ക്രിസ്തുരാജ എൽ. പി. എസ്.

സ്കൂൾ

സൗകര്യങ്ങൾ

പ്രവർത്തനങ്ങൾ

ക്ലബ്ബുകൾ

ചരിത്രം

അംഗീകാരം

ഇംഗ്ലീഷ് വിലാസം

https://schoolwiki.in/Christuraja_L._P._S

ക്രിസ്തുരാജ എൽ. പി. എസ്.
വിലാസം
മലാപ്പറമ്പ് ക്രിസ്തുരാജ എ എൽ പി സ്കൂൾ മലാപ്പറമ്പ് , മലാപ്പറമ്പ് പി.ഒ. , 673009 , കോഴിക്കോട് ജില്ല
സ്ഥാപിതം	23 - 6 - 1943
വിവരങ്ങൾ
ഫോൺ	0495 2376455
ഇമെയിൽ	christurajalps@gmail.com
കോഡുകൾ
സ്കൂൾ കോഡ്	17218 (സമേതം)
യുഡൈസ് കോഡ്	32040501903
വിക്കിഡാറ്റ	Q64552747
വിദ്യാഭ്യാസ ഭരണസംവിധാനം
റവന്യൂ ജില്ല	കോഴിക്കോട്
വിദ്യാഭ്യാസ ജില്ല	കോഴിക്കോട്
ഉപജില്ല	കോഴിക്കോട് സിറ്റി
ഭരണസംവിധാനം
ലോകസഭാമണ്ഡലം	കോഴിക്കോട്
നിയമസഭാമണ്ഡലം	കോഴിക്കോട് വടക്ക്
താലൂക്ക്	കോഴിക്കോട്
തദ്ദേശസ്വയംഭരണസ്ഥാപനം	കോഴിക്കോട്
വാർഡ്	12
സ്കൂൾ ഭരണ വിഭാഗം
സ്കൂൾ ഭരണ വിഭാഗം	എയ്ഡഡ്
സ്കൂൾ വിഭാഗം	പൊതുവിദ്യാലയം
പഠന വിഭാഗങ്ങൾ	എൽ.പി
സ്കൂൾ തലം	1 മുതൽ 4 വരെ
മാദ്ധ്യമം	മലയാളം, ഇംഗ്ലീഷ്
സ്ഥിതിവിവരക്കണക്ക്
ആൺകുട്ടികൾ	191
പെൺകുട്ടികൾ	87
ആകെ വിദ്യാർത്ഥികൾ	278
അദ്ധ്യാപകർ	9
സ്കൂൾ നേതൃത്വം
പ്രധാന അദ്ധ്യാപകൻ	വർഗ്ഗീസ്. ടി.ജെ.
പി.ടി.എ. പ്രസിഡണ്ട്	ഷൈജി
എം.പി.ടി.എ. പ്രസിഡണ്ട്	മഞ്ജു
അവസാനം തിരുത്തിയത്
18-01-2022	Sreejithkoiloth

പ്രോജക്ടുകൾ
തിരികെ വിദ്യാലയത്തിലേക്ക്	(സഹായം)
എന്റെ ഗ്രാമം	(സഹായം)
നാടോടി വിജ്ഞാനകോശം	(സഹായം)
സ്കൂൾ പത്രം	(സഹായം)
അക്ഷരവൃക്ഷം	(സഹായം)
ഓർമ്മക്കുറിപ്പുകൾ	(സഹായം)
എന്റെ വിദ്യാലയം	(സഹായം)
Say No To Drugs Campaign	(സഹായം)
ഹൈടെക് വിദ്യാലയം	(സഹായം)
കുഞ്ഞെഴുത്തുകൾ	(സഹായം)

