ഇംഗ്ലീഷ് വിലാസം

സ്വാഗതം -സെന്റ് എഫ്രേംസ് എച്ച്.എസ്.എസ് മാന്നാനം

ജില്ലയിലെ മികച്ച വിദ്യാലയത്തിനുള്ള പ്രഥമ ലിറ്റിൽ കൈറ്റ് പുരസ്‌കാരം വിദ്യാഭ്യാസ മന്ത്രിയിൽ നിന്നും ഏറ്റു വാങ്ങുന്നു

വിശുദ്ധ ചാവറഅച്ചന്റെ കർമ്മഭൂമിയും അദ്ദേഹത്തിന്റെ ഭൗതീക അവശിഷ്ടത്താൽ പവിത്രീകൃതവുമായ സെന്റ് എഫ്രേംസ് എച്ച്.എസ്സ് എസ്സ്. മാന്നാനം കേരളത്തിലെ ഏറ്റവും പുരാതന വിദ്യാലയങ്ങളിൽ ഒന്നാണ്. ഈ വിദ്യാലയം മദ്ധ്യ കേരളത്തിന്റെ തിലകക്കുറിയായി അറിയപ്പെടുന്നു. കോട്ടയത്തിനു (കോട്ടയം) വടക്കു പടിഞ്ഞാറായി 12കി.മീ.അകലെ ആർപ്പൂക്കര,കൈപ്പൂഴ,അതിരംമ്പുഴ എന്നീ കരകളാൽ പരിസേവ്യമായി കിടക്കുന്നു

