വിമലമാതാ എച്ച്.എസ്സ്. കദളിക്കാട്
| സ്കൂൾ | സൗകര്യങ്ങൾ | പ്രവർത്തനങ്ങൾ | പ്രൈമറി | എച്ച്.എസ് | എച്ച്.എസ്.എസ്. | ചരിത്രം | അംഗീകാരം |
| വിമലമാതാ എച്ച്.എസ്സ്. കദളിക്കാട് | |
|---|---|
 | |
| വിലാസം | |
കദളിക്കാട് കദളിക്കാട് പി.ഒ, , എറണാകുളം 686670 | |
| സ്ഥാപിതം | 04 - 06 - 1962 |
| വിവരങ്ങൾ | |
| ഫോൺ | 0485 2261257 (HS), 0485 2263080(HSS) |
| ഇമെയിൽ | kadalikad28040@yahoo.com, vimalamatha28040@gmail.com (HS), vmhsskadalikad@gmail.com (HSS) |
| വെബ്‍സൈറ്റ് | http://www.vimalamathahss.com |
| കോഡുകൾ | |
| സ്കൂൾ കോഡ് | 28040 (സമേതം) |
| വിദ്യാഭ്യാസ ഭരണസംവിധാനം | |
| റവന്യൂ ജില്ല | എറണാകുളം |
| വിദ്യാഭ്യാസ ജില്ല | മുവാറ്റുപുഴ |
| സ്കൂൾ ഭരണ വിഭാഗം | |
| സ്കൂൾ വിഭാഗം | പൊതു വിദ്യാലയം |
| പഠന വിഭാഗങ്ങൾ | എൽ.പി യു.പി ഹൈസ്കൂൾ |
| മാദ്ധ്യമം | മലയാളം,ഇംഗ്ലീഷ് |
| സ്കൂൾ നേതൃത്വം | |
| പ്രിൻസിപ്പൽ | സി.സാലി ജോർജ്ജ് |
| പ്രധാന അദ്ധ്യാപകൻ | സി.സാലി ജോർജ്ജ് |
| അവസാനം തിരുത്തിയത് | |
| 26-09-2020 | 28040 |
| ക്ലബ്ബുകൾ | |
|---|---|
| (സഹായം?) | |
| (സഹായം?) | |
| (സഹായം?) | |
| (സഹായം?) | |
| (സഹായം?) | |
| (സഹായം?) | |
| (സഹായം?) | |
| (സഹായം?) | |
| (സഹായം?) | |
| (സഹായം?) | |
| (സഹായം?) | |
| (സഹായം?) | |
| (സഹായം?) | |
| (സഹായം?) | |
| (സഹായം?) | |
| (സഹായം?) | |
| (സഹായം?) | |
| (സഹായം?) | |
| (സഹായം?) |
എറണാകുളം ജില്ലയിൽ, മൂവാറ്റുപുഴ താലൂക്കിൽ പ്രകൃതിരമണീയമായ മഞ്ഞള്ളൂർ ഗ്രാമപഞ്ചായത്തിലെ കദളിക്കാട് ഗ്രാമത്തിൽ 1962 ജൂൺ 4-ാം തീയതി ഒരു യു.പി. സ്കൂൾ പ്രവർത്തനം ആരംഭിച്ചു. വിദ്യാഭ്യാസത്തിലൂടെ കരകളെയും ദേശങ്ങളെയും നവീകരിക്കുക എന്ന ലക്ഷ്യത്തെ മുൻനിർത്തി എസ്.എ.ബി.എസ് സന്യാസിനി സമൂഹമാണ്‌ ഇതിന്‌ നേതൃത്വം നൽകിയത്‌.
അഞ്ചാംക്ലാസ്സിൽ 42-ഉം ആറാംക്ലാസ്സിൽ 36 കുട്ടികളുമായി ആരംഭിച്ച ഈ വിദ്യാലയത്തിൽ പ്രഥമ ഹെഡ്മിസ്ട്രസ് സി. ആൻസി ആയിരുന്നു. പരിമിതമായ സൗകര്യങ്ങളോടെഒരു ഷെഡിൽ ആരംഭിച്ച ഈ വിദ്യാലയം ഈ ഗ്രാമത്തിന്റെ വളർച്ചയ്‌ക്ക്‌ ഒട്ടേറെ സംഭാവനകൾ നൽകി.
ചരിത്രം
1962 മുതൽ ഒരു യു.പി. സ്‌കൂളായിരുന്ന ഈ വിദ്യാലയം ഒരു ഹൈസ്‌കൂളായി ഉയർത്തുക എന്നത്‌ കദളിക്കാട് ഗ്രാമവാസികളുടേയും സ്കൂൾ മാനേജ്‌മെന്റിന്റെയും ചിരകാലാഭിലാഷമായിരുന്നു. 1983 ജൂൺ 15-ാം തീയതി ഇത്‌ ഒരു ഹൈസ്‌കൂളായി അപ്‌ഗ്രേഡ്‌ ചെയ്തു. 8-ാം ക്ലാസ് 2 ഡിവിഷനോടു കൂടി പ്രവർത്തനം ആരംഭിച്ചു. സി. സെലസ്റ്റീന്റെ നേതൃത്വത്തിൽ 1986 ൽ ഫസ്റ്റ്‌ ബാച്ച് എസ്.എസ്.എൽ.സി പരീക്ഷ എഴുതുകയും 100% വിജയം നേടുകയും ചെയ്തു. പഠനത്തോടൊപ്പം പാഠ്യേതര പ്രവർത്തനങ്ങളിലും ഉന്നത നിലവാരം പുലർത്തുവാൻ വിമലമാതായ്‌ക്ക്‌ എന്നും കഴിഞ്ഞിട്ടുണ്ട്‌. സബ്‌ജില്ല, ജില്ല, സംസ്ഥാന, ദേശീയ തലങ്ങളിൽ കലാകായിക രംഗത്ത് എല്ലാ വർഷവും നിരവധി കുട്ടികൾ സമ്മാനാർഹരാകുന്നുണ്ട്‌. കേരള സ്കൗട്ട് ആന്റ്‌ ഗൈഡ്‌സിന്റെ ഒരു യൂണിറ്റ് ഇവിടെ കാര്യക്ഷമമായി പ്രവർത്തിക്കുന്നു. മൂവാറ്റുപുഴ വിദ്യാഭ്യാസ ജില്ലയിലെ ബെസ്റ്റ് സ്‌കൂളിനുള്ള ട്രോഫി 1997-98, 2002-03, 2006-07 വർഷങ്ങളിൽ ഈ വിദ്യാലയത്തിന്‌ ലഭിച്ചിട്ടുണ്ട്‌. ഈ കാലയളവിൽ സി. ക്ലെയർ, സി. സെലസ്റ്റിൻ, സി. അലോഷ്യസ്, സി. ട്രീസ, സി. ഫിലോമിന എന്നിവർ സ്കൂളിന്റെ സാരഥ്യം ഏറ്റെടുത്തവരാണ്‌. 