ഗവ.എൽ.പി.എസ് .കടക്കരപ്പള്ളി

പ്രോജക്ടുകൾ
പ്രോജക്ടുകൾ
	അക്കാദമിക മാസ്റ്റർപ്ലാൻ (സഹായം)
	എന്റെ ഗ്രാമം (സഹായം)
	സ്കൂൾ പത്രം (സഹായം)
	തിരികെ വിദ്യാലയത്തിലേക്ക് (സഹായം)
	അക്ഷരവൃക്ഷം (സഹായം)
	ഓർമ്മക്കുറിപ്പുകൾ (സഹായം)
	എന്റെ വിദ്യാലയം (സഹായം?)
	ഹൈടെക് വിദ്യാലയം (സഹായം)
	നാടോടി വിജ്ഞാനകോശം (സഹായം)
	Say No To Drugs Campaign (സഹായം)

ഗവ.എൽ.പി.എസ് .കടക്കരപ്പള്ളി
ഗവ.എൽ.പി.എസ് .കടക്കരപ്പള്ളി
വിലാസം
	കടക്കരപ്പള്ളി; കടക്കരപ്പള്ളി പി.ഒ., 688539, ആലപ്പുഴ ജില്ല
സ്ഥാപിതം	1914
വിവരങ്ങൾ
ഫോൺ	0478 2821210
ഇമെയിൽ	34306thuravoor@gmail.com
കോഡുകൾ
സ്കൂൾ കോഡ്	34306 (സമേതം)
യുഡൈസ് കോഡ്	32111000901
വിക്കിഡാറ്റ	Q87477789
വിദ്യാഭ്യാസ ഭരണസംവിധാനം
റവന്യൂ ജില്ല	ആലപ്പുഴ
വിദ്യാഭ്യാസ ജില്ല	ചേർത്തല
ഉപജില്ല	തുറവൂർ
ഭരണസംവിധാനം
ലോകസഭാമണ്ഡലം	ആലപ്പുഴ
നിയമസഭാമണ്ഡലം	ചേർത്തല
താലൂക്ക്	ചേർത്തല
ബ്ലോക്ക് പഞ്ചായത്ത്	കഞ്ഞിക്കുഴി
തദ്ദേശസ്വയംഭരണസ്ഥാപനം	പഞ്ചായത്ത്
വാർഡ്	8
സ്കൂൾ ഭരണ വിഭാഗം
സ്കൂൾ ഭരണ വിഭാഗം	സർക്കാർ
സ്കൂൾ വിഭാഗം	പൊതുവിദ്യാലയം
പഠന വിഭാഗങ്ങൾ	എൽ.പി
സ്കൂൾ തലം	1 മുതൽ 4 വരെ
മാദ്ധ്യമം	മലയാളം
സ്ഥിതിവിവരക്കണക്ക് ;
ആൺകുട്ടികൾ	204
പെൺകുട്ടികൾ	177
ആകെ വിദ്യാർത്ഥികൾ	381
അദ്ധ്യാപകർ	12
സ്കൂൾ നേതൃത്വം
പ്രധാന അദ്ധ്യാപിക	ശ്രീലത കെ
പി.ടി.എ. പ്രസിഡണ്ട്	അനീഷ് ബാബു
എം.പി.ടി.എ. പ്രസിഡണ്ട്	പ്രീന
അവസാനം തിരുത്തിയത്
19-11-2025	34306VRK

2021-22 ലെ സ്കൂൾവിക്കി പുരസ്കാരം നേടുന്നതിനായി മൽസരിച്ച വിദ്യാലയം.

ഇംഗ്ലീഷ് വിലാസം

https://schoolwiki.in/Govt_Lps_Kadakkarappally

ആലപ്പുഴ ജില്ലയിൽ ചേർത്തല വിദ്യാഭ്യാസ ജില്ലയിൽ തുറവൂർ ഉപജില്ലയിലെ കടക്കരപ്പള്ളി ഗ്രാമപഞ്ചായത്ത് 8 -ാം വാർഡിൽ ഈ സ്ക്കൂൾ സ്ഥിതി ചെയുന്നു . 1909 ൽ സ്ഥാപിതമായി . കോർമ്മശേരി എൽ പി എസ് എന്ന് അറിയപ്പെടുന്ന ഒരു സർക്കാർ വിദ്യാലയമാണ്.