ചരിത്രം

‎1831-ൽ തദ്ദേശിയമായ ഒരു സന്ന്യാസ സഭ സ്ഥാപിക്കണമെന്ന് പോരൂക്കര തോമ്മാ മൽപാൻ, പാലയ്ക്കൽ തോമ്മാ മൽപാൻ,ചാവറ കുര്യാക്കോസ് അച്ചൻ എന്നീ ത്രിമൂർത്തികളുടെ തീവ്രമായ ആഗ്രഹം മാന്നാനം കുന്നിൽ വി.യൗസേപ്പിതാവിന്റെ നാമത്തിൽ ആശ്രമം സ്ഥാപിച്ചുകൊണ്ട് പുവണിഞ്ഞു. 1833 വൈദീക വിദ്യാർത്ഥികളെ പരിശീലിപ്പിക്കുക എന്ന ലക്ഷ്യത്തോടെ സെമിനാരി കെട്ടിടം പണി ആരംഭിച്ചു.ആശ്രമത്തോട് അനുബന്ധിച്ചുള്ള പള്ളി പണി 1834 ൽ ആരംഭിച്ചു.വിജ്‍ഞാന വികസനത്തിനു അച്ചടി ശാലകളുടെ പ്രാധാന്യം മനസ്സിലാക്കി ചാവറ അച്ചൻ സെന്റ് .ജോസഫ് പ്രസ്സിനു 1835 ൽ തുടക്കമിട്ടു..വിദ്യാദാനത്തെ ഒരുൽകൃഷ്ട കർമ്മമായി കരുതി മാന്നാനത്ത് ഒരു സംസ്‌കൃത വിദ്യാലയത്തിനു 1846 ൽ സി.എം.ഐ സഭ CMI എജ്യുക്കേഷണൽ ഏജൻസി.‍ രൂപം നൽകുി.സുറിയാനി കത്തോലിക്കരുടെ വകയായ ആദ്യത്തെ ഇംഗ്ലീഷ് മീഡിയം സ്കൂൾ 1881 ൽ മാന്നാനത്ത് ആരംഭിച്ചു. പ്രതിഭാശാലികളായ കട്ടക്കയത്തിൽ വലിയ ചാണ്ടി അച്ചനും കണ്ണം പള്ളി ജരാർദ് അച്ചനും അതിനു നേതൃത്വം നൽകി. ഫാ.ജോസഫ് ചാവറയാണ് പ്രധാന സ്കുൾ കെട്ടിടം പണികഴിപ്പിച്ചത്.സ്കുൾ 1885 മെയ് 19-ൽ ഔപചാരികമായി ഉദ്ഘാടനം ചെയ്തു. കോട്ടയം സ്വദേശിയായ ശ്രീ.കെ.എം.കുര്യൻ കൊല്ലംപറമ്പിൽ അദ്ധ്യാപകനായി ചാർജ്ജെടുത്തു. ശ്രീ പി.സി.കുര്യൻ ആയിരുന്നു ആദ്യത്തെ ഹെഡ് മാസ്റ്റർ. ഫാ.ജോസഫ് ചാവറയുടെ ശിക്ഷണത്തിൽ സ്കൂളിനോടനുബന്ധിച്ച് സെന്റ് അലോഷ്യസ് ബോർഡിംഗ് 1887 ൽ രൂപീകൃതമായി.സ്കുളിന്റെ രജതജൂബിലി 1910 ൽ വിപുലമായ പരിപാടികളോടെ ആഘോഷിച്ചു.1936 ൽ കനക ജൂബിലി ആഘോഷിച്ചു..1947 ൽ സെന്റ് .എഫ്രേംസ് മലയാളം മീഡീയമായി.1962 ൽ സ്കുളിൽ പ്ലാറ്റിനം ജൂബിലിയാഘോഷം നടന്നു.1965 ൽ ലൈബ്രറി ,സ്കൗട്ട് ,എൻ.സി.സി ഇവ ആരംഭിച്ചു.1977-ൽ പ്രധാന കെട്ടിടത്തിനു തെക്ക് വശത്ത് ഇരുനിലകെട്ടിടവും വിശാലമായസ്ക‌ൂൾ മുറിയും പൂർത്തിയാക്കി.1996-ൽ സ്കൂളിന്റെ ശതാബ്ദി വിഫുലമായ പരിപാടികളോടെ ആഘോഷിച്ചു.ശതാബ്ദി സ്മാരകമായി ഇരുനിലയിൽ ഓഫീസ് മന്ദിരം നിർമ്മിച്ചു.1987-ൽ ബോർഡിങ്ങിന്റെ ശതാബ്ദി സ്മാരകമായി ഓഫീസ് മന്ദിരത്തിന്റെ മുകളിൽ ആഡിറ്റോറിയം നിർമ്മിച്ചു.1998 ൽ സ്കൂളിൽ പ്ലസ് ടു കോഴ്സ് ആരംഭിച്ചു.കമ്പ്യൂട്ടർ കോഴ്സ് ആരംഭിക്കുകയും സ്കൂളിന്റെ പ്രധാനകവാടത്തിൽ മനോഹരമായ ഒരു ആർച്ച് ഗേറ്റ് നിർമ്മിക്കുകയും ചെയ്തു.2000-ൽ സ്കൂളിൽ പെൺകുട്ടികൾക്ക് പ്രവേശനം നൽകി.പ്ലസ് ടു ബ്ലോക്കിന്റേയും ബോർഡിങ്ങ് മെസ് ഹാളിന്റേയും നിർമ്മാണം പൂർത്തിയായി. 2003-ൽ എട്ടാം ക്ലാസ്സിൽ ഇംഗ്ലീഷ് മീഡിയം ഡിവിഷൻ ആരംഭിച്ചു.ബാസ്ക്റ്റ് ബോൾ സ്പോർട്സ് ഹോസ്റ്റൽ ആരംഭിച്ചു. 2010 ൽ സ്കൂളിന്റെ 125 -മത് ജൂബിലി ആഘോഷിച്ചു.2013 ൽ ഇൻഡോർസ്റ്റേഡിയം നിർമ്മിച്ചു.2018 ൽ എല്ലാ ക്ലാസ്സ് മുറികളും ഹൈടെക് ആയി. 2019 ൽ കൈറ്റ് എല്ലാ ക്ലാസ്സുമുറികളിലും ഇന്റർനെറ്റ് സൗകര്യം ഏർപ്പെടുത്തി.

