"കണ്ണശ്ശ സ്മാരക ഗവ. ഹയർസെക്കണ്ടറി സ്കൂൾ കടപ്ര" എന്ന താളിന്റെ പതിപ്പുകൾ തമ്മിലുള്ള വ്യത്യാസം

Schoolwiki സംരംഭത്തിൽ നിന്ന്
വ്യത്യാസം കാണൽവിക്കിഎഴുത്ത്
(→‎ദിനാചരണങ്ങൾ: ചേർക്കൽ)
വരി 139: വരി 139:
==ദിനാചരണങ്ങൾ==
==ദിനാചരണങ്ങൾ==
*[[{{PAGENAME}}/ഗാന്ധിജയന്തി-കവിതയരങ്ങ്|ഗാന്ധിജയന്തി-കവിതയരങ്ങ്]]
*[[{{PAGENAME}}/ഗാന്ധിജയന്തി-കവിതയരങ്ങ്|ഗാന്ധിജയന്തി-കവിതയരങ്ങ്]]
*[[ശാസ്ത്രദിനം]]
*[[ശാസ്ത്രദിനം]]1
*[[വനിത ദിനം]]
*[[വനിത ദിനം]]


16:27, 15 മാർച്ച് 2022-നു നിലവിലുണ്ടായിരുന്ന രൂപം

2021-22 ലെ സ്കൂൾവിക്കി പുരസ്കാരം നേടുന്നതിനായി മൽസരിച്ച വിദ്യാലയം.
സ്കൂൾസൗകര്യങ്ങൾപ്രവർത്തനങ്ങൾപ്രൈമറിഎച്ച്.എസ്എച്ച്.എസ്.എസ്.ചരിത്രംഅംഗീകാരം
കണ്ണശ്ശ സ്മാരക ഗവ. ഹയർസെക്കണ്ടറി സ്കൂൾ കടപ്ര
വിലാസം
വളഞ്ഞവട്ടം

വളഞ്ഞവട്ടം പി.ഒ.
,
689104
,
പത്തനംതിട്ട ജില്ല
സ്ഥാപിതം01 - 06 - 1940
വിവരങ്ങൾ
ഫോൺ0469 2611602
ഇമെയിൽksghsskadapra08@gmail.com
കോഡുകൾ
സ്കൂൾ കോഡ്37034 (സമേതം)
എച്ച് എസ് എസ് കോഡ്03005
യുഡൈസ് കോഡ്32120900101
വിക്കിഡാറ്റQ87592137
വിദ്യാഭ്യാസ ഭരണസംവിധാനം
റവന്യൂ ജില്ലപത്തനംതിട്ട
വിദ്യാഭ്യാസ ജില്ല തിരുവല്ല
ഉപജില്ല തിരുവല്ല
ഭരണസംവിധാനം
ലോകസഭാമണ്ഡലംപത്തനംതിട്ട
നിയമസഭാമണ്ഡലംതിരുവല്ല
താലൂക്ക്തിരുവല്ല
ബ്ലോക്ക് പഞ്ചായത്ത്പുളിക്കീഴ്
തദ്ദേശസ്വയംഭരണസ്ഥാപനംപഞ്ചായത്ത്
വാർഡ്15
സ്കൂൾ ഭരണ വിഭാഗം
സ്കൂൾ ഭരണ വിഭാഗംസർക്കാർ
സ്കൂൾ വിഭാഗംപൊതുവിദ്യാലയം
പഠന വിഭാഗങ്ങൾ
യു.പി

ഹൈസ്കൂൾ

ഹയർസെക്കന്ററി
സ്കൂൾ തലം5 മുതൽ 12 വരെ
മാദ്ധ്യമംമലയാളം, ഇംഗ്ലീഷ്
സ്ഥിതിവിവരക്കണക്ക്
ആൺകുട്ടികൾ12
പെൺകുട്ടികൾ20
ആകെ വിദ്യാർത്ഥികൾ195
അദ്ധ്യാപകർ23
ഹയർസെക്കന്ററി
ആൺകുട്ടികൾ92
പെൺകുട്ടികൾ71
സ്കൂൾ നേതൃത്വം
പ്രിൻസിപ്പൽസുജ ജി
പ്രധാന അദ്ധ്യാപകൻഅഹമ്മദ് ഷെറീഫ് കെ എ
പി.ടി.എ. പ്രസിഡണ്ട്ജോസഫ് തോമസ്
എം.പി.ടി.എ. പ്രസിഡണ്ട്ലൗലി വർഗ്ഗീസ്
അവസാനം തിരുത്തിയത്
15-03-202237034
ക്ലബ്ബുകൾ
പ്രോജക്ടുകൾ
തിരികെ വിദ്യാലയത്തിലേക്ക്
എന്റെ ഗ്രാമം
നാടോടി വിജ്ഞാനകോശം
സ്കൂൾ പത്രം
അക്ഷരവൃക്ഷം
ഓർമ്മക്കുറിപ്പുകൾ
എന്റെ വിദ്യാലയം
Say No To Drugs Campaign
ഹൈടെക് വിദ്യാലയം
കുഞ്ഞെഴുത്തുകൾ




"വാനുലകിന് സമമാകിയ നിരണ മഹാദേശേ" എന്ന കണ്ണശ്ശ മഹാകവി പാടിപ്പുകഴ്ത്തിയ നിരണമെന്ന കൊച്ചു ഗ്രാമത്തിലെ കടപ്ര പഞ്ചായത്തിലാണ് (പത്തനംതിട്ട ജില്ലയിൽ തിരുവല്ല താലൂക്കിൽ ) കണ്ണശ്ശ സ്മരക ഗവ.ഹയർസെക്കണ്ടറി സ്കുൾ സ്ഥിതിചെയുന്നത്.

ചരിത്രം

'വാനുലകിന് സമമാകിയ നിരണ മഹാദേശേ' എന്ന കണ്ണശ്ശ മഹാകവി പാടിപ്പുകഴ്ത്തിയ നിരണമെന്ന കൊച്ചു ഗ്രാമത്തിലെ കടപ്ര പഞ്ചായത്തിലാണ് കണ്ണശ്ശ സ്മാരക ഗവ.ഹൈസ്കുൾ സ്ഥിതിചെയ്യുന്നത്. തദ്ദേശവാസികളുടെ നിരന്തര ശ്രമഫലമായി 1940 ൽ മലയാളം എൽ.പി.സ്കുൾ തുടങ്ങി. 1958 ൽ അത് ഹൈസ്കൂളായി ഉയർന്നു. 1965 കാലഘട്ടം വരെ,ഈ സ്കൂൾ ഓലമേഞ്ഞ ഷെഡ്ഡുകളിലാണു പ്രവർത്തിച്ചത് . 1968 ആയതോട് സർക്കാർ ചെലവിൽ പുതിയ കെട്ടിടങ്ങൾ നിർമ്മിച്ചു. 1982 ൽ നിരണം കണ്ണശ്ശ കവികളുടെ ഓർമ്മ നിലനിർത്തുന്നതിനായി കണ്ണശ്ശ ഗവ.ഹൈസ്കൂളായി നാമകരണം ചെയ്തു. 1990 ൽ ഇതൊരു ഹയർ സെക്കന്ററി സ്കൂളായി ഉയർന്നു. ഈ സ്കുളിൽ 5 മുതല് 12 വരെയുളള ക്ലാസുകൾ പ്രവർത്തിച്ചു വരുന്നു.