ചരിത്രം

ഈഴവരാദി പിന്നോക്ക വിഭാഗങ്ങൾക്കു വിദ്യാലയപ്രവേശനം നിഷേധിച്ചിരുന്ന കാലഘട്ടത്തിൽ കടക്കരപ്പള്ളിയുടെ പടിഞ്ഞാറൻ ഭാഗങ്ങളിലുള്ള ഈഴവ പ്രമാണികൾ ചേർന്ന് ഉണ്ടാക്കിയ ഒരു കൂട്ടായ്മ (പ്രസ്ഥാനം) ആണ് മംഗളോദയം സഭ. ഈ സഭാംഗങ്ങളുടെ കുട്ടികൾക്ക് വിദ്യാഭ്യാസം നൽകുന്നതിനായി കൊല്ലവർഷം 1083 ന് തട്ടുപുരക്കൽ കുടുംബത്തിലെ നാലുകെട്ടിൽ ഒരു കുടിപ്പള്ളിക്കുടം ഉണ്ടായി .പിന്നീട് സഭയുടെ പ്രവർത്തനഫലമായി 83 സെന്റ്‌ സ്ഥലം സഭയുടെ പേരിൽ വാങ്ങി , ആ സ്ഥലത്തിന്റെ തെക്കുഭാഗത്ത് 3 മുറികളുള്ളതും 4 ക്ലാസ് നടത്താനുള്ള സൗകര്യത്തിൽ ഒരു കെട്ടിടം നിർമ്മിച്ചു . കൂടുതൽ വായിക്കാൻ.

ഭൗതികസൗകര്യങ്ങൾ

55 സെൻറ് സ്ഥലത്ത് 12 ക്ലാസ് മുറികളും അതിനോടു ചേർന്ന് 1 ലാബും, ലൈബ്രറി, ഡൈനിംഗ് ഹാൾ പാചകപുരയും, അതിനോടു ചേർന്ന് സ്റ്റോർ റൂമും ഉണ്ട്. അതു കൂടാതെ Open ഓഡിറ്റോറിയവും ഉണ്ട്. മരമുത്തശ്ശിയായ സപ്പോട്ട മരവും അതിൽ ഒരു ഏറുമാടവും ഈ സ്ക്കൂളിന്റെ പ്രത്യേകതയാണ്.

വർണ്ണക്കൂടാരം

ഗുണമേന്മയുള്ളതും ശാസ്ത്രീയവുമായ പ്രീസ്കൂൾ വിദ്യാഭ്യാസം ലക്ഷ്യമാക്കുക എന്ന ഉദ്ദേശത്തോടെ ദേശീയവും അന്തർദേശീയവുമായ മാതൃകകൾ പരിഗണിച്ച് സമഗ്ര ശിക്ഷാ കേരളം നടപ്പിലാക്കുന്ന പരിപാടിയാണ് വർണ്ണക്കൂടാരം. കുട്ടികളുടെ വിവിധ വികാസ മേഖലകളെ ലക്ഷ്യം വെച്ചുകൊണ്ട് ചാലക വികാസ മേഖല,ഭാഷാ വികാസ മേഖല, വൈജ്ഞാനിക വികസ മേഖല, സർഗാത്മകവും സൗന്ദര്യാത്മകവുമായ വികസമേഖല,എന്നിങ്ങനെയുള്ള വികാസമേഖലകൾക്ക് വേണ്ടി ഇ- ഇടം, ശാസ്ത്രാനുഭവയിടം, ഹരിതോദ്യാനം, കുഞ്ഞരങ്ങ്, ആട്ടവും പാട്ടും, കരകൗശല ഇടം, ഭാഷാ വികസന ഇടം, ഗണിത ഇടം, നിർമ്മാണയിടം, വരയിടം, പുറം കളിയിടം, അകം കളിയിടം, പഞ്ചേന്ദ്രിയനുഭവയിടം തുടങ്ങിയ 13 ഇടങ്ങൾ വർണ്ണ കൂടാരത്തിൽ സജ്ജീകരിച്ചിട്ടുണ്ട്. 2024 ഫെബ്രുവരി 12 ന് രാവിലെ 10 മണിക്ക് ബഹുമാനപ്പെട്ട കടക്കരപ്പള്ളി ഗ്രാമപഞ്ചായത്ത് പ്രസിഡന്റ് ശ്രീ ജയിംസ് ചിങ്കുതറ ഉദ്ഘാടന കർമ്മം  നിർവഹിച്ചു. വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ ടി കെ സത്യാനന്ദൻ വാർഡ് മെമ്പർ പി ഡി ഗഗാറിൻ തുറവൂർ ബിപിസി അനുജ ആന്റണി ബി ആർ സി ട്രെയിനർ  ശ്രീമതി ശ്രീദേവി പിടിഎ പ്രസിഡന്റ്  ശ്രീ അനീഷ് ബാബു എന്നിവർ സന്നിഹിതരായിരുന്നു. 2025 മാർച്ചിൽ നിർമ്മാണം പൂർത്തിയാവുകയും  ബഹുമാനപ്പെട്ട കൃഷി മന്ത്രി ശ്രീ പി പ്രസാദ്  ഉദ്ഘാടന കർമ്മം നിർവഹിക്കുകയും ചെയ്തു.

