"ഗവ.എൻ.എസ്.എൽ.പി.എസ് എരമല്ലൂർ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

                    ആലപ്പുഴ ജില്ലയുടെ വടക്കേയറ്റത്തുള്ള ചേർത്തല താലൂക്കിൽ പട്ടണക്കാട് ബ്ലോക്കിന്റെ പരിധിയിൽ വരുന്ന എഴുപുന്ന പഞ്ചായത്തിന്റെ കിഴക്കൻ മേഖലയായ എരമല്ലൂർ പ്രദേശത്ത് നാഷണൽ ഹൈവേയുടെ കിഴക്കുഭാഗത്തായി പഞ്ചായത്തിന്റെ ഏഴാം വാർഡിൽ സ്ഥിതിചെയ്യുന്ന ഗവ എൻ.എസ്.എൽ.പി.എസ് എരമല്ലൂർ 1906 ൽ സ്ഥാപിതമായി.നായർ സമാജം ഇംഗ്ലീഷ് മീഡിയം സ്കൂൾ എന്ന പേരിലാണ് ഈ വിദ്യാലയം തുടങ്ങിയത് ആദ്യകാലത്ത് ഒന്നുമുതൽ 7 വരെ ക്ലാസുകൾ ഇവിടെ നടന്നിരുന്നു. എഴുപുന്ന പഞ്ചായത്തിലെ പ്രാദേശികമായി പിന്നോക്കം നില്ക്കുന്ന സ്ഥലങ്ങളിൽ നിന്നും വിവിധ ജാതി മത വിഭാഗങ്ങളിൽ നിന്നും ഇവിടെ എത്തി വിദ്യാഭ്യാസം ചെയ്യുന്നതിനുള്ള അവസരം ഉണ്ടായിരുന്നു. എരമല്ലൂർ കാട്ടുശ്ശേരി കുടുംബം വിട്ടുകൊടുത്ത 87 സെൻറ് സ്ഥലത്ത് രണ്ട് ഓല കെട്ടിടങ്ങൾ പണിത ഇന്നുകാണുന്ന സ്കൂൾ കെട്ടിടത്തിന് തുടക്കമിട്ടു.ആ കുടുംബത്തിനോടുള്ള സ്നേഹവും ബഹുമാനവും നിമിത്തം ഇന്നും സ്കൂളിനെ കാട്ടുശ്ശേരി സ്കൂൾ എന്ന് വിളിക്കുന്നു.  

                  1950-ലാണ് നായർ സമാജം ഇംഗ്ലീഷ് മീഡിയം സ്കൂൾ ഗവൺമെൻറ് ഏറ്റെടുത്തു ഗവൺമെൻറ് എൻ.എസ്എ.ൽ.പി.എസ് എരമല്ലൂർ എന്നപേരിൽ അറിയപ്പെടാൻ തുടങ്ങിയത്. 80 വർഷത്തോളം ഓലമേഞ്ഞ കെട്ടിടത്തിൽ പ്രവർത്തിച്ചിരുന്ന ഈ സ്കൂളിന് ഇപ്പോൾ 14 ക്ലാസ് മുറികളും, പ്രീപ്രൈമറികളും, കളിസ്ഥലങ്ങളും,പ്രാഥമികാവശ്യ സൗകര്യങ്ങളും, ആരോഗ്യപരിപാലന പ്രവർത്തനങ്ങളും ഇംഗ്ലീഷ് കംപ്യൂട്ടർ പരിജ്ഞാന വികസന മേഖലകളും  ഗ്രാമ പഞ്ചായത്തിലെയും വിവിധ എം.പി എം.എൽ.എ പി.ടി.എ .എസ്.എം.സി പ്രാദേശിക അഭ്യുദയകാംക്ഷികൾ എന്നിവരുടെ സഹായത്തോടെയാണ് ഈ നേട്ടങ്ങൾ കൈവരിക്കാൻ ഇടയായത്. എരമല്ലൂരിലെ സമീപ പ്രദേശങ്ങളിൽ ജീവിച്ചിരുന്ന മുൻ തലമുറക്കാരുടെ വ്യക്തിത്വവും, മനോഭാവങ്ങളും, ശീലങ്ങളും, നൈപുണികളും, ആശയവിനിമയശേഷിയും സാമൂഹികബോധവും, സദാചാരബോധവും ഒക്കെ രൂപപ്പെടുത്തുന്നതിൽ പ്രധാന പങ്കുവഹിച്ച വിദ്യാലയമാണിത്. എഴുപുന്ന ഗ്രാമ പഞ്ചായത്തിലെ ഏക സർക്കാർ സ്കൂൾ ഇതുതന്നെയാണ്.