ഗവ. എച്ച് എസ് എസ് പുതിയകാവ്
| സ്കൂൾ | സൗകര്യങ്ങൾ | പ്രവർത്തനങ്ങൾ | പ്രൈമറി | എച്ച്.എസ് | എച്ച്.എസ്.എസ്. | ചരിത്രം | അംഗീകാരം |
എറണാകുളം ജില്ലയിലെ ആലുവ വിദ്യാഭ്യാസ ജില്ലയിൽ എൻ. പറവൂർ ഉപജില്ലയിലെ പുതിയകാവ് സ്ഥലത്തുള്ള ഒരു സർക്കാർ വിദ്യാലയമാണ് ഗവ. എച്ച് എസ് എസ് പുതിയകാവ്.
| ഗവ. എച്ച് എസ് എസ് പുതിയകാവ് | |
|---|---|
| പ്രമാണം:ഉണ്ട് | |
 | |
| വിലാസം | |
പുതിയകാവ്, വടക്കേക്കര വടക്കേക്കര പി ഓ പി.ഒ. , 683522 , എറണാകുളം ജില്ല | |
| സ്ഥാപിതം | 01 - 06 - 1900 |
| വിവരങ്ങൾ | |
| ഫോൺ | 04842443173 |
| ഇമെയിൽ | ghs26puthiyakavu@gmail.com |
| കോഡുകൾ | |
| സ്കൂൾ കോഡ് | 25059 (സമേതം) |
| യുഡൈസ് കോഡ് | 32081000213 |
| വിദ്യാഭ്യാസ ഭരണസംവിധാനം | |
| റവന്യൂ ജില്ല | എറണാകുളം |
| വിദ്യാഭ്യാസ ജില്ല | ആലുവ |
| ഉപജില്ല | നോർത്ത് പറവൂർ |
| ബി.ആർ.സി | നോർത്ത് പറവൂർ |
| ഭരണസംവിധാനം | |
| ബ്ലോക്ക് പഞ്ചായത്ത് | നോർത്ത് പറവൂർ |
| സ്കൂൾ ഭരണ വിഭാഗം | |
| സ്കൂൾ ഭരണ വിഭാഗം | സർക്കാർ |
| സ്കൂൾ വിഭാഗം | ഹയർ സെക്കണ്ടറി |
| പഠന വിഭാഗങ്ങൾ | എൽ.പി യു.പി ഹൈസ്കൂൾ ഹയർസെക്കന്ററി |
| മാദ്ധ്യമം | മലയാളം, ഇംഗ്ലീഷ് |
| സ്ഥിതിവിവരക്കണക്ക് | |
| ആൺകുട്ടികൾ | 195 |
| പെൺകുട്ടികൾ | 185 |
| ആകെ വിദ്യാർത്ഥികൾ | 380 |
| അദ്ധ്യാപകർ | 25 |
| ഹയർസെക്കന്ററി | |
| ആകെ വിദ്യാർത്ഥികൾ | 219 |
| സ്കൂൾ നേതൃത്വം | |
| പ്രിൻസിപ്പൽ | സരിത എസ് |
| പ്രധാന അദ്ധ്യാപിക | ശ്രീമതി ഷീല കെ ജെ |
| പി.ടി.എ. പ്രസിഡണ്ട് | ശ്രീ ശ്രീകുമാർ കെ ജി |
| അവസാനം തിരുത്തിയത് | |
| 02-11-2025 | Ghs26puthiyakavu |
| ക്ലബ്ബുകൾ | |||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| (സഹായം?) | |||||||||||||||||||||||||||||||||
| (സഹായം?) | |||||||||||||||||||||||||||||||||
| (സഹായം?) | |||||||||||||||||||||||||||||||||
| (സഹായം?) | |||||||||||||||||||||||||||||||||
| (സഹായം?) | |||||||||||||||||||||||||||||||||
| (സഹായം?) | |||||||||||||||||||||||||||||||||
| (സഹായം?)
