"ഗവ. യു.പി. എസ്. പൂഴിക്കാട്" എന്ന താളിന്റെ പതിപ്പുകൾ തമ്മിലുള്ള വ്യത്യാസം
| വരി 69: | വരി 69: | ||
==ചരിത്രം== | ==ചരിത്രം== | ||
'''പത്തനംത്തിട്ടജില്ലയിൽ, ശബരിമല ശ്രീ അയ്യപ്പൻറെ ജന്മസ്ഥലമെന്ന പേരിൽ പ്രശസ്തിയാർജ്ജിച്ച പന്തളത്ത്, ആലപ്പുഴ ജില്ലയോടു ചേർന്നുള്ള സരസ്വതി വിദ്യാലയമാണ് ഗവണ്മെന്റ് യുപി സ്കൂൾ പൂഴിക്കാട്. ഒരു നൂറ്റാണ്ടിനിപ്പുറത്ത്, ചരിത്ര തിരുശേഷിപ്പുകളിലേക്ക് കണ്ണോടിക്കുമ്പോൾ പ്രതിഭാ ധനന്മാരായ ധാരാളം പൗരന്മാരെ സമൂഹത്തിന്‌ സംഭാവന ചെയ്യുവാൻ ഈ വിദ്യാലയ മുത്തശ്ശിക്ക് കഴിഞ്ഞിട്ടുണ്ട്. ''' | '''പത്തനംത്തിട്ടജില്ലയിൽ, ശബരിമല ശ്രീ അയ്യപ്പൻറെ ജന്മസ്ഥലമെന്ന പേരിൽ പ്രശസ്തിയാർജ്ജിച്ച പന്തളത്ത്, ആലപ്പുഴ ജില്ലയോടു ചേർന്നുള്ള സരസ്വതി വിദ്യാലയമാണ് ഗവണ്മെന്റ് യുപി സ്കൂൾ പൂഴിക്കാട്. ഒരു നൂറ്റാണ്ടിനിപ്പുറത്ത്, ചരിത്ര തിരുശേഷിപ്പുകളിലേക്ക് കണ്ണോടിക്കുമ്പോൾ പ്രതിഭാ ധനന്മാരായ ധാരാളം പൗരന്മാരെ സമൂഹത്തിന്‌ സംഭാവന ചെയ്യുവാൻ ഈ വിദ്യാലയ മുത്തശ്ശിക്ക് കഴിഞ്ഞിട്ടുണ്ട്. ''' | ||
[[{{PAGENAME}}/ചരിത്രം|കൂടുതൽ വായിക്കുക]] | |||
'''1915 ൽ പൂഴിക്കാട് നായർ കരയോഗത്തിന്റെ ആഭിമുഖ്യത്തിൽ ശ്രീ തറയിൽ കൃഷ്ണക്കുറുപ്പിന്റെയും നിലയ്ക്കൽ കുഞ്ഞു പിള്ളയുടെയും നേതൃത്വത്തിലാണ് തലമുറകൾക്ക് അറിവിന്റെ അമൃതം പകരുന്ന ഈ സരസ്വതി വിദ്യാലയം ആരംഭിച്ചത്.ജൂനിയർ ബേസിക് സ്കൂളായാണ് പ്രവർത്തനം തുടങ്ങിയത്.1984 ലാണ് ഇതൊരു പൂർണ്ണ സർക്കാർ വിദ്യാലയം ആവുന്നത്.1968 ൽ സർക്കാർ യു പി സ്കൂളായി ഉയർത്തപ്പെട്ടു. സ്കൂൾ അപ്ഗ്രേഡ് ചെയ്യുന്നതുമായി ബന്ധപ്പെട്ട വികസന പ്രവർത്തനങ്ങൾക്ക് നേതൃത്വം നൽകിയത് ദീർഘകാലം ഹെഡ് മാസ്റ്ററായിരുന്ന ശ്രീ പാച്ചുപിള്ള സർ , വെണ്മണി വടക്കേത്തിൽ ശ്രീ ഡാനീയൽ സാർ, ശ്രീ എൻ ജി രാഘവൻ പിള്ള, ശ്രീ കെ പി ചന്ദ്രശേഖര കുറുപ്പ്, ശ്രീരാമ വർമ്മ തമ്പുരാൻ, ശ്രീ പി കെ പി പോറ്റി, പടിഞ്ഞാറെ പാണോലിൽ ശ്രീ പത്മനാഭപിള്ള, കിഴക്കേതിൽ ശ്രീ കൊച്ചുണ്ണിക്കുറുപ്പ്, തൈമുക്കേൽ ശ്രീ നാരായണ പിള്ള, ശ്രീ ഉണ്ണൂണ്ണി സാർ, ശ്രീ യോഹന്നാൻ സർ, ശ്രീമതി ഏലിയാമ്മ ടീച്ചർ, പുത്തൻ വീട്ടിൽ ശ്രീരാമൻ ശങ്കരൻ, എ ഇ ഒ ശ്രീ ജോർജ്ജ്, ഫിലിപ്, ശ്രീ മുളങ്കോട്ട് നീലകണ്ഠപിള്ള, ലെയ്സൺ കമ്മിറ്റി ചെയർമാൻ ശ്രീ വെളിയം ഭാർഗ്ഗവൻ എന്നിവരാണ്.''' | '''1915 ൽ പൂഴിക്കാട് നായർ കരയോഗത്തിന്റെ ആഭിമുഖ്യത്തിൽ ശ്രീ തറയിൽ കൃഷ്ണക്കുറുപ്പിന്റെയും നിലയ്ക്കൽ കുഞ്ഞു പിള്ളയുടെയും നേതൃത്വത്തിലാണ് തലമുറകൾക്ക് അറിവിന്റെ അമൃതം പകരുന്ന ഈ സരസ്വതി വിദ്യാലയം ആരംഭിച്ചത്.ജൂനിയർ ബേസിക് സ്കൂളായാണ് പ്രവർത്തനം തുടങ്ങിയത്.1984 ലാണ് ഇതൊരു പൂർണ്ണ സർക്കാർ വിദ്യാലയം ആവുന്നത്.1968 ൽ സർക്കാർ യു പി സ്കൂളായി ഉയർത്തപ്പെട്ടു. സ്കൂൾ അപ്ഗ്രേഡ് ചെയ്യുന്നതുമായി ബന്ധപ്പെട്ട വികസന പ്രവർത്തനങ്ങൾക്ക് നേതൃത്വം നൽകിയത് ദീർഘകാലം ഹെഡ് മാസ്റ്ററായിരുന്ന ശ്രീ പാച്ചുപിള്ള സർ , വെണ്മണി വടക്കേത്തിൽ ശ്രീ ഡാനീയൽ സാർ, ശ്രീ എൻ ജി രാഘവൻ പിള്ള, ശ്രീ കെ പി ചന്ദ്രശേഖര കുറുപ്പ്, ശ്രീരാമ വർമ്മ തമ്പുരാൻ, ശ്രീ പി കെ പി പോറ്റി, പടിഞ്ഞാറെ പാണോലിൽ ശ്രീ പത്മനാഭപിള്ള, കിഴക്കേതിൽ ശ്രീ കൊച്ചുണ്ണിക്കുറുപ്പ്, തൈമുക്കേൽ ശ്രീ നാരായണ പിള്ള, ശ്രീ ഉണ്ണൂണ്ണി സാർ, ശ്രീ യോഹന്നാൻ സർ, ശ്രീമതി ഏലിയാമ്മ ടീച്ചർ, പുത്തൻ വീട്ടിൽ ശ്രീരാമൻ ശങ്കരൻ, എ ഇ ഒ ശ്രീ ജോർജ്ജ്, ഫിലിപ്, ശ്രീ മുളങ്കോട്ട് നീലകണ്ഠപിള്ള, ലെയ്സൺ കമ്മിറ്റി ചെയർമാൻ ശ്രീ വെളിയം ഭാർഗ്ഗവൻ എന്നിവരാണ്.''' | ||
20:32, 28 ജനുവരി 2022-നു നിലവിലുണ്ടായിരുന്ന രൂപം
| സ്കൂൾ | സൗകര്യങ്ങൾ | പ്രവർത്തനങ്ങൾ | ക്ലബ്ബുകൾ | ചരിത്രം | അംഗീകാരം |
പത്തനംതിട്ട ജില്ലയിലെ പത്തനംതിട്ട വിദ്യാഭ്യാസ ജില്ലയിൽ പന്തളം ഉപജില്ലയിലെ പൂഴിക്കാട് എന്ന സ്ഥലത്തുള്ള ഒരു സർക്കാർ വിദ്യാലയമാണിത്.
| ഗവ. യു.പി. എസ്. പൂഴിക്കാട് | |
|---|---|
 | |
| വിലാസം | |
പൂഴിക്കാട്, പന്തളം പൂഴിക്കാട് പി.ഒ പി.ഒ. , 689515 , പത്തനംതിട്ട ജില്ല | |
| സ്ഥാപിതം | 1915 |
| വിവരങ്ങൾ | |
| ഫോൺ | 04734 256025 |
| ഇമെയിൽ | govtupspoozhikkad@gmail.com |
| കോഡുകൾ | |
| സ്കൂൾ കോഡ് | 38325 (സമേതം) |
| യുഡൈസ് കോഡ് | 32120500419 |
| വിക്കിഡാറ്റ | Q87597630 |
| വിദ്യാഭ്യാസ ഭരണസംവിധാനം | |
| റവന്യൂ ജില്ല | പത്തനംതിട്ട |
| വിദ്യാഭ്യാസ ജില്ല | പത്തനംതിട്ട |
| ഉപജില്ല | പന്തളം |
| ഭരണസംവിധാനം | |
| ലോകസഭാമണ്ഡലം | പത്തനംതിട്ട |
| നിയമസഭാമണ്ഡലം | അടൂർ |
| താലൂക്ക് | അടൂർ |
| ബ്ലോക്ക് പഞ്ചായത്ത് | പന്തളം |
| തദ്ദേശസ്വയംഭരണസ്ഥാപനം | മുനിസിപ്പാലിറ്റി |
| വാർഡ് | 24 |
| സ്കൂൾ ഭരണ വിഭാഗം | |
| സ്കൂൾ ഭരണ വിഭാഗം | സർക്കാർ |
| സ്കൂൾ വിഭാഗം | പൊതുവിദ്യാലയം |
| പഠന വിഭാഗങ്ങൾ | എൽ.പി യു.പി |
| സ്കൂൾ തലം | 1 മുതൽ 7 വരെ |
| മാദ്ധ്യമം | മലയാളം, ഇംഗ്ലീഷ് |
| സ്ഥിതിവിവരക്കണക്ക് | |
| ആകെ വിദ്യാർത്ഥികൾ | 758 |
| അദ്ധ്യാപകർ | 20 |
| സ്കൂൾ നേതൃത്വം | |
| പ്രധാന അദ്ധ്യാപിക | വിജയലക്ഷ്മി.ബി |
| പി.ടി.എ. പ്രസിഡണ്ട് | രമേശ് നാരായൺ |
| എം.പി.ടി.എ. പ്രസിഡണ്ട് | രശ്മി അസീസ് |
| അവസാനം തിരുത്തിയത് | |
| 28-01-2022 | THARACHANDRAN |
ചരിത്രം
പത്തനംത്തിട്ടജില്ലയിൽ, ശബരിമല ശ്രീ അയ്യപ്പൻറെ ജന്മസ്ഥലമെന്ന പേരിൽ പ്രശസ്തിയാർജ്ജിച്ച പന്തളത്ത്, ആലപ്പുഴ ജില്ലയോടു ചേർന്നുള്ള സരസ്വതി വിദ്യാലയമാണ് ഗവണ്മെന്റ് യുപി സ്കൂൾ പൂഴിക്കാട്. ഒരു നൂറ്റാണ്ടിനിപ്പുറത്ത്, ചരിത്ര തിരുശേഷിപ്പുകളിലേക്ക് കണ്ണോടിക്കുമ്പോൾ പ്രതിഭാ ധനന്മാരായ ധാരാളം പൗരന്മാരെ സമൂഹത്തിന്‌ സംഭാവന ചെയ്യുവാൻ ഈ വിദ്യാലയ മുത്തശ്ശിക്ക് കഴിഞ്ഞിട്ടുണ്ട്.