കോഴിക്കോട് കോർപ്പറേഷനിലെ മലാപ്പറമ്പിൽ വയനാട് റോഡിനു വടക്കുവശം ഈശോ സഭയുടെ കേരള പ്രവിശ്യ ആസ്ഥാനമായ ക്രൈസ്റ്റ് ഹാളിനോട് അനുബന്ധിച്ച് ഇഖ്‌റ ആശുപത്രിയുടെ എതിർവശത്താണ്‌ ക്രിസ്തുരാജ  എൽ.പി  സ്കൂൾ സ്ഥിതി ചെയ്യുന്നത് .1943  ൽ  ഈ പ്രദേശത്തെ സാധാരണക്കാരുടെയും പാർശ്വവൽക്കരിക്കപ്പെട്ടവരുടെയും  കുട്ടികളുടെ സമഗ്ര വികസനം ലക്ഷ്യമാക്കി സ്ഥാപിതമായി .കോഴിക്കോട് സിറ്റി സബ്ജില്ലയിലെ മികച്ച ഒരു പ്രാഥമിക വിദ്യാലയമായി ഈ വിദ്യാലയം ഇന്നും പ്രശോഭിക്കുന്നു . ഇരുന്നൂറിലധികം വിദ്യാർത്ഥികളാണ് ഈ വിദ്യാലയത്തിൽ പഠിക്കുന്നത് .

ചരിത്രം

കോഴിക്കോട് കോർപ്പറേഷനിലെ പന്ത്രണ്ടാം വാർഡിൽപെട്ട മലാപ്പറമ്പിൽ ആഗോള വ്യാപകമായി പ്രവർത്തിക്കുന്ന ഈശോ സഭയുടെ കേരള പ്രവിശ്യയുടെ ആസ്ഥാനമായ ക്രൈസ്റ്റ് ഹാളിന്റെ അനുബന്ധ സ്ഥാപനമായ ക്രിസ്തുരാജ എൽ.പി സ്കൂൾ കണ്ണൂർ തൃശൂർ ബൈപ്പാസിന്റെ പടിഞ്ഞാറായും കോഴിക്കോട് വായനാട് റോഡിന്റെ വടക്കു ഭാഗത്തായും ഇഖ്‌റ ആശുപത്രിയുടെ എതിർവശത്തായി സ്ഥിതിചെയ്യുന്നു ഈശോ സഭ വൈദികരുടെ മാനേജ്‌മെന്റിനു കീഴിലാണ് ഈ വിദ്യാലയം .

ഈശോ സഭാംഗങ്ങളുടെ പരിശീലന കേന്ദ്രമായി 1933 ൽ ക്രൈസ്റ്റ് ഹാൾ സ്ഥാപിതമായി ക്രമേണ ഈശോ സഭയുടെ സാമൂഹ്യ പ്രവർത്തനങ്ങൾ മലാപ്പറമ്പ് പ്രദേശത്ത് വ്യാപിക്കാൻ ആരംഭിച്ചു ഇറ്റലിയിൽ നിന്നുവന്ന ഈശോ സഭ മിഷണറിമാരായ ഫാദർ .ഫോറോളിയും ഫാദർ .ചൊദോത്തിയും ചേർന്ന് രക്ത സാക്ഷിയായ വിശുദ്ധ ജസ്റ്റിന്റെ നാമത്തിൽ 1943 ൽ ക്രൈസ്റ്റ് ഹാളിനോടുചേർന്ന് ഒരു കുരിശുപള്ളി സ്ഥാപിച്ചു . ഈ പ്രദേശത്തെ സാധാരണക്കാരിലും പാർശ്വവൽക്കരിക്കപ്പെട്ടവരിലും വിദ്യയുടെ വെളിച്ചം പകരാനും അജ്ഞത അകറ്റാനും അവരുടെ കുട്ടികളുടെ സമഗ്ര വളർച്ചയും ലക്ഷ്യമിട്ടുകൊണ്ട് ആ പള്ളിയുടെ ഒരു ഭാഗം കർട്ടനിട്ട് വേർതിരിച്ച് ഒരു ക്ലാസ്സ്മുറി മാത്രമായി ക്രിസ്തുരാജ സ്കൂൾ സ്ഥാപിച്ചു . 1945 ഓടെ റവ. ഫാദർ ബോനിഫസ് ഡിസൂസ .എസ്.ജെ യുടെ ശ്രമഫലമായി സ്കൂളിനുമാത്രമായി കെട്ടിടം പണിയുകയും അംഗീകാരത്തിന് അപേക്ഷിക്കുകയും ഒന്ന് മുതൽ അഞ്ചു വരെ ക്ലാസുകളുള്ള വിദ്യാലയമായി അംഗീകാരം ലഭിക്കുകയും ചെയ്തു .

