"എൽ എം എസ്സ് യു പി എസ്സ് കോട്ടുക്കോണം" എന്ന താളിന്റെ പതിപ്പുകൾ തമ്മിലുള്ള വ്യത്യാസം
(ചെ.) (→9. ചിത്രശാല) |
(കൂട്ടി ചേർത്തു) |
||
വരി 100: | വരി 100: | ||
=== [[എൽ എം എസ്സ് യു പി എസ്സ് കോട്ടുക്കോണം/അധിക വിവരങ്ങൾ|10.അധിക വിവരങ്ങൾ]] === | === [[എൽ എം എസ്സ് യു പി എസ്സ് കോട്ടുക്കോണം/അധിക വിവരങ്ങൾ|10.അധിക വിവരങ്ങൾ]] === | ||
ലൈബ്രറിയും , ക്ലബ്ബുകളിലൂടെയുള്ള പ്രവർത്തനങ്ങളും , കുട്ടികളെ കൂടുതൽ മികവുള്ളവരാക്കാൻ സഹായിക്കുന്നു .പാഠ്യ പാഠ്യേതര പ്രവർത്തനങ്ങൾ മികവുറ്റതാക്കാൻ ക്ലബ്ബുകളുടെ പ്രവർത്തനം വളരെയധികം സഹായിക്കുന്നുണ്ട് .ക്ലബ് പ്രവർത്തനങ്ങളിലൂടെ വൈവിധ്യമാർന്ന രീതിയിൽ കാര്യങ്ങൾ ഗ്രഹിക്കാനും,ആഴമായ അറിവ് നേടാനും ,പ്രവർത്തനങ്ങൾ രസകരമായും,ആയാസരഹിതമായും ആസ്വദിച്ചു ചെയ്യുന്നതിനും ക്ലബ് പ്രവർത്തനങ്ങളിലൂടെ കഴിയുന്നു. | ലൈബ്രറിയും , ക്ലബ്ബുകളിലൂടെയുള്ള പ്രവർത്തനങ്ങളും , കുട്ടികളെ കൂടുതൽ മികവുള്ളവരാക്കാൻ സഹായിക്കുന്നു .പാഠ്യ പാഠ്യേതര പ്രവർത്തനങ്ങൾ മികവുറ്റതാക്കാൻ ക്ലബ്ബുകളുടെ പ്രവർത്തനം വളരെയധികം സഹായിക്കുന്നുണ്ട് .ക്ലബ് പ്രവർത്തനങ്ങളിലൂടെ വൈവിധ്യമാർന്ന രീതിയിൽ കാര്യങ്ങൾ ഗ്രഹിക്കാനും,ആഴമായ അറിവ് നേടാനും ,പ്രവർത്തനങ്ങൾ രസകരമായും,ആയാസരഹിതമായും ആസ്വദിച്ചു ചെയ്യുന്നതിനും ക്ലബ് പ്രവർത്തനങ്ങളിലൂടെ കഴിയുന്നു.2022-23 അധ്യയന വർഷത്തിലും വിവിധ ക്ലബ് പ്രവർത്തനങ്ങൾ നടന്നു വരുന്നു.അതിൽ എടുത്തു പറയത്തക്ക പ്രവർത്തനങ്ങളാണ് പഠനത്തിൽ പിന്നാക്കം നിൽക്കുന്ന വിദ്യാർത്ഥികൾക്കായി ഉച്ചക്ക് നടത്തി വരുന്ന മലയാള തിളക്കം,ഹലോ ഇംഗ്ലീഷ്,സുരീലി ഹിന്ദി.ഇതിലൂടെ അക്ഷര ജ്ഞാനവും,വായനാ ശേഷിയും വർധിക്കുന്നു. | ||
