ജി.എൽ.പി.എസ്. ചെമ്രക്കാട്ടൂർ

സ്കൂൾ

സൗകര്യങ്ങൾ

പ്രവർത്തനങ്ങൾ

ക്ലബ്ബുകൾ

ചരിത്രം

അംഗീകാരം

ഇംഗ്ലീഷ് വിലാസം

https://schoolwiki.in/GLPS_Chemrakattur

ജി.എൽ.പി.എസ്. ചെമ്രക്കാട്ടൂർ
G.L.P.S. Chemrakattur
വിലാസം
ചെമ്രക്കാട്ടൂർ ജി.എൽ.പി.എസ്. ചെമ്രക്കാട്ടൂർ , ചെമ്രക്കാട്ടൂർ പി.ഒ. , 673639 , മലപ്പുറം ജില്ല
സ്ഥാപിതം	7 - ജൂൺ - 1976
വിവരങ്ങൾ
ഫോൺ	0483 2850605
ഇമെയിൽ	glpschemrakatur@gmail.com
കോഡുകൾ
സ്കൂൾ കോഡ്	48203 (സമേതം)
യുഡൈസ് കോഡ്	32050100104
വിദ്യാഭ്യാസ ഭരണസംവിധാനം
റവന്യൂ ജില്ല	മലപ്പുറം
വിദ്യാഭ്യാസ ജില്ല	വണ്ടൂർ
ഉപജില്ല	അരീക്കോട്
ഭരണസംവിധാനം
ലോകസഭാമണ്ഡലം	വയനാട്
നിയമസഭാമണ്ഡലം	ഏറനാട്
താലൂക്ക്	ഏറനാട്
ബ്ലോക്ക് പഞ്ചായത്ത്	അരീക്കോട്
തദ്ദേശസ്വയംഭരണസ്ഥാപനം	പഞ്ചായത്ത്,അരീക്കോട്,
വാർഡ്	12
സ്കൂൾ ഭരണ വിഭാഗം
സ്കൂൾ ഭരണ വിഭാഗം	സർക്കാർ
സ്കൂൾ വിഭാഗം	പൊതുവിദ്യാലയം
പഠന വിഭാഗങ്ങൾ	എൽ.പി
സ്കൂൾ തലം	1 മുതൽ 4 വരെ
മാദ്ധ്യമം	മലയാളം, ഇംഗ്ലീഷ്
സ്ഥിതിവിവരക്കണക്ക്
ആൺകുട്ടികൾ	181
പെൺകുട്ടികൾ	188
ആകെ വിദ്യാർത്ഥികൾ	369
അദ്ധ്യാപകർ	15
സ്കൂൾ നേതൃത്വം
പ്രധാന അദ്ധ്യാപകൻ	മുഹമ്മദ്. ഇ
പി.ടി.എ. പ്രസിഡണ്ട്	ഉമ്മർ പാമ്പോടൻ
എം.പി.ടി.എ. പ്രസിഡണ്ട്	ജിഷ.കെ
അവസാനം തിരുത്തിയത്
18-02-2022	48203

പ്രോജക്ടുകൾ
തിരികെ വിദ്യാലയത്തിലേക്ക്	(സഹായം)
എന്റെ ഗ്രാമം	(സഹായം)
നാടോടി വിജ്ഞാനകോശം	(സഹായം)
സ്കൂൾ പത്രം	(സഹായം)
അക്ഷരവൃക്ഷം	(സഹായം)
ഓർമ്മക്കുറിപ്പുകൾ	(സഹായം)
എന്റെ വിദ്യാലയം	(സഹായം)
Say No To Drugs Campaign	(സഹായം)
ഹൈടെക് വിദ്യാലയം	(സഹായം)
കുഞ്ഞെഴുത്തുകൾ	(സഹായം)

മലപ്പുറം ജില്ലയിലെ  വണ്ടൂർ വിദ്യാഭ്യാസ ജില്ലയിൽ അരീക്കോട് ഉപജില്ലയിലെ ചെമ്രക്കാട്ടൂർ  എന്ന സ്ഥലത്തുള്ള ഒരു സർക്കാർ പ്രൈമറി വിദ്യാലയമാണ് ജി.എൽ.പി.എസ്.ചെമ്രക്കാട്ടൂർ. 2021-22 അദ്ധ്യയന വർഷത്തിൽ ഒന്നു മുതൽ നാലു വരെ ക്ലാസ്സുകളിലായി 181 ആൺകുട്ടികളും 188 പെൺകുുട്ടികളും ഇവിടെ പഠിക്കുന്നു.

