എസ്.എൻ.വി.എച്ച്.എസ്.എസ്. അങ്ങാടിക്കൽ സൗത്ത്
എസ്.എൻ.വി.എച്ച്.എസ്.എസ്. അങ്ങാടിക്കൽ സൗത്ത് | |
---|---|
![]() | |
വിലാസം | |
അങ്ങാടിക്കൽ എസ്.എൻ.വി.എച്ച്.എസ്.എസ്, അങ്ങാടിക്കൽ സൗത്ത് പി.ഒ, , പത്തനംതിട്ട 691561 , പത്തനംതിട്ട ജില്ല | |
സ്ഥാപിതം | 01 - 11 - 1951 |
വിവരങ്ങൾ | |
ഫോൺ | 04734 285262 |
ഇമെയിൽ | snvhss-vhss@yahoo.com |
വെബ്സൈറ്റ് | http: |
കോഡുകൾ | |
സ്കൂൾ കോഡ് | 38020 (സമേതം) |
വിദ്യാഭ്യാസ ഭരണസംവിധാനം | |
റവന്യൂ ജില്ല | പത്തനംതിട്ട |
വിദ്യാഭ്യാസ ജില്ല | പത്തനംതിട്ട |
സ്കൂൾ ഭരണ വിഭാഗം | |
സ്കൂൾ വിഭാഗം | പൊതു വിദ്യാലയം |
പഠന വിഭാഗങ്ങൾ | എൽ.പി യു.പി ഹൈസ്കൂൾ |
മാദ്ധ്യമം | മലയാളം .ഇംഗ്ലീഷ് |
സ്കൂൾ നേതൃത്വം | |
പ്രിൻസിപ്പൽ | കെ പ്രകാശ് |
പ്രധാന അദ്ധ്യാപകൻ | കെ.സുജാത |
അവസാനം തിരുത്തിയത് | |
30-11-2020 | Dayaraj |
ക്ലബ്ബുകൾ | |||||||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
|
പ്രകൃതിരമണീയമായ മഞ്ഞണിഞ്ഞ മാമലകളൂം, കളകളാരവമൂതി൪ക്കുന്ന കൊച്ചരുവികളം,
കതിരണിഞ്ഞ വയലേലകളൂം,ഇളംകാറ്റിലൂയലാടൂന്ന ഫലവൃക്ഷങ്ങളൂംകൊണ്ട് അനുഗ്രഹീതമായ
ഒരു നാട് അങ്ങാടിക്കൽ,പത്തനംതിട്ടജില്ലയീലെ കൊടൂമൺ പഞ്ചായത്തിലൂൾപെടൂന്ന ഒരു
കൊച്ചുഗ്രാമമാണിത്.അവിടെ പണ്ഡിതവരണ്യനായ ഒരു മുത്തച്ഛനെപോലെ ഗാംഭീര്യത്തോടെ
തലയുയർത്തിനിൽക്കുന്ന ഒരു വിദ്യാലയം"വിദ്യകൊണ്ട് പ്രബുദ്ധരാകാൻ"ആഹ്വനം ചെയ്ത
ഗുരുദേവന്റെ നാമധേയത്തീൽ 1951-ൽ സ്ഥാപിതമായ ഈ കലാലയം.അനേകായിരങ്ങളെ
അക്ഷരവഴിയിലൂടെ നടത്തി ജീവിത വിജയത്തിലേക്ക് കൈപിടിച്ച്നടത്തിയ അറിവിന്റെ ഈ
കേദാരം"വിദ്യാധനം സ൪വ്വധനാൽ പ്രധാനം"എന്ന ആപ്തവാക്യത്തെ അന്വ൪ത്ഥമാക്കുമാറ്
അതിന്റെ പ്രവ൪ത്തനം തുടരുന്നു.
ചരിത്രം
വിദ്യകൊണ്ട്പ്രബുദ്ധരാകുക എന്ന ഗുരുദേവന്റെ പ്രബോധനം മനസ്സാ വരിച്ച അങ്ങാടിക്കൽ ഗ്രാമത്തിലെ പൂർവികരാം മഹാത്മാക്കളെ സ്മരിക്കാതെ അങ്ങാടിക്കലിന്റെ ചരിത്രം പൂർണമാകില്ല. നിലത്തെഴുത്ത് പള്ളിക്കൂടങ്ങൾ പോലും അടുത്തെങ്ങും ഇല്ലാതിരുന്ന ഒരു കാലമായിരുന്നു .ഏഴാം ക്ലാസ്സും ഒമ്പതാംക്ലാസ്സും ഒക്കെയായിരുന്നു അന്നത്തെ വലിയ വിദ്യാഭ്യാസ യോഗ്യത. 20, 25 മൈൽ നടന്ന് അടൂരിലും പത്തനംതിട്ടയിലും ഒക്കെ ആയിരുന്നു പഠിക്കാൻ പോയിരുന്നത്. അതും വിരലിലെണ്ണാവുന്ന വരും അല്പം സാമ്പത്തികശേഷി ഉള്ളവരും മാത്രം . കാലമേറെ കടന്നു പോയി , അങ്ങനെ ഒരു സാഹചര്യത്തിലാണ് അന്നത്തെ ദീർഘവീക്ഷണമുള്ള ഗുരുനാഥന്മാർ , നാടിനെ സ്നേഹിച്ചവർ അങ്ങാടിക്കൽ ഗ്രാമത്തിൽ ഇംഗ്ലീഷ് കൂടി പഠിപ്പിക്കുന്ന ഒരു സ്കൂൾ ഉണ്ടാക്കുന്നതിനെ കുറിച്ച് ആലോചിച്ചത്. അങ്ങനെ1951 ൽ സ്കൂൾ സ്ഥാപിതമായി.