സെന്റ് എഫ്രേം എച്ച്.എസ്സ് എസ്സ്. മാന്നാനം
സെന്റ് എഫ്രേം എച്ച്.എസ്സ് എസ്സ്. മാന്നാനം | |
---|---|
വിലാസം | |
മാന്നാനം മാന്നാനം പി.ഒ, , കോട്ടയം 686561 | |
സ്ഥാപിതം | 19 - മെയ് - 1885 |
വിവരങ്ങൾ | |
ഫോൺ | 04812597719 |
ഇമെയിൽ | stephremsmannanam@gmail.com |
വെബ്സൈറ്റ് | stephremshss.org stephremshss.org |
കോഡുകൾ | |
സ്കൂൾ കോഡ് | 33056 (സമേതം) |
വിദ്യാഭ്യാസ ഭരണസംവിധാനം | |
റവന്യൂ ജില്ല | കോട്ടയം |
വിദ്യാഭ്യാസ ജില്ല | കോട്ടയം |
സ്കൂൾ ഭരണ വിഭാഗം | |
സ്കൂൾ വിഭാഗം | പൊതു വിദ്യാലയം |
പഠന വിഭാഗങ്ങൾ | എൽ.പി യു.പി |
മാദ്ധ്യമം | മലയാളം ,ഇംഗ്ളീഷ് |
സ്കൂൾ നേതൃത്വം | |
പ്രിൻസിപ്പൽ | റവ. ഫാ. തോമസുകുട്ടി സി.വി |
പ്രധാന അദ്ധ്യാപകൻ | ശ്രീ.ജോജി ഫിലിപ്പ് |
അവസാനം തിരുത്തിയത് | |
25-01-2018 | 033056 |
വിശുദ്ധ ചാവറഅച്ചന്റെ കർമ്മഭൂമിയും അദ്ദേഹത്തിന്റെ ഭൗതീക അവശിഷ്ടത്താൽ പവിത്രീകൃതവുമായ സെന്റ് എഫ്രേംസ് എച്ച്.എസ്സ് എസ്സ്. മാന്നാനം കേരളത്തിലെ ഏറ്റവും പുരാതന വിദ്യാലയങ്ങളിൽ ഒന്നാണ്. ഈ വിദ്യാലയം മദ്ധ്യ കേരളത്തിന്റെ തിലകക്കുറിയായി അറിയപ്പെടുന്നു.കോട്ടയത്തിനു വടക്കുപടിഞ്ഞാറായി 12കി.മീ.അകലെ ആർപ്പൂക്കര,കൈപ്പൂഴ,അതിരംമ്പുഴ എന്നീ കരകളാൽ പരിസേവ്യമായി കിടക്കുന്നു
ചരിത്രം
1831-ൽ തദ്ദേശിയമായ ഒരു സന്ന്യാസ സഭ സ്ഥാപിക്കണമെന്ന് പോരൂക്കര തോമ്മാ മൽപാൻ, പാലയ്ക്കൽ തോമ്മാ മൽപാൻ, ചാവറ കുര്യാക്കോസ് അച്ചൻ എന്നീ ത്രിമൂർത്തികളുടെ തീവ്രമായ ആഗ്രഹം മാന്നാനം കുന്നിൽ വി.യൗസേപ്പിതാവിന്റെ നാമത്തിൽ ആശ്രമം സ്ഥാപിച്ചുകൊണ്ട് പുവണിഞ്ഞു. 1833 വൈദീക വിദ്യാർത്ഥികളെ പരിശീലിപ്പിക്കുക എന്ന ലക്ഷ്യത്തോടെ സെമിനാരി കെട്ടിടം പണി ആരംഭിച്ചു.ആശ്രമത്തോട് അനുബന്ധിച്ചുള്ള പള്ളി പണി 1834 ൽ ആരംഭിച്ചു.വിജ്ഞാന വികസനത്തിനു അച്ചടി ശാലകളുടെ പ്രാധാന്യം മനസ്സിലാക്കി ചാവറ അച്ചൻ സെന്റ് .ജോസഫ് പ്രസ്സിനു 1835 ൽ തുടക്കമിട്ടു..