മാർ ഔഗേൻ ഹൈസ്ക്കൂൾ കോടനാട്

മാർ ഔഗേൻ ഹൈസ്ക്കൂൾ കോടനാട്
വിലാസം
കോടനാട്‌ കോടനാട്‌ പി.ഒ, എറണാകുളം , 683544 , എറണാകുളം ജില്ല
സ്ഥാപിതം	1962
വിവരങ്ങൾ
ഫോൺ	04842646410
ഇമെയിൽ	maraugenhs@gmail.com
കോഡുകൾ
സ്കൂൾ കോഡ്	27001 (സമേതം)
വിദ്യാഭ്യാസ ഭരണസംവിധാനം
റവന്യൂ ജില്ല	എറണാകുളം
വിദ്യാഭ്യാസ ജില്ല	കോതമംഗലം
സ്കൂൾ ഭരണ വിഭാഗം
സ്കൂൾ വിഭാഗം	പൊതു വിദ്യാലയം
പഠന വിഭാഗങ്ങൾ	എൽ.പി യു.പി
മാദ്ധ്യമം	ഇംഗ്ലീഷ്,മലയാളം
സ്കൂൾ നേതൃത്വം
പ്രധാന അദ്ധ്യാപകൻ	സിന്ധു ടൈററസ്
അവസാനം തിരുത്തിയത്
04-01-2019	Sreejithkoiloth

പ്രോജക്ടുകൾ
തിരികെ വിദ്യാലയത്തിലേക്ക്	(സഹായം)
എന്റെ ഗ്രാമം	(സഹായം)
നാടോടി വിജ്ഞാനകോശം	(സഹായം)
സ്കൂൾ പത്രം	(സഹായം)
അക്ഷരവൃക്ഷം	(സഹായം)
ഓർമ്മക്കുറിപ്പുകൾ	(സഹായം)
എന്റെ വിദ്യാലയം	(സഹായം)
Say No To Drugs Campaign	(സഹായം)
ഹൈടെക് വിദ്യാലയം	(സഹായം)
കുഞ്ഞെഴുത്തുകൾ	(സഹായം)

ആമുഖം

എറണാകുളം ജില്ലയിലെ പെരുമ്പാവൂർ പട്ടണത്തിൽനിന്ന്‌ 15 km അകലെ വടക്ക്‌ കിഴക്കായി കോടനാട്‌ എന്ന കൊച്ചുഗ്രാമം സ്ഥിതി ചെയ്യുന്നു. മാർതോമാ ശ്ലീഹായുടെ പാദസ്‌പർശമേറ്റ്‌ പുണ്യഭൂമിയായിത്തീർന്ന മലയാറ്റൂരിന്റെ അടിവാരത്തിൽ പ്രകൃതിക്ക്‌ പുളകം ചാർത്തിയൊഴുകുന്ന മനോഹരമായ പെരിയാർ നദിയുടെ തീരത്തുമാണ്‌ ഈ കൊച്ചുഗ്രാമം. കോടനാടിനെ വിദ്യാഭ്യാസപരമായും സാംസ്‌ക്കാരികമായും ഉയർത്തിയ മാർ ഔഗേൻ സ്‌ക്കൂൾ 1962 ൽ പരിശുദ്ധ ബസോലിയോസ്‌ ഔഗേൻ ബാവായാൽ സ്ഥാപിതമായി. യു.പി. സ്‌ക്കൂളായി പ്രവർത്തനം ആരംഭിച്ച ഈ വിദ്യാലയം പിന്നീട്‌ 1966 ൽ ഹൈസ്‌ക്കൂളായി ഉയർത്തി.

