സെന്റ്. ജോർജ്ജ്സ് എച്ച്.എസ്. ആരക്കുന്നം
സ്കൂൾ | സൗകര്യങ്ങൾ | പ്രവർത്തനങ്ങൾ | പ്രൈമറി | ഹൈസ്കൂൾ | ചരിത്രം | അംഗീകാരം |
stgeorgeshighschoolarakkunnam.blogspot.com
സെന്റ്. ജോർജ്ജ്സ് എച്ച്.എസ്. ആരക്കുന്നം | |
---|---|
വിലാസം | |
ആരക്കുന്നം ആരക്കുന്നം പി.ഒ. , 682313 , എറണാകുളം ജില്ല | |
സ്ഥാപിതം | 01 - 06 - 1902 |
വിവരങ്ങൾ | |
ഫോൺ | 0484 2748525 |
ഇമെയിൽ | stgeorgeshighschool@gmail.com |
വെബ്സൈറ്റ് | www.arakkunnamstgeorgehighschool.com |
കോഡുകൾ | |
സ്കൂൾ കോഡ് | 26001 (സമേതം) |
യുഡൈസ് കോഡ് | 32081301107 |
വിക്കിഡാറ്റ | Q99485920 |
വിദ്യാഭ്യാസ ഭരണസംവിധാനം | |
റവന്യൂ ജില്ല | എറണാകുളം |
വിദ്യാഭ്യാസ ജില്ല | എറണാകുളം |
ഉപജില്ല | തൃപ്പൂണിത്തുറ |
ഭരണസംവിധാനം | |
ലോകസഭാമണ്ഡലം | കോട്ടയം |
നിയമസഭാമണ്ഡലം | പിറവം |
താലൂക്ക് | കണയന്നൂർ |
ബ്ലോക്ക് പഞ്ചായത്ത് | മുളന്തുരുത്തി |
തദ്ദേശസ്വയംഭരണസ്ഥാപനം | പഞ്ചായത്ത് |
വാർഡ് | 7 |
സ്കൂൾ ഭരണ വിഭാഗം | |
സ്കൂൾ ഭരണ വിഭാഗം | എയ്ഡഡ് |
സ്കൂൾ വിഭാഗം | പൊതുവിദ്യാലയം |
പഠന വിഭാഗങ്ങൾ | യു.പി ഹൈസ്കൂൾ |
സ്കൂൾ തലം | 5 മുതൽ 10 വരെ |
മാദ്ധ്യമം | മലയാളം, ഇംഗ്ലീഷ് |
സ്ഥിതിവിവരക്കണക്ക് | |
ആൺകുട്ടികൾ | 301 |
പെൺകുട്ടികൾ | 257 |
സ്കൂൾ നേതൃത്വം | |
പ്രധാന അദ്ധ്യാപിക | പ്രീത ജോസ് സി |
പി.ടി.എ. പ്രസിഡണ്ട് | ബീന പി നായർ |
എം.പി.ടി.എ. പ്രസിഡണ്ട് | ജിനി |
അവസാനം തിരുത്തിയത് | |
22-11-2022 | 26001 |
ക്ലബ്ബുകൾ | |||||||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
|
1902 ജുണ് 6-നാണ് ആരക്കുന്നത്ത് ഒരു ലോവ൪സെക്ക൯്റി സ്ക്കൂള് ഉദയഠകൊണ്ടത് ഈ കലാലയത്തിന്റെ ചരിത്ര◌ വു◌ വള൪ച്ചയുഠ ആരക്കുന്നത്തിെ൯റ തന്നെ ചരിത്രവു◌ വള൪ച്ചയുമാണ്൰ ആരക്കുന്നത്തിന്റെ മണ്ണി൯ ഈ വിദ്യാപീഠ◌ ആര◌ഭിച്ചതിന് പിന്നി൯ പ്രവ൪ത്തിച്ചവരുടെ പരിശ്രമത്തിന്റെ യുഠ നിശ്ചയ ദാ൪ഢ്യത്തിന്റെയുഠ മുന്നി൯ നമുക്ക് ശിരസ്സുനമിക്കാതെ കടന്നു പോകാ൯ കഴിയില. എത്രയോ പ്രതിഭാതനയ൯മാരെ വാ൪ത്തെടുത്ത് രാജ്യത്തിന് സഠഭാവനചെയ്യൂകയുഠ അതുവഴി രാജ്യപുരോഗതിയി൯ പങ്കാളിയാകാനുഠ നമ്മുടെ വിദ്യാലയത്തിന് കഴിഞ്ഞു. ഇവിടെ പഠിച്ചവിദ്യാ൪ത്ഥികള്ക്കുഠ പഠിപ്പിച്ച അദ്ധ്യാപക൪ക്കുഠ കിട്ടിയ അഠഗീകാരങ്ങള് നിരവധിയാണ ്
റവ൰൰ഫാ പികെ സ്ളീബ 1934~1978 പ്രധാന അധ്യാപക൯ ആയിരുന്ന കാലഘട്ടത്തി൯ ഈവിദ്യാലയത്തിന് എസ്൰എസ്൰എ൯൰സിപരീക്ഷയി൯ തബി തോമസ്സ് സഠസ്ഥാനതലത്തി൯ രണ്ടാഠ സ്ഥാനഠ ലഭിക്കുകയുണ്ടായി. കൂടാതെ ബഹു൰അച്ച൯ വിശിഷ്ടസേവനത്തിനുള്ള രാഷ്ട്പതിയുടെ മെഡ൯ നേടുകയുഠചെയ്തു. ഫാക്ടിന്റെ ഇപ്പോഴത്തെ എഠ ഡി ശ്രീ൰ജോ൪ജ്സ്ളീബ ഈ വിദ്യാലയത്തിലെ പൂ൪വ്വിദ്യാ൪ത്ഥിയാണ് യാക്കോബായ സഭയുടെ അഭി വന്ദ്യ കുര്യാക്കോസ് തിരുമേനീ ഈ വിദ്യാലയത്തിലെ പൂ൪വ്വവിദ്യാ൪ത്ഥിയാണെന്ന് ആദരവോടെ ഓ൪മ്മിക്കുന്നു മു൯ എഠ. എല്ല്. എ ശ്രീ. വി. ജെ പൗലോസ് ഈ വിദ്യാലയത്തിലെ പൂ൪വ്വിദ്യാ൪ത്ഥിയാണ്
ചരിത്രം
ആരക്കുന്നം സെന്റ് ജോർജ് യാക്കോബായ ദേവാലയത്തിന്റെ ശിലാസ്ഥാപനം നടന്നത് 1902 ഫെബ്രുവരി ഇരുപത്തിമൂന്നാം തീയതി ആണ്. ഈ കാലയളവിൽ തന്നെ പള്ളിയുടെ തെക്കു ഭാഗത്ത് ഓലമേഞ്ഞ കെട്ടിടത്തിൽ എൽ പി സ്കൂൾ പ്രവർത്തനം ആരംഭിച്ചു. കുറെ വർഷങ്ങൾക്ക് ശേഷം അന്ന് നടന്നിരുന്ന പ്രൈമറി സ്കൂൾ പള്ളിയുടെ പടിഞ്ഞാറ് ഭാഗത്ത് (പള്ളിയുടെ സ്ഥാനത്ത് ) മാറ്റി സ്ഥാപിക്കുകയുണ്ടായി. എൽ പി സ്കൂളിന്റെ ആദ്യത്തെ പ്രധാന അധ്യാപകൻ വർഗ്ഗീസ് സാർ ആയിരുന്നു.
ഭൗതികസൗകര്യങ്ങൾ
വിശാലമായ കളിസ്ഥലം, മികച്ച കമ്പ്യൂട്ടർ ലാബ് , സയൻസ് ലാബ് , കുട്ടികൾക്ക് പഠനത്തിന് ആവശ്യമായ ലൈബ്രറി , സ്പെഷ്യൽ നീഡ് ആവശ്യമായ കുട്ടികൾക്കുള്ള പ്രത്യേക മുറി.
2022- 2023 പാഠ്യ പഠ്യേതര പ്രവർത്തനങ്ങൾ
=== മികവിലേക്ക്
===
- ആരക്കുന്നം സെന്റ് ജോർജ്ജസിൽ ഒരു ഭൂമി മാത്രം പദ്ധതി ആരംഭിച്ചു.
- ആരക്കുന്നം സെന്റ് ജോർജ്സിൽ പരിസ്ഥിതിദിനത്തിൽ ഞാനും എന്റെ മരവും എന്ന പദ്ധതി ആരംഭിച്ചു.
- വൈദ്യുതി ഉപയോഗവും സുരക്ഷയും
- ആരക്കുന്നം സെന്റ് ജോർജ്ജസ് ഹൈസ്കൂളിൽ എന്റെ വായന എന്റെ അറിവ് എന്റെ ചിറക് പദ്ധതി
- ആതുര സേവനത്തിൽ 42 വർഷങ്ങൾ പൂർത്തീകരിച്ച ഡോ.ബാബു തോമസ്സിന് ഡോക്ടേഴ്സ് ദിനത്തിൽ ആദരവ് നൽകി ആരക്കുന്നം സെന്റ് ജോർജ്ജസ് ഹൈസ്കൂൾ
- കഥാപാത്രങ്ങളുടെ രംഗാവിഷ്ക്കാരത്തോടെ ബഷീർ അനുസ്മരണം
- വിദ്യാരംഗം കലാസാഹിത്യവേദി ഉദ്ഘാടനം
- ആരക്കുന്നം സെന്റ് ജോർജ്ജസിൽ കുടുoബ പി.ടി.എ ഏഴാം വർഷത്തിലേക്ക്...
- ആരക്കുന്നം സെന്റ് ജോർജ്ജസിൽ മുഴുവൻ വിദ്യാർത്ഥികളും വീടുകളിൽ ദേശീയ പതാക ഉയർത്തും.
- ആരക്കുന്നം സെന്റ് ജോർജ്ജസിൽ ഇനി മുതൽ IAS,IPS പരിശീലനവും
- ആരക്കുന്നം സെന്റ് ജോർജസിൽ ഓണം പൊന്നോണം 2022 ആഘോഷിച്ചു
- ഗ്രന്ഥശാലാദിനത്തിൽ ബാലസാഹിത്യകാരൻ കെ.ജെ ജോർജ്ജ് ആരക്കുന്നത്തിൻ്റെ ഫോട്ടോ അനാച്ഛാദനം ചെയ്തു
- ലഹരി വിരുദ്ധ കാമ്പെയ്ൻ സ്കൂൾ തല ഉദ്ഘാടനവും ബോധവൽക്കരണ ക്ലാസും നടത്തി
- ആരക്കുന്നം സെന്റ് ജോർജ്ജസിൽ ദേശീയ തപാൽ ദിനത്തിൽ പോസ്റ്റുമാനെ ആദരിച്ചു.
- ജനാധിപത്യ മാതൃകയിൽ സ്കൂൾ തെരെഞ്ഞെടുപ്പ്
- കേരള പാഠ്യപദ്ധതി പരിഷ്കരണവുമായി ബന്ധപ്പെട്ട് ജനകീയ ചർച്ച സംഘടിപ്പിച്ചു
- ആരക്കുന്നം സെൻറ് ജോർജ്ജസ് ഹൈസ്കൂളിൽ സെന്റ് മേരീസ് ഓഡിറ്റോറിയം ഉദ്ഘാടനം നിർവഹിച്ചു
നേട്ടം 2022 '23
ആരക്കുന്നം സെൻറ് ജോർജ്ജസ് ഹൈസ്കൂളിൽ സെന്റ് മേരീസ് ഓഡിറ്റോറിയം ഉദ്ഘാടനം നിർവഹിച്ചു.