2002 ജൂൺ മുതൽ പാരലൽ ഇംഗ്ലീഷ് മീഡിയം ആരംഭിച്ചു.2007- 2009 കാലഘട്ടത്തിൽ സി.ജെസി ഈ വിദ്യാലയത്തിന്റെ സാരഥ്യം വഹിച്ചു.2009 ഏപ്രിൽ മുതൽ 2016 മാർച്ച് വരെ സി.റ്റെസി ചന്ദ്രൻകുന്നേൽ ഈ വിദ്യാലയത്തെ ഉയരങ്ങളിലേയ്ക്ക് നയിച്ചു. 5 മുതൽ +2 വരെ 27 ഡിവിഷനുകളിലായി 1125 കുട്ടികൾ ഇവിടെ അധ്യയനം നടത്തുന്നു. 51 അധ്യാപകരും 5 അനധ്യാപകരും സേവനം അനുഷ്‌ഠിച്ചുവരുന്നു.2016-17, 2017-18 വർഷങ്ങളിൽ സി. ലിസയുടെ നേതൃത്വത്തിൽ സ്ക്കൂൾ വിജയത്തിലേയ്ക്ക് കുതിച്ചു.2018 മെയ് മുതൽസി. സാലി ജോർജ്ജ് പ്രിൻസിപ്പലായും റവ. മദർ ഗ്രെയ്സ് കൊച്ചുപാലിയത്തിൽ സ്കൂൾ മാനേജരായും വർത്തിക്കുന്നു. അധ്യാപകരുടെയും രക്ഷിതാക്കളുടെയും വിദ്യാർത്ഥികളുടെയും കൂട്ടായ പ്രവർത്തനവും സർവ്വോപരി ദൈവപരിപാലനയിലുള്ള അടിയുറച്ച വിശ്വാസവും സ്കൂളിന്റെ മദ്ധ്യസ്ഥയായ വിമല മാതാവിന്റെ മദ്ധ്യസ്ഥവുമാണ്‌ ഈ വിദ്യാലയത്തെ പ്രശസ്‌തിയുടെ മണിഗോപുരത്തിലേക്ക്‌ നയിച്ചുകൊണ്ടിരിക്കുന്നത്‌.
ഹയർ സെക്കണ്ടറി വിഭാഗം
2004 ൽ അൺ എയ്ഡഡ് ഹയർസെക്കണ്ടറി സയൻസ് ബാച്ച് ആരംഭിച്ചു.2015 ൽ അത് സയൻസ്, കോമേഴ്സ് എന്ന് രണ്ടുബാച്ചുകളോടെ എയ്ഡഡ് പദവിയിലേക്ക് ഉയർത്തപ്പെട്ടു.ഇപ്പോൾ രണ്ടു ബാച്ചുകളിലായി 220 കുട്ടികൾ അധ്യയനം നടത്തുന്നു.സി. സാലി ജോർജ്ജ് പ്രിൻസിപ്പൽ - ഇൻ- ചാർജ്ജ് ആയി സേവനം ചെയ്യുന്നു. ASAP, SCOUT, GUIDE, NSS എന്നിവയിൽ കുട്ടികൾ സജീവമായി പ്രവർത്തിക്കുന്നു.19 കമ്പ്യൂട്ടറുകളുള്ള വിശാലമായ കമ്പ്യൂട്ടർ റൂം പ്രവർത്തിക്കുന്നു. ഈ വർഷം കൈറ്റിൽ നിന്ന് 6 കമ്പ്യൂട്ടറുകൾ ലഭിച്ചത് നന്ദിയോടെ അനുസ്മരിക്കുന്നു.
പഠന നേട്ടങ്ങൾ
2017-18 ലെ SSLC പരീക്ഷയിൽ 100% വിജയവും 14 കുട്ടികൾക്ക് Full A+ ലഭിച്ചു.2018-19 ൽ 163 കുട്ടികൾ പരീക്ഷയെഴുതിയതിൽ 163 കുട്ടികളും വിജയിച്ചു.22 പേർ എല്ലാവിഷയങ്ങൾക്കും A+ കരസ്ഥമാക്കി.
നന്ദന സോമൻ, ഫ്ലവിൻ ഫ്രാൻസിസ്, മീനു വിനോദ്, അനാമിക എം മണി എന്നിവർ യു.എസ്സ്.എസ്സ്.സ്കോളർഷിപ്പിന് അർഹരായി.
ഭൗതിക സൗകര്യങ്ങൾ
അ‍ഞ്ച് ഏക്കർ ഭൂമിയിലാണ് ഈ വിദ്യാലയം സ്ഥിതി ചെയ്യുന്നത്. ഹൈസ്കൂളിന് 25 ക്ലാസ് മുറികളും ഹയർ സെക്കണ്ടറിക്ക് 4ക്ലാസ് മുറികളും ഫിസിക്സ്, കെമിസ്ടി, സുവോളജി,ബോട്ടണിഎന്നീ വിഷയങ്ങൾക്കായി 4 ലാബുകളുമുണ്ട്.ഈ അധ്യയന വർഷത്തിൽ എല്ലാവിധ സൗകര്യങ്ങളോടും കൂടിയ പുതിയ കെട്ടിടം പ്രവർത്തനമാരംഭിച്ചു. 2018 -19 അധ്യയനവർഷത്തിന്റെ ആരംഭത്തിൽതന്നെ പൊതുവിദ്യഭ്യാസസംരക്ഷണയത്നത്തിന്റെ ഭാഗമായിഹൈസ്കൂൾ സെക്ഷനിലെ 23 ക്ലാസ്സ് മുറികളും ഹയർ സെക്കണ്ടറിസെക്ഷനിലെ 4 ക്ലാസ്സ് മുറികളും പ്രോജക്ടർ, Laptop, എന്നിവഅടങ്ങുന്ന ഹൈടെക് ക്ലാസ്സ്മുറികളായി.അതിവിശാലമായ ഒരു കളിസ്ഥലം വിദ്യാലയത്തിനുണ്ട്.ഹൈസ്കൂൾ സെക്ഷനും യു.പി.സെക്ഷനും വെവ്വേറെ കമ്പ്യൂട്ടർ ലാബുകളുണ്ട്. രണ്ട് ലാബുകളിലുമായി ഏകദേശം ഇരുപതോളം കമ്പ്യൂട്ടറുകളുണ്ട്. ബ്രോഡ്ബാന്റ് ഇന്റർനെറ്റ് സൗകര്യം ലഭ്യമാണ്.വിദ്യാർത്ഥികളുടെ സർവ്വതോന്മുഖമായ വളർച്ച ലക്ഷ്യമാക്കി എഡ്യൂസാറ്റ് വഴിയുള്ള വിക്ടേഴ്സ് ചാനലും ലഭ്യമാക്കിയിരിക്കുന്നു.2019-20 അധ്യയനവർഷത്തിൽ യു.പി.വിഭാഗത്തിനായി 9 ലാപ്ടോപ്പുകളും 9സ്പീക്കറുകളും 3പ്രോജക്ടറുകളും കൈറ്റിൽ നിന്നും ലഭിച്ചു.