ചരിത്രം

പരപ്പനങ്ങാടി-അരീക്കോട് സംസ്ഥാന പാത 65(SH65)ൽ ചെമ്രക്കാട്ടൂർ അങ്ങാടിയിൽ നിന്ന് കാവനൂർ റോഡിൽ 300 മീറ്റർ മാറി നെച്ചിപ്പറമ്പ് എന്ന സ്ഥലത്താണ് ജി.എൽ.പി.എസ്.ചെമ്രക്കാട്ടൂർ സ്ഥിതി ചെയ്യുന്നത്. 1976 ലാണ് സ്ഥാപനം നിലവില് വന്നത്.കൂടുതൽ വായിക്കുക

പ്രീപ്രൈമറി വിഭാഗം

ഞങ്ങളുടെ സ്കൂളിനെക്കുറിച്ചു പറയുമ്പോൾ ഒഴിച്ച് കൂടാനാവാത്ത ഒന്നാണ് വളരെ മികച്ച രീതിയിൽ പ്രവർത്തിക്കുന്ന  പ്രീപ്രൈമറി. 2013 ൽ  അന്നത്തെ പി.ടി.എ.പ്രസിഡന്റ് ശ്രീ ഉമ്മർ , മറ്റുഅംഗങ്ങൾ ,അധ്യാപകർ എന്നിവരുടെ നേതൃത്വത്തിലാണ്  പ്രീപ്രൈമറി ആരംഭിച്ചത്. സ്കൂളിൽ നിലവിലുണ്ടായിരുന്ന ഒരു കെട്ടിടത്തിൽ 33 കുട്ടികളും ഒരു അധ്യാപികയും ഒരു ആയയും ഉൾപ്പെടെയാണ് പ്രീപ്രൈമറി തുടങ്ങുമ്പോൾ ഉണ്ടായിരുന്നത് . നഴ്‌സറിയുടെ നടത്തിപ്പ് പി.ടി.എ. ക്ക്  ആണെങ്കിലും പാഠ്യവും പഠ്യേതരവുമായ എല്ലാ കാര്യങ്ങളും സ്കൂളിലേതു പോലെ തന്നെയാണ് നടക്കുന്നത്. അതാതു കാലത്തെ പ്രധാനാധ്യാപകർക്ക് കീഴിൽ സർക്കാർ ഉത്തരവുകൾ പാലിച്ചു കൊണ്ട് തന്നെ നഴ്സറി പ്രവർത്തിക്കുന്നു .വളരെ ഊർജസ്വലരായ അധ്യാപകരുടെയും പി.ടി.എ.യുടെയും പ്രവർത്തന ഫലമായി ഓരോ കൊല്ലവും സ്ഥാപനത്തിൽ കുട്ടികൾ കൂടി വരുന്നു. കുട്ടികളുടെ തള്ളിക്കയറ്റംമൂലം എല്ലാ വർഷവും അഡ്മിഷൻ വളരെ നേരത്തെ അവസാനിപ്പിക്കേണ്ടി വരുന്നു. സൗകര്യക്കുറവ് മൂലം കുട്ടികളുടെ പരമാവധി എണ്ണം 80 ആയി നിജപ്പെടുത്തിരിക്കുകയാണ് . ഇന്ന് രണ്ട് അധ്യാപകരും രണ്ട് ആയമാരും പ്രീപ്രൈമറിയിൽ വർക്ക് ചെയ്യുന്നു.