===11. [[എൽ എം എസ്സ് യു പി എസ്സ് കോട്ടുക്കോണം//ദിനാചരണങ്ങൾ|ദിനാചരണങ്ങൾ]]=== | ===11. [[എൽ എം എസ്സ് യു പി എസ്സ് കോട്ടുക്കോണം//ദിനാചരണങ്ങൾ|ദിനാചരണങ്ങൾ]]=== |
20:06, 29 ഓഗസ്റ്റ് 2022-നു നിലവിലുണ്ടായിരുന്ന രൂപം
വായനാവാരം
സ്കൂൾ | സൗകര്യങ്ങൾ | പ്രവർത്തനങ്ങൾ | ക്ലബ്ബുകൾ | ചരിത്രം | അംഗീകാരം |
തിരുവനന്തപുരം ജില്ലയിലെ നെയ്യാറ്റിൻകര വിദ്യാഭ്യാസജില്ലയിൽ കുന്നത്തുകാൽ ഗ്രാമപഞ്ചായത്തിലാണ് കോട്ടുകോണം എൽ എം എസ് യൂ പി സ്കൂൾ സ്ഥിതി ചെയ്യുന്നത് .പാറശ്ശാല ഉപ ജില്ലയിലെ ഈ സ്ഥാപനം 1907 ൽ സ്ഥാപിതമായി.മലകളും കുന്നുകളും വൃക്ഷ ലതാദികളും കൊണ്ട് നിറഞ്ഞു ഗ്രാമ ഭംഗി തുളുമ്പി നിൽക്കുന്ന കോട്ടുക്കോണം എന്ന പ്രദേശത്തു ഏകദേശം 106 വർഷങ്ങൾക്കു മുമ്പ് കോട്ടുക്കോണം കുരുവിയോട് കുടുംബത്തിലെ മോശാ വാദ്ധ്യാർ തന്റെ ഭവനത്തോട് ചേർന്ന് ഒരു കുടിപ്പള്ളിക്കൂടം നടത്തിവന്നിരുന്നു.
എൽ എം എസ്സ് യു പി എസ്സ് കോട്ടുക്കോണം | |
---|---|
![]() | |
വിലാസം | |
കോട്ടുക്കോണം എൽ. എം. എസ്. യു. പി. എസ്. കോട്ടുക്കോണം , എള്ളുവിള പി.ഒ. , 695504 , തിരുവനന്തപുരം ജില്ല | |
സ്ഥാപിതം | 01 - 12 - 1907 |
വിവരങ്ങൾ | |
ഫോൺ | 9496195772 |
കോഡുകൾ | |
സ്കൂൾ കോഡ് | 44552 (സമേതം) |
യുഡൈസ് കോഡ് | x |
വിക്കിഡാറ്റ | Q |
വിദ്യാഭ്യാസ ഭരണസംവിധാനം | |
റവന്യൂ ജില്ല | തിരുവനന്തപുരം |
വിദ്യാഭ്യാസ ജില്ല | നെയ്യാറ്റിൻകര |
ഉപജില്ല | പാറശാല |
ഭരണസംവിധാനം | |
ലോകസഭാമണ്ഡലം | തിരുവനന്തപുരം |
നിയമസഭാമണ്ഡലം | പാറശ്ശാല |
താലൂക്ക് | നെയ്യാറ്റിൻകര |
ബ്ലോക്ക് പഞ്ചായത്ത് | പെരുങ്കടവിള |
തദ്ദേശസ്വയംഭരണസ്ഥാപനം | കുന്നത്തുകാൽ ഗ്രാമപഞ്ചായത്ത് |
വാർഡ് | 1 |
സ്കൂൾ ഭരണ വിഭാഗം | |
