ജി.എച്ച്.എസ്.എസ്. ആലംപാടി

Schoolwiki സംരംഭത്തിൽ നിന്ന്
20:45, 3 ഫെബ്രുവരി 2022-നു ഉണ്ടായിരുന്ന രൂപം സൃഷ്ടിച്ചത്:- 11022 (സംവാദം | സംഭാവനകൾ) (ഭൗതികസൗകര്യങ്ങൾ)
സ്കൂൾസൗകര്യങ്ങൾപ്രവർത്തനങ്ങൾപ്രൈമറിഎച്ച്.എസ്എച്ച്.എസ്.എസ്.ചരിത്രംഅംഗീകാരം
ജി.എച്ച്.എസ്.എസ്. ആലംപാടി
GHSS ALAMPADY
വിലാസം
ആലംപാടി

ആലംപാടി പി.ഒ.
,
671123
,
കാസർഗോഡ് ജില്ല
സ്ഥാപിതം1931
വിവരങ്ങൾ
ഫോൺHS : 04994 256540 HSS : 04994 255750
ഇമെയിൽ11022alampady@gmail.com
കോഡുകൾ
സ്കൂൾ കോഡ്11022 (സമേതം)
എച്ച് എസ് എസ് കോഡ്14057
യുഡൈസ് കോഡ്32010300410
വിദ്യാഭ്യാസ ഭരണസംവിധാനം
റവന്യൂ ജില്ലകാസർഗോഡ്
വിദ്യാഭ്യാസ ജില്ല കാസർഗോഡ്
ഉപജില്ല കാസർഗോഡ്
ഭരണസംവിധാനം
ലോകസഭാമണ്ഡലംകാസർഗോഡ്
നിയമസഭാമണ്ഡലംകാസർഗോഡ്
താലൂക്ക്കാസർഗോഡ്
ബ്ലോക്ക് പഞ്ചായത്ത്കാസർകോട്
തദ്ദേശസ്വയംഭരണസ്ഥാപനംചെങ്കള പഞ്ചായത്ത്
വാർഡ്10
സ്കൂൾ ഭരണ വിഭാഗം
സ്കൂൾ ഭരണ വിഭാഗംസർക്കാർ
സ്കൂൾ വിഭാഗംപൊതുവിദ്യാലയം
പഠന വിഭാഗങ്ങൾ
എൽ.പി

യു.പി

ഹൈസ്കൂൾ

ഹയർസെക്കന്ററി
സ്കൂൾ തലംപ്രീ പ്രൈമറി, 1 മുതൽ 12 വരെ 1 to 12
മാദ്ധ്യമംമലയാളം MALAYALAM, ഇംഗ്ലീഷ് ENGLISH
സ്ഥിതിവിവരക്കണക്ക്
ആൺകുട്ടികൾ380
പെൺകുട്ടികൾ370
ആകെ വിദ്യാർത്ഥികൾ750
അദ്ധ്യാപകർ30
ഹയർസെക്കന്ററി
ആൺകുട്ടികൾ64
പെൺകുട്ടികൾ62
ആകെ വിദ്യാർത്ഥികൾ126
അദ്ധ്യാപകർ6
സ്കൂൾ നേതൃത്വം
പ്രിൻസിപ്പൽഅജി.എൻ
പ്രധാന അദ്ധ്യാപകൻസതീഷ് കുമാർ മാത്രാടൻ പലോറ
പി.ടി.എ. പ്രസിഡണ്ട്അബ്ദുൽ റഹ്മാൻ ഖാസി
എം.പി.ടി.എ. പ്രസിഡണ്ട്ഖദീജ
അവസാനം തിരുത്തിയത്
03-02-202211022
ക്ലബ്ബുകൾ
പ്രോജക്ടുകൾ
തിരികെ വിദ്യാലയത്തിലേക്ക്
എന്റെ ഗ്രാമം
നാടോടി വിജ്ഞാനകോശം
സ്കൂൾ പത്രം
അക്ഷരവൃക്ഷം
ഓർമ്മക്കുറിപ്പുകൾ
എന്റെ വിദ്യാലയം
Say No To Drugs Campaign
ഹൈടെക് വിദ്യാലയം
കുഞ്ഞെഴുത്തുകൾ



കാസർഗോഡ് നഗരത്തിന്റെ ഹൃദയഭാഗത്തായി സ്ഥിതി ചെയ്യുന്ന സർക്കാർ വിദ്യാലയമാണ് ജി.എച്ച്.എസ്. എസ്. ആലംപാടി. 1931 -ൽ സ്ഥാപിച്ച ഈ വിദ്യാലയം കാസർഗോഡ് ജില്ലയിലെ പഴക്കമേറിയ മുസ്‍ലിം വിദ്യാലയങ്ങളിലൊന്നാണ്.