1915 ൽ പൂഴിക്കാട് നായർ കരയോഗത്തിന്റെ ആഭിമുഖ്യത്തിൽ ശ്രീ തറയിൽ കൃഷ്ണക്കുറുപ്പിന്റെയും നിലയ്ക്കൽ കുഞ്ഞു പിള്ളയുടെയും നേതൃത്വത്തിലാണ് തലമുറകൾക്ക് അറിവിന്റെ അമൃതം പകരുന്ന ഈ സരസ്വതി വിദ്യാലയം ആരംഭിച്ചത്.ജൂനിയർ ബേസിക് സ്കൂളായാണ് പ്രവർത്തനം തുടങ്ങിയത്.1984 ലാണ് ഇതൊരു പൂർണ്ണ സർക്കാർ വിദ്യാലയം ആവുന്നത്.1968 ൽ സർക്കാർ യു പി സ്കൂളായി ഉയർത്തപ്പെട്ടു. സ്കൂൾ അപ്ഗ്രേഡ് ചെയ്യുന്നതുമായി ബന്ധപ്പെട്ട വികസന പ്രവർത്തനങ്ങൾക്ക് നേതൃത്വം നൽകിയത് ദീർഘകാലം ഹെഡ് മാസ്റ്ററായിരുന്ന ശ്രീ പാച്ചുപിള്ള സർ , വെണ്മണി വടക്കേത്തിൽ ശ്രീ ഡാനീയൽ സാർ, ശ്രീ എൻ ജി രാഘവൻ പിള്ള, ശ്രീ കെ പി ചന്ദ്രശേഖര കുറുപ്പ്, ശ്രീരാമ വർമ്മ തമ്പുരാൻ, ശ്രീ പി കെ പി പോറ്റി, പടിഞ്ഞാറെ പാണോലിൽ ശ്രീ പത്മനാഭപിള്ള, കിഴക്കേതിൽ ശ്രീ കൊച്ചുണ്ണിക്കുറുപ്പ്, തൈമുക്കേൽ ശ്രീ നാരായണ പിള്ള, ശ്രീ ഉണ്ണൂണ്ണി സാർ, ശ്രീ യോഹന്നാൻ സർ, ശ്രീമതി ഏലിയാമ്മ ടീച്ചർ, പുത്തൻ വീട്ടിൽ ശ്രീരാമൻ ശങ്കരൻ, എ ഇ ഒ ശ്രീ ജോർജ്ജ്, ഫിലിപ്, ശ്രീ മുളങ്കോട്ട് നീലകണ്ഠപിള്ള, ലെയ്സൺ കമ്മിറ്റി ചെയർമാൻ ശ്രീ വെളിയം ഭാർഗ്ഗവൻ എന്നിവരാണ്.
2011-2012 സ്കൂൾ വർഷം അന്നത്തെ പ്രഥമാധ്യാപകൻ ശ്രീ ടി ജി ഗോപിനാഥൻ പിള്ള സാറിന്റെ ശ്രമഫലമായി 25 കുട്ടികൾ ഓടു കൂടി പ്രീ പ്രൈമറി വിഭാഗം ആരംഭിച്ചു. ഒരു അധ്യാപികയും ഒരു ആയയും അന്ന് ജോലിയിൽ പ്രവേശിച്ചു.അന്നത്തെ ഹെഡ്മാസ്റ്റർ ശ്രീ ഈ ഗോപിനാഥൻ പിള്ള സാറിനൊപ്പം പി ടി എ പ്രസിഡന്റ് ശ്രീ ടി എസ് രാധാകൃഷ്ണൻ, പന്തളം പഞ്ചായത്ത് പ്രസിഡന്റ് അഡ്വക്കേറ്റ് കെ പ്രതാപൻ, വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ അഡ്വക്കേറ്റ് ഡി എൻ ത്രിദീപ്, വാർഡ് മെമ്പർ ശ്രീ രാജു കല്ലുമ്മൂടൻ, എസ് എസ് ജി ചെയർമാൻ ഡോക്ടർ പി ജെ പ്രദീപ് കുമാർ, പൂർവ്വ വിദ്യാർത്ഥി സംഘടന മുഖ്യ രക്ഷാധികാരി ശ്രീ കെ പി ചന്ദ്രശേഖര കുറുപ്പ്, ചെയർമാൻ ശ്രീ കെ കെ ദാമോദരൻ എന്നിവർ പ്രീ പ്രൈമറി വിഭാഗം സ്കൂളിൽ ആരംഭിക്കുന്നതിനു വേണ്ട നേതൃത്വം നൽകി.
ബഹുമാന്യനായ സ്ക്കൂൾ പ്രഥമാധ്യാപകനും സംസ്ഥാന ദേശീയ അധ്യാപക അവാർഡ് ജേതാവും കൂടിയായ ശ്രീ ടി ജി ഗോപിനാഥൻ പിള്ള സാറിന്റെ കഠിനമായ പരിശ്രമത്തിന്റെ ഫലമായി ആശംഭിച്ച പ്രീ പ്രൈമറി വിഭാഗം സ്കൂളിന്റെ ചരിത്രത്തിൽ ഒരു നാഴികക്കല്ലായി വിശേഷിപ്പിക്കാം. സ്കൂളിന്റെ വളർച്ചയ്ക്കും കുട്ടികളുടെ എണ്ണത്തിലുള്ള വർധനവിനും ഈ തുടക്കം സഹായിച്ചു. ഇന്ന് പ്രീ പ്രൈമറി വിഭാഗത്തിൽ175 കുട്ടികളും 6 അധ്യാപകരും 2 ആയമാരും പ്രവർത്തിക്കുന്നു. ശ്രീ ടി ജീ ഗോപിനാഥൻ പിള്ള സാർ പ്രഥമാധ്യാപകൻ ആയിരുന്ന കാലം (2005-06 മുതൽ 2018-19 വരെ) സ്കൂളിന്റെ ചരിത്രത്തിലെ സുവർണ്ണ കാലഘട്ടം എന്ന് വിശേഷിപ്പിക്കാം.2005 ൽ150 കുട്ടികളും 8 അധ്യാപകരുമായി ആയിരുന്ന സ്ക്കൂളിൽ 2018-19 ആയപ്പൊഴേക്കും 630 കുട്ടികളും 20 അധ്യാപകരുമായി വളർന്നു.
സ്കൂളിന്റെ ശതാബ്ദി ആഘോഷം 2015 അന്നത്തെ ആഭ്യന്തര മന്ത്രിയായിരുന്ന ശ്രീ രമേശ് ചെന്നിത്തല ഉദ്ഘാടനം ചെയ്തു. ശ്രീ ആന്റോ ആന്റണി ( എം പി) , ശ്രീ ചിറ്റയം ഗോപകുമാർ MLA, ശ്രീ തൈക്കൂട്ടത്തിൽ സക്കീർ, മറ്റ് ജനപ്രതിനിധികൾ വിദ്യാഭ്യാസ വകുപ്പ് ഉദ്യോഗസ്ഥർ, എന്നിവർ പങ്കെടുത്തു. ഒരു വർഷം നീണ്ടു നിന്നിരുന്ന പരിപാടികളിൽ സാഹിത്യ സമ്മേളനം, നേത്രചികിത്സ ക്യാമ്പ്, പൂർവ്വ അധ്യാപക- വിദ്യാർത്ഥി സംഗമം, സെമിനാറുകൾ, പ്രദർശനങ്ങൾ, ബോധവത്ക്കരണ ക്യാമ്പുകൾ എന്നിവ ഉൾപ്പെടുത്തിയിട്ടുണ്ടായിരുന്നു. 2015-16 അധ്യയന വർഷം MLA യുടെ സമഗ്ര വിദ്യാഭ്യാസ പദ്ധതിയുടെ ഭാഗമായി സ്കൂളിലെ എല്ലാ ക്ലാസ് മുറികളും അന്താരാഷ്ട്ര നിലവാരമുളള ഡിജിറ്റൽ ക്ലാസ് മുറികൾ ആക്കീ തീർത്തു. MLA യുടെ ആസ്തി വികസന ഫണ്ടിൽ നിന്നും ഒരു സ്ക്കൂൾ ബസും അനുവദിച്ചു.2010-11 അധ്യയന വർഷം മലയാളം മീഡിയത്തിന് സമാന്തരമായി ഇംഗ്ലീഷ് മീഡിയം ക്ലാസുകൾ തുടങ്ങുന്നതിന് അന്നത്തെ ഉപജില്ല വിദ്യാഭ്യാസ ഓഫീസർ ശ്രീ കെ രവി സാർ അനുവാദം നൽകിയത് ഇംഗ്ലീഷ് മീഡിയത്തിൽ പഠിക്കേണ്ടവർക്ക് വൻ തുക നൽകി അൺ എയ്ഡഡ് സ്കൂളിനെ ആശ്രയിക്കാതെ മെച്ചപ്പെട്ട വിദ്യാഭ്യാസം സൗജന്യമായി നൽകുവാൻ സഹായകമായി. 2016 -17 സ്കൂളിന്റെ പ്രഥമാധ്യാപകനും ദേശീയ അവാർഡ് ജേതാവുമായ ശ്രീ ടി ജി ഗോപിനാഥൻ പിള്ള സാറിനെ അനുമോദിക്കുന്ന ചടങ്ങിൽ വെച്ച് രാജ്യസഭ ഉപാധ്യക്ഷൻ പ്രൊഫസർ പീ ജെ കുര്യൻ സ്ക്കൂളിന്റെ അക്കാദമികവും ഭൗതീകവുമായ വളർച്ചയും കുട്ടികളുടെ എണ്ണത്തിലുള്ള വർധനവും നേരിട്ട് കണ്ട് മനസ്സിലാക്കി സാറിന്റെ നിസ്വാർഥ സേവനത്തിനുള്ള അംഗീകാരമായി 3 ക്ലാസ് മുറികൾ പണിയുന്നതിന്നുള്ള 20 ലക്ഷം രൂപ അനുവദിക്കുകയുണ്ടായി. അങ്ങനെ 3 ക്ലാസ് മുറികളുള്ള ഒരു കോൺക്രീറ്റ് കെട്ടിടം ഈ കാലയളവിൽ നിലവിൽ വന്നു.
2018 -19 കാലയളവിൽ പി ടി എ പ്രസിഡന്റ് ശ്രീ ബിജു, മുൻ പി ടി എ പ്രസിഡന്റ് ശ്രീലാൽ എന്നിവരുടെ കൂട്ടായ പ്രവർത്തന ഫലമായി പി ടി എ യുടെ സ്നേഹത്തോടെ ഒരു ബസ് കൂടി സ്കൂളിനു വേണ്ടി വാങ്ങി കുട്ടികളുടെ യാത്ര സൗകര്യം മെച്ചപ്പെടുത്തി.
പഠനത്തോടൊപ്പം പാഠ്യേതര പ്രവർത്തനങ്ങളായ ജൈവ പച്ചക്കറി കൃഷി, കലാകായിക പരീശീലനങ്ങൾ എന്നീ വയ്ക്കും ഒരു പോലെ പ്രാധാന്യം നൽകി കൊണ്ടുള്ള പ്രവർത്തനങ്ങളാണ് ഇവിടെ നടത്തി വരുന്നത്. അങ്ങനെ എല്ലാ മേഖലയിലും മികവിന്റെ കേന്ദ്രമായി പൂഴിക്കാട് ഗവൺമെന്റ് യൂ പി സ്കൂൾ മാറിയിരിക്കുന്നു.
