സെന്റ് തോമസ് എച്ച്.എസ്.റാന്നി

Schoolwiki സംരംഭത്തിൽ നിന്ന്



Google Translation

സ്കൂൾസൗകര്യങ്ങൾപ്രവർത്തനങ്ങൾപ്രൈമറിഹൈസ്കൂൾചരിത്രംഅംഗീകാരം
2021-22 ലെ സ്കൂൾവിക്കി പുരസ്കാരം നേടുന്നതിനായി മൽസരിച്ച വിദ്യാലയം.
സെന്റ് തോമസ് എച്ച്.എസ്.റാന്നി
വിലാസം
റാന്നി

പഴവങ്ങാടി പി.ഒ.
,
689673
,
പത്തനംതിട്ട ജില്ല
സ്ഥാപിതം1949
വിവരങ്ങൾ
ഫോൺ04735 226366
ഇമെയിൽstthomashsranny@gmail.com
കോഡുകൾ
സ്കൂൾ കോഡ്38071 (സമേതം)
യുഡൈസ് കോഡ്32120800522
വിദ്യാഭ്യാസ ഭരണസംവിധാനം
റവന്യൂ ജില്ലപത്തനംതിട്ട
വിദ്യാഭ്യാസ ജില്ല പത്തനംതിട്ട
ഉപജില്ല റാന്നി
ഭരണസംവിധാനം
ലോകസഭാമണ്ഡലംപത്തനംതിട്ട
നിയമസഭാമണ്ഡലംറാന്നി
താലൂക്ക്റാന്നി
ബ്ലോക്ക് പഞ്ചായത്ത്റാന്നി
തദ്ദേശസ്വയംഭരണസ്ഥാപനംപഞ്ചായത്ത്
വാർഡ്13
സ്കൂൾ ഭരണ വിഭാഗം
സ്കൂൾ ഭരണ വിഭാഗംഎയ്ഡഡ്
സ്കൂൾ വിഭാഗംപൊതുവിദ്യാലയം
പഠന വിഭാഗങ്ങൾ
ഹൈസ്കൂൾ
സ്കൂൾ തലം8 മുതൽ 10 വരെ
മാദ്ധ്യമംമലയാളം
സ്ഥിതിവിവരക്കണക്ക്
ആൺകുട്ടികൾ29
പെൺകുട്ടികൾ17
ആകെ വിദ്യാർത്ഥികൾ46
അദ്ധ്യാപകർ5
സ്കൂൾ നേതൃത്വം
പ്രധാന അദ്ധ്യാപികശ്രീമതി. റൂബി ഏബ്രഹാം
പി.ടി.എ. പ്രസിഡണ്ട്പുഷ്പ സെൽവരാജ്
എം.പി.ടി.എ. പ്രസിഡണ്ട്മിനി പ്രസാദ്
അവസാനം തിരുത്തിയത്
20-08-202538071
ക്ലബ്ബുകൾ
പ്രോജക്ടുകൾ





ചരിത്രം

റാന്നി സെന്റ് തോമസ് വലിയപള്ളി ഇടവക മാനേജ്മെന്റിൽ ഒരു ഗേൾസ് ഹൈസ്കൂൾ സ്ഥാപിക്കണമെന്ന മാനേജുമെന്റിന്റെ ആഗ്രഹമാണ് 29- 5 -1949-ൽ റാന്നി സെൻറ് തോമസ് ഗേൾസ് ഇംഗ്ലീഷ് ഹൈസ്കൂളായി റാന്നി സെന്റ് തോമസ് ഹൈസ്കൂൾ പിറവിയെടുത്തത്.

1948-ൽ ശ്രീ. റ്റി. എം വർഗീസ് വിദ്യാഭ്യാസമന്ത്രിയും ശ്രീ. ഏ. എൻ.തമ്പി വിദ്യാഭ്യാസ ഡയറക്ടറും ആയിരുന്ന സമയത്ത് ഈ സ്കൂളിന് അനുമതി ലഭിക്കുകയുണ്ടായി. തുടർന്ന് 1948- 49ൽ പ്രകൃതിരമണീയമായ ഈ കുന്നിൻ പുറത്ത് നയനമനോഹരമായ ഈ സ്കൂൾ കെട്ടിടം പണിയ പ്പെടുകയുണ്ടായി. ഒരു പൊതുകാര്യ പ്രസക്തനും ധനാഢ്യനും ആയ ശ്രീ. എം. സി. കോര മുണ്ടുകോട്ടക്കൽ ഗണ്യമായ ഒരു തുക ഇടവകയ്ക്ക് കടമായി കൊടുത്തും കെട്ടിടം പണിയുടെ ചുമതല ഏറ്റെടുത്ത് ഈ പ്രസ്ഥാനത്തെ വിജയിപ്പി ക്കുകയുണ്ടായി.

