ഗവ. എൽ പി എസ് മേട്ടുക്കട
| സ്കൂൾ | സൗകര്യങ്ങൾ | പ്രവർത്തനങ്ങൾ | ക്ലബ്ബുകൾ | ചരിത്രം | അംഗീകാരം |
| ഗവ. എൽ പി എസ് മേട്ടുക്കട | |
|---|---|
 | |
| വിലാസം | |
മേട്ടുക്കട ഗവ. എൽ. പി. എസ്. മേട്ടുക്കട , മേട്ടുക്കട , തൈക്കാട് പി.ഒ. , 695014 , തിരുവനന്തപുരം ജില്ല | |
| സ്ഥാപിതം | 0 - 0 - 1931 |
| വിവരങ്ങൾ | |
| ഫോൺ | 4712323433 |
| ഇമെയിൽ | glpsmettukada@gmail.com |
| കോഡുകൾ | |
| സ്കൂൾ കോഡ് | 43233 (സമേതം) |
| യുഡൈസ് കോഡ് | 32141101404 |
| വിദ്യാഭ്യാസ ഭരണസംവിധാനം | |
| റവന്യൂ ജില്ല | തിരുവനന്തപുരം |
| വിദ്യാഭ്യാസ ജില്ല | തിരുവനന്തപുരം |
| ഉപജില്ല | തിരുവനന്തപുരം സൗത്ത് |
| ഭരണസംവിധാനം | |
| ലോകസഭാമണ്ഡലം | തിരുവനന്തപുരം |
| നിയമസഭാമണ്ഡലം | തിരുവനന്തപുരം |
| താലൂക്ക് | തിരുവനന്തപുരം |
| തദ്ദേശസ്വയംഭരണസ്ഥാപനം | തിരുവനന്തപുരം കോർപ്പറേഷൻ |
| വാർഡ് | 28 |
| സ്കൂൾ ഭരണ വിഭാഗം | |
| സ്കൂൾ ഭരണ വിഭാഗം | സർക്കാർ |
| സ്കൂൾ വിഭാഗം | പൊതുവിദ്യാലയം |
| പഠന വിഭാഗങ്ങൾ | എൽ.പി യു.പി |
| സ്കൂൾ തലം | 1 മുതൽ 5 വരെ |
| മാദ്ധ്യമം | മലയാളം, ഇംഗ്ലീഷ് |
| സ്ഥിതിവിവരക്കണക്ക് | |
| ആൺകുട്ടികൾ | 44 |
| പെൺകുട്ടികൾ | 36 |
| ആകെ വിദ്യാർത്ഥികൾ | 80 |
| അദ്ധ്യാപകർ | 5 |
| സ്കൂൾ നേതൃത്വം | |
| പ്രധാന അദ്ധ്യാപിക | രാജശ്രീ പി റ്റി |
| പി.ടി.എ. പ്രസിഡണ്ട് | അമൃത എസ് |
| എം.പി.ടി.എ. പ്രസിഡണ്ട് | ജിൻസി |
| അവസാനം തിരുത്തിയത് | |
| 18-03-2024 | 43233-TVM |
93 വർഷം പഴക്കമുള്ളതും പഴമയുടെ പെരുമ കാത്തുസൂക്ഷിക്കുന്നതുമായ ഗവണ്മെന്റ് എൽ. പി. എസ് മേട്ടുക്കട തിരുവനന്തപുരം ജില്ലയിൽ സൗത്ത് സബ് ജില്ലയിൽ സ്ഥിതി ചെയ്യുന്നു.
സ്റ്റാർസ് പദ്ധതി പ്രകാരം എസ്. എസ്. കെ വഴി ലഭിച്ച പത്തു ലക്ഷം രൂപയുടെ പ്രീ -പ്രൈമറി നവീകരണ പ്രൊജക്റ്റ്‌ ആയ "വർണ്ണക്കൂടാരത്തിന്റെ "പ്രവർത്തനങ്ങൾ പുരോഗമിച്ചു വരുന്നു.