ലോകമെങ്ങും വ്യാപിച്ചുകിടക്കുന്ന ഈശോ സഭയുടെപ്രവർത്തന മണ്ഡലത്തിൽ ഒരു പ്രൈമറി സ്കൂളായി ഒതുങ്ങിപോയ ക്രിസ്തുരാജ എൽ.പി .സ്കൂളിന്റെ പ്രവർത്തനങ്ങൾ വളരെയേറെ ശ്ലാഘനീയമാണ് സാമ്പത്തികമായും സാംസ്കാരികമായും ഉയർന്ന നിലവാരം പുലർത്തുന്ന ഈ പ്രദേശത്തെ ജനങ്ങൾക്കിടയിൽ നിന്ന് സാധാരണക്കാരെ ഉന്നം വച്ചുകൊണ്ട് അവരുടെ കുട്ടികളിൽ വിജ്ഞാനത്തിന്റെ പൊൻകിരണം പരത്തി മുന്നേറുകയാണ് ഈ സ്കൂൾ ചുറ്റുപാടും ഹൈടെക് സ്കൂളുകളും തുടർ വിദ്യാഭ്യാസ സൗകര്യങ്ങളും വർദ്ധിച്ചുവരുന്ന ഈ സാഹചര്യത്തിൽ അവയോടൊക്കെ കിട പിടിച്ചുകൊണ്ട് സിറ്റിയിലെ തന്നെ ഒരു മികച്ച എൽ.പി സ്കൂളായി നിലനിൽക്കുന്നത് ഇവിടുത്തെ പഠന പാഠ്യേതര പ്രവർത്തനങ്ങളുടെ മികവുകൊണ്ട് മാത്രമാണ്. സാമ്പത്തിക പിന്നോക്ക അവസ്ഥയിൽ ഉള്ളവർക്ക് പ്രത്യേക പരിഗണന നൽകി എല്ലാവരുടെയും സമഗ്ര വ്യക്തിത്വ രൂപീകരണത്തിൽ പങ്കാളിയാവാൻ ഈ കലാലയത്തിനു കഴിയുന്നു .ദൈവാനുഭവം , നീതിബോധം ,ആർദ്രത , സത്യം ,സ്നേഹം ,നീതി,സമാധാനം ,ജീവിത ലാളിത്യം , ജീവനോടും പ്രകൃതിയോടുമുള്ള ആദരവും സ്നേഹവും എന്നീ അടിസ്ഥാന മൂല്യങ്ങൾ വിദ്യാർത്ഥികൾക്ക് പകർന്നു കൊടുക്കുവാനും ഇവിടുത്തെ മാനേജ്മെന്റും അധ്യാപകരും ശ്രമിക്കുന്നു .74 വർഷങ്ങൾ പിന്നിടുമ്പോൾ ആയിരക്കണക്കിന് കുഞ്ഞുങ്ങളെ വിദ്യയുടെ പ്രകാശത്തിലേക്ക് കൈ പിടിച്ചുനയിക്കാനും വളർച്ചയുടെ പടവുകൾ കയറ്റിവിടാനും ഈ വിദ്യാലയത്തിന് കഴിഞ്ഞിട്ടുണ്ട്

  സപ്തതിയുടെ നിറവിൽ മാനേജ്‌മന്റ് പണിതുനൽകിയ ആധുനിക സൗകര്യങ്ങളോടുകൂടിയ കെട്ടിടത്തിലാണ് ഇപ്പോൾ ഈ സ്കൂൾ പ്രവർത്തിക്കുന്നത് പട്ടണത്തിലെ തിരക്കുകൾക്കിടയിൽ ഹരിതാഭ നിറഞ്ഞ് പ്രകൃതിയോട് ഇണങ്ങിയ ഈ ക്യാമ്പസ് തന്നെ കുട്ടികൾക്ക് ഊർജ്ജ ദായകമാണ്  .ഈ രീതിയിൽ ഈ സ്കൂളിനെ നവീകരിക്കാൻ മുൻകൈ എടുത്ത് പ്രവർത്തിച്ച ഈശോ സഭയുടെ മുൻ പ്ര വിണ്ഷ്യൽ  ഫാദർ. ജോസഫ് കല്ലേപ്പള്ളിൽ എസ്‌.ജെ  മുൻ മാനേജർ ഫാദർ പയസ് വാച്ചപറമ്പിൽ  എസ്‌.ജെ  പിന്തുണ നൽകിയ മറ്റു ഈശോ സഭാംഗങ്ങളെയും കൃതജ്ഞതാപൂർവ്വം സ്മരിക്കുന്നു .