ഇട്ടിയച്യൂതൻ വൈദ്യർ ഗ്രാമ പൈതൃക മ്യൂസിയം

ഇട്ടി അച്യുതൻ വൈദ്യർ സ്മരണാർത്ഥം ഹരിത വിദ്യാലയം റിയാലിറ്റി ഷോയിലൂടെ സമ്മാനമായി ലഭ്യമായ 5 ലക്ഷം രൂപ ഉപയോഗിച്ച് നിർമ്മാണം പൂർത്തിയാക്കിയതാണ് മ്യൂസിയം. 2025 മാർച്ചിൽ നിർമ്മാണം പൂർത്തീകരിക്കുകയും ബഹുമാനപ്പെട്ട കൃഷിവകുപ്പ് മന്ത്രി പി പ്രസാദ് ഉദ്ഘാടന കർമ്മം നിർവഹിക്കുകയും ചെയ്തു. വൈദ്യർ ഉപയോഗിച്ചിരുന്ന കഴിഞ്ചിക്കോൽ ഉൾപ്പെടെയുള്ള നിരവധി പുരാവസ്തുക്കൾ മ്യൂസിയത്തിൽ സൂക്ഷിക്കുന്നു. പുതിയ തലമുറയ്ക്ക് ഒരു അമൂല്യനിധിയായി സൂക്ഷിക്കുക എന്നതാണ് ഉദ്ദേശം.

പാഠ്യേതര പ്രവർത്തനങ്ങൾ

സാരഥി


പ്രധാന അദ്ധ്യാപിക : ശ്രീലത കെ

മുൻ സാരഥികൾ

സ്കൂളിലെ മുൻ പ്രഥമാദ്ധ്യാപകർ :

നാരായണൻ സാർ
ദിവാകരൻ സാർ
അല്ലേശ് സാർ
ശാന്തമ്മ ടീച്ചർ
ഇന്ദിരാദേവി ടീച്ചർ
സുഗുണൻ സാർ
സാവിത്രിയമ്മ ടീച്ചർ
പി.കെ. കുസുമം ടീച്ചർ
ഡി. പത്മകുമാരി ടീച്ചർ

മുൻ അധ്യാപകർ

ജയിംസ് ആന്റണി കെ. എസ്
ശോഭനൻ
ശശികല എം.ജി
രാജകുമാരി വി
ആശാലത
സതീഷ്
ധന്യ ഡി

സ്ക്കൂളിലെ അധ്യാപകർ

ശ്രീലത കെ
ലിനി ജോൺ
മിൻസിമോൾ മൈക്കിൾ
ബീന എ.എ.
ധന്യമോൾ ആർ
ശരണ്യമോൾ എസ്
അനീഷമോൾ വി എ
റാണി സുചേതാ
സംഗീത എസ് ആനന്ദ്
വീണ
സോണി

നേഴ്സറി വിഭാഗം

നീതു
ആതിര
ദിവ്യ
സോണി

നേട്ടങ്ങൾ

PTA അവാർഡ് 2012-13 സംസ്ഥാന അധ്യാപക അവാർഡ് - ഡി. പത്മകുമാരി (H.M.) 2009-2010 ഹരിതവിദ്യാലയം-റണ്ണർ അപ്പ് (2011) സംസ്ഥാനത്തെ മികച്ച കുട്ടികർഷകനുള്ള അവാർ‍ഡ്. (2015-16) പ്രവർത്തി പരിചയമേളയിൽ - സബ് ജില്ലാ ഓവറോൾ ചാമ്പ്യൻഷിപ്പ്. 2023 -ഹരിതവിദ്യാലയം റിയാലിറ്റി ഷോയിൽ മൂന്നാം സ്ഥാനം

2024 - തുറവൂർ ഉപജില്ലാ സാമൂഹ്യ ശാസ്ത്രഗണിത ശാസ്‌ത്ര മേളയിൽ ഓവറോൾ ചാമ്പ്യൻഷിപ്പ് .

നല്ലപാഠം ജില്ലാപുരസ്കാരം മൂന്നാംസ്ഥാനം 2024-25

മാതൃഭൂമി സീഡ് പ്രശസ്തിപത്രം 2024-25

2024 അധ്യയന വര്ഷം അഞ്ച് കുട്ടികൾ LSS നേടി .