സ്‌ക്കൂളിന്റെ ചരിത്രം പരിശോധിക്കുമ്പോൾ ഈ സ്‌ക്കൂളിന്‌ അഭിമാനകരമായ നേട്ടം സമ്മാനിച്ച സുവർണ്ണനിമിഷങ്ങൾ അനവധിയാണ്‌. SSLC പരീക്ഷയിൽ 100 ശതമാനം വിജയം ലഭിച്ച നേട്ടം ഈ സ്‌ക്കൂളിന്റെ പൂർണ്ണതയുടെ തെളിവായി എടുത്തു പറയാവുന്നതാണ്‌. അതുപോലെ തന്നെ ഈ സ്‌ക്കൂളിലെ 2 വിദ്യാർത്ഥികൾ ദക്ഷിണേന്ത്യശാസ്‌ത്രമേളയിൽ ജിയോ തെർമെൽ പവർപ്ലാന്റിന്റെ നിശ്ചലമാതൃക അവതരിപ്പിച്ച്‌ ഒന്നാം സ്ഥാനം കരസ്ഥമാക്കിയെന്നത്‌ വിസ്‌മരിക്കാനാവാത്ത ഒരു ചരിത്ര മുഹൂർത്തമാണ്‌.....അതുപോലെ വർഷങ്ങളായി ഈ സ്‌ക്കൂളിലെ വിദ്യാർത്ഥികൾ പല ഇനങ്ങളിലായി സംസ്ഥാനതല മത്സര ത്തിൽ വരെ പങ്കെടുത്ത്‌ സമ്മാനങ്ങൾ വാരിക്കൂട്ടികൊണ്ടിരിക്കുന്നു. അതുപോലെ പ്രവൃത്തി പരിചയമേളകളിലും കുട്ടികൾ അവരുടെ പാടവം പ്രകടിപ്പിച്ചുകൊണ്ടിരിക്കുന്നു. മാത്രമല്ല ഈ സ്‌ക്കൂളിലെ കലാകായിക പ്രതിഭകൾ സ്‌ക്കൂളിന്റെ പേര്‌ പ്രശസ്‌തിയിലേക്കുയർത്തി ഇന്ന്‌ ഇന്ത്യയിലെ അറിയപ്പെടുന്ന വ്യക്തിത്വങ്ങളായി മാറിയിട്ടുമുണ്ട്‌ സ്‌ക്കൂളിൽ പ്രവർത്തിക്കുന്ന പരിസ്ഥിതി ക്ലബ്‌, ശാസ്‌ത്രസാമൂഹ്യഗണിതശാസ്‌ത്ര ക്ലബ്‌, വിദ്യാരംഗ ക്ലബ്‌, ലാംഗ്വേജ്‌ ക്ലബ്‌കൾ തുടങ്ങിയവ ഈ സ്‌ക്കൂളിന്റെ പ്രതിഭകളെ വാർത്തെടുക്കുന്നതിൽ പ്രധാന പങ്കുവഹിക്കുന്നു. സ്‌ക്കൂളിൽ പ്രവർത്തിക്കുന്ന ലൈബ്രറി കുട്ടികളുടെ വായനയെ പ്രോത്സാഹിപ്പിക്കുന്നതിനും അറിവിന്റെ ലോകം തുറന്നുകൊടുക്കുന്നതിനും കുട്ടികളെ സഹായിക്കുന്നു. ഈ സ്‌ക്കൂളിലെ വിദ്യാർത്ഥികൾ എന്തുകൊണ്ടും ഈ നാടിനും സമൂഹത്തിനും ഒരു മുതൽക്കൂട്ടാണ്‌. ഇവർക്ക്‌ തുണയായി പ്രചോദനമായി അധ്യാപകർ ഇവർക്കൊപ്പം തന്നെയുണ്ട്‌ . അങ്ങനെ ഈ നാടിനെ എല്ലാ രീതിയിലും ഉയർത്തി പ്രശസ്‌തിയുടെ കൊടുമുടിയിലെത്തിക്കാൻ ജഗദീശ്വരൻ തുണയാകട്ടെ

സൗകര്യങ്ങൾ

റീഡിംഗ് റൂം , വായന വളർത്തുവാനായ് 600- ലേറെ പുസ്തകങ്ങള് ഉൾകൊള്ളുന്ന നല്ല ഒരു വായനശാല, സയൻസ് ലാബ്, കംപ്യൂട്ടർ ലാബ്, സ്കൗട്ട് ആൻഡ് ഗൈഡ് യൂണിറ്റ്, ജൂനിയർ റെഡ് ക്രോസ്, മൾട്ടിമീഡിയ സൗകര്യങ്ങൾ, ഇന്റർനെറ്റ് സൗകര്യത്തോടെയുള്ള സ്മാർട്ട് ക്ലാസ് റൂം , ഡിജിറ്റൽ ശബ്ദം, നൂറ് സീറ്റ്, യാത്ര സൗകര്യം കുറഞ്ഞ സ്ഥലങ്ങളിലേക്കെല്ലാം സ്ക്കൂൾ ബസ്സുകൾ സർവ്വീസ് നടത്തുന്നു

നേട്ടങ്ങൾ

27/01/2017

27/01/2017

കേരള സംസ്ഥാന സ്‌കൂൾ കലോത്സവം 2017

എസ്.എസ്.എൽ.സി. പരീക്ഷയിൽ 100% വിജയം ; 6 കുട്ടികൾക്ക് എല്ലാ വിഷയങ്ങളിലും എ+ കേരള സംസ്ഥാന സ്‌കൂൾ കലോത്സത്തിൽ A Grade