ഗർജിക്കുന്ന സിംഹം എന്നറിയപ്പെടുന്ന സി കേശവൻ ആയിരുന്നു അന്ന് തിരുകൊച്ചി മുഖ്യമന്ത്രി . തുടക്കം ആറാം ക്ലാസ് മുതൽ ആയിരുന്നു. കുട്ടികളിൽ നിന്ന് ഫീസ് പിരിച്ച് സർക്കാർ ഗ്രാന്റോ ഡു കൂടിയായിരുന്നു അധ്യാപകർക്ക് ശമ്പളം. എൽ പി സ്കൂൾ അന്ന് 5 - )0 സ്റ്റാൻഡേർഡ് വരെയായിരുന്നു. 171 - )0 നമ്പർ എസ് എൻ ഡി പി ശാഖ യോഗത്തിന് ഉടമസ്ഥതയിലായിരുന്നു സ്കൂൾ .അങ്ങാടിക്കൽ തെക്ക് കോശേയത്ത് കുടുംബക്കാരുടെ വകയായിരുന്ന നാല് ഏക്കർ സ്ഥലം 171 -)0നമ്പർ എസ്എൻഡിപി ശാഖാ യോഗത്തിന്റെ പേരിൽ വിലക്ക് വാങ്ങിയാണ് സ്കൂൾ സ്ഥാപിച്ചത്. ശാഖാ യോഗത്തിൽപ്പെട്ട കുടുംബങ്ങളിൽ നിന്നും നാട്ടുകാരിൽ നിന്നും സംഭാവന വാങ്ങിയാണ് വസ്തു വാങ്ങുന്നതിനും കെട്ടിടം വയ്ക്കുന്നതിനും തുകസംഭരിച്ചത്. റോഡിന് വടക്കുവശത്തുള്ള പടിഞ്ഞാറേ കെട്ടിടം മാത്രമാണ് അന്ന് ഉണ്ടായിരുന്നത് . അഡ്വ. പുഷ്പ്പത്തടം ആർ രാഘവൻ ,കേരള കൗമുദി പത്രാധിപരായിരുന്ന കെ സുകുമാരൻ എന്നിവരായിരുന്നു സ്കൂൾ അനുവദിക്കുന്നതിനുള്ള പ്രധാന സഹായികൾ . 1956 നവംബർ ഒന്നിന് കേരള സംസ്ഥാനം രൂപീകൃതമാകുന്നതു വരെ തിരുവിതാംകൂർ കൊച്ചി ( തിരുകൊച്ചി ) ഗവൺമെൻറ് റൂളിൽ ആയിരുന്നു സ്കൂൾ . എസ്എസ്എൽസി പതിനൊന്നാം ക്ലാസ് ആയിരുന്നു. എസ് എൻ ഡി പി ശാഖായോഗത്തിൽ നിന്നും തിരഞ്ഞെടുക്കപ്പെടുന്ന തും ശാഖാ യോഗത്തിന് വിധേയമായി പ്രവർത്തിക്കുന്നതുമായ ഒരു ഭരണസമിതിക്കാണ് സ്കൂളിന്റെ ഭരണച്ചുമതല. 1953 ൽ സ്കൂളിന് ഒരു അംഗീകൃത ഭരണഘടന എഴുതി ഉണ്ടാക്കി. സർക്കാരിന്റെ അംഗീകാരം വാങ്ങി . ശ്രീ വി കെ കുഞ്ഞു കുഞ്ഞായിരുന്നു ആദ്യത്തെ മാനേജർ .എം കെ പത്മനാഭൻ ആയിരുന്നു ആദ്യത്തെ ഹെഡ് മാസ്റ്റർ രണ്ടുതരം വിദ്യാഭ്യാസമാണ് അന്ന് നിലനിന്നിരുന്നത്. ഇ എസ് എൽ സി യും വി എസ് എൽ സി യും . E S L C എന്നാൽ ഇംഗ്ലീഷ് സ്കൂൾ ലിവിംഗ് സർട്ടിഫിക്കററ്റ് എന്നും V S L C എന്നാൽ വെർണ്ണാക്കുലർ ലിവിംഗ് സർട്ടിഫിക്കറ്റ് .വെർണ്ണാ ക്കുലർ എന്ന പദത്തിന് അർത്ഥം തന്നെ അധകൃതർ എന്നാണ്.സവർണരെ പഠിപ്പിക്കുന്ന പള്ളിക്കൂടങ്ങളും അവർണരെ പഠിപ്പിക്കുന്ന പള്ളിക്കൂടങ്ങളും ആയിരുന്നു അന്ന് ഉണ്ടായിരുന്നത്. 1950-ലാണ് നമ്മുടെ ഗ്രാമത്തിൽ ഇംഗ്ലീഷ് വിദ്യാഭ്യാസം കൂടി ലഭിക്കുന്ന ഒരു സ്കൂൾ ഉണ്ടാക്കുന്നതിനെ കുറിച്ച് ആലോചിച്ചത്. പട്ടം താണുപിള്ള തിരുക്കൊച്ചി മുഖ്യമന്ത്രിയായിരുന്ന കാലത്ത് ഗവൺമെൻറിന്റെ ഒരു പ്രത്യേക നിർദ്ദേശപ്രകാരംനമ്മുടെ അധീനതയിലായിരുന്ന എൽ പി സ്കൂൾ ഗവൺമെൻറ് ലേക്ക് വിട്ടുകൊടുക്കുകയായിരുന്നു. 1957 പ്രൊഫസർ ജോസഫ് മുണ്ടശ്ശേരി വിദ്യാഭ്യാസ വകുപ്പ് മന്ത്രി ആയിരുന്നപ്പോൾ വിദ്യാഭ്യാസ രംഗത്ത് ഒട്ടേറെ പരിഷ്കാരങ്ങൾ വരുത്തി എസ്എസ്എൽസി പത്താംക്ലാസ് വരെ ആക്കി . വിദ്യാർഥികളിൽനിന്ന് ഫീസ് പിരിവും നിർത്തലാക്കി.