എന്റെ നാടിന്റെ ഹൃദയത്തിലേക്ക്

ആമുഖം

വർഷത്തിൽ ആറു മാസത്തോളം കായൽ പരപ്പായി മാറുന്ന കുട്ടനാടൻ കരിനിലങ്ങൾ പടിഞ്ഞാറ്, കിഴക്ക് കുന്നിൽ നിന്നും കുന്നുകളിലേക്ക് ഉയർന്നു പോകുന്ന മലകൾ. അതിന് മദ്ധ്യത്തിലാണ് ഇടനാടിന്റേയും മലനാടിന്റേയും ചാരുത ഇഴുകിച്ചേർന്ന് മദ്ധ്യതിരുവിതാംകൂറിന്റെ തൊടുകുറിയായി ശോഭിക്കുന്ന തിരുവല്ല എന്ന പട്ടണത്തിന്റെ അതിരായി നിലകൊള്ളുന്ന കടപ്ര എന്ന സ്ഥലം, ഈ ഭൂമി മലയാള സാഹിത്യനഭസിൽ ഒരു പുണ്യഭൂമിയാണ്. കടപ്പുറം ലോപിച്ച് കടപ്ര എന്നായി മാറി എന്ന് ഐതിഹ്യം. ചങ്ങനാശ്ശേരി ജിയോളജിക്കൽ മ്യൂസിയം രേഖകൾ ഇത് വ്യക്തമാക്കുന്നു. പുണ്യനദികളായ പമ്പയും മണിമലയും അച്ചൻകോവിലും സേചനം ചെയ്യുന്ന ഹരിതാഭയാർന്ന കാർഷികപ്രധാനമായ വിശാലസമതലങ്ങൾ, അവിടെ നെല്ല്, കരിമ്പ്, മരച്ചീനി. വാഴ, ചേന, ചേമ്പ്, തെങ്ങ്, കുരുമുളക്, മുതലായവ സമൃദ്ധിയായി വളരുന്നു.
'കൂടുതൽ വായിക്കുക' ചരിത്രം
അദ്ധ്യാത്മികയുടെ പരിവേഷമണിഞ്ഞ ആയിരത്താണ്ടുകളുടെ പുരാവൃത്തങ്ങളും ചരിത്രവും ഇവിടെ ഉറങ്ങിക്കിടക്കുന്നു. ഈ നാടിന് ചിരപുരാതനമായ ഒരു സംസ്കാരം ഉണ്ടെന്നതിന് തിരുവല്ല ശാസനത്തിൽ ഈ ഭാഗങ്ങളിലെ മഹാശിലാസ്മാരകങ്ങൾ സാക്ഷ്യം വഹിക്കന്നു. തിരുവല്ല ഗ്രാമം തെക്കുംകൂറിന്റെ രാജ്യാതിർത്തിയിൽ പെട്ടിരുന്ന പ്രധാന സങ്കേതം മന്നം (മണങ്കര ച്ചിറ ) മതിപ്പുറം ( മതിൽ ഭാഗം) എന്നിവിടങ്ങളായിരുന്നു. വളരെ അകലെ സ്ഥിതി ചെയ്തിരുന്ന വാഴപ്പള്ളി, മാന്നാർ ഉപഗ്രാമങ്ങളും തിരുവല്ല ഗ്രാമത്തിൽ ഉൾപ്പെട്ടിരുന്നു. മുത്തൂർ ദേശത്തിന്റെ തെക്കുഭാഗങ്ങൾ വിലക്കിമംഗലവും, വടക്കുഭാഗം തെക്കു കൂറും , കിഴക്കുഭാഗം ഇടപ്പള്ളി തമ്പുരാനും ഭരിച്ചിരുന്നു.. നെടുമ്പ്രത്തു വൈക്കത്തില്ലത്തിൽ കൈമളും തലയാർ കാരാഞ്ചേരിയും ദേശാധിപതികളായിരുന്നു. കടപ്ര നിരണം പ്രദേശങ്ങൾ ചിറവായ് സ്വരൂപത്തിന്റെ അധീനതയിലായിരുന്നു. പിൽക്കാലത്ത് അവർ ആ അധികാരം കായംകളത്തിന് കൈമാറി. കൊല്ലം 922 -ആണ്ടിൽ വേണാട്ടു രാജാവായിരുന്ന അനിഴം തിരുന്നാൾ മാർത്താണ്ഡവർമ്മ തിരുവല്ല പിടിച്ചെടുത്തു. പത്തില്ലക്കാരിൽ പ്രധാനിയായിരുന്ന വിലക്കിമംഗലത്തു നമ്പൂതിരിക്ക് തിരുവല്ല ക്ഷേത്ര പരിസരത്തായിരുന്ന കൊട്ടാരം ഇടിച്ചു നിരത്തി ഒറ്റരാത്രി കൊണ്ട് മാർത്താണ്ഡവർമ്മയുടെ സൈന്യങ്ങൾ അവിടെ കുളം തോണ്ടി. ക്ഷേത്രത്തിന്റെ പുറത്ത് വടക്കു കിഴക്കായി ഇന്ന് കാണുന്ന ക്ഷേത്രക്കുളം അതാണ്..
അപ്പോസ്തലനായ തോമാശ്ലീഹ AD 52 നോടടുത്ത് നിരണത്ത് കപ്പലിറങ്ങി എന്നാണ് ക്രിസ്തീയ വിശ്വാസം. * തൃക്കപാലേശ്വരം, തൃപ്പെരുന്തുറ, പരുമല പനയന്നാർ കാവ് മുതലായവ ക്ഷേത്രങ്ങളിലെ ശില്പ വേലകൾ അന്യാദൃശ്യമാണ്. തിരുവല്ല സെന്റ് ജോൺസ് കത്തീഡ്രൽ വട്ടശ്രീകോവിലിന്റെ മേൽക്കൂര , വാഴപ്പള്ളി കിണ്ടി, കാരയ്ക്കൽ ഉരുളി, മാന്നാർ കിണ്ണം , നിരണം പെട്ടി ഇവ ഈ ഗ്രാമങ്ങളിലെ ശില്പികളുടെ കരവിരുതിന് നിദർശനമാണ്. തിരുവല്ല ഗ്രാമത്തിലെ പല ആരാധനാലയങ്ങളും കേരളീയ വാസ്തുശില്പശൈലിയുടെ അത്യുദാത്തമാതൃകകളാണ്. Bc57 ൽ സ്ഥാപിതമായതും തറനിരപ്പിൽ നിന്നും53 1/8 അടി ഉയരമുള്ളതുമായ തിരുവല്ല ക്ഷേത്രത്തിലെ കരിങ്കൽ ധ്വജം (ഗരുഡ മാടം) പോലുള്ള ശില്പവേല മറ്റെങ്ങുമില്ല. തിരുവല്ല ST. ജോൺ കത്തിഡ്രലിന്റെ മേൽക്കൂര കൂമ്പൽ ആകൃതിയിൽ നിർമ്മിക്കപ്പെട്ടിരിക്കുന്നു. അതിന്റെ ഉയരം 75 അടിയുo തറയുടെ വിസ്തൃതി 11517 ചതുരശ്ര അടിയുമാണ്. പഴക്കം നിർണ്ണയിക്കുവാൻ പ്രയാസമായ പല കലാരൂപങ്ങളുഠ ഈ നാടിന്റെ സംസ്കാരത്തെ സമ്പന്നമാക്കിയിട്ടുണ്ട്. അഗ്നിക്കിരയായി പോയ തിരുവല്ല കൂത്തമ്പലത്തിലെ കാളിയകം . നിരണം കേരളത്തിലേതെന്ന് മാത്രമല്ല ഭാരതത്തിലെ തന്നെ ഏറ്റവും പ്രാചീനമായ ഒരു കൈസ്തവ കേന്ദ്രമാണ്. നിരണവും പരുമലയും പുണൃസ്ഥലങ്ങളാണ്. ആയിരത്താണ്ടുകളിലായി തിരുവല്ല ഗ്രാമത്തിലും വിശിഷ്യ നിരണത്തും നിലനിന്നിരുന്ന മതസൗഹാർദ്ദത്തെ പല വിദേശ ചരിത്രകാരന്മാരും പ്രകീർത്തിച്ചിട്ടുണ്ട്. ക്രിസ്തുമതത്തിന്റെ വളർച്ചയോടെ നിരണത്തെ ഏറിയ പങ്കും ബ്രാഹ്മണർ ജന്മദേശം ഉപേക്ഷിച്ച് ചേറ്റുവായ്ക്ക് പോയി. തിരുവല്ലയിലും പ്രാന്ത പദേശങ്ങളില ബുദ്ധജൈന മതങ്ങൾക്ക് നിർണ്ണായക സ്വാധീനം ഉണ്ടായിരുന്നു. ഇവിടെ ഇന്നുള്ള പല ശാസ്താക്ഷേത്രങ്ങളും ഒരു കാലത്ത് ബുദ്ധമത സങ്കേതങ്ങളായിരുന്നു. ഭദ്രകാളിക്കാവുകൾ ജൈനധ്യാനസ്ഥലികളായിരുന്നു. കേരളത്തിൽ ഇന്നോളം ലഭ്യമായതിൽ ഏറ്റവും പഴയ വാഴപ്പളളി ശാസനനും മലയാളത്തിലെ ആദ്യത്തെ ഗദ്യഗ്രന്ഥമാണെന്ന് ഇളംകുളം വിശേഷിപ്പിച്ചിട്ടുള്ള തിരുവല്ല ശാസനവും (ദൈർഘ്യം 44 തകിടുകളിലായി 630 വരിക ശാസനം 11-ാം ആറ്റാണ്ടിന്റെ ഉത്തരാർദ്ധവും, ലിപി വട്ടെഴുത്ത്, ഭാഷ പ്രാചീന മലയാളവും . തിരുവല്ല ശാല, നിരണം ശാല, എന്നീ വിദ്യാകേന്ദ്രങ്ങളിൽ വേദങ്ങളും ശാസ്ത്രങ്ങളും ആയുധ വിദ്യയും അഭ്യസിപ്പിച്ചിരുന്നു.