ഭൗതികസാഹചര്യങ്ങൾ

ഹൈസ്കൂൾ വിഭാഗത്തിൽ 15 ക്ലാസ് മുറികളും ഹയർസെക്കൻഡറി വിഭാഗത്തിൽ 12 ക്ലാസ് മുറികളും ഹൈടെക്ക് സംവിധാനങ്ങളോടെ പ്രവർത്തിക്കുന്നു.. ഓഡിയോ വിഷ്വൽ ലാബ് ,കംമ്പ്യൂട്ടർ ലാബ് , ഓഫീസ് മുറികൾ , സ്റ്റാഫ് റുംസ് , വിശാലമായ ഓഡിറ്റോറിയം, ലാഗ്വേജ് ലാബ് , സയൻസ് ലാബ് , സോഷ്യൽ സയൻസ് ലാബ് ഇവ നൂതനമായ സംവിധാനങ്ങളോടെ പ്രവർത്തിക്കുന്നു. ബാസ്ക്കറ്റ് ബോൾ കോർട്ട് , ക്രിക്കറ്റ് കോർട്ട് , വിശാലമായ ഇൻഡോർ സ്റ്റേഡിയം , പ്ലേഗ്രൗണ്ട് എന്നിവ കുട്ടികളിൽ കായികക്ഷമത ഉളവാക്കുന്നു.സ്ക‌ുളിൽ ബാസ്കറ്റ് ബോൾ അക്കാഡമിയും ക്രിക്കറ്റ് അക്കാഡമിയും എഫ്രേം സ്റ്റാർസ്പ്രവർത്തിക്കുന്നു.നാലേക്കർ സ്ഥലത്ത സ്ഥിതിചെയ്യുന്ന മൂന്ന് നിലകെട്ടിടങ്ങളുള്ള ബ്രഹത്തായ സ്ഥാപനമാണിത്.സ്കൂൾ അഡ്മിനിസ് ട്രേറ്ററായി റവ.ഫാ.ഷാജി എർനകാട്ട് സി.എം.ഐ.'സേവനം അനുഷ്ഠിക്കുന്നു. 2018-19 അദ്ധ്യയന വർഷത്തിൽ ഹൈടെക് സ്ക്കൂൾ പദ്ധതിയുടെ ഭാഗമായി ഹൈസ്ക്കൂൾ വിഭാഗത്തിൽ പതിനഞ്ച് ക്ലാസ്സ് മുറികളും ഹയർ സെക്കണ്ടറി വിഭാഗത്തിൽ പന്ത്രണ്ട് ക്ലാസ്സ് മുറികളും ഹൈടെക്കാക്കി. സ്കൂളിൽ പ്രവൃത്തിക്കുന്ന സെന്റ്.അലോഷ്യസ് ബോർഡിങ്ങിൽ 130 കുട്ടികൾക്ക് താമസിച്ചു പഠിക്കുന്നു.റവ.ഫാ.സജി പാറക്കടവിൽ സി.എം.ഐ. ആണ് ഇപ്പോഴത്തെ ബോർഡിങ്ങ് റെക്ടർ.

അദ്ധ്യാപകർ,വിദ്യാർത്ഥികൾ

പ്രിൻസിപ്പൽ റവ. ഫാ. ല‍ൂക്കാ ആന്റണി ചാവറ സി.എം.ഐ യുടെ നേത്യത്വത്തിൽ 25 അദ്ധ്യാപകരും 3 അനദ്ധ്യാപകരും എച്ച്. എസ് .എസ് വിഭാഗത്തിലും ഹെഡ്‌മാസ്റ്റർ ശ്രീ ജോജി ഫിലിപ്പിന്റെ നേതൃതത്തിൽ 22 അദ്ധ്യാപകരും 4 അനദ്ധ്യാപകരും എച്ച്. എസ് വിഭാഗത്തിലും സേവനം അനുഷ്ഠിക്കുന്നു.

സാരഥികൾ

റവ.ഫാദർ ല‌ൂക്കാ ആന്റണി ചാവറ സി.എം.ഐ (പ്രിൻസിപ്പാൾ)‍‍
ശ്രീ ഷാജി തോമസ് (ഹെഡ്‌മാസ്റ്റർ)

റിസൾട്ട്

2019-20 അധ്യയന വർഷത്തിലും SSLC പരീക്ഷയ്ക്ക് 100% റിസൾട്ട് ലഭിച്ചു.194 കുട്ടികൾ പരീക്ഷ എഴുതി. ഫുൾ A+ SSLC യ്ക്ക് 13 പേർക്കും, 9 A+ 8 കുട്ടികൾക്ക‌ും ലഭിച്ചു.ഹയർ സെക്കണ്ടറി പരീക്ഷയിൽ 20ക‍ുട്ടികൾക്ക് ഫുൾ A+ ലഭിച്ചു. SSLC Result (SSLC RESULT)

സ്റ്റാഫ് സെന്റ് എഫ്രേം എച്ച്.എസ്സ് എസ്സ്. മാന്നാനം

ഹയർ സെക്കന്ററി അദ്ധ്യാപകർ-	ഹയർ സെക്കന്ററി അനദ്ധ്യാപകർ-	അദ്ധ്യാപകർ എച്ച്.എസ്-	അനദ്ധ്യാപകർ എച്ച്.എസ്-	സ്ക‌ൂൾ പ്രിൻസിപ്പൽമാർ-