| |||||||||||||||||||||||||||||||||
|
| പ്രോജക്ടുകൾ | |||||||||||
|---|---|---|---|---|---|---|---|---|---|---|---|
| (സഹായം) | |||||||||||
| (സഹായം) | |||||||||||
| (സഹായം) | |||||||||||
| (സഹായം) | |||||||||||
| (സഹായം) | |||||||||||
| (സഹായം)
| |||||||||||
|
ലഘുചരിത്രം
1901 ലാണ് പുതിയകാവ് ഗവ.ഹയർസെക്കന്ററി സ്ക്കുൾ സ്ഥാപിതമായത്. ഈ പ്രദേശത്തെ പുരാതനമായ ചില ' നായർ കുടുംബങ്ങളാണ് ഒരു ഏക്കർ 73 സെൻ്റ് സ്ഥലം ഈ വിദ്യാലയത്തിനായി നല്കിയത്. ആദ്യം ആ കുടുംബങ്ങളുടെ ഉടമസ്ഥതയിലായിരുന്ന വിദ്യാലയം പിന്നീട് അവർ ഗവൺമെൻ്റിലേക്ക് നല്കുകയും ചെയ്തു.തുടക്കത്തിൽ എൽ പി വിഭാഗം മാത്രമേ ഉണ്ടായിരുന്നുള്ളൂ.ആൺകുട്ടികുൾക്കുവേണ്ടിയുള്ള ആൺപള്ളിക്കൂടമായിരുന്നു തുടക്കത്തിൽ. സ്ക്കൂളിനോട് ചേർന്ന് പെൺകുട്ടികൾക്കായി പെൺപള്ളിക്കൂടവും ഉണ്ടായിരുന്നു.1938 ൽ ഈ സ്ക്കൂൾ പ്രൈമറിയിൽ നിന്നും മിഡിൽ സ്ക്കൂളായി ഉയർത്തി.പിന്നീട് ആൺപള്ളിക്കൂടം മിക്സഡ് സ്ക്കൂളായി ഉയർത്തി. അന്ന് ഓല മേഞ്ഞ സ്ക്കൂൾ ഓടിട്ട കെട്ടിടമാക്കി.പുതിയകാവ് എന്ന അവികസിത പ്രദേശത്തെ വിദ്യാഭ്യാസ ആവശ്യങ്ങൾ പരിഹരിക്കുന്നതിനായി പിന്നീട് ഈ സ്ക്കൂളിനെ ഹൈസ്ക്കൂൾ ആയി ഉയർത്തി. 1970 ൽ ആദ്യ എസ്.എസ്.എൽ.സി ബാച്ച് ഇവിടെ നിന്ന് പുറത്തിറങ്ങി.അക്കാലത്ത് അറബിഭാഷ പഠിപ്പിച്ചിരുന്ന ഈ പ്രദേശത്തെ ഏക സ്ക്കൂളായിരുന്നു ഇത്. 108 വർഷത്തോളം പഴക്കമുള്ള ഈ വിദ്യാലയം 2004 ൽഹയർസെക്കന്ററിയായി സർക്കാർ ഉയർത്തി. ഹയര്സെക്കന്ററി വിഭാഗത്തിൽ സയൻസ്, കൊമേഴ്സ് എന്നീ വിഷയങ്ങളാണ് ഇവിടെ ഉള്ളത്. ചരിത്ര പ്രാധാന്യം അർഹിക്കുന്ന മുസരിസിന്റെ സമീപ സ്ഥലത്താണ് ഈ വിദ്യാലയം സ്ഥിതി ചെയ്യുന്നത്. തികച്ചും ഒരു ഗ്രാമീണ അന്തരീക്ഷത്തിൽ പുതിയകാവ് ദേവീക്ഷേത്രത്തിനോട് ചേർന്ന് ആണ് ഈ സരസ്വതീ ക്ഷേത്രം നിലകൊള്ളുന്നത്. വടക്കേക്കര ചിറ്റാറ്റുകര പഞ്ചായത്തുകളിലെ ഏക സർക്കാർ ഹയർ സെക്കൻ്ററി സ്ക്കൂളായി ഈ വിദ്വാലയം പ്രവർത്തിച്ചു വരുന്നു.
സൗകര്യങ്ങൾ
റീഡിംഗ് റൂം
ഹൈടെക് ക്ലാസ് മുറികൾ
ലൈബ്രറി
ശാസ്ത്രപോഷിണി ലാബുകൾ
കംപ്യൂട്ടർ ലാബ്
ലിറ്റിൽ കൈറ്റ്സ്
എൻ സി സി
സ്കൂൾ ബസ്
ജൂനിയർ റെഡ് ക്രോസ്
നേട്ടങ്ങൾ
മറ്റു പ്രവർത്തനങ്ങൾ
യാത്രാസൗകര്യം
മുൻ സാരഥികൾ
സ്കൂളിന്റെ മുൻ പ്രധാനാദ്ധ്യാപകർ.