ചരിത്രത്തിലൂടെ...........

ആലംപാടി സ്കൂളിന്റെ വളർച്ചയുടെ പിറകിൽ വർഷങ്ങൾ നീണ്ട പ്രയത്നങ്ങളുടെ കഥയുണ്ട്. ജീവിച്ചിരിക്കുന്നവരും മണ്മറഞ്ഞുപോയവരുമായ അനവധി മാന്യ വ്യക്തികളുടെ സഹായ സഹകരണങ്ങൾ കൃതജ്ഞതയോടെ സ്മരിക്കേണ്ടതുണ്ട്. ആദ്യ കാലത്ത് നാട്ടെഴുത്ത് പള്ളിക്കൂടങ്ങളായി പ്രവർത്തിച്ചിരുന്ന സ്ഥാപനങ്ങളെ 1920 ൽ രൂപം കൊണ്ട മലബാർ ഡിസ്ടിക്ട് ബോർഡ് ഏറ്റെടുക്കുകയും അതിനെയെല്ലാം സ്കൂളുകളാക്കി മാറ്റു കയും ചെയ്തു.

ഔപചാരിക വിദ്യാഭ്യാസ സംവിധാനത്തിന്റെ  ഭാഗമായി 1931 ൽ മാപ്പിള എൽ.പി സ്കൂളായി സ്ഥാപിതമായി. 1979 ൽ നൂറുൽ ഇസ്ലാം യതീം ഖാനയ്ക്ക് വേണ്ടി കെട്ടിടം നിർമ്മിക്കാൻ വാങ്ങിയ ഒരേക്കർ സ്ഥലം സ്കൂളിനായി നൽകിയതോടെ യു.പി സ്കൂളായി ഉയർത്തപ്പെട്ടു. ന്നീട് യതീം ഖാന കമ്മിറ്റിയുടെയും സൗദി ജമാഅത്ത് കമ്മിറ്റിയുടെയും സഹകരണത്താൽ ക്ലാസ് മുറികൾ സജ്ജമാക്കിയപ്പോൾ 1988 ൽ ഹൈസ്കൂളായി ഉയർത്തി. 2004 ൽ ഹയർസെക്കൻഡറി വിഭാഗവും ആരംഭിച്ചു.

ഭൗതികസൗകര്യങ്ങൾ

സപ്തഭാഷാ സംഗമ ഭൂമിയായ കാസർഗോഡ് വിദ്യാഭ്യാസ മേഖലയിൽ ഇന്ന് പുരോഗതിയുടെ പാതയിലാണ്. തുടർച്ചയായ മൂന്നു വർഷവും 100% പൊൻതിളക്കം നേടി ജൈത്രയാത്ര തുടരുന്ന ചെങ്കള ഗ്രാമപഞ്ചായത്തിലെ   ഏക വിദ്യാലയമാണ് GHSS  ആലംപാടി.വിദ്യാഭ്യാസപര വും ഭൗതികവുമായ സാഹചര്യങ്ങളുടെ വികസനത്തിനകുതിപ്പിൽഈ  ഈ  വിദ്യാലയംബഹുദൂരം മുന്നേറിക്കൊണ്ടിരിക്കുന്നു.