ലിറ്റിൽ കൈറ്റ്സ്
2018 ൽ ഈ വിദ്യാലയത്തിൽ ലിറ്റിൽ കൈറ്റ് ആരംഭിച്ചു. സി. ജൂലിയ ജോർജ്ജ്, ശ്രീമതി. പാർവ്വതി എസ്. എന്നിവർ കൈറ്റ് മിസ്ട്രസ്സുമാരായി പ്രവർത്തിക്കുന്നു.40 കുട്ടികൾ ലിറ്റിൽ കൈറ്റിൽഅംഗങ്ങളാണ്.ലിറ്റിൽകൈറ്റ്സ് ഹൈടെക് ക്ലാസ്സ് മുറികളിൽ വളരെ സഹായകമാണ്.പി.റ്റി.എ സമ്മേളനത്തിൽ ലിറ്റിൽകൈറ്റ് രക്ഷിതാക്കൾക്ക് ക്ലാസ്സുകൾ നടത്തി.
ഡിജിറ്റൽ പൂക്കളം 2019
സ്റ്റുഡന്റ് പോലീസ് കേഡറ്റ്
2014 ൽ ഈ വിദ്യാലയത്തിൽ SPC ആരംഭിച്ചു.ഒരേസമയം രണ്ടു ബാച്ചുകളിലായി 88 കുട്ടികൾ പരിശീലനം നേടുന്നു.2018-19 ൽ 10 കേഡറ്റ്സ് എല്ലാവിഷയങ്ങൾക്ക് A+ കരസ്ഥമാക്കി.
നാഷണൽ സർവ്വീസ് സ്കീം
ഭാരത സർക്കാരിന്റെ മേൽനോട്ടത്തിൽ പ്രവർത്തിക്കുന്ന നാഷണൽ സർവ്വീസ് സ്കീമിന്റെ ഒരു യൂണിറ്റ് ഇവിടെ പ്രവർത്തിച്ചുവരുന്നു. യുവജനങ്ങളുടെ ഇടയിൽ സമൂഹത്തിനോടുള്ള സേവനസന്നദ്ധതാമനോഭാവം വളർത്തുക എന്ന ലക്ഷ്യത്തോടെ പ്രവർത്തിക്കുന്ന ഈ സംഘടയയുടെ ആഭിമുഭ്യത്തിൽ ധാരാളം സേവനപ്രവർത്തനങ്ങൾ നടത്തിവരുന്നു.
അസാപ്
വിദ്യാഭ്യാസ വകുപ്പിന്റെ ആഭിമുഖ്യത്തിൽ നടപ്പാക്കി വരുന്ന അഡീഷനൽ സ്‌കിൽ അക്വിസിഷൻ പ്രോഗ്രാം (അസാപ്) ഈ സ്ക്കൂളിലെ വിദ്യാർത്ഥികൾക്കായി പ്രത്യേക പരിശീലനപരിപാടികൾ സംഘടിപ്പിച്ചിട്ടുണ്ട്. ഗുണമേന്മയുള്ള പരിശീലനത്തിലൂടെ തൊഴിൽ നൈപുണ്യമുള്ള ഒരു തലമുറയെ വളർത്തിയെടുക്കുകയും ഇവരിലൂടെ സാമൂഹിക-സാമ്പത്തിക മുന്നേറ്റവും സാധ്യമാക്കുകയുമാണ് ലക്ഷ്യം. പ്ലസ് വൺ ക്ലാസുകളിലെ വിദ്യാർത്ഥികൾക്ക് ക്ലാസ്സ് സമയം ആരംഭിക്കുന്നതിനു മുമ്പായി പ്രത്യേക പരിശീല ക്ലാസ്സുകൾ അസാപ് റിസോഴ്സ് ഗ്രൂപ്പിന്റെ നേതൃത്വത്തിൽ നടന്നുവരുന്നു.
ഗണിതശാസ്ത്രക്ലബ്ബ്
മികച്ച പ്രവർത്തനം നടത്തുന്ന ഒരു ഗണിതശാസ്ത്ര ക്ലബ്ബ് ഈ സ്ക്കൂളിലുണ്ട്. കാലാകാലങ്ങളായി ജില്ലാസംസ്ഥാന ഗണിതശാസ്ത്ര മത്സരങ്ങളിൽ കുട്ടികളെ പങ്കെടുപ്പിച്ച് ഉജ്ജ്വലമായ നേട്ടങ്ങൾ കൈവരിക്കാൻ ഗണിത ക്ലബ്ബിന്റെ പ്രവർത്തനങ്ങൾ കൊണ്ട് സാധിച്ചിട്ടുണ്ട്. എല്ലാആഴ്ചയിലും വ്യാഴാഴ്ച ദിവസങ്ങളിൽ ക്ലബ്ബ് അംഗങ്ങൾ ഒത്തുചേർന്ന് വിവിധ മത്സരങ്ങളും പ്രവർത്തനങ്ങളും നടത്തിവരുന്നു. ഗണിത മാഗസിൻ, ഗണിതി ക്വിസ്, പസ്സിലുകളുടെ അവതരണം, തുടങ്ങിയവ ക്ലബ്ബിന്റെ സ്ഥിരം പ്രവർത്തനങ്ങളിൽ ചിലതാണ്. സ്ക്കൂൾ ലൈബ്രറിയിലെ ഗണിതശാസ്ത്രപുസ്തകങ്ങളും ബ്രോഡ്ബാന്റ് ഇന്റർനെറ്റ് സൗകര്യവും ക്ലബ്ബ് പ്രവർത്തനങ്ങൾക്കായി ഉപയോഗിച്ചുവരുന്നു.