സ്കൂൾ ഭരണ വിഭാഗം | എയ്ഡഡ് |
സ്കൂൾ വിഭാഗം | പൊതുവിദ്യാലയം |
പഠന വിഭാഗങ്ങൾ | എൽ.പി യു.പി |
സ്കൂൾ തലം | 1 മുതൽ 7 വരെ |
മാദ്ധ്യമം | മലയാളം, ഇംഗ്ലീഷ് |
സ്ഥിതിവിവരക്കണക്ക് | |
ആൺകുട്ടികൾ | 154 |
പെൺകുട്ടികൾ | 119 |
ആകെ വിദ്യാർത്ഥികൾ | 273 |
അദ്ധ്യാപകർ | 15 |
സ്കൂൾ നേതൃത്വം | |
പ്രധാന അദ്ധ്യാപിക | ഷീബ. ഡി. എസ് |
പി.ടി.എ. പ്രസിഡണ്ട് | ഷാജി. റ്റി |
എം.പി.ടി.എ. പ്രസിഡണ്ട് | വിമല. ആർ |
അവസാനം തിരുത്തിയത് | |
29-08-2022 | 44552 1 |
1 ചരിത്രം
നിരക്ഷരരും നിരാലംബരും അന്ധവിശ്വാസികളും ആയ നാനാ ജാതിമതസ്ഥർക്ക് വിജ്ഞാനത്തിന്റെ കതിർ വീശുവാൻ ഈ കുടിപ്പള്ളിക്കൂടത്തിന് കഴിഞ്ഞു എന്നതിൽ അഭിമാനിക്കുന്നു.
1903 നോടടുത്തുള്ള കാലഘട്ടത്തിൽ ഈ നാട്ടിലെത്തിയ വിദേശ മിഷണറിയായ ഫോസ്റ്റർ കോട്ടുക്കോണം ഭാഗത്തു ഒരു എൽ. എം. എസ് സഭ സ്ഥാപിക്കുകയുണ്ടായി. ഫോസ്റ്റർ മിഷണറിയുടെ ആലോചനപ്രകാരം 1907 ൽ മോശാ വാദ്ധ്യാർ തന്റെ കുടിപ്പള്ളിക്കൂടത്തെ കോട്ടുക്കോണം പള്ളിയോട് ചേർത്ത് നടത്തുവാൻ മാറ്റി സ്ഥാപിച്ചു. സ്കൂൾ സ്ഥാപിതമായ തീയതി വ്യക്തമല്ലെങ്കിലും ഡിസംബർ മാസത്തിലാണെന്നു മുതിർന്നവർ പറയുന്നു. അങ്ങനെയാണെങ്കിൽ 1907 ഡിസംബറിലാണ് ഈ സ്കൂൾ ആദ്യമായി പ്രവർത്തനമാരംഭിച്ചത്. അന്ന് ഈ പള്ളിക്കൂടത്തെ മിഷൻ സ്കൂൾ എന്ന പേരിൽ അറിയപ്പെട്ടു.... കൂടുതൽ വായിക്കാം
2 .ഭൗതിക സാഹചര്യങ്ങൾ
മലനിരകളും, വൃക്ഷലതാതികളും കൊണ്ട് ഹരിത ഭംഗി തീർത്ത പ്രകൃതി രമണീയമായ കോട്ടുകോണം പ്രദേശത്തിന്റെ നെറുകയിൽ ഭക്തി നിർഭരവും ,ശാന്തവുമായ അന്തരീക്ഷത്തിൽ സ്ഥിതി ചെയ്യുന്ന സി എസ് ഐ കോട്ടുക്കോണം സഭയോട് ചേർന്ന് ഒന്നര ഏക്കറോളം വിസ്തൃതിയുള്ള കോമ്പൗണ്ടിൽ കോട്ടുകോണം സ്കൂൾ സ്ഥിതി ചെയ്യുന്നു.
