"ഗവ എച്ച് എസ്സ് എസ്സ് പറവൂർ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

        പഴയ ചെമ്പകശ്ശേരി രാജ്യത്തിന്റെ ഭാഗമായിരുന്നു പറവൂർ ഉൾപ്പെടെയുള്ള പ്രദേശങ്ങൾ . ഇപ്പോഴത്തെ അമ്പലപ്പുഴ - കുട്ടനാട് താലൂക്കുകൾ അടങ്ങുന്നതായിരുന്നു പുറക്കാട് എന്നു കൂടി അറിയപ്പെട്ടിരുന്ന '''ചെമ്പകശ്ശേരി രാജ്യം'''. 1746 ൽ മാർത്താണ്ഡവർമ്മ മഹാരാജാവ് ഈ രാജ്യത്തെയും പിടിച്ചടക്കി തിരുവിതാംകൂറിനോട് ചേർത്തിരുന്നു.  

         സ്കൂൾ പ്രവർത്തനം തുടങ്ങുമ്പോൾ തിരുവിതാംകൂർ വാണിരുന്നത് രാമവർമ്മ വിശാഖം തിരുനാൾ ആയിരുന്നു. വിദ്യാഭ്യാസ സ്ഥാപനങ്ങൾക്ക് പ്രോത്സാഹനം നൽകുന്ന നയമാണ് മഹാരാജാവ് പിന്തുടർന്നിരുന്നത്. ഇക്കാരണത്താൽ തന്നെ രാജ്യത്ത് പ്രാഥമിക വിദ്യാഭ്യാസം പുരോഗതി നേടിയിരുന്നു.

        ഇപ്പോൾ സ്കൂൾ സ്ഥിതി ചെയ്യുന്നതിന്റെ മുൻഭാഗത്ത് പണ്ട് ഒരു വലിയ കുളമുണ്ടായിരുന്നു. ഇപ്പോഴും ആ ഭാഗത്ത് കാണപ്പെടുന്ന താഴ്ച കുളത്തിന്റെ സാന്നിധ്യമുണ്ടായിരുന്നു എന്നതിലേയ്ക്ക് വെളിച്ചം വീശുന്നു. '''പനയക്കുളംഎന്നാണ് ആകുളം അറിയപ്പെട്ടിരുന്നത്. പനകളുടെ സാന്നിധ്യമാണോ പനയക്കുളം എന്ന പേരിന് നിദാനം എന്ന് വ്യക്തമല്ല. ഈ കുളവുമായി ബന്ധപ്പെട്ടാണ് പനയക്കുളങ്ങര''' എന്ന പേരുണ്ടാകാൻ കാരണമെന്ന് ന്യായമായും സംശയിക്കാം. 75 വർഷം മുൻപ് വരെ ഈ കുളം നിലനിന്നതായി പഴമക്കാർ ഓർക്കുന്നു.

        സ്കൂളിന്റെ ആദ്യ രൂപമായ ഓലപ്പുര സ്ഥാപിതമായതു '''നെല്ലിപ്പറമ്പുവിളയിൽ''' എന്നറിയപ്പെടുന്ന പുരയിടത്തിലാണ്. '''തേവലപ്പുറത്തു വെളി''' എന്നും അതറിയപ്പെട്ടു. ഇന്ന് സ്കൂൾ സ്ഥിതി ചെയ്യുന്നതും ഈ പുരയിടത്തിൽ തന്നെ. എൽ.എം.എസ് മിഷനറി മാർക്ക് സ്കൂൾ നടത്താൻ സ്ഥലം വിട്ടു കൊടുത്തത് തേവലപ്പുറത്ത് കുടുംബ കാരണവരായിരുന്ന '''കുമാരപിള്ള ശങ്കരപ്പിള്ള''' യായിരുന്നു.

