പത്തനംതിട്ട വിദ്യാഭ്യാസജില്ലയിൽ റാന്നി സബ് ജില്ലയിൽപെടുന്നതും നാറാണംമൂഴി ഗ്രാമപഞ്ചായത്ത് തോമ്പിക്കണ്ടം ഇടമുറി വാർഡിൽ സ്ഥിതി ചെയ്യുന്നതുമായ ഹയർ സെക്കണ്ടറി സ്കൂളാണ് ഗവ.ഹെയർ സെക്കണ്ടറി സ്കൂൾ ഇടമുറി.റാന്നി നഗരത്തിൽ നിന്ന് 10 കി.മി ഉള്ളിലായി ഈ സ്കൂൾ സ്ഥിതി ചെയ്യുന്നു.
ചരിത്രം
അവികസിത പ്രദേശമായ ഇടമുറിയിലെ ജനങ്ങളുടെ കുട്ടികൾക്ക് പ്രാഥമിക വിദ്യാഭ്യാസം നല്കുക എന്ന ലക്ഷ്യത്തോടെയും സാമൂഹിക പ്രതിബദ്ധതയോടുംകൂടി 1950ൽ വിദ്യാലയം ആരംഭിച്ചു.ഹരിജൻ വെൽഫെയർ സ്കൂൾ ആയി പ്രവർത്തനം ആരംഭിച്ച സ്കൂൾ സർക്കാർ ഏറ്റെടുത്തു .ആദ്യ കാലങ്ങളിൽ കാർഷിക വൃത്തിക്കായി വന്ന കുടിയേറ്റകർഷകരും പിന്നോക്ക വിഭാഗത്തിൽ പെട്ടവരുമായിരുന്നു ഈ മേഖലയിൽ താമസിച്ചിരുന്നത്.ഈ ജനങ്ങളുടെ പ്രാഥമിക വിദ്യാഭ്യാസം എന്ന ലക്ഷ്യത്തോടെ 1950ൽ ഇടമൺ തേക്കുംകൂട്ടത്തിൽ ദാസ് എന്നയാളുടെ പേരിൽ ഒരു ഹരിജൻ വെൽഫെയർ സ്കൂൾ അനുവദിച്ചു.തുടർന്ന് 1973ൽ അപ്പർ പ്രെെമറി സ്കൂളായും1980ൽ ഹെെസ്കൂളായും 2000ൽ ഹയർ സെക്കണ്ടറിയായും ഉയർത്തി.പരിമിതികളെ തരണം ചെയ്തു കൊണ്ട് പത്തനംതിട്ട ജില്ലയിലെ മികച്ച വിദ്യാലയങ്ങളിൽ ഒന്നായി മാറാൻ ഈ വിദ്യാലയത്തിനു കഴിഞ്ഞിട്ടുണ്ട്.എസ്.എസ്.എൽ. .സി പരീക്ഷയിൽ തുടർച്ചയായ പത്താം തവണയും100% വിജയം നേടിക്കൊണ്ട് ഇടമുറി സ്കൂൾ ജില്ലയുടെ അഭിമാനമായി മാറി.
ശാസ്ത്ര സാങ്കേതിക വിദ്യയുടെ സഹായത്തോടെ പഠന പ്രവർത്തനങ്ങളും സാമൂഹികമായ അവബോധം വളരുന്നതിന് സഹായകരമായ പാഠ്യേതര പ്രവർത്തനങ്ങളും വിദ്യാലയത്തിൽ നടന്നു വരുന്നു. അദ്ധ്യാപകരുടെയും പി.റ്റി.എ യുടെയും കൂട്ടായ പ്രവർത്തനങ്ങൾ സ്കൂളിനെ അഭിവൃദ്ധിയിലേക്കു നയിക്കുന്നു.
ഭൗതികസൗകര്യങ്ങൾ
5ഏക്കർ ഭൂമിയിലാണ് വിദ്യാലയം സ്ഥിതി ചെയ്യുന്നത്. ഹൈസ്കൂളിന് 2 കെട്ടിടങ്ങളിലായി 10ക്ലാസ് മുറികളും ഹയർ സെക്കണ്ടറിക്ക് 2 കെട്ടിടത്തിലായി 6 ക്ലാസ് മുറികളുമുണ്ട്. അതിവിശാലമായ ഒരു കളിസ്ഥലം വിദ്യാലയത്തിനുണ്ട്.
ഹൈസ്കൂളിനും ഹയർസെക്കണ്ടറിക്കും വെവ്വേറെ കമ്പ്യൂട്ടർ ലാബുകളുണ്ട്. രണ്ട് സയൻസ് ലാബുകളുമുണ്ട്.കേരള സർക്കാരിൻ്റെ പൊതുവിദ്യാഭ്യാസ സംരക്ഷണ യജ്ഞത്തിൻ്റെ ഭാഗമായി3 കോടി രൂപ കിഫ്ബി ഫണ്ട് ഉപയോഗിച്ച് ഗവ.എച്ച്.എസ്.എസ്. ഇടമുറിയിൽ നിർമ്മിച്ച ഹൈ-ടെക് സ്കൂള് കെട്ടിടത്തിൻ്റെ ഉദ്ഘാടനം26-07-2022 ചൊവ്വാഴ്ച രാവിലെ 9.30 ന് ബഹു.പൊതുവിദ്യാഭ്യാസ,തൊഴിൽ വകുപ്പ് മന്ത്രി ശ്രീ.ശിവൻകുട്ടി നിർവ്വഹിച്ചു. സ്കൂളിൻ്റെ വളർച്ചയിൽ നിസ്തുലമായ പങ്ക് വഹിക്കുന്ന ജനപ്രതിനിധികളുടെയും മറ്റ് പ്രമുഖ വ്യക്തികളുടെയും സാന്നിധ്യം കൊണ്ട് മഹനീയമായിരുന്നു ചടങ്ങ്.