സുഗതകുമാരി ടീച്ചറുടെ സ്മരണാർത്ഥം സുഗതവനം ട്രസ്റ്റ് ഏർപ്പെടുത്തിയ സംസ്ഥാനത്തെ മികച്ച അധ്യാപകനുള്ള ഗുരു ജ്യോതി പുരസ്കാരം സീനിയർ അധ്യാപകൻ ശ്രീ ജെയിംസ് ആന്റണി കരസ്ഥമാക്കി .

മാതൃഭൂമി സീഡ് പരിസ്ഥിതി ദിനത്തിൽ മഴ പ്രമേയമായി വരുന്ന 'മരം നടാം മഴ നേടാം' എന്ന വിഷയവുമായി ബന്ധപ്പെട്ട കവിത രചന മത്സരത്തിൽ രണ്ടാം സ്ഥാനം നേടിയ കടക്കരപ്പള്ളി ഗവൺമെന്റ് എൽ പി സ്കൂളിലെ ജുവൽ മരിയയ്ക്ക് മാതൃഭൂമി ആലപ്പുഴ ബ്യൂറോ ചീഫ് ശ്രീ.ജെയിംസ് മാത്യു പുരസ്കാരം സമ്മാനിച്ചു. ആലപ്പുഴ സീഡ് കോഡിനേറ്റർ ഭവ്യ,എച്ച്.എം. ശ്രീലത, പി. ടി. എ. പ്രസിഡന്റ് അനീഷ് ബാബു, സീഡ് കോഡിനേറ്റർ മിൻസി,അനീഷ, ബീന എന്നിവർ ചടങ്ങിൽ പങ്കെടുത്തു.

2025-26 ലെ ഉപജില്ലാ മേളകളിൽ സാമൂഹ്യശാസ്ത്ര മേളയിൽ ഓവറോൾ ചാംപ്യൻഷിപ്പും ശാസ്ത്ര മേളയിൽ മൂന്നാം സ്ഥാനവും കരസ്ഥമാക്കി .

2025-26 ലെ ഉപജില്ലാ കലോത്സവത്തിൽ പങ്കെടുത്ത എല്ലാവിഷയങ്ങൾക്കും എ ഗ്രേഡ് കരസ്ഥമാക്കി ..

പ്രശസ്തരായ പൂർവവിദ്യാർത്ഥികൾ

കെ.ആർ. ഗൗരിയമ്മ
ഡോ. രതീഷ്
ദേവൻചന്ദ്രശേഖർ, ദേവികചന്ദ്രശേഖർ . [ഫ്യൂസലേജ് ഇന്നൊവേഷൻസ് സ്‌ഥാപകരായ സഹോദരങ്ങൾ ]2024 ലെ സംസ്ഥാന യുവജന കമ്മീഷൻ പുരസ്കാരം നേടി .

