്ടേഷണൽ ചിന്തയും ഉയർത്തുക എന്ന ലക്ഷ്യത്തോടെ ആരംഭിച്ച ഈ പദ്ധതിയിൽ റോബോട്ടിക്സ്, 3D പ്രിന്റിങ്ങ്, IOT മുതലായവയിൽ പരിശീലനം നല്കി വരുന്നു
2020 ഡിസംമ്പർ: പ്രതിഭകൾക്കൊപ്പം
പ്രതിഭകൾക്കൊപ്പം എന്ന പരിപാടിയിൽ മുൻ ചിത്രകല അധ്യാപകനും ദേശീയ അധ്യാപക അവാർഡ് ജേതാവായ ശ്രീ. ശിവകൃഷ്ണൻ മാഷിനോടൊപ്പം.പ്രമുഖ കളരി അഭ്യാസിയായ സദാനന്ദ൯ ഗുരുക്കളുമായി സംവദിച്ചു.
2019 നവംമ്പർ : ജി.വി.എച്ച്.എസ്സ്.എസ്സ് കതിരൂരിൽ മുഴുവൻ കുട്ടികൾകുട്ടികൾക്കും സൈക്കിൾപരിശീലനം
കതിരൂർ ഗവൺമെൻറ് വൊക്കേഷണൽ ഹയർ സെക്കൻഡറി സ്കൂളിലെ മുഴുവൻ കുട്ടികളെയും സൈക്കിൾ പരിശീലിപ്പിക്കുന്നതീന്റെ ഉദ്ഘാടനം പാനൂർ ബ്ലോക്ക് പഞ്ചായത്ത് പ്രസിഡന്റ് ശ്രീ എൻ അനൂപ് നിർവഹിച്ചു. പാനൂർ ബ്ലോക്ക് പഞ്ചായത്ത് വൈസ് പ്രസിഡണ്ട് ശ്രീമതി കെ ഷിനിയുടെ അധ്യക്ഷതയിൽ ചേർന്ന യോഗത്തിൽ പിടിഎ പ്രസിഡണ്ട് ശ്രീ സുരേഷ് പുത്തലത്ത് സ്വാഗതവും ശ്രീ ജയരാജൻ കെ പി നന്ദിയും പറഞ്ഞു. സ്കൂൾ പ്രധാനാധ്യാപിക ശ്രീമതി ജ്യോതി കേളോത്ത് പദ്ധതി വിശദീകരണം നടത്തി. ശ്രീ കെ വി പവിത്രൻ, ശ്രീധരൻ സി സി, പി പി ഋഷികേശൻ എന്നിവർ ആശംസകൾ അർപ്പിച്ചു. മുഴുവൻ വിദ്യാർത്ഥികളെയും സൈക്കിൾ ഓടിക്കാൻ പ്രാപ്തരാക്കുക എന്നതാണ് ലക്ഷ്യം
2019 ജനുവരി 16:
മികച്ച പി ടി എ അവാർഡ് ജി.വി.എച്ച്.എസ് കതിരൂരിന് വിദ്യാഭ്യാസ ജില്ലയിൽ മികച്ച പി ടി എയ്ക്കുളള പുരസ്ക്കാരം ഇരുപത്തിയയ്യായിരം രൂപയും പ്രശസ്തി പത്രവും പി ടി എ പ്രസിഡന്റ് സുരേഷ് പുത്തലത്തും പ്രധാന അധ്യാപിക ശ്രീമതി ജ്യോതി കേളോത്തും ഡി ഇ ഒ ശശീന്ദ്രവ്യാസിന്റെ സാനിദ്യത്തിൽ ഏറ്റുവാങ്ങി.
2019 സപ്തമ്പർ: ഗോൾ - ഫുട്ബോൾ കോച്ചിങ്ങ് ഉദ്ഘാടനം
ജി.വി.എച്ച്.എസ് എസ് കതിരൂരിന്റെ ഫുട്ബോൾ കോച്ചിങ് പദ്ധതിയായ 'ഗോൾ' ജില്ലാ പഞ്ചായത്ത് വൈസ് പ്രസിണ്ടന്റ് പി.പി ദിവൃ ഉദ്ഘാടനം ചെയ്തു. പി.ടി.എ പ്രസിണ്ടന്റ് സുരേഷ് പുത്തലത്ത് അധ്യക്ഷത വഹിച്ചു. പി.പി സനൽ (പഞ്ചായത്ത് വൈസ് പ്രസിണ്ടന്റ്) ജ്യോതി കേളോത്ത് (പ്രധാനാധ്യാപിക) ജലചന്ദ്രൻ.സി (കൺവീനർ) ഗംഗാധരൻ.ഇ (കോ-ഓഡിനേറ്റർ) എന്നിവർ ആശംസകൾ അർപ്പിച്ചു. അനിൽകുമാർ.എൻ സ്വാഗതവും സുശാന്ത് കൊല്ലറക്കൽ നന്ദിയും പറഞ്ഞു.
2019 സപ്തമ്പർ:
സ്കൂൾ കുട്ടികൾക്ക് സമ്പൂർണ നീന്തൽ പരിശീലനം
കതിരൂർ ഗവൺമെൻറ് വൊക്കേഷണൽ ഹയർ സെക്കൻഡറി സ്കൂൾ, കതിരൂർ പഞ്ചൊയത്തിലെ അക്വൊറ്റിക്ക് ക്ലബ്ബിൻറെ സഹകരണത്തൊടെ വിദ്യാ ലയത്തിലെ മുഴുവൻ കുട്ടികളെയും നീന്തൽ പഠിപ്പിക്കുന്നതിന്റെ ഔപചാരിക ഉദ്ഘാടനം ശ്രീ രാംകുമാർ നിർവ്വഹിച്ചു. സൂര്യനൊരൊയണ ക്ഷേത്രം ചിറയിൽ എല്ലൊ സൗകര്യങ്ങളും ഒരുക്കി ക്ഷേത്ര ഭരണസിതിയും വലിയ സഹായമാണ് പദ്ധതിക്ക് നൽകി. പരിശീലനം സിദ്ധിച്ച പുരുഷ-വനിതൊ പരിശീലകരുടെ നിസ്വാർത്ഥമായ സേവനം ലഭിക്കുകയുണ്ടായി.
പഞ്ചായത്ത് സ്റ്റാൻഡിങ് കമ്മിറ്റി ചെയർപേഴ്സൺ ശ്രീതി സംഗീത അധ്യക്ഷത വഹിച്ച. യോഗത്തിൽ സ്കൂൾ ഹെഡ്മിസ്ട്രസ് ശ്രീതി ജ്യൊതി കേളോത്ത് പദ്ധതി വിശദീകരിച്ചു. കതിരൂർ പഞ്ചൊയത്തിലെ അക്വാറ്റിക്ക് ക്ലബ്ബ് സെക്രട്ടറി ശ്രീ ഋിഷികേശൻ, വാർഡ് മെമ്പർ ശ്രീതി ശൈലജ, ശ്രീ ജലചന്ദ്രൻ എന്നിവർ ആശംസകൾ നേർന്നു. പി ടി എ പ്രസിഡണ്ട് പറഞ്ഞു ശ്രീ സുരേഷ് പുത്തലത്ത് സ്വാഗതവും ശ്രീ.ഗംഗാധരൻ നന്ദിയും പറഞ്ഞു.
2019 ആഗസ്ത്:കളരി - കരാട്ടേ - യോഗ പരിശീലനോദ്ഘാടനം
ഗവ.വൊക്കേഷണൽ ഹയർ സെക്കണ്ടറി സ്കൂൾ കതിരൂരിൽ കളരി-കരാട്ടേ-യോഗ പരിശീലനങ്ങളുടെ ഉദ്ഘാടനം ടി.ടി റംല ( ജില്ലാ പഞ്ചായത്ത് ക്ഷേമകാര്യ സ്റ്റാൻറിങ്ങ് കമ്മിറ്റി ചെയർപേഴ്സൺ) നിർവ്വഹിച്ചു. എം. ഷീബ (പഞ്ചായത്ത് പ്രസിഡന്റ്) അധ്യക്ഷത വഹിച്ചു. ശ്രീ. ശശീന്ദ്രൻ ഗുരിക്കൾ (കളരി പയറ്റ് സംഘം ജില്ലാ പ്രസിഡന്റ്) മുഖ്യാതിഥിയായി. സദാനന്ദൻ ഗുരിക്കൾ, സുനിൽകുമാർ സി സുമേഷ് ചടയത്ത് എന്നിവർ സംസാരിച്ചു. സ്കൂളിലെ വിവിധ ക്ലബ്ബുകളുടെ ഉദ്ഘാടനവും നിർവ്വഹിക്കുകയുണ്ടായി. ജ്യോതി കേളോത്ത് സ്വാഗതവും ജലചന്ദ്രൻ സി നന്ദിയും പറഞ്ഞു
2019 ആഗസ്ത്:
സ്വാന്തനം പദ്ധതിയുടെ കൂത്തുപറമ്പ് ഗവ. ആശുപത്രിയിലെ ഡയാലിസ് യൂണിറ്റിന് 50 ബെഡ് ഷീറ്റൂകൾ നല്കിയപ്പോൾ
2019 ജൂലൈ:ബഷീർ അനുസ്മരണം
മലയാള സാഹിത്യ ലോകത്തെ സുൽത്താൻ വൈക്കം മുഹമ്മദ് ബഷീറിനോടുള്ള ആദരസൂചകമായി ജി.വി.എച്ച്.എസ്.എസ് കതിരൂരിലെ വിദ്യാർത്ഥികൾ അദ്ദേഹത്തിന്റെ വിഖ്യാത കഥാപാത്രങ്ങളെ അരങ്ങിലെത്തിച്ചു. പാത്തുമ്മയും, അബൂബക്കറും, മജീദും, ആനവാരി രാമൻനായരും, പൊൻകുരിശ് തോമായും, എട്ടു കാലി മമ്മൂഞ്ഞും കുട്ടികൾക്ക് നവ്യാനുഭവമായി. ഹെഡ്മിസ്ട്രസ് ജ്യോതി കേളോത്ത് ഉദ്ഘാടനവും, പി.വി റസീന അധ്യക്ഷതയും വഹിച്ചു. ജലചന്ദ്രൻ സി, ദേവദാസ് വി എന്നിവർ അനുസ്മരണ ഭാഷണം നടത്തി. ശ്രീമജ കെ സ്വാഗതവും ഇ ഗംഗാധരൻ നന്ദിയു൦ പറഞ്ഞു.