രണ്ടേക്കറിലധികം വരുന്ന ഭൂമിയിലാണ് വിദ്യാലയം സ്ഥിതി ചെയ്യുന്നത്. ഹൈസ്കൂളിന് 5 കെട്ടിടങ്ങളിലായി 26 ക്ലാസ് മുറികളും ഹയർ സെക്കണ്ടറിക്ക് ഒരു കെട്ടിടത്തിലായി 4 ക്ലാസ് മുറികളുമുണ്ട്. അതിവിശാലമായ ഒരു കളിസ്ഥലം വിദ്യാലയത്തിനുണ്ട്. പ്രീ പ്രൈമറി മുതൽ ഹയർസെക്കൻഡറി വരെയുള്ള ക്ലാസ്സുകളിലായി 13 സ്മാർട്ട് ക്ലാസ് റൂമുകളും ക്ലാസ് റൂമുകളിൽ അതിവേഗ ഇൻറർനെറ്റ് സൗകര്യവും ലഭ്യമാണ്. ഹൈസ്കൂളിനും ഹയർസെക്കണ്ടറിക്കും വെവ്വേറെ കമ്പ്യൂട്ടർ ലാബുകളുണ്ട്. രണ്ട് ലാബുകളിലുമായി ഏകദേശം മുപ്പത്തഞ്ചോളം കമ്പ്യൂട്ടറുകളുണ്ട്. രണ്ട് ലാബുകളിലും ബ്രോഡ്ബാന്റ് ഇന്റർനെറ്റ് സൗകര്യവും ലഭ്യമാണ്. എൽപി വിഭാഗം ക്ലാസുകൾ കാസർഗോഡ് വികസന പാക്കേജിന്റെ ഭാഗമായി 2020 ലഭിച്ച 8 ക്ലാസ് മുറികളടങ്ങിയ പ്രത്യേക കെട്ടിടത്തിൽ ക്രമീകരിച്ചിരിക്കുന്നു. കൂടാതെ അതെ കുട്ടികൾക്കായി ആർട്ട് ഗാലറിയും ലഭ്യമാണ്.


ആലംപാടി സ്കൂളിന്റെ വിദ്യാഭ്യാസ സാമൂഹിക സാംസ്കാരിക മേഖലകൾ ശാക്തീകരിക്കുന്ന ഭാഗമായി ക്ലാസ് മുറികളുടെ അഭാവം പരിഹരിക്കുന്നതിന് ബഹുമാനപ്പെട്ട കാസർകോട് എംഎൽഎയുടെ ശ്രമഫലമായി ലഭിച്ച ഹയർസെക്കൻഡറി പ്ലാൻ ഉപയോഗിച്ച് നിർമ്മിച്ച കെട്ടിട ഉദ്ഘാടനം ഈ വിദ്യാലയത്തിലെ പൂർവ്വ വിദ്യാർത്ഥിയും മഞ്ചേശ്വരം MLA ശ്രീ P.B. അബ്ദുറസാഖിന്റെ അധ്യക്ഷതയിൽ കാസർകോട് MLA ശ്രീ.എൻ എ നെല്ലിക്കുന്ന് നിർവഹിച്ചു. വിദ്യാലയ വികസനത്തിന് എന്നും കരുത്തുപകരുന്ന സുമനസ്സുകളായ നാട്ടുകാരെയും ക്ലബ്ബുകളുടെയും പൂർവവിദ്യാർഥി കൂട്ടായ്മകളെയും നന്ദിയോടെ സ്മരിക്കുന്നു. വിദ്യാലയത്തിന് അതിമനോഹരമായ പ്രധാനകവാടം  നിർമ്മിച്ചു നൽകിയ 'ഉദയ' ക്ലബ് വിദ്യാലയ വികസനത്തിന്എന്നും നമ്മോടൊപ്പമുണ്ട്.1993 - 94 ലെ വിദ്യാർത്ഥികൾ ഒത്തൊരുമിച്ച 'കാറ്റാടിത്തണലത്ത്' കൈകോർത്തപ്പോൾ സ്കൂളിന് ലഭിച്ചത് അതി മനോഹരമായ ഒരു ക്ലാസ്സ്‌ മുറിയാണ്. നാടിന്റെ പുരോഗതിയിൽ എന്നും ഒപ്പം നിൽക്കുന്ന KMCC - GCC ആലംപാടി ക്ലബ്ബ് നൽകിയത് മറ്റൊരു ഹൈടെക് ക്ലാസ് മുറിയാണ്.  സ്കൂളിന് കുഴൽകിണർ നിർമ്മിച്ച് നൽകിയ പേര് വെളിപ്പെടുത്താനാഗ്രഹിക്കാത്ത അഭ്യുദയകാംക്ഷി ഈ വിദ്യാലയത്തിന് വികസനപ്രക്രിയയിൽ ഒപ്പം നിൽക്കുന്നു.