| 1905 - 72 | വിവരം ലഭ്യമല്ല |
| 1980 | ശ്രീ സുന്ദരൻ |
| 1980-85 | ശ്രീമതി ആനന്ദവല്ലിയമ്മ |
| 1985-87 | ശ്രീമതി രാധ |
| 1987-90 | ശ്രീ എം ഡി മുരളി |
| 1990-91 | ശ്രീ ബാബു യശോദരൻ |
| 1991 | ശ്രീ ഹരിശർമ |
| 1992-96 | ശ്രീമതി ജയധര |
| 1996-99 | ശ്രീമതി വിശാലം |
| 1997-2002 | ശ്രീമതി ടി.എൻ രാധ |
| 2002-2005 | ശ്രീമതി വി.ആർ. ഗീതഭായി |
| 2005-2006 | ശ്രീമതി ടി.എൻ. ശാന്തമ്മ |
| 2006-2010 | ശ്രീ എ.കെ. തങ്കസ്വാമി |
| 2010-2011 | ശ്രീമതി എം പി വനജ |
| 2011- 3/2015 | ശ്രീമതി ടി കെ ലൈല |
| 6/2015 -8/2018 | ശ്രീ കെ ജെ മുരളീധരൻ |
| 11/2018 - 2020 | ശ്രീമതി സിനി |
| 6/2020- 6/2023 | ശ്രീമതി സലീല വി കെ |
| 6/2023 - 5/2025 | ശ്രീ പി കെ രാജേന്ദ്രൻ |
| 6/2025 -..... | ശ്രീമതി. ഷീല കെ ജെ |
പൂർവ്വ വിദ്യാർത്ഥികൾ
സൗമ്യ പി ബി (Soumya P B, )(Office Assistant, Ghss Puthiyakavu )
SSLC Batch 2000
അനിൽ കെ അരവിന്ദ് (Anil K Aravind, UPST Ghss Puthiyakavu)
SSLC Batch 1993
ജയറാണി സി എസ് (JAYARANI C S) (PD Teacher, Sr. Gr, Ghss Puthiyakavu) SSLC 1990 Batch
പുതിയകാവ് ഹൈ സ്കൂളിലെ യുപി വിഭാഗം അധ്യാപകരായിരുന്ന ശ്രീ സി സത്യനാഥൻ മാസ്റ്ററുടെയും (1978-1981, 1985-1989) ആർ വിശാലം ടീച്ചറുടെയും (1982-1992) മകൾ. GLPS ഏലൂരിൽ അധ്യാപികയായി സവീസിൽ പ്രവേശിച്ചു. 2004 ഡിസംബറിൽ പുതിയകാവിലേക്ക് സ്ഥലം മാറ്റം ലഭിച്ചു. വടക്കേക്കര ഗ്രാമ പഞ്ചായത്തിൽ സീനിയർ ക്ലാർക്കായി സേവനമനുഷ്ഠിക്കുന്ന ശ്രീ ഉണ്ണികൃഷ്ണൻ ടി എ ജീവിത പങ്കാളിയും അശോക് കൃഷ്ണ ടി യു (പൂർവ്വ വിദ്യാർത്ഥി, Ghss Puthiyakavu), അഗത കൃഷ്ണ (Student, Ghss Puthiyakavu) എന്നിവർ മക്കളുമാണ്.
റിയാസ് പി എൻ (Reyaz P N) (താലൂക്ക് സപ്ലൈ ഓഫിസർ, സിവിൽ സപ്ലൈസ് Dpt.)SSLC Batch 1993
പുതിയകാവിന്റെ പൂർവ്വവിദ്യാർത്ഥി, 1993 എസ് എസ് എൽ സി ബാച്ച്. പട്ടണം, വടക്കേക്കര പന്നേക്കാരൻ പറമ്പിൽ പരേതനായ അബ്ദുൽ ഖാദർ -റംല ദമ്പതികളുടെ മകൻ. നിലവിൽ ആലങ്ങാട് വില്ലേജിൽ താമസം. സിവിൽ സപ്ലൈസ് ഡിപ്പാർട്ട്മെന്റിൽ താലുക്ക് സപ്ലൈ ഓഫീസറായി സേവനമനുഷ്ഠിക്കുന്നു.