2019 ജൂലൈ:
ചാന്ദ്രദിനാഘോഷം
ജി.വി.എച്ച്.എസ്.എസ് കതിരൂർ വൈവിധ്യമാർന്ന പ്രവർത്തനങ്ങളുമായി ചാന്ദ്രദിനം ആചരിച്ചു.അജിത് കുമാർ കെ.ടി.കെ (ഹെഡ് എൻഞ്ചിനീയർ യു.എൽ.സി.സി ലിമിറ്റഡ്) ഉദ്ഘാടനം നിർവ്വഹിച്ചു. ജ്യോതി കേളോത്ത് (പ്രധാനാധ്യാപിക) അധ്യക്ഷത വഹിച്ചു. സുശാന്ത് കെ, ഗംഗാധരൻ ഇ, റസീന പി.വി എന്നിവർ ആശംസകൾ അർപ്പിച്ചു. പ്രജോഷ് എ.കെ സ്വാഗതവും ഷംന എം. ടി. കെ നന്ദിയും പറഞ്ഞു. വിദ്യാർത്ഥികൾ തയ്യാറാക്കിയ ചാന്ദ്രയാൻ 2 ന്റെ മാതൃക അവതരിപ്പിച്ചു. ചാന്ദ്രയാത്രകളുടെ വിപുലമായ പ്രദർശനം നടന്നു. വരദ .കെ, ആദി നാരായണൻ എന്നിവർ സെമിനാർ പേപ്പറുകൾ അവതരിപ്പിച്ചു. ചാന്ദ്രദിന പ്രശ്നോത്തരി നടത്തി. ആദ്യ ചാന്ദ്ര യാത്രികരുടെ അനുഭവങ്ങൾ കോർത്തിണക്കി ലഘു ശാസ്ത്ര നാടകവും അരങ്ങേറി. ചാന്ദ്രദിന പതിപ്പ് പ്രകാശനം ചെയ്തു. വിജയികൾക്ക് സമ്മാന വിതരണവും നടത്തി.
2019 ജൂൺ 26: ലഹരി വിരുദ്ധദിനാചരണം
ലഹരിക്കെതിരെ ക്ലാസ്‍തല ബോധവൽക്കരണ ക്ലാസും പ്രതിജ്ഞയ‍ും നടന്നു. കൂടാതെ കതിരൂർ ടൗണിൽ മനുഷ്യമതിൽ തീർക്കുകയും ഫ്ള്ഷ് മോബും സംഘടിപ്പിച്ചു
2019 ജൂൺപ്രവേശനോത്സവം
ഗവ. വൊക്കേഷണൽ ഹയർ സെക്കണ്ടറി സ്കൂൾ, കതിരൂരിലെ പ്രവേശനോത്സവം കണ്ണൂർ ജില്ലാ പഞ്ചായത്ത് വികസന കാര്യ സ്റ്റാൻറിങ്ങ് കമ്മിറ്റി ചെയർപേഴ്സൺ ശ്രീമതി ടി.ടി റംല ഉദ്ഘാടനം ചെയ്തു.ശാരി പി.ടി.എ പ്രസിണ്ടൻറ് ശ്രീ സുരേഷ് പുത്തലത്ത് അധ്യക്ഷത വഹിച്ചു. പ്രശസ്ത ഗായകൻ ശ്രീ എ.എൻ ദിലീപ് കുമാർ പൊതുവിദ്യാഭ്യാസ സംരക്ഷണ സന്ദേശം നൽകി. കതിരൂർ പഞ്ചായത്ത് പ്രസിണ്ടൻറ് ശ്രീമതി എം ഷീബ വിജയോത്സവത്തിന് നേതൃത്വം നൽകി. കതിരൂർ സർവ്വീസ് സഹകരണ ബാങ്ക് നിർധനരായ വിദ്യാർത്ഥികൾക്ക് നൽകുന്ന പഠനോപകരണങ്ങളുടെ ഉദ്ഘാടനം ബാങ്ക് പ്രസിണ്ടന്റ് കാരായി ബാലൻ നിർവഹിച്ചു.ജ്യോതി കേളോത്ത് (പ്രധാനാധ്യാപിക), പി.പി ശ്രീധരൻ (പി.ടി.എ വൈസ് പ്രസിണ്ടന്റ്) പി.പ്രമോദൻ (വി.എച്ച് എസ്.സി) എന്നിവർ ആശംസകൾ അർപ്പിച്ചു. പ്രിൻസിപ്പൽ സുപ്രഭ പി.കെ സ്വാഗതവും സ്റ്റാഫ് സെക്രട്ടറി സി.ജലചന്ദ്രൻ നന്ദിയും പറഞ്ഞു.
2018 - 19 അദ്ധ്യയനവർഷം
2019 ജനുവരി 25: നവീകരിച്ച കളരി ഉദ്ഘാടനം കതിരൂർ: കതിരൂർ ഗവ. ഹയർ സെക്കണ്ടറി സ്കൂളിൽ നവീകരിച്ച കളരിയുടെ ഉദ്ഘാടനം ജില്ലാ പഞ്ചായത്ത് പ്രസിണ്ടൻറ് കെ.വി സുമേഷ് ഉദ്ഘാടനം ചെയ്തു. കേരളത്തിൽ കളരിയുള്ള അപൂർവ്വം സ്കൂളുകളിൽ ഒന്നാണ് കതിരൂർ സ്കൂൾ എന്ന് അദ്ദേഹം ഓർമ്മിപിച്ചു. എസ്.എസ്.എ അനുവദിച്ച സയൻസ് പാർക്കിന്റെ ഉദ്ഘാടനം ജില്ല പഞ്ചായത്ത് വിദ്യാഭ്യാസ സ്റ്റാന്റിങ്ങ് കമ്മിറ്റി ചെയർമാൻ കെ.പി ജയ ബാലൻ നിർവ്വഹിച്ചു. കളരി - കരാട്ടെ - യോഗ പരിശീലന ഉദ്ഘാടനം ബ്ലോക്ക് പഞ്ചായത്ത് പ്രസിണ്ടൻറ് എ അനൂപ് നിർവ്വഹിച്ചു. ഫുട്ബോൾ ടീം ലോഞ്ചിങ്ങ് ജില്ല' പഞ്ചായത്ത് ക്ഷേമകാര്യ സ്റാന്റിങ്ങ് കമ്മിറ്റി ചെയർപേഴ്സൺ ടി.ടി റംല നിർവ്വഹിച്ചു. കതിരൂർ ഗ്രാമപഞ്ചായത്ത് പ്രസിണ്ടൻറ് എം. ഷീബ അധ്യക്ഷത വഹിച്ചു. ബ്ലോക്ക് പഞ്ചായത്ത് വൈസ് പ്രസിണ്ടൻറ് ഷിമി കെ, പഞ്ചായത്ത് വിദ്യാഭ്യാസ സ്റ്റാന്റിങ് കമ്മിറ്റി ചെയർപേഴ്സൻ ലഹിജ വി, വികസന സ്റ്റാൻറിങ്ങ് കമ്മിറ്റി ചെയർപേഴ്സൻ സംഗീത എ, ശ്രീജിത്ത് ചോയൻ, സുപ്രഭ പി.കെ, ഹീര കെ.എസ്, ജ്യോതി കേളോത്ത്, സദാശിവൻ ഗുരിക്കൾ, സുമേഷ് സി എന്നിവർ ആശംസകൾ അർപ്പിച്ച് സംസാരിച്ചു. പി.ടി.എ വൈസ് പ്രസിണ്ടൻറ് പി.പി ശ്രീധരൻ സ്വാഗതവും സി.ജലചന്ദ്രൻ നന്ദിയും പറഞ്ഞു.
2019 ജനുവരി 16: മികച്ച പി ടി എ അവാർഡ് ജി.വി.എച്ച്.എസ് കതിരൂരിന്
വിദ്യാഭ്യാസ ജില്ലയിൽ മികച്ച പി ടി എയ്ക്കുളള പുരസ്ക്കാരം ഇരുപത്തിയയ്യായിരം രൂപയും പ്രശസ്തി പത്രവും കൂത്തുപറമ്പ് നഗരസഭ ചെയർമാൻ ശ്രീ എം സുകുമാരനിൽ നിന്ന് പി ടി എ പ്രസിഡന്റ് സുരേഷ് പുത്തലത്തും പ്രധാന അധ്യാപിക ശ്രീമതി ജ്യോതി കേളോത്തും ഏറ്റുവാങ്ങി. ഡി ഇ ഒ ശശീന്ദ്രവ്യാസ് അധ്യക്ഷത വഹിച്ച ചടങ്ങിൽ കൂത്തുപറമ്പ് ഗവൺമെന്റ് ഹൈസ്കൂൾ എച്ച് എം ബാബു വി വി സ്വാഗതവും എച്ച് എം ഫോറം സെക്രട്ടറി സി.പി സുധീന്ദ്രൻ നന്ദിയുെ പറഞ്ഞു.