ഐ. റ്റി. ക്ലബ്ബ്
എല്ലാവർഷവും കല്ലൂർക്കാട് സബ്ജില്ലാ ഐ.ടി മേളയിൽ ഓവറോൾ കരസ്ഥമാക്കി ജില്ലാമേളയിൽ വ്യത്യസ്ഥ ഗ്രേഡുകൾ നേടുന്നു.
ഹായ് സ്ക്കൂൾ കുട്ടിക്കൂട്ടം
സ്ക്കൂൾ സ്റ്റുഡന്റ് ഐ.ടി കോ-ഓർഡിനേറ്റർമാരുടെയും ഐ.സി.ടി. രംഗത്ത് ആഭിമുഖ്യം പ്രകടിപ്പിക്കുന്ന കുട്ടികളുടെയും പ്രവർത്തനങ്ങൾ കൂടുതൽ ഫലപ്രദമാക്കുന്നതിനും ഐ.ടി.@സ്ക്കൂൾ പ്രോജക്ട് ആവിഷ്കരിച്ചു നടപ്പാക്കുന്ന സമഗ്ര നൂതന പദ്ധതിയാണ് ഹായ് സ്ക്കൂൾ കുട്ടിക്കൂട്ടം. 2017 ജനുവരിയിൽ ഈ സ്കൂളിലും ഹായ് സ്ക്കൂൾ കുട്ടിക്കൂട്ടം രൂപീകരിക്കുകയുണ്ടായി. 21 അംഗങ്ങൾ സ്ക്കൂൾ സ്റ്റുഡന്റ് ഐ.ടി കോ-ഓർഡിനേറ്റർ കുമാരി അലീന ജോർജ്ജിന്റെ നേതൃത്വത്തിൽ ഐ.സി.ടി. പ്രവർത്തനങ്ങളിൽ സജീവമായിരിക്കുന്നു.
ശാസ്ത്രക്ലബ്ബ്
വിദ്യാർത്ഥികളിൽ ശാസ്ത്രാഭിരുരുചി വർദ്ധിപ്പിക്കുന്നതിനായി ഈ സ്ക്കൂളിൽ ശാസ്ത്രക്ലബ്ബ് പ്രവർത്തിച്ചുവരുന്നു. ക്വിസ് മത്സരങ്ങൾ നടത്തുക, ശാസ്ത്രമാസികകൾ തയ്യാറാക്കുക, ദിനാചരണങ്ങൾ സംഘടിപ്പിക്കുക തുടങ്ങിയവയാണ് ക്ലബ്ബിന്റെ പ്രധാന പ്രവർത്തനങ്ങൾ
ആരോഗ്യപരിസ്ഥിതി ക്ലബ്ബ്
കുട്ടികളിൽ മികച്ച ആരോഗ്യശീലങ്ങൾ വർദ്ധിപ്പിക്കുക, പരിസ്ഥിതി സംരക്ഷണത്തിന്റെ പ്രാധാന്യം ബോധ്യപ്പെടുത്തുക എന്നീ ലക്ഷ്യങ്ങളോടെ ആരോഗ്യപരിസ്ഥിതി ക്ലബ്ബ് പ്രവർത്തിക്കുന്നുണ്ട്. ജീവിതശൈലീരോഗനിയന്ത്രണം, ശുചിത്വപാലനം എന്നീ വിഷയങ്ങളിൽ എല്ലാ വർഷവും ബോധവൽക്കരണ ക്ലാസ്സുകൾ നടത്തുന്നുണ്ട്. വിവിധ പ്രതിരോധമരുന്നുകളുടെ വിതരണം, റൂബെല്ല വാക്ലിൻ നൽകൽ, അയൺ ഫോളിക് ആസിഡ് ഗുളികയുടെ വിതരണം എന്നിവ ആരോഗ്യപരിസ്ഥിതി ക്ലബ്ബിന്റെ നേതൃത്വത്തിൽ നടത്തുന്ന പ്രവർത്തനങ്ങളിൽ ചിലതാണ്.
വിദ്യാരംഗം കലാസാഹിത്യവേദി
വിദ്യാർത്ഥികളിലെ കലാഭിരുചി വളർത്തുന്നതിനും വായനാശീലം വർദ്ധിപ്പിക്കുന്നതിനുമായി വിദ്യാരംഗം കലാസാഹിത്യവേദി പ്രവർത്തിച്ചുവരുന്നു. 2019-20 അധ്യയനവർഷത്തിലെ വിദ്യാരംഗം കലാസാഹിത്യവേദിയുടെ ഉദ്ഘാടനം എഴുത്തുകാരനും പത്രപ്രവർത്തകനുമായ ശ്രീ.ജോയൽ നെല്ലിക്കുന്നേൽ നിർവഹിച്ചു.
സ്പോർട്സ് ക്ലബ്ബ്
കായികാദ്ധ്യാപകൻ ശ്രീ ജയ്സൺ പി.ജോസഫിന്റെ നേതൃത്വത്തിൽ സ്പോർട്സ് ക്ലബ്ബ് കാര്യക്ഷമമായി പ്രവർത്തിച്ചുവരുന്നു. കായികപരിശീലനത്തിനായി അതി വിശാലമായ ഒരു മൈതാനം ഇവിടെയുണ്ട്. രാവിലെയും വൈകുന്നേരവുമായ വിവിധ കായിക ഇനങ്ങളിൽ പരിശീലനം നൽകിവരുന്നു. കല്ലൂർക്കാട് ഉപജില്ലാകായികമേളയിലും എറണാകുളം റവന്യൂജില്ലാകായികമേളയിലും വിദ്യാർത്ഥികൾ മികച്ച നേട്ടങ്ങൾ കൈവരിച്ചിട്ടുണ്ട്.
പാഠ്യേതര പ്രവർത്തനങ്ങൾ
2016-17,2017-18വർഷങ്ങളിൽ ഉപജില്ല കായികമേളയിൽ ഓവറോൾ കീരീടം സ്വന്തമാക്കി.ഉപജില്ല ശാസ്ത്രമേളയിൽ HSS വിഭാഗത്തിൽ എല്ലാ മേളകൾക്കും ഓവറോളും, എച്ച്.എസ്.,യു.പി വിഭാഗങ്ങളിൽ സയൻസ്, സോഷ്യൽ സയൻസ്, ഐ.ടി. work experience മേളകളിൽ ഓവറോളും കരസ്ഥമാക്കി.2017-18ൽ കായികമേള, കലാമേള, ശാസ്ത്രമേള ഇവയിലെല്ലാം കല്ലൂർക്കാട് ഉപജില്ലയിൽ ഓവറോൾ കരസ്ഥമാക്കി. ഡി.സി.എൽ. തൊടുപുഴ മേഖലയിലെ ബെസ്റ്റ് ഹൈസ്ക്കൂളായി ഈ സ്ക്കൂൾ തെരഞ്ഞെടുക്കപ്പെട്ടു.