കാസർകോട് വികസന പാക്കേജിൽ ഉൾപ്പെടുത്തി GHSS ആലംപാടി പ്രൈമറി വിഭാഗത്തിൽ ലഭിച്ചിട്ടുള്ള കെട്ടിട ഉദ്ഘാടനം 2021 ഒക്ടോബർ 30 ശനിയാഴ്ച രാവിലെ 9. 15 ന് ബഹുമാനപ്പെട്ട വിദ്യാഭ്യാസ മന്ത്രി വി ശിവൻകുട്ടി നിർവഹിച്ചു. ലോവർ പ്രൈമറി വിഭാഗത്തിന് കാസർകോട് വികസന പാക്കേജിൽ നിന്നും 8 ക്ലാസുകളോട് കൂടിയ ഇരുനില കെട്ടിടം ഒരുകോടി പത്തുലക്ഷം രൂപ നിർമ്മാണചെലവിലാണ് പൂർത്തിയായത്.

ഗവൺമെന്റിന്റെ പ്ലാൻ ഫണ്ട് ഉപയോഗിച്ച് 1 കോടി 10 ലക്ഷത്തിന്റെ നിർമ്മാണ പ്രവർത്തികൾ പുരോഗമിച്ചു കൊണ്ടിരിക്കുന്നു.

പാഠന പ്രവർത്തനങ്ങൾ

ജി എച്ച് എസ് എസ് ആലംപാടിയിൽ കുട്ടികളുടെ ഉന്നമനത്തിനായി വിവിധ പഠന പ്രവർത്തനങ്ങൾ നടത്താൻ സാധിച്ചിട്ടുണ്ട്.

ശ്രദ്ധ

പഠന നിലവാരത്തിൽ പിന്നോക്കം നിൽക്കുന്ന കുട്ടികൾക്ക് വേണ്ടി ശ്രദ്ധ പദ്ധതി നടപ്പിലാക്കി.പഠന പ്രയാസം നേരിടുന്ന ഓരോ കുട്ടിക്കും അവർക്കാവശ്യമായ പ്രത്യേക പഠനാ നുഭവങ്ങൾ ശ്രദ്ധയിലൂടെ ലഭിച്ചു. 3,5,8 ക്ലാസുകളിലെ കുട്ടികൾക്കിടയിലാണ് ഈ പദ്ധതി നടപ്പിലാക്കിയത്. വളരെ താല്പര്യത്തോട് കൂടി ശ്രദ്ധ പദ്ധതിയിൽ കുട്ടികൾ പങ്കെടുക്കുകയും പഠന നിലവാരം ഉയർത്താൻ പദ്ധതി കൊണ്ട് സാധിക്കുകയും ചെയ്തു.

മലയാളത്തിളക്കം

മലയാളം എഴുതാനും വായിക്കാനും ബുദ്ധിമുട്ട് അനുഭവപ്പെടുന്ന കുട്ടികൾക്കായി മലയാളത്തിളക്കം പദ്ധതി നടപ്പിലാക്കി. കുട്ടികളെ വായനയ്ക്കും എഴുത്തിനും പ്രാപ്തരാക്കുന്ന രീതിയിൽ മോഡ്യൂൾ പ്രകാരമുള്ള ക്ലാസുകൾ കുട്ടികൾക്ക് മലയാളത്തിളക്കത്തിലൂടെ ലഭിച്ചു. മലയാള ഭാഷയിൽ വളരെ പിന്നോക്കം നിന്നിരുന്ന കുട്ടികൾ മലയാളത്തിളക്കം പദ്ധതിയിലൂടെ മലയാളം അനായാസം കൈകാര്യം ചെയ്യാൻ പ്രാപ്തരായി.

ഹലോ ഇംഗ്ലീഷ്

പ്രൈമറി ക്ലാസിലെ വിദ്യാർത്ഥികളുടെ ഇംഗ്ലീഷ് ഭാഷാ പഠനനിലവാരം മെച്ചപ്പെടുത്തുന്നതിനായി ഹലോ ഇംഗ്ലീഷ് പദ്ധതി നടപ്പിലാക്കി.കുട്ടികൾക്ക് വിവിധ പ്രവർത്തനങ്ങളിലൂടെ ഇംഗ്ലീഷ് ഭാഷ അനായാസം കൈകാര്യം ചെയ്യാനുള്ള ശേഷി വർധിച്ചു. ഹലോ ഇംഗ്ലീഷ് പരിപാടിയുടെ ഭാഗമായി 5,6,7 ക്ലാസിലെ കുട്ടികളുടെ ഹലോ ഇംഗ്ലീഷ് ഉൽപ്പന്നങ്ങളുടെ പ്രദർശനവും നടത്തി.