3. പാഠ്യേതര പ്രവർത്തനങ്ങൾ
ജീവിതം പച്ച പിടിക്കുന്നത് മണ്ണിലാണ്.മണ്ണിൽ വേരൂന്നി വളരുന്ന സസ്യങ്ങളും,മണ്ണിൽ അഭയം തേടുന്ന ജീവജാലങ്ങളുമാണ് മണ്ണിനെ മണ്ണായി നിലനിർത്തുന്നത്.ഒരു ഹരിത വിദ്യാലയ സങ്കൽപ്പമാണ് ഇവിടത്തെ ഓരോ അധ്യാപകരുടെയും മനസ്സിലുള്ളത്.ഭൂമിയെ പച്ച പിടിപ്പിക്കാൻ,മണ്ണിന്റെ നനവും,നന്മയും കാത്തു സൂക്ഷിക്കാൻ പ്രകൃതിയെ അറിയാനും,ആദരിക്കാനും നാം ഓരോരുത്തരും കടപ്പെട്ടവരാണ്
4 . മാനേജ്മെൻറ്
അവർണ്ണർക്ക് വിദ്യാഭ്യാസം നിഷേധിക്കപ്പെട്ടിരുന്ന കാലത്ത് ജനങ്ങളെല്ലാം ജന്മിമാരുടെ പുരയിടങ്ങളിൽ ജോലി ചെയ്യണമായിരുന്നു.അതിൽ കൊച്ചു കുട്ടികൾ മുതൽ സ്ത്രീകളും ,പുരുഷന്മാരും എല്ലാവരും ഉണ്ടായിരുന്നു.ഇത്തരത്തിൽ കഷ്ടതയുടെ അനുഭവങ്ങളിലൂടെ അടിച്ചൊതുക്കപ്പെട്ട ഒരു സമൂഹമായി ജീവിച്ചു കൊണ്ടിരിക്കുന്ന അവസരത്തിലാണ് ക്രിസ്തീയ മിഷനറിമാർ കേരളത്തിലേയ്ക്ക് കടന്നു വരുന്നത്.കേരളത്തിലെ ജനങ്ങളുടെയും,കുട്ടികളുടെയും അവസ്ഥ കണ്ടിട്ട് വിദ്യാഭ്യാസത്തിലൂടെ മാത്രമേ ഉയർച്ച ഉണ്ടാവു എന്ന് മനസിലാക്കിയ മിഷനറിമാർ ആദ്യം പള്ളികൾക്കു മുൻപായി പള്ളിക്കൂടങ്ങൾ സ്ഥാപിച്ചു .ഇത്തരത്തിൽ മിഷനറിമാരുടെ ത്യാഗോജ്വലമായ പ്രവർത്തനങ്ങളിലൂടെയാണ് ദക്ഷിണ കേരള മഹായിടവകയിലെ സ്കൂളുകൾ സ്ഥാപിക്കപ്പെട്ടത്.
5 . പ്രധാനാധ്യാപകർ
കോട്ടുകോണം എൽ എസ് യൂ പി സ്കൂളിൽ 16 അധ്യാപകരും 1 അനധ്യാപകനും ജോലി നോക്കുന്നു.എല്ലാ അധ്യാപകരും സ്ഥാപനത്തോട് കൂറ് പുലർത്തുന്നവരും ,കുട്ടികളോട് ആത്മാർഥത ഉള്ളവരും ,ജോലിയോട് നീതി പുലർത്തുന്നവരും ആണ്.സ്കൂളിൻ്റെ എല്ലാ പ്രവർത്തനങ്ങളിലും മികവുറ്റ പങ്കാളിത്തം വഹിക്കുന്നവരുമാണ് ഓരോ അധ്യാപകരും. ഇപ്പോഴത്തെ പ്രഥമാധ്യാപിക ഷീബ ടീച്ചർ ആണ്.
6. പ്രശസ്തരായ പൂർവ്വ വിദ്യാർത്ഥികൾ
പ്രൊഫസർ വി മധുസൂദനൻ നായർ
പ്രശസ്തനായ കവിയും, അദ്ധ്യാപകനുമാണ് വി. മധുസൂദനൻ നായർ (ജനനം: ഫെബ്രുവരി 25, 1949, അരുവിയോട്, തിരുവനന്തപുരം) . ആധുനികർക്കു ശേഷം വ്യാപകമായ പ്രശസ്തി നേടിയ ഇദ്ദേഹം കവിതയെ ജനപ്രിയമാക്കുന്നതിലും സവിശേഷമായ ആലാപനരീതി പ്രചാരത്തിൽ വരുത്തുന്നതിലും സുപ്രധാന പങ്കുവഹിച്ചു.