സാമൂഹിക-സാംസ്കാരിക പശ്ചാത്തലം
വാനുലകിനു സമമാക്കിയ നിരണ മഹാദേശേ" എന്ന് കണ്ണശ്ശ മഹാകവി പാടി പുകഴ്ത്തിയ നിരണം എന്ന കൊച്ചു ഗ്രാമത്തിന് മഹത്തായ ഒരു പാരമ്പര്യവും സംസ്കാരവും ഉണ്ട്. തിരുവിതാംകൂർ നാട്ടുരാജ്യമായിരുന്നപ്പോൾ കൊല്ലം ഡിവിഷനിലും. കേരള സംസ്ഥാനം രൂപീകൃതമായപ്പോൾ ആലപ്പുഴ ജില്ലയിലും ഇപ്പോൾ പത്തനംതിട്ട ജില്ലയിലുമായി സ്ഥിതിചെയ്യുന്ന ഈ പ്രദേശം മതസൗഹാർദ്ദത്തിന് മാതൃകയാണ്. 20 ക്രൈസ്തവദേവാലയങ്ങളും 28 ഹൈന്ദവക്ഷേത്രങ്ങളും രണ്ട് മുസ്ലീം ദേവാലയങ്ങളും ഈ ദേശത്ത് സ്ഥിതിചെയ്യുന്നുണ്ട്. അറേബ്യൻ കടലിൽ നിന്നും ഉയർന്നു വന്ന ഈ പ്രദേശത്തെ ആദ്യ ജനപഥവും നിരണം തന്നെ ആയിരുന്നു. നിരണത്തിന് തൊട്ടടുത്ത കടപ്ര, നിരണത്തിന് വടക്ക് അഴിയിടത്തു ചിറ എന്നീ സ്ഥലനാമങ്ങൾ നിരണം പശ്ചിമതീരദേശമാണ് എന്നതിന് തെളിവാണ്. സെന്റ് തോമസ് പായ്ക്കപ്പലിൽ സഞ്ചരിച്ച് നിരണം വടക്കും ഭാഗത്ത് വന്നിറങ്ങിയതായി പറയുന്ന ആ കടവിന് "തോമാത്ത് കടവ് " എന്ന പേര് ഇന്നും നിലനിൽക്കുന്നു. ഇവിടെ ഒരു ആർട്ട് ഗാലറി നിലനിൽക്കുന്നു.
ഉത്തര ഭാരതത്തിൽ ഹാരപ്പ , മോഹർജദാരവിലോ നിലനിന്നിരുന്ന പരിഷ്കൃത ജന സമൂഹത്തിന്റെ അത്രയും സംസ്കാരസമ്പത്തുള ഒരു പ്രദേശമായിരുന്നു നിരണം. AD400 വരെ ഇവിടെ ബുദ്ധമതവും ഉണ്ടായിരുന്നു. ഇവിടെ ഉണ്ടായിരുന്ന ഭൂവുടമ വ്യവസ്ഥ പരിശോധിക്കുമ്പോൾ ഭൂരിഭാഗം ഭൂമിയുടെയും ഉടമകൾ ദേവസ്വങ്ങൾ ആയിരുന്നു എന്ന് മനസിലാക്കാം. ഹരിപ്പാട് ചെമ്പ്രോൽ കൊട്ടാരം, കാവി ദേവസ്വം, ചെറുകോൽ കൊട്ടാരം, തൃക്കപാലീശ്വരം, മുന്നൂറ്റിമംഗലം ദേവസ്വം എന്നിവ ദേവസ്വങ്ങളുടെ വകയായിരുന്നു. പ്രസിദ്ധ ചരിത്രകാരനായ പി. ഉണ്ണികൃഷ്ണൻ നായരുടെ അഭിപ്രായത്തിൽ നിരണം പെട്ടി, കൈമൾ ചേറ്റുവാ കല്പമംഗലം ദേശത്തെ വാക്കയിൽ കൈമൾ കുടുംബത്തിന്റെ ഒരു ശാഖയാണ്. ഇവിടെ നിന്നും പോയ കൈമൾമാർ തങ്ങളുടെ വസ്തുക്കളുടെ പ്രമാണങ്ങൾ ഒരു പെട്ടിയിലാക്കി തൃക്കപാലീശ്വരം ക്ഷേത്രത്തിലെ ശ്രീകോവിലിൽ നിക്ഷേപിച്ചു എന്നും ഈ പെട്ടി നിരണം കൈമൾ കൈശപ്പെടുത്തി എന്നും അതോടുകൂടി ഈ വസ്തുക്കളുടെ അവകാശം ലഭിച്ചതായും പറയുന്നു. ഈ കാരണത്താൽ ആ കുടുംബത്തിന്റെ പേര് " നിരണം പെട്ടിയിൽ " എന്നു പറയുന്നു. ഈ കാരണന്മാർ തൃക്കപാലീശ്വരം ദേവസ്വത്തിലെക്ക് "മിച്ചവാരം" കുടിയാനവന്മാരിൽ നിന്നും പിരിച്ചിരുന്നു. ദേവസ്വംഭൂമിയിൽ കൃഷി ചെയ്ത് ഉപജീവനം നടത്തിയവരായിരുന്നു നിരണം നിവാസികൾ . പമ്പാനദി (കേരളത്തിന്റെ ദക്ഷിണ ഗംഗ) യാൽ ചുറ്റപ്പെട്ടു കിടക്കുന്ന ഈ പ്രദേശത്തിന്റെ സംസ്കാരം നദീതടസംസ്ക്കാരമാകുന്നു. തൃക്കപാലീശ്വരം ക്ഷേത്രത്തിനു വടക്ക് ചാലക്ഷേത്രവും മൈതാനവും ചരിത്രാവശിഷ്ടമായി കാണാം. അക്കാലത്ത് നിലനിന്ന" 'കൂത്തുതറ പള്ളി " ഒരു പ്രസിദ്ധകലാക്ഷേത്രമായിരുന്നു. ഇന്ന് ഇത് തൃക്കപാലീശ്വരം ദേവസ്ഥാനങ്ങള സംരക്ഷണത്തിലാണ്. പ്രാക്തന പ്രസിദ്ധമായ ഒരു ദേശമാണ് നിരണം. വിദേശീയരായ പെരിപ്ലസ്, ടോളമി, പ്ലിനി എന്നിവരുടെ സഞ്ചാര രേഖകളിൽ നിന്നും നിരണം സമ്പൽസമൃദ്ധമായ ഒരു വ്യാപാരകേന്ദ്രമായി പരാമർശിക്കുന്നുണ്ട്. പ്രാചീന ഭാരതത്തിലെ അതിപ്രധാനമായ വ്യാപാര കേന്ദ്രമായിരുന്നു മുചിരസ്സും (കൊടുങ്ങലൂർ) നിൽക്കണ്ടയും (നിരണം) എന്നീ പേരുകളിലറിയപ്പെടുന്നു. ഉണ്ണുനീലിസന്ദേശത്തിൽ നിരണത്തിന്റെ വശ്യതയും സമ്പത്സമുദ്ധിയേയും സൂചിപ്പിക്കുന്നുണ്ട്.
ക്രിസ്ത്വബ്ദം 52 ൽ സെന്റ് തോമസ് വന്നിറങ്ങിയ നിരണം വടക്കും ഭാഗം കൊട്ടച്ചാലിന്റെ തെക്കേകരയിലെ തോമാത്തു കടവ് ചരിത്രബോധനത്തിന്റെ കുറവുകൊണ്ട് പ്രശസ്തികിട്ടാതെ പോയി. ഇവിടെ വന്നിറങ്ങിയ St.Thomas തെക്കോട്ട് സഞ്ചരിച്ച് തൃക്കപാലീശ്വരക്ഷേതത്തിനടുത്ത് എത്തി അതിശയങ്ങൾ പ്രവർത്തിച്ചു. അതു കണ്ടവർ ക്രിസ്തുമത വിശ്വാസികൾ ആയി. അവരിൽ കൂടുതലും ബ്രാഹ്മണരായിരുന്നു. അവിടെ ആരാധനയ്ക്കായി ഇന്ന് നിരണം യരുശലേം മർത്തോമാപള്ളി നിൽക്കുന്ന സ്ഥലത്ത് കുരിശു സ്ഥിപിച്ചു എന്നു വിശ്വസിക്കുന്നു. എന്നാൽ അവിടെ ഉണ്ടായിരുന്ന എതിരാളികൾ കുരിശു പിഴുത് കോലറയാറ്റിൽ എറിഞ്ഞതായി പറയുന്നു . കേരള സഭയുടെ ചരിത്രത്തിൽ നിരണത്തിന്റെ പ്രാധാന്യം ഒട്ടും തന്നെ നിഷേധിക്കാനാവാത്തതാണ്.