ചരിത്രം
ഭൗതികസൗകര്യങ്ങൾ
എല്ലാ ക്ലാസ്സ്‌ മുറികളിലും ആവശ്യത്തിന് ഫർണിച്ചറുകൾ ലഭ്യമാണ്. ക്ലാസ്സുകളിൽ ലൈബ്രറി, കമ്പ്യൂട്ടർ ലാബ്, കുട്ടികളുടെ പാർക്ക്‌, ശുചിമുറികൾ എന്നിവയെല്ലാം ഉണ്ട്.
പാഠ്യേതര പ്രവർത്തനങ്ങൾ
സ്കൂൾ മാഗസിൻ.
"ശലഭം"എന്ന പേരിൽ 2023-24 അധ്യായന വർഷത്തിൽ ഒന്നു മുതൽ അഞ്ചു വരെയുള്ള ക്ലാസ്സുകളിലെ കുട്ടികളുടെ രചനകൾ ഉൾപ്പെടുത്തി മാഗസിൻ പുറത്തിറക്കി .
ക്ലബ്ബ് പ്രവർത്തനങ്ങൾ.
ഗണിത ക്ലബ് ,ആർട്സ് ക്ലബ് ,പരിസ്ഥിതി ക്ലബ് ,സോഷ്യൽ സയൻസ് ക്ലബ് ,സ്പോർട്സ് ക്ലബ് ,സയൻസ് ക്ലബ് ,ഹെൽത്ത്‌ ക്ലബ് തുടങ്ങി പലതരം ക്ലബ്ബുകൾ പ്രവർത്തിക്കുന്നു . ക്ലബ്ബുകളുടെ ചുമതല അദ്ധ്യാപകർക്ക് വിഭജിച്ച് നല്കിയിട്ടുണ്ട് . ക്ലബ് ലീഡർ ആയി ഓരോ കുട്ടിയെയും തിരഞ്ഞെടുത്തു . ആഴ്ചയിൽ ഒരിക്കല് ഓരോ ക്ലബ്ബുകളുടെയും മീറ്റിംഗ് വിളിക്കുകയും ആ ആഴ്ചയിൽ ചെയ്യേണ്ട കാര്യങ്ങൾ ചർച്ച ചെയ്തു തീരുമാനിച്ചു നടപ്പിലാക്കുന്നു .
*ഗണിത ക്ലബ്
ഗണിതത്തിൽ പിന്നോക്കാവസ്ഥയിൽ ഉള്ള കുട്ടികൾക്കായി ഗണിത കളികൾ, ഗണിത പസിൽ, ഗണിതവുമായി ബന്ധപ്പെട്ട കഥകൾ, വീഡിയോസ് എന്നിവ നൽകി ഗണിതം ലളിതവും രസപ്രദവുമാക്കി.
*ആട്സ് ക്ലബ്
കുട്ടികളുടെ കലാവാസനകൾ കണ്ടെത്തി അവർക്ക് പ്രോത്സാഹനം നൽകാനും പിന്നോക്കം നിൽക്കുന്നവർക്ക് അത്യാവശ്യം വേണ്ട പിന്തുണ നൽകി അവരെ മുൻപന്തിയിൽ കൊണ്ട് വരാനും ആർട്സ് ക്ലബ് പ്രവർത്തനങ്ങൾക്ക് കഴിഞ്ഞു.
*പരിസ്ഥിതി ക്ലബ്
ജൂൺ 5 ന് പരിസ്ഥിതി ദിനം സമുചിതമായി ആഘോഷിച്ചു. സ്കൂളിൽ വൃക്ഷ തൈ നട്ടു പിടിപ്പിച്ചു. മരങ്ങൾ സംരക്ഷിക്കേണ്ടതിന്റെ ആവശ്യകത കുട്ടികളെ ബോധ്യപ്പെടുത്തി.
കുട്ടികൾ പ്ലകാർഡ്‌സ്, തയ്യാറാക്കി. പരിസ്ഥിതി ദിന ക്വിസ്, ചിത്രരചന എന്നിവ നടത്തി.