പാഠ്യേതര പ്രവർത്തനങ്ങൾ

സ്കൗട്ട് &ഗൈഡ്
ജെ ആ൪ സി
എൻ.സി.സി
ലിറ്റിൽകൈറ്റ്സ് ഐ.റ്റി ക്ലബ്ബ്
അസാപ്പ്
ക്ലാസ് മാഗസിൻ.
വിദ്യാരംഗം കലാ സാഹിത്യ വേദി.
ക്ലബ്ബ് പ്രവർത്തനങ്ങൾ.

നേർക്കാഴ്ച

കോവിഡ് കാലത്തെ പഠനാനുഭവങ്ങളും ജീവിതാനുഭവങ്ങളെയും ആസ്പദമാക്കി നടത്തിയ ചിത്രരചന മത്സരത്തിൽ എല്ലാ ക്ളാസ്സിലെ കുട്ടികളും പങ്കെടുത്തു.വീടുകളിൽ നിന്ന് വരച്ച ചിത്രങ്ങൾ കുട്ടികൾ ക്ലാസ് അധ്യാപകർക്ക് വാട്ട്സ് ആപ്പിലൂടെ അയച്ചുകൊടുത്തു.

അശ്വിൻ ജോ XE
ജൂബിമോൾ പി സാബു 9B
ആൽബിൻ കെ മത്തായി xD
അദ്വൈത്അനൂപ് 9D
നേർകാഴ്ച
അബിറാം ഷിജു 9C
നേർകാഴ്ച
അദ്വൈത് അനൂപ് നായർ 9D
കെവിൻ ജോയ് 8C
ആൽവിൻ മാത്യു 9C
ഇന്ദുബാല അനിൽ

സാമുഹ്യ മേഖല

സെന്റ് എഫ്രേംസ് ചാരിറ്റബിൾ ട്രസ്റ്റ് :
സാമ്പത്തികമായി പിന്നോക്കം നിൽക്കുന്ന കുട്ടികളെ പരമാവധി സഹായിക്കുക എന്ന ലക്ഷ്യത്തോടെ ആരംഭിച്ച ജീവകാരുണ്യ സംഘടന.യൂണിഫോം പഠനോപകരണങ്ങൾ മറ്റ് സാമ്പത്തിയ സഹായങ്ങൾ നൽകൽ
ദിനപത്രങ്ങൾ ആനുകാലിക പ്രസിദ്ധീകരണങ്ങൾ തുടങ്ങിയവ ലഭ്യമാക്കൽ .
വിവിധ ബോധവൽക്കരണ ക്ലാസുകൾ
സ്കൂൾ പരിസര ശൂചീകരണം .
സ്കൂൾ അനുബന്ധ പ്രദേശങ്ങളിലെ ഭവന സന്ദർശനം നടത്തി ബോധവൽക്കരണം .
പ്രധാന്യമുള്ള ദിനാചരണങ്ങ‍ൾ സമുചിതമായി ആചരിക്കൽ

എഫ്രേംസിന്റെ അഭിമാനം

പ്രശസ്ത കാർഡിയോളജിസ്റ്റും ഹൃദയം മാറ്റിവയ്ക്കൽ ശസ്ത്രക്രീയ രംഗത്ത് മായാത്ത വ്യക്തി മുദ്ര പതിപ്പിച്ച ഡോക്ടർ ജോസ് ചാക്കോ പെരിയപ്പുറം സെന്റ് എഫ്രംസിലെ പൂർവ്വവിദ്യാർത്ഥിയാണ്.

സ്ക‌ൂളിന്റെ ഫേസ് ബുക്ക്

ഫേസ് ബുക്ക് 1‍ ഫേസ് ബുക്ക് 2

ലിറ്റിൽ കൈറ്റ്സ് അവാർഡ് 2019

ജില്ലാതലത്തിൽ മികച്ച ലിറ്റിൽ കൈറ്റ്സ് യൂണിറ്റിനുള്ള അവാർഡ് സെന്റ് എഫ്രേംസ് ഹയർസെക്കണ്ടറി സ്ക‌ുൾ മാന്നാനത്തിന് ലഭിച്ചു.അമ്പതിനായിരം രൂപയും പ്രശസ്തി പത്രവും അടങ്ങിയ അവാർഡ് മന്ത്രി പ്രൊഫസർ സി രവീന്ദ്രനാഥിൽ നിന്ന് സ്കൂൾ അധികൃതരും ലിറ്റിൽ കൈറ്റ്സ് അംഗങ്ങളും ഏറ്റുവാങ്ങി.