2018 സപ്തംമ്പർ 28:വാർഷിക രക്ഷാകർത്ത പൊതുയോഗവും എൻഡോവ്മെൻട് വിതരണവും
കതിരൂർ ഗവ.ഹയർ സെക്കണ്ടറി സ്കൂളിൻറെ വാർഷിക രക്ഷാകർത്ത പൊതുയോഗത്തിൽ വെച്ച് ടി.ടി.റംല (ജില്ല പഞ്ചായത്ത് സ്റ്റാൻറിങ്ങ് കമ്മിറ്റി ചെയര്പേഴ്സൺ)കുട്ടികൾക്ക് എൻഡോവ്മെന്റ് വിതരണം ചെയ്തു.എം.പി.ദേവു അമ്മ സ്മാരക എൻഡോവ്മെന്റും ദേവകീറാം എൻഡോവ്മെന്റും പ്ലസ് വൺ വിദ്യാത്ഥിനി മാളവിക രാജേഷ് ഏറ്റുവാങ്ങി. ബാലകഷ്ണൻ നമ്പ്യാർ എൻഡോവ്മെന്റ് പത്താംതരം വിദ്യാർത്ഥിനി അഥീന എ യും ഏറ്റുവാങ്ങി. വി.എം.വേണു അധ്യക്ഷനായി. ശ്രീജിത്ത് ചോയൻ, സുപ്രഭ പി.കെ, ഹീ ര കെ.എസ്, ജ്യോതി കേളോത്ത്, ടി.എം.ശശി, ജലചന്ദ്രൻ സി എന്നിവർ സംസാരിച്ചു. പി.ടി.എ പ്രസിഡണ്ടന്റായായി സുരേഷ് പുത്തലത്തിനേയും വൈസ് പ്രസിഡന്റായി പി.പി.ശ്രീധരനേയും തെരഞ്ഞെടുത്തു.
2018 സപ്തംമ്പർ 8: വാർത്താവയന മത്സരം
തലശ്ശേരി നോർത്ത് സബ്ജില്ലാതല വാർത്താവയന മത്സരത്തിൽ ഹയർ സെക്കന്ററി വിഭാഗത്തൽ പ്ലസ്സ് വണ്ണിലെ ആര്യനന്ദ ഓന്നാം സ്ഥാനം നേടി
2018 സപ്തംമ്പർ 5: അധ്യാപകദിനം
അധ്യാപകദിനത്തിൽ എച്ച്.എസ്സ്, എച്ച്.എസ്സ്, എസ്സ്, വി.എച്ച്.എസ്സ്.ഇ വിഭാഗത്തിലെ പ്രഥമാധ്യാപകരെ കുട്ടികൾ പൊന്നട അണിയിച്ച് ആദരിച്ചു
2018 ആഗസ്റ്റ് 30: നാഷണൽ സയൻസ് സെമിനറ‍‍ിനാർ
നാഷണൽ സയൻസ് സെമിനറ‍‍ിനാജി്ല്ലാതല മത്സരത്തില‍്‍ നമ്മുടെ വിദ്യാലയത്തിലെ സൂര്യ.എൻ കുട്ടി എന്ന മികച്ച പ്രകടനം കാഴ്ചവെച്ചു. സ്കൾ സ്കൂൾ സയൻസ് ക്ലബിന്റെ ആഭിമുഖ്യത്തിൽ നടന്ന അനുമോദന ചടങ്ങിൽ നാഷണൽ അവാർഡ് ജേതായ ശ്രീ.കെ എം ശിവകൃഷ്ണൻ മാസ്റർ സമ്മാനദാനം നിർവ്വഹിച്ചു.
2018 ആഗസ്റ്റ് 23: ദുരിത ബാധിതർക്ക് കൈതാങ്ങ്
കതിരൂർ വൊക്കേഷണൽ ഹയർ സെക്കന്ററി സ്കൂളിലെ ഹയർ സെക്കന്ററി വിഭാഗം എൻ.എസ്സ്.എസ്സ് യൂണിറ്റ് മുഖ്യമന്ത്രിയുടെ ദുരിതാശ്വാസനിധിയിലേക്ക് 70,000 യുടെ ചെക്ക് സ്കൂൾ പ്രിൻസിപ്പൽ സുപ്രഭ ടീച്ചർ എം.എൽ.എ എ.ൻ. ഷംസീറിന് കൈമാറി
2018 ആഗസ്റ്റ് 20: ദുരിത ബാധിതർക്ക് കൈതാങ്ങ്
കതിരൂർ വൊക്കേഷണൽ ഹയർ സെക്കന്ററി സ്കൂളിൽ നിന് മുഖ്യമന്ത്രിയുടെ ദുരിതാശ്വാസനിധിയിലേക്ക് ആദ്യഘട്ടായി 50,000 യുടെ ചെക്ക് സ്കൂൾ ഹെഡ്മിസ്ട്രസ് ജ്യോതി കേളോത്ത് കതിരൂർ പഞ്ചായത്ത് പ്രസിഡന്റിന് കൈമാറി. ദുരിതാശ്വാസ ക്യാമ്പിലേക്കാവശ്യമായ സാധനങ്ങൾ കൈമാറി.
2018 ആഗസ്റ്റ് 15: സ്വാതന്ത്ര്യ ദിനത്തിൽ ദുരിത ബാധിതർക്ക് കൊച്ചു കുഞ്ഞിന്റെ കൈതാങ്ങ്
കതിരൂർ:വൊക്കേഷണൽ ഹയർ സെക്കന്ററി സ്കൂളിലെ സ്വാതന്ത്രദിനാഘോഷ വേളയിൽ സംസ്ഥാനത്തെ പ്രളയ ദുരിതം അനുഭവിക്കുന്ന സഹോദരങ്ങൾക്ക് തന്റെ ഒരു വർഷത്തെ സമ്പാദ്യം മുഴുവൻ പ്രധാനധ്യാപികയെ ഏൽപ്പിച്ച് അഞ്ചാം ക്ലാസ്സ് വിദ്യാർത്ഥി പൊതു സമൂഹത്തിനാകെ മാതൃകയായി. കതിരൂർ ഹൈസ്കൂളിലെ അഞ്ചാം ക്ലാസ്സ് വിദ്യാർത്ഥിനി നേഹയാണ് തന്റെ സമ്പാദ്യം ദുരിത ബാധിതർക്ക് നൽകാനായി പ്രധാനാധ്യാപികയെ ഏൽപ്പിച്ചത്.കതിരൂർ പുല്ല്യോട് രയരോത്ത് ഹൗസിലെ കാരായി സുരേഷ് ബാബുവിന്റെയും എൻ രേഖയുടെയും ഏകമകളാണ് നേഹ. എൻ.സി.സി, സ്കൗട്ട് ആന്റ് ഗൈഡ്സ്, എൻ.എസ്.എസ് എന്നിവയുടെ നേതൃത്വത്തിൽ അണിനിരന്ന സ്കൂൾ സ്വാതന്ത്ര്യദിന പരേഡിൽ പി.ടി.എ പ്രസിഡന്റ് വി.എം വേണു മുഖ്യാതിഥി ആയി. പ്രിൻസിപ്പൽ സുപ്രഭ പി കെ പതാക ഉയർത്തി.ഹെഡ്മിസ്ട്രസ് ജ്യോതി കേളോത്ത് സ്വാതന്ത്ര്യദിന സന്ദേശം നൽകി. വി എച്ച് എസ് ഇ പ്രിൻസിപ്പൽ ഹീര കെ,എസ് സ്റ്റാഫ് സെക്രട്ടറി ജലചന്ദ്രൻ സി, എൻ.സി.സി ഒാഫീസർ പ്രശാന്ത് കെ,അശ്വനി,നിഹാൽ ഷജിൻ,കീർത്തന.ആർ നമ്പ്യാർ എന്നിവർ സംവസാരിച്ചു. തുടർന്ന് കുട്ടികൾ അധ്യാപകരുടെ നേതൃത്വത്തിൽ സന്നദ്ധപ്രവർത്തനങ്ങൾ നടത്തി.
2018 ആഗസ്റ്റ് 14: നാഷണൽ സയൻസ് സെമിനറ‍‍ിനാർ
നാഷണൽ സയൻസ് സെമിനറ‍‍ിനാർ സബ് ജി്ല്ലാതല മത്സരത്തില‍്‍ വിജിയിച്ച് ജി്ല്ലാതല മത്സരത്തില‍്‍ പങ്കെടുക്കാൻ അർഹത നേടി
2018 ആഗസ്റ്റ് 13:ഊടും പാവും
സ്കൂളിന്റേയും കതിരൂർ ഗ്രാമ പഞ്ചായത്തിന്റേയും സംയുക്താഭിമുഖ്യത്തിൽ കണ്ണൂർ തറിയുടെ പെരുമയും പാരമ്പര്യവും പുതുതലമുറയിൽ എത്തിക്കുന്നതിനും കൈത്തറി ഉല്പന്നങ്ങൾ പരിചയപ്പെടുത്ത‍ുന്നതിനും വേണ്ടി സ്കൂൾ ഓഡിറ്റോറിയത്തിൽ കൈത്തറി പ്രദർശനമേള 'ഊടും പാവും' സംഘടിപ്പിച്ചു. മേളയോടനുബന്ധിച്ച് നെയ്ത്ത‍ുപകരണങ്ങളുടെ പ്രദർശനം, മുതിർന്ന തൊഴിലാളികളെ ആദരിക്കൽ, വിദഗ്ദരുടെ ക്ലാസ്, വിവിധ മത്സരങ്ങൾ എന്നിവയും ഉണ്ടായിരുന്നു.