*സോഷ്യൽ സയൻസ് ക്ലബ്
ഹിരോഷിമ, നാഗസാക്കി ദിനവുമായി ബന്ധപ്പെട്ടു 1,2 ക്ലാസ്സുകളിൽ ചിത്രരചനയും 3,4,5 ക്ലാസ്സുകളിൽ കവിത മത്സരം, പോസ്റ്റർ നിർമ്മാണം, സടാക്കോ കൊക്ക് നിർമാണം എന്നിവ നടത്തി.
ഓഗസ്റ്റ് 15 സ്വാതന്ത്ര്യദിനം വാർഡ് കൗൺസിലർ ഉത്ഘാടനം നിർവഹിച്ചു. കുട്ടികളുടെ വിവിധ കലാപരിപാടികൾ, പ്രസംഗം, പ്രഛ്ന്ന വേഷം തുടങ്ങിയവ സംഘടിപ്പിച്ചു.
*സയൻസ് ക്ലബ്
ചന്ദ്രദിനവുമായി ബന്ധപ്പെട്ട് ചാന്ദ്രദിന ക്വിസ്, പോസ്റ്റർ നിർമാണ, റോക്കറ്റ് നിർമാണം, വീഡിയോ പ്രദർശനം എന്നിവ ഉണ്ടായിരുന്നു. പ്രത്യേക അസംബ്ലി സംഘടിപ്പിച്ചു.
ഓരോ ആഴ്ചയിലും ഓരോ ക്ലാസ്സിൽ നിന്നും ശാസ്ത്ര പരീക്ഷണം നടത്താനായി കുട്ടികളെ തിരഞ്ഞെടുത്തു.
*ഹെൽത്ത്‌ ക്ലബ്
സ്കൂളിൽ ഗ്രീൻ ആർമി രൂപീകരിച്ച് ശുചിത്വവുമായി ബന്ധപ്പെട്ട പ്രവർത്തനങ്ങൾ അവരെ ഏൽപ്പിച്ചു.
പഠനോത്സവം
ഈ അധ്യയന വർഷത്തെ സ്കൂൾതല പഠനോത്സവം മാർച്ച്‌ 7 ന് വാർഡ് കൗൺസിലർ ഉത്ഘാടനം നടത്തി.
കുട്ടികളുടെ മികവിന്റെ വേദി ആയിരുന്നു പഠനോത്സവം. ആടിയും പാടിയും അഭിനയിച്ചും അന്നത്തെ ദിവസം കുട്ടികൾ മികവുറ്റത്താക്കി.
ഭക്ഷ്യമേള
മാർച്ച്‌ 13 ന് സ്കൂളിൽ ഭക്ഷ്യമേള സംഘടിപ്പിച്ചു.
കുട്ടികൾ ഏവരും സന്തോഷത്തോടെ ഈ മേളയിൽ പങ്കാളികളായി. വിവിധ രുചികൂട്ടുകൾ പര്സപരം കണ്ടും അറിഞ്ഞും രുചിച്ചും അവർ സന്തോഷം പങ്കിട്ടു.
ഗാന്ധി ദർശൻ
ഗാന്ധി ദർശൻ ക്ലബ്ബിന്റെ ഉത്ഘാടനം 24/07/23 ന് രാവിലെ 10 മണിക്ക് എം. എം. ഉമ്മർ ഗാന്ധി പീസ് ഫൌണ്ടേഷൻ ജോയിന്റ് സെക്രട്ടറി നിർവഹിച്ചു. അദ്ദേഹത്തിന്റെ നേതൃത്വത്തിൽ നടന്ന ക്ലാസ് കുട്ടികൾക്കു രസവും ഉപകാരപ്രദവും ആയിരുന്നു.