**ലിറ്റിൽ കൈറ്റ്സ് പുരസ്കാരം 2019 ട്രോഫി**

സ്‌കൂൾ വിക്കി അവാർഡ്

പ്രഥമ ശബരീഷ് സ്മാരക സ്ക്കൂൾവിക്കി അവാർഡ് 2018 കോട്ടയം ജില്ല രണ്ടാം സ്ഥാനം സെന്റ് എഫ്രേംസ് ഹയർസെക്കണ്ടറി സ്‌കൂളിന്, പ്രശസ്തി പത്രവും ട്രോഫിയും അ‍ഞ്ചായിരം രൂപയും ലഭിച്ചു.

സ്കൂൾവിക്കി അവാർഡ്
സ്‌ക‌ൂൾ വിക്കിപുരസ്കാരം 2018
സ്‌ക‌ൂൾ വിക്കിപുരസ്കാരം 2018 ട്രോഫി
ഡിജിറ്റൽമാഗസിൻഇതൾ
ഡിജിറ്റൽമാഗസിൻ e_ന്ദുകാന്തം

സ്‌കൂൾ വാർഷികം 2019-20

മാന്നാനം സെന്റ് എഫ്രേംസ് സ്കൂളിന്റെ 135-മത് വാർഷികവും അധ്യാപകരക്ഷാകർതൃദിനവും 2020 ജനുവരി 14 ചൊവ്വാഴ്ച്ച രാവിലെ 10ന് സ്കൂൾ ഇൻഡോർ സ്റ്റേഡിയത്തിൽ നടന്നു . തദവസരത്തിൽ സ്തുത്യർ‌ഹസേവനത്തിന് ശേഷം സർവ്വീസിൽ വിരമിക്കുന്ന പ്രിൻസിപ്പൽ റവ. ഫാ. Thomas ChoolaparambilCMI അധ്യാപകരായ റവ. ഫാ. Joshi Plamootil CMI, Sri JoseJohn cherikal ,head clerk Sri. JacobThomas എന്നിവർക്ക് സ്നേഹ നിർഭരമായ യാത്രയപ്പ് നൽകി. മാന്നാനം ആശ്രമ ശ്രേഷ്ംൻ Rev. Fr. Scaria Ethirette C.M.I യുടെ അദ്ധ്യക്ഷതയിൽ ചേർന്ന സമ്മേളനത്തിൽ Kottayam Medical College Principal Dr. Jose Joseph യോഗം ഉദ്ഘാടനം ചെയ്തു. പ്രസ്തുത സമ്മേളനത്തിൽ CMI St. Joseph’s Province പ്രവിശ്യാധിപൻ Rev Fr Sebastian Chamathara CMI അനുഗ്രഹ പ്രഭാഷണവും പ്രശസ്തവാഗ്മി Rev Fr Joseph Puthenpurackal മുഖ്യപ്രഭാഷണവും നടത്തി .തുടർന്നുള്ള കലാഞ്ജലി പ്രമുഖ സിനി അർട്ടിസ്റ്റ് ആമൂലിഗ ഉദ്ഘാടനം ചെയ്തു. കുട്ടികളുടെ വിവിധ കലാപരിപാടികൾ കലാപാരിപാടികൾക്കു മാറ്റു കൂട്ടി.വാർഷിക റിപ്പോർട്ട് റെക്കോർഡ് ചെയ്തതും സ്കൂളിൽ നടന്ന എല്ലാപ്രവർത്തനങ്ങളുടേയും visuals പ്രദർശിപ്പിച്ചതും വാർഷിക ആഘോഷം വേറിട്ട അനുഭവമാക്കി.‍