ക്ലബ്ബ് പ്രവർത്തനങ്ങൾ
സ്കൗട്ട് & ഗൈഡ്സ്
എൻ.സി.സി
ബാന്റ് ട്രൂപ്പ്
ക്ലാസ് മാഗസിൻ
വിദ്യാരംഗം കലാ സാഹിത്യ വേദി. എച്ച്.എസ്സ്.എസ്സ്.തലത്തിൽ
എൻ.എസ്സ്.എസ്സ്
സ്കൗട്ട്&ഗൈഡ്
മാത്തമാറ്റിക്സ് ക്ലബ്ബ്
സയൻസ് ക്ലബ്ബ്
സോഷ്യൽ സയൻസ് ക്ലബ്ബ്
ഹെൽത്ത് ക്ലബ്ബ്
നെച്യർ ക്ലബ്ബ്
ഐറ്റി. ക്ലബ്ബ്
എനർജി ക്ലബ്ഹ് എന്നിവ വളരെ കാര്യക്ഷമതയോടെ നടത്തപ്പെടുന്നു. 40 കുട്ടികൾ ലിറ്റിൽ കൈറ്റിൽ അംഗങ്ങളായിപ്രവർത്തിക്കുന്നു. SITC സി.ജൂലിയ ജോർജ്ജ്, ശ്രീമതി. പാർവ്വതിനായർ എസ്. എന്നിവർ കൈറ്റ് മിസ്ട്രസ്സ്മാരായി പ്രവർത്തിക്കുന്നു.
ഭാരത് സ്കൗട്ട് & ഗൈഡ്
1909ലാണ് ഇന്ത്യയിൽ സ്കൌട്ട് പ്രസ്ഥാനം തുടങ്ങിയത്. ക്യാപ്ടൻ ടി.എച്ച്. ബേക്കർ ബാംഗ്ലൂരിൽ രാജ്യത്തെ ആദ്യ സ്കൌട്ട് ട്രൂപ് ഉണ്ടാക്കി. പിന്നീട് പൂണെ, മദ്രാസ്‌, ബോംബെ, ജബൽപൂർ തുടങ്ങിയ സ്ഥലങ്ങളിലും സ്കൌട്ട് പ്രവർത്തനങ്ങൾ ആരംഭിച്ചു. ഇവയെല്ലാംതന്നെ ബ്രിട്ടീഷുകാരുടെ കുട്ടികൾക്കും ആംഗ്ലോ-ഇന്ത്യൻ കുട്ടികൾക്കും വേണ്ടി മാത്രമുള്ളതായിരുന്നു. 1911ൽ ജബൽപൂരിൽ ആദ്യത്തെ ഗൈഡ് കമ്പനി ഉണ്ടാക്കി.
1യുവാക്കളുടെ മാനസികവും ശാരീരികവും ഭൌതികവുമായ കഴിവുകളെ പരിപോഷിപ്പിച്ചു സമൂഹത്തിനും രാജ്യത്തിനും വേണ്ടി മഹത്തായ കാര്യങ്ങൾ ചെയ്യാൻ പ്രാപ്തരാക്കുകയാണ് സംഘടനയുടെ ലക്ഷ്യം. വിവിധ തരത്തിലുള്ള ക്യാമ്പുകൾ സംഘടിപ്പിക്കുന്നതിലൂടെ വിവിധ പ്രാദേശിക സാംസ്കാരിക സ്വഭാവങ്ങളുടെ സമന്വയമുണ്ടാക്കാനും അംഗങ്ങളിൽ ഐക്യവും ദേശീയമായ വീക്ഷണവും ഉണ്ടാക്കാൻ സഹായിക്കുന്നു.
സ്കൗട്ട് മാസ്റ്റർ ശ്രീ ജിസ്സ് ജോൺ ഗൈഡ് ക്യാപ്റ്റൻ സി.ജിബി കെ പോൾ & സി.ആൻസി ഇമ്മാനുവൽ എന്നിവരുടേയുംനേതൃത്വത്തിൽ ഭാരത് സ്കൗട്ട്സ് ന്റ ഒരു യൂണിറ്റും ഗൈഡ്സ് പ്രസ്ഥാനത്തിന്റെരണ്ടു യൂണിറ്റും നല്ല നിലയിൽ പ്രവർത്തിക്കുന്നുണ്ട്. രാജ്യപുരസ്കാർ, രാഷ്ട്രപതി മെഡലുകൾക്ക് എല്ലാ വർഷവും ധാരാളം കുട്ടികൾ അർഹത നേടുന്നുണ്ട്. പ്രകൃതി പഠനയാത്രകൾ, പ്രകൃതിസംരക്ഷണം, രോഗപ്രതിരോധ മാർഗ്ഗങ്ങൾ ലക്ഷ്യമാക്കിയുള്ള പൊതു ജനസമ്പർക്ക പരിപാടികൾ, എന്നിവ നടത്തിവരുന്നു. ആരോഗ്യപരിപാലനത്തിന് ഉതകുന്ന പ്രഥമ ശുശ്രൂഷ കുട്ടികൾ പരിശീലിക്കുന്നുണ്ട്. ആകസ്മികമായുണ്ടാകുന്ന പ്രശ്നങ്ങളുമായി ബന്ധപ്പെട്ട് ഡിസാസർ മാനേജ്മെന്റ്, ഫയർ & റസ്ക്യൂ എന്നീ വിഷയങ്ങളിൽ പ്രാവീണ്യം നേടുന്നുണ്ട്
കുമാരി അപർണ്ണ എസ്
കുമാരി ലിനു റാണി ജോളി
കുമാരി അൻസു സാബു.
കുമാരി അന്നാ ബിനോയി
കുമാരി അൻസിയസമീർ
കുമാരി അൻമോൾ കെ എസ്
കുമാരി സംഗീത ബാബു.
കുമാരി കീർത്തി മനോജ്
കുമാരി അഫാ മോഹൻ
എന്നിവർ രാജ്യപുരസ്കാർ അവാർഡിന് ഈ വർഷം അർഹരായി.
യോഗാപരിശീലനം
ഏകാഗ്രതയും സമഗ്രവ്യക്തിത്വവും നേടുക എന്നലക്ഷ്യത്തോടെ എൻ.എസ്സ്.എസ്സ്, സ്കൗട്ട്, ഗൈഡ്, എസ്.പി.സി, ജെ.ആർ.സി. എന്നിവയുടെ ആഭിമുഖ്യത്തിൽ യോഗാക്ലാസ്സുകൾ സംഘടിപ്പിക്കുന്നു.