1949 ശ്രീ. എൻ. കുഞ്ഞിരാമൻ വിദ്യാഭ്യാസ മന്ത്രിയും ഡോ. റ്റി. കോശി വിദ്യാഭ്യാസ ഡയറക്ടറും ആയിരുന്ന കാലത്ത് വിദ്യാഭ്യാസമന്ത്രിയുടെ അധ്യക്ഷതയിലും മാർ. ജൂലിയോസ് മെത്രാപ്പോലീത്ത, വിദ്യാഭ്യാസ ഡയറക്ടർ എന്നിവരുടെയും സമുദായ നേതാക്കന്മാർ ഉൾപ്പെടെയുള്ള ഒരു വൻപിച്ച സദസ്സിന്റെ സാന്നിധ്യത്തിലും കൂടിയ മഹായോഗത്തിൽ വച്ച് അന്നത്തെ റവന്യൂ മന്ത്രിയും തിരുകൊച്ചി സംയോജന കമ്മിറ്റി മെമ്പറുമായിരുന്ന അന്നത്തെ നമ്മുടെ ബഹുമാന്യനായ അധ്യക്ഷൻ. ശ്രീ. വി. ഒ

മർക്കോസ് അവർകൾ ഈ സ്കൂൾ ഉദ്ഘാടനം ചെയ്യുകയുണ്ടായി.

1948 -ൽ കെട്ടിടത്തിന്റെ അഭാവം നിമിത്തം സ്കൂൾ ആരംഭിക്കുവാൻ സാധിക്കാത്തതിന്റെ നഷ്ടം പരിഹരിക്കുന്നതിനായി 49-ൽ 4, 5, എന്നീ രണ്ട് ക്ലാസുകളോടുകൂടി സ്കൂൾ ആരംഭിച്ചു എന്നതും സ്മരണീയമാണ്.

ഗേൾസ് സ്കൂൾ എന്ന നിലയിൽ ഈ സ്കൂളിന്റെ പ്രധാന ചുമതല വഹിക്കുന്നതിന് ഒരു ഹെഡ്മിസ്ട്രസിനെ നിയമിക്കണമെ ന്നുള്ളതായിരുന്നു അധികൃതരുടെ ആഗ്രഹമെങ്കിലും അതു സാധിക്കാത്തതിനാൽ സ്കൂളിന്റെ പിറവിക്ക് ഏറെ പരിശ്രമിച്ച ശ്രീ. എം. ഐ. ജോസഫിനെ (ഉപ്പായി സാറിനെ) പ്രധാന അദ്ധ്യാപകനായി നിയമിച്ചു. അന്നു മുതൽ 1974 -ൽ റിട്ടയർ ചെയ്യുന്നതു വരെ ദീർഘമായ 25 വർഷം സെൻറ് തോമസ് ഹൈസ്കൂളിൽ ഹെഡ്മാസ്റ്ററായി അദ്ദേഹം ശോഭിച്ചു.

ബലവത്തായ കെട്ടിടങ്ങളും വിശാലമായ സ്റ്റേഡിയവും നല്ല ലൈബ്രറിയും ലബോറട്ടറിയും ഉള്ള ഒന്നാംകിട ഹൈസ്കൂളായി ഈ സ്ഥാപനം ഉയർന്നു ഹൈസ്കൂൾ വിഭാഗം മാത്രമുള്ള ഇവിടെ 1971-ൽ 19 ഡിവിഷൻ വരെ ഉണ്ടായിരുന്നു. പത്തനംതിട്ട വിദ്യാഭ്യാസ ജില്ലയിലെ ഏറ്റവും കൂടുതൽ വിജയ ശതമാനം നിലനിർത്തിപ്പോന്ന ഹൈസ്കൂൾ എന്ന ബഹുമതി സെൻറ് തോമസ് നേടിയിരുന്നു.