St.തോമസിനുശേഷം നിരണം മഹാദേശത്തു വന്നു ചേർന്ന മറ്റൊരു ദിവ്യനായിരുന്നു ഇസ്ലാം ഫക്കീറായിരുന്ന 'മാലിക് ദിനാർ . നിരണത്തിന്റെ ആത്മാവ് കണ്ടെത്തിയ ദാർശനികനും കവിയും പണ്ഡിതനും ചരിത്രകാരനും മതപ്രവാചകനും ആയിരുന്നു മാലിക് ദിനാർ. മതസൗഹാർദ്ദത്തിന് മകുടോദാഹരണമായി ഹൈന്ദവ ദേവാലയത്തിന് അഭിമുഖമായി ഒരു മുസ്ലിം പള്ളി സ്ഥാപിച്ചതും അദ്ദേഹമാണ് . ഈ പള്ളിക്ക് ഏകദേശം 900 വർഷത്തെ പഴക്കമുള്ളതായി കണക്കാക്കുന്നു.
തിരുവിതാംകൂറിന്റെ നിവർത്തനപ്രക്ഷോഭത്തിലുംഇന്ത്യൻ സ്വാതന്ത്രസമരത്തിലും നിരണത്തുകാർ അമൂല്യപങ്കുവഹിച്ചിട്ടുണ്ട് . ഇ ജോൺ ഫിലിപ്പോസ് , കെ. കെ കുരുവിള, എൻ.എസ് കൃഷ്ണപിള്ള തുടങ്ങിയവരുടെ ത്യാഗപൂർണമായ പ്രവർത്തനങ്ങൾ വിസ്മരിക്കാവുന്നതല്ല. 1958 മാറ്റത്തിന്റെ കാഹളം മുഴക്കിക്കൊണ്ട് കാർഷിക മേഖലയിലെ തൊഴിലാളി വർഗ്ഗം തങ്ങളുടെ മോചനത്തിനുവേണ്ടി നടത്തിയ ധീരോദാത്തമായ പോരാട്ടം ചരിത്രത്തിന്റെ ഭാഗമാണ് .
ശ്രീവല്ലഭ മഹാക്ഷേത്രത്തിൽ കഥകളി പ്രധാന വഴിപാടാണ് . പല കാളികാവുകളിലും തീയാട്ട്, കാളിനാടകവും നടത്തപ്പെടുന്നുണ്ട് . നൂറ്റാണ്ടുകളുടെ ചരിത്രവും അതിപ്രാചീനമായ ഐതിഹ്യങ്ങളും കെട്ടുപിണഞ്ഞുകിടക്കുന്ന നാടാണ് കടപ്ര .പരുമല പനയന്നാർകാവിൽ കുത്തിയോട്ടവും കൂത്തും നടത്തപ്പെടുന്നു. പനയന്നാർകാവ് ദേവി ക്ഷേത്രത്തിലെ മനോഹരങ്ങളായ ചുവർചിത്രങ്ങളും കല്ലിലും മരത്തിലും തീ‍ർത്ത അതുല്യങ്ങളായ കൈവേലകൾ കാലപ്പഴക്കത്തെ അതിജീവിച്ചുകൊണ്ട് ഇന്നും നിലനിൽക്കുന്നു. പനയന്നാർകാവും കടപ്ര ദേവീക്ഷേത്രവും ആലംതുരുത്തി ക്ഷേത്രവും നിരണം വലിയ പള്ളിയും കൂടാതെ പുരാതന ദേവാലയങ്ങൾ വേറെയും ഈ പഞ്ചായത്തിലുണ്ട്. വിശ്വാസികളുടെ സാർവത്രികമായ ഭക്തിയും ആരാധനയും സമാർജ്ജിച്ച മാർ ഗ്രിഗോറിയോസ് തിരുമേനി (പരുമല കൊച്ചുതിരുമേനി) യുടെ കബറിടം സ്ഥിതി ചെയ്യുന്ന പരുമല സെമിനാരി പള്ളി ഒരു പ്രമുഖ തീർത്ഥാടന കേന്ദ്രമാണ് . ക്നാനായ വിഭാഗത്തിൽപ്പെട്ട ക്രിസ്ത്യാനികളുടെ ആരാധനാലയമായി നൂറ്റാണ്ട് പഴക്കമുള്ള തേവർകൂഴിപള്ളിയും ,ലത്തീൻ കത്തോലിക്ക ദേവാലയമായ സെൻറ് ഫ്രാൻസിസ് പള്ളിയും ഈ പഞ്ചായത്തിലുണ്ട് . തിരു ആലംതുരുത്തി ക്ഷേത്രം, കടപ്ര തുളിശാലക്ഷേത്രം, കൈനിക്കരക്ഷേത്രം, പെരുമ്പള്ളത്ത് ക്ഷേത്രം, കടപ്ര-മാന്നാർ മഹാലക്ഷ്മി ക്ഷേത്രം ,ഒളഭ്യേത്തുക്ഷേത്രം, പരുമല ആലുംമൂട്ടിൽ ക്ഷേത്രം, പരുമല തിരുവാർമംഗലം ക്ഷേത്രം ,കുരുമ്പേശ്വരക്ഷേത്രം എന്നീ പ്രധാനപ്പെട്ട ക്ഷേത്രങ്ങളും ഈ പഞ്ചായത്തിലുണ്ട് . മണിപ്പുഴയും അറയ്ക്കലും കുടുംബാരാധനാമഠങ്ങൾ ഉണ്ട്. മുൻകാലങ്ങളിൽ ആലംതുരുത്തിയിലും കടപ്ര വടശ്ശേരി കളത്തട്ടിലും ഒറ്റാർകാവിലും പരുമല ആലുംമൂട്ടിലും പടയണികൾ നടന്നിരുന്നു .പനയന്നാർ കാവിൽ കെട്ടുകാളകളുടെ വരവും കുത്തിയോട്ടവും മേടമാസത്തിലെ വിഷു ഉത്സവത്തിൻറെ സവിശേഷതകളായിരുന്നു. റോമൻ കത്തോലിക്ക മതവിശ്വാസികളുടെ മൂന്ന് പള്ളികൾ പണിക്കൻമാടത്ത്,, ആലംതുരുത്തി, വട്ടംവാക്കൽഎന്നീ സ്ഥലങ്ങളിൽ ഉണ്ട്. പുളിക്കീഴ് പള്ളി, വലിയപറമ്പിൽ പള്ളി, പണിക്കംമാടത്തു പള്ളി ,ദേവികുന്നത്തു പള്ളി ,പരുമല കിഴക്ക് സെന്റ് തോമസ് പള്ളി ,സെന്റ് ജോർജ്ജ് പള്ളി , വടക്ക് സെന്റ് മേരീസ് പള്ളി എന്നിവയാണ് മറ്റ് ക്രിസ്തീയ ദേവാലയങ്ങൾ. സരസകവി മൂലൂർ പത്മനാഭപ്പണിക്കരുടെ ജന്മഗൃഹം ഈ പഞ്ചായത്തിലാണ് . ആലംതുരുത്തിയിൽ മുത്താരമ്മൻക്ഷേത്രം ഉണ്ട്. പട്ടികജാതിയിൽപ്പെട്ടവർക്ക് സ്വന്തമായി 7 സ്ഥലങ്ങളിൽ ക്ഷേത്രങ്ങളും ആരാധനാലയങ്ങളും ഉണ്ട്. തമിഴ് വിശ്വബ്രാഹ്മണരുടെ 3 ക്ഷേത്രങ്ങളും വിശ്വകർമ്മരുടെ 3 ആരാധനാലയങ്ങളും ഈ പഞ്ചായത്തിലുണ്ട്. വിദ്യാഭ്യാസ രംഗത്ത് സ്കൂളുകൾ ആരംഭിക്കുന്നതിനു മുമ്പായി ഈ പഞ്ചായത്തിലേയുംസമീപ പ്രദേശങ്ങളിലേയം ആളുകളെ എഴുത്തും വായനയും കണക്കും എല്ലാം പഠിപ്പിച്ചിരുന്നത് മണിപ്പുഴ ആശ്ശാന്മാർ ആയിരുന്നു. അറയ്ക്കൽ നിന്നും ദാനമായി നൽകിയ ഭൂമിയിൽ സർക്കാർവകയായി സ്ഥാപിച്ച പെൺകുട്ടികൾക്കായിുള്ള പള്ളിക്കൂടമാണ് ഇന്നത്തെ കടപ്ര യു പി ജി സ്കൂൾ. 1968 ജൂനിയർ കോളേജ് ആയി ആരംഭിച്ച പരുമല ദേവസ്വം ബോർഡ് പമ്പാ കോളേജ് ഇപ്പോൾ ബിരുദാനന്തര കോഴ്സുകൾ ഉള്ള ഒന്നാം ഗ്രേഡ് കോളേജ് ആയി ഉയർന്നിട്ടുണ്ട് . അര നൂറ്റാണ്ട് പഴക്കമുള്ള ടാഗോർ വായനശാല ,ആലംതുരുത്തി മഹാത്മാ വായനശാല , കടപ്ര കൈരളി വായനശാല എന്നിവ പഞ്ചായത്തിൽ പ്രവർത്തിച്ചു വരുന്നു. മുൻകാലത്ത് ദ്വീപു☢കൾ തമ്മിൽ ബന്ധപ്പെടുവാൻ കഴിയാതെ ഒറ്റപ്പെട്ട കിടന്നിരുന്ന ഈ സ്ഥലം കേരളപ്പിറവിക്കുശേഷം വടക്ക് പുളിക്കീഴ് പാലവും തെക്ക് പന്നായി പാലവും പിൽക്കാലത്ത് പരുമല പാലവും ഇല്ലിമല പാലവും തേവേരി പാലവും ഉണ്ടായതു മുതൽ പഞ്ചായത്തിലെ എല്ലാ ദിക്കുകളുമായി ബന്ധപ്പെടാൻ സൗകര്യങ്ങൾ ഉണ്ടായി .