അതുവരെ വിദ്യാർഥികളിൽനിന്ന് പിരിക്കുന്ന ഫീസ് ട്രഷറിയിൽ അടയ്ക്കുകയും സർക്കാർ കൂടി അധ്യാപകർക്ക് ശമ്പളം കൊടുക്കുകയു മായിരുന്നു. ഒരു പ്രത്യേക നിയമത്തിന്റെ അടിസ്ഥാനത്തിൽ പ്രഥമ അധ്യാപകൻ ആയിരുന്ന ശ്രീ എം കെ പത്മനാഭൻ പഠന അവധിയിൽ പോവുകയും തിരുവനന്തപുരം സ്വദേശി പ്രഥമ അധ്യാപകൻ ആകുകയും ചെയ്തു. ആദ്യ മാനേജരായിരുന്ന ശ്രീ വി .കെ .കുഞ്ഞു കുഞ്ഞിന്റെ നിര്യാണത്തെ തുടർന്ന് ശ്രീ എം .കെ. കേശവനെ മാനേജർ ആയി തിരഞ്ഞെടുത്തു. ശ്രീ എം. കെ .പത്മനാഭൻ വീണ്ടും പ്രഥമ അധ്യാപകനായി വന്നു .ശ്രീ പി .എൻ. ദാമോദരൻ , ശ്രീ കെ. ജനാർദ്ദനൻ , ശ്രീ ആർ. കരുണാകരൻ , ശ്രീ വി .കെ ഗംഗാധരൻ എന്നിവരായിരുന്നു ആദ്യകാല അധ്യാപകർ. ശ്രീ എംകെ കേശവന് ശേഷം ശ്രീ പി. സി കൃഷ്ണപ്പണിക്കരും തുടർന്ന് ശ്രീ എം. സി ശങ്കരനും മാനേജർ മാരായി. 1964 മുതൽ 1974 വരെ എസ് എൻ ഡി പി യോഗം ജനറൽ സെക്രട്ടറി എം കെ രാഘവൻ ആയിരുന്നു മാനേജർ . 1974 ഒരു ഹൈക്കോടതി വിധിയെ തുടർന്ന് ശ്രീ വി കെ ഗോപാലൻ മാനേജരായി .1981 ശ്രീ വിജയരാജൻ മാനേജരായി .1994 ശ്രീ സി വി ചന്ദ്രനെ മാനേജരായി തിരഞ്ഞെടുത്തു.2006 ൽ ശ്രീ കെ പ്രതാപൻ മാനേജരായി 2013 മുതൽ ശ്രീ ഉദയൻ മാനേജർ ആയി തുടരുന്നു. 1995 സ്കൂളിൽ വി എച്ച് എസ് അനുവദിച്ചു കിട്ടി. 1998 കോളേജുകളിൽ നിന്ന് പ്രീഡിഗ്രി വേർപെടുത്തിയപ്പോൾ പ്ലസ് ടു വും അനുവദിച്ചു കിട്ടി. എയ്ഡഡ് മേഖലയിൽ വി എച്ച് എസും പ്ലസ്ടുവും ഒരുമിച്ച് പ്രവർത്തിക്കുന്ന അപൂർവ്വം സ്കൂളുകളിൽ ഒന്നാണ് അങ്ങാടിക്കൽ സ്കൂൾ . തുടക്കത്തിൽ സ്കൂളിൻറെ ഹെഡ്മാസ്റ്റർ തന്നെയായിരുന്നു വിഎച്ച്എസ് ന്റേയും പ്ലസ്ടുവിന്റേയും പ്രഥമ അധ്യാപകർ.പിന്നീട് വേർതിരിച്ചു. 2001 ൽ ശ്രീ സി വി ചന്ദ്രൻ മാനേജരും ശ്രീ എം ടി തോമസ് പ്രഥമ അധ്യാപകനുംആയിരുന്ന കാലത്താണ് സ്കൂളിന്റെ കനകജൂബിലി ആഘോഷിക്കുന്നത്.
ഭൗതികസൗകര്യങ്ങൾ
പത്തനംതിട്ട ജില്ലയിലെ ഏറ്റവും മികച്ചതും കലാകായിക പഠനപാഠ്യേതര പ്രവർത്തനങ്ങളിൽ എക്കാലവും തിളങ്ങി നില്ക്കുന്നതുമായ അടൂർ സബ് ജില്ലയിലെ ഏറ്റവും മികച്ച ഹരിത വിദ്യാലയമാണ് അങ്ങാടിക്കൽ SNVHSS&VHSS.
10 കെട്ടിടങ്ങളും, 40 ക്ലാസ്സ്മുറികളും 4സ്റ്റാഫ് മുറികളും, 3 ഓഫീസ് മുറികളും, ലൈബ്രറി, ലാബ് സൗകര്യ ങ്ങളും ഉണ്ട്. ആകാശവിസ്മയകാഴ്ചകളുമായി ISRO SPACE PAVILION, സ്മാർട്ട് ക്ലാസ്സ് റൂം, ATAL TINKERING LAB, NCC, NSS, SPC, SCOUT & GUIDES, LITTLE KITES, ASAP, DCA, കരിയർ ഗൈഡൻസ് & കൗൺസിലിംഗ് സെന്റർ എന്നീ യൂണിറ്റുകളും നല്ല രീതിയിൽ പ്രവർത്തിച്ചു വരുന്നു. കൂടാതെ വാഹനസൗകര്യം, കുടിവെള്ളം, ബാത് റൂം, ടോയലറ്റ്, ഉച്ച ഭക്ഷണ ഹാൾ, ക്യാന്റീൻ സൗകര്യങ്ങളും ലഭ്യമാണ്.