7. നേട്ടങ്ങൾ
1. കേന്ദ്ര സർക്കാരിന്റെ ഇൻസ്പയർ അവാർഡ് ലഭിച്ചു .2020 -2021 ൽ 10000 രൂപ ക്യാഷ് അവാർഡ് ലഭിച്ചു.
2. കഴിഞ്ഞ 3 വർഷങ്ങളായി തുടർച്ചയയായി സംസ്കൃതം സ്കോളർഷിപ്പിന് ഒന്നാം സ്ഥാനം .
3. വാർത്തയിൽ ഇടം നേടിയ കരനെൽക്കൃഷിയും ,പച്ചക്കറി കൃഷിയും ബഹുമാനപ്പെട്ട കൃഷി വകുപ്പ് മന്ത്രി ശ്രീ വി എസ് സുനിൽകുമാർ ,സംസ്ഥാന കൃഷി വകുപ്പ് സ്പെഷ്യൽ സെക്രട്ടറി ഡോ .രത്തൻ യു ഖേൽക്കർ എന്നിവർ സ്കൂൾ സന്ദർശിച്ചു അഭിനന്ദനം അറിയിച്ചു .
8. മികവുകൾ - പത്ര വാർത്തകളിലൂടെ
1.വിജ്ഞാന തരംഗം റേഡിയോ ക്ലബ് എഫ് എം[തിരുത്തുക | മൂലരൂപം തിരുത്തുക]
സ്കൂളിന്റെ മികവുറ്റ പ്രവർത്തനങ്ങളിൽ ഒന്നായിരുന്നു വിജ്ഞാന തരംഗം റേഡിയോ ക്ലബ് എഫ് എം.
ഉച്ചക്ക് ഒഴിവു സമയത്തു 1 മണി മുതൽ 1.30 വരെ വിജ്ഞാനപ്രദമായ ഒരുപാട് കാര്യങ്ങൾ റേഡിയോ എഫ് എം വഴി ചെയ്തിരുന്നു.തുടർന്ന് ദിവസവും 10 പൊതു വിജ്ഞാന ചോദ്യങ്ങൾ കുട്ടികൾക്ക് വിജ്ഞാന തരംഗം വഴി നൽകുകയും വർഷാവസാനം ഒരു മെഗാ ക്വിസ് സംഘടിപ്പിച്ചു സമ്മാനാർഹരായ വിദ്യാർത്ഥികൾക്ക് ക്യാഷ് അവാർഡ് നൽകുകയും ചെയ്തു.
9. ചിത്രശാല
10.അധിക വിവരങ്ങൾ
ലൈബ്രറിയും , ക്ലബ്ബുകളിലൂടെയുള്ള പ്രവർത്തനങ്ങളും , കുട്ടികളെ കൂടുതൽ മികവുള്ളവരാക്കാൻ സഹായിക്കുന്നു .പാഠ്യ പാഠ്യേതര പ്രവർത്തനങ്ങൾ മികവുറ്റതാക്കാൻ ക്ലബ്ബുകളുടെ പ്രവർത്തനം വളരെയധികം സഹായിക്കുന്നുണ്ട് .ക്ലബ് പ്രവർത്തനങ്ങളിലൂടെ വൈവിധ്യമാർന്ന രീതിയിൽ കാര്യങ്ങൾ ഗ്രഹിക്കാനും,ആഴമായ അറിവ് നേടാനും ,പ്രവർത്തനങ്ങൾ രസകരമായും,ആയാസരഹിതമായും ആസ്വദിച്ചു ചെയ്യുന്നതിനും ക്ലബ് പ്രവർത്തനങ്ങളിലൂടെ കഴിയുന്നു.2022-23 അധ്യയന വർഷത്തിലും വിവിധ ക്ലബ് പ്രവർത്തനങ്ങൾ നടന്നു വരുന്നു.അതിൽ എടുത്തു പറയത്തക്ക പ്രവർത്തനങ്ങളാണ് പഠനത്തിൽ പിന്നാക്കം നിൽക്കുന്ന വിദ്യാർത്ഥികൾക്കായി ഉച്ചക്ക് നടത്തി വരുന്ന മലയാള തിളക്കം,ഹലോ ഇംഗ്ലീഷ്,സുരീലി ഹിന്ദി.ഇതിലൂടെ അക്ഷര ജ്ഞാനവും,വായനാ ശേഷിയും വർധിക്കുന്നു.