മറ്റു പ്രവർത്തനങ്ങൾ

വിജയികൾക്ക് സമ്മാനം ഔഷധതൈകളും

കോടനാട് മാർ ഔഗേൻ ഹൈസ്ക്കൂൾ വിദ്യാർത്ഥികൾ ,പുത്തൻവേലിക്കര ഗ്രാമപഞ്ചായത്തിൽ വി.ഡി. സതീശൻ MLA ക്ക് സ്വീകരണവും SSLC,PLUS2 വിദ്യാർത്ഥികൾക്ക് അവാർഡ് വിതരണവും നടത്തിയ ചടങ്ങിൽ ,ഔഷധതൈകൾ സമ്മാനിച്ചു.അശോകം,ആര്യവേപ്പ്,‍‍ഞാവൽ,തുടങ്ങിയവയാണ് സമ്മാനിച്ചത്.

പച്ചക്കറി കൃഷി

കോടനാട് മാർ ഔഗേൻ ഹൈസ്ക്കൂൾ വിദ്യാർത്ഥികൾ പച്ചക്കറി കൃഷി ആരംഭിച്ചു.വെണ്ട,ചീര,തക്കാളി,മത്തങ്ങ,പയർ,വാഴ,വിവിധയിനം പച്ചമുളകുകൾ തുടങ്ങിയവയാണ് കൃഷി ചെയ്തിരിക്കുന്നത്.

ഔഷധസസ്യവിതരണം

കോടനാട് മാർ ഔഗേൻ ഹൈസ്ക്കൂൾ വിദ്യാർത്ഥികൾ പറമ്പയം റസിഡൻസ് അസ്സോസിയേഷനുമായി ചേർന്ന് പറമ്പയം അൽമദീന ഓഡിറ്റോറിയത്തിൽവെച്ച് ഔഷധതൈവിതരണം നടത്തി.അൻവർ സാദത്ത് MLA ആണ് വിതരണം നടത്തിയത്.

യൂത്ത് കോൺഗ്രസ്സ് നേതാക്കൾക്ക് ,ഔഷധതൈകൾ

കോടനാട് മാർ ഔഗേൻ ഹൈസ്ക്കൂൾ വിദ്യാർത്ഥികൾ ,യൂത്ത് കോൺഗ്രസ്സിന്റെ ആഭിമുഖ്യത്തിൽ നടത്തിയ ഔഷധതൈവിതരണത്തിൽ പങ്കാളികളായി.അങ്കമാലി MLA റോജി ജോൺ ആണ് വിതരണംനടത്തിയത്.

കോടനാട് മാർ ഔഗേൻ ഹൈസ്ക്കൂൾ വിദ്യാർത്ഥികൾ,കുറുമശ്ശേരി നോർത്ത് ഹരിത റസിഡൻസ് അസ്സോസിയേഷനുമായി ചേർന്ന് ഔഷധതൈവിതരണം നടത്തി.

കോടനാട് മാർ ഔഗേൻ ഹൈസ്ക്കൂൾ വിദ്യാർത്ഥികൾ,പ്രിയദർശിനി കൾച്ചറൽ സൊസൈറ്റിയുമായി ചേർന്ന് ചേരാനല്ലൂർ പള്ളി അങ്ങാടിയിൽവെച്ച് ഔഷധതൈവിതരണം നടത്തി. ബോക്ക്പഞ്ചായത്ത് മെമ്പർ മനോജ് മൂത്തേടൻ ആണ് വിതരണംനടത്തിയത്.

ഓണപ്പൂക്കളമൊരുക്കാൻ സ്വന്തം പൂക്കൾ

കോടനാട് മാർ ഔഗേൻ ഹൈസ്ക്കൂളിൽ ഈ വർഷം ഓണപ്പൂക്കളമൊരുക്കാൻ ബന്ദിച്ചെടികളും തുമ്പച്ചെടികളും സീഡ് പ്രവർത്തകർ നട്ടുപിടിപ്പിച്ചത് പൂവിട്ടുതുടങ്ങി.