വിദ്യാദാനത്തെ ഒരുൽകൃഷ്ട കർമ്മമായി കരുതി മാന്നാനത്ത് ഒരു സംസ്കൃത വിദ്യാലയത്തിനു 1846 ൽ സി.എം.ഐ സഭ രൂപം നൽകുി.സുറിയാനി കത്തോലിക്കരുടെ വകയായ ആദ്യത്തെ ഇംഗ്ലീഷ് മീഡിയം സ്കൂൾ 1881 ൽ മാന്നാനത്ത് ആരംഭിച്ചു. പ്രതിഭാശാലികളായ കട്ടക്കയത്തിൽ വലിയ ചാണ്ടി അച്ചനും കണ്ണം പള്ളി ജരാർദ് അച്ചനും അതിനു നേതൃത്വം നൽകി. ഫാ.ജോസഫ് ചാവറയാണ് പ്രധാന സ്കുൾ കെട്ടിടം പണികഴിപ്പിച്ചത്.സ്കുൾ 1885 മെയ് 19-ൽ ഔപചാരികമായി ഉദ്ഘാടനം ചെയ്തു. കോട്ടയം സ്വദേശിയായ ശ്രീ.കെ.എം.കുര്യൻ കൊല്ലംപറമ്പിൽ അദ്ധ്യാപകനായി ചാർജ്ജെടുത്തു. ശ്രീ പി.സി.കുര്യൻ ആയിരുന്നു ആദ്യത്തെ ഹെഡ് മാസ്റ്റർ .ഫാ.ജോസഫ് ചാവറയുടെ ശിക്ഷണത്തിൽ സ്കൂളിനോടനുബന്ധിച്ച് സെൻറ് അലോഷ്യസ് ബോർഡിംഗ് 1887 ൽ രൂപീകൃതമായി.സ്കുളിന്റെ രജതജൂബിലി 1910 ൽ വിപുലമായ പരിപാടികളോടെ ആഘോഷിച്ചു.1936 ൽ കനക ജൂബിലി ആഘോഷിച്ചു..1947 ൽ സെന്റ് .എഫ്രേംസ് മലയാളം മീഡീയമായി.1962 ൽ സ്കുളിൽ പ്ലാറ്റിനം ജൂബിലിയാഘോഷം നടന്നു.2010 ൽ സ്കൂളിന്റെ 125 -മത് ജൂബിലി ആഘോഷിച്ചു.
ഭൗതികസാഹചര്യങ്ങൾ
ഹൈസ്കൂൾ വിഭാഗത്തിൽ 14 ക്ലാസ് മുറികളും ഹയർസെക്കൻഡറി വിഭാഗത്തിൽ 12 ക്ലാസ് മുറികളും ഉണ്ട്. ഓഡിയോ വിഷ്വൽ ലാബ് ,കംമ്പ്യൂട്ടർ ലാബ് , ഓഫീസ് മുറികൾ , സ്റ്റാഫ് റുംസ് , വിശാലമായ ഓഡിറ്റോറിയം, ലാഗ്വേജ് ലാബ് , സയൻസ് ലാബ് , സോഷ്യൽ സയൻസ് ലാബ് ഇവ നൂതനമായ സംവിധാനങ്ങളോടെ പ്രവർത്തിക്കുന്നു. ബാസ്ക്കറ്റ് ബോൾ കോർട്ട് , ക്രിക്കറ്റ് കോർട്ട് , വിശാലമായ ഇൻഡോർ സ്റ്റേഡിയം , പ്ലേഗ്രൗണ്ട് എന്നിവ കുട്ടികളിൽ കായികക്ഷമത ഉളവാക്കുന്നു.നാലേക്കർ സ്ഥലത്ത സ്ഥിതിചെയ്യുന്ന മൂന്ന് നിലകെട്ടിടങ്ങളുള്ള ബ്രഹത്തായ സ്ഥാപനമാണിത്.സ്കൂൾ അഡ്മിനിസ് ട്രേറ്ററായി റവ.ഫാ.റോയി മാളിയേക്കൽ സി.എം.ഐ.സേവനം അനുഷ്ഠിക്കുന്നു. സ്കൂളിൽ പ്രവൃത്തിക്കുന്ന സെന്റ്.അലോഷ്യസ് ബോർഡിങ്ങിൽ 200ൽ അധികം കുട്ടികൾക്ക് താമസിച്ചു പഠിക്കാനുള്ള സൗകര്യം ഒരുക്കുന്നു.റവ.ഫാ.സജി പാറക്കടവിൽ സി.എം.ഐ.ആണ് ഇപ്പോഴത്തെ ബോർഡിങ്ങ് റെക്ടർ.