2018 മുതൽ ശ്രീമതി ബി വിജയലക്ഷ്മി ടീച്ചർ പ്രഥമാധ്യാപികയായി തുടരുന്നു ഇപ്പോൾ പ്രീ പ്രൈമറി വിഭാഗം ഉൾപ്പടെ 930 കുട്ടികൾ പഠിക്കുന്നു. 27 അധ്യാപകരും 4 അനധ്യാപകരും ജോലി ചെയ്തു വരുന്നു. പൊതു വിദ്യാഭ്യാസ സംരക്ഷണ യജ്ഞത്തിന്റെ ഭാഗമായി ഒരു കോടി രൂപ ചെലവഴിച്ചു നിർമ്മിക്കുന്ന 10 ക്ലാസ് മുറികളുടെ പണിയും നടക്കുന്നു. കെട്ടിടത്തിന്റെ ശിലാസ്ഥാപനം ബഹുമാനപ്പെട്ട കേരള മുഖ്യമന്ത്രി ശ്രീ പിണറായി വിജയൻ നിർവഹിച്ച സമയം പൂഴിക്കാടിന്റെ ചരിത്രത്തിലെ ഒരു സുവർണ്ണ നിമിഷമായിരുന്നു. വിദ്യാഭ്യാസ മന്ത്രി ശ്രീ രവീന്ദ്രനാഥിന്റെ അധ്യക്ഷതയിൽ ചേർന്ന ചടങ്ങിൽ ധനകാര്യ മന്ത്രി ശ്രീ തോമസ് ഐസക് മുഖ്യപ്രഭാഷണം നടത്തി. ജില്ലാ തലത്തിലും സംസ്ഥാന തലത്തിലും അറിയപ്പെടുന്ന വിദ്യാലയമായ പൂഴിക്കാട് ഗവ യു പി സ്കൂൾ നാൾക്കുനാൾ വളർന്നു കൊണ്ടിരിക്കുന്ന ഒരു വലിയ വടവൃക്ഷമായി ഇന്നും നിലകൊള്ളുന്നു.
ഭൗതികസൗകര്യങ്ങൾ
പൊതുവിദ്യാഭ്യാസസംരക്ഷണയജ്ഞം എന്ന ദൗത്യവുമായി ബഹു. കേരള സർക്കാർ മുന്നോട്ടു പോകുമ്പോൾ ആ ലക്ഷ്യസാധ്യത്തിലൂടെ നമ്മുടെ സംസ്ഥാനത്തിനുതന്നെ മാതൃകയായിതീർന്നിരിക്കുന്ന ഒരു സർക്കാർ വിദ്യാലയമാണ് പൂഴിക്കാട് ഗവൺമെൻറ് യുപി സ്കൂൾ. 800-ൽപ്പരം കുട്ടികൾ പഠിക്കുന്ന ജില്ലയിലെ മികച്ച സ്‌കൂളുകളിൽ ഒന്നാണ് ജി.യു.പി.എസ്. പൂഴിക്കാട്. പ്രാഥമികവും, സാർവ്വത്രികവുമായ ഗുണനിലവാര വിദ്യാഭ്യാസം കുട്ടികൾക്ക് നൽകുവാനുതകുന്നതരത്തിൽ ഭൗതീക സാഹചര്യങ്ങൾ മെച്ചപ്പെടുത്തുവാൻ ജനപ്രധിനിതികളുടേയും, അധ്യാപകരക്ഷകർതൃ സമിതിയുടെയും നേതൃത്വത്തിൽ വികസന പദ്ധതികൾ ആവിഷ്കരിക്കുകയും നടപ്പിലാക്കുകയും ചെയ്യുന്നു.
ഈ സ്കൂളിൽ 27 ക്ലാസ് മുറികൾ അടങ്ങിയ ഓടിട്ടതും കോൺക്രീറ്റ് ചെയ്തതുമായ അഞ്ച് കെട്ടിടങ്ങളാണുള്ളത് ഇവയിൽ ആറ് ക്ലാസ് മുറികളോടു കൂടിയ ഇരുന്നില കെട്ടിടം 1998 - 1999 കാലയളവിൽ ബഹു. എം.പി ശ്രീ പി.ജെ കുര്യന്റെ എംപി ഫണ്ട് വിനിയോഗിച്ച് നിർമ്മിച്ചതും 3 ക്ലാസ്സ് മുറികളോടുകൂടിയ കെട്ടിടം ബഹു. രാജ്യസഭാ എം.പി. പ്രൊഫ.പി ജെ കുര്യന്റെ പ്രത്യേക വികസന ഫണ്ടുപയോഗിച്ചും പൂർത്തീകരിച്ചിട്ടുള്ളതാണ്. പത്ത് മുറികൾ ഉള്ള പുതിയ കെട്ടിടത്തിന്റെ നിർമ്മാണ ഉദ്ഘാടനം ഓൺലൈനായി 04-11-2020 ന് ബഹു.മുഖ്യമന്ത്രി ശ്രീ. പിണറായി വിജയൻ അവർകളും ശിലാസ്ഥാപനകർമ്മം ബഹു. എം എൽ എ ശ്രീ ചിറ്റയം ഗോപകുമാർ അവർകളും നിർവ്വ ഹിച്ചു. ആകെ 82.75 സെന്റ് സ്ഥലത്താണ് ഈ വിദ്യാലയം സ്ഥിതി ചെയ്യുന്നത്. ഈ സ്കൂളിന് ചെറുതെങ്കിലും മനോഹരമായ ഒരു കളിസ്ഥലമുണ്ട്. സ്കൂളിന്റെ മുൻവശത്തെ മുറ്റം ടൈൽ പാകി ഭംഗിയായി സൂക്ഷിച്ചിട്ടുണ്ട്. ഫലവൃക്ഷങ്ങളാലും മനോഹരമായ പൂച്ചെടികളാലും ആലംകൃതമായ മുറ്റമാണ് ഈ സ്കൂളിനുള്ളത്. ശുദ്ധമായ അന്തരീക്ഷം നിലനിർത്തുന്നതിനും സ്കൂൾ പരിസരം ഹരിതാഭമാക്കുന്നതിനും ഈ പൂന്തോട്ടം വളരെയധികം സഹായിക്കുന്നു. വിഷമുക്തമായ പച്ചക്കറികൾ ലഭിക്കുന്നതിനും, കുട്ടികളിൽ കൃഷിയോടുള്ള ആഭിമുഖ്യം വളർത്തുന്നതിനുമായി സ്കൂളിൽ ചട്ടികളിലും, ടെറസ്സിലുമായി വിശാലമായ കൃഷിത്തോട്ടമുണ്ട്. കൂടാതെ വിവിധയിനം ഔഷധസസ്യങ്ങളാൽ സമ്പന്നമായ ഔഷധസസ്യത്തോട്ടവും, 27 ജന്മനക്ഷത്രങ്ങളെക്കുറിക്കുന്ന സസ്യങ്ങൾ ഉൾപ്പെടുത്തി ജന്മനക്ഷത്ര പാർക്കും ഒരുക്കിയിട്ടുണ്ട്. ഈ പാർക്കിൽ ഓരോ സസ്യത്തിന്റെ പേരും, അതിന്റെ നക്ഷത്രവും എഴുതിയ ബോർഡും സ്ഥാപിച്ചിട്ടുണ്ട്.
ഓഡിറ്റോറിയം കുട്ടികളുടെ കലാപരമായ കഴിവുകൾ വികസിപ്പിക്കുന്നതിനും വിവിധതരം മേളകളും പ്രദർശനങ്ങളും നടത്തുന്നതിനായി ഒരു ഓപ്പൺ ഓഡിറ്റോറിയം സ്കൂളിന്റെ പടിഞ്ഞാറുവശത്തായി സ്ഥിതി ചെയ്യുന്നുണ്ട്.
കുടിവെള്ള സൗകര്യം ഈ സ്കൂളിൽ ശുദ്ധജലലഭ്യതക്കായി ജലശുദ്ധീകരണികൾ റോട്ടറിക്ലബ്ബിൻ്റെ നേതൃത്വത്തിൽ സ്ഥാപിക്കുകയും "Water, Sanitation and hygiene in school" (WINS) പദ്ധതിയുടെ ഭാഗമായി, സാനിറ്റേഷൻ, കൈകഴുകൽ സൗകര്യങ്ങൾ എന്നിവ നടപ്പാക്കുകയും ചെയ്തു.
ടോയ് ലെറ്റ് പ്രാഥമിക ആവശ്യങ്ങൾക്ക് അനിവാര്യമായ ടോയ്‌ലറ്റുകളും ഭിന്നശേഷി സൗഹൃദ അഡാപ്റ്റഡ് ടോയ്‌ലറ്റുകളും ഈ സ്കൂളിൽ ഉണ്ട്.പെൺകുട്ടികൾക്കായി സാനിറ്ററി നാപ്കിൻ ഇൻസിനറേറ്ററും സാനിറ്ററി നാപ്കിൻ ഡിസ്പോസൽ മെഷീനുളും സജ്ജീകരിച്ചിട്ടുണ്ട്.
മാലിന്യ നിക്ഷേപം.
ശുചിത്വ മിഷന്റെ കളക്ടർ@സ്കൂൾ സ്കൂൾ പദ്ധതിയുടെ ഭാഗമായി മാലിന്യങ്ങൾ തരംതിരിച്ച് നിക്ഷേപിക്കുന്നതിനുള്ള ഉള്ള സംവിധാനവും ഏർപ്പെടുത്തിയിട്ടുണ്ട്.
സയൻസ് പാർക്ക് എസ് എസ് എ പദ്ധതിപ്രകാരം മുപ്പതിനായിരം രൂപയുടെ യുടെ സയൻസ് പാർക്ക് ശാസ്ത്ര പരീക്ഷണങ്ങൾക്കായി ഒരുക്കിയിട്ടുണ്ട്.
സ്പോർട്സ് ഉപകരണങ്ങൾ. 2019 -20 അധ്യയനവർഷത്തിൽ ഡി.ഡി.ഇ പത്തനംതിട്ടയിൽനിന്നും 58738 രൂപയുടെ സ്പോർട്സ് ഉപകരണങ്ങൾ ലഭിച്ചിട്ടുണ്ട്.
വാഹന സൗകര്യം. കുട്ടികളുടെ യാത്രാക്ലേശം പരിഹരിക്കുന്നതിന്റെ ഭാഗമായി ബഹുമാനപ്പെട്ട ചിറ്റയം ഗോപകുമാർ എംഎൽഎയുടെ ആസ്തിവികസന ഫണ്ടിൽനിന്ന് 2014 -15 കാലയളവിൽ ഒരു സ്കൂൾ ബസ്സും 2018 -19 കാലയളവിൽ പിടിഎയുടെ ധനസമാഹരണത്തിലൂടെ രണ്ടാമത് ഒരു ബസ്സും ലഭിച്ചിട്ടുണ്ട്.
ഡിജിറ്റൽ പഠനസൗകര്യം.
ഹൈടെക് പദ്ധതിപ്രകാരം കുട്ടികളുടെ പഠനം കാര്യക്ഷമമാക്കുന്നതിന്റെ ഭാഗമായി 14 ഡിജിറ്റൽ ക്ലാസ് മുറികൾ ഈ സ്കൂളിൽ ഒരുക്കിയിട്ടുണ്ട് കൂടാതെ അതെ കമ്പ്യൂട്ടർ ലാബ് സൗകര്യവുംലഭ്യമാക്കിയിട്ടുണ്ട്.പന്തളം റോട്ടറി ക്ലബ്ബിൻറെ സഹായത്തോടെ നവീകരിച്ച കമ്പ്യൂട്ടർ ലാബ് 2017 -18 കാലയളവിൽ ജലവിഭവ വകുപ്പ് മന്ത്രി ശ്രീ മാത്യു ടി തോമസ് ഉദ്ഘാടനം ചെയ്തു സ്കൂളിന് സമർപ്പിക്കുകയുണ്ടായി.
2017-2018 അദ്ധ്യായനവർഷത്തിൽ '15' ലാപ്ടോപ്പും, '6' പ്രൊജക്ടറും, 2019-2020 അദ്ധ്യായനവർഷത്തിൽ 14 ലാപ്ടോപ്പും, '5' പ്രൊജക്ടറും "KITE"ൽ നിന്നും ലഭിച്ചിട്ടുണ്ട്. 21-10-2021ൽ നഗരസഭയിൽ നിന്നും ഒരു ലാപ്ടോപ്പ് കൂടി ലഭിക്കുകയുണ്ടായി. കമ്പ്യൂട്ടർ ലാബിൽ ഒരു 'CD' ലൈബ്രറിയും പ്രവർത്തിക്കുന്നുണ്ട്. കൂടാതെ കുട്ടികൾക്കായി ടെലിവിഷൻ സൗകര്യവും ഏർപ്പെടുത്തിയിട്ടുണ്ട്.