11. ദിനാചരണങ്ങൾ
ദിനാചരണങ്ങൾ സാംസ്കാരിക തനിമയുടെ ഭാഗമാണ് ,ചിരിക്കാനും,ചിന്തിക്കാനും ഓർത്തെടുക്കാനും, നഷ്ടമാകുന്ന മഹത്വങ്ങൾ വീണ്ടെടുക്കാനും ദിനാചരണങ്ങൾ നമ്മെ സഹായിക്കുന്നു.ചരിത്ര താളുകളിലേയ്ക്ക് എത്തി നോക്കാൻ ,മറന്ന കാര്യങ്ങൾ ഓർത്തെടുക്കാൻ,ഓർമ്മ താളുകളിൽ നിന്നും മാറ്റപ്പെട്ട ഉന്നത വ്യക്തിത്വങ്ങൾ ,ചരിത്ര സംഭവങ്ങൾ ഒക്കെ കൺമുന്നിലെത്തിക്കാൻ ദിനാചരണങ്ങൾ വളരെയധികം സഹായിക്കുന്നു.ആശയങ്ങൾ പ്രചരിപ്പിക്കാനും,സ്മരണകൾ നിലനിർത്താനും ,ജനങ്ങളുടെ നന്മയ്ക്കായി പ്രവർത്തിക്കാനുള്ള സന്ദേശവും ദിനാചരണങ്ങൾ നൽകുന്നു.
12. പുസ്തകശാല
വിദ്യാഭ്യാസത്തിന്റെ അടിസ്ഥാനവും, വളർച്ചയും നിലകൊള്ളുന്നത് പുസ്തകങ്ങളിലാണ്.അറിവിന്റെ സൂപ്പർ പവറായി മാറാൻ ലോകം പരിശ്രമിക്കുന്ന ഒരു കാലഘട്ടത്തിലാണ് നാം.പുസ്തകങ്ങൾ വെറും വിവരങ്ങളുടെ കാലവറകൾ മാത്രമല്ല ,അവ ഗ്രന്ഥകാരന്റെ മനസ്സിൽ രൂപപ്പെടുന്ന അറിവാണ്.ഈ അറിവ് എങ്ങനെയാണ് സ്വായത്തമാക്കുക .പുസ്തക വായനയിലൂടെ .മനുഷ്യ ചരിത്രത്തെ മാറ്റിമറിക്കാൻ പുസ്തകങ്ങൾക്ക് സാധിച്ചിട്ടുണ്ട്,പുസ്തകങ്ങൾ നല്ല കൂട്ടുകാരാണ്.അവർക്കു നമ്മെ നന്മയിലേക്ക് നയിക്കാൻ സാധിക്കും.മുഴുവൻ കുട്ടികൾക്കും എല്ലാവിധ കഴിവുകളും വികസിപ്പിക്കാൻ അവസരം ഒരുക്കണം എന്ന ലക്ഷ്യത്തോട് കൂടെ തന്നെ വായനയ്ക് കൂടുതൽ സമയം കണ്ടെത്താൻ കുട്ടികളെ ആഹ്വാനം ചെയ്യുകയും ,സ്കൂളിൽ തന്നെ കുട്ടികൾക്ക് സമയം വേർതിരിച്ചു നൽകി ഓരോ ക്ളാസ്സിനും പുസ്തകശാലയിൽ വന്നു ഇഷ്ട്ടമുള്ള പുസ്തകങ്ങൾ വായിക്കാനുള്ള അവസരവും നൽകുന്നു.