2018 ആഗസ്റ്റ് 9: ഹിരോഷിമ, നാഗസാക്കി ദിനം:
ഹിരോഷിമ, നാഗസാക്കി ദിനാചരണത്തിന്റെ ഭാഗമായി സ്കൂളിലെ വലിയ ക്യാൻവാസിൽ ചിത്ര രചന നടത്തുകയുണ്ടായി
2018 ജൂലൈ 22 :ബോധവൽക്കരണം
രക്ഷിതാക്കൾക്കുളള ബോധവൽക്കരണ ക്ലാസുകൾ സഘടിപ്പിച്ചുു
2018, ജൂലൈ 5: ബഷീർ ദിനം.
ബഷീർ ദിനത്തിൽ വലിയ ക്യാൻവാസിൽ ബഷീർ കഥാപാത്രങ്ങളെ ചിത്രീകരിച്ചു.
2018, ജൂൺ 26:ലഹരി വിരുദ്ധ ദിനം
ലഹരി വിരുദ്ധ ദിനത്തിൽ ക്ലാസ് തലത്തിൽ ലഹരി വിരുദ്ധ സി.ഡി പ്രദർശനം നടത്തി. ലഹരി വിരുദ്ധ വിദ്യാർത്ഥി ചങ്ങല കതിരൂർ ടൗണിൽ ഒരുക്കുകയുണ്ടായി.ലഹരി വിരുദ്ധ പ്രതിജ്ഞയെടുത്തു. ചങ്ങലയ്ക്കിടയിൽ ലഹരി വിരുദ്ധ പ്ലക്കാർഡുകളും പുകഞ്ഞുകൊണ്ടിരിക്കുന്ന പ്രത്യേകം തയ്യാറാക്കിയ സിഗരറ്റുകളും ചങ്ങലയെ ആകർഷകമാക്കി.
2018, ജൂൺ 19: വായനാദിനം
2018 ലെ വായനാദിനം പക്ഷാചരണമായി ആഘോഷിച്ചു. രണ്ട് ആഴ്ച നീണ്ടു നിൽക്കുന്ന പരിപാടികൾ നടത്തുകയുണ്ടായി. വായനാ പക്ഷാചരണത്തിന്റെ ഭാഗമായി പുസ്തക പ്രദർശനവും സാഹിത്യകാരന്മാരെ പരിചയപ്പെടുത്തുകയും ഒപ്പം വായനാ ക്വിസ് മത്സരവും നടന്നു.വായനാ പക്ഷാചരണത്തോടനുബന്ധിച്ച് സൂര്യ ടി വി യുടെ കുട്ടികളുടെ ചാനലായ കൊച്ചു ടി വിയെ സ്കൂളിൽ വരുത്തുകയും കുട്ടികളുടെ പരിപാടികൾ റിക്കാർഡ് ചെയ്യുകയും ചെയ്തു.
2018, ജൂൺ 12: പ്രവേശനോത്സവവും ഡിജിറ്റൽ ക്ലാസ്സ് മുറികളുടെ ഉദ്ഘാടനവും
നവാഗതർക്ക് സ്വീകരണം- മധുരം വിതരണം ചെയ്തുകൊണ്ട് പി.ടി.എ അംഗങ്ങളും അധ്യാപകരും നവാഗതരെ സ്വീകരിച്ചു. ഗവ: വൊക്കേഷണൽ ഹയർ സെക്കന്ററി സ്കൂൾ കതിരൂരിൽ ഈ വർഷത്തെ പ്രവേശനോത്സവവും 44 ഡിജിറ്റൽ ക്ലാസ് മുറികളുടെ ഉദ്ഘാടനവും കെ.കെ.രാഗേഷ് (ബഹു.എം.പി) നി ർവ്വഹിച്ചു.പ്രേമൻ പൊന്ന്യം (ചിത്രകാരൻ ) മുഖ്യാതിഥിയായി. ചടങ്ങിൽ ശ്രീ.കെ.കെ.രാഗേഷ് എം പി വിവിധ മത്സരങ്ങളിൽ മികവ് തെളിയിച്ചവരെ പ്രസ്തുത ചടങ്ങിൽ ആദരിച്ചു. എസ് എസ് എൽ സി പരീക്ഷയിൽ ഫുൾ എA+ നേടിയ 27 കുട്ടികളെയും പ്ലസ് ടു പരീക്ഷയിൽ ഫുൾ A+നേടിയ 13 കുട്ടികളെയും 9 A നേടിയ (SSLC) 15 കുട്ടികളെയും 5 A+ (പ്ലസ് ടു) നേടിയ 8 കുട്ടികളെയും USS നേടിയ നാലുപേരെയും NMMS നേടിയ ഒരു കുട്ടിയെയും അനുമോദിക്കുകയുണ്ടായി. നമ്മുടെ സ്കൂളിലെ മുഴുവൻ ക്ലാസ് മുറികളും (44) ഹൈടെക് ആകകുന്നതിന്റെ ഉദ്ഘാടനവും ശ്രീ കെ കെ രാഗേഷ് എം പി നിർവഹിച്ചു.
2017 - 18 അദ്ധ്യയനവർഷം
2017, ഏപ്രിൽ 20:അവധിക്കാല ക്യാമ്പ്:
ഗവ. വൊക്കേഷണൽ ഹയർ സെക്കണ്ടറിസ്കൂൾ, കതിരൂരിൽ അവധിക്കാല ക്യാമ്പ്' 'നക്ഷത്രക്കൂടാരം 2017' ന്റെ ഉദ്ഘാടനം ശ്രീ. ശ്രീജിത്ത് ചോയൻ നിർവഹിച്ചു. ഏപ്രിൽ 3ന് ആരംഭിച്ച ക്യാമ്പിൽ മാജിക്, ചിത്രകലാ, നാടകം, സംഗീതം, സിനിമ, ഏറോബിക്സ്, പാചകം, നാടൻപാട്ട്, ഒറിഗാമി പരിശീലനനങ്ങളും നക്ഷത്രനിരീക്ഷണവും ഉൾപ്പെടുന്നു.
2017, മെയ് 6 :പൂർവ്വ വിദ്യാർത്ഥി സംഗമം :
പൂർവ്വ വിദ്യാർത്ഥി സംഗമം ബഹുമാനപ്പെട്ട വിദ്യാഭ്യാസ മന്ത്രി ശ്രീ.രവീന്ദ്രനാഥ് നിവ്വഹിച്ചു
2017 ജൂൺ 28:മഴയാത്ര
2017 വർഷത്തിൽ മഴയാത്രയുടെ ഭാഗമായി പാലക്കയം തട്ട് പരിസ്ഥിതി ക്ലബ് അൻമ്പത് കുട്ടികളെയും കൂട്ടി സന്ദർശിച്ചു.
2017, ജൂലൈ 5 ബഷീർ ദിനം :
2017 ൽ ബഷീർ ദിനത്തിന്റെ ഭാഗമായി വിവിധ ക്ലബുകളുടെ ഉദ്ഘാടനവും ബഷീർ കഥാപാത്രങ്ങളുടെ ചിത്രീകരണവും നടന്നു.
2017, ജൂലൈ 11: ലോക ജനസംഖ്യാ ദിനം
ക്വിസ്, ഉപന്യാസരചന
2017, ജൂലൈ 21:ചാന്ദ്രദിനം
സിഡി പ്രദർശനം, ക്വിസ്, സ്കിറ്റ്എന്നിവ സംഘടിപ്പിച്ചു
2017 ആഗസ്റ്റ് 6 ഹിരോഷിമാദിനം:
2017 ആഗസ്റ്റ് 6ന് തിന്റെ ഭാഗമായി സ്കൂളിലെ വലിയ ക്യാൻവാസിൽ ചിത്ര രചന നടത്തുകയുണ്ടായി പ്രശസ്ത ചിത്രക്കാരൻ പൊന്ന്യം സനൽ ഉദ്ഘാടനം ചെയ്തു.വൈകുന്നേരം പ്ലക്കാർഡുമേന്തി കതിരൂർ ടൗണിൽ കുട്ടികൾ റാലി നടത്തുകയുണ്ടായി.
2017 ആഗസ്റ്റ് 31: ഒാണാഘോഷം
ജി വി എച്ച് എസ് എസ് കതിരൂർ സ്കൂളിലെ 2017-18 വർഷത്തെ ഒാണാഘോഷ പരിപാടി 31-8-17 വ്യാഴാഴ്ച്ച വിവിധ പരിപാടികളോടുകൂടി നടന്നു.പ്രധാനാദ്ധ്യാപിക ശ്രീമതി. ജ്യോതികേളോത്ത് ഉദ്ഘാടനം ചെയ്തു.പിടിഎ പ്രസിഡന്റ് ശ്രീ.വേണു അദ്ധ്യക്ഷം വഹിച്ചു.സ്ക്കൂൾ അദ്ധ്യാപകർ ആയ ശ്രീ.അനിൽ, ശ്രീ.സുഷാന്ത്,ശ്രീ.ഗംഗാധരൻ, ശ്രീമതി.ശ്രീമജ എന്നിവർ സംസാരിച്ചു. ലെമൺ ഇൻദി സ്പൂൺ , കമ്പവലി,ഉറിയടി,കുപ്പിയിൽ വെളളം നിറയ്ക്കൽ,ചാക്ക് റെയ്സ് എന്നി പരിപാടികളോട് കൂടി ഒാണാഘോഷം വിപുലമാക്കി.
2017, സെപ്തംബർ 5:
ഗുരുപൂജ, കുട്ടി അധ്യാപകർ, പൂർവ്വാധ്യാപകരെ ആദരിക്കൽ
2017 സെപ്തംബർ 15:ബോധവൽക്കരണ ക്ലാസുകൾ
2017 ൽ മലബാർ ക്യാൻസർ സെന്റരിന്റെ ആഭിമുഖ്യത്തിൽ ചിത്ര പ്രദർശനവും ബോധവൽക്കരണ ക്ലാസും നടക്കുകയുണ്ടായി.