ആരക്കുന്നം സെൻറ് ജോർജ്ജസ് ഹൈസ്കൂളിൽ പുതുതായി നിർമ്മിച്ച സെന്റ് മേരീസ് ഓഡിറ്റോറിയം യാക്കോബായ സുറിയാനി ക്രിസ്ത്യാനിസഭാ മെത്രാപ്പോലീത്തൻ ട്രസ്റ്റിയും കൊച്ചി ഭദ്രാസനാധിപനുമായ അഭി : ജോസഫ് മാർ ഗ്രീഗോറിയോസ് മെത്രാപ്പോലീത്ത ഉദ്ഘാടനം നിർവഹിച്ചു.സ്കൂൾ മാനേജർ സി കെ റെജി അധ്യക്ഷത വഹിച്ചു.മറിയം ഗ്രാനൈറ്റ്സ് പ്രൈവറ്റ് ലിമിറ്റഡ് മാനേജിംഗ് ഡയറക്ടർ സജി കെ ഏലിയാസ് ,മലബാർ എക്സ് ട്രൂഷൻസ് മാനേജിംഗ് ഡയറക്ടർ ജെയിംസ് പോൾ, പള്ളി വികാരിമാരായ റവ.ഫാ. സ്ലീബ കളരിക്കൽ , റവ.ഫാ.തോമസ് കൂമുള്ളിൽ, റവ.ഫാ റിജോ കൊമരിക്കൽ ,ഹൈസ്കൂൾ പിടിഎ പ്രസിഡന്റ് ബീനാ പി നായർ , സ്കൂൾ ബോർഡ് മെമ്പർമാരായ സാം ജോർജ്ജ് ബേബി, സിബി മത്തായി, ബോബി പോൾ , പള്ളി ട്രസ്റ്റിമാരായ ഷാജൻ കെ പൗലോസ്,ബിജു വർഗീസ്, പ്രീ-പ്രൈമറി സ്കൂൾ ഹെഡ്മിസ്ട്രസ് മായ എം സി എന്നിവർ ആശംസകൾ നേർന്നു സംസാരിച്ചു. ഹൈസ്കൂൾ ഹെഡ്മിസ്ട്രസ്സ് പ്രീത ജോസ് സി സ്വാഗതവും ഹൈസ്കൂൾ സീനിയർ അസിസ്റ്റൻറ് ഡെയ്സി വർഗീസ് കൃതജ്ഞതയും പറഞ്ഞു.2022- 2023 പാഠ്യ പഠ്യേതര പ്രവർത്തനങ്ങൾ
ആരക്കുന്നം സെന്റ് ജോർജ്ജസ് എച്ച്.എസ് &എൽ.പി. എസ്സിൽ കേരള പാഠ്യപദ്ധതി പരിഷ്കരണവുമായി ബന്ധപ്പെട്ട് ജനകീയ ചർച്ച സംഘടിപ്പിച്ചു
സ്കൂൾ പാഠ്യപദ്ധതി സമഗ്രമായി പരിഷ്കരിക്കുന്നതിനുള്ള ജനകീയ ചർച്ചയുടെ ഭാഗമായി ആരക്കുന്നം സെന്റ് ജോർജ്ജസ് ഹൈസ്കൂളിൽ ചർച്ചയുടെ ഉദ്ഘാടനം കുസാറ്റ് പ്രൊ - വൈസ് ചാൻസലർ ഡോ.പി.ജി ശങ്കരൻ നിർവ്വഹിച്ചു. സ്കൂൾ വിദ്യാഭ്യാസത്തിന്റെ സമീപനം, ഉള്ളടക്കം , വിനിമയം , മൂല്യനിർണ്ണയം, ബോധനരീതി എന്നിവയെല്ലാം ഉൾക്കൊള്ളുന്ന സാമൂഹ്യ രേഖയാണ് പാഠ്യപദ്ധതി. പാഠ്യപദ്ധതിയെ സംബന്ധിച്ചുള്ള പൊതു സമൂഹത്തിന്റെ അഭിപ്രായങ്ങളും നിർദ്ദേശങ്ങളും സ്വരൂപിക്കുന്നതിന് സംഘടിപ്പിച്ച ജനകീയ ചർച്ചയിൽ സ്കൂൾ മാനേജർ സി.കെ റെജി അദ്ധ്യക്ഷത വഹിച്ചു. ഹെഡ്മിസ്ട്രസ് പ്രീത ജോസ് സി, എടക്കാട്ടുവയൽ ഗ്രാമ പഞ്ചായത്ത് വികസന സ്റ്റാന്റിംഗ് കമ്മറ്റി ചെയർ പേഴ്സൺ ജൂലിയ ജെയിംസ്, തുരുത്തിക്കര സയൻസ് സെന്റർ ഡയറക്ടർ പി.എ. തങ്കച്ചൻ , സ്കൂൾബോർഡ് മെമ്പർമാരായ ബോബി പോൾ , സിബി മത്തായി, ബിജു തോമസ്, എൽ.പി സ്കൂൾ സീനിയർ അസിസ്റ്റന്റ് ഷീലു എലിസബത്ത് കുര്യൻ കോ-ഓർഡിനേറ്റർമാരായ മഞ്ജു കെ ചെറിയാൻ, സ്മിത ജോണി, പി.ടി.എ പ്രസിഡന്റുമാരായ ബീന പി നായർ ,ജിജോ വെട്ടിക്കൽ എന്നിവർ സംസാരിച്ചു.2022- 2023 പാഠ്യ പഠ്യേതര പ്രവർത്തനങ്ങൾ
ആരക്കുന്നം സെന്റ് ജോർജസിൽ ഓണം പൊന്നോണം 2022 ആഘോഷിച്ചു
ആരക്കുന്നം സെന്റ് ജോർജ് യാക്കോബായ സുറിയാനി വലിയപള്ളി വിദ്യാഭ്യാസ ഏജൻസിയുടെ കീഴിൽ പ്രവർത്തിക്കുന്ന സെന്റ് ജോർജ്ജസ് ഹൈസ്കൂൾ ,എൽ പി സ്കൂൾ & പ്രീ പ്രൈമറി സ്കൂൾ എന്നീ സ്ഥാപനങ്ങൾ സംയുക്തമായി ഓണം പൊന്നോണം 2022 സംഘടിപ്പിച്ചു. കോവിഡ് മൂലം രണ്ട് വർഷമായി നടത്തുവാൻ കഴിയാതിരുന്ന ഓണാഘോഷം ഈ വർഷം വിദ്യാർത്ഥികളും അധ്യാപകരും രക്ഷകർത്താക്കളും നാട്ടുകാരും ഗംഭീരമായി സംഘടിപ്പിച്ചു. എല്ലാവരും പുത്തൻ ഓണക്കോടികൾ ധരിച്ചുവന്നു.എല്ലാ ക്ലാസിലും ഓണപൂക്കളം ഇട്ടു.തുടർന്ന് പള്ളി പാരിഷ് ഹാളിൽ തിരുവാതിര കളി കൈകൊട്ടി കളി ഓണപ്പാട്ട് നാടൻപാട്ട് എന്നീ കലാപരിപാടികൾ വിദ്യാർത്ഥികളും അധ്യാപകരും രക്ഷകർത്താക്കളും ചേർന്ന് അവതരിപ്പിച്ചു. ഓണാഘോഷത്തിന്റെ ഉദ്ഘാടനം പ്രശസ്ത ബാലതാരം കുമാരി അൻസു മരിയ ഭദ്രദീപം കൊളുത്തി നിർവ്വഹിച്ചു. സ്കൂൾ മാനേജർ സി കെ റെജി അധ്യക്ഷത വഹിച്ചു. റവ.ഫാ. തോമസ് കൂമുള്ളിൽ മുഖ്യാതിഥിയായി പങ്കെടുത്തു. ഹൈസ്കൂൾ പിടിഎ പ്രസിഡന്റ് ബീന പി നായർ എൽ പി സ്കൂൾ പിടിഎ പ്രസിഡന്റ് ജിജോ വെട്ടിക്കൽ പ്രീ-പ്രൈമറി സ്കൂൾ പി.ടി എ പ്രസിഡന്റ് രാജി അരുൺ പള്ളി ട്രസ്റ്റിമാരായ ഷാജൻ കെ പൗലോസ് ബിജു വർഗീസ് സ്കൂൾ ബോർഡ് മെമ്പർമാരായ ബോബി പോൾ ,സാം ജോർജ് ബേബി ,സിബി മത്തായി പ്രോഗ്രാം കോഡിനേറ്റർ അശ്വതി മേനോൻ അധ്യാപകരായ ജിനു ജോർജ് ,കീർത്തി എസ് , പ്രീ- പ്രൈമറി ഹെഡ് മിസ്ട്രസ് മായ എംസി എന്നിവർ ആശംസകൾ അറിയിച്ചു. ഹൈസ്കൂൾ ഹെഡ്മിസ്ട്രസ് പ്രീത ജോസ് സി സ്വാഗതവും ഹൈസ്കൂൾ സീനിയർ അസിസ്റ്റന്റ് ഡെയ്സി വർഗീസ് കൃതജ്ഞതയും പറഞ്ഞു. തുടർന്ന് മുഴുവൻ വിദ്യാർഥികൾക്കും അധ്യാപകർക്കും രക്ഷകർത്താക്കൾക്കും നാട്ടുകാർക്കും വിഭവസമൃദ്ധമായ ഓണസദ്യ നൽകി.2022- 2023 പാഠ്യ പഠ്യേതര പ്രവർത്തനങ്ങൾ
ആരക്കുന്നം സെന്റ് ജോർജ്ജസിൽ ഇനി മുതൽ IAS,IPS പരിശീലനവും
ആരക്കുന്നം സെന്റ് ജോർജ് യാക്കോബായ സുറിയാനി വലിയപള്ളി വിദ്യാഭ്യാസ ഏജൻസിയുടെ കീഴിൽ 120 വർഷമായി പ്രവർത്തിച്ചുവരുന്ന മൂന്നു വിദ്യാഭ്യാസ സ്ഥാപനങ്ങൾക്ക് പുറമേ പുതുതായി ഒരു സ്ഥാപനം കൂടി ആരംഭിച്ചു. സെന്റ് ജോർജ് ജീനിയസ് അക്കാദമി.തിരുവനന്തപുരം ലീഡ് ഐഎഎസ് അക്കാദമിയുമായി സഹകരിച്ചുകൊണ്ട് അഞ്ചാം സ്റ്റാൻഡേർഡ് മുതൽ പഠിക്കുന്ന വിദ്യാർത്ഥികൾക്ക് സിവിൽ സർവീസ് പരിശീലനം നൽകുന്നു. മത്സരാധിഷ്ഠിത തൊഴിൽ മേഖലയിൽ കാലാനുസൃതമായ തൊഴിൽ നൈപുണ്യം നേടേണ്ട ഈ സാഹചര്യത്തിൽ സിവിൽ സർവീസ് പരീക്ഷയ്ക്ക് കുട്ടികളെ സജ്ജമാക്കുന്നതിനുള്ള പുതിയ ഉദ്യമമാണ്. എന്നാൽ പഠനത്തിന് തടസ്സം ഉണ്ടാകാതെ എന്നാൽ ഇപ്പോൾ നടക്കുന്ന പഠനത്തിന് സഹായകരമാകും വിധം ആണ് ഈ കോഴ്സ് ക്രമീകരിച്ചിട്ടുള്ളത്. ആരക്കുന്നം സെന്റ് ജോർജസിൽ പഠിക്കുന്ന വിദ്യാർത്ഥികളെ കൂടാതെ ഏതു വിദ്യാലയങ്ങളിൽ പഠിക്കുന്ന വിദ്യാർഥികൾക്കും ഈ പരിശീലന പരിപാടിയിൽ ചേരാവുന്നതാണെന്ന് ചെയർമാൻ സി കെ റെജി അറിയിച്ചു. പള്ളി പാരീഷ് ഹാളിൽ യിൽ വച്ച് നടന്ന പ്രൗഢഗംഭീരമായ ചടങ്ങിൽ വെച്ച് ഭദ്ര ദീപം കൊളുത്തി കൊച്ചി മെട്രോ എംഡി യും റിട്ടയേർഡ് ഡിജിപിയുമായ ലോകനാഥ് ബഹ്റ , ഐപിഎസ് ഉദ്ഘാടനം നിർവഹിച്ചു. സെന്റ് ജോർജ് ജീനിയസ് അക്കാഡമി ചെയർമാൻ സി കെ റെജി അധ്യക്ഷത വഹിച്ചു. തിരുവനന്തപുരത്ത് ലീഡ് ഐഎഎസ് അക്കാദമി സീനിയർ കൺസൾട്ടന്റ് അനുരൂപ് സണ്ണി മുഖ്യാതിഥി ആയി പങ്കെടുത്തു. സ്റ്റഡി മെറ്റീരിയൽസ് വിതരണോ ദ്ഘാടനം ആരക്കുന്നം ആപ്ടീവ് കണക്ഷൻസ് സിസ്റ്റം ഇന്ത്യാ പ്രൈവറ്റ് ലിമിറ്റഡ് എച്ച് ആർ ജനറൽമാനേജർ പി.ആർ മനോജ് കുമാർ നിർവഹിച്ചു. ആശംസകൾ നേർന്നുകൊണ്ട് പള്ളി വികാരി റവ.ഫാദർ സ്ലീബ കളരിക്കൽ, ഗ്രാമപഞ്ചായത്ത് മെമ്പർ രഞ്ജി കുര്യൻ കൊള്ളിനാൽ,മുൻ ഗ്രാമപഞ്ചായത്ത് പ്രസിഡന്റ് കെ എ ജോഷി , പള്ളി ട്രസ്റ്റിമാരായ ഷാജൻ കെ പൗലോസ്, ബിജു വർഗ്ഗീസ്,പിടിഎ വൈസ് പ്രസിഡന്റ് പോൾ ചാമക്കാല, സ്കൂൾ ബോർഡ് മെമ്പർമാരായ സാം ജോർജ് ബേബി,സിബി മത്തായി, ബോബി പോൾ, ജീനിയസ് അക്കാദമി കോഡിനേറ്റർ അശ്വതി മേനോൻ എന്നിവർ സംസാരിച്ചു. ഹൈസ്കൂൾ ഹെഡ്മിസ്ട്രസ് പ്രീത ജോസി സി സ്വാഗതം ഹൈസ്കൂൾ സീനിയർ അസിസ്റ്റന്റ് ഡെയ്സി വർഗീസ് കൃതജ്ഞതയും പറഞ്ഞു. സിവിൽ സർവീസ് പരിശീലന പരിപാടിയിലേക്ക് അഡ്മിഷൻ തുടരുന്നതായി പ്രൊജക്റ്റ് കോഡിനേറ്റർ അശ്വതി മേനോൻ അറിയിച്ചു. മുപ്പതോളം വിദ്യാർഥികൾ ഐഎഎസ് , ഐപിഎസ് പരിശീലനത്തിന് ചേർന്നു കഴിഞ്ഞതായി ഹൈസ്കൂൾ സീനിയർ അസിസ്റ്റന്റ്ഡെയ്സി വർഗീസ് അറിയിച്ചു.2022- 2023 പാഠ്യ പഠ്യേതര പ്രവർത്തനങ്ങൾ
ആരക്കുന്നം സെന്റ് ജോർജ്ജസിൽ മുഴുവൻ വിദ്യാർത്ഥികളും വീടുകളിൽ ദേശീയ പതാക ഉയർത്തും.