ഗേൾസ് സ്കൂൾ എന്ന നിലയിൽ വിദ്യാർഥിനികളുമായി കൂടുതൽ സമ്പർക്കം പാലിക്കുന്നതിന് അധ്യാപികമാരെയാണ് രണ്ട് ക്ലാസ്സിലെയും ക്ലാസ് അധ്യാപകരായി ചുമതലപ്പെടുത്തിയത്. എം. എസ്. ഇ . എച്ച്. സ്കൂളിൽ കുറെക്കാലം സേവനമനുഷ്ഠിച്ച മിസ്. മേഴ്സി ജോസഫ് ബി.എൻ. ഫിഫ്ത്ത് ഫോറത്തിന്റെയും അയിരൂർ കലാലയത്തിൽ കുറേക്കാലം സേവനമനുഷ്ഠിച്ച ശോശ ക്കുട്ടി ബി. എ. ഫോർത്ത് ഫോറത്തിന്റെയും ചുമതല വഹിച്ചു. മലയാളം പണ്ഡിറ്റ്, മി. കെ വാസുദേവഗണകൻ, ഹിന്ദി പണ്ഡിറ്റ്, മിസ്സ്‌. റ്റി. എ ശോശാമ്മഎന്നിവർ എം.എസ്. ഹൈസ്കൂളിലും ഇവിടെയുമായി സേവനമനുഷ്ഠിച്ചു പോരുന്നു. കൂടാതെ എം. എസ്. സി. എച്ച്. എസ് സ്കൂളിലെ മി. കെ.എ ചെറിയാൻ ബി.എസ്.സി യും ഇവിടെ സേവനമനുഷ്ഠിക്കുകയു ണ്ടായി.

തുടക്കത്തിൽഫിഫ്ത്ത് ഫോമിൽ 27 ഉം ഫോർത്ത് ഫോമിൽ 53 ഉം ഉൾപ്പെടെ ആകെ 80 കുട്ടികളാണ് ഉണ്ടായിരുന്നത്.ആ കാലഘട്ടത്തിൽ സ്ത്രീ വിദ്യാഭ്യാസത്തിന് ജനങ്ങൾ ഏറെ പ്രാധാന്യം നൽകിയിരുന്നു എന്ന് ഇതിൽ നിന്ന് മനസ്സിലാക്കാം പിന്നീട് ആൺകുട്ടികളും പെൺകുട്ടികളും ഉൾപ്പെടെ പൊതുവിദ്യാലയം ആയി ഈ സ്കൂൾ മാറി.

തുടക്കത്തിൽ തന്നെ കുട്ടികളുടെ ശരിയായ വളർച്ചയ്ക്കും മാനസികോല്ലാസത്തിനും ആൺകുട്ടികൾക്ക് എന്നപോലെ പെൺകുട്ടികൾക്കും കായികവിനോദങ്ങൾ അത്യന്താപേക്ഷിതമാണെന്ന് മനസ്സിലാക്കി പരിമിതമായ സൗകര്യങ്ങളിലും ബാഡ്മിന്റൽ, ത്രോബോൾ, കിളിത്തട്ട് മുതലായവ ഏർപ്പെടുത്തുകയും ഇതിൽ ചുമതല മിസ്സ് മേഴ്സി ജോസഫ് ബി. എ സൂപ്രണ്ടായും മിസ് ജെ. പി ഗ്രേസി, കെ.റ്റി ചിന്നമ്മ എന്നിവരെ ക്യാപ്റ്റൻ മാരായും തിരഞ്ഞെടുത്തു.

1955 -56 കാലഘട്ടത്തിൽ ഈ സ്കൂളിൽ ഒരു പരീക്ഷാ സെന്ററിനുള്ള അനുവാദവും ലഭിച്ചു.

ഇട്ടിയപ്പാറ ഉൾപ്പെടെ പഴവങ്ങാടി പഞ്ചായത്തിലെ ഒട്ടനവധി വിദ്യാർഥികൾ ഈ വിദ്യാലയത്തിലെ പൂർവ്വ വിദ്യാർത്ഥികളാണ്. ഇതിൽ സമൂഹത്തിൽ ഉന്നത പദവിയിൽ എത്തിയ ആളുകളും ഉൾപ്പെടുന്നു. ഇപ്പോഴും ഈ പ്രദേശത്തെയും സമീപപ്രദേശങ്ങളിലെയും കുട്ടികൾ ഉൾപ്പെടുത്തി വർഷങ്ങളായി എസ്.എസ്.എൽ.സി.ക്ക് നൂറുമേനി വിജയം കരസ്ഥമാക്കി ഈ വിദ്യാലയത്തിന്റെ ജൈത്രയാത്ര തുടരുന്നു......

പാഠ്യേതര പ്രവർത്തനങൾ ‍

നല്ലപാഠം ,നന്മ ,വിവിധ ക്ലബ്ബുകൾ

ക്ലബ്ബുകളുടെ ചുമതലയുള്ളവർ....

1.എസ്. ആർ. ജി കൺവീനർ- ശ്രീമതി അനില എബ്രഹാം

2.എസ്. ഐ ടി. സി.- ശ്രീമതി എമിലി മാത്യു

3. ലൈബ്രറി -ശ്രീമതി ജിയ ജോസ്

4. ജെ. ആർ. സി.- ശ്രീമതി റെനി കെ എബ്രഹാം.