2017 ഒക്ടോബർ 7: മോക്ക് പാർലമെന്റ്
2017 ൽ പാർലമെന്ററി അഫയേഴ്സ് ഡിപാർട്ട്മെന്റ് ഘടനയും പ്രവർത്തനവും കുട്ടികളിലെത്തിക്കുന്നതിന് മോക്ക് പാർലമെന്റ് നടത്തുകയുണ്ടായി. നമ്മുടെ ജില്ലയിൽ നാല് സ്കൂളുകൾ പങ്കെടുത്തു. അതിലൊന്ന് നമ്മുടെ സ്കൂളായിരുന്നു. പാർലമെന്റ് വിലയിരുത്താൻ വന്ന ഡിപ്പാർട്ട് മെന്റ് ഉദ്യോഗസ്ഥൻ നല്ല അഭിപ്രായം രേഖപ്പെടുത്തുകയുണ്ടായി.
2017, ഒക്ടോബർ 12:ജനറൽ പി.ടി.എ യോഗം
പ്രവർത്തന റിപ്പോർട്ട്, കണക്ക് അവതരണം, പുതിയ ഭാരവാഹികളെ തെരഞ്ഞെടുക്കൽ
2017, ഒക്ടോബർ 15:സ്കൂൾതല ശാസ്ത്രമേള
സ്കൂൾതല ശാസ്ത്രമേള വിവിധ ക്ളബുകളുടെ ആഭിമുഖ്യത്തിൽ വിപുലമായി നടത്തി
2017, ഒക്ടോബർ 28: സ്ക്കൂൾതല കായികമേള
2017, ഒക്ടോബർ 128. തിയ്യതികളിലായി സ്ക്കൂൾതല കായികമേള നടന്നു.
2017, ഒക്ടോബർ 20:സബ്ജില്ലാതല ശാസ്ത്രമേള
സ്കൂൾതല ശാസ്ത്രമേളയിൽ ഒന്നാം സ്ഥാനം നേടിയവർ സബ് ജില്ലാ തല മത്സരത്തിൽ പങ്കെടുത്തു. ഹൈസ്കൂള് വിഭാഗം ശാസ്ത്രമേളയിൽ രണ്ടാ സ്ഥാനം നേടി. മറ്റ് വിഭാഗങ്ങളില് ശ്രദ്ധേയമായ നേട്ടം കൊയ്തു.
2016 - 17 അദ്ധ്യയനവർഷം
2016, ജൂൺ 1: പ്രവേശനോത്സവം
നവാഗതർക്ക് സ്വീകരണം- മധുരം വിതരണം ചെയ്തുകൊണ്ട് പി.ടി.എ അംഗങ്ങളും അധ്യാപകരും നവാഗതരെ സ്വീകരിച്ചു. വിദ്യാർഥികളുടെ കലാപരിപാടികളും നടന്നു. SSLC, +2 പരീക്ഷകളിൽ ഉന്നതവിജയം നേടിയ വിദ്യാർഥികൾക്കുള്ള അഭിനന്ദനം.
2016, ജൂൺ 5:പരിസ്ഥിതി ദിനം
ഭൂമിയിൽ മനുഷ്യന്റെ സുസ്ഥിരനിലനില്പ് ആഗ്രഹിക്കാനും ഓർമ്മിക്കാനും ഒരു ദിനം. ക്ലബ്ബുകളുടെ ഏകോപനത്തിലൂടെ വിവിധ പരിപാടികൾ നടത്തി. പരിസ്ഥിതിദിന ക്വിസ്,റാലി, വൃക്ഷത്തൈ നടൽ (കതിരൂർ പോലീസ് സ്റ്റേഷൻ, സ്ക്കൂൾ പരിസരം). Dry day ആചരിച്ചു.
2016, ജൂൺ 19:വായനാദിനം
നാടകീകരണം, ലൈബ്രറി വിതരണം, വായനാമൂല, ക്ലബ്ബുകളുടെ ഉദ്ഘാടനം.
2016, ജൂൺ 26:ലോകമയക്കുമരുന്നുവിരുദ്ധ ദിനം
ബോധവൽക്കരണ ക്ലാസ്, പോസ്റ്റർരചന, ഗൈഡ്സിന്റെ നേതൃത്വത്തിൽ "മദ്യപാന ശീലമില്ലാത്ത അച്ഛനും സഹോദരന്മാരും വീടിന്റെ ഐശ്വര്യം" എന്ന പോസ്റ്റർ പദിച്ചു.
2016, ജൂൺ 26:തിരക്കഥാ ശിൽപശാല
ഭാഷാക്ലബുകളുടെ നേതൃത്വത്തിൽ 9,10 ക്ലാസിലെ കുട്ടികൾക്കായി ഏകദിന തിരക്കഥ ശിൽപശാല- സംവിധായകൻ- ജിത്തു കോളയാട്
2016, ജൂലൈ 4:നോമ്പുതുറ
തൊക്കിലങ്ങാടി ബയോജന കേന്ദ്രം സന്ദർശിച്ച് അന്തേവാസികൾക്കൊപ്പം നോമ്പുതുറ.കുട്ടികൾ വീടുകളിൽ നിന്നുണ്ടാക്കിയ ഭക്ഷണം മറ്റ് അവശ്യവസ്തുക്കളുമായായിരുന്നു സന്ദർശനം.
2016,, ജൂലൈ 5: ബഷീർ ദിനം.
വിദ്യാരംഗം , ബഷീർ അനുസ്മരണം, കൃതികൾ പരിചയപ്പെടൽ
2016,, ജൂലൈ 8:മഴയാത്ര
സോഷ്യൽ സയൻസ് ക്ലബ്ബിന്റെ നേതൃത്വത്തിൽ കാഞ്ഞിരക്കൊല്ലിയിലേക്ക് മഴയാത്ര.
2016, ജൂലൈ 11: ലോക ജനസംഖ്യാ ദിനം
ക്വിസ്, ഉപന്യാസരചന
2016, ജൂലൈ 21:ചാന്ദ്രദിനം
സിഡി പ്രദർശനം, ക്വിസ്
2016 ഓഗസ്ത് 8:
ഹാ൪ഡ്വെയ൪ ക്ലിനിക്ക് ഉദ്ഘാടനം, ഭിന്നശേഷ്ക്കാരായ വിദ്യാർത്ഥികൾക്ക് ധനസഹായം.
2016, ഓഗസ്ത് 11:
ഒളിംപിക്സ് ഉദ്ഘാടന ദിനം കുട്ടികളെ പങ്കെടുപ്പിച്ച് റാലി
2016, ഓഗസ്ത് 12:മീഡിയക്ലബ്ബ് ഉദ്ഘാടനം
സിനിമാ പ്രദർശനം, മാധ്യമം - വെളിച്ചം പദ്ധതി
2016, ഓഗസ്ത് 15 :സ്വാതന്ത്ര്യദിനാഘോഷം
വിവിധ കലാപരിപാടി , അനുസ്മരണ പ്രഭാഷണം , ശുചീകരണം, ക്വിസ് ,ആയുർവ്വേദാശുപത്രി പരിസരത്ത് വൃക്ഷത്തൈ നടീൽ മധുര വിതരണം
2016, ഓഗസ്ത് 20: മണ്ണിനെ അറിയുക
നബാർഡ്- കണ്ണൂർ ആകാശവാണി മണ്ണിനെ അറിയുക,കാർഷികത്തോട്ടം ഉദ്ഘാടനം -മന്ത്രി ശൈലജ ടീച്ചർ
2016, ഓഗസ്ത് 23:നാഷണൽ സയൻസ് സെമിനാര്
എറണാകുളത്തു വച്ച് നടന്ന സംസ്ഥാനതല നാഷണൽ സയൻസ് സെമിനാറിൽ ക അശ്വിനി (9G) അശ്വിനി A ഗ്രേഡ് നേടി
2016, സെപ്തംബർ 5:
ഗുരുപൂജ, കുട്ടി അധ്യാപകർ, പൂർവ്വാധ്യാപകരെ ആദരിക്കൽ
2016, സെപ്തംബർ 9:ഓണാഘോഷം
പൂക്കളമത്സരം,ഓണസദ്യ (കുട്ടികൾ വീട്ടിൽ നിന്ന് തയ്യാറാക്കികൊണ്ടുവന്ന വിവിധ വിഭവങ്ങൾ), ഓണക്കളികൾ
2016, സെപ്തംബർ 23:സ്ക്കൂൾ വികസന സമിതി രൂപീകരണം
സ്ഥലം എം.എൽ.എ, ജില്ലാപഞ്ചായത്ത് അംഗം, പൂർവ്വ വിദ്യാർത്ഥികൾ എന്നിവര് പങ്കെടുത്തു
2016, ഒക്ടോബർ 7:ജനറൽ പി.ടി.എ യോഗം<
പ്രവർത്തന റിപ്പോർട്ട്, കണക്ക് അവതരണം, പുതിയ ഭാരവാഹികളെ തെരഞ്ഞെടുക്കൽ
2016, ഒക്ടോബർ 15:സ്കൂൾതല ശാസ്ത്രമേള
സ്കൂൾതല ശാസ്ത്രമേള വിവിധ ക്ളബുകളുടെ ആഭിമുഖ്യത്തിൽ വിപുലമായി നടത്തി
2016, ഒക്ടോബർ 18: സ്ക്കൂൾതല കായികമേള
2016, ഒക്ടോബർ 18,19. തിയ്യതികളിലായി സ്ക്കൂൾതല കായികമേള നടന്നു.