പ്ളാസ്റ്റിക്ക് ശേഖരണം

കോടനാട് മാർ ഔഗേൻ ഹൈസ്ക്കൂൾ വിദ്യാർത്ഥികൾ ഉപ‌‌‌യോഗരഹിതമായ പ്ളാസ്റ്റിക്ക് ശേഖരിക്കുന്നു.എല്ലാ വ്യാഴാഴ്ച്ചകളിലുമാണ് ശേഖരണം നടത്തുന്നത് ഇത് ഒരു പ്ളാസ്റ്റിക്ക്റീസൈക്ളിംഗ് കമ്പനിക്ക് കൊടുക്കുകയാണ് ചെയ്യുന്നത്.എന്നാൽ ബിസ്കറ്റ് കൂടുകൾ പോലെയുള്ള തിളക്കമുള്ല പ്ളാസ്റ്റിക്ക് കൂടുകളും ഉള്ളിൽ അലൂമിനിയം ഫോയിൽ ഉള്ളവയും റീസൈക്ളിംഗിന് എടുക്കുന്നില്ലഎന്ന്കമ്പനി അധികൃതർ പറഞ്ഞു.സീഡ് പ്രവർത്തകർ ഈ വിവരം സീഡ് പ്രതിനിധി മെറീറ്റ ഷാജിയെ അറിയിക്കുകയും അധികൃതരെ അറിയിക്കണമെന്ന് അപേക്ഷിക്കുകയും ചെയ്തു.

ടിപ്പർ ലോറികളുടെ അമിത ഓട്ടത്തിനെതിരെമാർ ഔഗേൻ ഹൈസ്ക്കൂൾ വിദ്യാർത്ഥികൾ

ഇപ്പോൾ സമയം രാവിലെ 9.45 .600ഓളം കുട്ടകൾ പഠിക്കന്ന കോടനാട് മാർ ഔഗേൻ ഹൈസ്ക്കൂളിനു മുന്നിലൂടെ അമിത വേഗത്തിലും ഓവർലോഡിലും ടിപ്പർ ലോറികൾ പോകുന്നു.സൈക്കിളിലും കാൽനടയായും വരുന്ന ഞങ്ങൾ കുട്ടികൾക്ക് ഭീഷണിയായ ഈ അവസ്ഥക്ക് എന്നാണ് പരിഹാരമുണ്ടാകുന്നത്? കഴിഞ്ഞദിവസം .സൈക്കിളിൽ വന്ന ഒരു കുട്ടി കേവലം ഭാഗ്യം കൊണ്ട് മാത്രമാണ് അപകടത്തിൽനിന്നും രക്ഷപെട്ടത്.ഒരു ദുരന്തമുണ്ടയിട്ട് അതിനേക്കുറിച്ച് ചർച്ച ചെയ്യുന്നതിനേക്കാൾ നല്ലതല്ലേ അപകടമുണ്ടാകാതെ നോക്കുന്നത്?

കുട്ടാടം തോടിന്റെ പുനർജീവനത്തിനായി സീഡ് പ്രവർത്തകർ

ഗാന്ധിജയന്തിദിനത്തോടനുബന്ധിച്ച് കോടനാട് മാർ ഔഗേൻ ഹൈസ്ക്കൂൾ വിദ്യാർത്ഥികൾ സ്ക്കൂൾപരിസരത്തുള്ള കുട്ടാടം തോടിന്റെ ഒരു ഭാഗം വൃത്തിയാക്കി സമൂഹത്തിന് മാതൃകയായി.കുറെ വർഷങ്ങളായി കാടുകയറിക്കിടക്കുന്ന തോട് പണ്ട് ആനയെ കുളിപ്പിച്ചിരുന്ന സ്ഥലമാണെന്ന് പരിസരവാസികൾ പറയുന്നു. തോടിന്റെ കരയിലുണ്ടായിരുന്ന "മംഗലത്തുപറമ്പിൽ കുടുംബക്ഷേത്രം 300മീറ്റർ" എന്ന സൈൻബോർഡ് കാണാൻ കഴിയാത്തവിധം കാടുകയറികിടന്നത് കുട്ടികൾ വൃത്തിയാക്കി.പിറ്റിഎ പ്രസിഡന്റ് ,സ്കൂൾ മാനേജർ,അദ്ധ്യാപകർ,രക്ഷാകർത്താക്കൾ തുടങ്ങിയവർ പങ്കെടുത്തു.