ആരക്കുന്നം സെന്റ് ജോർജ്ജ് യാക്കോബായ സുറിയാനി വലിയ പള്ളി വിദ്യാഭ്യാസ ഏജൻസിയുടെ കീഴിൽ പ്രവർത്തിക്കുന്ന ആരക്കുന്നം സെൻറ് ജോർജ്ജസ് ഹൈസ്കൂൾ എൽ.പി സ്കൂൾ , പ്രീ- പ്രൈമറി സ്കൂൾ എന്നീ വിദ്യാഭ്യാസസ്ഥാപനങ്ങളിൽ പഠിക്കുന്ന മുഴുവൻ വിദ്യാർത്ഥികൾക്കും അദ്ധ്യാപകർക്കും , അനദ്ധ്യാപകർക്കും ആഗസ്റ്റ് 13 മുതൽ അവരുടെ വീടുകളിൽ രാജ്യത്തിന്റെ 75ാം സ്വാതന്ത്ര്യദിനത്തോടനുബന്ധിച്ച് ആസാദി കാ അമൃത് മഹോൽസവിന്റെ ഭാഗമായി ദേശീയ പതാക ഉയർത്തുന്നതിന് വിദ്യാഭ്യാസ ഏജൻസിയുടെ നേതൃത്വത്തിൽ സൗജന്യമായി ദേശീയ പതാക വിതരണം ചെയ്തു. വിദ്യാർത്ഥികളിൽ രാജ്യ സ്നേഹം, ജനാധിപത്യ ബോധം, പൗരബോധം, സ്വാതന്ത്ര്യ സമര ചരിത്രം, ഭരണഘടനയുടെ സംരക്ഷണം, സമത്വം, സാഹോദര്യം, മതേതരത്വം, ഫെഡറലിസം എന്നിവയിൽ വിദ്യാർത്ഥികൾക്ക് അവബോധം സൃഷ്ടിക്കാൻ കഴിയുംവിധം വിപുലമായ 75-ാം സ്വാതന്ത്ര്യ ദിനാഘോഷ പരിപാടികളാണ് സ്കൂളിൽ പ്ലാൻ ചെയ്തിട്ടുള്ളത് എന്ന് സ്കൂൾ മാനേജർ സി.കെ റെജി പറഞ്ഞു. സ്കൂൾ ഓഡിറ്റോറിയത്തിൽ വച്ച് നടന്ന ചടങ്ങിൽ കൊച്ചി നേവൽ ബേസ് സതേൺ നേവൽ കമാൻഡ് എഡ്യൂക്കേഷൻ ഓഫീസർ കോമഡോ .ജി എ സെൽവം സ്കൂൾ ലീഡർ ഹൃദ്യ സന്തോഷിന് ദേശീയ പതാക കൈമാറി വിതരണ ഉദ്ഘാടനം നിർവ്വഹിച്ചു. സ്കൂൾ മാനേജർ സി കെ റെജി അദ്ധ്യക്ഷത വഹിച്ചു. ആരക്കുന്നം സെന്റ് ജോർജ്ജ് യാക്കോബായ സുറിയാനി വലിയ പള്ളിവികാരി റവ.ഫാ. സ്ലീബ കളരിക്കൽ മുഖ്യാതിഥിയായി പങ്കെടുത്തു. ഹൈസ്കൂൾ ഹെഡ്മിസ്ട്രസ്സ് പ്രീത ജോസ് സി, ഡെയ്സി വർഗീസ്, ജാസ്മിൻ വി.ജോർജ് , ഫാ. മനു ജോർജ്ജ് കെ , പി.ടി.എ.പ്രസിഡന്റ് ബീന പി നായർ , സ്കൂൾ ബോർഡ് മെമ്പർമാരായ ബോബി പോൾ , സിബി മത്തായി എന്നിവർ സംസാരിച്ചു.2022- 2023 പാഠ്യ പഠ്യേതര പ്രവർത്തനങ്ങൾ
ആരക്കുന്നം സെന്റ് ജോർജ്ജസിൽ കുടുoബ പി.ടി.എ ഏഴാം വർഷത്തിലേക്ക്...
ആരക്കുന്നം സെന്റ് ജോർജ്ജസ് ഹൈസ്കൂളിലെ 2022-23 അദ്ധ്യയന വർഷത്തെ കുടുംബ പി.ടി.എ യുടെ ഉദ്ഘാടനം കല്ലംപറമ്പിൽ ഗീരീഷ് കെ.ബി യുടെ വസതിയിൽ ജില്ലാ പഞ്ചായത്ത് മെമ്പർ കെ.വി.അനിത ടീച്ചർ ഉദ്ഘാടനം ചെയ്തു. 7 വർഷമായിട്ട് വിജയകരമായി നടന്നു വരുന്ന കുടുംബ പി.ടി.എ. വിദ്യാർത്ഥികളുടെ കുടുബ സാഹചര്യങ്ങൾ മനസ്സിലാക്കുവാനും അതിന് പരിഹാരം കാണുവാനും സാധിച്ചു. രണ്ട് വർഷത്തോളമായി വീടുകളിൽ കഴിഞ്ഞ കുട്ടികളുടെ വിവരങ്ങൾ രക്ഷകർത്താക്കളുമായി പങ്കുവെക്കാനും ഈ കുടുംബ പി.ടി എ യിലൂടെ സാധിക്കുന്നു. സ്കൂൾ മാനേജർ സി.കെ റെജി അദ്ധ്യക്ഷത വഹിച്ചു. ഹൈസ്കൂൾ ഹെഡ്മിസ്ട്രസ്സ് പ്രീത ജോസ് സി, ഹൈസ്കൂൾ സീനിയർ അസിസ്റ്റന്റ് ഡെയ്സി വർഗീസ്, കുടുംബ പി.ടി.എ കൺവീനർ മെറീന എബ്രഹാം ജെ, എൽ.പി.സ്കൂൾ സീനിയർ അസിസ്റ്റന്റ് ഷീലു എലിസബത്ത് കുര്യൻ ഹൈസ്കൂൾ പി.ടി.എ.പ്രസിഡന്റ് ബീന പി നായർ , എൽ.പി.സ്കൂൾ പി.ടി. എ.പ്രസിഡന്റ് ജിജോ വെട്ടിക്കൽ , സ്കൂൾ ബോർഡ് മെമ്പർ ബോബി പോൾ എന്നിവർ സംസാരിച്ചു.2022- 2023 പാഠ്യ പഠ്യേതര പ്രവർത്തനങ്ങൾ
ആരക്കുന്നം സെന്റ് ജോർജ്ജസ് ഹൈസ്കൂളിൽ എസ്.എസ്.എൽ.സി പരീക്ഷയിൽ മിന്നുന്ന വിജയം
എസ്.എസ്.എൽ.സി പരീക്ഷ ഫലം പുറത്തുവന്നപ്പോൾ 101 വിദ്യാർത്ഥികൾ പരീക്ഷ എഴുതിയ ആരക്കുന്നം സെന്റ് ജോർജ്ജസ് ഹൈസ്കൂൾ തുടർച്ചയായി നൂറു ശതമാനം വിജയവും പതിനാറ് ഫുൾ എ പ്ലസ്സും നേടുകയുണ്ടായി. 9 ഫുൾ എ പ്ലസ്സ് 4 കുട്ടികൾക്കും 8 ഫുൾ എ പ്ലസ്സ് 6 കുട്ടികൾക്കും ലഭിക്കുകയുണ്ടായി. കോവിഡ് കാലത്ത് പ്രതികൂല സാഹചര്യങ്ങളെ ഇച്ഛാശക്തിയോടെ നേരിട്ടാണ് സ്കൂൾ ഈ വിജയം നേടിയത്. കോവിഡ് കാലത്ത് രണ്ട് അയൽപക്ക പഠനകേന്ദ്രങ്ങൾ ആരംഭിച്ച് വിദ്യാർത്ഥികളുടെ വിദ്യാഭ്യസം സുഗമമാക്കി. എസ്.എസ് എൽ.സി പരീക്ഷക്ക് മുമ്പ് എല്ലാ വർഷവും തീവ്ര പരിശീലന പരിപാടി സംഘടിപ്പിച്ചു വരുന്നു. ഇത്തവണ ഗ്രേസ് മാർക്ക് ഒന്നും ഇല്ലാതിരുന്നിട്ടും മുളന്തുരുത്തി പഞ്ചായത്തിലേയും സമീപപ്രദേശങ്ങളിലെ സ്കൂളുകളിലെയും വിജയം നോക്കുമ്പോൾ മികച്ച വിജയം നേടിയ വിദ്യാർത്ഥികളെയും അവർക്ക് എല്ലാ വിധ പിന്തുണ നല്കിയ രക്ഷകർത്താക്കളെയും കോവിഡ് കാലത്ത് വിദ്യാർത്ഥികളെ നല്ല രീതിയിൽ പഠിപ്പിച്ച അദ്ധ്യാപകരെയും സ്കൂൾ മാനേജർ സി.കെ റെജി ഹൈസ്കൂൾ ഹെഡ്മിസ്ട്രസ് പ്രീത ജോസ് സി, ഹൈസ്കൂൾ പി.ടി എ പ്രസിഡന്റ് ബീന.പി.നായർ എന്നിവർ അഭിനന്ദിച്ചു.