2016, ഒക്ടോബർ 20:സബ്ജില്ലാതല ശാസ്ത്രമേള
സ്കൂൾതല ശാസ്ത്രമേളയിൽ ഒന്നാം സ്ഥാനം നേടിയവർ സബ് ജില്ലാ തല മത്സരത്തിൽ പങ്കെടുത്തു.ഹൈസ്കൂള് വിഭാഗം ശാസ്ത്രമേളയിൽ രണ്ടാ സ്ഥാനം നേടി. മറ്റ് വിഭാഗങ്ങളില് ശ്രദ്ധേയമായ നേട്ടം കൊയ്തു.
2016, ഒക്ടോബർ 26:ജില്ലാതല ശാസ്ത്രമേള
പയ്യന്നൂരില് വച്ച് നടന്ന ജില്ലാ ശാസ്ത്രമേളയിൽ മികച്ച വിജയം നേടി.
2016, നവംമ്പ൪ 5:ജില്ലാതല കായികമേള
ജില്ലാതല കായികമേളയില് മത്സരിച്ച ദേവിക പ്രദീപ് 1500 മീറ്ററി൯ സംസ്ഥാനതല മത്സരത്തിൽ പങ്കെടൂക്കാ൯ അ൪ഹത നേടി
2016, നവംബർ 30,ഡിസംമ്പര് 1,2: സബ് ജില്ലാ കലോത്സവം
തലശ്ശേരി നോ൪ത്ത് സബ് ജില്ലാ കലോത്സവം നവംമ്പ൪ 30,ഡിസംബ൪ 1,2 തിയ്യതികളിലായി നടന്നു. 78 വദ്യാലയങ്ങളിലെ ഏകദേശം 3500റോളം വിദ്യാത്ഥികള് കലോത്സവത്തില് പങ്കെടുത്തു. ഹൈസ്കൂള്,ഹയ൪ സെക്ക൯്ററി വിഭാഗത്തില് രണ്ടാ സ്ഥാനം നേടി. ഹൈസ്കൂള് അറബിക്ക് വിഭാഗ ത്തില് ഒന്നാം സ്ഥാനം നേടി.
2016, ഡിസംമ്പര് 14-17:
തലശ്ശേരിയില് വച്ച് നടന്ന ജില്ലാ കലോത്സവത്തില് ഹയ൪ സെക്ക൯്ററി വിഭാഗം മലയാളം പ്രസംഗത്തിലും ഹൈസ്കൂള് അറബിക്ക് വിഭാഗത്തില് മോണോആക്ടിലും സംഘഗാനത്തിലും ഒന്നാം സ്ഥാനം നേടി സംസ്ഥാനതല മത്സരത്തിൽ പങ്കെടൂക്കാ൯ അ൪ഹത നേടി. യു.പി വിഭാഗത്തിലും ഹൈസ്ക്കൂൾ വിഭാഗത്തിലും അറബിക് കലോത്സവ കിരീടം തുടർച്ചയായി വരഷവും നിലനിർത്തി
2016, ഡിസംമ്പര് 23:വികസന സമിതി രൂപികരണം
വികസന സമിതി രൂപികരണവുമായി ബന്ധപ്പെട്ട ആലോചനായോഗം നടന്നു
2017, നക്ഷത്രകൂടാരം ഏപ്രിൽ 3-21
അവധിക്കാല ക്യാമ്പ് നക്ഷത്രകൂടാരം 2017ന്റെ ഉദ്ഘാടനം ശ്രr.ശ്രrജിത്ത് ചോയൻ നിർവഹിച്ചു.ഏപ്രിൽ 3 മുതൽ 21 വരെ നടക്കുന്ന ക്യാമ്പിൽ മാജിക് ,ചിത്രകല,നാടകം,സംഗീതം,സിനിമ,എയ്റോബിക്സ്,പാചകം, നാടൻപാട്ട്, ഒറിഗാമി പരിശീലനങ്ങളും നക്ഷത്ര നിരീക്ഷണവും ഉൾപ്പെടുന്നു.
നേട്ടങ്ങൾ
1) 2017-18 വർഷത്തെ ബെസ്റ്റ് പി.ടി എ ബഹുമതിയുടെ രണ്ടാം സ്ഥാനം കതിരൂർ ഗവ.വൊക്കേഷണൽ ഹയർ സെക്കണ്ടറി സ്കൂൾ പി.ടി.എ യെ .തേടിയെത്തി.
2)മലിനീകരണനിയന്ത്രണ ബോർഡിന്റെ 2017-18 വർഷത്തെ ഹരിത വിദ്യാലയം അവാർഡ് നേടിയിട്ടുണ്ട്
3)2014-15 വർഷത്തെ പി.ടി എ ക്കുലള്ള സംസ്ഥാന ബഹുമതിയുടെ മൂന്നാം സ്ഥാനം കതിരൂർ ഗവ.വൊക്കേഷണൽ ഹയർ സെക്കണ്ടറി സ്കൂൾ പി.ടി.എ യെ തേടിയെത്തി. 3 ലക്ഷം രൂപയും ബഹുമതി പത്രവും കോട്ടയത്തുവെച്ച് നടന്ന ചടങ്ങിൽ കേരള വിദ്യാഭ്യാസ മന്ത്രി ശ്രീ.അബ്ദുറബ്ബിൽ നിന്നും പി.ടി എ പ്രസിഡണ്ട് ശ്രീജിത്ത് ചോയൻ ഏറ്റുവാങ്ങി
4)വൊക്കേഷണൽ ഹയർ സെക്കന്ററി സ്കൂൾ കതിരൂർ ഹരിത വിദ്യാലയം റിയാലിറ്റി ഷോയിൽ പങ്കെടുത്തു
5) ദേശാഭിമാനി ലൂലൂ ഗോള്ഡ് പുരസ്കാരം വൊക്കേഷണൽ ഹയർ സെക്കന്ററി സ്കൂൾ കതിരൂർ നേടി
6)2017-18 വർഷം നാഷണൽ സയൻസ് സെമിനാറിൽ സംസ്ഥാന തലത്തിൽ രണ്ടാം സ്ഥാനവും, സുകുമാർ അഴിക്കോട് പ്രസംഗ മത്സരത്തിൽ ഒന്നാം സ്ഥാനവും, സി വി രാമൻ പ്രബന്ധ മത്സരത്തിൽ ഒന്നാം സ്ഥാനവും, എെ എസ്ആർ ഒ ആഭിമുഖ്യത്തിൽ നടന്ന സെമിനാറിൽ (ദക്ഷിണ മേഖല)ഒന്നാം സ്ഥാനവും നമ്മുടെ വിദ്യാലയത്തിലെ അശ്വിനി.കെ എന്ന വിദ്യാർത്ഥി നേടുകയുണ്ടായി.
അശ്വിനി കൈരളി ചാനൽ അശ്വമേധത്തിൽ പങ്കെടുത്ത് ഗ്രാന്റ് മാസ്റ്റർ ജി എസ് പ്രദീപിനെ പരാജയപ്പെടുത്തുകയുണ്ടായി.
7)2017-18 വർഷം സംസ്ഥാന പ്രസംഗ മത്സരത്തിൽ ശ്രദ്ധ സി രഞ്ജിത്ത് ഒന്നാം സ്ഥാനം നേടി,
8)2017-18 വർഷം സംസ്ഥാന പ്രവൃത്തിപരിചയ മേളയിൽ മെറ്റൽ എൻഗ്രേവിങ്ങിൽ ശ്രീരാഗ് സി രണ്ടാം സ്ഥാനം നേടി.
9)2017-18 വർഷം വിദ്യരംഗം കവിതലാപനത്തിൽ ആര്യനന്ദ കെ സംസ്ഥാനത്തിൽ പങ്കെടുത്തു.
10)2017-18 വർഷം സംസ്ഥാന തലത്തിൽ മൂകാഭിനയത്തിൽ പങ്കെടുത്തു.
11)2017-18 വർഷം എസ് എസ് എൽ സി പരീക്ഷയിൽ 100%വും എച്ച് എസ് എസിൽ 98% വി എച്ച് എസ് ഇ യിൽ 95% വിജയം നേടുകയുണ്ടായി.എസ് എസ് എൽ സി പരീക്ഷയിൽ 27 കുട്ടികൾക്ക് ഫുൾ എ പ്ലസും, പ്ലസ് ടു പരീക്ഷയിൽ 13 കുട്ടികൾക്ക് ഫുൾ എ പ്ലസും ലഭിച്ചു.
വിശേഷ വാ൪ത്തകൾ
1)സംസ്ഥാനതലത്തിൽ തുടർച്ചയായി പരീക്ഷാവിജയം കൊയ്യുന്നതിന് സഹായകമായിത്തീർന്ന SSLC പഠന വിഭവ സി ഡി (കണ്ണൂർ ജില്ലാ പഞ്ചായത്ത് മുൻകൈയെടുത്തത്) 'മുകുളം കവർ' ഡിസൈൻ ചെയ്തത് കതിരൂർ ജി .വി .എച്ച്. എസ് .എസിലെ I T യൂണിറ്റിന്റെ സഹായത്തോടെ നമ്മുടെ സ്കൂളിലെ കലാധ്യാപകനായ 'ശ്രീ കെ എം ശിവകൃഷ്ണനാണ്' ഈ ഡിസൈൻ ഏറെ പ്രശംസിക്കപ്പെട്ടിട്ടുണ്ട്.
2)സ്കൂൾകലാധ്യാപകനായിരുന്ന ശ്രീ കെ എം ശിവകൃഷ്ണൻ ദേശീയ അധ്യാപകഅവാർഡ് നേടിയിട്ടുണ്ട്
3)IT@School നേതൃത്വത്തിലുള്ള സ്കൂൾ വിക്കിയുടെ കണ്ണൂർ ജില്ലാ ലോഗോ രൂപകല്പന ചെയ്തത് G.V.H.S.S കതിരൂർ മുൻ കലാധ്യാപകൻ ശ്രീ കെ എം ശിവകൃഷ്ണനാണ്.