-
റിയാസ് പി എൻ
അബ്ദുൽ റഷീദ് കെ എസ് (Abdul Rasheed K S, അറബിക് വിഭാഗം മേധാവി,
മഹാരാജാസ് കോളജ്, എറണാകുളം) SSLC Batch 1988
വടക്കേക്കര, പട്ടണം കാട്ടിശ്ശേരി സെയ്തു- ഫാത്തിമാ ബീവി ദമ്പതികളുടെ മകൻ പുതിയകാവിൽ നിന്ന് 1988 ൽ എസ് എസ് എൽസി പഠനം പൂർത്തിയാക്കി. മന്നം ഇസ് ലാമിയ കോളജിൽ നിന്നും പ്രീഡിഗ്രിയും എറണാകുളം മഹാരാജാസ് കോളജിൽ നിന്നും BA, MA ബിരുദങ്ങളും കരസ്ഥമാക്കി. തലശ്ശേരി ഗവ: കോളജ് ഓഫ് ടീച്ചർ എഡ്യൂക്കേഷനിൽ നിന്നും BEd, ശേഷം പ്രീഡിഗ്രി പൂർത്തിയാക്കിയ മന്നം ഇസ്ലാമിയ കോളജിൽ അധ്യാപകനായി സേവനമാരംഭിച്ചു. 2003 മാർച്ച് 3 ന് കൊല്ലം ജില്ലയിലെ ചവറ ഗവ. ബോയ്സ് ഹയർ സെക്കണ്ടറി സ്കൂളിൽ പാർട്ട് ടൈം HSA തസ്തികയിൽ സർക്കാർ നിയമനം. 2004 സെപ്റ്റംബറിൽ എറണാകുളം ജില്ലയിലെ GHSS Central calvathy യിൽ HSA Arabic തസ്തികയിൽ നിയമനം. 2005 സെപ്റ്റംബറിൽ Fort kochi EMGHSS Veli ൽ HSST Jr. തസ്തികയിലും 2009 ജൂലായിൽ കോളജ് വിദ്യാഭ്യാസ വകുപ്പിനു കീഴിൽ,
കാര്യവട്ടം ഗവ: കോളജിൽ Lecturer തസ്തികയിലും നിയമിതനായി. 2010 മുതൽ മാതൃ കലാലയമായ മഹാരാജാസിലെ അധ്യാപകനായി സേവനമനുഷ്ഠിച്ചു വരുന്നു.
Ghss പുതിയകാവിലെ HSവിഭാഗം ഹിന്ദി അധ്യാപിക ഉമൈസ് കെ സഹധർമിണിയും മുഹമ്മദ് അൽത്താഫ് , നവാൽ ഫർഹീൻ (പൂർവ്വ വിദ്യാർത്ഥി, Ghss Puthiyakavu) എന്നിവർ മക്കളുമാണ്.
റഹ്മത്ത് കെ എസ് (ഡെപ്യൂട്ടി തഹസിൽദാർ)
(SSLC 1988 Batch)
പുതിയകാവിന്റെ പൂർവ്വവിദ്യാർത്ഥി, 1988 ലെ എസ് എസ് എൽ സി ബാച്ചിൽ ഉണ്ടായിരുന്ന ശ്രീമതി. റഹ്മത്ത് കെ എസ്. കൊടുങ്ങല്ലൂർ മാടവന സ്വദേശി ആണ്. ആളംതുരുത്തിലുളള മാതൃഗൃഹത്തിൽ താമസിച്ച് സ്കൂൾ പഠനം പുർത്തിയാക്കി. ഇപ്പോൾ തൃശ്ശൂർ ജില്ലയിലെ വരവൂരിൽ താമസം. തൃശ്ശൂർ ജില്ലയിലെ വടക്കാഞ്ചേരിയിൽ ഡെപ്യൂട്ടി തഹസിൽദാരായി സേവനമനുഷ്ഠിക്കുന്നു
ഗായകൻ സുധീർ പറവൂർ (ഗിന്നസ് സുധീർ)
ജീ എച്ച് എസ് എസ് പുതിയകാവിന്റെ പ്രശസ്തനായ പൂർവ്വ വിദ്യാർത്ഥി ശ്രീ സുധീർ പറവൂർ 1979 ഏപ്രിൽ 20 ന് എറണാകുളം
ജില്ലയിലെ പറവൂരിലെ മാച്ചംതൂരുത്തിൽ - വലിയാറപ്പാടത്ത് നാസറിന്റെയും കൊച്ചലീമയുടെയും മകനായാണ് ജനിച്ചത്.