1)ISRO SPACE PAVILION
ബഹിരാകാശത്ത് ഇന്ത്യയുടെ പുരോഗതി അടുത്തറിയുവാവായി ISRO SPACE PAVILIONസൗകര്യം ലഭ്യമാക്കി ISRO പണികഴിപ്പിച്ച ലാബ്.
2) ATAL TINKERING LAB
കുട്ടികളുടെ ശാസ്ത്രബോധം വളർത്താനും നൂതന ശാസ്ത്രസാങ്കേ തിക വിദ്യകളുപയോഗിച്ച് സ്വയം ശാസ്ത്രപരീക്ഷണനിർമാണപ്രവർത്തനങ്ങൾ നടത്തനുമുള്ള സൗകര്യം.
3)MULTIPURPOSE AUDITORIUM
എല്ലാവിധ സൗകര്യങ്ങളുമുള്ള മൾട്ടിപർപ്പസ് ആഡിറ്റോറിയം
4)LAB&LIBRARY FACILITY
ആധുനിക സൗകര്യങ്ങളുള്ള ലാബുകളുടേയും ലൈബ്രറിയു ടേയും സൗകര്യം.
5)UNITS
NCC, NSS, SPC, SCOUT & GUIDES, LITTLE KITES, ASAP, DCA, കരിയർ ഗൈഡൻസ് & കൗൺസിലിംഗ്, ISRO SPACE PAVILION, സ്മാർട്ട് ക്ലാസ്സ് റൂം, ATAL TINKERING LAB, IT LAB എന്നീ യൂണിറ്റുകൾ നല്ല രീതിയിൽ പ്രവർത്തിച്ചു വരുന്നു.
6)VOLLEYBALL COURT
കുട്ടികൾക്ക് വോളീബോൾ പരിശീലനത്തിനും മത്സരങ്ങൾക്കുമായി ഒരു വോളീബോൾ കോർട്ട് ലഭ്യമാണ്.
7)BUS FACILITY
കുട്ടികൾക്ക് വാഹനസൗകര്യം ലഭ്യമാക്കാൻ 5 സ്കൂൾ ബസുകൾ എല്ലാ റൂട്ടിലേക്കും ഓടുന്നുണ്ട്.
8)CANTEEN
കുട്ടികൾക്ക് ലഘുഭക്ഷണത്തിനായി ക്യാൻന്റീൻ സൗകര്യം ലഭ്യമാണ്.
9)NOON MEAL
മീൻ, പാൽ, മുട്ട, ഇറച്ചി, പച്ചക്കറി എന്നിവ ഉൾപ്പെടുത്തി വളരെ നല്ല രീതിയിലുള്ള ഉച്ചഭക്ഷണമാണ് നൽകി വരുന്നത്.
10)SMART CLASS ROOM
ആധുനിക സാങ്കേതിക വിദ്യ ഉപയോഗിച്ച് തയാറാക്കിയ ശീതീകരിച്ച സ്മാർട്ട് ക്ലാസ്സ്റൂമുകൾ കുട്ടികളുടെ പഠന പുരോഗതിക്കായി തയാറാക്കി നൽകിയിട്ടുണ്ട്.
പാഠ്യേതര പ്രവർത്തനങ്ങൾ
1 ) മുoബൈ ആസ്ഥാനമായി പ്രവർത്തിക്കുന്ന സഞ്ജീവനി ട്രസ്റ്റുമായി ചേർന്ന് up വിഭാഗത്തിലെ മുഴുവൻ കുട്ടികൾക്കും സമീപത്തുള്ള എല്ലാ " LP സ്കൂളിലെ കുട്ടികൾക്കും സ്കൂൾ ബാഗും പഠനോപകരണങ്ങളും വിതരണം ചെയ്തു.
2) സ്കൂളിലെ നിർധനരായ 2 കുട്ടികൾക്ക് വീടും മറ്റു കുട്ടികൾക്ക് കിണർ, ശുചിമുറി എന്നിവയും നിർമ്മിച്ചുനൽകി.
3) സമീപത്തുള്ള കോളനിയിൽ റോഡ് നിർമ്മിച്ചു നൽകി.
4) NSS -ൻ്റെ ആഭിമുഖ്യത്തിൽ സ്കൂൾ കുട്ടികൾക്ക് ഓരോ മാസവും ഓരോ ആടിനെ വീതം നൽകി.
5) കെപ്കോയുമായി ചേർന്ന് എല്ലാ കുട്ടികൾക്കും 5 കോഴിക്കുഞ്ഞുങ്ങളെ വീതം വിതരണം ചെയ്തു.
6) വൃക്ഷത്തൈകൾ വീടുകളിൽ നൽകി.
7 ) ട്രാഫിക് ബോധവത്കരണ ക്യാമ്പുകൾ നടത്തുകയും, പരിശീലനം ലഭിച്ച കുട്ടികൾ ട്രാഫിക് ഡ്യൂട്ടിയിൽ ഏർപ്പെടുകയും ചെയ്തു.
8 ) നിരവധി മെഡിക്കൽ ക്യാമ്പുകൾ (ആയുർവ്വേദം, ഹോമിയോ, നേത്രചികിത്സ ,രക്തഗ്രൂപ്പ് നിർണ്ണയം ) നടത്തി.