2021- 2022 പാഠ്യ പഠ്യേതര പ്രവർത്തനങ്ങൾ
ആരക്കുന്നം സെന്റ് ജോർജ്ജസിൽ ജെൻഡർ ന്യൂട്രൽ യൂണിഫോം ഉദ്ഘാടനം ചെയ്തു
മുളന്തുരുത്തി: 120 വർഷമായി പാഠ്യപാഠ്യേതര രംഗത്ത് സ്തുത്യർഹമായി പ്രവർത്തിച്ചു വരുന്ന ആരക്കുന്നം സെന്റ് ജോർജ്ജസ് ഹൈസ്കൂൾ അതിന്റെ വിജയകരമായ ജൈത്രയാത്രയിൽ മറ്റൊരു ചുവടുവയ്പു കൂടി നടത്തി. സംസ്ഥാനത്ത് എയ്ഡഡ് മേഖലയിൽ ജെൻഡർ ന്യൂട്രൽ യൂണിഫോം നടപ്പിലാക്കിയ ആദ്യ വിദ്യാലയമായി മാറി. തുടർച്ചയായി എസ്.എസ് എൽ.സി പരീക്ഷക്ക് നൂറു ശതമാനം വിജയം കരസ്ഥമാക്കി വരുന്ന സ്കൂൾ പാഠ്യേതര രംഗത്തും ഏറെ മാതൃകകൾ നടപ്പിലാക്കിയാണ് മുന്നോട്ട് പോകുന്നത്. അന്താരാഷ്ട്ര നിലവാരം ഉള്ള ഒരു വിദ്യാലയം ആയി മാറുന്നതിനുള്ള പ്രവർത്തനങ്ങളാണ് സ്കൂൾ സംഘടിപ്പിച്ചു വരുന്നത്. ഹൈസ്കൂളിലെ മുഴുവൻ കുട്ടികൾക്കും ആൺ-പെൺ വ്യത്യാസമില്ലാതെ ഒരേ യൂണിഫോമിൽ ആയിരിക്കും ഇനി വിദ്യാർത്ഥികൾ സ്കൂളിലെത്തുന്നത്. വിദ്യാർത്ഥികളുടെ ആത്മവിശ്വാസം വർദ്ധിപ്പിക്കുവാൻ ഇത് വളരെയധികം പ്രയോജനം ചെയ്യും. സ്കൂൾ കാമ്പസ്സിൽ ആൺകുട്ടികളും പെൺകുട്ടികളും പുതിയ യൂണിഫോം ധരിച്ചു സൈക്കിൾ സവാരി നടത്തി. ജെൻഡർ ന്യൂട്രൽ യൂണിഫോം ഫ്ലാഗ് ഓഫ് ചെയ്ത് പ്രശസ്ത വയലിനിസ്റ്റ് അപർണ്ണ ബാബു ഉദ്ഘാടനം നിർവ്വഹിച്ചു. തുടർന്ന് വിദ്യാർത്ഥികളും ജനപ്രതിനിധികളും സാമൂഹ്യ സാംസ്കാരിക രംഗത്തെ പ്രമുഖ വ്യക്തികളും ഒപ്പത്തിനൊപ്പം എന്ന പേരിൽ ജെൻഡർ ന്യൂട്രൽ യൂണിഫോമിന്റെ പ്രസക്തി എന്ന വിഷയത്തിൽ ആശയസംവാദം നടത്തി. മുളന്തുരുത്തി ഗ്രാമപഞ്ചായത്ത് പ്രസിഡന്റ് മറിയാമ്മ ബെന്നി ഉദ്ഘാടനം നിർവ്വഹിച്ചു. സ്കൂൾ മാനേജർ സി.കെ റെജി അദ്ധ്യക്ഷത വഹിച്ചു. ഗ്രാമ പഞ്ചായത്ത് ആര്യോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ ലതിക അനിൽ സാമൂഹ്യ സാംസ്കാരിക രംഗത്തെ പ്രമുഖരായ പി.എ. തങ്കച്ചൻ , സജി മുളന്തുരുത്തി, പ്രൊഫ.എം.വി ഗോപാലകൃഷ്ണൻ ,സിബി മത്തായി, ഷിബു കെ.ജി, ഷാജി ജോണി, ജോർജ്ജ് തോമസ്, കെ.കെ ശശിധരൻ , ഹൈസ്കൂൾ സീനിയർ അസിസ്റ്റന്റ് ഡെയ്സി വർഗീസ്, പി.ടി. പ്രസിഡന്റ് ബീന പി നായർ സ്റ്റാഫ് സെക്രട്ടറി ഫാ. മനു ജോർജ് , അദ്ധ്യാപിക മഞ്ജു വർഗീസ്, സ്കൂൾ ലീഡർ ഹൃദ്യ സന്തോഷ് എന്നിവർ സംസാരിച്ചു. ചടങ്ങിൽ വച്ചു എം.ജി യൂണിവേഴ്സിറ്റിയിൽനിന്ന് എം.എ വയലിനിൽ രണ്ടാം റാങ്ക് നേടിയ അപർണ്ണ ബാബുവിന് മാനേജർ സി.കെ റെജി മെമെന്റോ നൽകി ആദരിച്ചു.
2019- 2020 പാഠ്യ പഠ്യേതര പ്രവർത്തനങ്ങൾ
മുളന്തുരുത്തി : ആരക്കുന്നം സെൻറ്. ജോർജസ് ഹൈസ്കൂളിൽ ഒമ്പതാം ക്ലാസ്സ് ബി ഡിവിഷനിൽ പഠിക്കുന്ന കാരിക്കോട് അശ്വതി ഹൌസിൽ M. മനോജ്കുമാറിന്റെയും ബീന p. നായരുടെയും മകനായ ശ്രേയസ് മനോജ് വീട്ടുകാരോടൊത്തു തിങ്കളാഴ്ച വൈകിട്ട് മുഖ്യമന്ത്രിയുടെ പത്ര സമ്മേളനം കണ്ടതിനെ തുടർന്ന് അദ്ദേഹത്തിന്റെ അഭ്യർത്ഥന മാനിച്ചു തനിക്കു കിട്ടുന്ന വിഷു കൈനീട്ടം മുഖ്യമന്ത്രിയുടെ ദുരിതാശ്വാസ നിധിയിലേക്ക് കൊടുത്താലോ എന്ന് വീട്ടുകാരോട് ചോദിച്ചു. അമ്മ ക്ലാസ്സ് ടീച്ചറെ വിളിച്ചു കുട്ടിയുടെ ആഗ്രഹം അറിയിച്ചു. വിഷു ദിനത്തിൽ ശ്രേയസ്സും മാതാപിതാക്കളും, സ്കൂൾ മാനേജർ സി. കെ. റെജി, ക്ലാസ്സ് ടീച്ചർ മഞ്ജു വർഗീസ് എന്നിവരോടൊപ്പം മുളന്തുരുത്തി വില്ലേജ് ഓഫീസിൽ എത്തി വില്ലേജ് ഓഫീസർ K. M. സജീവന് വിഷു കൈനീട്ടം കൈമാറി. ശ്രേയസ്സിന്റെ പാത പിന്തുടർന്ന് നിരവധി കുട്ടികൾ ഇപ്പോൾ താല്പര്യം പ്രകടിപ്പിച്ചതായി അദ്ധ്യാപകർ അറിയിച്ചതായി സ്കൂൾ മാനേജർ സി. കെ. റെജി പറഞ്ഞു. താല്പര്യം ഉള്ള വിദ്യാർത്ഥികളിൽ നിന്നും ക്ലാസ്സ് ടീച്ചർമാർ വഴി വിഷു കൈനീട്ടം സ്വീകരിച്ചു മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന ചെയ്യുമെന്ന് ഹെഡ്മിസ്ട്രസ് പ്രീത ജോസ് സി. അറിയിച്ചു.
പ്രവേശനോത്സവം 2019
മുളന്തുരുത്തി :ആരക്കുന്നം സെന്റ് ജോർജസ് ഹൈസ്കൂൾ .എൽ പി സ്കൂൾ ,പ്രീ പ്രൈമറി സ്കൂൾ പ്രവേശനോത്സവം 2019 യാക്കോബായസഭ മൈലാപ്പൂർ ഭദ്രാസനാധിപൻ അഭി .ഐസക് മോർ ഒസ്താത്തിയോസ് തിരുമേനി ഭദ്രദീപം കൊളുത്തി ഉദ്ഘാടനം നിർവഹിച്ചു .കുസാറ്റ് സിൻഡിക്കേറ്റ് മെമ്പർ ആയി തെരെഞ്ഞെടുക്കപ്പെട്ട പൂർവ്വ വിദ്യാർത്ഥി ഡോ ശശി ഗോപാലിന് സ്കൂളിന്റെ ആദരവ് നൽകി .വിദ്യാഭ്യാസ പ്രോത്സാഹന അവാർഡ് ആരക്കുന്നം പള്ളി വികാരി റവ ഫാ സാംസൺ മേലോത്ത് നിർവ്വഹിച്ചു. കഴിഞ്ഞ അധ്യയനവർഷം എല്ലാ ദിവസവും സ്കൂളിൽ ഹാജരായ വിദ്യാർത്ഥികൾക്കുള്ള ഉപഹാരം പള്ളി വികാരി പൗലോസ് ചാത്തോത്ത് നിർവഹിച്ചു .ഒന്നാം ക്ലാസ്സിൽ ചേർന്ന എല്ലാ കുട്ടികൾക്കും സൗജന്യമായി കുടകൾ വിതരണം ചെയ്തു പള്ളി ട്രസ്റ്റിമാരായ ടി കെ ജോയ് സത്യൻ എം പി എന്നിവർ ചേർന്ന് നിർവ്വഹിച്ചു ഗ്രാമ പഞ്ചായത്ത് മെമ്പർ ഷീജ സുബി പി ടി എ പ്രസിഡന്റുമാരായ എം ജെ സുനിൽ ടി ഐ ജോർജ് എൽ പി സ്കൂൾ ഹെഡ്മിസ്ട്രസ് ജെസ്സി വർഗീസ് ബോർഡ് മെമ്പർമാരായ കെ കെ ജോർജ് കെ കെ മത്തായി ജോളി വി വർഗീസ് സാം ജോർജ് ബേബി എന്നിവർ ആശംസ നേർന്നു ഹൈസ്കൂൾ ഹെഡ്മിസ്ട്രസ് പ്രീത ജോസ് സി സ്വാഗതവും പ്രോഗ്രാം കൺവീനർ മഞ്ജു കെ ചെറിയാൻ കൃതജ്ഞതയും പറഞ്ഞു
വായനാ ദിനം
വായനദിനത്തോടനുബന്ധിച്ച് കാഞ്ഞിരിക്കാപ്പിള്ളി മിത്രം സ്പെഷ്യൽ സ്കൂളിൽ 'സ്നേഹവായന ' സംഘടിപ്പിച്ചു .യോഗത്തിൽ സ്കൂൾ മാനേജർ സി.കെ റെജി അധ്യക്ഷത വഹിച്ചു. തൃപ്പൂണിത്തുറഉപജില്ല വിദ്യാഭ്യാസ ഓഫീസർ അജിത് പ്രസാദ് തമ്പി ഉദ്ഘാടനം ചെയ്തു]]
ആരക്കുന്നം സെന്റ് ജോർജ്ജ് ഹൈസ്ക്കൂളിന്റെ ആഭിമുഖ്യത്തിൽ വായനദിനത്തോടനുബന്ധിച്ച് കാഞ്ഞിരിക്കാപ്പിള്ളി മിത്രം സ്പെഷ്യൽ സ്കൂളിൽ 'സ്നേഹവായന ' സംഘടിപ്പിച്ചു .യോഗത്തിൽ സ്കൂൾ മാനേജർ സി.കെ റെജി അധ്യക്ഷത വഹിച്ചു. തൃപ്പൂണിത്തുറഉപജില്ല വിദ്യാഭ്യാസ ഓഫീസർ അജിത് പ്രസാദ് തമ്പി ഉദ്ഘാടനം ചെയ്തു .കുട്ടികൾക്ക് മധുര പലഹാരം വിതരണം ചെയ്തു.. ഒ എ മണി ,ബാബു വി.സി , ലീലാമ്മ എൻ.പി. ,ചെറിയാൻ എം.കെ. എന്നിവർ ആശംസകളർപ്പിച്ചു .പുതപ്പാട്ടിന്റെ രംഗാവിഷ്കാരവും പുസ്തക പ്രദർശനവും കവിതാലാപനവും, കഥ പറച്ചിൽ നാടൻ പാട്ട് ,എന്നിവയും സംഘടിപ്പിച്ചു.സ്കൂൾ ഹെഡ്മിസ്ട്രസ് പ്രീത ജോസ് സി ..മഞ്ജു വർഗീസ് ,ജിനു ജോർജ്ജ് .ജോമോൾ മാത്യു എന്നിവർ സ്നേഹവായനക്ക് നേതൃത്വം നൽകി ..