മാനേജ്മെന്റ്
ദിവ്യകാരുണ്യ ആരാധനാ സന്യാസിനി സമൂഹത്തിന്റെ കോതമംഗലം പ്രോവിൻസാണ് ഈ വിദ്യാലയത്തിന്റെ ഭരണം നടത്തുന്നത്. നിലവിൽ 2 ഹൈസ്ക്കൂൾ,1 യു.പി.സ്ക്കൂൾ,1 എൽ.പി.സ്ക്കൂൾ, എന്നിങ്ങനെ4എയ്ഡഡ് സ്ക്കൂളുകളും 2അൺഎയ്ഡഡ് ഹയർസെക്കണ്ടറിസ്ക്കൂളുകളും 4CBSE സ്ക്കൂളുകളും ഈ മാനേജ്മെന്റിന്റെ കീഴിൽ പ്രവർത്തിക്കുന്നുണ്ട്. മദർ ഗ്രെയ്സ് കൊച്ചുപാലിയത്തിൽ മാനേജരായും സി.മോനിക്ക പൈമ്പിള്ളിൽ വിദ്യാഭ്യാസ കൗൺസിലറായും പ്രവർത്തിക്കുന്നു. സി. സാലി ജോർജ്ജ് പ്രിൻസിപ്പലായി സേവനമനുഷ്ഠിക്കുന്നു.
മികവിലേയ്ക്കുളള ചുവടുകൾ
കേരളത്തിലെ വിദ്യാഭ്യാസ രംഗത്ത് പുത്തനുണർവ് പകർന്നു കൊണ്ട് പൊതുവിദ്യാഭ്യാസ സംരക്ഷണയജ്ഞം മുന്നേറുകയാണ്.അക്കാദിമകവും ഭൗതികവുമാ മേഖലകളിൽ മുമ്പെങ്ങുമില്ലാത്ത മാറ്റങ്ങളാണ് ഉണ്ടായികൊണ്ടിരിക്കുന്നത്.ഇൗ രംഗത്ത് പ്രവർത്തിക്കുന്ന വിവധ ഏജൻസികൾ നടത്തുന്ന പ്രവർത്തനങ്ങൾ പൊതുസമൂഹത്തിൽ ആശയവും ആവേശവും വളർത്തികൊണ്ട് പുതിയ തലങ്ങളിലേയ്ക്ക് വികസിപ്പിക്കുകയാണ്.ഒാരോ വിദ്യാർഥിയുടെയും നൈസർഗികമായ കഴിവുകളും അഭിരുചികളും വികസിപ്പിച്ചെടുത്ത് അവരെ മികവിലെയ്ക്കുർത്താൻ സാധിച്ചാലേ വിദ്യാഭ്യാസത്തിന്റെ ലക്ഷ്യം പൂർണമാകൂ.പഠനപ്രയാസം നേരിടുന്ന ഒാരോ കുട്ടിക്കും അവർക്കാവശ്യമായ പ്രത്യേക പഠനാനുഭവങ്ങൾ നൽകേണ്ടതുണ്ട്.ഈ ലക്ഷ്യം മുൻനിർത്തി പൊതുവിദ്യാഭ്യാസ വകുപ്പിന്റെ ഭാഗമായി നടപ്പിലാക്കുന്ന പദ്ധതികളാണ് ശ്രദ്ധ,നവപ്രഭ,മലയാളത്തിളക്കം,ഹലോ ഇംഗ്ലീഷ്.
നവപ്രഭ
സെക്കന്ററി തലത്തിൽ ഒമ്പതാം ക്ലാസ്സിൽ നിശ്ചിതശേഷികൾ ആർജ്ജിക്കാതെ എത്തിപ്പെടുന്ന പ്രത്യേക പരിശീലനം നൽകി പഠന നിലവാരം ഉയർത്തുക എന്ന ലക്ഷ്യത്തോടെ RMSA കേരള 'നവപ്രഭ' എന്നൊരു പുതിയ പദ്ധതി ആവിഷ്കരിക്കുന്നു.ഇൗ പദ്ധതി വളരെ വിജയകരമായ രീതിയിൽ സ്കൂളിൽ പ്രവർത്തിക്കുന്നു. സി.സോയാമോൾ സി.സി നവപ്രഭ കോർഡിനേറ്ററായി പ്രവർത്തിക്കുന്നു..
ശ്രദ്ധ
3,5,8 ക്ലാസ്സുകളിലെ കുട്ടികളെ ലക്ഷ്യമിട്ടുകൊണ്ടാണ് 'ശ്രദ്ധ പദ്ധതി' ആസൂത്രണം ചെയ്തിട്ടുള്ളത്.'ശ്രദ്ധ' പദ്ധതി,പഠനത്തിൽ പ്രയാസം നേരിടുന്ന കുട്ടികളെ കണ്ടെത്താനും അവരെ മുൻനിരയിൽ എത്തിക്കാൻ സഹായകമാകുന്ന പഠനപിന്തുണ നൽകാനും ലക്ഷ്യമിടുന്നു.
മലയാളത്തിളക്കം
നവകേരളസൃഷ്ടി ലക്ഷ്യമിട്ട് നടത്തുന്ന പൊതുവിദ്യാഭ്യാസ സംരക്ഷണയജ്ഞത്തിന്റെ ഭാഗമാണ് മലയാളഭാഷാപഠന മികവിനായുള്ള ഈ പരിപാടി.ചെറിയ ശതമാനം വിദ്യാർത്ഥികൾ എഴുതാനും വായിക്കാനും പ്രശ്നം നേരിടുന്നവരുണ്ട്.ആസ്വദിച്ച് ഭാഷ പഠിക്കുന്ന വിദ്യാർത്ഥികളും ശിശുകേന്ദ്രിത സമീപനം ഉന്നത രൂപത്തിൽ പ്രയോഗിക്കുന്ന അധ്യാപകരും വ്യക്തിഗതപിന്തുണയും നിരന്തരവിലയിരുത്തലും സൂക്ഷ്മമായ പാഠാസൂത്രണവും അനുക്രമമായ വികാസവും ഫീഡ്ബാക്ക് നൽകലും പ്രോത്സാഹത്തിനും അംഗീകാരത്തിനുമുള്ള അവസരങ്ങളും ഒരുക്കുന്ന പ്രക്രിയയും ഈ പരിപാടിയുടെ സവിശേഷതയാണ്.
