"ഗവ. യു പി സ്കൂൾ, ചുനക്കര" എന്ന താളിന്റെ പതിപ്പുകൾ തമ്മിലുള്ള വ്യത്യാസം

ഗവൺമെൻറ് യുപിഎസ് ചുനക്കര യിൽ ആകെ 8 ക്ലാസ് മുറികൾ , ഒരു ഹാൾ , വിശാലമായ ലൈബ്രറി, ഓഫീസ് റൂം ,സയൻസ് ലാബ്, കമ്പ്യൂട്ടർ ലാബ്, ഫിസിയോതെറാപ്പി യൂണിറ്റ് , സ്റ്റാഫ് റൂം, രണ്ട് സ്റ്റോർ റൂം, പാചകപ്പുര എന്നീ കെട്ടിടങ്ങൾ ആണ് ഉള്ളത്. സ്കൂളിന് നാലുവശവും  ചുറ്റുമതിലും  ഉണ്ട്.

1894 ൽ സ്ഥാപിതമായ ഈ മഹാ വിദ്യാലയത്തിന് ചുനക്കര  ഗ്രാമപഞ്ചായത്ത് മുന്തിയ പിന്തുണയാണ് നൽകി വരുന്നത്. ഇന്നുകാണുന്ന ഓപ്പൺ എയർ ഓഡിറ്റോറിയം, LCD പ്രൊജക്ടറുകൾ, ഫർണിച്ചർ, ആധുനിക സാങ്കേതികവിദ്യയുടെ എല്ലാ സാധ്യതകളും ലഭ്യമാക്കി കൊണ്ടുള്ള ഹൈടെക് ക്ലാസ് റൂമുകൾ, എന്നിവ പഞ്ചായത്തിലെ സഹായത്താൽ ലഭ്യമായവയാണ്.

പാഠ്യപാഠ്യേതര രംഗത്ത് ധാരാളം നേട്ടങ്ങൾ കൈവരിച്ച  സ്കൂളാണ് ചുനക്കര ഗവൺമെന്റ് യുപിഎസ്. 2017 18 അധ്യയനവർഷത്തിൽ മെയ് 20 ന് നടന്ന വിദ്യാലയ വികസന സെമിനാർ ജനപങ്കാളിത്തംകൊണ്ട് ശ്രദ്ധേയമായ ഒരു പരിപാടിയായിരുന്നു. ശ്രീ  കൊടിക്കുന്നിൽ സുരേഷ് എംപി ശ്രീ ആർ  രാജേഷ് എംഎൽഎ ത്രിതല പഞ്ചായത്തുകളിൽ  നിന്നുള്ള പ്രതിനിധികൾ സാമൂഹ്യ സാംസ്കാരിക രംഗത്തെ പ്രമുഖർ തുടങ്ങിയവർ പങ്കെടുത്ത സെമിനാർ സ്കൂളിന്റെ വികസന സ്വപ്നങ്ങൾക്ക് കരുത്ത് പകരുന്നതായിരുന്നു. ഈ ചടങ്ങിൽ വച്ച് ബഹുമാനപ്പെട്ട എം പി വിദ്യാലയത്തിന്  പ്രൗഢഗംഭീരമായ ഒരു പ്രവേശന കവാടവും  ബഹുമാനപ്പെട്ട എം എൽ എ കുട്ടികൾക്ക് ഒരു വാഹനവും അനുവദിച്ചതായി പ്രഖ്യാപിച്ചു.

സബ്ജില്ലാ കലോത്സവങ്ങളിലും മേളകളിലും സ്കൂളിലെ കുട്ടികൾ നിരവധി സമ്മാനങ്ങൾ നേടിയെ ടുക്കാറുണ്ട്. സബ്ജില്ലാതലം സാമൂഹ്യശാസ്ത്രമേളയിലെ പുരാതന സാമഗ്രികൾ പ്രദർശിപ്പിച്ചുകൊണ്ടുള്ള LP വിഭാഗം പ്രദർശനത്തിന് ഒന്നാം സ്ഥാനവും ഓവറോൾ ചാമ്പ്യൻഷിപ്പും തുടർച്ചയായി ലഭിച്ചിട്ടുണ്ട്.