9 ) സ്കൂളിലെ കുട്ടികൾക്കും സമീപവാസികൾക്കും ചികിത്സാ സഹായങ്ങൾ നൽകി.
മാനേജ്മെന്റ്
പതിറ്റാണ്ടുക്കൾക് മുൻപ് വാഹനങ്ങലോ , വൈദ്യുതിയോ, എല്ലാ ദിവങ്ങളിലും പത്രമോ എത്താത്ത അങ്ങാടികൽ എന്ന ഈ കൊച്ചു ഗ്രാമത്തിലെ കുട്ടികൾക്ക് മികവാർന്ന വിദ്യാഭാസo കിട്ടി ഈ ഗ്രാമവും വളരണം എന്ന ഏതാനം ചില മഹത് വ്യക്തികളുടെ ലക്ഷ്യമാണ് ഈ വിദ്യാലയം. പ്രൈമറി വിദ്യാഭ്യാസം പോലും ഏതാനം പേർക്ക് മാത്രം ലഭിച്ചിരുന്ന ആ കാലഘട്ടത്തിൽ കാൽനടയായി മയിലുകൾ താണ്ടി അപ്പർ പ്രൈമറി പൂർത്തിയാക്കേണ്ട സാഹചര്യത്തിലാണ് അന്നത്തെ ശ്രി നാരായണ സംഘത്തിന്റെ നേതൃത്വത്തിൽ ഈ വിദ്യാലയം ഉണ്ടാകുന്നത് . ഇന്ന് 171 ആം നമ്പർ SNDP ശാഖയുടെ കീഴിൽ പ്രവർത്തിച്ചു വരുന്നു.ആങ്ങാടികൽ ഗ്രാമത്തിൽ സാമൂഹിക സാംസ്കാരിക രാഷ്ട്രീയ മേഖലകളിൽ പ്രകാശ ഗോപുരമയി ശിരസ്സ് ഉയർത്തി നിൽക്കുന്ന ഈ വിദ്യാലയത്തിന്റെ വളർച്ചയിൽ സുപ്രധാന പങ്കുവഹിച്ച സാരഥികൾ,
മാനേജർ കാലയളവ് ശ്രി. വി . കെ . കുഞ്ഞു കുഞ്ഞ് 1951-1954 ശ്രീ. എം.കെ. കേശവൻ 1954-1958 ശ്രീ. പി. സി. കൃഷ്ണപണികർ 1958-1961 ശ്രീ. എം സി. ശങ്കരൻ 1961-1964 ശ്രീ. എം. കെ. രാഘവൻ 1964-1974 ശ്രീ. വി. കെ. ഗോപാലൻ 1974-1981 ശ്രീ. എൻ. വിജയരാജൻ 1981-1994 ശ്രീ. സി. വി. ചന്ദ്രൻ 1994-2008 ശ്രീ. കെ. പ്രതാപൻ 2008-2013 ശ്രീ. കെ.ഉദയൻ 2013- തുടരുന്നു.
മുൻ സാരഥികൾ
ഹൈസ്കൂൾ വിഭാഗം പ്രധാന അധ്യാപകർ പ്രധാന അധ്യാപകൻ വർഷം ശ്രീ. എം. കെ. പദ്മനാഭൻ 1951-1972 ശ്രീ. കെ. ബാഹുലേയൻ 1972-1978 ശ്രീ. ററി. പി. വർഗീസ് 1978-1989 ശ്രീമതി. അംബുജാഷി അമ്മ 1989-1990 ശ്രീമതി. ഗ്രേസി മാത്യൂ 1990-1994 ശ്രീ. എൻ.ഗോപാലകൃഷ്ണൻ 1994-1995 ശ്രീ. വി.കെ.രതീശ ബാബു 1995-1999 ശ്രീ. പി. ജയപ്രസാദ് 1999-2001 ശ്രീ. എം. ഡി. തോമസ് 2001-2004 ശ്രീമതി. കെ. കെ. മനോഹര കുമാരി 2004-2006 ശ്രീമതി. ഡി. രാധാമണി 2006-2008 ശ്രീമതി. കെ. സുജാത 2008-2013 ശ്രീമതി. പി. ആർ. സ്നേഹലത 2013-2018 ശ്രീമതി. ദയ രാജ് 2018- തുടരുന്നു
ഹയർ സെക്കൻഡറി വിഭാഗം പ്രധാന അധ്യാപകർ
പ്രധാന അധ്യാപകൻ വർഷം ശ്രീ. വി.കെ . രതീശ ബാബു 1998-1999 ശ്രീ. പി. ജയപ്രസാദ് 1999-2001 ശ്രീ. എം . ഡി. തോമസ്. 2001-2004 ശ്രീമതി. ററി.രാധാമണി. 2004-2008 ശ്രീ. എം. എൻ. പ്രകാശ് 2008-തുടരുന്നു
വൊക്കേഷണൽ ഹയർ സെക്കൻഡറി വിഭാഗം പ്രധാന അധ്യാപകർ
പ്രധാന അധ്യാപകർ വർഷം ശ്രീ. വി. കെ. രതീശ ബാബു 1995-1999 ശ്രീ. പി. ജയപ്രസാദ് 1999-2001 ശ്രീ. എം. ഡി. തോമസ് 2001-2004 ശ്രീമതി..കെ.കെ.മനോഹരകുമാരി 2004-2006 ശ്രീമതി.ഡി.രാധാമണി 2006-2008 ശ്രീമതി.കെ.സുജാത. 2008-2012 ശ്രീ.പി.സജികുമാർ 2012-2018 ശ്രീമതി.രമാദേവി.എസ്. 2018- തുടരുന്നു
പ്രശസ്തരായ പൂർവവിദ്യാർത്ഥികൾ
- പി.കെ. ഗോപി
മികവുകൾ
1500-ൽ പരം കുട്ടികൾ പഠിക്കുന്ന പത്തനംതിട്ട ജില്ലയിലെ മികച്ച സ്കൂളാണ് ഇത്. Aided മേഘലയിൽ UP, HS, HSS & VHSS എന്നിവയെല്ലാം ഒരുമിച്ച് പ്രവർത്തിക്കുന്ന സ്കൂളുകളിൽ ഒന്നാണിത്. SSLC-യ്ക്ക് എല്ലാ വർഷവും തുടർച്ചയായി 100% വിജയം ലഭിക്കുന്നു. ധാരാളം കുട്ടികൾ A+ നേടുന്നു. കഴിഞ്ഞ വർഷങ്ങളിൽ അടൂർ സബ്ജില്ലയിൽ HSS-ൽ ഏറ്റവും കൂടുതൽ A+ ഈ സ്കൂളിന് ലഭിച്ചിരുന്നു. VHSE-ൽ ഏറ്റവും കൂടുതൽ മാർക്ക് ലഭിച്ച കുട്ടി ഈ സ്കൂളിൽ പഠിച്ചതാണ്.