ഹലോ ഇംഗ്ലീഷ്
കുട്ടികളുടെ പഠനനിലവാരം മെച്ചപ്പെടുത്തി ഇംഗ്ലീഷ് ഭാഷയിൽ നൈപുണ്യം സ്യഷ്ടിക്കുന്നതിനും ,കുട്ടികൾക്കും അദ്ധ്യാപകർക്കും മാതാപിതാക്കൾക്കും സമൂഹത്തിനുമിടയിൽ നല്ല ബന്ധം വളർത്തിയെടുക്കുക,ഇംഗ്ലീഷ് നല്ല രീതിയിൽ കൈകാര്യം ചെയ്യുന്നതിനായ് അധ്യാപകർക്കു അവശ്യമായ പിന്തുണ നൽകുക എന്നീ ലക്ഷ്യങ്ങളിലൂടെ തുടക്കമിട്ട പദ്ധതിയാണ് ഹലോ ഇംഗ്ലീഷ്. ഉദ്ഘാടനം കല്ലൂർക്കാട് ബി.ആർ.സി. ട്രെയ്നർ ശ്രീ. ജാക്സൺ സാർ. നിർവ്വഹിച്ചു.സി.ബോബി തോമസ് കോർഡിനേറ്ററായി പ്രവർത്തിക്കുന്നു
എൻഡോവ്മെന്റുകൾ
വിദ്യാർത്ഥികളുടെ അക്കാദമിക മികവ് പ്രോത്സാഹിപ്പിക്കുന്നതിനായി ഈ സ്കൂളിൽ നിരവധി എൻഡോവ്മെന്റുകളും സ്കോളർഷിപ്പുകളും ഏർപ്പെടുത്തിയിട്ടുണ്ട്. പൂർവ്വാദ്ധ്യാപകർ, പൂർവ്വ വിദ്യാർത്ഥികൾ, അഭ്യുദയകാംക്ഷികൾ, സാമൂഹ്യ സംഘടനകൾ തുടങ്ങിയവരാണ് ഈ സംവിധാനം ഒരുക്കിയിരിക്കുന്നത്. അഞ്ചു മുതൽ പത്തുവരെ ക്ലാസിലെ പഠനത്തിൽ മികവു പുലർത്തുന്ന കുട്ടികൾക്ക് എല്ലാ വർഷവും ഈ എൻഡോവുമെന്റുകൾ പ്രത്യേക ചടങ്ങ് സംഘടിപ്പിച്ച് വിതരണം ചെയ്തു വരുന്നു.
| എൻഡോവ്മെന്റ് | ഏർപ്പെടുത്തിയവർ | 2017-18ൽ അർഹരായവർ |
| സി.സെലസ്റ്റിൻ മെമ്മോറിയൽഎൻഡോവ്മെന്റ് | പൂർവ്വ വിദ്യാർത്ഥികൾ | അലീന അബ്രാഹം,ജോണ ജോർജ്ജ്,മനോജ് കെ.സ്,ബിമൽ ബെന്നി,മരിയ റോസ് സിറിൽ,അഞ്ജു അനിൽ, ആര്യലക്ഷി പീസ്, അനന്ദകൃഷ്ണൻ ഈ.കെ.,ദർശന എസ്.നായർ,ജെലേന ജോജോ,മുബീന മാഹിൻ |
| ധന്യൻ മാർതോമസ് കുര്യാളശ്ശേരി എൻഡോവ്മെന്റ് | മാനേജർ | ജെസ്ലിൻ ജോസ്,ആര്യാ വിനീത് |
| മലയാളം എൻഡോവ്മെന്റ് | പ്രൊഫ.വിൻസന്റ് മാളിയേക്കൽ | ആഷ്മി വറുഗീസ്,അൻസ മെറിൻ,അപർണ്ണ ജിൻസ്,റീമ റോസ് രാജേഷ്,ആനന്ദ് ബാലകൃഷ്ണൻ,ആൻ വറുഗീസ്,ആകാശ് കെ.എസ്,ഡോണാ ജോമി,യോഹന്നാൻ ഷിജു |
| സി.ഫിലോമിന എൻഡോവ്മെന്റ് | ചെറുനിലം കുടുംബം | അപർണ്ണ എസ്. |
| മാസ്റ്റർ അരുൺദാസ്എൻഡോവ്മെന്റ് | പിതൃസഹോദരൻ | ആവണി ഷാജി |
| സി. ലൂസി പെരിയകോട്ടിൽ എൻഡോവ്മെന്റ് | സഹോദൻ | ജോമോൾ ജെയിംസ് |
| ആറ്റുപുറം ലക്ഷ്മികുട്ടിയമ്മ എൻഡോവ്മെന്റ് | ആറ്റുപുറം കുടുംബം | അ‍ഞ്ജന എലിസബത്ത് ബെന്നി |
| ലീല കല്ലുങ്കൽഎൻഡോവ്മെന്റ് | കല്ലുങ്കൽ കുടുംബം | അന്ന ബിജു, ജോയ്സി വി.ജെ, അജിത്ത് ജോസഫ് |
| കുമാരമംഗലം ചെറുശ്ശേരി കേശവൻ നായർ എൻഡോവ്മെന്റ് | ചെറുശ്ശേരിൽ കുടുംബം | ജോയ്സി വി.ജെ. |
| ശ്രീദേവി ടീച്ചർ എൻഡോവ്മെന്റ് | കുടുംബാംഗങ്ങൾ | ശ്രീലക്ഷ്മി എസ്.ബിജു,മരിയ ജോളി |
| ബെസ്റ്റ് വേദപഠനം | ഫാ.മാത്യു കൊച്ചുപുരയ്ക്കൽ | ജോൺ പോൾ, അലീന ജോർജ്ജ് |
| ബസ്റ്റ്സന്മാർഗ്ഗശാസ്ത്രം | പൂർവ്വവിദ്യാർത്ഥി ജെസി ജോർജ്ജ് കൊച്ചുപുരയ്ക്കൽ | ജോൻവി വറുഗീസ് |
| സി.ഇൻഫന്റ എൻഡോവ്മെന്റ് | കുടുംബാംഗങ്ങൾ | അലീന അബ്രാഹം |
| ബെസ്റ്റ് മാത്തമാറ്റിക്സ് | പ്രൊഫ.കെ.സ്. ടോമി | മാർക്ക് ചൂരക്കാട്ട് |
നേട്ടങ്ങൾ
- എസ്. എസ്. എസ്. പരീക്ഷയിൽ തുടർച്ചയായി 100% വിജയം (2008-2019)
- ഉപ ജില്ലയിലെ മികച്ച ഐ. ടി. ക്ലബ്ബിനുള്ള അവാർഡ് (2002-2016)
- ഉപജില്ലാ കലാമേളയിൽ ഓവറോൾ
- ഉപജില്ലാ കായികമേളയിൽ ഓവറോൾ
| അധ്യാപകരുടെ പേര് | തസ്തിക |