ഭൗതികസൗകര്യങ്ങൾ

പ്രകൃതി സൗഹൃദ കാമ്പസ്‌ ,ആധുനിക ക്ലാസ് മുറികൾ , കമ്പ്യൂട്ടർ ലാബ് ,ഓഡിയോ വിഷ്വൽ തീയറ്റർ , ലൈബ്രറി , ഊട്ടുമുറി , പാചകപ്പുര , ആധുനിക ശുചിമുറികൾ ,കളിക്കാനുള്ള സൗകര്യങ്ങൾ ,ഓപ്പൺ തീയറ്റർ.

പാഠ്യേതര പ്രവർത്തനങ്ങൾ

കുട്ടികളുടെ തീയറ്റർ

സർഗാത്മക കഴിവുകൾ പ്രകടിപ്പിക്കാനും പരിശീലിക്കാനുമുള്ള വേദി .പാഠഭാഗങ്ങളുടെ യും സാമൂഹിക പ്രശ്നങ്ങളുടെയും നാടകീകരണം നടത്തുകയും ചെയ്യുന്നു.

ശാസ്ത്ര ക്ലബ്

ശാസ്ത്രാഭിരുചി വളർത്താനും പോഷിപ്പിക്കുവാനുമുള്ള പ്രവർത്തനങ്ങൾ നടത്തുന്നു.

ഇംഗ്ലീഷ് ക്ലബ്

ഇംഗ്ലീഷ് ഭാഷാഭിരുചി വളർത്തുന്നതിനും പ്രോത്സാഹിപ്പിക്കുന്നതിനുമുള്ള പ്രവർത്തനങ്ങൾ നടത്തുന്നു.

ആരോഗ്യ ക്ലബ്

ആരോഗ്യ അവബോധവും നല്ല ആരോഗ്യ ശീലങ്ങളും വളർത്താനായുള്ള പ്രവർത്തനങ്ങൾ നടത്തുന്നു.

സുരക്ഷാക്ലബ്‌

സ്വയവും സാമൂഹ്യവുമായുള്ള സുരക്ഷയെക്കുറിച്ച് അവബോധം നൽകാനും സാധിക്കുന്ന തരത്തിൽ സുരക്ഷാ പ്രവർത്തനങ്ങളിൽ ഏർപ്പെടാനുള്ള പരിശീലനം നൽകുന്നു.

വിദ്യാരംഗം കലാ സാഹിത്യ വേദി

കുരുന്നു പ്രതിഭകളുടെ സാഹിത്യ അഭിരുചികൾ കണ്ടെത്താനും പ്രകടിപ്പിക്കുവാനും പ്രോത്സാഹിപ്പിക്കുവാനുമുള്ള പ്രവർത്തനങ്ങൾ നടത്തുന്നു.

ഗണിത ക്ലബ്ബ്

ഗണിതത്തോടുള്ള താൽപര്യമുണർത്തുന്ന പ്രവർത്തനങ്ങൾ നടത്തുന്നു.

സാമൂഹ്യശാസ്‌ത്ര ക്ലബ്ബ്

സ്വന്തം പ്രദേശത്തെ കുറിച്ചും സംസ്ഥാനത്തെ കുറിച്ചും രാഷ്ട്രത്തെക്കുറിച്ചും അറിവ് പകരുന്ന പ്രവർത്തനങ്ങളും, സാമൂഹ്യ ബോധം വളർത്താൻ ഉതകുന്ന പ്രവർത്തനങ്ങളും നടത്തുന്നു.

പരിസ്ഥിതി ക്ലബ്ബ്.

പരിസ്ഥിതി പ്രശ്നങ്ങളെ കുറിച്ച് അവബോധം നൽകാനും പരിസ്ഥിതി സംരക്ഷണ പ്രവർത്തനങ്ങളിൽ ഏർപ്പെടാനുമുള്ള പരിശീലനം നൽകുന്നു.