സ്കൂൾ ശാസ്ത്രമേളകളിൽ ജില്ല, സംസ്ഥാന തലത്തിൽ overall ലഭിച്ചു. സ്കൂൾ കലോത്സവങ്ങളിൽ ഇവിടുത്തെ കുട്ടികൾ സംസ്ഥാന തലം വരെ പങ്കെടുക്കുന്നു. സംസ്കൃതോത്സവത്തിൽ സംസ്ഥാന തലം വരെ പങ്കെടുത്ത് ഉയർന്ന ഗ്രേഡുകൾ കരസ്ഥമാക്കുന്നു. സ്പോർട്സ്നു state തലത്തിൽ ധാരാളം കുട്ടികളെ പങ്കെടുപ്പിക്കാറുണ്ട്.
റിപ്പബ്ലിക് ദിന പരേഡിൽ NCC കുട്ടികൾ എല്ലാ വർഷവും പങ്കെടുക്കാറുണ്ട്. ഡൽഹിയിൽ നടക്കുന്ന തൽ സൈനിക് ക്യാമ്പിൽ NCC കുട്ടികൾ പങ്കെടുക്കാറുണ്ട്. Shooting മത്സരത്തിൽ national level-ൽ ഇവിടുത്തെ കുട്ടികൾക്ക് മൂന്നാമത്തെ സ്ഥാനം ലഭിക്കുകയുണ്ടായി.
Career guidance, councelling, NCC, SPC, scout & guide തുടങ്ങിയ എല്ലാ unit-ഉം ഇവിടെ പ്രവർത്തിക്കുന്നു. NSS യൂണിറ്റിന്റെ നേതൃത്വത്തിൽ മികച്ചരീതിയിൽ കൃഷി നടത്തുന്നു. ASAP, DCA തുടങ്ങിയ course-കൾ പഠിപ്പിക്കുന്നു. VHSEയിൽ OJT നല്ല രീതിയിൽ പ്രവർത്തിക്കുന്നു.
സംസ്ഥാന അവാർഡും, ദേശീയ അവാർഡും ലഭിച്ച അധ്യാപകർ ഇവിടെ ക്ലാസുകൾ കൈകാര്യം ചെയ്യുന്നു. ഇവിടുത്തെ ഒരു അധ്യാപകൻ SCERT Curriculam committeeയിൽ അംഗമാണ്.
ആകാശ വിസ്മയ കാഴ്ചയുമായി 2012ൽ 20ലക്ഷം രൂപ ചിലവഴിച്ച് Space Pavilian സ്ഥാപിച്ചു. സമീപ സ്കൂളുകളിൽ നിന്ന് കുട്ടികൾ ഇവിടെ Space Pavilian സന്ദർശിക്കാൻ വരാറുണ്ട്. ISRO Chairman ആയിരുന്ന Dr. K Radhakrishnan, M C. Dathan തുടങ്ങിയ ശാസ്ത്രജ്ഞന്മാർ സ്കൂൾ സന്ദർശിക്കുകയും, കുട്ടികളുമായി സംവദിക്കുകയും ചെയ്തിരുന്നു. ശാസ്ത്ര പഠന ക്ലാസുകൾ, ശാസ്ത്ര പഠന ക്ലാസുകൾ, ശാസ്ത്ര സംവാദം തുടങ്ങിയവ നടത്താറുണ്ട്. കുട്ടികളിൽ ശാസ്ത്ര ബോധം വളർത്തുന്നതിനായി ഒരു Atul Tinkering Lab പ്രവർത്തിക്കുന്നു.
NSS-ന്റെ ലഹരി വിരുദ്ധ short filmനു state levelൽ അവാർഡ് ലഭിച്ചിരുന്നു.
Numats-ന്റെ സംസ്ഥാന ക്യാമ്പിൽ ഈ സ്കൂളിലെ കുട്ടികൾ എല്ലാ വർഷവും പങ്കെടുക്കുന്നു.
ദിനാചരണങ്ങൾ
സ്കൂളിൽ കുട്ടികൾക്ക് പ്രയോജനപ്രദമായ എല്ലാ ദിനാചരണങ്ങളും നടത്തുന്നു.
ജൂൺ- 5 പരിസ്ഥിതിദിനം --
പരിസ്ഥിതി പ്രവർത്തകരെ ഉൾപ്പെടുത്തി ബോധവത്ക്കരണ ക്ലാസ് , റാലി, ക്വിസ്, വൃക്ഷത്തൈ നടീൽ , വൃക്ഷത്തൈ വിതരണം എന്നിവ നടത്തുന്നു.