സാക്ഷരം

വിദ്യാർത്ഥികളുടെ അടിസ്ഥാന ഭാഷാശേഷി വർധിപ്പിക്കാൻ സാക്ഷരം നടത്തി. കുട്ടികൾക്ക് പ്രീ ടെസ്റ്റ്‌ നടത്തുകയും തുടർന്ന് സാക്ഷരം പദ്ധതി നടപ്പിലാക്കുകയും 55 ദിവസങ്ങൾക്കു ശേഷം പോസ്റ്റ്‌ ടെസ്റ്റ്‌ നടത്തുകയും ചെയ്തു.സാക്ഷരം പദ്ധതിയിലൂടെ വിദ്യാർത്ഥികൾക്ക് അവരുടെ ഭാഷാ ശേഷി ഉയർത്തുവാനും സാധിച്ചു.

ഗണിതം മധുരം

ഗണിത ശാസ്ത്രത്തിൽ കുട്ടികൾ നേരിടുന്ന പ്രയാസം ദൂരീകരിക്കുന്നതിനും ഗണിത പഠനം കൂടുതൽ ആസ്വാദ്യകരമാക്കുന്നതിനും ഗണിതം മധുരം പദ്ധതി നടപ്പിലാക്കി. ഈ പദ്ധതിയിലൂടെ കുട്ടികൾക്ക് ഗണിത ക്രിയകൾ എളുപ്പത്തിൽ കൈകാര്യം ചെയ്യുന്നതിനും ഗണിതത്തിനോടുള്ള താല്പര്യം വർധിപ്പിക്കുന്നതിനും സാധിച്ചു.

പഠനോത്സവം

വിദ്യാർത്ഥികളുടെ സർഗശേഷിയും നേതൃപാടവവും പരിപോഷിപ്പിക്കുന്നതിനു വേണ്ടി കുട്ടികൾ തന്നെ സംഘാടകരും അവതാരകരുമായി മാറുന്ന പഠനോ ത്സവം നമ്മുടെ സ്കൂളിലും നടപ്പിലാക്കി. വിവിധ വിഷയങ്ങളിൽ കുട്ടികൾക്കുള്ള കഴിവുകൾ തത്സമയ പ്രദർശനങ്ങളിലൂടെ അവതരിപ്പിക്കുന്നതിനുള്ള ഒരു വേദിയായി പഠനോത്സവം മാറി.

അങ്കണം

മുഖാമുഖ ക്ലാസുകളുടെ അഭാവവും സ്വഭാവിക സ്കൂൾ പ്രവർത്തനങ്ങൾ നിലച്ചു പോയതും കുട്ടികളിൽ ശാരീരികവും മാനസികവുമായ പ്രശ്നങ്ങൾ സൃഷ്ടിച്ചതായി പഠനങ്ങൾ ചൂണ്ടിക്കാട്ടി അതോടൊപ്പം കുട്ടികളിൽ വലിയ തോതിൽ പഠന വിടവും പഠന നഷ്ടവും സംഭവിച്ചതായി വിലയിരുത്തപ്പെട്ടിരുന്നു. കുട്ടികളുടെ ഈ പഠന വിടവുകൾ നികത്തുക എന്ന ലക്ഷ്യം മുൻ നിർത്തിയാണ് അങ്കണം എന്ന പദ്ധതി നടപ്പിലാക്കിയത്. ഇതിലെ പ്രവർത്തനങ്ങൾ കാ ര്യക്ഷമമായി നടപ്പിലാക്കാൻ നമ്മുടെ സ്കൂളിലെ അധ്യാപകരും എല്ലാ വിധ പിന്തുണയും കുട്ടികൾക്ക് നൽകി.

നേട്ടങ്ങൾ

SSLC പരീക്ഷയിൽ നൂറുമേനി

ഹൈസ്കൂൾ ആരംഭിച്ച കാലം മുതൽ SSLC വിജയശതമാനം കുറവായിരുന്ന വിദ്യാലയം 2019 മുതൽ തുടർച്ചയായ 3 വർഷം നൂറുശതമാനം വിജയം നേടി കാസറഗോഡ് വിദ്യാഭ്യാസജില്ലയുടെ യശസ്സുയർത്താൻ ആലംപാടി സ്കൂളിന് സാധിച്ചിട്ടുണ്ട്.