വിജയോത്സവം - 2019
മുളന്തുരുത്തി - ആരക്കുന്നം സെന്റ് ജോർജ്ജസ് ഹൈസ്കൂളിൽ തുടർച്ചയായി SSLC ക്ക് നൂറു ശതമാനം വിജയം കരസ്ഥമാക്കി വരുന്നതിന്റെ ഭാഗമായി വിജയോത്സവം - 2019 സംഘടിപ്പിച്ചു. സ്കൂൾ മാനേജർ സി കെ റെജി അധ്യക്ഷത വഹിച്ചു. മുളന്തുരുത്തി ഗ്രാമപഞ്ചായത്ത് പ്രസിഡന്റ് രെഞ്ചി കുര്യൻ കൊളളിനാൽ ഉദ്ഘാടനം നിർവ്വഹിച്ചു. 2019 -2020 SSLC ബാച്ചിന്റെ സ്പെഷ്യൽ ക്ലാസ് ഉദ്ഘാടനം ആരക്കുന്നം സെന്റ് ജോർജ്ജ് യാക്കോബായ സുറിയാനി വലിയപളളി വികാരി റവ. ഫാ. സാംസൺ മേലോത്ത് നിർവ്വഹിച്ചു. SSLC ക്കു വിജയിച്ച മുഴുവൻ വിദ്യാർത്ഥികൾക്കും പളളി സഹ. വികാരി റവ. ഫാ. പൗലോസ് ചാത്തോത്ത് പളളി ട്രസ്റ്റിമാരായ റ്റി കെ ജോയി , സത്യൻ എം ബി , എന്നിവർ മെമൻോൻറനൽകി . ഫുൾ എപ്ലസ് വാങ്ങിയ വിദ്യാർത്ഥികൾക്ക് സ്വർണ്ണമോതിരം നൽകുന്നതിന്റെ ഉദ്ഘാടനം റിട്ടയർ സീനിയർ അസിസ്റ്റന്റ് പി ആർ രാജമ്മ നിർവ്വഹിച്ചു. PTA പ്രസിഡന്റ് M J സുനിൽ സ്കൂൾ ബോർഡ് മെമ്പർമാരായ K K ജോർജ്ജ് , K Kമത്തായി , സാം ജോർജ്ജ് ബേബി, ജോളി വി വർഗീസ് എന്നിവർ സംസാരിച്ചു. ഹൈസ്കൂൾ ഹെഡ്മിസ്ട്രസ് പ്രീത ജോസ് സി സ്വാഗതവും സീനിയർ അസിസ്റ്റന്റ് ഡെയ്സി വർഗീസ് കൃതജ്ഞതയും പറഞ്ഞു.
പാഠ്യ പാഠ്യേതര പ്രവർത്തനങ്ങൾ
ആരക്കുന്നം സെന്റ് ജോർജ്ജസ് ഹൈസ്കൂളിന്റെ നേതൃത്വത്തിൽ ആരക്കുന്നം ഗ്രാമീണ വായനശാലയുടെ സഹകരണത്തോടെ വായന ദിനത്തിൽ നടത്തപ്പെട്ട പുസ്തകവീട്.
പി എൻ പണിക്കർ ,ഓ എൻ വി , വൈലോപ്പിള്ളി, മാധവിക്കുട്ടി ,തകഴി , എന്നിവരുടെ നാമത്തിൽ പൈങ്ങാരപ്പിള്ളി, പാമ്പറ ,കട്ടിമുട്ടം , വട്ടപ്പാറ ,നെച്ചൂർ തുടങ്ങിയ പ്രദേശങ്ങളിലെ ഈ സ്കൂളിലെ വിദ്യാർത്ഥികളുടെ ഭാവനത്തിലാണ് പുസ്തകവീട് ഒരുക്കിയത് .
ആരക്കുന്നം സെന്റ് ജോർജ്ജസ് ഹൈസ്കൂളിന്റെയും ഡോ .ടോണി ഫെർണാണ്ടസ് ഐ ഹോസ്പിറ്റലിന്റെയും നേതൃത്വത്തിൽ സൗജന്യ നേത്ര പരിശോധന ക്യാമ്പ്
ചിൽഡ്രൻസ് വെൽഫെയർ പ്രോഗ്രാമിന്റെ ആഭിമുഖ്യത്തിൽ വിദ്യാർത്ഥിയുടെ വൈദ്യുതീകരിക്കാത്ത ഭവനത്തിൽ വൈദ്യുതി നൽകി
എഴുപതാം സ്വതന്ത്ര ദിനത്തോടനുബന്ധിച്ചു യുവതലമുറ രാജ്യസ്നേഹവും മൂല്യബോധവും ഉൾക്കൊണ്ട് വളരണമെന്ന ഉദ്ദേശത്തോടെ ആരക്കുന്നം സെന്റ് ജോർജ് ഹൈസ്കൂൾ ഹോണററി ലെഫ്റ്റനന്റ് ശ്രീ എം എ പത്മനാഭനെ എൻ സി സി, ജൂനിയർ റെഡ് ക്രോസ്സ് എന്നിവരുടെ നേതൃത്വത്തിൽ ആദരിച്ചു.
അധ്യാപക ദിനത്തോടനുബന്ധിച്ചു അധ്യാപക ദിനാഘോഷം ശ്രീ അനൂപ് ജേക്കബ് എം എൽ എ ഉദ്ഘാടനം ചെയ്തു.റിട്ടയേർഡ് അധ്യാപകരും പൂർവ്വ വിദ്യാർത്ഥികളും ഒത്തുചേരുകയും അധ്യാപകർ പൂർവ്വ വിദ്യാർത്ഥികൾക്ക് ക്ലാസ് എടുക്കുകയും ചെയ്തു. എക്സ് എം എൽ എ വി ജെ പൗലോസ് പങ്കെടുത്തു.
പ്ലാസ്റ്റിക് ക്യാരിബാഗ് സ്കൂളിൽ നിന്നും തുടച്ചു നീക്കുന്നതിന്റെ ഭാഗമായി എല്ലാ വിദ്യാർത്ഥികൾക്കും , പൂർവ്വ വിദ്യാർത്ഥികളുടെയും സന്നദ്ധ സംഘടനകളുടെയും സഹായത്തോടെ സ്റ്റീൽ പ്ലേറ്റ് വിതരണം നടത്തി.
2017- 2018 പാഠ്യ പഠ്യേതര പ്രവർത്തനങ്ങൾ
പ്രവേശനോത്സവം 2017
പരിസ്ഥിതി ദിനം
ജൂൺ 5 പരിസ്ഥിതി ദിനത്തോട് അനുബന്ധിച്ഛ് വൃക്ഷത്തൈ വിതരണം ,തൈ നടീൽ മഴക്കുഴി നിർമ്മാണം എന്നിവ സംഘടിപ്പിച്ചു. പ്രകൃതിയും മനുഷ്യനും ഒന്നാണെന്ന ആശയത്തിൽ സഹജീവി സ്നേഹത്തോടെ യുവതലമുറ വളർന്നു വരൻ സ്കൂൾ നടത്തിയ പുതുമയാർന്ന ചുവട് വെപ്പ് ആണ് "മൈ ക്യാമ്പസ് ഗ്രീൻ ക്യാമ്പസ് "
വായനാ ദിനം
നമ്മൾ മറന്നു തുടങ്ങിയ വായനയെ പുസ്തകങ്ങളെ നമുക്ക് എത്തിച്ചുതരുന്ന പുസ്തവണ്ടിയാണ് ഈ വർഷത്തെ വായന ദിനത്തെ സമൃദ്ധമാക്കിയത്. എഴുത്തുകാരുടെ ചിത്രങ്ങളാൽ അലംകൃതമായ ബസിൽ നിറയെ പുസ്തകങ്ങൾ നിറച്ചു ഡിസി ബുക്സിന്റെ സഹകരണത്തോടെ സ്കൂൾ നടത്തിയ പുസ്തക വണ്ടി വ്യത്യസ്തവും ഉപകാര പ്രദവും ഗൃഹാതുരത്വമുണർത്തുന്നത് ആയിരുന്നു. സമീപ പ്രദേശങ്ങളിലെ കവലകളിൽ പുസ്തക വണ്ടിക്കായി സഹൃദയർ കാത്ത് നിന്ന്. അവർ വായിച്ചു മറന്ന പുസ്തകങ്ങൾ ഒന്ന് മറിച്ചു നോക്കാൻ സ്വന്തമാക്കാൻ ആഗ്രഹിച്ചവ കരസ്തമാക്കാൻ ഇതിനെല്ലാമുള്ള സൗകര്യം ഒരുക്കിയായിരുന്നു പുസ്തകവണ്ടിയുടെ യാത്ര.ആരക്കുന്നം, പേപ്പതി,വെളിയനാട്,കാഞ്ഞിരമറ്റം ,മുളന്തുരുത്തി, മണീട് എന്നിടവങ്ങളെ കേന്ദ്രീകരിച്ചരുന്നു പുസ്തകവണ്ടി സഞ്ചരിച്ചത്.
പരിസര ശുചിത്വ ബോധവത്കരണം
ആരോഗ്യമുള്ള ജനതയിലേ ആരോഗ്യമുള്ള മനസ്സുണ്ടാവുകയുള്ളു. ജനങ്ങളിൽ അതിവേഗം പടർന്ന് പിടിക്കുന്ന പകർച്ചവ്യാധി പരിസര ശുചിത്വത്തിന്റെ പോരായ്മയാണെന്നു കുട്ടികൾ അഭിപ്രായപ്പെട്ടു. പരിസര ശുചിത്വവും കൊതുകു നിവാരണവും ലക്ഷ്യമിട്ട് ജനങ്ങളുടെ ഇടയിൽ ഇറങ്ങി ചെന്ന് ലഘുലേഖ വിതരണം ചെയ്യാൻ തീരുമാനമെടുത്തു,. കൊതുക് മുട്ടയിട്ട് പെരുകുന്നത് തടയാൻ സമീപപ്രദേശങ്ങളിലെ റബ്ബർ തോട്ടങ്ങളിലെ മുഴുവൻ ചിരട്ടയും കമിഴ്ത്തി വച്ച് കുട്ടികൾ മാതൃക കാട്ടി.കൂടാതെ കൊതുക് മുട്ടയിട്ട് വളരാൻ സാഹചര്യമൊരുക്കുന്ന സ്ഥലങ്ങൾ കണ്ടെത്തി നശിപ്പിക്കുകയും പ്രതിപ്രവർത്തങ്ങൾ ചെയ്യുകയും ചെയ്തു.
സൗജന്യ മെഡിക്കൽ ക്യാമ്പ്
കുട്ടികൾക്കായി സൗജന്യ മെഡിക്കൽ ക്യാമ്പ് സംഘടിപ്പിച്ചു. വെൽകെയർ ഹോസ്പിറ്റലിലെ നഴ്സിംഗ് കോളജിന്റെ പ്രിൻസിപ്പാൾ ഫിലോമിന ജേക്കബ് ഉദ്ഘാടനം ചെയ്തു.അനൂർ ഡെന്റൽ കോളജ് മൂവാറ്റുപുഴ ,ടോണി ഫെർണാണ്ടസ് ഐ ക്ലിനിക് പാലാരിവട്ടം രാജഗിരി മെഡിക്കൽ കോളജ് കളമശ്ശേരി എന്നിവരുമായി സഹകരിച്ചുകൊണ്ടാണ് മെഡിക്കൽ ക്യാമ്പ് സംഘടിപ്പിച്ചത്.