ജൂൺ 19-വായന ദിനം
പുസ്തക പ്രദർശനം- സ്കൂളിലെ മുഴുവൻ അദ്ധ്യാപകരുടേയും വിദ്യാർത്ഥികളുടേയും സഹായത്തോടെ ശേഖരിച്ച പഴയ കാലം മുതൽ ഇതുവരെയുള്ള പുസ്തകങ്ങൾ എല്ലാവർക്കും പ്രദർശനത്തിനായി ഒരുക്കി. കൂടാതെ പത്രവായന പ്രോത്സാഹിപ്പിക്കുന്നതിനായി സ്കൂളിലെ മുഴുവൻ കുട്ടികൾക്കും വിവിധ ഇനം പത്രങ്ങൾ വിതരണം ചെയ്ത് പത്രവാർത്തയുടെ അടിസ്ഥാനത്തിൽ മെഗാക്വിസ് നടത്തി. പുസ്തകവായന, വായനക്കുറിപ്പ് തയ്യാറാക്കൽ, പ്രശസ്ത കഥ, നോവൽ ഭാഗങ്ങളിലെ കഥാപാത്രങ്ങളുടെ ദൃശ്യാവിഷ്കാരം, പ്രശസ്തരായ കവികളേയും എഴുത്തുകാരേയും ഉൾപ്പെടുത്തി ദിനാചരണത്തിന്റെ പ്രാധാന്യം,സന്ദേശം എന്നിവ നൽകുന്നു. ഓരോ വർഷവും വ്യത്യസ്തമായ പരിപാടികൾ സംഘടിപ്പിക്കുന്നു.
ജൂൺ- 21 യോഗാദിനം
ദിനാചരണത്തിന്റെ ഭാഗമായി തിരഞ്ഞെടുത്ത കുട്ടികൾക്ക് പ്രത്യേക യോഗാ ക്ലാസ്സ് നടത്തുന്നു.
ജൂൺ- 26 മയക്കുമരുന്ന് വിരുദ്ധ ദിനം
ഹൈസ്കൂൾ വിഭാഗം കുട്ടികൾക്ക് പൊലീസ് ഉദ്യോഗസ്ഥർ ബോധവത്ക്കരണ ക്ലാസ്സ് എടുക്കുന്നതോടൊപ്പം ലഹരി ഉപയോഗത്തിന്റെ ദൂഷ്യവശങ്ങൾ ചൂണ്ടിക്കാട്ടുന്ന ഷോർട് ഫിലിം, സ്ലൈഡ് എന്നിവ പ്രദർശിപ്പിക്കുന്നു.
ജൂലൈ- 21 ചാന്ദ്രദിനം
Space Week ന്റെ ഭാഗമായി ക്വിസ്, സെമിനാർ, ഡിബേറ്റ് എന്നിവ നടത്തുന്നു. ISRO പവലിയനുമായി ബന്ധപ്പെട്ടുള്ള ശാസ്ത്ര സെമിനാറിൽ ശാസ്ത്രജ്ഞരുമായി നേരിട്ട് സംവദിക്കാനുള്ള അവസരം ഒരുക്കുന്നു. പവലിയൻ പ്രദർശനം മറ്റുള്ള സ്കൂളുകൾക്കു കൂടി പ്രയോജനപ്പെടുന്ന വിധം ഒരുക്കുന്നു.
ആഗസ്റ്റ്- 6,9 ഹിരോഷിമ-നാഗസാക്കി ദിനം
യുദ്ധ ഭീകരത വെളിപ്പെടുത്തുന്ന ചിത്ര പ്രദർശനം, യുദ്ധവിരുദ്ധ സന്ദേശങ്ങൾ പ്രചരിപ്പിക്കൽ, പോസ്റ്റർ നിർമ്മാണം, യുദ്ധവിരുദ്ധ പ്രതിഞ്ജ എന്നിവ നടത്തുന്നു.
ആഗസ്റ്റ്- 15 സ്വാതന്ത്ര്യ ദിനം
NCC, Scout and Guides,SPC,NSS യൂണിറ്റുകളുടെ നേതൃത്വത്തിൽ പതാക ഉയർത്തൽ, പരേഡ്, ദേശഭക്തിഗാനാലാപനം, മറ്റ് കലാപരിപാടികൾ, മധുര വിതരണം എന്നിവ നടത്തി ആഘോഷമാക്കി മാറ്റുന്നു.
നവംബർ- 1 കേരള പിറവി ദിനം
കേരളത്തിന്റെ മഹത്വം വെളിപ്പെടുത്തുന്ന ഗാനാലാപനം, കവിതാലാപനം, മലയാള ഭാഷാ വാരാചരണത്തിന്റെ ഭാഗമായി നടത്തുന്ന പ്രവർത്തനങ്ങളുടെ ഉദ്ഘാടനം, പ്രസംഗങ്ങൾ,ഭാഷാ സംരക്ഷണ പ്രതിഞ്ജ മുതലായവ പ്രത്യേക അസംബ്ലിയിൽ നടത്തിവരുന്നു.