പ്രൈമറി വിഭാഗം

അരീക്കോട് സബ് ജില്ലയിൽ തന്നെ ഏറ്റവും മികച്ച എൽ.പി.സ്കൂളുകളിൽ ഒന്നാണ് ചെമ്രക്കാട്ടൂർ ജി.എൽ.പി.സ്കൂൾ. ഒരുപാട് പ്രശസ്ത വ്യക്തിത്വങ്ങളെ വാർത്തെടുത്ത ചരിത്രം ഞങ്ങളുടെ സ്കൂളിനുണ്ട് . ഇന്നും ആ പാരമ്പര്യം സ്കൂൾ കത്ത് സൂക്ഷിക്കുന്നു. അതിനു വേണ്ടി ആത്മാർഥമായി പ്രവർത്തിക്കുന്നവരാണ് ഇവിടുത്തെ അധ്യാപകരും

കൂടുതൽ വായിക്കുക

ഇവർ സാരഥികൾ

ഒരു സ്കൂളിനെ മുന്നോട്ടു നയിക്കുന്നതിൽ ഏറ്റവും പ്രധാനപ്പെട്ടത് കർമനിരതനായ പ്രധാനാധ്യാപകൻ /പ്രധാനാധ്യാപിക തന്നെയാണ്. ചിട്ടയും കാര്യക്ഷമതയും ഊർജസ്വലനുമായ ഒരു പ്രധാനാധ്യാപകനുണ്ടെങ്കിൽ ആ സ്കൂളിൽ ചരിത്രം ആവർത്തിക്കുക മാത്രമല്ല , സൃഷ്ടിക്കുക കൂടി ചെയ്യും.. ഞങ്ങളുടെ സ്കൂളിന്റെ ചരിത്രത്തിൽ കഴിഞ്ഞു പോയ എല്ലാ സാരഥികളും അങ്ങനെ തന്നെയായിരുന്നു. നിലവിൽ പ്രധാനാധ്യാപകനായ ഇ.മുഹമ്മദ് മാസ്റ്ററും അങ്ങനെ തന്നെയാണ് . 2021 ഡിസംബർ    നാണു അദ്ദേഹം സ്കൂളിന്റെ ഹെഡ് മാസ്റ്റർ ആയി ചുമതലയേറ്റെടുത്തത് .അന്ന് മുതൽ

എച്ച്.എം. ശ്രീ.മുഹമ്മദ് മാസ്റ്റർ

മുൻ സാരഥികൾ

ഞങ്ങളുടെ ഈ കലാലയം ഇന്ന് കാണുന്ന രൂപത്തിൽ ആക്കിയതിനു പിന്നിൽ ഒരുപാട് നന്മ നിറഞ്ഞ കൈകൾ പ്രവർത്തിച്ചിട്ടുണ്ട് . അതിൽ ഏറ്റവും പ്രധാനം ഈ സ്കൂളിനെ കൈ പിടിച്ചു വഴി നടത്തിച്ച സാരഥികൾ തന്നെ.. കൂടുതൽ വായിക്കുക ഫോട്ടോ, കാലഘട്ടം കാണുക

പി.ടി.എ., എം.ടി.എ., എസ്.എം.സി.

ഒരു സ്കൂളിന്റെ സർവ്വതോൻമുഖമായ വികസനത്തിന് കുട്ടികളെയും സ്കൂൾ അധികൃതരെയും പോലെ തന്നെ അനിവാര്യമാണ് അധ്യാപക രക്ഷാകർതൃ സമിതിയും (പി.ടി.എ), എം.ടി.എ.(മദർ ടീച്ചർ അസോസിയേഷൻ ) യും എസ്.എം.സി.(സ്കൂൾ മാനേജ്‌മന്റ് കമ്മിറ്റി) യും എല്ലാം. കൂടുതൽ വായിക്കുക

വിവിധ ക്ലബുകൾ

ഒരു സ്കൂളിന്റെ എല്ലാ പ്രവർത്തനങ്ങളിലും മുഖ്യ സ്ഥാനം കുട്ടികൾക്ക് തന്നെയാണ് . കുട്ടികളുടെ കലാപരവും കായികപരവും ഭാഷാ പരവും സൃഷ്ടിപരവുമായ കഴിവുകളും ശേഷികളും വളർത്താനും അവരിൽ ഒളിഞ്ഞിരിക്കുന്ന അന്വേഷണ ത്വരയും ജിജ്ഞാസയും വികസിപ്പിക്കാനും കൂടുതൽ വായിക്കുക

പ്രശസ്തരായ പൂർവവിദ്യാർത്ഥികൾ

ചെമ്രക്കാട്ടൂർ ജി.എൽ.പി.സ്കൂളിൽ നിന്നും പ്രാഥമിക പഠനം പൂർത്തിയാക്കിയ കുറെ കുട്ടികൾ പിൽക്കാലത്തു പല മേഖലകളിലും പേരും പ്രശസ്തിയും നേടിയവരാണ്.ഉന്നത വിദ്യാഭ്യാസം നേടി ശാസ്ത്രജ്ഞനും ഡോക്ടർമാരും എൻജിനീയർമാരും അധ്യാപകരും വക്കീലും ബിസിനനസ്സ്കാരും ഒക്കെ ആയവരും കലാ കായിക രംഗത്ത് കഴിവ് തെളിയിച്ചവരും ഒക്കെയായി ഒരുപാട് പേർ ചെമ്രക്കാട്ടൂർ ഉണ്ട്.

