"കരിപ്പാൽ എസ് വി യു പി സ്കൂൾ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

| സ്ഥലപ്പേര് = കരിപ്പാല്‍

| റവന്യൂ ജില്ല= കണ്ണൂര്‍

| സ്കൂള്‍ കോഡ്= 13748

| സ്ഥാപിതവര്‍ഷം=  1950

| സ്കൂള്‍ വിലാസം= കരിപ്പാല്‍

| പിന്‍ കോഡ്= 670581  

| സ്കൂള്‍ ഫോണ്‍= 04602281499

| സ്കൂള്‍ ഇമെയില്‍=karippalsvups@gmail.com   

| സ്കൂള്‍ വെബ് സൈറ്റ്=  

| ഉപ ജില്ല= തളിപ്പറമ്പ് നോര്‍ത്ത്

| സ്കൂള്‍ വിഭാഗം= പൊതു വിദ്യാലയം

| പഠന വിഭാഗങ്ങള്‍1= എല്‍.പി  

| പഠന വിഭാഗങ്ങള്‍2= യു.പി  

| വിദ്യാര്‍ത്ഥികളുടെ എണ്ണം= 467

| പ്രധാന അദ്ധ്യാപകന്‍= ലക്ഷ്മണന്‍ കെ സി           

| പി.ടി.ഏ. പ്രസിഡണ്ട്=  വിജയന്‍ പി വി         

| സ്കൂള്‍ ചിത്രം= 13748.JPG

കരിപ്പാല്‍ സോമേശ്വരി വിലാസം അപ്പര്‍പ്രൈമറി സ്കൂള്‍ പ്രവര്‍ത്തനമാരംഭിച്ചത് 1950 ജനുവരി 2 നാണ്. എന്നാല്‍ ഈ വിദ്യാലയത്തിന്റെ ചരിത്രം തുടങ്ങുന്നത് അതിനും എത്രയോ മുമ്പാണ്. പരേതനായ ശ്രീ കെ കെ നാരായണന്‍ നമ്പ്യാരുടെ ദീര്‍ഘവീക്ഷണത്തിന്റെകൂടി ഭാഗമായിട്ടാണ് ഈ വിദ്യാലയത്തിന്റെ ആരംഭം. കെട്ടിടങ്ങള്‍ ഉണ്ടാക്കുവാനും മറ്റു സൗകര്യങ്ങളൊരുക്കുവാനും ഒട്ടേറെ ത്യാഗം സഹിക്കേണ്ടിവന്നിട്ടുണ്ട്. നിരവധി പ്രഗത്ഭരായ അധ്യാപകര്‍ ആത്മാര്‍ത്ഥമായി സഹകരിക്കുന്ന നാട്ടുകാര്‍, വിദ്യാഭ്യാസപ്രവര്‍ത്തകര്‍ തുടങ്ങി നിരവധി സുമനസ‌്സുകളുടെ കൂടിച്ചേരലിലൂടെയാണ് ഈ വിദ്യാലയം വളര്‍ന്ന് പന്തലിച്ചത്. ആയിരക്കണക്കിന് കുഞ്ഞുങ്ങള്‍ക്ക് അക്ഷരത്തിന്റെ വെളിച്ചം പകരാനും അതുവഴി ഒരു പ്രദേശത്തിന്റെ പ്രതീക്ഷയായി വികസിക്കാനും ഈ വിദ്യാലയത്തിനു കഴിഞ്ഞു.

== ഭൗതികസൗകര്യങ്ങള്‍ ==

ഒരു ഏക്കറും എണ്‍പതു സെന്റിലുമാണ് സ്കൂള്‍ സ്ഥിതി ചെയ്യുന്നത്. ആവശ്യ മായ കെട്ടിടസൗകര്യം ഉണ്ടെങ്കിലും കാലപ്പഴക്കം കെട്ടിടത്തിന്റെ കെട്ടുറപ്പിനെ ബാധിച്ചു തുടങ്ങിയിട്ടുണ്ട്. അതു കണക്കിലെടുത്തുകൊണ്ടുതന്നെ പുതിയ കെട്ടിടത്തിന്റെ പണി ആരംഭിച്ചുകഴിഞ്ഞു. നല്ല ഒരു കളിസ്ഥലം, ചുറ്റുമതില്‍, കമ്പ്യൂട്ടര്‍ ലാബ്, ലൈബ്രറി, പാചകപ്പുര, കുടിവെള്ളസൗകര്യം, ശുചിമുറികള്‍ എന്നിങ്ങനെ അടിസ്ഥാനസൗകര്യങ്ങളെല്ലാം വിദ്യാലയത്തിലുണ്ട്. നല്ല നിലയില്‍ പ്രവര്‍ത്തിക്കുന്ന ഒരു പ്രീപ്രൈമറി വിഭാഗവും ഇവിടെ പ്രവര്‍ത്തിക്കുന്നു.