വിദ്യാരംഗം
19/06/23 വായനദിനം സിവിൽ സർവീസ് പരീക്ഷയിൽ ഉന്നത വിജയം കരസ്ഥമാക്കിയ ആരാധിക നായർ എം. ബി ഉത്ഘാടനം നിർവഹിച്ചു. കുഞ്ഞു എഴുത്ത്. കുഞ്ഞു വായന, അമ്മ വായന, പ്രത്യേക അസ്സബ്ലി, വായനക്കാർഡ്, ആൽബം തയ്യാറാക്കൽ, പോസ്റ്റർ നിർമ്മാണം എന്നിവ സംഘടിപ്പിച്ചു.
ജൂലൈ 5 ബഷീർ ദിനത്തിൽ ബഷീർ കഥാപാത്രങ്ങളെ പരിചയപ്പെടുത്തികൊണ്ട് ആഘോഷിച്ചു.
വായനയിൽ താല്പര്യം ഉണ്ടാക്കാൻ ഓരോ ദിവസത്തെയും പത്രവാർത്തയിൽ നിന്നും 5 ചോദ്യങ്ങൾ കണ്ടെത്തി എഴുതി ഓരോ ക്ലാസ്സിലും പ്രദർശിപ്പിക്കുകയും ശരിയുത്തരം കണ്ടെത്തുന്ന കുട്ടികളിൽ നിന്നും വിജയിയെ തെരഞ്ഞെടുത്തു അസംബ്ലയിൽ സമ്മാന ദാനം നടത്തി.
വാങ്മയം ഭാഷാ പ്രതിഭ മത്സരം നടത്തി വിജയികളെ കണ്ടെത്തി.
സ്കൂൾ വാർഷികം
മാർച്ച്‌ 7 ന് സ്കൂൾ വാർഷികം ഗംഭീരമായി ആഘോഷിച്ചു.
വാർഡ് കൗൺസിലർ ഉത്ഘാടനം നിർവഹിച്ചു. മജീഷ്യൻ മനു പൂജപ്പുര വിശിഷ്‌ട അഥിതി ആയിരുന്നു.
കുട്ടികൾക്കായി അദ്ദേഹം മികവാർന്ന മാജിക് അവതരിപ്പിച്ചു.
പ്രസ്തുത ചടങ്ങിൽ എൽ. എസ് എസ് വിജയികൾക്കും, വിവിധ സ്കൂൾ തല മത്സരങ്ങളിൽ വിജയിച്ചവർക്കും സബ്ജില്ലാ ശാസ്ത്രമേള /കലോത്സവം എന്നിവയിൽ വിജയിച്ച കുട്ടികൾക്കും ഉള്ള സമ്മാന ദാനം നടത്തി. തുടർന്ന് കുട്ടികളുടെ വിവിധ കലാപരിപാടികൾ അരങ്ങേരി.
*വിനോദയാത്ര
31/01/24 ബുധൻ സ്കൂളിൽ നിന്നും ഹാപ്പി ലാൻഡ് അമ്യൂസ്മെന്റ് പാർക്കിലേക്കു പഠന വിനോദ യാത്ര സംഘടിപ്പിച്ചു.
കുട്ടികൾക്ക് വളരെ രസകരവും ഉല്ലാസകരവും ആയിരുന്നു ഈ യാത്ര.
*വർണ്ണക്കൂടാരം
പ്രീ -പ്രൈമറി കുഞ്ഞുങ്ങളുടെ വികസമേഖലകൾക്കും പഞ്ചേന്ദ്രിയ അനുഭവങ്ങൾക്കും പ്രാധാന്യം നൽകുന്ന അനുഭവ സമൃദ്ധമായ ഇടങ്ങൾ വിഭവനം ചെയ്യുന്ന പ്രീ പ്രൈമറി നവീകരണ പദ്ധതിയായ "വർണ്ണക്കൂടാരം "ഈ അധ്യയന വർഷം നമ്മുടെ വിദ്യാലയത്തിന് ലഭിച്ചു. അന്താരാഷ്ട്ര നിലവാരത്തിലുള്ള പ്രീ സ്കൂൾ വിദ്യാഭ്യാസം ഉറപ്പാക്കുന്ന തരത്തിൽ 13 പ്രവർത്തന ഇടങ്ങൾ ആണ് ഇവിടെ സജ്ജീകരിച്ചിരിക്കുന്നത്. 10 ലക്ഷം രൂപയാണ് ഈ പദ്ധതിക്കായി ഓരോ വിദ്യാലയത്തിനും അനുവദിക്കുന്നത്.2023 നവംബറിൽ ആണ് നമ്മുടെ വിദ്യാലയത്തിനു വർണ്ണക്കൂടാരം പദ്ധതി അനുവദിച്ചു വന്നത്.2024 ഫെബ്രുവരി 2 ന് ഇതിന്റെ നിർമാണോത്ഘാടനം ബഹുമാനപ്പെട്ട എം. എൽ. എ ശ്രീ ആന്റണി രാജു നിർവഹിച്ചു. ആയതിന്റെ പ്രവർത്തങ്ങൾ പുരോഗമിച്ചു വരുന്നു.