ഉച്ചഭക്ഷണ പദ്ധതിയുമായി ബന്ധപ്പെട്ട് നവീകരിച്ച വൃത്തിയുള്ള പാചകപ്പുരയും അതിനോടനുബന്ധിച്ച് ഒരു സ്റ്റോർ റൂമും ഉണ്ട്.കുട്ടികളുടെ സുരക്ഷയുടെ ഭാഗമായി സ്കൂളിന് ചുറ്റുമതിലും ഗേറ്റും നിർമിച്ചിട്ടുണ്ട്.
മികവുകൾ
2017 - 18
- പന്തളം വിദ്യാഭ്യാസ ഉപജില്ലാ ശാസ്ത്ര മേളയിൽ ഓവറോൾ കിരീടം
- പന്തളം ഉപജില്ലാ പ്രവൃത്തിപരിചയ മേളയിൽ ഓവറോൾ കിരീടം.
- ജില്ലാശാസ്ത്ര മേളയിൽ യു.പി.വിഭാഗം പ്രദർശന മത്സരത്തിൽ ഒന്നാം സ്ഥാനം
- 2012-13ൽ 6 കുട്ടികൾക്ക് L.S.S.
- 2013 - 14 ൽ ഒരു കുട്ടിക്ക് L.S.S. ഒരു കുട്ടിക്ക് U.S.S. ഒരു കുട്ടിക്ക് inspire award., ഒരു കുട്ടിക്ക് നവോദയ
- 2016 - 17 ൽ ഒരു കുട്ടിക്ക് L.S.S .
- 2017 - 18 ൽ 3 കുട്ടികൾക്ക് LSS ഒരു കുട്ടിക്ക് നൂ മാത്സ്
- ബെസ്റ്റ് പി.ടി.എ. അവാർഡ് 2016 - 17
- സീഡ് ഹരിത വിദ്യാലയം
- സംസ്ഥാന ബാല കൃഷി ശാസ്ത്ര കോൺഗ്രസ് അംഗീകാരം
- മലയാള മനോരമ നല്ല പാഠം എ പ്ലസ് അംഗീകാരം
- നന്മ പ്രോത്സാഹനസമ്മാനം
- മലയാള മനോരമ നല്ല പാഠം -" പഴമയുടെ വേരുകൾ തേടി കൈയെഴുത്ത്'" പുസ്തകത്തിന് സംസ്ഥാന തലത്തിൽ ഒന്നാം സ്ഥാനം
- ഇൻഫാം എക്സലൻസ് അവാർഡ്
- മലിനീകരണ നിയന്ത്രണ ബോർഡ് സ്പെഷ്യൽ അവാർഡ്
- മികവ് ഉത്സവം 2017 ജില്ലാതലം ഒന്നാം സ്ഥാനം.
- Class PTA പ്രബന്ധം അവതരണം സംസ്ഥാന തല അംഗീകാരം.
- സ്കൂൾ പ്രഥമാധ്യാപകന് 2017 ൽ മികച്ച അധ്യാപകനുള്ള ദേശീയ അവാർഡ്.
- ഗണിതശാസ്ത്ര സാമൂഹ്യശാസ്ത്ര മേളകളിൽ സബ്ജില്ലാതലം ഓവറോൾ കിരീടം.
- പ്രവൃത്തിപരിചയ മേളകളിൽ ജില്ലാതലം ഓവറോൾ .
- സബ്‌ജില്ലാ കായിക മേളയിൽ മികച്ച വിജയം.
- കലാമേളകളിൽ ഹിന്ദി കവിതാ രചന , ഇംഗ്ലീഷ് പ്രസംഗം, നാടകം എനിവയ്ക്ക് സബ്ജില്ലയിൽ ഒന്നാം സ്ഥാനം.
- ശ്രദ്ധ മികവിലേക്കൊരു ചുവട് പദ്ധതി റിപ്പോർട്ട് അവതരണം ജില്ലയിൽ ഒന്നാം സ്ഥാനം
- ഹരിതവിദ്യാലയം റിയാലിറ്റിഷോയിൽ പങ്കെടുത്ത് മികച്ച സ്കോർ കരസ്ഥമാക്കി.
- പച്ചക്കറി കൃഷി വികസന പദ്ധതി 2017 അവാർഡ് ,മികച്ച പ്രഥമാധ്യാപകൻ - ഒന്നാം സ്ഥാനം.
മികച്ച വിദ്യാലയം - രണ്ടാം സ്ഥാനം. മികച്ച അദ്ധ്യാപിക - മൂന്നാം സ്ഥാനം. 2018 - 19
- Best PTA അവാർഡ്
2017-18- ജില്ലാതലം ഒന്നാം സ്ഥാനം.
- മാതൃഭൂമി സീഡ് - ഹരിതവിദ്യാലയം ജില്ലയിൽ ഒന്നാം സ്ഥാനം.
- മലയാള മനോരമ നല്ല പാഠം ജില്ലയിൽ രണ്ടാം സ്ഥാനം
- നന്മ അവാർഡിന് രണ്ടാം സ്ഥാനം
- പാഠഭാഗങ്ങളുമായി ബന്ധപ്പെട്ട് നടത്തിയ ദിനാചരണ പ്രവർത്തനങ്ങൾക്ക് SCERT യുടെ അംഗീകാരം.
- ജൈവ വൈവിധ്യ ഉദ്യാനം ജില്ലയിൽ ഒന്നാം സ്ഥാനം.
- ബാലഭൂമിയുടെ അംഗീകാരം
- സമഗ്ര പച്ചക്കറി കൃഷി വികസന പദ്ധതി 2018,മികച്ച പ്രഥമാധ്യാപകനുള്ള (TG. ഗോപിനാഥപിള്ള സാർ) സംസ്ഥാന തല അവാർഡ്.
- സംസ്ഥാന മലിനീകരണ നിയന്തണ ബോർഡിന്റെ സ്പെഷ്യൽ അവാർഡ്.
- അക്ഷരമുറ്റം, വിമുക്തി ക്വിസ് മത്സരത്തിൽ വിജയം.
- നാല് കുട്ടികൾക്ക് LSS , രണ്ട്കുട്ടികൾക്ക് USS , ഒരു കുട്ടിക്ക് നവോദയ
- യൂറീക്കയിൽ വിജയം.
2019 -20
- ബെസ്റ്റ് പി.ടി.എ. അവാർഡ് 2018 - 19 സംസ്ഥാന തലം നാലാം സ്ഥാനo .
- മാതൃഭൂമി സീഡിന്റെ ശ്രേഷ്ഠ ഹരിതവിദ്യാലയം അവാർഡ് ജില്ലയിൽ ഒന്നാം സ്ഥാനം.
- മലയാള മനോരമ നല്ല പാഠം അവാർഡ് ജില്ലയിൽ ഒന്നാം സ്ഥാനം.
- സംസ്ഥാന തലത്തിൽ മികച്ച വിദ്യാലയത്തിനുള്ള SCERT യുടെ അംഗീകാരം
- ജൈവ വൈവിധ്യ ഉദ്യാനം ജില്ലാതല അംഗീകാരം
- ശിശുദിനാഘോഷത്തിന്റെ ഭാഗമായി ശിശുക്ഷേമ സമിതി നടത്തിയ ഇംഗ്ലീഷ് പ്രസംഗം LP വിഭാഗത്തിൽ ജില്ല തല ഒന്നാം സ്ഥാനം ശ്രേയ ശ്രീകുമാറിന് .
- രണ്ട് കുട്ടികൾക്ക് LSS , ഒരു കുട്ടിക്ക് USS , ഒരു കുട്ടിക്ക് നവോദയ .
അവാർഡുകൾ
1. ദേശിയഅധ്യാപക അവാർഡ്.
2. സംസ്ഥാന അധ്യാപക അവാർഡ്.
3. കൃഷിവകുപ്പും ഫാം ഇൻഫോർമേഷൻ ബ്യുറോയും സംയുക്തമായി
ഏർപ്പെടുത്തിയ മികച്ച സ്‌കൂളിനുള്ള സംസ്ഥാനതല അവാർഡ്.
4. പരിസ്ഥിതി അവാർഡ്.
5. ഹരിത വിദ്യാലയ റിയാലിറ്റി ഷോ.
6. മികച്ച പിടിഎ യ്ക്കുള്ള അവാർഡ്.
7. മാതൃഭൂമി സീഡ്അവാർഡ്‌.
8. മലയാളമനോരമ നല്ലപാഠം അവാർഡ്.
9. വനമിത്ര അവാർഡ്.
പ്രത്യേകതകൾ
*സമ്പൂർണ്ണഡിജിറ്റൽ ക്ലാസ്സ്‌റൂമുകൾ
*കമ്മ്യൂണിക്കേറ്റീവ് ഇംഗ്ളീഷിന് പ്രത്യേകം ക്ലാസുകൾ
*എൽ.എസ്.എസ്സ്, യു.എസ്സ്.എസ്സ് / നവോദയ / സുഗമ ഹിന്ദി സ്ക്കോളർഷിപ്പ് പരിശീലനം
*കമ്പ്യൂട്ടർപഠനത്തിന് മികച്ച കമ്പ്യൂട്ടർലാബ്‌, ഇന്റർനെറ്റ്,സീഡി ലൈബ്രറി
*പഠനത്തിൽ പിന്നാക്കം നിൽക്കുന്നവർക്ക് പ്രത്യേകം പരിഹാരബോധന ക്ലാസുകൾ
*ഡാൻസ്, സംഗീതം, സ്പോർട്സ്, ചിത്രരചന പരിശീലനം
*മികച്ച ലൈബ്രറി- എല്ലാകുട്ടികൾകും അമ്മമാർക്കും വായനാ സൗകര്യം
*SENTEX ശാസ്ത്ര പരിപാടിയിലൂടെ നൂറിൽപ്പരം പരീക്ഷണങ്ങൾ ചെയ്യുവാൻ അവസരം
*EASS പ്രോജക്ടിന്റെ സഹായത്താൽ ഇംഗ്ലീഷ് ഭാഷ അനായാസം സംസാരിക്കുവാനും
പ്രയോഗിക്കുവാനുമുള്ള അവസരം
*എയ്റോബിക്സ്,യോഗ, കരാത്തെ പരിശീലനം
*സ്കൂളിനു സ്വന്തമായി വാഹന സൗകര്യം
*പ്ലാസ്റ്റിക്മാലിന്യവിമുക്ത സ്കൂൾ
മാതൃഭൂമി സീഡ് / നന്മ മലയാള മനോരമ നല്ല പാഠം
സമൂഹ നന്മ ലക്ഷ്യമാക്കി പ്രവർത്തിക്കുന്ന ഒരു തലമുറയെ വാർത്തെടുക്കുക, കുട്ടികളെ മൂല്യ ബോധമുള്ളവരാക്കുക എന്നീ ലക്ഷ്യത്തോടെ മാതൃഭൂമി സീഡ്/ നന്മ, മലയാള മനോരമ നല്ല പാഠം എന്നീ പദ്ധതികൾ നടപ്പിലാക്കി വരുന്നു
സീഡ് പ്രവർത്തനങ്ങൾക്ക് ജില്ലയിൽ ഒന്നാം സ്ഥാനവും ഹരിത ശ്രേഷ്ഠ പുരസ്കാരവും 2016 -17 അധ്യയന വർഷം ലഭിച്ചു. നല്ല പാഠം പ്രവർത്തനങ്ങൾക്ക് ജില്ലയിലെ A + നേടിയ സ്കൂളായി തെരഞ്ഞെടുക്കപ്പെട്ടു. മഴവിൽ പുരസ്കാരവും ലഭിച്ചു.
സീഡ് കോ ഓർഡിനേറ്റർ - സുദീന
നന്മ കോ ഓർഡിനേറ്റർ - ആർ സിന്ധു
മനോരമ നല്ല പാഠം കോ ഓർഡിനേറ്റർ - സുജ, അമ്പിളി
LSS/ USS നവോദയ/ സുഗമ ഹിന്ദി പരീക്ഷാ പരിശീലനം
വിവിധ സ്‌കോളർഷിപ്പ് പരീക്ഷകൾക്കുള്ള പരിശീലനം അതതു വിഷയവുമായി ബന്ധപ്പെട്ട അദ്ധ്യാപകർ കുട്ടികൾക്ക് നൽകി വരുന്നു. ഉച്ചക്കുള്ള സമയം അതിനായി അധ്യാപകർ പ്രയോജനപ്പെടുത്തുന്നു.