പുതിയകാവ് ഹൈസ്കൂളിൽ നിന്ന് സ്കൂൾ വിദ്യാഭ്യാസം പൂർത്തിയാക്കിയ ശേഷം (1989 - 1994) പറവൂർ കൃഷ്ണ മ്യൂസിക് അക്കാദമിയിൽ ചേരുകയും പൂയപ്പിള്ളി അനിൽ കൃഷ്ണൻ മാസ്റ്ററുടെ കീഴിൽ ശാസ്ത്രീയ സംഗീതം അഭ്യസിക്കുകയും ചെയ്തു. പിന്നീട് വിവിധ സംഗീത ട്രൂപ്പുകളോടൊപ്പം ഒറ്റയ്ക്കും പാടാൻ തുടങ്ങി. കുട്ടിക്കാലം മുതൽ, മറ്റ് ഗായകരിൽ നിന്ന് വ്യത്യസ്തമായ രീതിയിൽ പ്രേക്ഷക മനസ്സിനെ കീഴടക്കാനുള്ള ചിന്തകൾ അദ്ദേഹത്തിന് ഉണ്ടായിരുന്നു. 2013ൽ യേശുദാസിന്റെ 185 ഗാനങ്ങളും
മാല മഹോത്സവത്തിൽ 12 മണിക്കൂറും തുടർച്ചയായി 385 യേശുദാസിന്റെ ഗാനങ്ങളും പറവൂർ മുസിരിസ് ഉത്സവത്തിൽ 24 മണിക്കൂറും തുടർച്ചയായി ആലപിച്ചാണ് സുധീർ കേരളത്തിൽ ശ്രദ്ധ നേടിയത്. 2015-ൽ, അബുദാബിയിൽ110 മണിക്കൂർ തുടർച്ചയായി പാടി സുനിൽ വെയ്മാൻ (മഹാരാഷ്ട്ര, 105 മണിക്കൂർ), ലിയോനാർഡോ പോൾവെറെല്ലി (ഇറ്റലി, 101 മണിക്കൂർ) എന്നിവരുടെ ഗിന്നസ് റെക്കോർഡുകൾ അദ്ദേഹം തകർത്തു. 2015 ഫെബ്രുവരി 16 ന് വൈകുന്നേരം 7 മണിക്ക് ആരംഭിച്ച ഈ റെക്കോർഡ് ബ്രേക്കിംഗ് ഇവന്റ് 2015 ഫെബ്രുവരി 20 ന് പുലർച്ചെ 2.00 ന് വിജയകരമായി അവസാനിച്ചു.
പ്രഫ. ഡോ. കെ കെ നാരായണൻ ( എച്ച് ഒ ഡി , യൂണിവേഴ്സൽ എഞ്ചിനീയറിംഗ് കോളജ്, വള്ളിവട്ടം)
ജി എച്ച് എസ് എസ് പുതിയകാവിന്റെ പൂർവ്വ വിദ്യാർത്ഥി (1970-1976) ഡോ. പ്രൊഫ. കെ കെ നാരായണൻ 1976 മാർച്ചിൽ ഇവിടെ നിന്നും എസ് എസ് എൽ സി പാസ്സായി. അദ്ദേഹം വടക്കൻ പറവൂരിലെ പട്ടണം സ്വദേശിയാണ് (എടത്തിൽ ഹൗസ്, വടക്കേക്കര). ആലുവ യുസി കോളജിൽ നിന്ന് ഫിസിക്സിൽ ബിരുദാനന്തര ബിരുദവും കൊച്ചിൻ യൂണിവേഴ്സിറ്റിയിലെ ഡിപ്പാർട്ട്മെന്റ് ഓഫ് ഇലക്ട്രോണിക്സിൽ നിന്ന് മൈക്രോവേവ് ഇലക്ട്രോണിക്സിൽ സ്പെഷ്യലൈസേഷനോടെ പി എച്ച് ഡിയും കരസ്ഥമാക്കി.
സനാതന ധർമ കോളജ് (എസ് ഡി കോളജ്) ആലപ്പുഴയിൽ അസോസിയേറ്റ് പ്രഫസർ (1994 - 2017) ആയി സേവനമനുഷ്ഠിച്ചു. ഇതിനിടയിൽ മെക്കെല്ലെ യൂണിവെഴ്സിറ്റി, ഏത്യോപ്യയിലും (2003-2008) അദ്ദേഹം സേവനമനുഷ്ഠിച്ചിട്ടുണ്ട്. എത്യോപ്യയിലെ വിദ്യാഭ്യാസ മന്ത്രാലയത്തിൽ നിന്നുള്ള നിർദ്ദേശങ്ങൾ അനുസരിച്ച്, അവരുടെ യുജി പ്രോഗ്രാമിന് "ഇലക്ട്രോണിക്സ്" എന്ന വിഷയത്തിനായി ഒരു കോഴ്സ് മെറ്റീരിയൽ തയ്യാറാക്കി. 2017 ൽ എസ് ഡി കോളജിൽ നിന്നും വിരമിച്ച ശേഷം യൂണിവേഴ്സൽ എഞ്ചിനീയറിംഗ് കോളജ്, വള്ളിവട്ടം, തൃശ്ശൂരിൽ എച്ച് ഒ ഡി ആയി തുടരുന്നു.