കൂടുതൽ അറിയാൻ

നേട്ടങ്ങൾ ,അവാർഡുകൾ

പഠന രംഗത്തെന്നപോലെ തന്നെ പഠ്യേതര രംഗത്തും വളരെ മികച്ച പ്രവർത്തനങ്ങളും നേട്ടങ്ങളും കരസ്ഥമാക്കിയിട്ടുണ്ട് ഞങ്ങളുടെ സ്കൂൾ . 2019 -2020 അധ്യയന വർഷത്തിൽ അരീക്കോട് സബ്ജില്ലാ തല ശാസ്ത്രോത്സവത്തിൽ ഉയർന്ന പോയിന്റോടെ തന്നെ ഓവറോൾ ചാംപ്യൻഷിപ് ഞങ്ങൾക്ക് നേടാനായി . അതുപോലെ സാമൂഹ്യ ശാസ്ത്ര മേളയിൽ രണ്ടാം  സ്ഥാനവും ഞങ്ങൾക്കായിരുന്നു .പ്രവൃത്തി പരിചയമേളയിലും ഞങ്ങളുടെ സ്കൂളിലെ കുറെ പ്രതിഭകൾ കഴിവ് തെളിയിച്ചു.അതുപോലെതന്നെ സബ്ജില്ലാ കലോത്സവത്തിലും കുറെ നേട്ടങ്ങൾ കരസ്ഥമാക്കാൻ ഈ കൊല്ലം കഴിഞ്ഞു. അറബിക് കലോത്സവത്തിൽ നാലാം സ്ഥാനവും നേടി .കൂടുതൽ അറിയാൻ

എൽ.എസ്.എസ്.

സ്കൂൾ അധ്യയന വർഷത്തിന്റ ആരംഭത്തിൽ തന്നെ പഠനത്തിൽ മുന്നിൽ നിൽക്കുന്ന നാലാം ക്ലാസ്സിലെ കുട്ടികളെ തിരഞ്ഞെടുത്തു ഞങ്ങൾ എൽ.എസ്.എസ്. പരിശീലനം നൽകുന്നു. തുടക്കത്തിൽ നാലാം ക്ലാസ്സിലെ അധ്യാപകരുടെ നേതൃത്വത്തിലും അരക്കൊല്ലപരീക്ഷക്ക് ശേഷം  എല്ലാ അധ്യാപകരുടെയും ഒത്തൊരുമിച്ച പ്രയത്നത്തിന്റെ ഭാഗമായി നല്ല റിസൾട്ട്‌ സ്കൂളിന് ലഭിക്കാറുണ്ട്.അവധി ദിവസങ്ങളിൽ പ്രത്യകം പരിശീലനം നൽകാറുണ്ട്. പ്രത്യേക ടൈം ടേബിൾ പ്രകാരം  പഠന മൊഡ്യൂൾതയ്യാറാക്കുകയും മോഡൽ പരീക്ഷകൾ നടത്തുകയും ചെയ്യുന്നത് കുട്ടികൾക്കും രക്ഷിതാക്കൾക്കും കൂടുതൽ ആത്മവിശ്വാസം നൽകുന്നു.അതുപോലെ തന്നെ പി.ടി.എ.യുടെ സഹകരണത്തോടെ രക്ഷിതാക്കൾക്കും കുട്ടികൾക്കും മോട്ടിവേഷൻ ക്ലാസും സംഘടിപ്പിക്കാറുണ്ട് . അതുകൊണ്ട് തന്നെ എൽ.എസ്.എസിൽ  നല്ലൊരു റിസൾട്ട് ഞങ്ങളുടെ സ്കൂളിനു കിട്ടാറുണ്ട് .