4)IT@School കണ്ണൂർ ജില്ലാ കേന്ദ്രത്തിന്റ ഹാന്റി ക്യാം ഉപയോഗിച്ച് G V H S S കതിരൂർ 9th Std വിദ്യാർത്ഥി പരിമൾ ദൃശ്യാഖ്യാനം നിർവ്വഹിച്ച 'മുന്നാലെ ഈ കതിർക്കിളി'- ഡോക്യുമെന്ററി വിക്ടേസ് ചാനലിൽ നിരവധി തവണ സംപ്രേഷണം ചെയ്തിട്ടുണ്ട്.
5)സുനാമി വിഷയമായി രചിച്ച കളമെഴുത്ത് സംബന്ധിച്ച 'THE WAVE' എന്ന ഡോക്യുമെന്ററി സിനിമ (G V H S S കതിരൂർ വിദ്യാർത്ഥിയായ ദേശീയസ്കോളർഷിപ്പ് നേടിയ സച്ചിൻ എം വി യും സ്കൂൾ ചിത്രകലാധ്യാപകനും ചേർന്ന് ചെയ്തത്) വിക്ടേഴ്സ് ചാനലിൽ നിരവധി തവണ സംപ്രേഷണം ചെയ്തിട്ടുണ്ട്.ഈ സിനിമ ആൻഡമാൻ,അമേരിക്ക,ആസ്ട്രേലിയ,എന്നിവിടങ്ങളിലും പ്രദർശിപ്പിച്ചിട്ടുണ്ട്. അന്താരാഷ്ട്ര ഡോക്യുമെന്റെറി ഫസ്റ്റിവലിൽ (ത്രശ്ശൂർ) പ്രദർശിപ്പിച്ചിട്ടുണ്ട്.
6)പൂർവ വിദ്യാര്ഥികളുടേയും അദ്യുദയകാംക്ഷികളുടേയും സഹായത്തോടെ സ്കൂൾ അങ്കണത്തിൽ PSLV-C 11 ന്റെ മാത്രക സ്ഥാപിച്ചിട്ടുണ്ട്. സ്കൂളിലെ പൂർവ വിദ്യാര്ഥിയായ വൈസ് അഡ്മിറൽ ശ്രീ.ആർ.പി.സുതൻ ഉദ്ഘാടനകർമ്മം നിർവഹിച്ചു. സ്കൂൾ അങ്കണത്തിൽ വെച്ച് നടത്തിയ വാന നിരീക്ഷണത്തിൽ കുട്ടികളോടപ്പം നാട്ടുകാരും പങ്കാളികളായി.
7)പ൦ന പ്രവ൪ത്തനങ്ങളടെയും വിവിധ ക്ലബുകളുടെയും പ്രവ൪ത്തനങ്ങളുടെയും ഭാഗമായി കുട്ടികളുടെ സിംഹമുദ്ര(അശോകസ്തംഭത്തിന്റെ) മാത്രക സകൂളിൽ നി൪മ്മിച്ചിട്ടുണ്ട്
8)സ്കൂളിൽ ഓപ്പൺ എയ൪ ക്ലാസ്സ് റൂം ഉണ്ട്
സാമൂഹിക പ്രവ൪ത്തനങ്ങൾ
കാരുണ്യത്തിന്റെ കൈത്താങ്ങായി HOPE
വേറിട്ട ചിന്തകൊണ്ടും പ്രവൃത്തികൊണ്ടും എന്നും പുതുമസൃഷ്ടിക്കുന്നതിൽ മുൻപന്തിയിലാണ് നമ്മുടെ സ്കൂൾ. എല്ലാസൗഭാഗ്യങ്ങളും നൽകി ചിലരെ ഭൂമിയിലേക്ക് അയക്കുമ്പോൾ ആ ശക്തി നമ്മളിൽ ഒരു ദൗത്യം കൂടി ഏൽപ്പിക്കുന്നു. അശരണർക്കും ആലംബ ഹീനർക്കും കൈത്താങ്ങാവുക അതാണ് HOPE ന്റെ രൂപീകരണത്തിലേക്ക് നയിച്ചത്. കഴിഞ്ഞ 10 വർഷമായി HOPE ന്റെ കൈത്താങ്ങ് നിർധനരായ വിദ്യാർത്ഥികൾക്കും രക്ഷിതാക്കൾക്കും അനുഗ്രഹമായിട്ടുണ്ട്. മുൻ പ്രധാന അദ്ധ്യാപകനായ സഹദേവൻ മിന്നിയുടെ കാലത്താണ് ഇത് ആരംഭിച്ചത്. കാരുണ്യ പ്രവർത്തനങ്ങളുടെ തിരിതാഴാതെ , തുടർന്നുവന്ന പ്രധാന അദ്ധ്യാപിക ജ്യോതി കേളോത്ത് നേതൃത്വം നൽകുന്നു. ശാരീരികവും മാനസികവുമായി വെല്ലുവിളി നേരിടുന്നവർക്കും വിദ്യാർത്ഥികൾക്കും പഠനസഹായം നൽകാറുണ്ട്.
സ്നേഹഭവനത്തിൽ ഇഫ്ത്താർ വിരുന്ന്
കഴിഞ്ഞ അഞ്ച് വർഷങ്ങളായി കുത്തുപറമ്പ് തൊക്കിലങ്ങാടി സ്നേഹഭവനത്തിൽ പെരുന്നാളിനോടനുബന്ധിച്ച് ഇഫ് ത്താർ സ്നേഹസംഗമം നടത്തിവരുന്നു. ഈയൊരു പരിപാടിയിലൂടെ മതങ്ങൾക്കതീതമായി കുട്ടികളുടെ ഇടയിൽ ഒത്തൊരുമയുണ്ടാക്കാനും മാതാപിതാക്കളോട് സ്നേഹമുണ്ടാക്കാനും സാധിച്ചിട്ടുണ്ട്. കുട്ടികൾ അവരുടെ വീടുകളിൽ നിർമ്മിച്ച പലഹാരങ്ങളും അവർ ശേഖരിച്ച നിത്യോപയോഗ സാധനങ്ങളും അവർക്ക് നൽകുകയുണ്ടായി.
കൈതാങ്ങ്
സാമ്പത്തിക സഹായങ്ങൾക്കു പുറമെ സമൂഹം അന്യവൽക്കരിക്കപ്പെട്ട പാവപ്പെട്ട ദാരിദ്യം അനുഭവിക്കുന്ന മനുഷ്യർക്ക് നമ്മളാൽ കഴിയുന്ന തരത്തിൽ ഭക്ഷണം വിതരണം നടത്തുകയുണ്ടായി. തലശ്ശേരി റെയിൽവേ സ്റ്റേഷനിലും ടൗണിലും വിശപ്പടക്കാനാവത്ത മനുഷ്യർക്ക് പറ്റാവുന്ന ദിവസങ്ങളിൽ ഭക്ഷണപ്പൊതി വിതരണം ചെയ്തു. NSS വളണ്ടിയർമാർ അവരുടെ വീട്ടുകളിൽ നിന്നും കൊണ്ടുവന്ന ഭക്ഷണപ്പൊതി അവരുടെ ഒരു നേരത്തെ വിശപ്പടക്കാൻ ആയി.
സാന്ത്വന സ്പർശം
ബന്ധുകളിൽ നിന്നും അന്യരാക്കപ്പെട്ട് അനാഥമന്ദിരത്തിൽ എത്തിപ്പെട്ട പാവം മനുഷ്യന് കാരുണ്യത്തിന്റെ കൈതാങ്ങവാൻ നമ്മുടെ കുട്ടികൾ എപ്പോഴും ഒരുക്കും.നോമ്പുകാലത്ത് അവർ സ്വരുപിച്ച പണം IRPC കണ്ണൂരിലെ സാന്ത്വനകേന്ദ്യത്തിൽ അവരുടെ അൽപ്പം ആവശ്യങ്ങൾ നിറവേറ്റാൻ സാധിച്ചു.
കായിക പ്രവ൪ത്തങ്ങൾ
സ്കൂൾ കായിക മേള
സ്കൂൾ കായിക മേളയും വർണ്ണാഭമായി തന്നെ നടക്കുകയുണ്ടായി. ഫ്ലോഗ് ഹോസ്റ്റിംഗ്,ദീപ ശിഖ പ്രയാണം, വെളളരിപ്രാവിനെ പറത്തൽ, ബാന്റ് വാദ്യം,എന്നിവയോടെ നടന്ന ഉദ്ഘാടന പരിപാടിയും രാണ്ടാം ദിവസം നടന്ന സമാപന പരിപാടിയും ആകർഷകമായിരുന്നു. സബ്‌ജില്ല തലത്തിൽ നമ്മുടെ വിദ്യാലയം ഓവറോൾ ചാമ്പ്യൻ ഷിപ്പ് നേടുകയുണ്ടായി.