തെങ്ങും നെല്ലും കൃഷിയോടൊപ്പം കരിമ്പും കൃഷിചെയ്തു വന്നിരുന്നു .വ്യാപകമായ കരിമ്പ് കൃഷിയുടെയും ശർക്കര ഉത്പാദനത്തിന്റേയും നിലവാരം പരിഗണിച്ചാണ് സംസ്ഥാനത്തെ ആദ്യത്തെ പഞ്ചസാര ഫാക്ടറി 1945 ഇവിടെ സ്ഥാപിതമായത്. കഴിഞ്ഞ നൂറ്റാണ്ടിന്റെ ആദ്യത്തുതന്നെ പരുമല കാളച്ചന്ത പ്രസിദ്ധിയാർജ്ജിച്ചരുന്നു .ആലുംതുരുത്തി ചിത്തിരപുരം മാർക്കറ്റ് ആയിരുന്നു പഞ്ചായത്തിലെ മറ്റൊരു പ്രധാന വിപണന കേന്ദ്രം .കഴിഞ്ഞ നൂറ്റാണ്ടു വരെയും പഞ്ചായത്തിൽ ആയുർവേദചികിത്സ മാത്രമായിരുന്നു ആരോഗ്യസംരക്ഷണത്തിനായി ഉണ്ടായിരുന്നത് . മറ്റ് രോഗങ്ങളുടെ ചികിത്സയ്ക്ക് ഉള്ളതുപോലെ തന്നെ വിഷചികിത്സയും കണ്ണു ചികിത്സയ്ക്കു പ്രശസ്തരായ വൈദ്യന്മാർ ഉണ്ടായിരുന്നു .ഇപ്പോൾ കണ്ണു രോഗത്തിന് ഒരു ആയുർവേദ ചികിത്സാലയം കോയിക്കൽ തുണ്ടിയിൽ പ്രവർത്തിച്ചുവരുന്നു. അലോപ്പതി ചികിത്സ രംഗത്ത് അറയ്കൽ വേലുപിള്ള ഡോക്ടർ ,പള്ളി കടവിൽ നൈനാൻ ഡോക്ടർ എന്നിവർ ചെറിയതോതിൽ ചികിത്സ നടത്തിയിരുന്നു .പിന്നീട് നെടുമ്പള്ളിൽ ഡോക്ടർ ശങ്കരനാരായണപിള്ള സ്ഥാപിച്ച എസ് എൻ നഴ്സിംഗ് ഹോം ആണ് പഞ്ചായത്തിലും സമീപപ്രദേശങ്ങളിലും പ്രധാന ആരോഗ്യ ചികിത്സ കേന്ദ്രമായി മാറിയത് .കേരളപിറവി ദിനത്തിൽ സർക്കാർ ആയുർവേദ ഡിസ്പെൻസറി പരുമലയിൽ സ്ഥാപിച്ചു. വളഞ്ഞവട്ടത്തെ പമ്പ റിവർ ഫാക്ടറി വക കെട്ടിടത്തിൽ ഇപ്പോൾ ഒരു ഹോമിയോ ഡിസ്പെൻസറി പ്രവർത്തിച്ചുവരുന്നു .വളഞ്ഞവട്ടം പെരുമ്പള്ളം ക്ഷേത്രത്തിനുസമീപം പ്രൈമറി ഹെൽത്ത് സെൻററിൽ ഒരു സബ് ഓഫീസ് പ്രവർത്തിക്കുന്നുണ്ട് . 1956 മുതൽ സർക്കാർ മിഡ്വൈഫ് സെൻറർ പരുമല പ്രവർത്തിച്ചു വന്നിരുന്നു .പരുമല സെമിനാരി വകയായി ആധുനിക സൗകര്യങ്ങളോടുകൂടിയ ഒരു ആശുപത്രി പ്രവർത്തിച്ചു വരുന്നു. പരമ്പരാഗതമായി ചെമ്പിലും ഓടിലും കല്ലിലും വെള്ളിയിലും സ്വർണ്ണത്തിലും മനോഹരമായ ചിത്രവേലകൾചെയ്തിരുന്നകലാകാരന്മാരുടെ നാടാണിത്.
സാഹിത്യം കണ്ണശ്ശ ദിനാചരണം ഫോട്ടോ ഗാലറി1, ഫോട്ടോ ഗാലറി2, ഫോട്ടോ ഗാലറി3, ഫോട്ടോ ഗാലറി4
ലീലാതിലക പ്രസിദ്ധമായ പാട്ടിനെ ചില ഭേദഗതികളോടെ അംഗീകരിച്ച നിരണം കൃതികൾ മലയാളകാവ്യഭാഷയുടെ പരിവർത്തനദശയെ വ്യക്തമാക്കുന്നു .കണ്ണശ്ശരാമായണം ,കണ്ണശ്ശഭാരതം, കണ്ണശ്ശഭാഗവതം ,ശിവരാത്രിമാഹാത്മ്യം, ഭാരതമാല ,ഭാഷാഭഗവത്ഗീത എന്നീ കൃതികൾ രൂപത്തിലും ഭാഷയിലും പുലർത്തുന്ന സാദൃശ്യം മലയാളകവിതയുടെ ഒരു കാലഘട്ടത്തിലെ പ്രത്യേകതയായി കണക്കാക്കുന്നതിന് തെളിവുകൾ ആവശ്യമില്ല . കേരള നവോത്ഥാന നായക കവികളിൽ പ്രഥമ കവികളിൽ പ്രഥമഗണനീയരാണ് കണ്ണശ്ശകവികൾ. എഴുത്തച്ഛന്റെ മുൻഗാമികളാണിവർ. എഴുത്തച്ഛൻ ഗുരുതുല്യരായി പരിഗണിച്ചവർ ഇവരാണെന്ന് പറയുന്നു. നിർഭാഗ്യമെന്നു പറയട്ടെ എഴുത്തച്ഛൻ കുഞ്ചൻ നമ്പ്യാർ ചെറുശ്ശേരി ഇവരോളം മലയാളികൾ കണ്ണശ്ശൻമാരെ കണക്കാക്കുന്നില്ല .എന്നിരുന്നാലും നിരണം കവികൾ കാവ്യരംഗത്തും അതിലൂടെ സാമൂഹിക കാഴ്ചപ്പാടിലും വരുത്തിയ മാറ്റങ്ങൾ നിർണ്ണായകമാണ് .എഴുത്തച്ഛനിലൂടെ നമ്പ്യാരിലൂടെ കുമാരുവിലൂടെ ഒരു മഹാപ്രവാഹമായി നാവോത്ഥാനത്തിന്റെ സാഗരഗർജ്ജനങ്ങളായിമാറി കേരളസമൂഹത്തെ ഇളക്കി മറിച്ചു എന്ന് നാം തിരിച്ചറിയേണ്ടതാണ് . "നമുക്ക് എഴുത്തച്ഛൻ എഴുത്തിന്റെ അച്ഛനാണെങ്കിൽ കണ്ണശ്ശന്മാർ മുത്തച്ഛന്മാരാണ് . അവരാണ് എഴുത്തച്ഛനും വഴികാട്ടിയത് “. ക്രിസ്തുവിനുശേഷം 1450 നും 1550 നും മധ്യേ കണ്ണശ്ശ കവികൾ ജീവിച്ചിരുന്നതായി അനുമാനിക്കുന്നു എന്ന ഉള്ളൂർ സാക്ഷ്യപ്പെടുത്തുന്നു. സാഹിത്യ വിചാരങ്ങളിലും സംസ്കാരിക സമീപനങ്ങളും സാമൂഹികതയുടെ സമസ്യകളിൽ ഇടപെട്ടുകൊണ്ടായിരിക്കണമെന്ന പാഠംകൂടിയാണ് നിരണം കവികൾ ഉൾപ്പെടെയുള്ള നമ്മുടെ ആചാര്യന്മാർ നമ്മെ അവരുടെ കർമ്മങ്ങളിലൂടെയും വാക്കുകളിലൂടെയും ഉദ്ബോധിപ്പിക്കുന്നത് .