5. സയൻസ് ലാബ് ആൻഡ് ക്ലബ് -ശ്രീമതി അനില എബ്രഹാം

6. സോഷ്യൽ സയൻസ് ക്ലബ്- ശ്രീമതി ഷൈനി സക്കറിയ

7. വിദ്യാരംഗം കലാ സാഹിത്യ വേദി -ശ്രീമതി ജിയ ജോസ്

8. ഹെൽത്ത് ക്ലബ്, വിമുക്തി ക്ലബ്, ലഹരിവിരുദ്ധ ക്ലബ്, പരിസ്ഥിതി ക്ലബ്, ഹരിതസേന, -ശ്രീമതി അനില എബ്രഹാം.

9.ഗണിത ക്ലബ്ബ്- ശ്രീമതി എമിലി മാത്യു

10. ഹിന്ദി ക്ലബ് -ശ്രീമതി റെനി. കെ. എബ്രഹാം.

11. ഇംഗ്ലീഷ് ക്ലബ് -മിസ്. ജിനു ആൻ ജേക്കബ്

12. ഐ. ടി. ക്ലബ്ബ്. ശ്രീമതി എമിലി മാത്യു

13. റോഡ് സുരക്ഷാ ക്ലബ്ബ്- ശ്രീമതി.ഷൈനി സക്കറിയ

14. ആരുഷ് ക്ലബ് - മിസ്.ജിനു ആൻ ജേക്കബ്

15. നല്ലപാഠം- ശ്രീമതി ജിയ ജോസ്

16. ഉച്ചഭക്ഷണം -ശ്രീമതി ഷൈനി സക്കറിയ

17. കലോൽസവം- ശ്രീമതി ജിയ ജോസ്

18. കായികമേള -ശ്രീമതി ഷൈനി സക്കറിയ

19. ശാസ്ത്ര, ഗണിത ശാസ്ത്ര, പ്രവർത്തി പരിചയ മേള - ശ്രീമതി അനില എബ്രഹാം.

20. ജാഗ്രത സമിതി- ശ്രീമതി. റെനി. കെ. എബ്രഹാം.

21. കരുതലാകാം കരുത്തോടെ - ശ്രീമതി. ഷൈനി സക്കറിയ

22. ഹെല്പിങ് ഹാൻഡ് പ്രൊജക്റ്റ് - മിസ്.ജിനു ആൻ ജേക്കബ്

23. ജെൻഡർ ഹെല്പ് ഡെസ്ക് - ശ്രീമതി എമിലി മാത്യു

സ്കൂളിന്റെ പ്രധാന ദിനാചരണങ്ങൾ

ജൂൺ 5 ലോക പരിസ്ഥിതി ദിനം

പരിസ്ഥിതി സംരക്ഷിക്കേണ്ടതിന്റെ ആവശ്യകതയെ കുറിച്ച് കുട്ടികളിൽ അവബോധം ഉണ്ടാക്കുന്നതിനായി പരിസ്ഥിതി ദിനം ജൂൺ അഞ്ചിന് എല്ലാ വർഷവും മരങ്ങൾ നട്ട് വിപുലമായി ആഘോഷിക്കുന്നു.

ജൂൺ 19 വായനാദിനം

കേരളത്തിലെ ഗ്രന്ഥശാല പ്രസ്ഥാനത്തിന്റെ ഉപജ്ഞാതാവായ പി എൻ പണിക്കരുടെ ചരമദിനമായ ജൂൺ 19 വായനാദിനമായി ആചരിക്കുന്നു. ജൂൺ 19 മുതൽ ജൂൺ 25 വരെയുള്ള ദിനങ്ങൾ വായനാവാരമായി ആചരിക്കുന്നു.

ജൂലൈ 11 ലോക ജനസംഖ്യാദിനം

ഐക്യരാഷ്ട്ര സംഘടന എല്ലാവർഷവും ജൂലൈ 11 ലോക ജനസംഖ്യാ ദിനമായി ആചരിക്കുന്നു

ജൂലൈ 21 ചാന്ദ്രദിനം

മനുഷ്യൻ ആദ്യമായി ചന്ദ്രനിൽ കുത്തിയതിന്റെ ഓർമക്കായി ജൂലൈ 20 ചാന്ദ്രദിനമായി ആഘോഷിക്കുന്നു.

ഓഗസ്റ്റ് 6 ഹിരോഷിമ ദിനം

ഓഗസ്റ്റ് 9 നാഗസാക്കി ദിനം

ഹിരോഷിമ - നാഗസാക്കി ദിനത്തോടനുബന്ധിച്ചു ഒരു ബോധവത്കരണ ക്ലാസ് നടത്തുകയും സോഷ്യൽ സയൻസ് ക്ലബ്ബിന്റെ നേതൃത്വത്തിൽ ക്വിസ് കോംപെറ്റീഷനും , പോസ്റ്റർ നിർമാണവും , പ്രസംഗ മത്സരവും നടത്തി .