എ + നിറവ്

വിജയശതമാനം നൂറുമേനി നേടിയതോടൊപ്പം തന്നെ സ്കൂളിന് അന്യമായി നിന്നിരുന്ന എ പ്ലസ്  എന്ന സ്വപ്നം പൂവണിയുകയും ചെയ്തു. 2019 ലും 2020 ഓരോ വിദ്യാർത്ഥികളും   2021 ൽ അഞ്ച് വിദ്യാർത്ഥികളും മുഴുവൻ വിഷയങ്ങൾക്കും എ പ്ലസ് നേടി.

സ്കോളർഷിപ്പുകളിലെ വിജയതിളക്കം

LSS, USS, NMMS സ്കോളർ ഷിപ്പുകൾ നേടി GHSS ആലംപാടി സ്കൂൾ ജില്ലയിലെ മികച്ച സ്കൂളുകളിൽ ഒന്നായി തലയുയർത്തി നിൽക്കുന്നു.

ദേശീയ സംസ്ഥാന തലങ്ങളിൽ നേട്ടങ്ങൾ കൊയ്യാൻ സ്കൂളിനു കഴിഞ്ഞിട്ടുണ്ട്.ഇവിടെ ക്ലിക്ക് ചെയ്യുക

പാഠ്യേതര പ്രവർത്തനങ്ങൾ

പ്രവേശനോത്സവം (നവംബർ 1/ 2021)

കൊറോണയുടെ പശ്ചാത്തലത്തിൽ ഒന്നര വർഷക്കാലമായി അടഞ്ഞു കിടന്ന വിദ്യാലയങ്ങൾ നവംബർ 1 ന് കോവിഡ മാനദണ്ഡങ്ങൾ പാലിച്ചുകൊണ്ട് പ്രവേശന ഉത്സവത്തോടെ പുനരാരംഭിച്ചു. എച്ച് എം സതീഷ് കുമാർ സർ പ്രവേശനോത്സവം ഉദ്ഘാടനം ചെയ്തു. സ്റ്റാഫ് സെക്രട്ടറി പൊന്നോമനകൾക്ക് പാട്ടുപാടി ആശംസകൾ അറിയിച്ചു. ഒന്ന് രണ്ട് ക്ലാസുകളിലെ കുട്ടികൾക്ക് പഠനോപകരണം വിതരണം ചെയ്തു. ഇന്ന് മുഴുവൻ കുട്ടികൾക്കും മധുരപലഹാര വിതരണം നടത്തി.

ശിശു ദിനാഘോഷം (2021 നവംബർ 16)

ശിശുദിനാഘോഷ ത്തിന്റെ ഭാഗമായി സ്കൂളിന്റെ ഉന്നമനത്തിനു വേണ്ടി പ്രയത്നിക്കുന്ന AASC ആലംപാടി ക്ലബ്ബിന്റെ നേതൃത്വത്തിൽ 1,2 ക്ലാസിലെ കുട്ടികൾക്ക് ചിത്രരചനാ മത്സരവും, 3,4 ക്ലാസിലെ കുട്ടികൾക്ക് ക്വിസ് മത്സരവും നടത്തി. വിജയികളെ അനുമോദിച്ചു ഉപഹാര സമർപ്പണവും നടത്തി.

അതിജീവനം പരിപാടി

വിദ്യാലയങ്ങൾ ദീർഘകാലം അടച്ചിടൽ നേരിട്ടതിനാൽ  കുട്ടികളിൽ ഉണ്ടായ വൈകാരിക, സാമൂഹിക പ്രശ്നങ്ങൾക്ക് പരിഹാരമായി സ്കൂളുകളിൽ അതിജീവനം കൗമാര വിദ്യാഭ്യാസ പരിപാടി ആരംഭിച്ചു.ഇതിന്റെ ഭാഗമായി നമ്മുടെ വിദ്യാലയത്തിലും അതിജീവനം പരിപാടി സംഘടിപ്പിക്കുകയും വിദ്യാർഥികൾക്ക് മാനസികോല്ലാസം നൽകുകയും ചെയ്തു.