ദിനാചരണങ്ങൾ

പ്രവേശനോത്സവം-2024-25 അധ്യയന വർഷത്തെ പഞ്ചായത്ത് തല പ്രവേശനോത്സവം വിവിധ പരിപാടികളോടെ സമുചിതമായി ആഘോഷിച്ചു.പലവിധ അലങ്കാരങ്ങളാൽ സ്കൂൾ മനോഹരമാക്കിയിരുന്നു. സ്കൂൾ ഹെഡ്മിസ്ട്രസ് ശ്രീമതി ശ്രീലത ടീച്ചർ പരിപാടിക്ക് സ്വാഗതം ആശംസിച്ചു. എസ് എം സി ചെയർമാൻ ശ്രീ അനീഷ് ബാബു അധ്യക്ഷനായിരുന്ന ചടങ്ങിൽ ബഹുമാനപ്പെട്ട കടക്കരപ്പള്ളി പഞ്ചായത്ത് പ്രസിഡന്റ് ശ്രീ ജെയിംസ് ചിങ്കുതറ ദീപം തെളിയിച്ച് ഉദ്ഘാടന കർമ്മം നിർവഹിച്ചു. കടക്കരപ്പള്ളി പഞ്ചായത്ത് വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ ശ്രീ ടി കെ സത്യാനന്ദൻ അക്കാദമിക മാസ്റ്റർ പ്ലാൻ പ്രകാശനം ചെയ്തു. വാർഡ് മെമ്പർ ശ്രീ ഷിജി ,പി ഡി ഗഗാറിൻ,മുൻ അധ്യാപകൻ ശ്രീ ശോഭനൻ, സി ആർ സി കോഡിനേറ്റർ ശ്രീമതി അമൃത,. സ്കൂൾ വിദ്യാർത്ഥി മാസ്റ്റർ ഡെറിക്ക് റോബർട്ട്,അനുരാധ ആർ, അധ്യാപകൻ ശ്രീ ജെയിംസ് ആന്റണി എന്നിവർ ആശംസ അർപ്പിച്ചു. തുടർന്ന് കുട്ടികളുടെ കലാവിരുന്നായിരുന്നു. സീനിയർ അസിസ്റ്റന്റ് ശ്രീ ജെയിംസ് ആന്റണി സാർ രക്ഷിതാക്കൾക്വേണ്ടി ബോധവൽക്കരണ ക്ലാസ് നടത്തി. പ്രവേശനോത്സവത്തിന് മുന്നോടിയായി പിടിഎ പ്രതിനിധികളും അധ്യാപകരും സ്കൂൾ ശുചീകരണ പ്രവർത്തനങ്ങളിൽപങ്കാളികളായി.കു രുന്നുകളെ വരവേൽക്കാനായി സ്കൂൾ അങ്കണം പൂക്കൾകൊണ്ടുംഅക്ഷരകാർഡുകൾകൊണ്ടുംവർണ്ണാഭമാക്കി..സ്കൂളിലെമരമുത്തശ്ശിയുടെ മടിത്തട്ടിൽ സ്ഥാപിച്ച സെൽഫി സ്റ്റാൻഡ് കൗതുകക്കാഴ്ച ഒരുക്കി. പുതുതായി പ്രവേശനം നേടുന്ന കുരുന്നുകൾക്ക് ബലൂൺ,ഗിഫ്റ്റ്, നെയിം ടാഗ് എന്നിവ നൽകി വരവേറ്റു. സ്കൂൾ കുട്ടികളുടെചെണ്ടമേളത്തിന്റെഅകമ്പടിയോടുകൂടി നടത്തപ്പെട്ട പ്രവേശനോത്സവറാലിയുംഅക്ഷരദീപംതെളിയിക്കലുംമറ്റൊരാനന്ദക്കാഴ്ചയായിരുന്നൂ.പരിപാടിയിൽ പങ്കുചേരാൻ വന്ന രക്ഷിതാക്കൾക്കും കുരുന്നുകൾക്കും മധുര വിതരണവും പായസത്തോട് കൂടിയുള്ള സദ്യയും ഒരുക്കിയിരുന്നു.മൂന്നു മണിയോടെ പരിപാടികൾ സമാപിച്ചൂ.
പരിസ്ഥിതിദിനം -നല്ലപാഠം ക്ലബ്ബിന്റെ നേതൃത്വത്തിൽ ജൂൺ 5 പരിസ്ഥിതി ദിനം വിപുലമായ പരിപാടികളുടെ ആഘോഷിച്ചു. . 2024 ലെ പരിസ്ഥിതി ദിന തീമുമായി ബന്ധപ്പെടുത്തി സ്പെഷ്യൽ അസംബ്ലിയും പരിസ്ഥിതി ദിന പോസ്റ്റർ രചന,പ്ലക്കാർഡ് നിർമ്മാണം, ക്വിസ് മത്സരം എന്നിവ സംഘടിപ്പിച്ചു.. സ്കൂൾ അസംബ്ലിയിൽ വിദ്യാർത്ഥികൾ പരിസ്ഥിതി ദിന പ്രതിജ്ഞ ഏറ്റുചൊല്ലി. തുടർന്ന് കുട്ടികൾ തയ്യാറാക്കിയ പരിസ്ഥിതി ദിന പോസ്റ്ററുകളും പ്ലക്കാർഡുകളും വഹിച്ചുകൊണ്ടുള്ള പരിസ്ഥിതി ദിന റാലിയും നടന്നു. അധ്യാപകർ പരിസ്ഥിതി സംരക്ഷണം എന്ന വിഷയത്തെ അടിസ്ഥാനമാക്കി ക്ലാസുകളിൽ ബോധവൽക്കരണ ക്ലാസ് നടത്തി. കുട്ടികൾ വീടുകളിൽ വൃക്ഷത്തൈനട്ട് ദിനാഘോഷത്തിൽ പങ്കുചേർന്നു.
2025-26 അധ്യയന വർഷം ജൂൺ 5 ന് "പ്രകൃതിയെ സംരക്ഷിക്കുക, മരങ്ങൾ വച്ചു പിടിപ്പിക്കുക" എന്നീ മുദ്രാവാക്യങ്ങളോടെ സ്കൂളിൽ പരിസ്ഥിതി ദിനം ആചരിച്ചു. വൃക്ഷത്തൈ നടൽ, പോസ്റ്റർ നിർമ്മാണം, പ്രകൃതിക്കായി കയ്യൊപ്പ്, ക്വിസ് എന്നിവ സംഘടിപ്പിച്ചു.
വായനാദിനം-നല്ലപാഠം ക്ലബ്ബിന്റെ നേതൃത്വത്തിൽ ജൂൺ 19ന് വായനദിനം ‘വായന വസന്തം’ എന്ന പേരിൽ സമുചിതമായി ആഘോഷിച്ചു. ഒരാഴ്ച നീണ്ടുനിന്ന വായനദിന പ്രവർത്തനങ്ങളാണ് സ്കൂൾതലത്തിൽ സംഘടിപ്പിച്ചത്. ജൂൺ 19 ന് വായന ദിനവുമായി ബന്ധപ്പെട്ട സ്പെഷ്യൽ അസംബ്ലി സംഘടിപ്പിക്കുകയും ശ്രീ പി എൻ പണിക്കരെ അനുസ്മരിക്കുകയും ചെയ്തു. അസംബ്ലിയിൽ വായനദിന പ്രതിജ്ഞ കുട്ടികൾ ഏറ്റുചൊല്ലി.സ്കൂളിലെ എല്ലാ കുട്ടികളെയും പങ്കാളികളാക്കിക്കൊണ്ട് സീനിയർ അധ്യാപകൻ ശ്രീ ജെയിംസ് ആന്റണിയുടെ നേതൃത്വത്തിൽ സംഘടിപ്പിച്ച ചങ്ങല വായന വൈകിട്ട് 3.30 യോടെ അവസാനിച്ചൂ. ക്ലാസ് തലത്തിൽ വായനദിന ക്വിസ്, എന്റെ കഥ എന്റെ കവിത, എന്റെ പാട്ട് എന്ന പേരിൽ സംഘടിപ്പിച്ച സ്വതന്ത്ര രചനാ മത്സരം, സ്വതന്ത്ര രചനകളുടെ പതിപ്പ് പ്രകാശനം , കുട്ടികളുടെ സഹായത്തോടെ ക്ലാസ് ലൈബ്രറിയുടെ വിപുലീകരണം, പോസ്റ്റർ രചന തുടങ്ങിയ പ്രവർത്തനങ്ങൾ നടത്തി. യുവകവി ശ്രീ സജി പാല്യത്തറ നിരവധി കുട്ടിപ്പാട്ടുകൾ കുട്ടികൾക്ക് മുന്നിൽ അവതരിപ്പിക്കുകയും കുട്ടികളുടെ സർഗാത്മക ശേഷി വികസനത്തിന് ഉത്തേജനം നൽകുന്ന സ്വതന്ത്ര രചനാമത്സരത്തിന് തുടക്കം കുറിച്ച് സംസാരിക്കുകയും ചെയ്തു. യുവകവിയുടെ കൊച്ചു കൊച്ചു പാട്ടുകൾ കുട്ടികൾ ആനന്ദത്തോടെ ഏറ്റുചൊല്ലി. റിട്ടയേഡ് ഹെഡ്മിസ്ട്രസ് ഡി പത്മകുമാരി ടീച്ചർ കുട്ടികളുടെ സ്വതന്ത്രചനകൾ കോർത്തിണക്കിയ ‘ഞങ്ങളുടെ പുസ്തകം’ പ്രകാശനം ചെയ്തു.മത്സരങ്ങളിൽ വിജയിച്ച കുട്ടികൾക്ക് അസംബ്ലിയിൽ സമ്മാനം നൽകുകയും അനുമോദിക്കുകയും ചെയ്തു.
ഗാന്ധി ജയന്തി -നല്ലപാഠം ക്ലബ്ബിന്റെ നേതൃത്വത്തിൽ ഗാന്ധിജയന്തിയോടനുബന്ധിച്ച് ‘എന്റെ സ്കൂളിന് എന്റെ ഒരു ദിവസം’ എന്ന പ്രവർത്തനം നടത്തി. അധ്യാപകരും കുട്ടികളും വാർഡ് മെമ്പർമാരും പിടിഎ അംഗങ്ങളും സ്കൂളിലെ ശുചീകരണ പ്രവർത്തനങ്ങളിൽ പങ്കാളികളായി. സീനിയർ അധ്യാപകനായ ശ്രീ ജെയിംസ് ആന്റണി കുട്ടികൾക്ക് ശുചിത്വ പാഠങ്ങൾ നൽകി.