ഓഗസ്റ്റ് 15 സ്വാതന്ത്ര്യദിനം

ബ്രിട്ടീഷ് ഭരണത്തിന്റെ കീഴിൽ നിന്നും ഇന്ത്യ സ്വാതന്ത്ര്യം നേടിയതിന്റെ ഓർമ്മ പുതുക്കി ഓഗസ്റ്റ് 15-)o തീയതി എല്ലാ വർഷവും സ്വാതന്ത്ര്യ ദിനം ആഘോഷിച്ചുവരുന്നു

സെപ്റ്റംബർ 5  അധ്യാപക ദിനം

ഇന്ത്യയുടെ രണ്ടാമത്തെ രാഷ്ട്രപതിയായിരുന്ന ഡോക്ടർ എസ് രാധാകൃഷ്ണൻറെ ജന്മദിനമായ സെപ്റ്റംബർ 5 അധ്യാപക ദിനമായി ആചരിച്ചു വരുന്നു .

ഒക്ടോബർ 2 ഗാന്ധിജയന്തി

നമ്മുടെ രാഷ്ട്രപിതാവായ മഹാത്മാ ഗാന്ധിയുടെ ജന്മദിനമായ ഒക്ടോബർ 2 ഗാന്ധിജയന്തി ദിനമായി ആചരിച്ചുവരുന്നു . ഈ ദിനത്തിൽ ഗാന്ധിജിയുടെ മുഖമുദ്രയായ ലളിതജീവിതവും അഹിംസ മനോഭാവവും സത്യസന്ധതയും സ്മരിക്കാൻ കുട്ടികൾക്ക് ആഹ്വാനം നൽകുന്നു

നവംബർ 1 കേരളപ്പിറവി ദിനം

ഇന്ത്യ ഗവൺമെൻറിൻറെ തീരുമാനപ്രകാരം തിരുവിതാംകൂർ-കൊച്ചി രാജ്യങ്ങൾ,മദ്രാസ് പ്രസിഡൻസിയുടെ മലബാർ പ്രദേശങ്ങൾ ഇങ്ങനെ മലയാളം പ്രധാനഭാഷയായ പ്രദേശങ്ങളെല്ലാം കൂട്ടിച്ചേർത്തുകൊണ്ട്  1956 നവംബർ ഒന്നിന് കേരള സംസ്ഥാനം രൂപീകരിച്ചതിന്റെ ഓർമ്മയ്ക്കായിട്ടാണ് കേരളപിറവി ദിനം ആഘോഷിക്കുന്നത്.

നവംബർ 14 ശിശുദിനം

കുട്ടികളെ ഏറെ സ്നേഹിച്ചിരുന്ന ഇന്ത്യയുടെ പ്രഥമ പ്രധാനമന്ത്രിയായ ജവഹർലാൽ നെഹ്റുവിൻറെ ജന്മദിനമായ നവംബർ 14 ശിശുദിനമായി ആഘോഷിക്കുകയും വിവിധ പരിപാടികൾ സംഘടിപ്പിക്കുകയും ചെയ്യുന്നു

നവംബർ 26 ഭരണഘടന ദിനം

ഇന്ത്യൻ ഭരണഘടന അംഗീകരിച്ചതിൻ്റെ സ്മരണയ്ക്കായി എല്ലാ വർഷവും നവംബർ 26 ന് ഭരണഘടന ദിനം ആഘോഷിക്കുന്നു. അതിന്റെ ഭാഗമായി വിവിധ പരിപാടികൾ സംഘടിപ്പിക്കുന്നു

ഡിസംബർ 1 എയ്ഡ്സ് ദിനം

1988 മുതൽ എല്ലാ വർഷവും ഡിസംബർ 1 ന് ലോക എയ്ഡ്‌സ് ദിനമായി ആചരിക്കുന്നു, എച്ച്ഐവി അണുബാധയുടെ വ്യാപനം മൂലമുണ്ടാകുന്ന എയ്ഡ്‌സ് പകർച്ചവ്യാധിയെക്കുറിച്ച് അവബോധം വളർത്തുന്നതിനും രോഗം ബാധിച്ച് മരിച്ചവരെ വിലപിക്കുന്നതിനുമായി സമർപ്പിച്ചിരിക്കുന്ന ഒരു അന്താരാഷ്ട്ര ദിനമാണിത്.