കളരി പരിശീലനം:
പഠനത്തോടൊപ്പം കളരിയുടെ ചുവടുകളും കതിരൂർ ഗവ .വൊക്കേഷണൽ ഹയർ സെക്കൻഡറി സ്കൂളിലെ വിദ്യാർത്ഥികൾ സ്വായത്തമാക്കുാം. .കായികാദ്ധ്യപകനായിരുന്ന കതിരൂർ കാരക്കുന്ന് മീത്തലെ കേളോത്ത് വീട്ടിൽ എൻ കുഞ്ഞിരാമൻ നായർ എന്ന കളരിമാഷായിരുന്നു ആദയഘട്ടത്തിൽ പരിശീലനം നൽകിയത്.എൺപതുകളുടെ ആദ്യ അധ്യാപകൻ വിരമിച്ചതോടെ കളരി പഠനവും അവസാനിച്ചു.കളരി പഠനത്തിന്റെ ഭാഗമായി നിർമ്മിച്ച 70 വർഷം പഴക്കമുള്ള ലക്ഷണമൊത്ത കളരിയും ഇവിടെയുണ്ട്.അതിനിപ്പോഴും കേടുപാടുകളൊന്നും സംഭവിച്ചിട്ടില്ല.കേരളത്തിൽ രണ്ട് വിദ്യലയങ്ങളിൽ മാത്രമാണ് ലക്ഷണമൊത്ത കളരികളുള്ളത്.ഒന്ന് കതിരൂരും മറ്റൊന്ന് ചേർപ്പുളശ്ശേരി ജി എച്ച് എസ് എസിലുമാണ്.കതിരൂരിന്റെ കളരി പാരമ്പര്യം കണക്കിലെടുത്ത് ജില്ല പഞ്ചായത്തും പി ടി എയും ചേർന്ന് വിദ്യാർത്ഥികളിൽ കളരി പഠനം നടത്തി വരുന്നുണ്ട്.
കരാട്ടെ പരിശീലനം
വിദ്യാർത്ഥിനികൾക്ക് ജില്ലാ പഞ്ചായത്തും പി ടി എ യും ചേർന്ന് കരാട്ടെ പരിശീലനവും നടത്തി വരുന്നു.
പ്രധാന പ്രൊജക്ടൂകൾ
കായിക കുതിപ്പിന് കതിരൂരിന്റെ കൈയ്യൊപ്പ് -ടാലന്റ് ഹണ്ട്
കായിക ശേഷിയിൽ കേരളത്തിലെ കുട്ടികൾ പിറകോട്ട്പോകുന്നു എന്ന കണ്ടെത്തൽ കതിരൂർ ഗവ.വൊക്കേഷണൽ ഹയർ സെക്കണ്ടറി സ്കൂളിന് നൽകിയത് മറ്റൊരു ഊർജ്ജമാണ് .
കുട്ടികളുടെ കായികശേഷി വികസിപ്പിക്കണം അതിനായി ടാലന്റ് ഹണ്ട് എന്ന പേരിൽ ഒരു സമഗ്ര കായിക വികസന പരിപാടി യു.പി/ഹൈസ്ക്കൂൾ വിദ്യാർത്ഥികൾക്കായി ആരംഭിച്ചു. കാലത്ത് 6 മണിക്ക് ആരംഭിക്കുന്ന പരിശീലന പരിപാടിക്ക് നിസ്വാർത്ഥരായ ഒരുകൂട്ടം കായിക പരിശീലകർ നേതൃത്വം നൽകുന്നു. കേരളത്തിന്റെ ഭാവി വാഗ്ദാനങ്ങളെ വാർത്തെടുക്കാനുള്ള ശ്രമം ലക്ഷ്യം കാണുക തന്നെ ചെയ്യും .
ആകാശം മുട്ടെ പറക്കാൻ ജോതിർഗമയ
പഠനത്തിൽ പിന്നോക്കം നിൽക്കുന്ന കുട്ടികളുടെ നിലവാരം ഉയർത്തുന്നതിനുവേണ്ടി പി.ടി.എ. യുടെ നേതൃത്വത്തിൽ കതിരൂർ ഗവ.വൊക്കേഷണൽ ഹയർ സെക്കണ്ടറി സ്കൂൾ അദ്ധ്യാപകർ രൂപം നൽകിയ നൂതന പദ്ധതിയാണ് ജോതിർഗമയ. 5 മുതൽ 9 വരെ ക്ലാസ്സുകളിലെ പിന്നോക്കം നിൽക്കുന്ന കുട്ടികൾക്ക് രാവിലെയും വൈകുന്നേരങ്ങളിലും സ്പെഷൽ കോച്ചിങ്ങ് ക്ലാസുകൾ, കേമ്പുകൾ , സ്ററഡിടൂർ എന്നിവ നടത്തുകയുണ്ടായി.ആത്മാർത്ഥമായ ഈ ശ്രമത്തിന് രക്ഷിതാക്കളുടെയും നാട്ടുകാരുടെയും അകമഴിഞ്ഞ പിന്തുണ ഉണ്ടായിരുന്നു.
നേർക്കാഴ്ച
കോവിഡ് കാലത്തെ പഠനാനുഭവങ്ങളെയും ജീവിതാനുഭവങ്ങളെയും അടിസ്ഥാനമാക്കി കുട്ടികൾ തയ്യാറാക്കിയ സൃഷ്ടികൾ
വിവിധ ക്ലബ്ബുകൾ
1 ഇംഗ്ലീഷ് ക്ലബ്
2 സയൻസ് ക്ലബ്
3 ലിറ്റിൽ കൈറ്റ്സ്
4 കാർഷിക ക്ലബ്
5 സോഷ്യൽ സയൻസ് ക്ലബ്
6 ഹെൽത്ത് ക്ലബ്
7 വിദ്യാരംഗം കലാസാഹിത്യ വേദി
8 പരിസ്ഥിതി ക്ലബ്
മുൻ സാരഥികൾ
എച്ച്.എസ്സ്
1.ശ്രീ കുഞ്ഞികൃഷ്ണൻ അടിയോടി
2.ശ്രീ ദിവാകരൻ നായർ
3.ശ്രീ പത്മനാഭ റാവു
4.ശ്രീമതി പി .ടി .നളിനി (1992)
5.ശ്രീ സി.എം.ജയചന്ദ്രൻ (1993)
6.ശ്രീ സി രാഘവൻ (1994)
7.ശ്രീ എം കെ ശിവദാസൻ (1995)
8.ശ്രീ ഇ.പിഗോവിന്ദൻ നമ്പ്യാർ (1996)
9.ശ്രീമതി പി.കനകമ്മ (1997 – 98)
10.ശ്രീ ഗംഗാധരൻ കെ (1999 -2000)
11.ശ്രീ സി എച്ച് കുഞ്ഞബ്ദുള്ള (2001-02)
12.ശ്രീ കെ കെ അബ്ദുള്ള (2003)
13.ശ്രീമതി പി .വി രമ (2004)
14.ശ്രീ പി .പി അബ്ദുൾഅസീസ്
15.ശ്രീ വേണുഗോപാൽ.എ
16.ശ്രീ സഹദേവൻ മിന്നി
എച്ച്.എസ്സ്,എസ്സ്
1.ശ്രീ ഹരീന്രൻ എം.പി
2.ശ്രീ ചന്ദ്രൻ ഇ
3.ശ്രീ മോഹനൻ ഓ
4.ശ്രീ വാസു.പി.പി
5.ശ്രീ സോമൻ.പി
6.ശ്രീ അബ്ദുൾ ലത്തീഫ്
വി.എച്ച് എസ് എസ്.ഇ
1.. ശ്രീമതി പാ൪വ്വതി മീര
പ്രശസ്തരായ പൂർവവിദ്യാർത്ഥികൾ
എം.സി.വി.ഭട്ടതിരിപ്പാട് (സീനിയ൪ സിറ്റിസൺ ഫോറം പ്രാരഭകൻ)
ഒ.ജി. ബാലഗോപാലൻ (സ്വാതന്ത്ര്യസമരസേനാനി)
ടി.കെ രാജു (സ്വാതന്ത്ര്യസമരസേനാനി,രാഷ്ട്രീയനവോത്ഥാനം)
എം.സി ഗോവിന്ദൻ നമ്പ്യാർ (സ്വാതന്ത്ര്യസമരസേനാനി)
ആർ.പി.സുതൻ (ഇന്ത്യയുടെ മുൻ നാവികസേനാ ഉപമേധാവി)
പി.കെ.ശങ്കരവർമ്മ പഴശ്ശിരാജ (ഗായകൻ കർണ്ണാടക സംഗീതജ്ഞൻ, ചെമ്പൈശിഷ്യ‍ൻ AIR ൽ ഇപ്പോഴും പാടുന്നു)
തായാട്ട് ശങ്കരൻ (ഭാഷയിലെ ശ്രദ്ധേയനായ സാഹിത്യ നിരൂപകൻ, അധ്യാപകൻ)
കെ.തായാട്ട്(അധ്യാപകൻ, സാഹിത്യകാരൻ)
കെ.പൊന്ന്യം
കെ.പാനൂർ (ആദിവാസിഗവേഷണം, മനുഷ്യാവകാശ പ്രവർത്തനം)
കെ.ശങ്കരനാരായണമാരാർ (ചിത്രകാരൻ)
കെ.ശശികുമാർ (ചിത്രകാരൻ)
കെ.സി.വിജയൻ (പത്രപ്രവർത്തകൻ)
പാട്യം ഗോപാലൻ (രാഷ്യട്രീയം,കവിത)
പാട്യം വിശ്യനാഥൻ (കവിത)
കെ.പി.ബി.പാട്യം (കവിത)
പി സതീദേവി (ലോകസഭാ മുൻ മെമ്പർ)
ഗോപിനാഥൻ (ശാസ്ത്രജ്ഞൻ ISRO ക്രയോജനിക്ക് വിദ്യ)
വഴികാട്ടി
തലശ്ശേരി പട്ടണത്തിൽ നിന്ന് കൂത്തുപറമ്പ് റൂട്ടിൽ ഏഴ് കിലോമീറ്റർ അകലത്തിൽ കതിരൂർ എന്ന സ്ഥലം {{#multimaps:11.785149637189331, 75.530796384825077 | width=800px | zoom=17}}