പാഠ്യേതര പ്രവർത്തനങ്ങൾ
പൊതു വിദ്യാഭ്യാസ സംരക്ഷണയജ്ഞം പൊതുവിദ്യാലയങ്ങളെ മികവിന്റെ കേന്ദ്രങ്ങളാക്കി മാറ്റുവാനും ഗ്രീൻ പ്രോട്ടോക്കോൾ നടപപ്പിലാക്കുവാനുള്ള സംസ്ഥാനതല പൊതു വിദ്യാഭ്യാസ സംരക്ഷണയജ്ഞത്തിന്റെ സ്കൂൾതല ഉദ്ഘാടനം മാന്നാനം സെന്റ് എഫ്രേംസ് ഹയർ സെക്കണ്ടറി സ്കൂളിൽ 2017 ജനുവരി 27 രാവിലെ 10 ന് നടന്നു.അതിരമ്പുഴ ഗ്രാമ പഞ്ചായത്തിന്റെയും സ്കൂൾ പി.റ്റി.എ യുടെയും ആഭിമുഖ്യത്തിൽ നടന്ന പൊതുയോഗത്തിൽ വാർഡ് മെമ്പർ സൗമ്യ വാസുദേവൻ ഉദ്ഘാടനം നിർവഹിച്ചു. ഹെഡ് മാസ്റ്റർ ജോജി ഫിലിപ്പ്,പി,റ്റി.എ പ്രസിഡന്റ് ദീപ ജോസ്,അദ്ധ്യാപകരായ ജോസ് ജോൺ ചേരിക്കൽ, ബാബു തോമസ്,ബെന്നി സ്കറിയ എന്നിവർ ആശംസ പ്രസംഗങ്ങൾ നടത്തി.പൊതു വിദ്യാഭ്യാസം സംരക്ഷിക്കാനും ഗ്രീൻ പ്രോട്ടോക്കൾ നടപ്പിലാക്കാനും വിദ്യാർഥികൾ പ്രതിജ്ഞയെടുത്തു.
ക്ലബ് പ്രവർത്തനങ്ങൾ
നേട്ടങ്ങൾ
- ചിത്രശാല
- സെന്റ് .എഫ്രേംസ്. സ്പോട്സ് ഹോസ്റ്റൽ
- സെൻറ് . അലോഷ്യസ് ബോർഡിങ്
- സ്കൂളിന്റെ പ്രിൻസിപ്പൽമാർ
- സ്കൂളിന്റെ പ്രധാനാദ്ധ്യാപകർ
- മാനേജർമാർ
- ഹൈസ്കൂൾ അധ്യാപകർ
- ഹയർസെക്കണ്ടറി സ്കൂൾ അധ്യാപകർ
- ഹൈസ്കൂൾ അനധ്യാപകർ
- ഹയർസെക്കണ്ടറി സ്കൂൾ അനധ്യാപകർ
- പ്രശസ്തരായ പൂർവവിദ്യാർത്ഥികൾ
- ഫോസ്റ്റർ- ആലുമ്നി അസ്സോസിയേഷൻ
- സ്കൂൾ വെബ്സൈറ്റ് http://stephremshss.org/
റിസൾട്ട്
2016-17 അധ്യയന വർഷത്തിൽ SSLC പരീക്ഷയ്ക്ക് 100% റിസൾട്ട് ലഭിച്ചു.221 കുട്ടികൾ പരീക്ഷ എഴുതി.SSLC യ്ക്ക് ഫുൾ A+ 5 , 9 A+ 7 കുട്ടികൾക്കും ലഭിച്ചു.ഹയർ സെക്കണ്ടറി പരീക്ഷയിൽ 93% വിജയം ലഭിച്ചു. ഫുൾ A+ 11 കുട്ടികൾക്കും 5 A+ 12 കുട്ടികൾക്കും ലഭിച്ചു.
പ്രവേശനോത്സവം 2017
പ്രവേശനോത്സവത്തിന്റെ ഭാഗമായി നടന്ന പൊതുമീറ്റിംഗിൽ സ്കൂൾ പ്രിൻസിപ്പൽ റവ. ഫാ. തോമസുകുട്ടി സി.വി അദ്ധ്യക്ഷത വഹിച്ചു.സമ്മേളനോദ്ഘാടനം നിർവ്വഹിക്കുകയും മാതാപിതാക്കൾക്കും കുട്ടികൾക്കുമായി ക്ലാസുകൾ നയിക്കുകയും ചെയ്തത് എംജി സർവ്വകലാശാലയിലെ അസ്സോസിയേറ്റ് പ്രഫസർ ഡോ.ലിജി ജേക്കബ് ആയിരുന്നു.പി.റ്റി.എ പ്രിസിഡന്റ് ശ്രീമതി. ദീപാ ജോസ് ,സ്കൂൾ അഡ്മിനിസ്ട്രേറ്റർ റവ.ഫാദർ റോയി മാളിയേക്കൽ സി.എം.ഐ എന്നിവർ ആശംസകൾ നിർവ്വഹിച്ചു.നവാഹതരായ വിദ്യാർത്ഥികൾ ചിരാത് തെളിച്ചു.കുട്ടികൾക്ക് മധുര പലഹാരം വിതരണം ചെയ്തു.യോഗത്തിൽ ഹെഡ്മാസ്റ്റർ ശ്രീ ജോജി ഫിലിപ്പ് സ്വാഗതവും സ്റ്റാഫ് സെക്രട്ടറി ശ്രീ ബാബു തോമസ് കൃതജ്ഞതയും പ്രകാശിപ്പിച്ചു.കുട്ടികളുടെ വിവിധ കലാപരിപാടികൾ പ്രവേശനോത്സവത്തിന് ചാരുതയേകി.