മിഷൻ 2020 പ്രൊജക്റ്റ്
ഒരു വര്ഷം നടത്തിയ നിരന്തര പ്രവർത്തനങ്ങളെ തുടർന്ന് ഞങ്ങളുടെ സ്കൂളിന്റെ ഭാവി വികസനത്തിന്റെ ദീർഘവീക്ഷണത്തോടെയുള്ള പ്രോജക്ട് ആർക്കിടെക്ടിന്റെയും മറ്റ് അഭ്യുദയകാംക്ഷികളുടെയും സഹകരണത്തോടെ തയ്യാറാക്കി 2017 ജൂലൈ 11 ന് പള്ളി പാരിഷ് ഹാളിൽ ചേർന്ന യോഗത്തിൽ ബഹുമാനപ്പെട്ട മുളന്തുരുത്തി ഗ്രാമപഞ്ചായത്തും പ്രസിഡന്റ് രെഞ്ചി കുര്യൻ പ്രകാശനം നിർവഹിച്ചു . ജൂലൈ 19 ന് തിരുവന്തപുരത്തു വിദ്യാഭ്യാസവകുപ്പ് മന്ത്രി പ്രൊഫസർ രവീന്ദ്രനാഥ് , ബഹു.ജോസ് കെ മാണി എംപി ,ബഹു. അനൂപ് ജേക്കബ് എം എൽ എ ,ഗ്രാമ - ബ്ലോക് ജില്ലാ പഞ്ചായത്തുകൾക്ക് സമർപ്പിച്ചു. എയ്ഡഡ് സ്കൂളുകൾക്ക് ഗവണ്മെന്റ് ഫണ്ട് അനുവദിക്കുന്ന " ചലഞ്ചു ഫണ്ടിൽ " പ്പെടുത്തി നമ്മൾക്ക് ഫണ്ട് അനുവദിക്കാനുള്ള നടപടികൾ പൂർത്തിയായി.
ചാന്ദ്രദിനം
ജൂലൈ 21 ചാന്ദ്രദിനത്തോട് അനുബന്ധിച്ചു സയൻസ് ക്ലുബ്ബിന്റെ നേതൃത്വത്തിൽ ചാന്ദ്രദിനാഘോഷം സംഘടിപ്പിച്ചു. ചാന്ദ്രദിനത്തിന്റെ പ്രാധാന്യം കൂടുതൽ അന്വേഷിക്കുവാനും മനസ്സിലാക്കുവാനും വിദ്യാർത്ഥികളിലൊരാൾ പ്രബന്ധം അവതരിപ്പിക്കുന്നു. ലളിതവും പുതുമ നിറഞ്ഞതുമായ അവതരണത്താൽ ചാന്ദ്രദിനാഘോഷം ശ്രദ്ധേയമായി.
ജൈവപച്ചക്കറി - പുഷ്പ കൃഷി
പഞ്ചായത്തിലെ ഏറ്റവും മികച്ച ജൈവപച്ചക്കറി കൃഷി ഞങ്ങളുടേതാണ്.ഉച്ചഭക്ഷണത്തിനായി ഇവിടെ തന്നെ ഉത്പാദിപ്പിച്ച വിഷമില്ലാത്ത പച്ചക്കറിയാണ് ഉപയോഗിക്കുന്നത്.കുട്ടികളെ ഇതി ഉൾപെടുത്തിയതോടെ , കൃഷി ഒരു സംസ്കാരമാണെന്ന ബോദ്യം ഓരോ കുട്ടിക്കും ഉണ്ടാക്കിയെടുക്കാൻ സാധിച്ചു.ബയോളജി അധ്യാപകന്റെ നേതൃത്വത്തിൽ കൃഷിപാഠം എന്ന ബോധവത്കരണ ക്ലാസും സംഘടിപ്പിച്ചു.ഇതിനോടനുബന്ധിച്ചു നടന്ന മറ്റൊരു പ്രവർത്തനമായിരുന്നു പുഷ്പ കൃഷി .ഓണത്തിന്റെ ആവശ്യത്തിലേക്കായി ധാരാളം പൂക്കൾ സ്കൂളിന് ഉത്പാദിപ്പിച്ചു നല്കാൻ സാധിച്ചു. കുട്ടികളെ പ്രകൃതിയുടെ ഭാഗമാക്കി മാറ്റിയെടുത്തു എന്നത് മാത്രമല്ല നമ്മൾ നിത്യജീവിതത്തിൽ ഉപയോഗിക്കുന്ന ഓരോ സാധനവും ഉത്പാദിപ്പിക്കുന്നതിന്റെ പിറകിലെ അധ്വാനവും പ്രതീക്ഷയും കുട്ടികൾക്ക് മനസ്സിലാക്കാനും സാധിച്ചു.
കുടുംബ പി ടി എ
സ്കൂളിലെ മികച്ച പ്രവർത്തനങ്ങളിൽ ഒന്നാണ് കുടുംബ പി ടി എ . ഓരോ കുട്ടിയേയും അവന്റെ/ അവളുടെ ജീവിതാവസ്ഥ അറിയുകയും അത് ഉൾക്കൊണ്ടുകൊണ്ട് മികവിൽ എത്തിക്കാനുള്ള പ്രവർത്തനമാണ് കുടുംബ പി ടി എ യുടെ പ്രധാന ലക്ഷ്യം. പി ടി എ മീറ്റിങ്ങുകൾ ഒരു കുട്ടിയുടെ വീട്ടിൽ സംഘടിപ്പിക്കുക എന്നതാണ് ആദ്യപടി.ഓരോ വീടിന്റെയും ആ വീടിരിക്കുന്ന സാമൂഹ്യാവസ്ഥയേയും അങ്ങോട്ട് ചെന്ന് അടുത്തറിയുക എന്നതാണ് ഇതുവഴി ഉള്ള നേട്ടം ഓരോ കുട്ടിയേയും അവൻ/അവൾ ഉൾപ്പെടുന്ന സാഹചര്യത്തിൽ മനസ്സിലാക്കുമ്പോൾ അവരുടെ പ്രശ്നങ്ങൾ അറിയുവാനും പരിഹാരം നിർദ്ദേശിക്കുവാനും സാധിക്കുന്നു.
ഓണാഘോഷം
ഓണാഘോഷം 2017 വിപുലമായ പരുപാടികളോടുകൂടി സംഘടിപ്പിച്ചു. മാമലക്കവലയിൽ പ്രവർത്തിക്കുന്ന കരുണാലയം എന്ന അനാഥമന്ദിരത്തിൽ ഓണസദ്യ നൽകി. എല്ലാ വിദ്യാർത്ഥികൾക്കും രക്ഷകർത്താക്കൾക്കും ഓണസദ്യ നൽകി. സ്കൂളിലെ എല്ലാ താത്കാലിക ജീവനക്കാർക്കും ഓണക്കിറ്റ് നൽകി.
ജൈവ വൈവിധ്യപാർക്ക്
എന്റെ പഠനമാണ് എന്റെ നേട്ടം
സംസ്ഥാന സർക്കാരിന്റെ ശ്രദ്ധ , നവപ്രഭ എന്നീ പദ്ധതിയോട് കൈകോർത്തു സ്കൂൾ ആരംഭിച്ച മികച്ച പരിപാടിയാണ് " എന്റെ പഠനമാണ് എന്റെ നേട്ടം ". അക്ഷരം , വാക്ക്, വാചകം എന്നീ ക്രമത്തിൽ കുട്ടികളിൽ പഠനം എത്തിക്കുക. 3 മാസം കൊണ്ട് കുട്ടിയെ മികവിന്റെ പാതയിലേക്ക് കൈപിടിച്ച് ഉയർത്തുക. ഇതിനായി എല്ലാ ദിവസവും ഒരു മണിക്കൂർ അധ്യാപകർ നീക്കിവെയ്ക്കുന്നു കഥകളും, കളികളും, ചാർട്ടുകളും ഉപയോഗിച്ച് അക്ഷരം തറവാക്കുന്നു. രക്ഷകർത്താക്കൾക്ക് കുട്ടികളോടൊപ്പം ബോധവത്കരണ ക്ലാസും നടത്തിവരുന്നു.പദ്ധതിയുടെ മൂല്യനിർണയം അക്ഷരക്കളരി നടത്തി കൊണ്ടാടുന്നു.അടുത്ത അധ്യയനവർഷം അക്ഷരമറിയാത്ത ഒരു കുട്ടി പോലും സ്കൂളിൽ ഉണ്ടാവില്ല എന്ന തീരുമാനമാണ് എന്റെ പഠനമാണ് എന്റെ നേട്ടം. ഇതിലെ ഏറ്റവും നന്മ നിറഞ്ഞ കാര്യം ക്ലാസ്സിലെ മറ്റു വിദ്യാർഥികൾ സഹപാഠിയുടെ പോരായ്മ പരിഹരിക്കുന്നതിന് എല്ലാ സഹായവും ചെയ്തു കൂടെ നില്കുന്നു. ഒരു കുട്ടി പോലും മോശക്കാരനാവാൻ ആഗ്രഹിക്കുന്നില്ല എന്ന് അവർ തിരിച്ചറിയുന്നു. പിന്നിട്ട വഴികളിൽ എവിടേയോ വച്ച് അവർക്ക് നഷ്ടപ്പെട്ട അടിത്തറ അവരുടെ ഒപ്പം നിന്ന് വീണ്ടെടുക്കാൻ സ്കൂളിലെ മറ്റു കുട്ടികൾ ഉത്സാഹം കാണിക്കുന്നു എന്നതും ഈ പദ്ധതിയുടെ വിജയം ആണ്.
സ്കൂൾ ഇലക്ഷൻ
കലാ കായിക മേള - 2017
വിളവെടുപ്പ് ഉത്സവം
ഒക്ടോബർ ആദ്യവാരത്തിൽ മണീട് ഗ്രാമ പഞ്ചായത്തു പ്രസിഡന്റ് ശോഭ ഏലിയാസ് വിളവെടുപ്പ് ഉത്സവം വിളവെടുപ്പ് ഉത്സവം ഉത്ഘാടനം ചെയ്തു.അധ്യാപകരും വിദ്യാർത്ഥികളും ചേർന്ന് വിപുലയമായ രീതിയിൽ വിളവെടുപ്പ് ഉത്സവം സംഘടിപ്പിച്ചു.
ശിശുദിനാഘോഷം -2017
എല്ലാ വർഷത്തെപ്പോലെ ഇക്കൊല്ലവയും വളരെ വിപുലമായ രീതിയിൽ ശിശുദിനാഘോഷം സംഘടിപ്പിച്ചു. ബഹുമാനപ്പെട്ട കോട്ടയം എം പി ശ്രീ ജോസ് കെ മാണി ഉദ്ഘാടനം ചെയ്തു. സമ്പാദ്യം സേവനത്തിനും കൂടിയാകണം എന്ന ഒരു ബോധവത്കരണവും ഇതോടൊപ്പം നടന്നു. നമുക്ക് ചുറ്റുമുള്ള ഇല്ലായ്മകൾ പരിഹരിക്കാൻ സ്വരുക്കൂട്ടുന്ന സമ്പാദ്യത്തിന്റെ ഒരു പങ്ക് കൊണ്ട് സാധിക്കണം. നമുക്ക് ഉണ്ടായാൽ മാത്രമേ നമ്മുടെ കണ്മുന്നിലുള്ള ഇല്ലാത്തവന് കൊടുക്കാൻ നമുക്ക് സാധിക്കൂ എന്നതാണ് സ്റ്റുഡന്റസ് സേവിങ് സ്കീമിൽ പങ്കാളിയായ ഓരോ കുട്ടിക്കും സ്കൂൾ മാനേജർ നൽകിയ ഉപദേശം.