പാഠ്യേതര പ്രവർത്തനങ്ങൾ
ക്ലാസ്സ് മാഗസിൻ
സ്കൂൾ മാഗസിൻ
വിദ്യാരംഗം കലാ സാഹിത്യ വേദി
ബഡ്ഡിംഗ് റൈട്ടേഴ്സ് ക്ലബ്ബ്-സ്കൂള് /ക്ലാസ്സ് തല വായനക്കൂട്ടം
ടീൻസ് ക്ലബ്ബ്
സ്കൂള് സോഷ്യൽ സർവീസ് സ്കീം[SSSS]ക്ലബ്ബ് പ്രവർത്തനങ്ങൾ.
സ്കളും നാറാണംമൂഴി കൃഷി ഓഫീസുമായി ചേർന്ന് തുടങ്ങിയ ജെെവ പച്ചക്കറി കൃഷിപച്ചക്കറി വിളവെടുപ്പ്പച്ചക്കറിത്തോട്ടം
ശാസ്ത്ര ക്ലബ്
കായിക മത്സരങ്ങളിൽ പ്രത്യേക പരിശീലനം
ഉച്ച ഭക്ഷണ പരിപാടിയിൽ രക്ഷിതാക്കളുടെ സഹകരണം
ക്വിസ് പ്രോഗ്രാമുകളും സമ്മാന വിതരണവും
പഠന യാത്രകൾ
മുസിരിസ് ഹെറിറ്റേജ് വാക്കിൻ്റെ ഭാഗമായി കുട്ടികൾക്ക്
ചവിട്ടു നാടകം ആസ്വദിക്കാൻ കുട്ടികൾക്കു കഴിഞ്ഞു
പാർലമെൻററി ലിറ്ററസി ക്ലബ്ബ്
ബഹിരാകാശ വാരാഘോഷം
ചെെൽഡ് ലെെൻ ബോധവൽക്കരണം
കരാട്ടേ
വിമുക്തി
പോഷൺ അഭിയാൻ
സ്പോർട്ട്സ് ഹബ്ബ്
സ്കൂളിനെ സ്പോർട്ട്സ് ഹബ്ബാക്കി മാറ്റാനുള്ള പദ്ധതികളുമായി സ്കൂൾ.പിറ്റി.എ രംഗത്ത്.ഹെെടെക് കെട്ടിടത്തിലേക്ക് അദ്ധ്യയനം മാറ്റുന്നതിനൊപ്പം കുട്ടികളെ മികവിൻ്റെപാതയിലേക്ക് എത്തിക്കുകയെന്ന ലക്ഷ്യങ്ങളുടെ ഭാഗമായാണ് പദ്ധതി നടപ്പാക്കുന്നത്.വോളിബോൾ ,ഫുട്ബോൾ,ക്രിക്കറ്റ്,കബഡി തുടങ്ങിയവയിൽഅഭിരുചിയുള്ള കുട്ടികൾക്ക്പരിശീലനം നൽകും.
മുൻ സാരഥികൾ
സ്കൂളിൻ്റെ മുൻ പ്രധാനാദ്ധ്യാപകർ.
1992-1993
സുധീഷ് നിക്കോളാസ്
1993-1995
ജെ.ഗോപിനാഥ്
1995-1998
ലളിത ജോൺ
1998-2000
വൽസജോർജ്
2000-2005
മേഴ്സി
2005-2007
പൊന്നമ്മ
2007-2007
രാജേശ്വരി
2007-2007
പ്രസന്ന ദാസ്
2008-2008
സുധാകരൻ
2008-2010
സ്വയം പ്രഭ
2010-2010
രവീന്ദ്രൻ
2010-2012
ശാന്തി പ്രമീള
2012-2014
ഗീത
2014-2015
സുലേഖ
2015-2015
അശോകൻ
2015-2016
സനൽ
2016-2018
രമണി
2018-2019
സുരേഷ്
2019-2021
സുനിൽ.കെ
2021-2022
അജിത.കെ.പി
2022-2024
ആശാറാണി പി.കെ.
പ്രശസ്തരായ പൂർവവിദ്യാർത്ഥികൾ
വഴികാട്ടി
വിദ്യാലയത്തിലേക്ക് എത്തുന്നതിനുള്ള മാർഗ്ഗങ്ങൾ
പത്തനംതിട്ട നഗരത്തിൽ നിന്നും 20കി.മി. അകലത്തായി റാന്നിയിൽ നിന്നും 10 കി.മി. അകലെ സ്ഥിതിചെയ്യുന്നു.