ഡിസംബർ 3 ഭിന്നശേഷി ദിനം

സാമൂഹിക ജീവിതത്തിൽ ഭിന്നശേഷിയുള്ളവർ നേരിടുന്ന അസമത്വവും വിവേചനവും അവസാനിപ്പിക്കുക എന്ന ലക്ഷ്യത്തിലാണ് ഇങ്ങനെയൊരു ദിനം ആഘോഷിക്കപ്പെടുന്നത്

ഡിസംബർ 10 മനുഷ്യാവകാശ ദിനം

എല്ലാ വർഷവും ഡിസംബർ 10 ന് മനുഷ്യാവകാശ ദിനമായി ആചരിക്കുന്നു. 1948 ൽ ഐക്യരാഷ്ട്രസഭയുടെ പൊതുസഭ സാർവത്രിക മനുഷ്യാവകാശ പ്രഖ്യാപനം അംഗീകരിച്ച ദിവസമാണിത്

ജനുവരി 24 ബാലിക ദിനം 

ദേശീയ ബാലികാ ദിനം എല്ലാ വർഷവും ജനുവരി 24 ന് ആചരിക്കുന്നു. പെൺകുട്ടികളുടെ അവകാശങ്ങളെക്കുറിച്ചും, വിദ്യാഭ്യാസം, ആരോഗ്യം, പോഷകാഹാരം എന്നിവയുടെ പ്രാധാന്യത്തെക്കുറിച്ചും അവബോധം വളർത്തുക എന്നതാണ് ഈ ദിനാചരണത്തിന്റെ ലക്ഷ്യം.

ജനുവരി 26 റിപ്പബ്ലിക്ക് ദിനം

ഇന്ത്യ ബ്രിട്ടീഷ് ഭരണത്തിൽ നിന്നും മോചിതമായി ഒരു പരമോന്നത രാജ്യമായതിന്റെ ഓർമ്മക്കായി ജനുവരി 26 ന് റിപ്പബ്ലിക്ക് ദിനം ആയി ആഘോഷിക്കുന്നു

ജനുവരി 30 രക്തസാക്ഷി ദിനം

ജനുവരി 30 മഹാത്മാഗാന്ധിയുടെ അനുസ്മരണാർത്ഥം രക്തസാക്ഷി ദിനമായി ആചരിക്കുന്നു. 1948 ജനുവരി 30-ന് നാഥുറാം ഗോഡ്സെ ഗാന്ധിജിയെ വധിച്ചതിൻ്റെ ഓർമയ്ക്കായാണ് ഈ ദിനം ആചരിക്കുന്നത്

ഫെബ്രുവരി 7 ഇന്റർനെറ്റ് സുരക്ഷാ ദിനം

ഇന്റർനെറ്റ് സുരക്ഷാദിനത്തിൽ, കുട്ടികൾക്ക് അവരുടെ ഇൻ്റർനെറ്റ് സുരക്ഷാ ശീലങ്ങളെക്കുറിച്ച് ബോധവാന്മാരാകാനും സുരക്ഷിതമായ ഓൺലൈൻ ശീലങ്ങൾ വളർത്താനും ഉള്ള അവബോധം നൽകുന്നു

ഫെബ്രുവരി 11 സ്ത്രീകളുടെയും പെൺകുട്ടികളുടെയും സുരക്ഷാദിനം

ശാസ്ത്രം, സാങ്കേതികവിദ്യ, എഞ്ചിനിയറിംഗ്, ഗണിതശാസ്ത്രം എന്നീ മേഖലകളിൽ സ്ത്രീകൾക്കും പെൺകുട്ടികൾക്കും തുല്യ അവസരങ്ങൾ ഉറപ്പാക്കുക എന്നതാണ് ഈ ദിനാചരണത്തിന്റെ പ്രധാന ലക്ഷ്യം.

ഫെബ്രുവരി 28 ദേശീയ ശാസ്ത്രദിനം

പ്രശസ്ത ഭൗതികശാസ്ത്രജ്ഞനായ സർ സി.വി. രാമൻ 'രാമൻ പ്രഭാവം' കണ്ടെത്തിയതിന്റെ സ്മരണയ്ക്കായി എല്ലാ വർഷവും ഫെബ്രുവരി 28 ന് ശാസ്ത്ര ദിനം ആഘോഷിക്കുന്നു.

മാർച്ച്  4 ദേശീയ സുരക്ഷാദിനം

ദേശീയ സുരക്ഷാ ദിനത്തിൽ, സുരക്ഷാ മാനദണ്ഡങ്ങൾ പാലിക്കേണ്ടതിൻ്റെ പ്രാധാന്യത്തെക്കുറിച്ച് കുട്ടികളെ ബോധവൽക്കരിക്കുന്നു.