LSS - എം ബി സിന്ധു
USS - ശ്രീനാഥ്, രാജേശ്വരി, മിനുമോൾ
നവോദയ - ആർ രേഖ
സുഗമ ഹിന്ദി - ടി.ലളിത
ക്ലബ്ബുകൾ
വിദ്യാരംഗം -രേഖ ആർ
ഇംഗ്ലീഷ് ക്ലബ് - സൂര്യ സുരേഷ്
ഹിന്ദി -ടി.ലളിത
ഗണിതം -ശ്രീനാഥ്,ആനിയമ്മ, രേഖ
സാമൂഹ്യ ശാസ്ത്രം -എസ്.സൂര്യ
ശാസ്ത്രം -രാജേശ്വരി, അമ്പിളി
ഐ റ്റി -എസ്. ശ്രീനാഥ്
ഹെൽത്ത് -സിന്ധു എം ബി, ആനിയമ്മ
ജലശ്രീ -രേഖ
ജൈവ വൈവിധ്യ ക്ലബ് -നിഷ
റോഡ് സുരക്ഷാ ക്ലബ് -രാജേശ്വരി, എസ്. ശ്രീനാഥ്
എൻഡോവ്മെന്റുകൾ / ക്യാഷ് അവാർഡുകൾ
- പാച്ചു പിള്ള സാർ മെമ്മോറിയൽ എൻഡോവ്‌മെന്റ്
- ശ്രീ പുരുഷോത്തമൻ നമ്പ്യാതിരി ക്യാഷ് അവാർഡ്
- ജവഹര കുറുപ്പ് മെമ്മോറിയൽ എൻഡോവ്‌മെന്റ്
- എൻ ജി രാഘവൻ പിള്ള മെമ്മോറിയൽ എൻഡോവ്‌മെന്റ്
- അന്നമ്മ ഉമ്മൻ മെമ്മോറിയൽ എൻഡോവ്‌മെന്റ്
- ശ്രീമതി ബി കൃഷ്ണവേണി ഏർപ്പെടുത്തിയ ക്യാഷ് അവാർഡ്
- ശ്രീ വിജയൻ പച്ചവിനാൽ ഏർപ്പെടുത്തിയ ക്യാഷ് അവാർഡ്
- തയ്യിൽ പി. ഗോപാല പിള്ള മെമ്മോറിയൽ ക്യാഷ് അവാർഡ്
- മാധവശ്ശേരിൽ എം ജി ശിവരാമൻ നായർ മെമ്മോറിയൽ ക്യാഷ് അവാർഡ്
- കിളന്നമണ്ണിൽ എബ്രഹാം ജോൺ മെമ്മോറിയൽ ക്യാഷ് അവാർഡ്
മുൻസാരഥികൾ
| ക്രമനമ്പർ | പേര് | ചാർജ്ജെടുത്ത തീയതി |
| 1 | കെ.പാച്ചുപിള്ള | 01/07/1970 |
| 2 | പി.ജി.ഭാസ്കരൻനായർ | 07/01/1974 |
| 3 | ചെല്ലപ്പൻപിള്ള | 01/08/1974 |
| 4 | കെ.പാച്ചുപിള്ള | 01/07/1976 |
| 5 | പുരുഷോത്തമൻ നമ്പ്യാദ്രി | 01/06/1982 |
| 6 | ഇ.സിദ്ധിക് സാഹിബ്‌ | 01/06/1987 |
| 7 | തങ്കപ്പൻ | 01/04/1988 |
| 8 | എം.കെ.കല്യാണി | 13/02/1990 |
| 9 | ഗ്രേസിഫിലിപ്പ് | 02/07/1990 |
| 10 | ഇ.എൻ.തങ്കമ്മ | 01/06/1992 |
| 11 | അന്നമ്മഉമ്മൻ | 21/06/1993 |
| 12 | എം.ചെല്ലമ്മ | 01/01/1999 |
| 13 | എലിസബത്ചാക്കോ | 05/06/2001 |
| 14 | സി.സി.ചന്ദ്രവല്ലി | 3/07/2001 |
| 15 | കെ.ശക്തിധരൻ | 19/05/2002 |
| 16 | കെ.പി.മത്തായി | 02/06/2003 |
| 17 | സി.ശ്രീലത. | 20/05/2004 |
| 18 | ടി.ജി.ഗോപിനാഥൻപിള്ള | 25/05/2006 |
| 19 | ബി.വിജയലക്ഷ്മി | 27/04/2018 |
പ്രശസ്തരായപൂർവവിദ്യാർഥികൾ
| പന്തളം ബാലൻ | സിനിമ പിന്നണി ഗായകൻ |
| ഉല്ലാസ് പന്തളം | സിനിമ ആർട്ടിസ്റ്റ |
| പി.ഗോപകുമാർ | റിട്ട. ഡെപ്യൂട്ടി കളക്ടർ |
| എ.ഗോപിക്കുട്ടൻ | മുൻഡയറക്ടർ UIT കേരളയൂണിവേഴ്സിറ്റി |
| അരവിന്ദ് | ലക്ചറർ ഗവ:കോളജ് കോട്ടയം |
| ആർ.ജയൻ | മുൻ നഗരസഭ വൈസ് ചെയർമാൻ,പന്തളം |
| പന്തളം മഹേഷ് | കൗൺസിലർ,പന്തളം നഗരസഭ |
| അഡ്വ.രാധാകൃഷ്ണൻ ഉണ്ണിത്താൻ | കൗൺസിലർ,പന്തളം നഗരസഭ |
| മധുസൂദനകുറുപ്പ് | റിട്ട.ഡയറ്റ് ലക്ചറർ,പത്തനംതിട്ട |
| സി.സുദർശനൻ പിള്ള | HM ഗവ.യു.പി.എസ്സ് മാന്തുക |
| സംഗീത എസ്സ് | HST, മോഡൽ റസിഡൻഷ്യൽ സ്ക്കൂൾ, വടശ്ശേരിക്കര |
| പ്രദീപ് കുമാർ. എൻ | അസി.എൻജിനിയർ,KSEB അടൂർ |
| വിശ്വനാഥൻ ഉണ്ണിത്താൻ.ബി | അധ്യാപകൻ,VHSE ,കൈപ്പട്ടൂർ |
| മോഹനൻ | റിട്ട. ഡെപ്യൂട്ടി കളക്ടർ |
| രാജേന്ദ്രൻ | AIR |
| ശ്രീകല | HSA,GHS തോട്ടക്കോണം |
| രാധാകൃഷ്ണൻ ടി.എസ് | മുൻഗ്രാമ പഞ്ചായത്ത് മെമ്പർ,പന്തളം |
| രാജേഷ് | സൂപ്രണ്ട്,കുളനടഗ്രാമപഞ്ചായത്ത് |
| കെ.കെ ദാമോധരൻ | റിട്ട.LIC ഡെവലപ്മെൻ്റ് ഓഫീസർ |
ദിനാചരണങ്ങൾ
വായനപക്ഷാചരണം
പൂഴിക്കാട് ഗവ.യു.പി സ്കൂളിലെ 2021- 22 വർഷത്തെ വായനപക്ഷാചരണം വിദ്യാരംഗം ക്ലബ്ബിൻറെ ആഭിമുഖ്യത്തിൽ നടത്തപ്പെട്ടു.ആറു ദിവസങ്ങളിലായി നടത്തപ്പെട്ട പ്രവർത്തനങ്ങൾക്ക്, സ്കൂളിലെ പാഠ്യ പാഠ്യേതര പ്രവർത്തനങ്ങൾക്ക് സുഗമമായ നടത്തിപ്പിന് കുട്ടികളെ സജ്ജമാക്കുന്നതിനു വേണ്ടി തിരിച്ചിരിക്കുന്ന സിന്ധു,ഗംഗ,കൃഷ്ണ, യമുന,കാവേരി എന്നീ ഗ്രൂപ്പുകൾ നേതൃത്വം നൽകി.
ഒന്നാം ദിവസം 19/6/2021കൃഷ്ണ ഗ്രൂപ്പിന്റെ നേതൃത്വത്തിൽ നടന്ന ഓൺലൈൻ മീറ്റിംഗിൽ സംസ്ഥാന ലൈബ്രറി കൗൺസിൽ സ്റ്റേറ്റ് അംഗവും കൊല്ലം ജില്ലാ പഞ്ചായത്ത് ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി അംഗവുമായ ഡോ.പി.കെ.ഗോപൻ വായനപക്ഷാചരണത്തിന്റെ ഉദ്ഘാടനം നിർവഹിച്ചു.പന്തളം നഗരസഭാ കൗൺസിലർ അഡ്വ.ശ്രീ രാധാകൃഷ്ണൻ ഉണ്ണിത്താൻ, പന്തളം ഉപജില്ലാ വിദ്യാഭ്യാസ ഓഫീസർ ശ്രീമതി സുധർമ എ.ആർ, ദേശീയ സംസ്ഥാന അധ്യാപക അവാർഡ് ജേതാവും മുൻ പ്രഥമഅധ്യാപകനായ ശ്രീ.ടി.ജി ഗോപിനാഥൻ പിള്ള എന്നിവർ മുഖ്യാതിഥികളായിരുന്നു
രണ്ടാം ദിവസം യമുന ഗ്രൂപ്പിന്റെ നേതൃത്വത്തിൽ സർഗോത്സവം ആയി നടത്തപ്പെട്ടു.ഡോ. പി.ജെ. പ്രദീപ് കുമാർ ,തിരുവല്ല ഡയറ്റ് പ്രിൻസിപ്പാൾ . പി.പി. വേണുഗോപാൽ, കവിയും അധ്യാപകനുമായ ശ്രീ. ഉണ്ണികൃഷ്ണൻ പൂഴിക്കാട്,
പന്തളം നഗരസഭ കൗൺസിലർ ശ്രീമതി സീന ,എഴുത്തുകാരിയും അധ്യാപികയുമായ ഐശ്വര്യ മാധവൻ (മാധ്യമ പ്രവർത്തക_ മനോരമ), മാധ്യമപ്രവർത്തക ശ്രീമതി ശ്രീദേവി നമ്പ്യാർ എന്നിവർ മുഖ്യാതിഥികളായിരുന്നു.
മൂന്നാം ദിവസം ഗംഗ ഗ്രൂപ്പിൻെറ നേതൃത്വത്തിൽ സർഗോത്സവം ആയി നടത്തപ്പെട്ടു പൂർവ്വ വിദ്യാർത്ഥിയും ഡിപ്പാർട്ട്മെൻറ്ഓഫ് ലൈബ്രറി ആൻഡ് ഇൻഫർമേഷൻ സയൻസ് കേരള യൂണിവേഴ്സി റ്റി പ്രൊഫസർ ഡോ. എ ഗോപിക്കുട്ടൻ ഉദ്ഘാടനം ചെയ്തു പൂർവ്വ വിദ്യാർത്ഥിയും യുവ കവിയുമായ ശ്രീ. വരുൺ എം , കവയിത്രി സുഗത പ്രമോദ് എന്നിവർ മുഖ്യാതിഥികളായിരുന്നു
നാലാം ദിവസം കാവേരി ഗ്രൂപ്പിൻെറ നേതൃത്വത്തിൽ പുസ്തക പരിചയം എന്നപേരിൽ നടത്തപ്പെട്ടു പത്തനംതിട്ട റിട്ട. ഡി ഡി ഇ . പി.കെ. ഹരിദാസ് ഉദ്ഘാടനം ചെയ്തു മാധ്യമപ്രവർത്തകനായ സി. റഹിം,പത്തനംതിട്ട നഗരസഭ കൗൺസിലർ കിഷോർ കുമാർ എന്നിവർ മുഖ്യാതിഥികളായിരുന്നു
അഞ്ചാം ദിവസം സിന്ധു ഗ്രൂപ്പിൻെറ നേതൃത്വത്തിൽ നടത്തപ്പെട്ട സഞ്ചരിക്കുന്ന പുസ്തകശാല പന്തളം നഗരസഭാ കൗൺസിലർ അഡ്വ ശ്രീ രാധാകൃഷ്ണൻ ഉണ്ണിത്താൻ ഉദ്ഘാടനം ചെയ്തു.അധ്യാപകനും കവിയുമായ ശ്രീ ഉണ്ണികൃഷ്ണൻ പൂഴിക്കാട് ഫ്ലാഗ് ഓഫ് ചെയ്തു സ്കൂൾ ലൈബ്രറിയിൽ നിന്നും കുട്ടികളുടെ വീടുകളിൽ പുസ്തകങ്ങൾ എത്തിച്ചു നൽകി അമ്മ വായനയ്ക്കുള്ള പുസ്തകങ്ങളും നൽകി
ആറാം ദിന പ്രവർത്തനമായി വായന പക്ഷാചരണ സമാപനം 7/07/2021 ബുധനാഴ്ചനടത്തപ്പെട്ടു.മാധ്യമ പ്രവർത്തകനായ ശ്രീ പ്രദീപ് പനങ്ങാട് സമ്മേളനം ഉദ്ഘാടനം ചെയ്തു 2019 ലെ മികച്ച ഗാനരചയിതാവിനുള്ള സംസ്ഥാന അവാർഡ് ജേതാവായ ശ്രീ സുജേഷ് ഹരി മുഖ്യാതിഥിയായിരുന്നു.