വാർഷികാഘോഷം
വാർഷികാഘോഷം
വാർഷികാഘോഷം
വാർഷികാഘോഷം

റിട്ടയർമെന്റ്

തലമുറകൾക്ക് അക്ഷരവെളിച്ചം പകർന്നു കൊടുത്ത ശേഷം ഹയർസെക്കണ്ടറി വിഭാഗത്തിൽ പ്രിൽസിപ്പൽ റവ.ഫാദർ തോമസ് ചൂളപറമ്പിൽ സി.എം.ഐ ഹൈസ്കൂൾ വിഭാഗത്തിലെ സോഷ്യസയൻസ് അധ്യാപകനായ ശ്രീ. ജോസ് ജോൺ ചേരിക്കൽ, മലയാളം അധ്യാപകനായ റവ.ഫാദർ ജോഷി പി.എം ഹെഡ് ക്ലർക്ക് ശ്രീ. ജേക്കബ്ബ് തോമസ് എന്നിവർ ഈ വർ‍ഷം ഔദ്യോഗിക ജീവിതത്തിന്റെ പടിയിറങ്ങുകയാണ്. അവരുടെ മഹനീയ സേവനങ്ങളെ നന്ദിയോടെ സ്മരിക്കുന്നതോടൊപ്പം ശിഷ്ടകാലം ആയുരാരോഗ്യത്തോടെ സർവ്വൈശ്വരങ്ങളോടെ ജീവിക്കാൻ ജഗദീശ്വരൻ അനുഗ്രഹിക്കട്ടെ എന്ന് പ്രാർത്ഥിക്കുകയും ചെയ്യുന്നു.

റിട്ടയർമെന്റ് HM ജോജി ഫിലിപ്പ്

കഴിഞ്ഞ നാലര വർഷം സ്കൂളിന്റെ ഹെഡ്മാസ്റ്റർ എന്ന നിലയിൽ സേവനം ചെയ്ത ബഹുമാനപ്പെട്ട ജോജി ഫിലിപ്പ് സാർ, തന്റെ ഔദ്യോഗിക സേവനത്തിൽ നിന്നും, ഈ അധ്യയ നവർഷത്തിൽ വിരമിക്കുന്ന സാഹചര്യത്തിൽ, ഒക്ടോബർ ഒന്ന് മുതൽ അവധിയിൽ പ്രവേശിക്കുകയാണ്. ഒക്ടോബർ ഒന്നാം തീയതി പുതിയ ഹെഡ്മാസ്റ്റർ ശ്രീ.ഷാജി തോമസ് ചുമതലയേറ്റു.ബഹുമാനപ്പെട്ട ജോജി ഫിലിപ്പ് സാറിന്റെ സേവനകാലഘട്ടം St. Ephrems ന്റെ സുവർണ കാലമായിരുന്നു. SSLC ക്ക് തുടർച്ചയായി 100% വിജയം, കൂടുതൽ A+ കൾ, കലാ - കായിക മേഖലകളിലുണ്ടായ മികവ്,IT രംഗത്തുണ്ടായ മികവ്, അച്ചടക്കമുള്ള സ്കൂൾ അന്തരീഷം എന്നിവ ഇതിൽ ചിലതുമാത്രം. മാതാപിതാക്കളുമായും, അധ്യാപകരുമായും, കുട്ടികളുമായുമുള്ള അടുപ്പം മെച്ചപ്പെട്ട ഒരു പഠനാന്തരീക്ഷം പ്രധാനം ചെയ്യുവാൻ കാരണമായി.ഈ അസാധാരണ സാഹചര്യത്തിൽ പോലും, കുട്ടികൾക്ക് പഠിക്കുവാൻ വേണ്ട എല്ലാ സൗകര്യങ്ങളും ഒരുക്കുന്നതിൽ സാറിന്റെ സജീവ ശ്രദ്ധയുണ്ടായിരുന്നു.ഈ അവസരത്തിൽ, ജോജിസാർ, ചെയ്ത എല്ലാ നന്മകളെയും ഓർത്തു നന്ദി അർപ്പിക്കുന്നു.... സാറിന്റെ ജീവിതത്തിന്റെ തുടർന്നുള്ള, ഘട്ടം കൂടുതൽ ഐശ്വര്യപൂർണമാകട്ടെയെന്നു ആശംസിക്കുകയും, പ്രാർത്ഥിക്കുകയും ചെയ്യുന്നു.