സ്കൂളിന്റെ മുൻ പ്രധാനാദ്ധ്യാപകർ

[1949-1974] ശ്രീ.എം.ഐ.ജോസഫ്,മണിമലേത്ത്
[1974-1978] ശ്രീ.സി . ജെ കുര്യൻ ,ചാലുപറമ്പിൽ
[1978-1983] ശ്രീ .എം .ജെ ഏബ്രഹാം,മണിമലേത്ത്
[1983-1984] ശ്രീ.സി . ജെ കുര്യൻ ,ചാലുപറമ്പിൽ
[1984-1986] ശ്രീ .എം .ജെ ഏബ്രഹാം,മണിമലേത്ത്
[1986-1988] ശ്രീ .കെ .ഒ. സക്കറിയ ,കാവുങ്കൽ
[1988-1990] വെരി .റവ . കെ ഐ ഏബ്രഹാം ,കിഴക്കേമുറിയിൽ
[1990-1994] ശ്രീമതി .കെ ജി സാറാമ്മ ,മണിമലേത്ത്
[1994-1996] ശ്രീ.വി .കെ ചെറിയാൻ ,വരാത്ര
[1996-1998] ശ്രീമതി .അന്നമ്മ മാത്യു ,മംഗലത്തു
[1998-1999] ശ്രീമതി .കെ എം ചിന്നമ്മ ,മുരിക്കോലിപ്പുഴ
[1999-2002] ശ്രീമതി .സാറാമ്മ ജേക്കബ് ,മണിമലേത്ത്
[2002-2003] ശ്രീമതി .മറിയാമ്മ ചാക്കോ ,പാറാനിക്കൽ
[2003-2006] ശ്രീമതി .എം .കെ മറിയാമ്മ അകത്തേറ്റു
[2006-2008] ശ്രീമതി .സൂസമ്മ കോര ,വാഴക്കൽ
[2008-2009] ശ്രീമതി .സുമ തോമസ് ,മണിമലേത്ത്
[2009-2016] ശ്രീ. വി .ഒ സജു ,വെട്ടിമൂട്ടിൽ
[2012-2013] ശ്രീമതി . ലിനു ചാക്കൊ
[2013-2016] ശ്രീ. വി .ഒ സജു ,വെട്ടിമൂട്ടിൽ
[2016-2019] ശ്രീ. ബിനോയ് കെ ഏബ്രഹാം, കണ്ണങ്കര
[2019-2020] ശ്രീമതി. റൂബി ഏബ്രഹാം,കലയിത്ര
[2020- 2022] ശ്രീമതി. ടീന ഏബ്രഹാം, കണ്ടനാട്ട്

[2022- ] ശ്രീമതി. റൂബി ഏബ്രഹാം,കലയിത്ര

പൂർവ അധ്യാപകർ

പൂർവ അധ്യാപകർ




ഭൗതികസൗകര്യങ്ങൾ

നഗരത്തിന്റെ ഹ്യദയഭാഗത്തായി സ്ഥിതി ചെയ്യുന്ന സൈന്റ്.തൊമസ് സ്കൂളിൽ ‍ ‍വിശാലമായ സ്റ്റേഡിയത്തോടുകൂടിയ കളിസ്ഥലമുണ്ട് .ഹൈസ്കൂളിനു കമ്പ്യൂട്ടർ ലാബുണ്ട്. ലാബിൽ ഏകദേശം പതിമൂന്നോളം കമ്പ്യൂട്ടറുകളുണ്ട്. ലാബിൽ ബ്രോഡ്ബാന്റ് ഇന്റർനെറ്റ് സൗകര്യം ലഭ്യമാണ്.പഠന സിഡി പ്രദർശനത്തിന് സ്മാര്ട്ട് റൂം സൗകര്യം ലഭ്യമാണ് . വിശാലമായ ആഡിറ്റോറിയം , 14000 ത്തിൽ പരം പുസ്തകങ്ങൾ അടങ്ങിയ ഗ്രനഥശാല ,സയൻസ് വിഷയങ്ങൾക്ക് ആവശ്യമായ ലാബുസൗകര്യങ്ങൾ എന്നിവ സ്കൂളിന്റെ മാറ്റുകൂട്ടുന്നു.

പാഠ്യേതര പ്രവർത്തനങ്ങൾ

  • ക്ലാസ് മാഗസിൻ.
  • വിദ്യാരംഗം കലാ സാഹിത്യ വേദി.
  • ക്ലബ്ബ് പ്രവർത്തനങ്ങൾ.