ശ്രീമതി . കെ എസ് സേതുപാർവതി (ഗായിക)
മലയാള സിനിമയിൽ പ്രവർത്തിച്ചിട്ടുള്ള ഒരു ഇന്ത്യൻ ചലച്ചിത്ര ഗായികയാണ് കെ എസ് സേതു പാർവതി. 1988ൽ ഇസബെല്ലയാണ് സേതുവിന്റെ തിയറ്ററുകളിലെത്തിയ ആദ്യ ചിത്രം. ജി എച്ച് എസ് പുതിയകാവിന്റെ പൂർവ്വവിദ്യാർത്ഥിനികൂടിയായ സേതു പാർവതി 1976 ൽ ഇവിടെ നിന്നും എസ് എസ് എൽ സി പാസ്സായി.
വടക്കേക്കര ആളംതുരുത്തു കരയിൽ കൈപ്പിള്ളിത്തറ (കണ്ണൻപിള്ളിൽ) അയ്യപ്പൻ കുഞ്ഞു വൈദ്യൻ മകൻ സുബ്രൻമണ്യൻ (സുമു ഭാഗവതർ) ഭാനുമതി ദമ്പതികളുടെ ഏഴു മക്കളിൽ ഇളയ മകളാണു് സേതു പാർവ്വതി. അമ്മ ഭാനുമതി ചിത്രകലയിൽ ഡിപ്ലോമ എടുത്തിരുന്നു. സേതു പാർവ്വതി കുട്ടിക്കാലത്ത് തന്നെ സംഗീതത്തിലും ചിത്രരചനയിലും അഭിരുചി കാണിക്കുന്നതു മനസ്സിലാക്കിയതുകൊണ്ട് അച്ഛൻ തന്നെ സംഗീതം പഠിപ്പിക്കുവാൻ തുടങ്ങി. ആറാമത്തെ വയസ്സു മുതൽ സ്റ്റേജ് പരിപാടികൾ അവതരിപ്പിച്ചു തുടങ്ങി. പ്രാഥമിക വിദ്യഭ്യാസം മുതൽ പത്താം ക്ലാസ്സ് വരെ പുതിയകാവു് ഗവൺമെന്റ് സ്കൂളിൽ ആയിരുന്നു. പാട്ടിലുള്ള അഭിരുചി മനസ്സിലാക്കിയ അദ്ധ്യാപകരുടെ പ്രോത്സാഹനം സ്കൂൾ വിദ്യാഭ്യാസത്തിനൊപ്പം സംഗീതവും അഭ്യസിക്കുവാൻ ഒരു പ്രേരകശക്തിയായി. ഈ സമയത്ത് 'വോയ് ഓഫ് ട്രിച്ചൂർ' ന്റെ ഗാനമേളയിലും മറ്റു നാടക ട്രൂപ്പുകളിൽ പിന്നണിയും പാടിയിരിരുന്നു.
പ്രീ-ഡിഗ്രി എസ്. എൻ. എം. കോളേജ് മാല്യങ്കരയിലായിരുന്നു. തിരുവന്തപുരം വിമൻസ് കോളേജിൽ ബി.എ മ്യൂസിക്കിനു ചേർന്നു. ആ അവസരത്തിൽ റേഡിയോസ്റ്റാറായി ധാരാളം ലളിതഗാനങ്ങൾ ആലപിച്ചിരുന്നു. ഒപ്പം തന്നെ സംവിധായകൻ ഉദയഭാനുവിന്റെ ഗാനമേള പ്രോഗ്രാമിലും പങ്കെടുത്തിരുന്നു. നെയ്യാറ്റിൻകര വാസുദേവൻ സാറും പെരുമ്പാവൂർ രവീന്ദ്രനാഥ് സാറും അക്കാലത്ത് റേഡിയോ നിലയത്തിലുണ്ടായിരുന്നതുകൊണ്ടു് രണ്ടു പേരുടേയും ശിക്ഷണത്തിൽ സംഗീതം അഭ്യസിക്കുവാൻ അവസരം ലഭിച്ചു.