ഇടങ്ങൾ
1. ഭാഷാവികസന ഇടം.
2. ഗണിത ഇടം
3. വരയിടം
4. ശാസ്ത്രയിടം
5. നിർമ്മാണ ഇടം
6. കരകൗശല ഇടം
7. അകം കളിയിടം
8. പുറം കളിയിടം
9. കുഞ്ഞരങ്ങ്
10. ഹരിത ഇടം
11. സെൻസറി ഇടം.
12. ആട്ടവും പാട്ടും
13. ഇ -ഇടം
മാനേജ്മെന്റ്
തിരുവനന്തപുരം നഗരസഭയുടെ നിയന്ത്രണത്തിലാണ് ഈ വിദ്യാലയം. സ്കൂൾ മാനേജ്മെന്റിന് ഏകീകൃത സംവിധാനത്തിൻ കീഴിൽ എല്ലാ സ്രോതസുകളിൽ നിന്നും സഹായങ്ങൾ ല ഭ്യമാകുന്നു. കോർപറേഷൻ, വിദ്യാഭ്യാസവകുപ്പ്, യു. ആർ. സി സൗത്ത്, വാർഡ് കൗൺസിൽ, വിദ്യാലയ വികസന സമിതി, പി. റ്റി. എ, എസ്. എം. സി, എം.പി. റ്റി. എ എന്നിവിടങ്ങളിൽ നിന്നെല്ലാമുള്ള നിർദേശങ്ങളും സഹായങ്ങളും വിദ്യാലയ പ്രവർത്തനങ്ങൾക്ക് ലഭിക്കുന്നു.
മുൻ സാരഥികൾ
2008 മുതൽ 2013 വരെ സേവനമനുഷ്ഠിച്ചിരുന്ന ശ്രീമതി. ഗീത. സി ആണ് നിലവിൽ ഏറ്റവും കൂടുതൽ വർഷം ഈ വിദ്യാലയത്തിൽ സേവനമനുഷ്ഠിച്ചിരുന്ന പ്രഥമാധ്യാ പിക . ഈ ടീച്ചറിന്റെ കാലഘട്ടത്തിലാണ് ഇന്ന് കാണുന്ന വികസന പ്രവർത്തനങ്ങൾ എല്ലാം നടത്തിയത്. അന്നത്തെ അദ്ധ്യാപകരായ ലോറെൻസ്, മൻസൂർ എന്നിവരും വികസന പ്രവർത്തങ്ങൾക്കാവശ്യമായ സഹായങ്ങൾക്ക് മുൻപന്തിയിൽ ഉണ്ടായിരുന്നവർ ആണ്.