അധ്യാപക രക്ഷാകർത്തൃ യോഗം 2017- 18
പാഠ്യാനുബന്ധ പ്രവർത്തനങ്ങളുടെ ഉദ്ഘാടനം ,പ്രതിഭകളെ ആദരിക്കൽ, അധ്യാപക രക്ഷകർത്തൃ യോഗം
2017-18 അദ്ധ്യയന വർഷത്തെ പാഠ്യാനുബന്ധ പ്രവർത്തനങ്ങളുടെ ഉദ്ഘാടനം , എസ്. എസ് എൽ .സി , ഹയർ സെക്കണ്ടറി പരീക്ഷകളിൽ ഉന്നത വിജയം കരസ്ഥമാക്കിയവർക്കുള്ള അനുമോദനം , പ്രഥമ അധ്യാപക രക്ഷാകർത്തൃ സമ്മേളനം എന്നിവ 2017 ജൂൺ 23-ാം തിയതി 1.30 p.m ന് ഇൻഡോർസ്റ്റേഡിയത്തിൽ വച്ച് നടത്തി. സ്കൂൾ മാനേജർ റവ. ഫാ. സ്കറിയ എതിരേറ്റ് യോഗത്തിൽ അദ്ധ്യക്ഷത വഹിച്ചു. യോഗത്തിന്റെ ഉദ്ഘാടനം ഡോ. കുര്യാസ് കുമ്പളക്കുഴി നിർവഹിച്ചു. കോർപ്പറേറ്റ് മാനേജർ റവ. ഫാ. ജെയിംസ് മുല്ലശ്ശേരി ആശംസകൾ നേർന്നു. സ്കൂൾ പ്രിൻസിപ്പൽ റവ. ഫാ. തോമസുകുട്ടി സി.വി സ്വാഗതവും ഹെഡ്മാസ്റ്റർ ശ്രീ. ജോജി ഫിലിപ്പ് കൃതജഞതയും പ്രകാശിപ്പിച്ചു. കുട്ടികളുടെ വിദ്യാഭ്യാസത്തിൽ മാതാപിതാക്കൾ വഹിക്കേണ്ടപങ്കിനെക്കുറിച്ച് ഡോ. കുര്യാസ് കുമ്പളക്കുഴി വിശദമായി ക്ലാസ് നയിച്ചു.പുതിയ പി. ടി.എ ഭാരവാഹികളുടെ തിരഞ്ഞെടുപ്പും നടന്നു. ഹയർ സെക്കണ്ടറി ,S.S.L.C പരീക്ഷകളിൽ ഉന്നത വിജയം നേടിയ വിദ്യാർഥികൾക്ക് സമ്മാനവിതരണവും നടത്തി.
പി. ടി. എ മീറ്റിംഗുകൾ' 20/09/2017 ൽ ക്ലാസ്സ് 8,9 ക്ലാസ് പി.റ്റി എ നടത്തി.പൊതുവായ നിർദ്ദേശങ്ങൾക്കുഷേം മാതാപിതാക്കൾ അതാതു ക്ലാസുകളിൽഎത്തുകയും കുട്ടികളുടെ പഠന പുരോഗതി വിലയിരുത്തുകയും ചെയ്തു.10 ന്റെ ക്ലാസ് പി.റ്റി.എ 22/09/17 ൽ നടന്നു.