ക്വിസ് ക്ലബ്

ദിനാചരണങ്ങളോട് അനുബന്ധിച്ചും,മറ്റ് പ്രാധാന്യമുള്ള ദിനങ്ങളെ കുറിച്ചും, പ്രത്യേക വിഷയങ്ങൾ തിരഞ്ഞെടുത്തും ക്വിസ് പരിപാടികളും പരിശീലനങ്ങളും നടത്തിവരുന്നു.

ടാലന്റ് ലാബ്

കുട്ടികളുടെ സർഗാത്മകകഴിവുകൾ വികസിപ്പിക്കുന്നതിനായി ആഴ്ചതോറും ചിത്രരചന, നൃത്തം,സംഗീതം, അഭിനയം, എന്നീ മേഖലകളിലെ പ്രമുഖരെ കൊണ്ട് പരിശീലനം നൽകുന്നു

സ്കൂൾ കലാകായിക ശാസ്ത്ര മേളകൾ

വിദ്യാർത്ഥികളുടെ കായിക കഴിവുകൾ വളർത്തിയെടുക്കാനായി കായികമേളയും കലാപ്രതിഭകളെ വളർത്താനായി കലാമേളയും ,ശാസ്ത്രാവബോധം വളർത്താനും പ്രകടിപ്പിക്കുവാനുമായി ശാസ്ത്രമേളയും നടത്തുന്നു.

ദിനാചരണങ്ങൾ

പ്രവേശനോത്സവം

പട്ടുകുപ്പായങ്ങളിട്ട് ചന്നം പിന്നം മഴയത്ത് പുള്ളിക്കുടയും ചൂടി കുരുന്നുകൾ സ്കൂൾ അങ്കണത്തിലെത്തി അറിവിന്റെ ആദ്യാക്ഷരങ്ങൾ അറിവുമരത്തിൽ ചാർത്തി മധുരം നുണഞ്ഞു സമ്മാനങ്ങളും വാങ്ങി പ്രവേശനോത്സവം ആഘോഷിച്ചു .

പരിസ്ഥതി ദിനാചരണം

പ്രകൃതി എന്റേതുമാത്രമല്ല എല്ലാവര്ക്കും ഉള്ളതാണെന്നും വരും തലമുറകൾക്കുകൂടി അവകാശപ്പെട്ട ഭൂമിയെ സംരക്ഷിക്കേണ്ടത് തന്റെ കൂടെ ഉത്തരവാദിത്വമാണ് എന്ന് ബോധ്യപ്പെടുത്തുന്ന രീതിയിലുള്ള പ്രവർത്തനങ്ങൾ നടത്തി .പരിസ്ഥിതി സംരക്ഷണ പ്രതിജ്ഞ ,റാലി എന്നിവ നടത്തി

വായന വാരാചരണം

പ്രൈമറി വിഭാഗം കുട്ടികൾക്ക് പരിചയപ്പെടേണ്ട സാഹിത്യ കാരന്മാരുടെയും കവികളുടെയും ഫോട്ടോകളും കൃതികളും പരിചയപ്പെടുത്തി പ്രദർശനം നടത്തി പ്രശ്നോത്തരി സംഘടിപ്പിച്ചു .കുട്ടികൾക്കും മാതാപിതാക്കൾക്കുമായി വായനാമത്സരവും നടത്തി

ബഷീർ ദിനം

കോഴിക്കോടിന്റെ കഥാകാരൻ പ്രശസ്തനായ ബേപ്പൂർ സുൽത്താന്റെ അനുസ്മരണവുമായി ബന്ധപ്പെട്ട് അദ്ദേഹത്തെ കുറിച്ചുള്ള പ്രഭാഷണങ്ങൾ, ഡോക്യുമെന്ററികൾ, കൃതികൾ പരിചയപ്പെടുത്തൽ,കഥാപാത്ര അവതരണം എന്നിവ നടത്തുന്നു.