1980 ജനുവരി 30 ന് പിതാവ് സുമു ഭാഗവതർ മരണപ്പെട്ടു. തുടർന്ന് ഏക സഹോദരൻ ഗോപാലകൃഷ്ണന്റെ സംരക്ഷണയിലും പ്രോത്സാഹനത്തിലുമായിരുന്നു മുന്നോട്ടുള്ള യാത്ര. വിമൺസ് കോളേജിൽ തന്നെ മ്യൂസിക്ക് എം. എ ക്കു ചേർന്നു. കവിയൂർ രേവമ്മയായിരുന്നു കോളേജ് പ്രിൻസിപ്പൾ. ഈ സമയെത്തെല്ലാം വിവിധ സ്റ്റേജുകളിലായി ഗാനമേളകളും സംഗീത കച്ചേരികളും നടത്തിവന്നു. എം. എ. കിഴിഞ്ഞു പി. എസ്സ്. സി. വഴി കോളേജ് ലക്ചറർ ആയി ജോലി കിട്ടിയതും പഠിച്ച കോളേജിൽ മ്യൂസിക് ഡിപ്പാർട്ട്മെന്റിൽ തന്നെ. ഇക്കാലയളവിൽ കൊച്ചിൻ കലാഭവൻ', 'കൊച്ചിൻ ആർട്ട്സ്, 'കൊച്ചിൻ മധുരിമ' എന്നീ ഗാനമേള ട്രൂപുകളിൽ പാടിയിരുന്നു' പിന്നീടു് മലബാർ സർവ്വീസിനായി പാലക്കാടു ചിറ്റൂർ ഗവൺമെൻ്റ് കോളേജിലേക്കു ട്രാൻഫർ ആയി.
പാലക്കാട് ജോലിയിലിരിക്കെ യു.ജി.സി സ്കീം പ്രകാരം എം. ഫിൽ ല്ലിനു മദ്രാസ് യൂണിവേഴ്സിറ്റിയിൽ പ്രവേശിച്ചു. ഇക്കാലയളവിൽ സഹോദരൻ ഗോപാലകൃഷ്ണൻ സംഗീതസംവിധായകൻ അർജ്ജുനൻ മാസ്റ്റർ വഴി സിനിമാ മേഖലയിലേക്കു പ്രവേശിക്കുവാനുള്ള അവസരമൊരുക്കി മദ്രാസ്സിലെത്തി സംവിധായകരായ ഇളയരാജ, ജോൺസൺ, ഔസേപ്പച്ചൻ, ശ്യാം, കണ്ണൂർ രാജൻ, ജെറി അമൽദേവ് മുതൽപേരെ പരിചയപ്പെടാൻ അവസരം ലഭിച്ചു. ആദ്യമായി അർജ്ജുനൻ മാസ്റ്റുടെ ഒരു ഗാനം 'ഭരണി' സ്റ്റൂഡിയോ വിൽ റികോഡ് ചെയ്തു. അതിനു ശേഷം ഇളയരാജയുടെ രണ്ടു മൂന്നു ഗാനങ്ങൾ 'പ്രസാദ് ' സ്റ്റൂഡിയോവിൽ ചെയ്യുകയുണ്ടായി. ശ്യാമിൻ്റെ കാസെറ്റിൽ കുറെ ഗാനങ്ങൾ ആലപിച്ചു. അതിൻ്റെ റെക്കോഡിഗ് ബാംഗ്ലൂർ വെച്ചായിരുന്നു. ജെറി അമൽദേവിന്റെ ക്രിസ്ത്യൻ ഡിവോഷണൽ സോംഗിൽ ആറു സോളോ ഗാനങ്ങൾ പാടി. മെയിൽ വോയ്സ് മാർക്കോസ് ആയിരുന്നു പാടിയത്.
'രജ്ഞിനി' കാസറ്റിൻ്റെ ഓണപ്പാട്ടൂകൾ, ഭക്തിഗാനങ്ങൾ മുതലായവ പാടി. ഷിബു ചക്രവർത്തിയുടെ വരികൾക്ക് സംഗീതം നൽകിയത് ബേണി ഇഗ്നീഷ്യസ് ആണ്. മദ്രാസ്സിലെ 'സംഗീത' കാസറ്റിനു വേണ്ടി ഭക്തിഗാനങ്ങൾ പാടിയിട്ടുണ്ടു്. ആ. കെ. ദാമോദരന്റെ രചനയിൽ പറവൂർ ശശി സംവിധാനം ചെയ്ത കാസറ്റിലും പോണ്ടിച്ചേരിൽ വെച്ച് ഗാനമേളയിലും ഗായകൻ ഉണ്ണിമേനോടൊപ്പം പാടാനും സാധിച്ചു
ജോൺസൺ മാസ്റ്റർ സംവിധാനം ചെയ്ത 'ഇസബല്ല'എന്നചിത്രത്തിലെ യുഗ്മ ഗാനം പാടാൻ സാധിച്ചതും അത് യേശുദാസിന്റെ ഹിറ്റ് ഗാനങ്ങളിൽ ഇടം പിടിച്ചതും ഭാഗ്യമായി. മദ്രാസ് നിന്നും എം. ഫിൽ കഴിഞ്ഞു തിരിച്ചു വന്നു ജോലിയിൽ പ്രവേശിച്ചത് വീണ്ടും തിരുവനന്തപുരം വിമൺസ് കോളേജിൽ തന്നെയായിരുന്നു. പിന്നീടു സിനിമാ മേഘയിൽ നിന്നും അകന്നുപോയി.