ഓണാഘോഷം 2017- 18
31/08/17 ൽ സ്കൂളിൽ ഓണം സമുചിതമായി ആഘോഷിച്ചു.സ്കൂൾ പ്രിൽസിപ്പൽ റവ.ഫാദർ തോമസുകുട്ടി സി.വി അദ്ധ്യക്ഷത വഹിച്ച യോഗത്തിൽ പ്രശസ്ത സംഗീത സംവിധായകൽ ശ്രീ ആലപ്പി രങ്കനാഥ് ഉദ്ഘാടനം നിർവ്വഹിച്ചു.ശ്രീമതി ദീപ ജോസ് പി.ടി.എ പ്രസിഡന്റ് ,മാസ്റ്റർ റൂബൻ സിബി എന്നിവർ ആശംസകൾ നേർന്നു.ഹെഡ്മാസ്റ്റർ ശ്രീ ജോജി ഫിലിപ്പ് സ്വാഗതമാശംസിച്ചു.ഓണസദ്യ ഉണ്ടായിരുന്നു. ഓണാഘോഷങ്ങളോടനുബന്ധിച്ച് അദ്ധ്യാപകദിനാഘോഷവും നടത്തി.എല്ലാ അദ്ധ്യാപക അനദ്ധ്യാപകർക്കും പ്രിൻസിപ്പൽ സമ്മാനം നൽകി.
സ്കൂൾ എക്സിബിഷൻ 2017- 18
22-9-2017 ൽ സയൻസ്,കണക്ക് ,സോഷ്യൽ സയൻസ്,പ്രവർത്തിപരിചയം,ഐ.റ്റി എന്നീ വിവിധ മേഖലകളിൻ മേളകൾ സംഘടിപ്പിക്കപ്പെട്ടു.എല്ലാ കുട്ടികൾക്കും പങ്കാളിത്തം നൽകി. അതാതു ക്ലാസുമുറികളിൽ വച്ചാണ് പ്രദർശനം നടന്നത്.പ്രദർശനത്തോടൊപ്പം വിവിധ ഇനങ്ങളുടെ മൂല്യ നിർണയവും നടത്തി.ഐ.റ്റി മേള കമ്പ്യൂട്ടർ ലാബിൽ വച്ച് നടത്തപ്പെട്ടു.
സ്കൂൾ സ്പോർട്സ് ഡേ 2017- 18
13/10/17-ൽ സ്കൂൾ സ്പോർട്സ് ഡേ നടത്തി.ഹൗസ് അടിസ്ഥാനത്തിലായിരുന്നു മത്സരങ്ങൾ.വർണശബളമായ മാർച്ച്പാസ്റ്റ് , ദീപശിഖാപ്രയാണം ഇവയ്ക്കുുശേഷം സ്പോർട്സ് ഡേ ഉദ്ഘാടനം പ്രിൻസിപ്പൽ റവ.ഫാദർ തോമസുകുട്ടി സി.വി നിർവ്വഹിച്ചു. സെന്റ് ജോസഫ് യു.പി സ്കൂൾ ഹെഡ്മിസ്ട്രസ് ശ്രീമതി ജെസ്സി വർഗ്ഗീസ് പതാക ഉയർത്തി. ആവേശോജ്ജലമായ രീതിയിൽ മത്സരങ്ങൾ നടത്തപ്പെട്ടു. റവ. ഫാദർ ആന്റണി കാഞ്ഞിരത്തിങ്കൽ സ്വാഗതവും സ്കൂൾ ചെയർമാൻ മാസ്റ്റർ റൂബൻ സിബി കൃതജ്ഞതയും പറഞ്ഞു.
കാൻസർ ബോധവത്കരണ ക്ലാസ്
സ്കൂളിലെ എല്ലാ വിദ്ധ്യാർത്ഥികൾക്കുമായി 23/10/17-ൽ ചെത്തിപ്പുഴ സർഗ്ഗ ക്ഷേത്രയുടെ ആഭിമുഖ്യത്തിൽ കാൻസർ ബോധവത്കരണ ക്ലാസ് ഇൻഡോർസ്റ്റേഡിയത്തിൽ വച്ച് നടത്തി.ക്ലാസ് നയിച്ചത് ശ്രീ സന്തോഷ് ആയിരുന്നു.
വഴികാട്ടി
വിദ്യാലയത്തിലേക്ക് എത്തുന്നതിനുള്ള മാർഗ്ഗങ്ങൾ
|
{{#multimaps:|9.646278,76.520010|zoom=15}}
വിദ്യാലയത്തിലേക്ക് എത്തുന്നതിനുള്ള മാർഗ്ഗങ്ങൾ
* കോട്ടയത്തിനു വടക്കുപടിഞ്ഞാറായി 12 കി.മീ.അകലെ ആർപ്പൂക്കര,കൈപ്പൂഴ,അതിരംമ്പുഴ എന്നീ കരകളാൽ പരിസേവ്യമായി കിടക്കുന്നു * മാന്നാനം ജംഗ്ഷനിൽ നിന്നും തെക്കുഭാഗത്ത് 300 മീറ്റർ അകലെ സെന്റ് ജോസഫ് ആശ്രമ ദേവാലയത്തിനു സമീപം സ്ഥിതിചെയ്യുന്നു .