2019-20അധ്യയന വർഷത്തിൽ 7കുട്ടികൾ എൽ എസ് എസ് നേടി

റുഷ്‌ദ എം	അൻസഫ്	അൻവി ഇ	റന	ജിയാദ് പി	അഭിഷേക് പി	നിഹാൽ എം

കൂടുതൽ അറിയാൻ

ഉച്ചഭക്ഷണ പദ്ധതി

പ്രഭാത ഭക്ഷണം

2019 ൽ കുട്ടികൾക്ക് വേണ്ടി പി ടി എ യുടെ സഹകരണത്തോടെ നടപ്പിലാക്കിയ പദ്ധതിയാണ് "പ്രഭാത ഭക്ഷണം പദ്ധതി ". വളരെനേരത്തെ പ്രഭാത ഭക്ഷണം കഴിച്ചു വരുന്ന കുട്ടികൾക്ക് ഉച്ചയൂണിനു മുൻപ് ലഭിക്കുന്ന ഒരാശ്വാസമായിരുന്നു പ്രഭാത ഭക്ഷണം എന്ന പേരിൽ അറിയപ്പെട്ട കുരിയരിക്കഞ്ഞിയും ഉപ്പേരിയും .രാവിലെ ഇന്റർവൽ സമയത്തായിരുന്നു കുട്ടികൾക്ക് അത് നൽകിയിരുന്നത്. അതുപോലെ തന്നെ പിടിഎ യുടെയും രക്ഷിതാക്കളുടെയും സഹായത്തോടെ മാസത്തിലൊരിക്കൽ മാംസവും ബിരിയാണി ,കബ്സ പോലെയുള്ള ഭക്ഷണങ്ങളും കുട്ടികൾക്ക് നൽകി വരുന്നു.

സ്കൂളിന്റെ തനത് പ്രവർത്തനങ്ങൾ

ചെമ്രക്കാട്ടൂർ ജി.എൽ.പി.സ്കൂളിനെ മറ്റുള്ള സ്കൂളുകളിൽ നിന്നും എന്നും വേറിട്ട് നിർത്തുന്നത് സ്കൂളിൽ നടപ്പിലാക്കിക്കൊണ്ടിരിക്കുന്ന ഒരുപാട് തനത് പ്രവർത്തനങ്ങളിലൂടെയാണ്.കുട്ടികളുടെയും സ്കൂളിന്റെയും വളർച്ചക്ക് സഹായിക്കുന്ന ഒരുപാട് പ്രവർത്തനങ്ങൾ ഇതിനോടകം നടപ്പിലാക്കി കഴിഞ്ഞു. സ്കൂളിന്റേതായ ചില പ്രവർത്തനങ്ങളെ പരിചയപ്പെടാം.. കൂടുതൽ അറിയാൻ

നവമാധ്യമങ്ങളിൽ

ജി.എൽ.പി.എസ്.ചെമ്രക്കാട്ടൂരിന്റെ വിശേഷങ്ങൾ നാട്ടുകാർക്കും പൂർവ വിദ്യാർത്ഥികൾക്കുമെല്ലാം എവിടെയിരുന്നും കാണാൻ ഞങ്ങളും ഒരു ഫേസ്ബുക് പേജ് തുടങ്ങിയിട്ടുണ്ട് .പേജ് സന്ദർശിക്കാൻ താഴെയുള്ള ഫേസ്ബുക് ലിങ്കിൽ അമർത്തുക

https://www.facebook.com/glps.chemrakkattur.3

ചിത്രശാല

ഭൂത കാലത്തിന്റെ ഓർമകൾക്ക്  എപ്പോഴും മാധുര്യം കൂട്ടുന്നത് മനസ്സിൽ മായാതെ തെളിഞ്ഞു നിൽക്കുന്ന ചിത്രങ്ങളാണ് .ഞങ്ങളുടെ സ്കൂളിന്റെ ചരിത്രത്തിലും മായാത്ത കുറെ ചിത്രങ്ങളുണ്ട്. നമുക്ക് അതിലൂടെയൊന്നു കണ്ണോടിച്ചു നോക്കാം .. ചിത്രങ്ങൾ കാണാൻ