ഈ ദിവസങ്ങളിൽ സ്കൂൾ പ്രഥമാധ്യാപിക ശ്രീമതി വിജയലക്ഷ്മി ടീച്ചർ സ്വാഗതം ആശംസിക്കുകയും ഗ്രൂപ്പിൻറെ ചുമതലയുള്ള അധ്യാപകർ ആശംസ അർപ്പിക്കുക യുംകൃതജ്ഞത രേഖപ്പെടുത്തുകയും ചെയ്തു പിടിഎ പ്രതിനിധികൾ, രക്ഷകർത്താക്കൾ അധ്യാപകർ , കുട്ടികൾ, എന്നിവരുടെ സാന്നിധ്യം, പുസ്തകപരിചയം, ഓൺലൈൻ സ്കിറ്റ് , അമ്മ വായന പുസ്തകം പരിചയപ്പെടുത്തൽ, കവിതാലാപനം തുടങ്ങി വിവിധ കലാപരിപാടികൾ ഈ ദിനങ്ങളെ മികവുറ്റതാക്കി..
ജൂലൈ 1ഡോക്ടേഴ്സ് ഡേ
*സീഡ് ക്ലബ്ബിന്റെ നേതൃത്വത്തിൽ ഗൂഗിൾ മീറ്റിലൂടെ ഡോക്ടേഴ്സ് ഡേ നടത്തി.
* വിദ്യാഭ്യാസ സംരക്ഷണയജ്ഞം ജില്ലാ കൊ- ഓർഡിനേറ്റർ ശ്രീ രാജേഷ് എസ് വള്ളിക്കോട് ഉദ്ഘാടനം നിർവഹിച്ചു.
* അപ്പോളോ ഹോസ്പിറ്റൽ ശിശുരോഗവിഭാഗം തലവനായ ഡോ രമേശ്, ഇടപ്പോൺ ജോസ് കോ ഹോസ്പിറ്റൽ സൈക്കാട്രിസ്റ്റ് ഡോ. അനിൽകുമാർ , കോയിപ്പുറം ഗവ. ആയുർവേദ ഡിസ്പെൻസറി മെഡിക്കൽ ഓഫീസർ ഡോ. മീര രവീന്ദ്രൻ എന്നിവർ പങ്കെടുത്തു.
ജൂലൈ നാല് - പ്രൊഫ.വി. സാംബശിവൻ അനുസ്മരണം.
*പ്രൊഫ. വി സാംബശിവൻ അനുസ്മരണം ഗൂഗിൾ മീറ്റിലൂടെ നടത്തി.
* ഉപജില്ലാ വിദ്യാഭ്യാസ ഓഫീസർ ശ്രീമതി.സുധർമ്മ .എ.ആർ ഉദ്ഘാടനം നിർവഹിച്ചു.
കഥാപ്രസംഗത്തിൽ സാംസ്കാരിക വകുപ്പിന്റെ ഫെലോഷിപ്പ് നേടിയ ആകാശവാണി ബി ഗ്രേഡ് ആർട്ടിസ്റ്റ് ശ്രീമതി മേഘ .ജി.എസ് കഥാപ്രസംഗ ക്ലാസ് നയിച്ചു. തുടർന്ന് കുട്ടികളുടെ കഥാപ്രസംഗം , കലാപരിപാടികൾ എന്നിവ അരങ്ങേറി.
ജൂലൈ അഞ്ച് - വൈക്കം മുഹമ്മദ് ബഷീർ അനുസ്മരണം.
*ഗൂഗിൾ മീറ്റിലൂടെ നടത്തിയ വൈക്കം മുഹമ്മദ് ബഷീർ അനുസ്മരണ യോഗത്തിന്റെ ഉദ്ഘാടനം പ്രശസ്ത എഴുത്തുകാരനും പന്തളം എൻ എസ് എസ് കോളേജ് റിട്ടയേർഡ് പ്രൊഫസറുമായ ശ്രീ ഡോ. പഴകുളം സുഭാഷ് നിർവഹിച്ചു.
ജൂലൈ ഏഴ് - വായന പക്ഷാചരണ സമാപനം
ജൂലൈ ഏഴിന് ഗൂഗിൾ മീറ്റിലൂടെ നടത്തിയ വായന പക്ഷാചരണ സമാപന യോഗത്തിന്റെ ഉദ്ഘാടനം മാധ്യമ പ്രവർത്തകൻ ശ്രീ.പ്രദീപ് പനങ്ങാട് നിർവ്വഹിച്ചു.
*2019 ലെ മികച്ച ഗാനരചയിതാവിനുള്ള സംസ്ഥാന അവാർഡ് ജേതാവ് ശ്രീ സുജേഷ് ഹരി വിശിഷ്ടാതിഥിയായി പങ്കെടുത്തു. തുടർന്ന് കുട്ടികളുടെ കലാപരിപാടികൾ അരങ്ങേറി.
ജൂലൈ പതിനൊന്ന് -
*സോഷ്യൽ സയൻസ് ക്ലബ്ബ് ഉദ്ഘാടനം , രക്ഷാകർതൃ ബോധവത്ക്കരണം.
*ഡോ.സി രാമചന്ദ്രൻ (റിട്ട. ചീഫ് എൻജിനീയർ കെ എസ് ഇ.ബി, അപ്ലെഡ് സൈക്കോളജിസ്റ്റ് ) . സോഷ്യൽ സയൻസ് ക്ലബ്ബ് ഉദ്ഘാടനവും ബോധവത്കരണ ക്ലാസും നയിച്ചു.
ജൂലൈ ഇരുപത്തിരണ്ട് - നല്ല പാഠം ക്ലബ്ബ് ഉദ്ഘാടനവും രക്ഷാകർതൃ ബോധവത്ക്കരണവും ( കോവി ഡ് കാലത്തെ ഓൺലൈൻ പഠനവും വെല്ലുവിളികളും)
*നല്ല പാഠം ക്ലബ്ബിന്റെ ഉദ്ഘാടനവും രക്ഷാകർതൃ ബോധവത്ക്കരണവും സാമൂഹ്യ പ്രവർത്തകയും പത്തനംതിട്ട കാതൊലിക്കേറ്റ് കോളേജ് റിട്ട. പ്രഫസറുമായ ഡോ.എം.എസ് സുനിൽ നിർവഹിച്ചു.
ആഗസ്റ്റ് ആറ് - ഹിരോഷിമ ദിനം.
*നല്ല പാഠം ക്ലബ്ബിന്റേയും സാമൂഹ്യ ശാസ്ത്ര ക്ലബ്ബിന്റേയും നേതൃത്വത്തിൽ ഗൂഗിൾ മീറ്റിലൂടെ ഹിരോഷിമാ ദിനാചരണം നടത്തി. ഇരമല്ലിക്കര ശ്രീ അയപ്പ കോളേജ് പ്രിൻസിപ്പൽ ഡോ. പ്രകാശ് കെ.സി ഹിരോഷിമാ ദിനവുമായി ബന്ധപ്പെട്ട ബോധവത്ക്കരണ ക്ലാസ്സ് എടുത്തു. കുട്ടികളുടെ പ്രസംഗങ്ങളും പാട്ടുകളും ഉണ്ടായിരുന്നു.
ആഗസ്ത് പതിനാറ് - രക്ഷാകർതൃ ശാക്തീകരണ പരിപടി " മക്കൾക്കൊപ്പം "
രക്ഷാകർതൃ ശാക്തീകരണ പരിപാടിയായ 'മക്കൾക്കൊപ്പം' പരിപാടിയുടെ ഉദ്ഘാടനം പന്തളം നഗര സഭാ വാർഡ് കൗൺസിലർ ശ്രീ.കെ. കിഷോർ കുമാർ നിർവഹിച്ചു.
ആഗസ്റ്റ് പതിനെട്ട് -
*ഓണാഘോഷംഗൂഗിൾ മീറ്റിലൂടെ സംഘടിപ്പിച്ച ഓണാഘോഷ പരിപാടിയുടെ ഉദ്ഘാടനം മുൻ ഡി.ഡി.ഇ ശ്രീ .പി.കെ.ഹരിദാസ് നിർവ്വഹിച്ചു.
* റേഡിയോ, ഫാം ബ്യൂറോ പ്രോഗ്രാം അസിസ്റ്റന്റ് ശ്രീ. അനിൽ നെടുങ്ങോട് ഓണസന്ദേശം നൽകി. തുടർന്ന് കുട്ടികളുടെ വിവിധങ്ങളായ കലാപരിപാടികൾ അരങ്ങേറി.
സെപ്റ്റംബർ രണ്ട് - ലോക നാളികേര ദിനം
*ലോക നാളികേര ദിനത്തിൽ സ്കൂളിലും സമീപത്തുള്ള വീടുകളിലും തെങ്ങിൻ തൈകൾ നട്ട് നാളികേര ദിനം ആചരിച്ചു. കൂടാതെ വൈകിട്ട് 6.30 ന് ഗൂഗിൾ മീറ്റിലൂടെയും നാളികേര ദിനാചരണം നടത്തി.
*
ഐ സി.എം.ആർ സി .പി.സി.ആർ.ഐ സീനിയർ ടെക്നിക്കൽ ഓഫീസർ ഡോ. മായാ ലക്ഷ്മി ' കേരളനാടും കേരകർഷകർ നേരിടുന്ന പ്രതിസന്ധികളും' എന്ന വിഷയവുമായി ബന്ധപ്പെട്ട ക്ലാസ് നയിച്ചു.
സെപ്റ്റംബർ 16 - ഓസോൺ ദിനം.
*ഗൂഗിൾ മീറ്റിലൂടെ നടത്തിയ ഓസോൺ ദിനാചരണത്തിൽ
കൊല്ലം വെസ്റ്റ് കല്ലട ഗവൺമെൻറ് ഹയർസെക്കൻഡറി സ്കൂൾ അധ്യാപികയും, കരിയർ ഗൈഡൻസ് ആൻഡ് അഡോളസൻസ് കൗൺസിലിംഗ് സെൽ സ്പെഷ്യൽ ഫാക്കൽറ്റിയുമായ ഡോ.ജയശ്രീ.എസ് ക്ലാസ് നയിച്ചു
സെപ്റ്റംബർ 30 - പോഷൺ അഭിയാൻ പോഷൺ മാസാചരണ പരിപാടി.
*പോഷൺ മാസാചരണ പരിപാടിയുമായി ബന്ധപ്പെട്ട് മെഴുവേലി ഗവ. ആയുർവേദ ഡിസ്പെൻസറി മെഡിക്കൽ ആഫീസർ ഡോ. ശ്രീദേവി.എൻ നമ്പൂതിരി പോഷൺ അഭിയാൻ ക്ലാസ് എടുത്തു.
ഒക്ടോബർ 1 - ലോക വൃദ്ധ ദിനം
ലോക വൃദ്ധദിനത്തിൽ ഗൂഗിൾ മീറ്റിലൂടെ വയോജന കലാമേള നടത്തി വൃദ്ധ ദിനാചരണം ആചരിച്ചു. പന്തളം നഗരസഭാ വാർഡ് കൗൺസിലർ അഡ്വ: രാധാകൃഷ്ണൻ ഉണ്ണിത്താൻ ഉദ്ഘാടനം നിർവഹിച്ചു.