അങ്ങനെയുള്ള മഹാന്മാരുടെ സ്മാരകങ്ങളായി കേരളത്തിൽ അവരുടെ കർമ്മ ക്ഷേത്രങ്ങളിലോ ജന്മക്ഷേത്രങ്ങളിലോ ഉയർന്ന പ്രകാശം ചൊരിയാനുള്ള സംവിധാനം ജനങ്ങൾ സൃഷ്ടിക്കേണ്ടതാണ്. നമ്മുടെ സാംസ്കാരിക സമ്പത്തുകൾകാത്തുസൂക്ഷിക്കേണ്ടതും ആചാര്യന്മാരെ അനുസ്മരിക്കേണ്ടതും അനിവാര്യമാണ്. പതിനാലാം നൂറ്റാണ്ടിന്റെ അന്ത്യത്തോളം ജീവിച്ചിരുന്ന നിരണം കവികൾക്ക് ഇരുപതാം നൂറ്റാണ്ടിന്റെ അന്ത്യത്തോളം ഉചിതമായ ഒരു സ്മാരകം ഉണ്ടായിരുന്നില്ല .പുരോഗമന കലാ സാഹിത്യ സംഘം ആലപ്പുഴ ജില്ലാ കമ്മിറ്റി 1981 ൽ നിരണത്ത് ഒരു കണ്ണശ്ശ സ്മാാരക സമിതി രൂപീകരിക്കുകയും കണ്ണസ്മാരകമായി കടപ്രയിലുള്ള ഗവൺമെൻറ് ഹൈസ്കൂൾ നാമകരണം ചെയ്യണം എന്നുള്ള നിവേദനം അന്നത്തെ മുഖ്യമന്ത്രി ഇ കെ നായനാർക്കു സമർപ്പിക്കുകയും ചെയ്തു .നിവേദനം പരിഗണിച്ച് കേരള സർക്കാർ സ്കൂളിന് കണ്ണശ്ശസ്മാരക ഗവ :ഹൈസ്കൂൾ എന്നാക്കികൊണ്ടുള്ള ഉത്തരവിറക്കി. അന്നു മുതൽ ആഗസ്റ്റ് 30 കണ്ണശ്ശദിനമായി പുരോഗമന കലാസാഹിത്യസംഘത്തിന്റെ നേതൃത്വത്തിൽ ആഘോഷിച്ചു വരുന്നു.1993 സെപ്റ്റംബർ 27 ന് ഇഎംഎസ് നമ്പൂതിരിപ്പാട് സ്മാരക മന്ദിര ശിലാസ്ഥാപനം നിർവഹിച്ചു .1998 ഓഗസ്റ്റ് 31ന് സ്മാരക മന്ദിരം സ്മാരക മന്ദിരം‍‍ ഉദ്ഘാടനം ചെയ്തു.വിദ്യാരംഭം, സാംസ്കാരിക സമ്മേളനങ്ങൾ ,സാഹിത്യ ക്ലാസുകൾ തുടങ്ങിയവ ട്രസ്റ്റ് സംഘടിപ്പിക്കുന്നു. കണ്ണശ്ശകൃതികളുമായി സഹൃദയരെ കൂടുതൽ ബന്ധപ്പെടത്തുക, കണ്ണശ്ശകൃതികൾക്ക് സ്കൂൾ കോളേജ് പാഠ്യപദ്ധതിയിൽ കൂടുതൽ പ്രാധാന്യം നൽകുകയും ട്രസ്റ്റിന്റെ പരിപാടികൾ കേരളത്തിൽ വിവിധ കേന്ദ്രങ്ങളിൽ വച്ച് നടത്തുകയും പണ്ട് സജീവമായിരുന്ന "കണ്ണശ്ശപീഠം" പുനരാരംഭിക്കുക തുടങ്ങി ക്രിയാത്മക പ്രവർത്തനങ്ങൾ നടന്നു വരുന്നു. ക്രിസ്തുവർഷം പതിനാലാം നൂറ്റാണ്ടിനും ഉത്തരാർദ്ധത്തിൽ ( 1350 - 1375) രചിച്ചു എന്ന് കരുതപ്പെടുന്ന "ഉണ്ണുനീലിസന്ദേശത്തിൽ നിരണം ദേശത്തെ "പെരിയനിരണം" എന്നാണ് വിശേഷിപ്പിച്ചിരുന്നത്.മാടം ചെന്റങ്ങുഡുപതികലാം മാതേവരാവാൻ എന്ന ഭാഗം തൃക്കപാലിശ്വര ക്ഷേത്രത്തെക്കുറിച്ച് ആയിരിക്കണമെന്ന് പ്രസിദ്ധ ഭാഷാപണ്ഡിതനായ ഇളംകുളം കുഞ്ഞൻപിള്ള അഭിപ്രായപ്പെടുന്നു .ഉണ്ണുനീലി സന്ദേശത്തിൽ സന്ദേശ വാഹകനായ ആദിത്യവർമ്മ ചെന്നിത്തല കഴിഞ്ഞ് തൃക്കുരട്ടിയിലെത്തി ശിവനെ തൊഴുത് പരുമലയിൽ നിന്ന് കടപ്ര ക്ഷേത്രത്തിലേക്ക് പമ്പാ നദി കടക്കാൻ ഒരു പാലം ഉണ്ടായിരുന്നതായും അതിപ്പോൾ ഇല്ലെന്നും ഇളംകുളം രേഖപ്പെടുത്തുന്നു ഈ വഴിയിലൂടെ നിരണത്ത് എത്തണമെന്നാണ് സന്ദേശ വാഹകന് നായകൻ നിർദ്ദേശം നൽകുന്നത്. അല്പം ശ്ര്കരം എങ്കിലും മൂന്നു കവികളെയും കോർത്തെടുക്കാൻ പണ്ഡിതന്മാർ ശ്രമിച്ചുവരുന്നു. ഭാരതമാലയുടെ ഏറ്റവും പഴയ താളിയോല ഗ്രന്ഥം കൊല്ലവർഷം 612ൽ പകർത്തിയതാണെന്ന് സാഹിത്യ ചരിത്രകാരനായ ഉള്ളൂർ പറയുന്നു . കാലം കൃത്യമായി അറിയാവുന്ന കണ്ണശ്ശരാമായണത്തിന്റെ ഏറ്റവും പഴയ താളിയോല 694ലേതാണ് . ക്രി.പി.1385 നും 1398 നും ഇടയ്ക്കുണ്ടായ ലീലാതിലകത്തിനു ശേഷമേ ഈ പാട്ടുകൾ ഉണ്ടാകാൻ വഴിയുള്ളൂ . കണ്ണശ്ശൻറെ ഉത്തരരാമായണത്തിലെ മൂന്നു പാട്ടുകളിൽ നിന്നാണ് കവി കുടുംബത്തെ കുറിച്ചുള്ള വിവരങ്ങൾ ലഭിക്കുന്നത് .ഐശ്വര്യ സമൃദ്ധമായിരുന്ന നിരണം ആയിരുന്നു അവരുടെ സ്വദേശം .അവിടെ തൃക്കപാലീശ്വര ക്ഷേത്രത്തിനു പടിഞ്ഞാറു വശത്തെ കണ്ണശ്ശൻ പറമ്പിൽ ഉദയകവീശ്വരനും കവിത ബഹുമാന്യനുമായ ഒരു മഹാപുരുഷൻ വാണിരുന്നു .അദ്ദേഹത്തിന് രണ്ടു പുത്രന്മാരും മൂന്നു പുത്രിമാരും ജനിച്ചു .ഇതിൽ ഇളയപുത്രിയുടെ മകനാണ് രാമായണ കർത്താവായ രാമൻ .ഭഗവത്ഗീത തർജ്ജമ ചെയ്ത മാധവൻ കരുണേശന്റെ മകൻ ആണെന്ന് കരുതുന്നു .ഭാരതമാല കർത്താവായ ശങ്കരൻ മറ്റൊരു മകൻ ആണെന്നാണ് അനുമാനം .അതായത് കണ്ണശ്ശ കവികൾ എന്നറിയപ്പെടുന്നത് രാമപണിക്കർ, മാധവപണിക്കർ ,ശങ്കരപ്പണിക്കർ എന്നീ മൂന്നു പേരെ ചേർത്താണ് . കേട്ടാൽ തമിഴ് എന്നു തോന്നുന്ന ഭാഷാകാവ്യങ്ങൾ രചിച്ചു വന്ന പാട്ട് പ്രസ്ഥാനത്തിൻറെ പതിവുരീതി തകർത്തുകൊണ്ട് പുതിയൊരു ലിപി വ്യവസ്ഥയും ഭാഷാ സമ്പ്രദായവും കാവ്യരചനാരീതിയും സ്വീകരിക്കുകയും മലയാളത്തിന് ഒട്ടേറെ കൃതികൾ നമുക്ക് സമ്മാനിക്കുകയും ചെയ്തവരാണ് കണ്ണശ്ശന്മാർ .ഭാഷാപിതാവായഎഴുത്തച്ഛനുപോലും മാർഗദർശികളായിരുന്നു അവർ .നവോത്ഥാനത്തിന് ശംഖനാദം മുഴക്കിയ കവികളായിരുന്നു കണ്ണശ്ശന്മാർ. ദേവദാസി സമ്പ്രദായത്തിന്റേയും ശൃംഗാരത്തിന്റേയും ഉദ്ഘോഷകരായിരുന്ന മണിപ്രവാള കവികളിൽ നിന്ന് മലയാളഭാഷയെ ഉയർത്തി ഭക്തിപ്രസ്ഥാനത്തിൽ കണ്ണശ്ശന്മാർ പ്രതിഷ്ഠിച്ചു.