ഡോക്ടേഴ്സ് ദിനം-2024 25 അധ്യായന വർഷത്തെ ഡോക്ടേഴ്സ്ദിനം പൂർവ വിദ്യാർത്ഥിയും റേഡിയോളജിസ്റ്റുമായ ഡോക്ടർ രതീഷ് ഉദ്ഘാടനം ചെയ്തു. ഡോക്ടർസ് ദിനത്തിന്റെ പ്രാധാന്യത്തെക്കുറിച്ചും ഡോക്ടർമാരുടെ ചുമതലകളെക്കുറിച്ചും ഡോക്ടർ വിശദീകരിച്ചു.  കുട്ടികളുമായി ദീർഘനേരം സംവദിക്കുകയും സംശയദൂരീകരണം നടത്തുകയും ചെയ്തു. പ്രഥമധ്യാപിക ശ്രീമതി ശ്രീലത ടീച്ചർ  പൊന്നാട നൽകി ആദരിച്ചു. കുട്ടികൾ കാർഡുകളും പൂച്ചെണ്ടുകളും നൽകി സ്നേഹം പങ്കിട്ടു. തുടർന്ന് കുട്ടികളുടെ നേതൃത്വത്തിൽ കടക്കരപ്പള്ളി പ്രാഥമിക ആരോഗ്യ കേന്ദ്രത്തിലെ ഡോക്ടർ മെൽവിൻ, ഹാപ്പി ദീപു,സത്യപ്രസാദ് തുടങ്ങിയ ഡോക്ടർസിനെ  നേരിട്ടു ചെന്ന് ആദരിച്ചു.കുട്ടി ഡോക്ടർമാരായി എത്തിയ കുട്ടികൾ പരിപാടിക്ക് മാറ്റുകൂട്ടി