നെൽകൃഷിയുമായി കോടനാട് മാർ ഔഗേൻ ഹൈസ്ക്കൂൾ വിദ്യാർത്ഥികൾ

കോടനാട് മാർ ഔഗേൻ ഹൈസ്ക്കൂൾ വിദ്യാർത്ഥികൾ സ്ക്കൂളിനോട് ചേർന്നുള്ള വയലിൽ നെൽകൃഷി ആരംഭിച്ചു.കുട്ടികളുടെ രക്ഷിതാക്കൾ ഉൾപ്പെടെയുള്ള ആളുകൾ ഏറ്റെടുത്ത് നടത്തുന്ന നെൽകൃഷിയുടെ ഒരു പങ്കാണ് കുട്ടികൾ ചെയ്യുന്നത്.വരമ്പ് വെക്കാനും പാടം അടിക്കുന്നതിനും വിത്ത് വിതക്കാനുമൊക്കെ കുട്ടികൾ ആവേശത്തോടെ പങ്കെടുത്തു.പൊൻമണിവിത്താണ് വിതച്ചിരിക്കുന്നത്.ഇത് സ്കൂൾ മാനേജർ കോസ് കുര്യനാണ് കുട്ടികൾക്ക് സമ്മാനിച്ചത്.

നാടൻകോഴി വിതരണവുമായി കോടനാട്മാർ ഔഗേൻ ഹൈസ്ക്കൂൾ വിദ്യാർത്ഥികൾ'

കോടനാട് മാർ ഔഗേൻ ഹൈസ്ക്കൂൾ വിദ്യാർത്ഥികൾ തനിനാടൻ കോഴികളുടെ മുട്ടകൾ ശേഖരിച്ച്,കുട്ടികളിൽ പലരുടേയും വീടുകളിൽവെച്ച് ഇവ വിരിയിച്ചെടുത്ത് വീടുകളിൽ വളർത്തി ആവശ്യക്കാർക്ക് വിതരണം ചെയ്തു.2മാസമായകോഴികുഞ്ഞുങ്ങൾ,3മാസമായവ,4മാസമായവ എന്നിങ്ങനെ തരംതിരിച്ചാണ് വിതരണം നടത്തിയത്.200ൽ കൂടുതൽ കോഴികുഞ്ഞുങ്ങൾ വിൽക്കാൻ സാധിച്ചു.ഇതിനോടനുബന്ധിച്ച് വെറ്ററിനറിഡോക്ടർ എൻ.പൊന്നുമണി "നാടൻകോഴിപരിപാലനവും സാധ്യതകളും"എന്ന വിഷയത്തിൽ ക്ളാസ്സെടുത്തു.75ആളുകൾ പങ്കെടുത്തു.ആവശ്യക്കാർക്കായി കോഴിക്കൂടുകളും വിവിധ തരം കോഴികളുടെ പ്രദർശനവും സംഘടിപ്പിച്ചിരുന്നു.നമ്മുടെ നാട്ടിൽ ഇല്ലാതായിക്കൊണ്ടിരിക്കുന്ന തനിനാടൻ കോഴികളെ വളർത്തുവാനും അവയുടെ മുട്ട, മാംസം മുതലായവയുടെ ഗുണമേൻമ മനസ്സിലാക്കി അവയുടെ ഉപയോഗം പ്രചരിപ്പിക്കുവാനുമുള്ള ഒരു ശ്രമമാണിത്.പൊരുന്നുന്ന ഇനം കോഴികളായതിനാൽ വാങ്ങുന്നവർക്ക് കൂടുതൽ കോഴികുഞ്ഞുങ്ങളെ ഉണ്ടാക്കിയെടുക്കാനാവുമെന്ന് കുട്ടികൾ പറഞ്ഞു

ഔഷധസസ്യവിതരണം മലയാറ്റൂരിൽ

മലയാറ്റൂർ യുവ ആർട്സ് ആൻഡ് സ്പോർട്സ് ക്ളബ് നടത്തിയ കെട്ടിട ഉദ്ഘാടനചടങ്ങിൽ,കോടനാട് കോടനാട് മാർ ഔഗേൻ ഹൈസ്ക്കൂൾ വിദ്യാർത്ഥികൾ ഔഷധതൈവിതരണം നടത്തി.അങ്കമാലി MLA റോജി ജോൺ പങ്കെടുത്ത ചടങ്ങിൽ ഔഷധതൈവിതരണം നടത്തിയത് മലയാറ്റൂർ നീലീശ്വരം ഗ്രാമപഞ്ചായത്ത് പ്രസിഡൻറ് അനിമോൾ ബേബി ആണ്.അശോകം,ആര്യവേപ്പ്,‍‍ഞാവൽ,തുടങ്ങിയവയാണ് വിതരണംനടത്തിയത്.മാർ ഔഗേൻ ഹൈസ്ക്കൂൾ വിദ്യാർത്ഥികൾ മലയാറ്റൂരിൽ പോയിആണ് വിതരണം നടത്തിയത്.