സ്കൂൾ വിക്കി ക്യൂ ആർ കോഡ്

സ്കൂൾ വിക്കി ക്യൂ ആർ കോഡ് ,ജി.എൽ.പി.എസ്.ചെമ്രക്കാട്ടൂർ

ഞങ്ങളുടെ സ്കൂളിൽ വരുന്ന രക്ഷിതാക്കൾക്കും പൊതുജനങ്ങൾക്കുമെല്ലാം  പ്രധാന കെട്ടിടങ്ങളുടെ ചുമരുകളിൽ സ്കൂൾ വിക്കി ക്യൂ ആർ കോഡ് ഒട്ടിച്ചിരിക്കുന്നത് കാണാം. ഇത് ഞങ്ങളുടെ സ്കൂളിനെക്കുറിച്ചുള്ള മുഴുവൻ കാര്യങ്ങളും മറ്റുള്ളവരിലേക്കെത്തിക്കാൻ വളരെ സഹായകമാണ് .ഹൈ ടെക് യുഗത്തിൽ ജീവിക്കുന്ന പുതു തലമുറക്ക് ക്യൂ ആർ കൊഡും സ്കാനിങ്ങുമെല്ലാം വളരെ സുപരിചിതമാണല്ലോ .. കൂടുതൽ അറിയാൻ

അതുകൊണ്ട് തന്നെ സ്കൂളിന്റെ വർത്തമാനകാര്യങ്ങൾ മാത്രമല്ല ,ഭൂതകാല ചാരിത്രം കൂടി അറിയാനുള്ള ഒരു വഴികാട്ടി കൂടിയാണ് ഈ ക്യൂ ആർ കോഡ് .സ്കൂളിൽ എത്തുന്നവർ സ്വന്തം മൊബൈൽ ഫോണിലെ സ്കാനിംഗ് സൗകര്യം ഉപയോഗിച്ച് ഭിത്തിയിൽ ഒട്ടിച്ചിരിക്കുന്ന ക്യൂ ആർ കോഡ് സ്കാൻ ചെയ്താൽ സ്കൂളിന്റെ വിക്കി പേജിലേക്ക് എത്താം.വിക്കി പേജിൽ സ്കൂളിനെ കുറിച്ചുള്ള സകലവിവരങ്ങളും ഒരുക്കിവെച്ചിട്ടുണ്ട് .ഇതിനോടകം തന്നെ ഒരുപാട് പേർ ഈ സേവനം ഉപയോഗിച്ചിട്ടുണ്ട്..

വഴികാട്ടി

• കേരളത്തിന്റെ ഏകദേശം മധ്യഭാഗത്തായി സ്ഥിതി ചെയ്യുന്ന മലപ്പുറം ജില്ലയുടെ വടക്ക് കിഴക്കായുള്ള നിലമ്പൂർ  റെയിൽവേ സ്റ്റേഷനിൽ നിന്നും 29  കിലോ മീറ്റർ തെക്ക് പടിഞ്ഞാറായിട്ടാണ് അരീക്കോട് ടൗൺ സ്ഥിതി ചെയ്യുന്നത് . അവിടെ നിന്നും സംസ്ഥാനപാത 65 ലൂടെ മൂന്ന് കിലോ മീറ്റർ സഞ്ചരിച്ചാൽ ചെമ്രക്കാട്ടൂരിൽ എത്താം .അവിടെ നിന്നും 300 മീറ്റർ കാവനൂർ റോഡിലൂടെ സഞ്ചരിച്ചാൽ സ്കൂളിന് മുൻപിലെത്താം.
• ദേശീയപാത 966 (രാമനാട്ടുകര - പാലക്കാട് )ൽ കൊണ്ടോട്ടിയിൽ നിന്ന് 14 കിലോമീറ്റർ വടക്ക് ഭാഗത്തേക്ക് സഞ്ചരിച്ചാലും ചെമ്രക്കാട്ടൂരിൽ എത്താം .
• കോഴിക്കോട് അന്താരാഷ്ട്ര വിമാനത്താവളത്തിന്റെ സമീപ പട്ടണമായ കൊണ്ടോട്ടിയിൽ നിന്ന് സംസ്ഥാനപാത 65 (പരപ്പനങ്ങാടി - അരീക്കോട് )ലൂടെ ബസിൽ യാത്ര ചെയ്താലും ചെമ്രക്കാട്ടൂർ എത്താം

{{#multimaps:11.208195854784964, 76.04285180995846|zoom=8}}