== പാഠ്യേതര പ്രവര്‍ത്തനങ്ങള്‍ ==

പാഠ്യേതര പ്രവര്‍ത്തനങ്ങള്‍ പഠനപ്രവര്‍ത്തനങ്ങളായി അനുഭവപ്പെടുന്ന പുതിയ പഠനസമ്പ്രദായം ഏറ്റവും നന്നായി ഇവിടെ സംഘടിപ്പിക്കുന്നു. കായികമികവിലും കലാപ്രവര്‍ത്തനങ്ങളിലും ശാസ്ത്രഗണിത പ്രവൃത്തിപരിചയമേഖലകളിലെല്ലാം ഉപജില്ലയില്‍ പ്രഥമസ്ഥാനത്താണ് ഈ വിദ്യാലയം. വിവിധ ക്ലബ്ബുകളുടെ നേതൃത്വത്തില്‍ ഒട്ടേറെ മികവാര്‍ന്ന പ്രവര്‍ത്തനങ്ങള്‍ സംഘടിപ്പിക്കുന്നു. ക്ലാസുകള്‍, പഠനയാത്രകള്‍, കലാമേളകള്‍, ദിനാചരണങ്ങള്‍, ദേശീയദിനാഘോഷങ്ങള്‍ അങ്ങനെ പലതും.

സ്ഥാപകമാനേജരായിരുന്ന ശ്രീ കെ കെ നാരായണന്‍ നമ്പ്യാരുടെ നിര്യാണത്തെത്തുടര്‍ന്ന് അദ്ദേഹത്തിന്റെ മകന്‍ ശ്രീ എന്‍ കെ കൃഷ്ണന്‍ നമ്പ്യാര്‍ മാനേജരായി നിയമിക്കപ്പെട്ടു. ഈ കാലയളവില്‍ വിദ്യാലയം അപ്ഗ്രേഡ് ചെയ്യപ്പെട്ടു. ശ്രീ എന്‍ കെ കൃഷ്ണന്‍ നമ്പ്യാരുടെ മരണത്തിനുശേഷം അദ്ദേഹത്തിന്റെ മകന്‍ ശ്രീ ഇ വി പത്മനാഭന്‍ മാനേജരായി തുടരുന്നു.

== മുന്‍സാരഥികള്‍ ==

1950 ല്‍ രൂപീകൃതമായ ഈ വിദ്യാലയത്തിന് ഓരോ ഘട്ടത്തിലും സര്‍ഗ്ഗധനന്മാരായ അധ്യാപകര്‍ സാരഥികളായിരുന്നിട്ടുണ്ട്. പരേതനായ ശ്രീ സുകുമാരന്‍ മാസ്റ്റര്‍, ശ്രീ പി പി ജോസഫ് മാസ്റ്റര്‍, ശ്രീ എന്‍ വി രാഘവന്‍ മാസ്റ്റര്‍, ശ്രീമതി എന്‍ എം ക്ലാരമ്മ ടീച്ചര്‍ എന്നിവര്‍ പോയകാല സാരഥികളാണ്.

== പ്രശസ്തരായ പൂര്‍വവിദ്യാര്‍ത്ഥികള്‍ ==

പതിനായിരക്കണക്കിന് കുട്ടികള്‍ വിദ്യ അഭ്യസിച്ച് സമൂഹത്തിന്റെ വിവിധ മേഖലകളില്‍ പ്രവര്‍ത്തിച്ചുവരുന്നു. ഡോക്ടര്‍മാര്‍, എന്‍ജിനീയര്‍മാര്‍, അധ്യാപകര്‍, സര്‍ക്കാര്‍ ജീവനക്കാര്‍, പൊതുപ്രവര്‍ത്തകര്‍, മറ്റു തൊഴില്‍മേഖലകളില്‍ പ്രവര്‍ത്തിക്കുന്നവര്‍ എന്നിങ്ങനെ പൂര്‍വ്വ വിദ്യാര്‍ത്ഥികള്‍ സമൂഹത്തിന്റെ പരിച്ഛേദമായി നിലകൊള്ളുന്നു.