ക്രിസ്തുമസ് ആഘോഷം 2017 - ഭിന്നശേഷിയുള്ള കുട്ടികളോടൊത്ത്
തിരുപ്പിറവിയുടെ ആഘോഷങ്ങൾ അഴിഞ്ഞ വർഷത്തെ പോലെ വ്യത്യസ്ഥമാക്കണമെന്നു കുട്ടികൾ ആവശ്യപ്പെട്ടു.അത് പരിഗണിച്ച് ഭിന്നശേഷിയുള്ള കുട്ടികൾ പഠിക്കുന്ന സ്കൂളിലേക്ക് കേക്കും മധുരപലഹാരങ്ങളുമായി സാന്താ ക്ളോസും കുട്ടികളും ചെന്ന്. എല്ലാവര്ക്കും ഓരോ കേക്ക് വിതരണം ചെയ്തു.അവരുടെ കലാപരിപാടികൾ അണ്ടാസ്വദിച്ചും പങ്ക് വെച്ചും ഒരുമയോടെ കുട്ടികൾ ക്രിസ്തുമസ് ആഘോഷിച്ചു. ക്രിസ്തുമസ് ആഘോഷിക്കാത്ത ഒരു കുട്ടിയുടെ കുടുംബം പോലും ഉണ്ടായിരുന്നില്ല. എല്ലാവര്ക്കും കേക്ക് മുറിക്കാനായി സ്കൂളിൽ നിന്നും കേക്ക് കൊടുത്തയച്ചു.എല്ലാ സന്തോഷവും ഒത്തൊരുമയോടെ ആഘോഷിക്കണമെന്ന കുട്ടികളുടെ ആവശ്യം മാനേജ്മെന്റ് നിവർത്തിക്കുകയായിരുന്നു.
അക്കാഡമിക് മാസ്റ്റർ പ്ലാൻ
സൗഖ്യസദനത്തിൽ സ്വാന്തനവുമായി
സഹജീവികളുടെ വേദന കുറക്കാനല്ല മരുന്ന് എല്ലാ മനുഷ്യരിലുമുണ്ട്. ഒരു സ്നേഹ വാക്കുകൊണ്ടോ സാമീപ്യം കൊണ്ടോ പരിചരണം കൊണ്ടോ മനുഷ്യനെ ആശ്വസിപ്പിക്കാനുള്ള ആലംബഹീനരും അശരണരുമായ ചെത്തിക്കോട് സൗഖ്യസദനിലെ കിടപ്പുരോഗികളുടെ വേദനയിൽ പങ്കുചേരാൻ വേണ്ടി ജനുവരി 15 പാലിയേറ്റിവ് ദിനത്തിൽ ജൂനിയർ റെഡ് ക്രോസ്സ് വിദ്യാർഥികൾ സൗഖ്യസദനത്തിൽ എത്തി.
ഗാന്ധി സ്മരണ
ആന്വൽ ഡേ
സ്കൂളിന്റെ 116 - മത് വാർഷികം ജി സി ഡി എ ചെയർമാൻ ശ്രീ സി എൻ മോഹനൻ ഉദ്ഘാടനം നിർവഹിക്കുന്നു. സിനി ആർട്ടിസ്റ്റ് ജിനോ ജോൺ മുഖ്യാതിഥി ആയിരുന്നു.
മികവുത്സവം -2018
2017-2018 അധ്യയന വര്ഷം പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി പാഠ്യ-പഠ്യേതര രംഗത്ത് കൈവരിച്ച നേട്ടങ്ങൾ " മികവുത്സവം -2018" ബഹു.പിറവം എം ൽ എ അഡ്വ. അനൂപ് ജേക്കബ് ഉദ്ഘാടനം ചെയ്തു. പാരമ്പര്യ ഭക്ഷ്യ വിഭവങ്ങളുടെ സ്നേഹവിരുന്നും ഒരുക്കി.
2018- 2019 പാഠ്യ പഠ്യേതര പ്രവർത്തനങ്ങൾ
ഭാഷകൾ മധുരമുള്ളതായി മാറുന്നു
ഹലോ ഇംഗ്ലീഷ് ,മീട്ടി ഹിന്ദി ,മലയാളത്തിളക്കം
2018 -19 അധ്യയനവർഷം ആരക്കുന്നം സെന്റ് ജോർജസ് ഹൈസ്കൂളിൽ പഠിക്കുന്ന എല്ലാ വിദ്യാർത്ഥികളെയും ഇംഗ്ലീഷ് ,ഹിന്ദി ,മലയാളം ഭാഷകൾ നന്നായി എഴുതുവാനും സംസാരിക്കുവാനും വായിക്കുവാനും കഴിയുംവിധം പ്രാപ്തരാക്കാനുള്ള പ്രോജക്ടുകൾ ആരംഭിച്ചു .തിരുവാണിയൂർ ഗ്ലോബൽ പബ്ലിക് സ്കൂൾ മെന്റർ ശ്രീമതി ലക്ഷ്മി രാമചന്ദ്രൻ ഉദ്ഘാടനം നിർവഹിച്ചു .ഇംഗ്ലീഷ് ഭാഷകൾ ഇന്റർനാഷണൽ ലെവലിൽ ഉച്ചാരണം ചെയ്യാൻ കഴിയും വിധം അധ്യാപകരേയും കുട്ടികളെയും പ്രാപ്തരാക്കുന്നതിനുവേണ്ടി ഗ്ലോബൽ പബ്ലിക് സ്കൂളുമായി സഹകരിച്ചുകൊണ്ട് നടപ്പിലാക്കി വരുന്നു .ഗ്ലോബൽ പബ്ലിക് സ്കൂളിന്റെ സാമൂഹ്യ പ്രതിബദ്ധതയുടെ ഭാഗമായാണ് ഈ പ്രോജെക്ട് ഏറ്റെടുത്തിട്ടുള്ളത് ഹിന്ദി ഭാഷ "മീട്ടി ഹിന്ദി" എന്ന പേരിൽ ഒരു പ്രോജെക്ട് നടപ്പിലാക്കി വരുന്നു ഹിന്ദി പ്രചാരസഭയുടെ സഹായത്തോടെ എല്ലാ വിദ്യാർത്ഥികളെയും ഹിന്ദി ഭാഷ എഴുതുവാനും വായിക്കുവാനും സംസാരിക്കുവാനും ലക്ഷ്യമിട്ടു സ്കൂളിലെ ഹിന്ദി അധ്യാപകരുടെ നേതൃത്വത്തിൽ പഠിപ്പിച്ചുവരുന്നു .നമ്മുടെ രാഷ്ട്രഭാഷ എല്ലാ വിദ്യാർത്ഥികൾക്കും മധുരമുള്ള ഭാഷയാക്കി മാറ്റുക എന്നതാണ് ഈ പ്രോജെക്ട് കൊണ്ട് ഉദ്ദേശിക്കുന്നത് . നമ്മുടെ മാതൃഭാഷയായ മലയാളംനല്ലതുപോലെ എഴുതുവാനും വായിക്കുവാനും സംസാരിക്കുവാനും പരിശീലിപ്പിക്കുന്ന പ്രൊജക്റ്റാണ് മലയാളത്തിളക്കം. സ്കൂളിലെ മലയാളം അദ്ധ്യാപകരുടെ നേതൃത്വത്തിൽ എല്ലാ അധ്യാപകരേയും സഹകരിപ്പിച്ചു നടപ്പിലാക്കാൻ ഉദ്ദേശിക്കുന്നു .റിട്ടയേർഡ് അധ്യാപകരുടെയും സഹകരണം ലഭ്യമാക്കാൻ ശ്രമിക്കും .ഈ പ്രോജെക്ടുകൾ എല്ലാം തുല്യപരിഗണനയിലും പ്രാധാന്യത്തിലും നടപ്പിലാക്കി കഴിയുമ്പോൾ ഇന്റർനാഷണൽ ഭാഷയായ ഇംഗ്ലീഷും രാഷ്ട്രഭാഷയായ ഹിന്ദിയും മാതൃഭാഷയായ മലയാളവും ഏറ്റവും ലളിതവും സുഗമവുമായി എല്ലാ വിദ്യാർത്ഥികൾക്കും ഹൃദിസ്ഥമാക്കുവാനും അതുവഴി അവരുടെ ആത്മവിശ്വാസം വർദ്ധിപ്പിക്കുവാനും ഉന്നതവിജയം കൈവരിക്കുവാനും സാധിക്കും .ഭാഷകളുടെ പ്രാധാന്യം സംബന്ധിച്ചു കുട്ടികളിൽ അവബോധം ഉണ്ടാക്കാനായി ആഴ്ചയിൽ 2 ദിവസം ഇംഗ്ലീഷ് മലയാളം ഭാഷകളിലും ഒരു ദിവസം ഹിന്ദി ഭാഷയിലും സ്കൂൾ അസംബ്ലി നടത്തുവാൻ തീരുമാനിച്ചിരിക്കുന്നു. ഈ ഭാഷകളിലുള്ള കുട്ടികളുടെ വിജ്ഞാനം വർധിപ്പിക്കുവാൻ സ്കൂൾ ലൈബ്രറി കൂടാതെ ക്ലാസ്സ് ലൈബ്രറിയുടെയും പ്രവർത്തനം ശക്തിപ്പെടുത്തുന്നതാണ് .ഇംഗ്ലീഷ് ഹിന്ദി മലയാളം ഭാഷകളിൽ ന്യൂസ്പേപ്പറുകൾ മാസികകൾ കവിതകൾ നോവലുകൾ തുടങ്ങിയവ വായിക്കുവാൻ കുട്ടികളിൽ താല്പര്യം വർധിപ്പിക്കുവാൻ കഴിയും .
പ്രവേശനോത്സവം 2018
ആരക്കുന്നം സെന്റ് ജോർജസ് ഹൈസ്കൂൾ എൽ പി സ്കൂൾ പ്രീ -പ്രൈമറി സ്കൂളുകളുടെ പ്രവേശനോത്സവം പ്രൊഫ .എം കെ.സാനു ഉദ്ഘാടനം ചെയ്തു .സ്കൂൾ മാനേജർ സി കെ റെജി അധ്യക്ഷത വഹിച്ചു SSLC ക്കു ഉന്നത വിജയം കൈവരിച്ച വിദ്യാർത്ഥികൾക്ക് ട്രോഫിയും ഫുൾ എ+ വാങ്ങിയവർക്ക് സ്വർണ്ണ മോതിരവും പ്രൊഫ . എം കെ സാനു സമ്മാനിച്ചു . ആരക്കുന്നം സെന്റ് .ജോർജ് യാക്കോബായ സുറിയാനി വലിയപള്ളി വികാരി റവ .ഫാ.സെബു പോൾ വെണ്ട്രപ്പിള്ളിൽ സഹ വികാരി റവ .ഫാ .സജൻ മൂന്നുമൂലയിൽ ,വാർഡ് മെമ്പർ ഷീജ സുബി ,PTA പ്രസിഡന്റ്മാരായ എം ജെ സുനിൽ ,ടി ഐ ജോർജ് പള്ളി ട്രസ്റ്റീ ബിജു തോമസ് ബോർഡ് മെമ്പർ കെ കെ മത്തായി ,സാം ജോർജ് ബേബി ,ഓമന അയ്യപ്പൻ ,രാജൻ കെ LP S ഹെഡ്മിസ്ട്രസ് ജെസ്സി വർഗീസ് എന്നിവർ സംസാരിച്ചു . ഹൈസ്കൂൾ ഹെഡ്മിസ്ട്രസ് പ്രീത ജോസ് സി സ്വാഗതവും സീനിയർ അസിസ്റ്റന്റ് P R രാജമ്മ നന്ദി പറഞ്ഞു
വായനാ ദിനം
പുസ്തകമാല കൊരുത്ത് ആരക്കുന്നം സ്കൂൾ
ആരക്കുന്നം : സെന്റ് ജോർജ്ജസ് ഹൈസ്കൂൾ വായനാദിനത്തോടനുബന്ധിച്ച് ആയിരത്തോളം പുസ്തകങ്ങൾ കോർത്ത് പുസ്തകമാല ഒരുക്കി സ്കൂളിലെ മുഴുവൻ കുട്ടികളും അധ്യാപകരും രക്ഷകർത്താക്കളും , പൂർവ്വ വിദ്യാർത്ഥികളും അഭ്യുദയ കാംക്ഷികളും പുസ്തകം കൈയിലേന്തി മാല പോലെ ചേർന്ന് നിന്ന് വായിച്ച് വളരുക ചിന്തിച്ച് വിവേകം നേടുക എന്ന പ്രതിജ്ഞ നാട്ടുകാരിൽ മുഴുവൻ എത്തിച്ചു സ്കൂൾ മാനേജർ സി കെ റെജി അധ്യക്ഷത വഹിച്ചു. ഹെഡ്മിസ്ട്രസ് പ്രീത ജോസ് സി , എൽ.പി സ്കൂൾ ഹെഡ്മിസ്ട്രസ് ജെസി വർഗീസ് ഡെയ്സി വർഗീസ് പി.റ്റി .എ പ്രസിഡന്റ് എം.ജെ സുനിൽ , റവ. ഫാ.ജേക്കബ്ബ് ചിറ്റേത്ത് , റവ.ഫാ മനു ജോർജ്ജ് കെ , പി ആർ രാജമ്മ , മഞ്ചു വർഗീസ് , ജിനു ജോർജ്ജ് എം.ജോമോൾ മാത്യു എന്നിവർ സംസാരിച്ചു.