| സി.സാലി ജോർജ്ജ് | ഹെഡ്മിസ്ട്രസ് |
| സി.റെജി ജോൺ | എച്ച്.എസ്.എ നാച്ചുറൽ സയൻസ് |
| ശ്രീമതി.അനിത അഗസ്റ്റ്യൻ | എച്ച്.എസ്.എ ഫിസിക്കൽ സയൻസ് |
| സി.ദിവ്യാ ജോൺ | എച്ച്.എസ്.എ ഫിസിക്കൽ സയൻസ് |
| സി.പി.സെലിൻ തോമസ് | എച്ച്.എസ്.എ മലയാളം |
| ശ്രീ.ജോഷി പീറ്റർ | എച്ച്.എസ്.എ കണക്ക് |
| ശ്രീമതി. ആനീസ് ജേക്കബ് | എച്ച്.എസ്.എ കണക്ക് |
| ശ്രീമതി. സോണിയ ജോൺ | എച്ച്.എസ്.എ കണക്ക് |
| സി.സീന സെബാസ്റ്റ്യൻ | എച്ച്.എസ്.എ ഇംഗ്ളീഷ് |
| സി.സോയാമോൾ എം.വി | എച്ച്.എസ്.എ ഇംഗ്ളീഷ് |
| സി. ജൂലിയ ജോർജ്ജ് | എച്ച്.എസ്.എ ഫിസിക്കൽ സയൻസ് |
| സി.കുസുമം ജോൺ | എച്ച്.എസ്.എ സോഷ്യൽ സയൻസ് |
| ശ്രീമതി. സുജയകുമാരി | എച്ച്.എസ്.എ സോഷ്യൽ സയൻസ് |
| സി.സോയാമോൾ സി.സി | എച്ച്.എസ്.എ നാച്ചുറൽ സയൻസ് |
| സി. റെജി ജോസഫ് | സോഷ്യൽ സയൻസ് |
| സി.ജിസ്സ | എച്ച്.എസ്.എ മലയാളം |
| സി. ജിൻസി ജോസഫ് | എച്ച്.എസ്.എ ഹിന്ദി |
| സി.ജിബി കെ. പോൾ | എച്ച്.എസ്.എ ഹിന്ദി |
| ശ്രീമതി.പാർവ്വതി പി. നായർ | എച്ച്.എസ്.എ മലയാളം |
| സി.ജാൻസി അബ്രാഹം | വർക്ക് എക്സ്പീരിയൻസ് |
| ശ്രീമതി.രാജശ്രീ ആർ. | മ്യൂസിക്ക് |
| ശ്രീ.ജെയ്സൺ പി. ജോസഫ് | ഫിസിക്കൽ എജ്യുക്കേഷൻ |
| ശ്രീമതി എൽസി ജോർജ്ജ് | യു.പി.എസ്.എ |
| ശ്രീമതി റോസിലി കെ. ഫിലിപ്പ് | യു.പി.എസ്.എ |
| സി.സാലി ജോസഫ് | യു.പി.എസ്.എ |
| സി.മോളി കുര്യൻ | യു.പി.എസ്.എ |
| സി.റെജിമോൾ സെബാസ്റ്റ്യൻ | യു.പി.എസ്.എ |
| സി.സിനി ആന്റണി | യു.പി.എസ്.എ |
| സി.റെനി ജോസഫ് | യു.പി.എസ്എ |
| സി.സിനി ജോർജ്ജ് | യു.പി.എസ്.എ |
| സി. ബിൻസി ജോർജ്ജ് | യൂ.പി.എസ്.എ |
| സി.ബോബി തോമസ് | യു.പി.എസ്.എ |
| ശ്രീ.ജോസഫ് സി.സി | യു.പി.എസ്.എ |
| അനധ്യാപകരുടെ പേര് | തസ്തിക |
| സി.സീനമോൾ കുര്യാക്കോസ് | ക്ലർക്ക് |
| ശ്രീ.ജിജോ പോൾ | ഓഫീസ് അറ്റൻഡന്റ് |
| ശ്രീമതി.കൊച്ചുറാണി ജോസഫ് | ഓഫീസ് അറ്റൻഡന്റ് |
| ശ്രീമതി ഷൈനി ജോസഫ് | എഫ്.ടി.എം. |
| ശ്രീമതി. അനുമോൾ കെ.ജി | എഫ്.ടി.എം. |
മുൻസാരഥികൾ
സ്കൂളിന്റെ മുൻ പ്രധാനാദ്ധ്യാപകർ.
| 1962 - 1984 | സി.ആൻസി |
| 1984 - 1985 | സി.ക്ലയർ |
| 1985-1998 | സി.സെലസ്റ്റിൻ |
| 1998-2003 | സി.അലോഷ്യസ് |
| 2003 - 2006 | സി.ട്രീസ |
| 2006- 2007 | സി.ഫിലോമിന |
| 2007 - 2009 | സി.ജെസി |
| 2009 - 2016 | സി.ടെസി |
| 2016- 2018 | സി.ലിസ |
ചിത്രശാല
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
വഴികാട്ടി
| വിദ്യാലയത്തിലേക്ക് എത്തുന്നതിനുള്ള മാർഗ്ഗങ്ങൾ
{{#multimaps: 9.925097,76.6718098 | width=800px | zoom=16 }}
|
|
മേൽവിലാസം
വിമല മാതാ ഹയർസെക്കണ്ടറി സ്ക്കൂൾ കദളിക്കാട്
- ഫലകങ്ങൾ വിളിക്കുമ്പോൾ ചരങ്ങൾ ആവർത്തിച്ചുപയോഗിക്കുന്ന താളുകൾ
- മുവാറ്റുപുഴ വിദ്യാഭ്യാസ ജില്ലയിലെ വിദ്യാലയങ്ങൾ
- എറണാകുളം റവന്യൂ ജില്ലയിലെ വിദ്യാലയങ്ങൾ
- 28040
- 1962ൽ സ്ഥാപിച്ച വിദ്യാലയങ്ങൾ
- വിക്കിഡാറ്റ ക്യു ഐഡി ചേർക്കാത്ത വിദ്യാലയങ്ങൾ
- സ്കൂൾ കോഡ് ഉള്ള വിദ്യാലയങ്ങൾ
- യുഡൈസ് കോഡ് ചേർക്കാത്ത വിദ്യാലയങ്ങൾ
- യുഡൈസ് കോഡ് ഉള്ള വിദ്യാലയങ്ങൾ
- സ്കൂൾ