ബഷീർ ദിനാചരണം- -2024 -25 വർഷത്തെ ബഷീർ ദിനാചരണവുമായി ബന്ധപ്പെട്ട് നിരവധി പരിപാടികൾ സ്കൂൾ തലത്തിൽ സംഘടിപ്പിച്ചു. സ്പെഷ്യൽ അസംബ്ലിയോടു കൂടി ദിനാചരണത്തിന് തുടക്കം കുറിച്ചു. വൈക്കം മുഹമ്മദ് ബഷീറിനെക്കുറിച്ചും അദ്ദേഹം സാഹിത്യത്തിൽ നൽകിയ സംഭാവനകളെക്കുറിച്ചും അധ്യാപിക ശ്രീമതി ധന്യ ടീച്ചർ കുട്ടികളോട് സംസാരിച്ചു. ബഷീർ കൃതികളെ അനുസ്മരിപ്പിക്കുന്ന രീതിയിൽ കുട്ടികൾ വേഷം ധരിച്ചെത്തുകയും ബഷീർ കൃതികളിലെ വിവിധ കഥാപാത്രങ്ങളെ തന്മയത്വത്തോടെ അവതരിപ്പിക്കുകയും ചെയ്തു.മികച്ച രീതിയിൽ അവതരിപ്പിച്ച കുട്ടികൾക്ക് സമ്മാനവും നൽകി. ക്ലാസ് തലത്തിൽ അധ്യാപകർ ബഷീർ കൃതികളെ പരിചയപ്പെടുത്തുകയും ക്വിസ് മത്സരങ്ങൾ സംഘടിപ്പിക്കുകയും ചെയ്തു.

ചന്ദ്രദിനം -2024 ജൂലൈ 21 ചാന്ദ്രദിനത്തിൽ സ്കൂൾതലത്തിലും ക്ലാസ്സ്‌ തലത്തിലും വിവിധ പരിപാടികൾ സംഘടിപ്പിച്ചു. സ്പെഷ്യൽ അസംബ്ലിയോട് കൂടി പരിപാടികൾക്ക് തുടക്കം കുറിച്ചു. സീനിയർ അധ്യാപകൻ ശ്രീ ജെയിംസ് ആന്റണി ചാന്ദ്രദിനത്തിന്റെ പ്രാധാന്യത്തെ കുറിച്ച് സംസാരിച്ചൂ. എസ് എം സി ചെയർമാൻ ശ്രീ അനീഷ് ബാബു പരിപാടിയിൽ പങ്കെടുത്തു. ബഹിരാകാശ സഞ്ചാരികളുടെ വേഷം ധരിച്ചെത്തിയ കുട്ടികളെകുട്ടികളെ എല്ലാവരും കയ്യടിയോടെ വരവേറ്റു.കുട്ടികൾ ബഹിരാകാശ സഞ്ചാരികളുടെ വേഷവിധാനത്തിൽ എത്തിയത് ഏവർക്കും അവിസ്മരണീയമായ അനുഭവമായിരുന്നൂ. പിന്നീട് ഡോക്യുമെന്ററി പ്രദർശനം നടത്തി.ക്ലാസ്സ്‌ തലത്തിൽ ആകാശക്കാഴ്ചകൾ ചിത്രരചനാ മത്സരം, പോസ്റ്റർ നിർമ്മാണം, ക്വിസ് മത്സരം എന്നിവ സംഘടിപ്പിച്ചൂ.മത്സരങ്ങളിൽ പങ്കെടുത്ത് വിജയികളായ കുട്ടികളെ അനുമോദിക്കുകയും സമ്മാനങ്ങൾനൽകുകയുംചെയ്തു.