കൗൺസിലിംഗ് ക്ലാസ്സ്
പൊതു വിദ്യാഭ്യാസ സംരക്ഷണ യജ്ഞത്തിന്റെ ഭാഗമായി ആരക്കുന്നം സെന്റ് ജോർജ്ജസ് ഹൈസ്കൂളിൽ രക്ഷകർത്താക്കൾ ക്കു വേണ്ടി നടത്തുന്ന കൗൺസിലിംഗ് ക്ലാസ്സിന്റെ ഉദ്ഘാടനം ബ്ലോക്ക് പഞ്ചായത്ത് മെമ്പർ ഷൈനി സജി നിർവഹിക്കുന്നു.സ്കൂൾ മാനേജർ ശ്രീ സി.കെ.റെജിഅധ്യക്ഷതവഹിച്ചു., സീനിയർ അസിസ്റ്റന്റ് പി.ആർ.രാജമ്മ, മഞ്ജു കെ ചെറിയാൻ,കൗൺസിലർ ഡോ.ബിജു പി തമ്പിഎന്നിവർ സംസാരിച്ചു
ആരക്കുന്നം സെന്റ് ജോർജസ് ഹൈസ്കൂളിലെ ചന്ദ്രദിനാഘോഷം
മനുഷ്യൻ ചന്ദ്രനിൽ കാലുകുത്തിയതിന്റെ അമ്പതാം വാർഷികാഘോഷം ആരക്കുന്നം സെന്റ് ജോർജ്സ് ഹൈസ്കൂളിൽ ആരംഭിച്ചു .ബഹിരാകാശഗവേഷകന്റെ വേഷമണിഞ്ഞെത്തിയവരുമായി കുട്ടികൾ ബഹിരാകാശവിശേഷങ്ങൾ ചോദിച്ചറിഞ്ഞു ISROറിട്ടെയേർഡ് സയന്റിസ്റ്റു സി രാമചന്ദ്രൻ ,പ്രഫ ഗോപാലകൃഷ്ണൻ ,ഹെഡ്മിസ്ട്രസ് പ്രീത ജോസ് ,മഞ്ജു കെ ചെറിയാൻ ,അന്നമ്മ ചാക്കോ .ജിൻസി പോൾ ,കെ എൻ സുരേഷ് ,രഞ്ജൻ ,പ്രദീപ് എന്നിവർ നേതൃത്വം നൽകി
ആരക്കുന്നം സെന്റ് ജോർജ്ജസ് ഹൈസ്കൂളിലെ വിദ്യാർത്ഥികൾ വാട്ടർബോട്ടിൽ ഉപേക്ഷിച്ചു.*
ആരക്കുന്നം സെന്റ് ജോർജ്ജസ് ഹൈസ്കൂൾ എൽ.പി.സ്കൂൾ പ്രീ -പ്രൈമറി സ്കൂൾ എന്നീ സ്ഥാപനങ്ങളിലെ വിദ്യാർത്ഥികൾ വാട്ടർബോട്ടിൽ ഉപേക്ഷിച്ചു.സ്കൂളിൽ തിളപ്പിച്ചാറിയ വെള്ളം ഇനി മുതൽ കുടിക്കുന്നതിനാവശ്യമായ സ്റ്റീൽ ഗ്ലാസ്സ് ഒരു പൂർവ്വ വിദ്യാർത്ഥി സ്പോൺസർ ചെയ്തു.കഴിഞ്ഞ വർഷം ഈ സ്കൂളിലെ വിദ്യാർത്ഥികൾ 'ലഞ്ച് ബോക്സ് പൂർണമായി ഉപേക്ഷിച്ചു സ്റ്റീൽ പാത്രമാണ് ഉപയോഗിക്കുന്നത്. നിറവ്' ഉച്ചഭക്ഷണ പരിപാടിയുടെ ഭാഗമായി സമ്പുഷ്ടമായ ഉച്ചഭക്ഷണം ആണ് വിദ്യാർത്ഥികൾക്ക് നല്കി വരുന്നത് .സ്റ്റീൽ ഗ്ലാസ്സ് വിതരണ ഉദ്ഘാടനം സ്കൂൾ മാനേജർ സി.കെ. റെജി നിർവ്വഹിച്ചു. ഹെഡ്മിസ്ട്രസ് പ്രീത ജോസ് സി ,സീനിയർ അസിസ്റ്റന്റ് P R രാജമ്മ ,റോയ് ജോസ് വി. ,ജിനു ജോർജ് എന്നിവർ സംസാരിച്ചു.
കർക്കിടക്കമാസാചരണം
ആരക്കുന്നം സെന്റ്.ജോർജ്ജസ് ഹൈസ്കൂളിൽ സൗജന്യ മെഡിക്കൽ ക്യാമ്പ്
മുളന്തുരുത്തി: ആരക്കുന്നം ഹൈസ്കൂളിലും എൽ .പി സ്കൂളിലും പ്രീ പ്രൈമറി സ്കൂളിലും എ .പി. വർക്കി മിഷൻ ആശുപത്രിയുടെ സഹകരണത്തോടെ സൗജന്യ മെഡിക്കൽ ക്യാമ്പ് നടത്തി. ജനറൽ മെഡിസിൻ ,പീഡിയാട്രിക് ,ഇ.എൻ.ടി ,ഡെൻറൽ നേത്ര വിഭാഗങ്ങളിലായി വിദഗ്ധ ഡോക്ടർമാർ കുട്ടികളെ പരിശോധിച്ച് രോഗനിർണയം നടത്തി .മെഡിക്കൽ ക്യാമ്പിന്റെ ഉദ്ഘാടന ചടങ്ങിൽ സ്കൂൾ മാനേജർ സി.കെ റെജി അധ്യക്ഷത വഹിച്ചു.എ.പി. വർക്കി മിഷൻ ആശുപത്രി ട്രഷറർ C N സുന്ദരൻ ക്യാമ്പ് ഉദ്ഘാടനം ചെയ്തു.ആരക്കുന്നം പള്ളി വികാരി റവ.ഫാ.സെബു പോൾ വെണ്ട്രപ്പിള്ളിൽ, എൽ.പി.സ്കൂൾ ഹെഡ്മിസ്ട്രസ് ജെസി വർഗീസ് ,പി.ടി.എ.പ്രസിഡൻറ് എം.ജെ.സുനിൽ ,എ .പി വർക്കി മിഷൻ ആശുപത്രി സെക്രട്ടറി എം.ജി.രാമചന്ദ്രൻ എന്നിവർ സംസാരിച്ചു. ഹൈസ്കൂൾ ഹെഡ്മിസ്ട്രസ് പ്രീത ജോസ് സി സ്വാഗതവും ജിൻസി പോൾ നന്ദിയും പറഞ്ഞു.
- എൻ സി സി & റെഡ് ക്രോസ്സ്
- ബാന്റ് ട്രൂപ്പ്
- ക്ലാസ് മാഗസിൻ
- വിദ്യാരംഗം കലാ സാഹിത്യ വേദി
- ക്ലബ്ബ് പ്രവർത്തനങ്ങൾ
മുൻ സാരഥികൾ
സ്കൂളിന്റെ മുൻ പ്രധാനാദ്ധ്യാപകർ :
റവ. ഫാ. പി കെ സ്ലീബാ (1934 -1978 ) ,എ വി കുര്യൻ ,എം വി കുര്യൻ , കെ എസ് കുര്യൻ , കെ എം യോഹന്നാൻ ,സുശീല എബ്രഹാം ടി ( -2002 ), ഓമന പൗലോസ് (2002-2003) , ലിസി ജോർജ് (2003-2005)ആലീസ് മാത്യു (2005-2006), പി പി ലീലാമ്മ (2006-2007), ,വത്സമ്മ പത്രോസ് (2007-2010),ഗിരിജാമണിയമ്മ എസ് പി (2010 -2011)
ക്രമനമ്പർ | പേര് | ഏറ്റെടുത്ത വർഷം | വിരമിച്ച വർഷം | റിമാർക്സ് |
---|---|---|---|---|
1 | റവ. ഫാ. പി കെ സ്ലീബാ | 1934 | 1978 | |
2 |
മുൻ അധ്യാപകർ
2021
ശ്രീ പേര്...
പ്രശസ്തരായ പൂർവവിദ്യാർത്ഥികൾ
ജോർജ് സ്ലീബാ ( മുൻ ഫാക്ട് എം ഡി ), വി ജെ പൗലോസ് (എക്സ് എം എൽ എ ), ആർ ബി നായർ (സൈന്റിസ്റ്റ്), ശിവദാസ് എടക്കാട്ടുവയൽ (ചിത്രകാരൻ), കുര്യാക്കോസ് മോർ ദീയസ് കോറോസ്
വഴികാട്ടി
വിദ്യാലയത്തിലേക്ക് എത്തുന്നതിനുള്ള മാർഗ്ഗങ്ങൾ'
- മുളന്തുരുത്തി പിറവം ഹൈവേ യിൽ ആരക്കുന്നം ജങ്ഷനിൽ നിന്നും 200 മീറ്റർ കിഴക്കോട്ടു മാറി ആരക്കുന്നം ഹൈ സ്കൂൾ സ്ഥിതി ചെയ്യുന്നു.
{{#multimaps:9.887377902528488, 76.43308417500035|zoom=18}}
സെന്റ്. ജോർജ്ജ്സ് എച്ച്.എസ്. ആരക്കുന്നം
- എറണാകുളം വിദ്യാഭ്യാസ ജില്ലയിലെ വിദ്യാലയങ്ങൾ
- എറണാകുളം വിദ്യാഭ്യാസ ജില്ലയിലെ എയ്ഡഡ് വിദ്യാലയങ്ങൾ
- എറണാകുളം റവന്യൂ ജില്ലയിലെ വിദ്യാലയങ്ങൾ
- എറണാകുളം റവന്യൂ ജില്ലയിലെ എയ്ഡഡ് വിദ്യാലയങ്ങൾ
- 26001
- 1902ൽ സ്ഥാപിച്ച വിദ്യാലയങ്ങൾ
- എറണാകുളം റവന്യൂ ജില്ലയിലെ 5 മുതൽ 10 വരെ ക്ലാസുകളുള്ള വിദ്യാലയങ്ങൾ
- വിക്കിഡാറ്റ ക്യു ഐഡി ഉള്ള വിദ്യാലയങ്ങൾ
- സ്കൂൾ കോഡ് ഉള്ള വിദ്യാലയങ്ങൾ
- യുഡൈസ് കോഡ് ഉള്ള വിദ്യാലയങ്ങൾ
- Pages using infoboxes with thumbnail images
- വിക്കിഡാറ്റ ക്യു ഐഡി ചേർക്കാത്ത വിദ്യാലയങ്ങൾ
- യുഡൈസ് കോഡ് ചേർക്കാത്ത വിദ്യാലയങ്ങൾ