ഭൂമിശാസ്ത്രം കടപ്ര
വടക്ക് നെടുംമ്പ്രം ഗ്രാമപഞ്ചായത്ത്, തെക്ക് മാന്നാർ പഞ്ചായത്ത് ,പടിഞ്ഞാറ് നിരണം പഞ്ചായത്ത് ആയി കടപ്ര പഞ്ചായത്ത് നിലകൊള്ളുന്നു .
കടപ്ര ഗ്രാമപഞ്ചായത്ത് ഉൾപ്പെടുന്ന വില്ലേജ് : കടപ്ര
ബ്ലോക്ക് പഞ്ചായത്ത്  : പുളക്കീഴ്
താലൂക്ക്  : തിരുവല്ല
ജില്ല  : പത്തനംതിട്ട
അസംബ്ലി മണ്ഡലം : തിരുവല്ല
പാർലമെൻറ് മണ്ഡലം : പത്തനംതിട്ട
വിസ്തീർണ്ണം : 14.7 ചതുരശ്ര കിലോമീറ്റർ
വാർഡുകൾ  : 15
അതിരുകൾ : കിഴക്ക് -തിരുവൻവണ്ടൂർ , വടക്ക് - നെടുമ്പ്രം ഗ്രാമ പഞ്ചായത്ത് , തെക്ക് - മാന്നാർ പഞ്ചായത്ത് , പടിഞ്ഞാറ് -നിരണം പഞ്ചായത്ത്
ജനസംഖ്യ – 24691
പരുഷന്മാർ - 12100
സ്ത്രീകൾ -12591
സാക്ഷരത - 99.56%
ഈ പഞ്ചായത്തിലെ നിലവിലുള്ള സർക്കാർ സ്ഥാപനങ്ങൾ -
പഞ്ചായത്ത് ഓഫീസ് , വില്ലേജ് ഓഫീസ് , പോലീസ് സ്റ്റേഷൻ , ബ്ലോക്ക് ഓഫീസ് , സബ് രജിസ്ട്രാർ ഓഫീസ്, കൃഷിഭവൻ, മൃഗാശുപത്രി, പ്രാഥമികാരോഗ്യകേന്ദ്രം , ആയുർവേദ ഡിസ്പെൻസറി , ഹോമിയോ ഡിസ്പെൻസറി, സർവീസ് സഹകരണ സംഘം, പോസ്റ്റ് ഓഫീസ്, വ്യവസായ സഹകരണ സംഘം, ക്ഷീര വികസന ഓഫീസ്
വിദ്യാലയങ്ങൾ -ലോവർ പ്രൈമറി സ്കൂളുകൾ, പ്രൈമറി സ്കൂളിൾ, ഹയർ സെക്കൻഡറി സ്കൂൾ, യുപി ,എച്ച്എസ് വിദ്യാലയം ,ഐ ടി ഐ, കോളേജ് -ദേവസ്വം ബോർഡ് പമ്പാ കോളേജ് , സെൻട്രൽ ബാങ്ക് ഓഫ് ഇന്ത്യ, ഇന്ത്യൻ ഓവർസീസ് ബാങ്ക് , ട്രാവൻകൂർ ഷുഗേഴ്സ് ആൻഡ് കെമിക്കൽസ് ലിമിറ്റഡ് , പഞ്ചായത്ത് മാർക്കറ്റ് ആലംതുരുത്തി ,പരുമല കാളച്ചന്ത,
സ്വകാര്യ ആശുപത്രികളൾ – S N നഴ്സിംഗ് ഹോം കടപ്ര ,സെന്റ് ഗ്രഗോറിയോസ് മിഷൻ ഹോസ്പിറ്റൽ പരുമല.
വാനുലകിനു സമമാകിയ നിരണം മഹാദേശം എന്ന് കണ്ണശ്ശന്മാർ വാഴ്ത്തിയ പ്രദേശത്തിന്റെ ഭാഗമാണ് കടപ്ര പഞ്ചായത്ത് .1053 പ്രായപൂർത്തി തിരഞ്ഞെടുപ്പ് നടത്തി പഞ്ചായത്തുകൾ രൂപീകരിച്ചപ്പോൾ വടക്കുംഭാഗം കര, കിഴക്കുംഭാഗം കരയിൽനിരണം പഞ്ചായത്തിൽ ഉൾപ്പെടുത്തി ബാക്കിഭാഗമാണ് കടപ്ര പഞ്ചായത്ത്.
പമ്പാനദി കടപ്ര പഞ്ചായത്തിന്റെ കിഴക്കേ അതിർത്തിയായ പാണ്ടനാട് പഞ്ചായത്തിലെ കുത്തിയതോട് എന്ന സ്ഥലത്തുവെച്ച് രണ്ടായി പിരിഞ്ഞ് പഞ്ചായത്തിന്റെ ഏകദേശം മധ്യഭാഗത്തുകൂടി ഒഴുകി അച്ചൻകോവിലാറുമായി യോജിച്ച് പഞ്ചായത്തിന്റെ തെകകേ അതിർത്തിയിൽ കൂടി ഒഴുകുന്നു. അച്ചൻകോവിൽ ,പമ്പ ,മണിമല ആറുകൾ വർഷക്കാലത്ത് ശക്തമായ മഴവെള്ളപ്പാച്ചിൽ കൊണ്ട് അറബിക്കടലിനെ തള്ളി മാറ്റി മണൽ എക്കൽ വഹിച്ചുകൊണ്ടുവന്ന വിഭവങ്ങൾ നിക്ഷേപിച്ച് ഒരുക്കിയ കുട്ടനാടിന്റെ തുടക്കം കടപ്ര പ്രദേശത്തുനിന്നും ആണ് .ഈ പ്രദേശത്തെ മണ്ണ് തീരപ്രദേശത്തെ മണ്ണിനോടു സാമ്യമുണ്ട് . കടപ്രയും പരുമലയും വടക്കുഭാഗം ഒഴികെയുള്ള നിരണം-കടപ്ര പഞ്ചായത്തുകളുടെ ഭാഗങ്ങൾ മേ ൽ പ്രകാരം നദികൾ നിക്ഷേപിച്ചുയർത്തിയ ഫലഭൂയിഷ്ഠമായ എക്കൽ ,കൃഷിക്ക് ഉത്തമവുണ്. ഭാവനാസമ്പന്നരായ പൂർവികർ ചെളിയും ചവറും ഉയർത്തി ചക്രങ്ങൾ വച്ചു ചവുട്ടി നിലം ഒരുക്കിനിലങ്ങൾകൃഷിക്കു ഉപയോഗിച്ചുവരുന്നു. ഇന്നത്തെ കടപ്രയുടെ സാമൂഹ്യ പശ്ചാത്തലം ഇതാണ് .ദ്വാപരയുഗം മുതലുള്ള കടപ്രയുടെ ചരിത്രം നമുക്ക് വ്യക്തമായ തെളിവുകൾ ഇല്ലാതെയാണെങ്കിലും നമുക്ക് അറിയാൻ കഴിയുന്നുണ്ട് ..1953 ൽ രൂപം പ്രാപിച്ച പഞ്ചായത്ത് ഇപ്പോൾ സ്പെഷ്യൽ ഗ്രേഡ് പഞ്ചായത്തായി ഉയർന്നിട്ടുണ്ട്. ബുധനൂർ -പാവുക്കര -കുട്ടംപേരൂർ -കുരട്ടിക്കാട് -നിരണം പ്രദേശങ്ങളിലെ ഇഷ്ടിക നിർമ്മാണം ,പരുമല മെഴുകുതിരി നിർമ്മാണം ,പുളിക്കീഴ് ഭാഗത്തെ കരിമ്പു ചക്കുകൾ( ശർക്കര നിർമ്മാണം), പുതുക്കരിയിലെ മത്സ്യകൃഷി, മൺചട്ടി നിർമ്മാണം, സാധ്യതകൾ തുടങ്ങിയ നാടിൻറെ നട്ടെല്ലായ പരമ്പരാഗത തൊഴിലുകൾ ഈ നാടിന് നഷ്ടപ്പെട്ടുകൊണ്ടിരിക്കുന്നു.
ആഴ്വാർ പ്രകീർത്തിച്ച ചെന്താമരപൂക്കളും കരിങ്കൂവളപ്പൂക്കളും വിരിഞ്ഞു നിന്ന തടാകങ്ങളും കുളിർമ്മയുള്ള തണൽ വിരിച്ചു നിന്നിരുന്ന വഴിയോരത്തെ ചോലമരങ്ങളും തണ്ണീർപന്തലുകളും അപ്രത്യക്ഷമായി .കരിമ്പും ചെന്നെല്ലും വിരിഞ്ഞിരുന്ന വയലുകൾ ശൂന്യമായി .അമൃതവാഹിനികളായിരുന്ന പമ്പയും മണിമലയും മരിച്ചുകൊണ്ടിരിക്കുന്നു.
തിളക്കമാർന്ന ഗതകാല സ്മരണകളാണ് ഇന്ന് ഈ നാടിനെ നയിക്കുന്നത്.
( കടപ്പാട്: കണ്ണശ്ശസ്മാരക ട്രസ്റ്റ്, കണ്ണശ്ശസ്മരണിക, കണ്ണശ്ശ ഗ്രന്ഥാലയം, ഗ്രാമപഞ്ചായത്ത് -കടപ്ര )