        ഒന്നു മുതൽ മൂന്നു വരെയുള്ള ക്ലാസ്സുകളേ ആദ്യം ഉണ്ടായിരുന്നുള്ളൂ. ഉപരിപഠനത്തിന് കളർകോടും പുന്ന പ്രയിലുമുള്ള വിദ്യാലയങ്ങളായിരുന്നു ആശ്രയം. പിൽക്കാലത്ത് സ്കൂൾ നടത്തിപ്പിന്റെ ചുമതല ലണ്ടൻ മിഷൻ സൊസൈറ്റി നാട്ടുപ്രമാണിമാർക്ക് വിട്ടു നൽകി. 1916 ലാ 1917 ലോ ആകാം ഈ കൈമാറ്റം നടന്നതെന്ന് കരുതാം.

         ഇതോടെ തദ്ദേശീയമായിത്തീർന്ന സ്കൂളിന്റെ പ്രഥമ മാനേജരായി ചെമ്പുകുഴി പരമേശ്വരൻ പിള്ള ചുമതലയേറ്റു. '''സർവരു മാമൻ''' എന്നാണ് അദ്ദേഹം അറിയപ്പെട്ടിരുന്നത്. പിന്നീട് സ്കൂളിന്റെ ഭരണച്ചുമതല നാട്ടുപ്രമാണിമാരുടെ ഒരു കൂട്ടായ്മയ്ക്കു നൽകപ്പെട്ടു.

        കാലത്തിൻ്റെ അതിശക്തമായ ചലനങ്ങൾ രാജ്യത്തെതന്നെ മാറ്റിമറിച്ച കാലഘട്ടം വന്നെത്തുകയായി. രാജ്യത്ത് ബ്രിട്ടീഷ് ഭരണം അവസാനിച്ചു.രാജഭരണം ജനാധിപത്യത്തിനു വഴിമാറി. കേരള സംസ്ഥാനം പിറവി കൊണ്ടു. മുക്കാൽ നൂറ്റാണ്ടു പിന്നിട്ട സ്കൂൾ മുത്തശ്ശി മറ്റൊരു യുഗത്തിലേക്കു കടന്നു. പനയക്കുളങ്ങര പ്രാഥമിക വിദ്യാലയം പറവൂർ സർക്കാർ സ്കൂളായി മാറി. 1967 ലെ രണ്ടാം ഇ.എം.എസ്.സർക്കാർ ,സ്കൂളിനു 7 -ാം ക്ലാസ്സുവരെ അനുവദിച്ചു.1980 -ൽ നിലവിൽ വന്ന ഇ.കെ.നായനാരുടെ നേതൃത്വത്തിലുള്ള മന്ത്രിസഭ സ്കൂളിനെ ഹൈസ്കൂളായി ഉയർത്തി.2004-ൽ പി.ടി.എ.യുടെ ആഭിമുഖ്യത്തിൽ നേഴ്സറി ആരംഭിച്ചു.2014-ൽ ഉമ്മൻചാണ്ടി സർക്കാർ ഹയർ സെക്കൻ്ററി കൂടി അനുവദിച്ചതോടെ എൽ.കെ.ജി. മുതൽ 12-ാം ക്ലാസ്സുവരെ പഠനം പൂർത്തിയാക്കാനുള്ള അവസരം ഈ നാട്ടിലെ കുട്ടികൾക്കു കൈവന്നു. അഞ്ചു തലമുറകൾക്ക് അക്ഷരവും അറിവും പകർന്ന ജീവിതത്തിന്റെ വ്യത്യസ്തമായ വഴിത്താരകളിലേയ്ക്ക് ആയിരങ്ങളെ കൈ പിടിച്ചുയർത്തിയ ഈ സ്കൂൾ ആലപ്പുഴ ജില്ലയിലെപ്രധാനപ്പെട്ട വിദ്യാലയങ്ങളിലൊന്നായി മാറിക്കഴിഞ്ഞു.പഠനത്തിൽ മാത്രമല്ല പാഠ്യേതര പ്രവർത്തനങ്ങളിലും മേൽക്കൈ നേടിക്കൊണ്ടിരിക്കുന്നു നിർധന കുടുംബങ്ങളിൽ നിന്നുള്ള കുട്ടികളാണ് ഈ വിദ്യാലയത്തിൽ ഏറെയും എത്തുന്നത്. അടുത്തകാലത്തായി ഡിവിഷനുകളിലും കാര്യമായ വർദ്ധനവ് ഉണ്ടായിട്ടുണ്ട്.