യാത്രയപ്പ്
യാത്രയപ്പ്
യാത്രയപ്പ്
യാത്രയപ്പ്
യാത്രയപ്പ്
യാത്രയപ്പ്
യാത്രയപ്പ്
യാത്രയപ്പ്

സ്വാഗതം HM ഷാജി തോമസ്

പുളിങ്കുന്ന് സെന്റ് ജോസഫ് സ്കൂളിൽ നിന്ന് ട്രാൻസഫർ ആയി മാന്നാനം സെന്റ് എഫ്രേംസിൽ ഹെഡ്മാസ്റ്റർ ആയി ഒക്ടോബർ 1 ന് നിയമിതനായ ബഹുമാനപ്പെട്ട ഷാജി തോമസ് സാറിന് ഹൃദ്യമായ സ്വാഗതം നേരുന്നു.

സ്വാഗതം
സ്വാഗതം
സ്വാഗതം
സ്വാഗതം
സ്വാഗതം

നേട്ടങ്ങൾ

പ്രോജക്ടുകൾ
തിരികെ വിദ്യാലയത്തിലേക്ക്	(സഹായം)
എന്റെ ഗ്രാമം	(സഹായം)
നാടോടി വിജ്ഞാനകോശം	(സഹായം)
സ്കൂൾ പത്രം	(സഹായം)
അക്ഷരവൃക്ഷം	(സഹായം)
ഓർമ്മക്കുറിപ്പുകൾ	(സഹായം)
എന്റെ വിദ്യാലയം	(സഹായം)
Say No To Drugs Campaign	(സഹായം)
ഹൈടെക് വിദ്യാലയം	(സഹായം)
കുഞ്ഞെഴുത്തുകൾ	(സഹായം)

സെന്റ് എഫ്രേം എച്ച്.എസ്സ് എസ്സ്. മാന്നാനം
സെന്റ് എഫ്രേം എച്ച്.എസ്സ് എസ്സ്. മാന്നാനം
വിലാസം
	മാന്നാനം; മാന്നാനം പി.ഒ, ; കോട്ടയം, 686561, കോട്ടയം ജില്ല
സ്ഥാപിതം	19 - മെയ് - 1885
വിവരങ്ങൾ
ഫോൺ	04812597719
ഇമെയിൽ	stephremsmannanam@gmail.com
വെബ്‍സൈറ്റ്	stephremshss.org ephremstars.org
കോഡുകൾ
സ്കൂൾ കോഡ്	33056 (സമേതം)
വിദ്യാഭ്യാസ ഭരണസംവിധാനം
റവന്യൂ ജില്ല	കോട്ടയം
വിദ്യാഭ്യാസ ജില്ല	കോട്ടയം
സ്കൂൾ ഭരണ വിഭാഗം
സ്കൂൾ വിഭാഗം	പൊതു വിദ്യാലയം
പഠന വിഭാഗങ്ങൾ	എൽ.പി; യു.പി
മാദ്ധ്യമം	മലയാളം‌ ,ഇംഗ്ളീഷ്
സ്കൂൾ നേതൃത്വം
പ്രിൻസിപ്പൽ	റവ. ഫാ. ല‍ൂക്ക ചാവറ സി.എം.ഐ
പ്രധാന അദ്ധ്യാപകൻ	ശ്രീ.ഷാജി തോമസ്
അവസാനം തിരുത്തിയത്
02-10-2020	033056

അന‌ുബന്ധ പ്രവർത്തനങ്ങൾ

എൻഎസ്എസ്, *സെൻറ്. എഫ്രേംസ് ചാരിറ്റബിൾ ട്രസ്റ്റ് *ആദ്ധ്യാത്മികരംഗം *ന‌ൂൺ മീൽ പ്രോഗ്രാം *ഗ്ര‌ുപ്പ് ഫോട്ടോസ് *റിട്ടയർമെന്റ്*സൗഹൃദ ക്ലബ്ബ്‍‍*അസാപ് 33056

ഉപതാളുകൾ

വഴികാട്ടി

|}

വിദ്യാലയത്തിലേക്ക് എത്തുന്നതിനുള്ള മാർഗ്ഗങ്ങൾ

    * കോട്ടയത്തിനു വടക്കുപടിഞ്ഞാറായി 12 കി.മീ.അകലെ ആർപ്പൂക്കര,കൈപ്പൂഴ,അതിരംമ്പുഴ എന്നീ കരകളാൽ പരിസേവ്യമായി കിടക്കുന്നു
    * മാന്നാനം ജംഗ്ഷനിൽ നിന്നും തെക്കുഭാഗത്ത് 300 മീറ്റർ അകലെ സെന്റ് ജോസഫ് ആശ്രമ ദേവാലയത്തിനു സമീപം സ്ഥിതിചെയ്യുന്നു .