ഒക്ടോബർ 2 - ഗാന്ധിജയന്തി ദിനാഘോഷം
ഗൂഗിൾ മീറ്റിലൂടെ നടത്തിയ ഗാന്ധിജയന്തി ദിനാഘോഷം പന്തളം നഗരസഭാ വാർഡ് കൗൺസിലർ അഡ്വ: രാധാകൃഷ്ണൻ ഉണ്ണിത്താൻ നിർവഹിച്ചു.
ഒക്ടോബർ പത്ത് - ദേശീയ തപാൽ ദിനം
ദേശീയ തപാൽ ദിനത്തിൽ ഇടുക്കി പോസ്റ്റൽ ഡിവിഷൻ ഇൻസ്പെക്ടറായ ശ്രീ. അരുൺ.പി. ആന്റണി മുഖ്യ അതിഥിയായി ഗൂഗിൾ മീറ്റിലൂടെ നടത്തിയ യോഗത്തിൽ പങ്കെടുത്തു
ഒക്ടോബർ പതിനൊന്ന് - ചങ്ങമ്പുഴ കൃഷ്ണപിള്ള ജന്മദിനാഘോഷം.
ഗൂഗിൾ മീറ്റിലൂടെ നടത്തിയ യോഗത്തിൽ പ്രശസ്ത കവിയും റിട്ടയേർഡ് ഹെഡ് മാസ്റ്ററുമായ ശ്രീ.എം.കെ കുട്ടപ്പൻ സാർ മുഖ്യാതിഥി ആയി.
ഒക്ടോബർ 16- ലോക ഭക്ഷ്യദിനം
*ലോക ഭക്ഷ്യദിനത്തിൽ അടൂർ ഗവ: ഹോസ്പിറ്റൽ ഡയറ്റീഷൻ ഡോ. ജ്യോതി എൻ നായർ ക്ലാസെടുത്തു.
നവംബർ ഒന്ന്
കോവി ഡ് മാനദണ്ഡങ്ങൾ പാലിച്ചു കൊണ്ട് സ്കൂൾ പ്രവേശനോത്സവം നടത്തി. സ്കൂളും പരിസരവും ക്ലാസ് മുറികളും തോരണങ്ങളും ബലൂണുകളും കൊണ്ട് അലങ്കരിച്ചു. ചെണ്ടമേളത്തോടെ നവാഗതരെ സ്വീകരിച്ചു. നഗരസഭാ ചെയർപേഴ്സൺ ശ്രീമതി സുശീല സന്തോഷ് പ്രവേശനോത്സവം ഉദ്ഘാടനം ചെയ്തു. തുടർന്ന് നാടൻ കലാരൂപമായ പടയണിയുടെ അവതരണവും നൽകി. പായസം കൂട്ടിയുള്ള സദ്യയും കുട്ടികൾക്ക് നൽകി.
നവംബർ 14-ശിശു ദിനാഘോഷം
കുട്ടികളുടെ നേതൃത്വത്തിൽ ഗൂഗിൾ മീറ്റിലൂടെ ശിശുദിനാഘോഷം നടത്തി.
ഡിസംബർ 25 - ക്രിസ്മസ് ദിനാഘോഷം
*ഗൂഗിൾ മീറ്റിലൂടെ നടത്തിയ ക്രിസ്തുമസ് ദിനാഘോഷം വാർഡ് കൗൺസിലർ അഡ്വക്കേറ്റ് രാധാകൃഷ്ണൻ ഉണ്ണിത്താൻ ഉദ്ഘാടനം ചെയ്തു.കുമ്പഴ നോർത്ത് സെന്റ് കുര്യാക്കോസ് ഓർത്തഡോക്സ് ചർച്ച് വികാരി ഫാദർ വർഗീസ് കളീയ്ക്കൽ ക്രിസ്തുമസ് ദിന സന്ദേശം നൽകി.
ജനുവരി 5- ദേശീയ പക്ഷിദിനം
* ദേശീയ പക്ഷിദിനത്തിൽ പക്ഷികൾക്കായി ആഹാരവും വെള്ളവും സ്കൂൾ പരിസരത്ത് കെട്ടിത്തൂക്കി. ഇതിന്റെ ഉദ്ഘാടനവും പക്ഷിപ്പതിപ്പിന്റെ പ്രകാശനവും വാർഡ് കൗൺസിലർ അഡ്വ: രാധാകൃഷ്ണൻ ഉണ്ണിത്താൻ നിർവഹിച്ചു.
അധ്യാപകർ
| വിജയലക്ഷ്മി.ബി | പ്രഥമാധ്യാപിക |
|---|---|
| സുജ കെ.ജി | പി ഡി ടീച്ചർ |
| ലളിത ടി | ജൂനിയർ ലാംഗേജ് ടീച്ചർ |
| രാജേശ്വരി ജി | യു.പി എസ് .ടി |
| ശ്രീനാഥ്.എസ് | യു.പി എസ് .ടി |
| സൂര്യ സുരേഷ് | യു.പി എസ് .ടി |
| സൂര്യ എസ് | യു.പി എസ് .ടി |
| അനു എസ് | യു.പി എസ് .ടി |
| ബിന്ദു.ജി | യു.പി എസ് .ടി |
| ബിന്ദു മേരി വി | യു.പി എസ് .ടി |
| അമ്പിളി എസ് | എൽ.പി.എസ്.ടി |
| ആനിയമ്മ ഐസക് | എൽ.പി.എസ്.ടി |
| സിന്ധു. എം ബി | എൽ.പി.എസ്.ടി |
| നിഷ എസ് | എൽ.പി.എസ്.ടി |
| രേഖ പി | എൽ.പി.എസ്.ടി |
| സുദീന.ആർ | എൽ.പി.എസ്.ടി |
| അനുപമ ജെ | എൽ.പി.എസ്.ടി |
| ബ്ലസി മാമച്ചൻ | എൽ.പി.എസ്.ടി |
| അഖില എസ്.ഡി | എൽ.പി.എസ്.ടി |
| സരിത എസ് | എൽ.പി.എസ്.ടി |
പാഠ്യേതര പ്രവർത്തനങ്ങൾ
ഇംഗ്ലീഷ് ഫെസ്റ്റ്
കുട്ടികളിലെ ഇംഗ്ലീഷ് പരിജ്ഞാനം പുറം ലോകത്തിലേക്ക് എത്തിക്കുവാനും ഇംഗ്ലീഷ് എന്ന ഭാഷയോട് കുട്ടികൾക്കുള്ള അകലം മാറ്റുന്നതിനു വേണ്ടി സ്കൂളിൽ നടത്തുന്ന പ്രവർത്തനമാണ് ഇംഗ്ലീഷ് ഫെസ്റ്റ്.പഠനവുമായി ബന്ധപ്പെട്ടതും അല്ലാത്തതും ആയ പ്രവർത്തനങ്ങൾ കുട്ടികൾ അവതരിപ്പിക്കുന്നു.നാടകം കവിത ഭാവാഭിനയം പദങ്ങൾ പരിചയപ്പെടൽ, വാക്യ നിർമ്മാണം എന്നിങ്ങനെ പല പ്രവർത്തനങ്ങപ്രവർത്തനങ്ങളു൦ ഉൾപ്പെടുത്താറുണ്ട് ഇങ്ങനെ ഇംഗ്ലീഷ് ഒരുവേദിയിൽ അവതരിപ്പിക്കുമ്പോൾ കുട്ടികൾക്കുണ്ടാകുന്ന സഭാകമ്പം മാറിക്കിട്ടുകയും ചെയ്യുന്നു.
ഹിന്ദി ഫെസ്റ്റ്
കുട്ടികളിൽ ഹിന്ദി പരിജ്ഞാനം എത്രത്തോളം എത്തുന്നുണ്ടെന്നും അത് അവർ എത്രത്തോളം ഉപയോഗപ്പെടുത്തുന്നു എന്നും ഉള്ള അവബോധം മാതാപിതാക്കളിൽ എത്തിക്കുന്നതിന് വേണ്ടി സ്കൂളിൽ നടത്തുന്ന പ്രവർത്തനമാണ് ഹിന്ദി ഫെസ്റ്റ് .ഹിന്ദി ഭാഷയോടുള്ള കുട്ടികൾക്കുള്ള അകലം ഇതിലൂടെ മാറ്റുവാൻ സാധിക്കുന്നു. ഈ പ്രവർത്തനത്തിൽ നാടകം കവിത കഥ എന്നിങ്ങനെയുള്ള പല പ്രവർത്തനങ്ങളും ഉൾപ്പെടുത്തിയിട്ടുണ്ട്.കുട്ടികൾക്ക് ഇങ്ങനെയുള്ള പ്രവർത്തനങ്ങൾ പഠിപ്പിക്കുന്നതും നടത്തുന്നതും ഹിന്ദി പരിജ്ഞാനം നല്ലതുപോലെ ലഭിച്ച അധ്യാപകരാണ് ആണ്.
സ്കൂൾ അസംബ്ലി
വേറിട്ട അസംബ്ലിയാണ് സ്കൂളിൽ നടത്താറുള്ളത്. ഇംഗ്ലീഷ് അസംബ്ലി ,മലയാളം അസംബ്ലി ,ഹിന്ദി അസംബ്ലി എന്നിവ ക്ലാസ് അടിസ്ഥാനത്തിൽ നടത്താറുണ്ട്. അസംബ്ലിയിൽ പ്രതിജ്ഞ, ടീച്ചേഴ്സ് ജി കെ ,ജനറൽ നോളജ്, പിറന്നാൾ ആശംസകൾ, പുസ്തക പരിചയം പത്ര ക്വിസ്, വ്യായാമം, ദിനാചരണം, എന്നിവ സ്കൂൾ ഗ്രൂപ്പുകളുടെ നേതൃത്വത്തിലു൦ സ്കൂൾ ലീഡർ മാരുടെ നേതൃത്വത്തിലു൦ മാണ്
നടത്തുന്നത്. വിജ്ഞാനപ്രദവും അച്ചടക്ക പൂർണവുമായ ഒരു അസംബ്ലിയാണ് സ്കൂളിൽ നടത്തപ്പെടുന്നത്.
ഇംഗ്ലീഷ് അധിക പഠനം
ഇംഗ്ലീഷ് പരിജ്ഞാനം കുട്ടികളിൽ വർധിപ്പിക്കുന്നതിനു വേണ്ടിയാണ് ഇങ്ങനെയൊരു പ്രവർത്തനം സ്കൂളിൽ നടത്തുന്നത്. ഇതിലൂടെ ഇംഗ്ലീഷ് ഭാഷയോടുള്ള കുട്ടികൾക്കുള്ള അകലം കുറയ്ക്കുന്നതിനും ഇംഗ്ലീഷ് ഭാഷയിലുള്ള പരിപോഷണവു൦സാധിക്കുന്നു. ഇംഗ്ലീഷ് ഭാഷയിൽ പിന്നോക്കം നിൽക്കുന്ന കുട്ടികൾക്കും പ്രത്യേകം പഠന പ്രവർത്തനങ്ങൾ നൽകി വരുന്നു. ഇംഗ്ലീഷ് അധിക പഠനത്തിൽ കവിതകളും കടങ്കഥകളും പ്രശ്നോത്തരി കളും നാടകവും കഥയും എല്ലാം തന്നെ ഉൾപ്പെടുത്തിയിരിക്കുന്നു.
എൽ എസ് എസ് യു എസ് എസ് പരിശീലനം
എൽ എസ് എസ് യു എസ് എസ് പരീക്ഷയ്ക്ക് കുട്ടികളെ മാർക്കിൻറെ അടിസ്ഥാനത്തിൽ പരീക്ഷ പരിശീലനത്തിനായി തിരഞ്ഞെടുക്കുന്നു ഓരോ പാഠത്തിൽ നിന്നും പരീക്ഷയ്ക്ക് വരാൻ സാധ്യതയുള്ള ചോദ്യങ്ങൾ കുട്ടികളെക്കൊണ്ട് ചെയ്യിക്കുന്നു അതുപോലെതന്നെ മുൻവർഷങ്ങളിലെ ചോദ്യപേപ്പറുകൾ ചെയ്യിക്കുന്നു പരീക്ഷ രീതികൾ പരിചയപ്പെടുത്തുന്നു പരീക്ഷയ്ക്ക് കുട്ടികളെ സജ്ജരാക്കുന്നു.