സ്വാതന്ത്ര്യദിനം -2024 - 25 അധ്യയന വർഷത്തെ സ്വാതന്ത്ര്യ ദിനാഘോഷം വർണ്ണാഭമായി കൊണ്ടാടി. സ്കൂൾതലത്തിലും ക്ലാസ്സ്‌ തലത്തിലും വിവിധ പരിപാടികൾ സംഘടിപ്പിച്ചു. ഓഗസ്റ്റ് 15 ന് രാവിലെ 9 ന് SMC ചെയർമാൻ ശ്രീ അനീഷ് ബാബു ത്രിവർണ പതാക ഉയർത്തി. ഹെഡ്മിസ്ട്രസ് ശ്രീമതി ശ്രീലത ടീച്ചർ സ്വാതന്ത്ര്യദിന സന്ദേശം നൽകി. തുടർന്ന് സീനിയർ അധ്യാപകൻ ശ്രീ ജെയിംസ് ആന്റണിയുടെ നേതൃത്വത്തിൽ സ്വാതന്ത്ര്യ ദിന സന്ദേശ റാലി നടത്തി. ഭാരതാംബയായും, സ്വാതന്ത്ര്യസമര സേനാനികളായും കുട്ടികൾ വേഷമണിഞ്ഞത് ആകർഷണീയമായ ഒരു കാഴ്ചയായിരുന്നു. കടക്കരപ്പള്ളി പഞ്ചായത്ത് പ്രസിഡന്റ് ശ്രീ ജെയിംസ് ചിങ്കുതറ സ്വാതന്ത്ര്യദിനാഘോഷം ഉദ്ഘാടനം ചെയ്തു സംസാരിക്കുകയും ഭാരത് സ്കൗട്ട് ആൻഡ് ഗൈഡ്സിന്റെ ബുൾബുൾ യൂണിറ്റിലെ heerak pankh പരീക്ഷ എഴുതിയ കുട്ടികൾക്ക് സർട്ടിഫിക്കറ്റ് വിതരണം നടത്തുകയും ചെയ്തു. തുടർന്ന് പ്രോഗ്രാം കൺവീനർ ശ്രീമതി ശരണ്യ ടീച്ചറിന്റെ നേതൃത്വത്തിൽ സ്വാതന്ത്ര്യ ദിന പാട്ടുകൾ, ഡാൻസ്, സ്കിറ്റ്, ഗാന്ധി പാട്ടുകൾ തുടങ്ങിയ വിവിധ കലാപരിപാടികൾ വേദിയിലരങ്ങേറി. അധ്യാപകരുടെ ദേശഭക്തിഗാനവും ശ്രദ്ധേയമായി. ക്ലാസ്സ്‌ തലത്തിൽ സ്വാതന്ത്ര്യ ദിന ക്വിസ്, പോസ്റ്റർ രചന, ചിത്രരചന തുടങ്ങിയ മത്സരങ്ങൾ നടത്തിയിരുന്നൂ. വിജയികളായ കുട്ടികൾക്ക് സമ്മാനങ്ങൾ നൽകി. സ്വാതന്ത്ര്യത്തിന്റെ സന്തോഷ സൂചകമായി കുഞ്ഞുങ്ങൾക്ക് അന്നേദിവസം പായസവിതരണവും നടത്തി. ദേശീയ ഗാനാലാപനത്തോടുകൂടി പരിപാടികൾ സമാപിച്ചു.

വഴികാട്ടി

ചേർത്തല റെയിൽവെ സ്റ്റേഷനിൽ നിന്നും ബസ്സ് / ഓട്ടോ മാർഗം എത്താം. (മൂന്നു കിലോമീറ്റർ)
നാഷണൽ ഹൈവേ 66 ലെ തങ്കി കവല ബസ്റ്റോപ്പിൽ നിന്നും ഒന്നര കിലോമീറ്റർ പടിഞ്ഞാറ് മാറി കടക്കരപ്പള്ളി ബസ്സ് സ്റ്റോപ്പിൽ നിന്നും 100 മീറ്റർ തെക്ക്.

അവലംബം