ലോകത്തിന്റെ വെളിച്ചമായി തീരേണ്ടവരാണ് നാം .വെളിച്ചത്തിന്റെ ധർമം ഇരുൾ ഇല്ലാതാക്കലാണ് .ഇരുൾ ഇല്ലാതാകണമെങ്കിൽ നാം അറിവുള്ളവരാകണം .വായനയിലൂടെയാണ് അറിവ് സ്വായത്തമാക്കേണ്ടത് .ഏത് ജോലിയും നന്നായി ചെയ്യുമ്പോഴാണ് അത് മഹത്തരമായി തീരുന്നതു.നമുക്കും ഓരോ നല്ല വായനക്കാരായി ഈ ലോകത്തിനു വെളിച്ചം പകരാം.2022-23അധ്യയന വർഷത്തെ വാരാചരണം വളരെ കേമമായി തന്നെ നടത്തി.പുസ്തക തൊട്ടിൽ,പുസ്തക പ്രദർശനം,'അമ്മ വായന,നാട്ടു വായന,നല്ല വായനക്കാരൻ ,നല്ല വായനക്കാരി തുടങ്ങി നിരവധി പ്രവർത്തനങ്ങളാണ് നടത്തിയത് .
13. അദ്ധ്യാപകർ
കോട്ടുകോണം എൽ എസ് യൂ പി സ്കൂളിൽ 16 അധ്യാപകരും 1 അനധ്യാപകനും ജോലി നോക്കുന്നു.എല്ലാ അധ്യാപകരും സ്ഥാപനത്തോട് കൂറ് പുലർത്തുന്നവരും ,കുട്ടികളോട് ആത്മാർഥത ഉള്ളവരും ,ജോലിയോട് നീതി പുലർത്തുന്നവരും ആണ്.സ്കൂളിൻ്റെ എല്ലാ പ്രവർത്തനങ്ങളിലും മികവുറ്റ പങ്കാളിത്തം വഹിക്കുന്നവരുമാണ് ഓരോ അധ്യാപകരും.
ക്രമ നമ്പർ | പേര് |
---|
14. പഠനരീതി
സംസ്ക്കാരത്തിന്റെ വിളനിലങ്ങളാണ് വിദ്യാലയങ്ങൾ .പൊതു വിദ്യാലയങ്ങൾ ഇന്ന് മികവിന്റെ കേന്ദ്രങ്ങളാണ്.സ്വതന്ത്രമായി വിദ്യാർത്ഥികൾക്ക് ചിന്തിക്കാനും പഠിക്കാനും യഥാസമയം കൈവരിക്കേണ്ട പഠന ലക്ഷ്യങ്ങൾ നേടുവാനും പൊതുവിദ്യാഭ്യാസ നയം വളരെ അർത്ഥവത്താണ്.കാലാകാലങ്ങളിൽ ഉണ്ടാകുന്ന മാറ്റങ്ങൾ ഉൾക്കൊണ്ട് അതിനൂനതനമായ രീതിയിൽ ഐ സി ടി ഉപയോഗപ്പെടുത്തി കൊണ്ടുള്ള പഠന രീതിയാണ് ഈ സ്കൂളിൽ നിലവിലുള്ളത്.