ശാസ്ത്രീയ സംഗീതത്തിൽ കൂടുതൽ താല്പര്യമെന്നതിനാൽ കേരളത്തിലെ പ്രധാന ക്ഷേത്രങ്ങളിലെല്ലാം ഉത്സവത്തോടനുബന്ധിച്ച് സംഗീതകച്ചേരികൾ നടത്തിവന്നു. ഇതിനിടയിൽ വിവാഹിതയായി. കുടുംമ്പം ചെന്നൈയിൽ. ഭർത്താവു് തമിഴ് സിനിമാ നടൻ ജൂനിയർ ബാലയ്യ (രഘു). രണ്ടു മക്കളിൽ മകൾ നിവേദിത ഗായികയും സിനിമയിൽ കോസ്റ്റ്യൂം ഡിസൈനറും. മകൻ രോഹിത് ബാലയ്യ (മുരളി) എം.ബി.എ സ്റ്റുഡന്റും സിനിമാ നടനും. 2016ൽ മൂത്തകുന്നം ഉത്സവത്തോടനുബന്ധിച്ചു നടന്ന സംഗീത കച്ചേരി അവസാനിച്ചപ്പോൾ പുതികാവ് സ്കൂളിലെ മുൻ അദ്ധ്യാപകനായ പ്രതാപൻ മാസ്റ്റർ സ്റ്റേജിൽ കയറി വന്നു അനുമോദിക്കുകയും സമ്മാനം നൽകുകയും ചെയ്തു. ശ്രോതാക്കളുടെ മുന്നിൽ വെച്ച് വർഷങ്ങൾക്കു ശേഷമുള്ള ഗുരുനാഥന്റെ അപ്രതീക്ഷിത കൂടി കാഴ്ച അവിസ്മരണീയമായി.
-
ജി.എച്ച്.എസ് പുതിയകാവ്
-
യുപി വിഭാഗം
-
എൽ.പി വിഭാഗം
-
ഹൈസ്കൂൾ വിഭാഗം
-
ഓഫീസ് സെക്ഷൻ
-
സ്കൂൾ അങ്കണം
വഴികാട്ടി
- ആലുവ റെയിൽവെ സ്റ്റേഷനിൽ നിന്നും ബസ്സ് മാർഗം എത്താം. (ഇരുപത്തി ഒന്ന് കിലോമീറ്റർ)
- നോർത്ത് പറവൂർ ബസ്റ്റാന്റിൽ നിന്നും മൂന്നു കിലോമീറ്റർ
- നാഷണൽ ഹൈവെയിൽ നിന്നും ഒന്നര കിലോമീറ്റർ - ഓട്ടോ മാർഗ്ഗം എത്താം
ദേശീയ പാത 17 ൽ പറവൂർ-ഗൂരൂവായൂർ റോഡിൽ മുനമ്പം കവലയിൽ നിന്നും 2 കി.മി. ദൂരെ സ്ഥിതിചെയ്യുന്നു.
- പറവൂർ പട്ടണത്തിൽ നിന്നും കുഞ്ഞിത്തൈ റൂട്ടിലുളള ബസ്സിൽ പുതിയകാവ് സ്കൂളിൽ എത്തിചേരാം. ഏകദേശം 5 കി.മി. ദൂരം
* പുതിയകാവ് ലിങ്കുകൾ
താഴെ കാണുന്ന ലിങ്കിൽ ക്ലിക്ക് ചെയ്ത് പുതിയകാവ് സ്കൂളിന്റെ ഫേസ് ബുക്ക് പേജ് സന്ദർശിക്കാം https://www.facebook.com/profile.php?id=100011428393101 താഴെ കാണുന്ന ലിങ്കിൽ ക്ലിക്ക് ചെയ്ത് പുതിയകാവ് സ്കൂളിന്റെ യൂട്യൂബ് സന്ദർശിക്കാം https://www.youtube.com/channel/UCi0cxKzX5qOxmT5647Ikzog