നവംബർ- 14 ശിശുദിനം
നിരവധി കുട്ടികൾ ചാച്ചാജിയുടെ വേഷമണിഞ്ഞ് റാലിയിൽ പങ്കെടുക്കുന്നു. കൂടാതെ പ്രസംഗ മത്സരം, ഉപന്യാസം, ദേശഭക്തിഗാനാലാപന മത്സരങ്ങൾ എന്നിവ നടത്തുന്നു. മറ്റ് ദിനാചരണങ്ങൾ അദ്ധ്യാപക ദിനം, ബാലവേല വിരുദ്ധ ദിനം, ക്വിറ്റ് ഇന്ത്യ ദിനം, എയ്ഡ്സ് ദിനം, രക്തദാന ദിനം, പതാക ദിനം, ബഷീർ അനുസ്മരണം, വയലാർ അനുസ്മരണം, കൈ കഴുകൽ ദിനം, ബ്രേക്ക് ദി ചെയ്ൻ ക്യാമ്പയിൻ എന്നിങ്ങനെ കുട്ടികൾക്ക് ദിവസങ്ങളുടെ പ്രാധാന്യം ബോദ്ധ്യപ്പെടുത്തുന്ന നിരവധി പഠന പ്രവർത്തനങ്ങൾ ഓരോ വർഷവും വ്യത്യസ്തമായ തരത്തിൽ തനത് അദ്ധ്യാപകരുടെ നേതൃത്വത്തിൽ നടത്തിവരുന്നു
വഴികാട്ടി
{{#multimaps:9.1601313,76.6008365| zoom=15}} സ്കൂളിൽ എത്തിച്ചേരാനുള്ള വഴികൾ
*അടുരിൽ നിന്നും 11 കി.മീ. ദുരം 1 Kayamkulam - Punalur റോഡ് ലേക്കായി എവർഗ്രീൻ ട്രാവൽസ് അടൂർ ൽ വലത് തിരിയുക 2 Central Jct ൽ, NH 183A ലേക്ക് 1മത്തെ എക്സിറ്റ് സ്വീകരിക്കുക 3 NH 183A ൽ തുടരാനായി അടൂർ ടോൾ ബസ് സ്റ്റോപ്പ് ൽ ഇടത് തിരിയുക 4 NH 183A ൽ തുടരാനായിവലത് തിരിയുക ആനന്ദപ്പള്ളി മിൽ കടക്കുക (വലത്തായി) 5 സെൻ്റ്. ജോർജ് ഓർത്തഡോക്സ് ചർച്ച് കടന്ന് നേരിട്ട് Anandapally - Kodumon റോഡ് ലേക്ക് കടക്കുക 6 Ezhamkulam Kaipattoor Rd/Kodumon - Parakode റോഡ് ലേക്കായി ഇടത് തിരിയുക 7 Kodumon - Ottathekku - Nedumoncave -Koodal റോഡ് ലേക്കായി കൊടുമൺ ൽ വലത് തിരിയുക ഉദ്ദിഷ്ടസ്ഥാനം (എസ്.എൻ.വി.എച്ച്.എസ്.എസ്. അങ്ങാടിക്കൽ സൗത്ത് ) വലത് വശത്തായിരിക്കും
* കൂടലിൽ നിന്നും 9.കി.മീ.ദൂരം. 1 മെയ്ൻ ഈസ്റ്റേൺ ഹൈവേ എന്നിടത്തുനിന്നും Kandam റോഡ് എന്നിടത്തേക്ക് വടക്ക് ഭാഗത്തേക്ക് പോകുക 2 ഇടത് തിരിയുക 3 Chandanapally - Ottathekku - Nedumoncave - Koodal റോഡ് /Chandanappally - Koodal റോഡ് എന്നിടത്തേക്ക് പോകാനായി ഇടത്തേക്ക് തിരിയുക 4 Kodumon - Ottathekku - Nedumoncave -Koodal റോഡ് ലേക്കായി ഒറ്റതാക്കു ജംഗ്ഷൻ ബസ് സ്റ്റോപ് ൽ ഇടത് തിരിയുക ഉദ്ദിഷ്ടസ്ഥാനം (എസ്.എൻ.വി.എച്ച്.എസ്.എസ്. അങ്ങാടിക്കൽ സൗത്ത് ) ഇടതുവശത്തായിരിക്കും
* പത്തനംതിട്ടൽ നിന്നും 11 കി.മീ. ദുരം 1 Pathanamthitta-Thazhoorkadavu റോഡ് ലേക്കായി മഹാത്മാ ഗാന്ധിയുടെ പ്രതിമ ൽ ഇടത് തിരിയുക 2 Chandanappally-Konni റോഡ് ലേക്കായി Thazhoor Jct ൽ വലത് തിരിയുക 3 Vakayar-Vallicode റോഡ് എന്നിടത്തേക്ക് പോകാനായി ഇടത്തേക്ക് തിരിയുക 4 Vakayar-Chandanappally റോഡ് ലേക്കായി ലിയോ ഹെയർ ഡ്രെസ്സെസ് &ബ്യൂട്ടിപാർലർ ൽ വലത് തിരിയുക 5 Chandanapally - Ottathekku - Nedumoncave - Koodal റോഡ് /Chandanappally - Koodal റോഡ് /Vakayar-Chandanappally റോഡ് എന്നിടത്തേക്ക് പോകാനായി വലത്തേക്ക് തിരിയുക 6 Kodumon - Anthichantha റോഡ് ലേക്കായി അന്തിച്ചന്ത ജംഗ്ഷൻ ബസ് സ്റ്റോപ് ൽ ഇടത് തിരിയുക 7 Kodumon - Ottathekku - Nedumoncave -Koodal റോഡ് ലേക്കായി ഭഗവത് എൻ്റർപ്രൈസസ് ൽ ഇടത് തിരിയുക ഉദ്ദിഷ്ടസ്ഥാനം (എസ്.എൻ.വി.എച്ച്.എസ്.എസ്. അങ്ങാടിക്കൽ സൗത്ത് ) വലത് വശത്തായിരിക്കും