ഭൗതികസൗകര്യങ്ങൾ

ലൈബ്രറി, വിവിധ ലബോറട്ടികൾ ,ഐ.റ്റി.പരിശീലന ലാബ് ഇവ സജീവമായി പ്രവർത്തിച്ചു വരുന്നു.എസ്.എസ്.എ യുടെയും ആർ എം എസ് എ യുടെയും വിവിധ ഇനം ഗ്രാൻറുകൾ പ്രവർത്തിച്ച വരുന്നു. കലാകയിക രംഗങ്ങളിൽ ഈ സ്കൂളിലെ കുട്ടികൾ മികവുപുലർത്തുന്നു. പാഠ്യ പാഠ്യേതര വിഷയങ്ങളിലും ഉന്നതനിലവാരം കാഴ്ചവെയ്കുന്നു. എസ്.എസ്.എൽ,സി. യ്ക്കു മെച്ചപ്പെട്ട വിജയശതമാനം വർഷങ്ങളായി സ്കൂളിന് ലഭിക്കുന്നുണ്ട്. കുട്ടികളുടെ സ്വഭാവം, പഠനം,കലാകയികം ഇവ മെച്ചപ്പെടുത്തുവാൻ പ്രതിബദ്ധതയോടെ പ്രവർത്തികുന്ന ഒരു കൂട്ടം അധ്യാപകർ ‍ ഈ സ്കുളിനുണ്ട്. അതോടൊപ്പം സ്കുളിന്റെ വികസനോന്മൂഖമായ പ്രവർത്തനങ്ങളിലും ഭൗതികസാഹചര്യങ്ങൾ, പഠനസാഹചര്യങ്ങൾ ഇവ മെച്ചപ്പെത്താനുളള സംരംഭങ്ങളിലും സജീവ സാന്നിദ്ധ്യമറിയിക്കുന്ന ഒരു പി റ്റി എ യും ഉണ്ട്. തൊട്ടടുത്ത് ധാരാളം ഇംഗ്ലിഷ് മീഡിയം സ്കുളുകൾ കൂണുപോലെ മുളച്ചുപൊങ്ങുന്നതു മൂലം ഈ സ്കുളിൽ കുട്ടികളുടെ എണ്ണം കുറഞ്ഞുവരുന്നുണ്ട്.എങ്കിലും സാധാരണക്കാരുടെ കുട്ടികളെ വിജയത്തിന്റെ പാതയിലേക്ക് കൈപിടിച്ചുയർത്താനാവുന്നു എന്ന ചാരിതാർത്ഥ്യം ഇവിടുത്തെ അധ്യാപകർക്കും പി.റ്റി.എ. അംഗങ്ങൾക്കുമുണ്ട്. പരസ്പരസ്നേഹത്തിന്റെയും സൗഹാർദ്ദത്തിന്റേയും കളരിയാകുന്നു ഈ സരസ്വതീക്ഷത്രം. ഹൈസ്കൂളിനും ഹയർസെക്കണ്ടറിക്കും വെവ്വേറെ കമ്പ്യൂട്ടർ ലാബുകളുണ്ട്. രണ്ട് ലാബുകളിലും ബ്രോഡ്ബാന്റ് ഇന്റർനെറ്റ് സൗകര്യം ലഭ്യമാണ്. സ്മാർട് റൂം സജ്ജീകരിച്ചിരിക്കുന്നു ഹൈടെക് പദ്ധതിയുടെ ഭാഗമായി ഹൈസ്കൂൾ വിഭാഗത്തിലെ ക്ലാസ് മുറികളുടെ ഭൗതിക സാഹചര്യം മെച്ചപ്പെടുത്തി, ലാപ് ടോപ്പ്,പ്രൊജക്ടർ, ക്ലാസ് ലൈബ്രറി ഇവ സജ്ജീകരിച്ചു.

പാഠ്യേതര പ്രവർത്തനങ്ങൾ

ദിനാചരണങ്ങൾ

മാനേജ്മെന്റ്

മുൻ സാരഥികൾ

സ്കൂളിന്റെ മുൻ പ്രധാനാദ്ധ്യാപകർ.

പ്രശസ്തരായ പൂർവവിദ്യാർത്ഥികൾ

ശ്രീ.രാജൻ I A S

ഹായ് സ്കൂൾ കുട്ടിക്കൂട്ടം

ശ്വേത സുരേഷ്, പ്രസീത പി‍,

സ്കൂൾ ഫോട്ടോകൾ

  • school

    school

ഹൈടെക് കെട്ടിടം ഉത്ഘാടനം ബഹു.മുഖ്യമന്ത്രി ശ്രീ.പിണറായി വിജയൻ

വഴികാട്ടി

*തിരുവല്ലയിൽ നിന്നും 8 km മാറി തിരുവല്ല മാന്നാർ റൂട്ടിൽ ആലംതുരുത്തി ജംഗ്ഷനു ( വള‍‍ഞ്ഞവട്ടം ) സമീപം ആലംതുരുത്തി അമ്പലത്തിനു് എതിർവശം റോഡരികിൽ .

*മാവേലിക്കരയിൽ നിന്നും 14 km മാറി മാവേലിക്കര - തിരുവല്ല റൂട്ടിൽ ആലംതുരുത്തി പാലം കഴിഞ്ഞ് ആലംതുരുത്തി അമ്പലത്തിനു എതിർവശം റോഡരികിൽ .{{#multimaps:9.352058,76.538224|zomm=15}}


"https://schoolwiki.in/index.php?title=കണ്ണശ്ശ_സ്മാരക_ഗവ._ഹയർസെക്കണ്ടറി_സ്കൂൾ_കടപ്ര&oldid=1799180" എന്ന താളിൽനിന്ന് ശേഖരിച്ചത്