| ക്രമ നംബർ | പേരുകൾ | കാലഘട്ടം |
|---|---|---|
| 1. | പി . ജി . സുജാത | 04/06/1997-31-052001 |
| 2. | ജി . സാവിത്രി | 01/06/2001-31-05-2002 |
| 3. | സൈലജ ദേവി | 06/06/2002-31/03/2003 |
| 4. | സുശീല . ആർ | 23/04/2003-31/05/2003 |
| 5. | രമണികുമാരി | 04/06/2003-31/03/2004 |
| 6. | ഗ്രേസിക്കുട്ടി . ജി | 01/06/200431/03/2008 |
| 7. | സി. ഗീത | 16/04/2008-31/05/2013 |
| 8. | പി . എ . നസീർ | 07/06/2013-31/03/2014 |
| 9. | റെജി . കെ | 03/06/2014-01/062016 |
| 10. | സരസകുമാരി | 02/06/2016-31/032019 |
| 11. | അജിത്കുമാർ. വി | 01/06/2019-27/06/2022 |
| 12. | രാജശ്രീ. പി. റ്റി | 28/06/2022- |
പ്രശസ്തരായ പൂർവ്വവിദ്യാർത്ഥികൾ
1967 മുതൽ 74 വരെ ഈ സ്കൂളിൽ പഠിച്ചിരുന്ന ശ്രീ കൃഷ്ണമൂർത്തി ഇപ്പോൾ കാനറാ ബാങ്ക് ഡി. ജി. എം ആയി സേവനമനുഷഠിക്കുകയാണ്.
1978 മുതൽ 1982 വരെ ഇവിടെ പഠിച്ചിരുന്ന ശ്രീമതി രാജശ്രീ പി. റ്റി യാണ് നിലവിൽ ഈ സ്കൂളിലെ പ്രഥമാധ്യാപിക
വഴികാട്ടി
വിദ്യാലയത്തിലേക്ക് എത്തുന്നതിനുള്ള മാർഗ്ഗങ്ങൾ
- മേട്ടുക്കട ജംങ്ഷനിൽ നിന്നു കുറച്ചു മുന്നോട്ടു പോകുമ്പോൾ കണ്ണേറ്റ് മുക്ക് ഇറക്കം റോഡ് കാണാം .ഇറക്കം റോഡിലൂടെ 300m താഴോട്ടു സഞ്ചരിക്കുമ്പോൾ റോഡിന്റെ ഇടതു വശത്തായി സ്കൂൾ സ്ഥിതി ചെയ്യുന്നു.
- തിരുവനന്തപുരം സെൻട്രൽ റെയിൽവേ സ്റ്റേഷൻ/ സെൻട്രൽ ബസ് സ്റ്റേഷനിൽ നിന്ന് 1.25 കിലോ മീറ്റർ അകലെ സ്കൂൾ സ്ഥിതി ചെയ്യുന്നു
- ഡി പി ഐ ജംങ്ഷൻ / ജഗതിയിൽ നിന്ന് കണ്ണേറ്റ്മുക്ക് ജങ്ഷനിൽ എത്തി മേട്ടുക്കട പോകുന്ന റോഡിലൂടെ സഞ്ചരിച്ചാൽ സ്കൂളിൽ എത്താം
{{#multimaps: 8.492867939292267, 76.9623847927628 | zoom=18}}
- തിരുവനന്തപുരം വിദ്യാഭ്യാസ ജില്ലയിലെ വിദ്യാലയങ്ങൾ
- തിരുവനന്തപുരം വിദ്യാഭ്യാസ ജില്ലയിലെ സർക്കാർ വിദ്യാലയങ്ങൾ
- തിരുവനന്തപുരം റവന്യൂ ജില്ലയിലെ വിദ്യാലയങ്ങൾ
- തിരുവനന്തപുരം റവന്യൂ ജില്ലയിലെ സർക്കാർ വിദ്യാലയങ്ങൾ
- 43233
- 1931ൽ സ്ഥാപിച്ച വിദ്യാലയങ്ങൾ
- തിരുവനന്തപുരം റവന്യൂ ജില്ലയിലെ 1 മുതൽ 5 വരെ ക്ലാസുകളുള്ള വിദ്യാലയങ്ങൾ
- വിക്കിഡാറ്റ ക്യു ഐഡി ചേർക്കാത്ത വിദ്യാലയങ്ങൾ
- സ്കൂൾ കോഡ് ഉള്ള വിദ്യാലയങ്ങൾ
- യുഡൈസ് കോഡ് ഉള്ള വിദ്യാലയങ്ങൾ