15.പൈതൃകം കാത്തുസൂക്ഷിക്കാം .............വരും തലമുറയ്ക്കായ്
പ്രകൃതി കനിഞ്ഞു നൽകിയ പൈതൃക സ്വത്താണ് കോട്ടുക്കോണം വരിക്ക മാങ്ങ .ലോകം മുഴുവൻ പേര് കേട്ട കോട്ടുക്കോണം മാങ്ങ ഇന്ന് അന്യം നിന്ന് പോകുന്ന അവസ്ഥയിലാണ്.അതുകൊണ്ടു ഈ പ്രാദേശിക പൈതൃക സ്വത്ത് കാത്തു സൂക്ഷിക്കാൻ ,വരും തലമുറയ്ക്കായ് കൈമാറാൻ കോട്ടുക്കോണം എൽ എം എസ് യൂ പി സ്കൂൾ ഈ അധ്യയന വർഷത്തിൽ തുടക്കമിടുകയാണ്. ചക്കരമാമ്പഴവുമായി കുട്ടികളെ കാത്തിരിക്കുന്ന മുത്തശ്ശി മാവുകളെ ഇപ്പോൾ കാണാനില്ല.പക്ഷി പറവകൾക്കും ,അണ്ണാറക്കണ്ണനും ,കുഞ്ഞനുറുമ്പിനും അഭയകേന്ദ്രമായിരുന്ന എത്രയെത്ര നാട്ടുമാവുകളാണ് അന്യം നിന്നുപോയിരിക്കുന്നത് .നമ്മുടെ നാടിന്റെ പൈതൃക സ്വത്തായ കോട്ടുകോണം മാവിനെ നാടെങ്ങും വളർത്തണം.നാട്ടിൻപുറത്ത് നിന്ന് നഷ്ടപ്പെട്ടുകൊണ്ടിരിക്കുന്ന ഈ മാവിനെ സംരക്ഷിക്കേണ്ടത് നമ്മുടെ ഓരോരുത്തരുടെയും ചുമതലയാണ്.
16. പുറം കണ്ണി ചേർക്കുക.
https://www.facebook.com/groups/195370124989771
വഴികാട്ടി
➤നെയ്യാറ്റിൻകര കാരക്കോണം റൂട്ടിൽ കുന്നത്തുകാലിൽ നിന്നും ബസ് / ഓട്ടോ മാർഗം എത്താം.(2 കിലോമീറ്റർ )
➤പെരുങ്കടവിള റൂട്ടിൽ നാറാണിയിൽ നിന്നും ഓട്ടോ മാർഗം എത്താം .(1 കിലോമീറ്റർ )
➤ നെയ്യാറ്റിൻകര കാരക്കോണം റൂട്ടിൽ നിലമാമൂടിൽ നിന്നും ബസ് / ഓട്ടോ മാർഗം എത്താം.(2 കിലോമീറ്റർ )
.{{#multimaps:8.40970,77.16733|width=500px|zoom=18}}
- നെയ്യാറ്റിൻകര വിദ്യാഭ്യാസ ജില്ലയിലെ വിദ്യാലയങ്ങൾ
- നെയ്യാറ്റിൻകര വിദ്യാഭ്യാസ ജില്ലയിലെ എയ്ഡഡ് വിദ്യാലയങ്ങൾ
- തിരുവനന്തപുരം റവന്യൂ ജില്ലയിലെ വിദ്യാലയങ്ങൾ
- തിരുവനന്തപുരം റവന്യൂ ജില്ലയിലെ എയ്ഡഡ് വിദ്യാലയങ്ങൾ
- 44552
- 1907ൽ സ്ഥാപിച്ച വിദ്യാലയങ്ങൾ
- തിരുവനന്തപുരം റവന്യൂ ജില്ലയിലെ 1 മുതൽ 7 വരെ ക്ലാസുകളുള്ള വിദ്യാലയങ്ങൾ
- വിക്കിഡാറ്റ ക്യു ഐഡി ഉള്ള വിദ്യാലയങ്ങൾ
- സ്കൂൾ കോഡ് ഉള്ള വിദ്യാലയങ്ങൾ
- യുഡൈസ് കോഡ് ഉള്ള വിദ്യാലയങ്ങൾ