ആദരവ്

സാമൂഹ്യ സേവനത്തിന് ഉത്തമ മാതൃകയും പത്മശ്രീ പുരസ്കാര ജേതാവും ആയ ഹരേക്കള ഹജ്ജബ്ബ യ്ക്ക് ജിഎച്ച്എസ്എസ് ആലംപാടിയിലെ വിദ്യാർത്ഥികൾ ആദരവ് സമർപ്പിച്ചു.

മധുരം മലയാളം

മാതൃഭൂമി മധുരം മലയാളം പദ്ധതി ജിഎച്ച്എസ്എസ് ആലംപാടി സ്കൂളിൽ ആരംഭിച്ചു. സംസ്ഥാനത്തെ മികച്ച യൂത്ത് ക്ലബ്ബിനുള്ള പ്രത്യേക ജൂറി പുരസ്കാരം ലഭിച്ച  ആലംപാടി ആർട്സ് ആൻഡ് സ്പോർട്സ് ക്ലബ് മായി സഹകരിച്ചാണ് ഈ പദ്ധതി നടപ്പിലാക്കിയത്. പദ്ധതിയുടെ ഉദ്ഘാടനം  ആ കാലം പാടി ഗൾഫ് കോഡിനേറ്റർ കമ്മിറ്റി പ്രസിഡന്റ് സിദ്ധി കോപ്പാ, HM സതീഷ് കുമാർ, പ്രിൻസിപ്പൽ N അജി  എന്നിവർക്ക് മാതൃഭൂമി പത്രം നൽകി നിർവഹിച്ചു.

ORC ട്രെയിനിങ്

ഡിസംബർ 16,17 (2021) തീയതികളിലായി സ്കൂളിലെ മുഴുവൻ അധ്യാപകരെയും പങ്കെടുപ്പിച്ചുകൊണ്ട് ഡിസ്ട്രിക്ട് ചൈൽഡ് പ്രൊട്ടക്ഷൻ യൂണിറ്റ് അവർ റെസ്പോൺസിബിലിറ്റി ടു ചൈൽഡ് (ORC) രണ്ടുദിവസത്തെ ശില്പശാല സംഘടിപ്പിച്ചു. പതിനാറാം തീയതി ORCമാസ്റ്റർ ട്രെയിനർ ആയ നിർമൽകുമാർ സാറും, പതിനേഴാം തീയതി ഷൈജിത് കരുവാക്കോടും ക്ലാസ്സുകൾ കൈകാര്യം ചെയ്തു.

"സത്യമേവ ജയതേ"

ഡിജിറ്റൽ മീഡിയ ആൻഡ് ഇൻഫർമേഷൻ സാക്ഷരതായജ്ഞം ത്തിന്റെ ഭാഗമായി "സത്യമേവ ജയതേ" എന്ന പേരിൽ വിദ്യാർഥികൾക്കും അധ്യാപകർക്കും ഇന്റർനെറ്റും, സോഷ്യൽ മീഡിയയും ഉപയോഗിക്കുമ്പോൾ ശ്രദ്ധിക്കേണ്ട കാര്യങ്ങളെക്കുറിച്ച് അവബോധം നൽകുന്നതിനു വേണ്ടിയുള്ള ഒരു ക്ലാസ് സംഘടിപ്പിച്ചു. ഹൈ സ്കൂൾ അധ്യാപകനായ യൂസഫ് ബി.ഐ ഇതിന് നേതൃത്വം വഹിച്ചു. തുടർന്നുള്ള ദിവസങ്ങളിൽ ഹൈസ്കൂൾ വിദ്യാർത്ഥികൾക്കുള്ള ബോധവൽക്കരണ ക്ലാസ് ക്ലാസ് അധ്യാപകർ മുഖേന നടത്തുകയും ചെയ്തു.