മാനേജ്മെന്റ്

റാന്നി വലിയപള്ളി ഇടവകയുട ഉടമസ്ഥതയിലുള്ളതാണ് ഈ സ്കൂൾ‌

മാനേജർ : ശ്രീ. കെ സി ജേക്കബ്

സ്കൂൾ മാനേജർ

പ്രശസ്തരായ പൂർവവിദ്യാർത്ഥികൾ

1. ജോൺ പുന്നൂസ് കുരുമ്പേൽ ആലിക്കൽ 1969 സ്റ്റേറ്റ് ഏഴാം റാങ്ക്

2. സൂസമ്മ, ഇടയ പറമ്പിൽ 1969 പതിനാറാമത്തെ റാങ്ക്

3. ലീല ജേക്കബ്, ഡോക്ടർ

4. തോമസ് എം. ഐ മണിമലേത്ത്‌, ഡോക്ടർ.

5. കാവുങ്കൽ കുര്യാക്കോസ്, കോളേജ് പ്രൊഫസർ

6. പുതുവീട്ടിൽ പി. കെ ജേക്കബ്, സി.ബി.ഐ ഓഫീസർ

7. കെ. എ. മാത്യു, കോളേജ് ഫസ്റ്റ് പ്രിൻസിപ്പൽ, സെന്റ് തോമസ് കോളേജ്, റാന്നി.

8. ഡോക്ടർ, ഫിലിപ്പോസ് മാർ സ്തേഫാനോസ്,ബിഷപ്പ്

9.റെവ .ഫാ .റോയ് മാത്യൂസ് മുളമൂട്ടിൽ കോർ -എപ്പിസ്കോപ്പ

10 .റെവ .ഫാ .എ .റ്റി .തോമസ് അറക്കൽ കോർ -എപ്പിസ്കോപ്പ

11 .തോമസ് എബ്രഹാം കണ്ണങ്കര

12 .പി .അശോക് കുമാർ (മുൻ ,ഡെപ്യൂട്ടി ഡയറക്ടർ ഓഫ് എഡ്യൂക്കേഷൻ )

13 .ഇ .എൻ .സലിം (മുൻ.റാന്നി എ .ഇ .ഒ .)


അധ്യാപക അനധ്യാപക ജീവനക്കാർ

ST. THOMAS FAMILY

'
'

68 -മത് സ്കൂൾ വാർഷികം

വാർഷികം

''
''''

വാർഷികം1

''''''
 ''''

വാർഷികം

''''''
' '

വാർഷികം11
വാർഷികം

''
''''

വാർഷികം

''''''

'

''''''

''''

വാർഷികം

''''''
 ''''

വാർഷികം

''''''
 ''''

വാർഷികം

''''''
'

റിപ്പബ്ലിക്ക് ദിനാചരണം 2017

റിപ്പബ്ലിക്ക് ദിനാചരണം 2017
റിപ്പബ്ലിക്ക് ദിനാചരണം 2017


പൊതുവിദ്യാഭാസ സംരക്ഷണ ദിനം

പൊതു വിദ്യാഭാസ സംരക്ഷണ ദിനം
പൊതുവിദ്യാഭാസ സംരക്ഷണ ദിനം

ലഹരി മുക്ത ക്യാമ്പസ്

"ലഹരി മുക്ത ക്യാമ്പസ്"
"ലഹരി മുക്ത ക്യാമ്പസ്"

രാഷ്ട്രപതിയിൽ നിന്നും ധീരതയ്കുള്ള സമ്മാനം കരസ്ഥമാക്കിയ അഖിലിനും ആദിത്യനുമുള്ള സ്വീകരണം

രാഷ്ട്രപതിയിൽ നിന്നും ധീരതയ്കുള്ള സമ്മാനം കരസ്ഥമാക്കിയ അഖിലിനും ആദിത്യനുമുള്ള സ്വീകരണം
സ്വീകരണം
സ്വീകരണം

'


വഴികാട്ടി

  • റാന്നി ഇട്ടിയപ്പാറ ടൗണിൽ നിന്നും 500 മീറ്റർ മാത്രം മാറി ഐത്തല റോഡ് അരികിൽ മാർത്തോമാ നിലക്കൽ ഭദ്രാസന കൺവെൻഷൻ ഗ്രൗണ്ടിന് സമീപം മലങ്കര ഓർത്തഡോൿസ് സുറിയാനി സഭയുടെ നിലക്കൽ ഭദ്രാസന ആസ്ഥാനത്തിനോട് ചേർന്നുള്ള സ്ഥലം
Map
"https://schoolwiki.in/index.php?title=സെന്റ്_തോമസ്_എച്ച്.എസ്.റാന്നി&oldid=2831723" എന്ന താളിൽനിന്ന് ശേഖരിച്ചത്