ഓണം

കൂട്ടായ്മയുടെ പ്രതീകമായി അധ്യാപകരും രക്ഷിതാക്കളും ചേർന്ന് വിഭവസമൃദ്ധമായ ഓണസദ്യ നടത്തി പലതരം കലാപരിപാടികൾ നടത്തി .പാർശ്വവത്ക്കരിക്കപ്പെട്ടവരോട് പക്ഷം ചേരുന്നതിന്റെ ഭാഗമായി വെള്ളിമാട്കുന്ന് വൃദ്ധസദനം സന്ദർശിച്ച് അവർക്ക് ഓണക്കോടികൾ നൽകി

സ്വാതന്ത്ര്യ ദിനാചരണം

സ്വാതന്ത്ര്യ സമര സേനാനികൾക്ക് സ്മരണാഞ്ജലി അർപ്പിച്ചു ചുമർ പത്ര നിർമ്മാണവും പ്രദർശനവും അതോടനുബന്ധിച്ച പ്രശ്നോത്തരി മത്സരവും നടന്നു .പ്രസംഗ മത്സരവും ദേശഭക്തി ഗാന മത്സരവും നടത്തപ്പെട്ടു .ദേശീയ പതാകവന്ദനവും പ്രഭാഷണവും മധുര വിതരണവും ഉണ്ടായിരുന്നു

അധ്യാപകദിനം

അധ്യാപകരെ പി ടി എ യും, പൂർവ്വാധ്യാപകരെ അധ്യാപകരും പൊതു ചടങ്ങിൽ ആദരിച്ചു .കുട്ടികൾക്ക് മധുര പലഹാര വിതരണവും നടന്നു

ഗാന്ധി ജയന്തി

മത സൗഹാർദ്ദ പ്രാർത്ഥനയോടെ ആരംഭിച്ചു .ഗാന്ധിയുമായി ബന്ധപ്പെട്ട ചുമർ പത്ര നിർമ്മാണങ്ങൾ ക്‌ളാസ്സുകളിൽ നടന്നു .എല്ലാ ക്‌ളാസ്സുകാരും കൂടി കൈയെഴുത്തു മാസിക നിർമ്മിച്ച് പ്രകാശനം ചെയ്തു .ശുചീകരണ പ്രവർത്തനങ്ങളും നടന്നു

കേരളപ്പിറവി

കേരളത്തെ കുറിച്ച് പൊതു അറിവുകൾ പങ്കുവെച്ചു .കേരളത്തിലെ ജലസമ്പത്ത് എന്ന വിഷയത്തെ കുറിച്ച് പഠനങ്ങളും ചാർട്ടുകളും സി ഡി പ്രദർശനങ്ങളും ചുമർ പത്ര നിർമ്മാണവും നടന്നു

ശിശുദിനം

കുട്ടികൾക്ക് പ്രാധാന്യം നൽകിയ പ്രവർത്തനങ്ങൾ നടത്തി പി ടി എ യുടെ സഹകരണത്തോടെ പായസ വിതരണവും നടത്തി

ക്രിസ്തുമസ്

ക്രിസ്തുമസ് വിളക്കുകൾ , ട്രീ , പുൽക്കൂട് എന്നിവ ഉണ്ടാക്കി ,ഫാൻസി ഫെറ്റ് നടത്തി .ക്രിസ്തുമസ്സിനോടനുബന്ധിച്ച സ്കിറ്റ് ,കരോൾ ഗാന മത്സരം എന്നിവ ഉണ്ടായിരുന്നു കുട്ടികൾക്ക് ക്രിസ്തുമസ് കേക്ക് വിതരണം ചെയ്തു

മാതൃദിനം

അമ്മമാർക്കായി വിവിധ പരിപാടികൾ നടത്തി ,രചനാ മത്സരങ്ങൾ ,പാചക മത്സരങ്ങൾ എന്നിവ നടത്തി .പയർ വിഭവങ്ങളുടെ പ്രദർശനം എന്നിവ നടത്തി

വഴികാട്ടി

വിദ്യാലയത്തിലേക്ക് എത്തുന്നതിനുള്ള മാർഗ്ഗങ്ങൾ

---

• കോഴിക്കോട് ബസ് സ്റ്റാന്റിൽനിന്നും 5 കി.മി അകലത്തിൽ ഇഖ്‌റ ആശുപത്രിക്ക് എതിർവശം സ്ഥിതിചെയ്യുന്നു.

---

{{#multimaps:11.2875513, 75.7994308|zoom=18}}

---