കെട്ടിട സമർപ്പണം (30/10/21)

ആലംപാടി ഗവൺമെന്റ് ഹയർ സെക്കൻഡറി സ്കൂളിൽ പ്രൈമറി വിഭാഗത്തിന് കാസർഗോഡ് വികസന പാക്കേജിൽ ഉൾപ്പെടുത്തി നിർമ്മിച്ച കെട്ടിടം മന്ത്രി വി.ശിവൻകുട്ടി ഉദ്ഘാടനം ചെയ്തു. സ്കൂൾ വിദ്യാഭ്യാസം ഉന്നത വിദ്യാഭ്യാസം എന്നിങ്ങനെ രണ്ട് മേഖലകളിലാണ് വിദ്യാഭ്യാസവുമായി ബന്ധപ്പെട്ട പദ്ധതികൾ  പ്രഭാകരൻ കമ്മീഷൻ റിപ്പോർട്ടിൽ ഉൾപ്പെടുത്തിയിരിക്കുന്നത്. അതിന്റെ ഭാഗമായാണ് കാസർകോട് വികസന പാക്കേജിൽ സ്കൂൾകെട്ടിടം ഉയർന്നത്. ബൗദ്ധിക സാഹചര്യങ്ങളുടെ അഭാവംമൂലം പ്രയാസങ്ങൾ അനുഭവപ്പെടുന്ന ആലംപാടി സ്കൂളിലെ കുട്ടികളുടെയും അധ്യാപകരുടെയും വളരെക്കാലത്തെ സ്കൂൾകെട്ടിടം എന്ന ആഗ്രഹമാണ് ഇന്നത്തെ ഈ ഉദ്ഘാടനത്തിലൂടെ സഫലമായത്. ഈ ചടങ്ങിൽ എൻ.എ നെല്ലിക്കുന്ന് എം. എൽ എ. അധ്യക്ഷത വഹിച്ചു. മറ്റ് പ്രമുഖർ സംസാരിച്ചു. പരീക്ഷയിൽ ഉന്നത വിജയം നേടിയ വിദ്യാർത്ഥികളെ ആദരിച്ചു. പായസ വിതരണം നടത്തി.

ലിറ്റിൽ കൈറ്റ്സിന്റെ സ്ക്കൂൾ തല ക്യാംപ് (20-01-2022)

ഒമ്പതാം ക്ലാസ് ലിറ്റിൽ കൈറ്റ്സ് വിദ്യാർത്ഥികൾക്കുള്ള ഏകദിന സ്ക്കൂൾ തല ക്യാംപ് 20-01-2022 ന് Ghss നടത്തി. സ്കൂൾ സീനിയർ അസിസ്റ്റന്റ് ശ്രീമതി ഷില്ലി ടീച്ചർ ക്യാമ്പ് ഉദ്ഘാടനം ചെയ്തു. രാവിലെ 10 മണി മുതൽ വൈകുന്നേരം 4 മണി വരെ നടന്ന ക്യാമ്പിൽ 27 അംഗങ്ങൾ പങ്കെടുത്തു. ശ്രീ യൂസഫ് മാസ്റ്റർ, ശ്രീ ഹക്കിം മാസ്റ്റർ, ശ്രീമതി സിന്ധു ടീച്ചർ എന്നിവർ ക്യാമ്പിന് നേതൃത്വം നൽകി

മുൻ സാരഥികൾ

സ്കൂളിന്റെ മുൻ പ്രധാനാദ്ധ്യാപകർ.

പ്രശസ്തരായ പൂർവവിദ്യാർത്ഥികൾ

വഴികാട്ടി

  • കാഞ്ഞങ്ങാട് നിന്നും എൻ.എച്ച് വഴി കാസറഗോഡ് ഭാഗത്തേക്ക് പോകുമ്പോൾ നായന്മാർമൂലയിൽ നിന്നും വലതുഭാഗത്തേക്കുള്ള റോഡിലൂടെ 1 കി.മീ മാറി സ്ഥിതി ചെയ്യുന്നു.
  • കാസറഗോ‍ഡ് നിന്നും എൻ.എച്ച് വഴി കാഞ്ഞങ്ങാട് ഭാഗത്തേക്ക് പോകുമ്പോൾ നായന്മാർമൂലയിൽ നിന്നും ഇടതുഭാഗത്തേക്കുള്ള റോഡിലൂടെ 1 കി.മീ മാറി സ്ഥിതി ചെയ്യുന്നു.

{{#multimaps:12.52246,75.03358|zoom=16}} ghss alampady </googlem

"https://schoolwiki.in/index.php?title=ജി.എച്ച്.എസ്.എസ്._ആലംപാടി&oldid=1580779" എന്ന താളിൽനിന്ന് ശേഖരിച്ചത്