ഹിന്ദി പഠനം
ഒന്നുമുതൽ ഏഴുവരെ ഹിന്ദി ഭാഷ പരിശീലനം ലഭിച്ച അധ്യാപകരാണ് ഹിന്ദി ഭാഷ പരിപോഷണം നടത്തുന്നത്.സ്കൂളിലെ എല്ലാ ക്ലാസുകളിലും ഹിന്ദി പഠനം നടന്നു വരുന്നു .ഹിന്ദി ഭാഷ പരിപോഷണത്തിന് ആവശ്യമായ എല്ലാ പിന്തുണകളും അദ്ധ്യാപകർ കുട്ടികൾക്ക് നൽകുന്നു.
ബാലസഭ
കുട്ടികളുടെ സർഗവാസനകൾ ഉണർത്തുന്നതിന് വേണ്ടി പാഠ്യ പാഠ്യേതര പ്രവർത്തനങ്ങൾ ഉൾക്കൊള്ളിച്ചുകൊണ്ട് ക്ലാസ് തലത്തിൽ നടത്തപ്പെടുന്നതാണ് ബാലസഭ എല്ലാ വെള്ളിയാഴ്ചയും അവസാന മണിക്കൂറിൽ ആണ് ഈ പ്രവർത്തനം നടത്തുന്നത്. ബാലസഭ നിയന്ത്രണം ചെയ്യുന്നത് കുട്ടികൾ തന്നെയാണ് അധ്യക്ഷ സ്വാഗതം നന്ദി എന്നിവയെല്ലാം തന്നെ കുട്ടികൾ തന്നെയാണ് ചെയ്യുന്നത് നാടകം നാടൻ പാട്ടുകൾ കഥാകഥനം കടങ്കഥ ചൊല്ല് പഴഞ്ചൊല്ലുകൾ എന്നിങ്ങനെ പല രീതിയിലുള്ള കലാപരിപാടികളാണ് കുട്ടികൾ വാല് സഭയിൽ അവതരിപ്പിക്കുന്നത് ഹിന്ദി മലയാളം ഇംഗ്ലീഷ് എല്ലാ ഭാഷകളും ഉൾപ്പെടുത്തിയാണ് ബാലസഭ അവതരിപ്പിക്കപ്പെടുന്നത്.
പ്രീ പ്രൈമറി മേള
എൽകെജി യിലെയും യുകെജി യിലും ഉള്ള കുഞ്ഞുമക്കൾ അവരുടെ സർഗവാസനകൾ പ്രകടിപ്പിക്കുന്ന വേദിയാണ് പ്രീപ്രൈമറി മേള. കുട്ടികളുടെ കവിത നൃത്തം കഥാകഥനം എന്നീ പ്രവർത്തനങ്ങൾ ഉൾക്കൊള്ളിച്ചിരിക്കുന്നു .ഇതിനുവേണ്ടിയുള്ള പരിശീലനങ്ങളും സഹായങ്ങളും അധ്യാപകർ ചെയ്യാറുണ്ട്. പ്രീ പ്രൈമറി മെയിൽ എല്ലാ കുട്ടികൾക്കും അവരവരുടെ കഴിവുകൾ പ്രകടിപ്പിക്കാനുള്ള അവസരങ്ങൾ നൽകാറുണ്ട്.
കമ്പ്യൂട്ടർ പരിശീലനം
എൽകെജി മുതൽ ഏഴാം ക്ലാസ് വരെയുള്ള കുട്ടികൾക്ക് കമ്പ്യൂട്ടർ പരിശീലനം നൽകിവരുന്നു .എല്ലാ കുട്ടികൾക്കും കമ്പ്യൂട്ടറിൽ പ്രാക്ടിക്കൽ ആയിട്ടുള്ള പരിശീലനം നൽകുന്നുണ്ട്. ഉബഡു വിൽ ഉൾപ്പെടുത്തിയിരിക്കുന്ന എല്ലാ പ്രവർത്തനങ്ങളും കുട്ടികളെക്കൊണ്ട് ചെയ്യിപ്പിക്കുന്നു. കുട്ടികൾക്ക് സ്വയം ചെയ്യുന്നതിനുള്ള സാഹചര്യങ്ങളും ഒരുക്കുന്നു.
സ്കൂൾ ലൈബ്രറി
എൽകെജി മുതൽ ഏഴാം ക്ലാസ് വരെയുള്ള കുട്ടികൾക്ക് വായിക്കുന്നതിന് ഉതകുന്ന രീതിയിലുള്ള വായന പുസ്തകം സ്കൂളിൽ ലഭ്യമാണ് സ്കൂൾ ലൈബ്രറിക്ക് പുറമേ ക്ലാസ് തരത്തിലും കുട്ടികൾക്ക് പുസ്തകങ്ങൾ നൽകി വരുന്നു .ഇതുകൂടാതെ അമ്മ വായനയ്ക്കും സൗകര്യങ്ങൾ ഒരുക്കുന്നു. പുസ്തകം വായിക്കുവാൻ താല്പര്യമുള്ള എല്ലാവർക്കും പുസ്തകങ്ങൾ നൽകുന്നു കൂടാതെ കുട്ടികളുടെ വീടിനടുത്തുള്ള ഓട്ടോ സ്റ്റാൻഡുകളിലും ബസ് സ്റ്റോപ്പുകളിലും എല്ലാം തന്നെ പുസ്തക വായനക്ക് സാഹചര്യങ്ങൾ ഒരുക്കുന്നു .ഇതിലൂടെ പുസ്തക വായന വളർത്തുവാൻ കുട്ടികളിലും മുതിർന്നവരിലും ഒരുപോലെ സാഹചര്യങ്ങൾ ഒരുക്കുന്നതിനു സ്കൂൾ ലൈബ്രറിക്ക് സാധിക്കുന്നു.
ക്ലബുകൾ
ക്ലബ്ബുകൾ
- വിദ്യാരംഗം കലാ സാഹിത്യ വേദി .
വിദ്യാർത്ഥികളുടെ സർഗാത്മകതയും വിജ്ഞാനതൃഷ്ണയും പരിപോഷിപ്പിക്കുന്ന പല പ്രവർത്തനങ്ങളും സ്കൂൾതലത്തിൽ നടത്തി സമ്മാനങ്ങൾ നൽകി വരുന്നു. ക്ലാസ് റൂം വായനാമൂല സജ്ജീകരണം, ഉപന്യാസരചന, കവിതാരചന, കഥാരചന, പുസ്തകാസ്വാദന കുറിപ്പ് സാഹിത്യക്വിസ് തുടങ്ങിയ മത്സരങ്ങൾ നടത്തി വരുന്നു. ദിനാചരണങ്ങൾ വളരെ പ്രാധാന്യത്തോടെ നടത്തുന്നു. ക്ലാസ് റൂം വായനാമൂല സജ്ജീകരണം, ലൈബ്രറി പുസ്തക വിതരണം കാര്യക്ഷമമാക്കൽ തുടങ്ങിയ പ്രവർത്തനങ്ങൾ നടത്തുന്നു.
- റോഡ് സുരക്ഷാ ക്ലബ്ബ് .
റോഡ് സുരക്ഷയെ സംബന്ധിച്ച് കുട്ടികൾക്ക് അവബോധം നേടുന്നതിന് പരിശീലനം നൽകുന്നു. രാവിലെയും വൈകിട്ടും സ്കൂൾ പരിസരത്തെ ഗതാഗത നിയന്ത്രണത്തിന് കുട്ടികളെ സജ്ജമാക്കുന്നു . റോഡ് സുരക്ഷയുമായി ബന്ധപ്പെട്ട ബോധവൽക്കരണ ക്ലാസുകൾ സംഘടിപ്പിക്കുന്നു.
- ശാസ്ത്രക്ലബ്ബ്.
കുട്ടികളിൽ ശാസ്ത്രാവബോധം സൃഷ്ടിക്കുന്നതിനുള്ള പ്രവർത്തനങ്ങൾ ആസൂത്രണം ചെയ്തു നടപ്പിലാക്കുന്നു. ശാസ്ത്രവുമായി ബന്ധപ്പെട്ട എല്ലാ ദിനാചരണങ്ങളും വിവിധ പ്രവർത്തനങ്ങളോടുകൂടി നടത്തിവരുന്നു. ശാസ്ത്രമേളകൾ, ശാസ്ത്ര പ്രദർശനങ്ങൾ, പതിപ്പുകൾ തയ്യാറാക്കൽ, നൂറ് പരീക്ഷണങ്ങൾ തുടങ്ങിയവ നടത്തിവരുന്നു.
- പരിസ്ഥിതി ക്ലബ്ബ്.
പരിസ്ഥിതി സംരക്ഷണം ലക്ഷ്യമിട്ടുകൊണ്ട് വിവിധ തരം വൃക്ഷങ്ങൾ, പൂച്ചെടികൾ, ഔഷധസസ്യങ്ങൾ, പച്ചക്കറികൾ തുടങ്ങിയവ നട്ടു പരിപാലിച്ചു വരുന്നു. പരിസ്ഥിതി മലിനീകരണം തടയൽ, ജലാശയ സംരക്ഷണം എന്നിവ ലക്ഷ്യമിട്ടുകൊണ്ട് സ്കൂൾ സമീപപ്രദേശങ്ങൾ മാലിന്യ മുക്തമാക്കുകയും ജലാശയ ശുചീകരണ പ്രവർത്തനങ്ങൾ സംഘടിപ്പിക്കുകയും ചെയ്യുന്നു. നാടിൻറെ പഴമയും തനിമയും അറിയുവാൻ കുട്ടികളെ സഹായിക്കുന്ന രീതിയിൽ കൊയ്ത്ത് ഉത്സവങ്ങൾ സംഘടിപ്പിക്കുന്നു. പരിസ്ഥിതി സംരക്ഷണ അവബോധമുണ്ടാക്കുവാൻ സഹായിക്കുന്ന ക്ലാസ്സുകൾ സംഘടിപ്പിക്കുന്നു. വിവിധ തരം വൃക്ഷത്തൈകളുടെ വിതരണം സ്കൂൾതലത്തിൽ നടത്തിവരുന്നു.
- ജൈവവൈവിധ്യ ക്ലബ്ബ് .
നമുക്ക് ചുറ്റുപാടുമുള്ള പരിസ്ഥിതിയെ മനസ്സിലാക്കാനും, പാരിസ്ഥിതിക പ്രശ്നങ്ങൾക്ക് പരിഹാരം കാണു ന്നതിനുവേണ്ടിയുള്ള പഠനങ്ങൾ നടത്താനും അങ്ങനെ നാശോന്മു ഖമായികൊണ്ടിരിക്കുന്ന പ്രകൃതിയെ അടുത്തറിയുവാനും വീണ്ടെടുക്കുവാനുമുള്ള പ്രവർത്തനങ്ങളിൽ വിദ്യാർത്ഥികളെ കൂടി പങ്കെടുപ്പിക്കുക എന്ന ലക്ഷ്യത്തോടെ കേരള സംസ്ഥാന ജൈവവൈവിധ്യ ബോർഡിൻ്റെ ആഭിമുഖ്യത്തിൽ ജൈവവൈവിദ്ധ്യ ക്ളബിൻ്റെ പ്രവർത്തനം ആരംഭിച്ചു. പരിസ്ഥിതിയുമായി ബന്ധപ്പെട്ട
ദിനങ്ങളുടെ പ്രാധാന്യം, ചുറ്റുവട്ടത്തുള്ള പരിസ്ഥിതി സംരക്ഷണ ത്തിന്റെ മാർഗ്ഗങ്ങൾ ഇവയെല്ലാം സമയാസമയങ്ങളിൽ ജൈവവൈവിധ്യ ക്ലബ്ബിൽ ചർച്ച ചെയ്യുന്നു.. പ്രാദേശികമായ ചെടികൾ നട്ടു സംരക്ഷിക്കുക, നാടൻ സസ്യയിനങ്ങളുടെ സംരക്ഷണം,പ്ലാസ്റ്റിക്കിന്റെ ഉപയോഗം ഒഴിവാക്കുക തുടങ്ങിയ ആശയങ്ങൾ ഉൾകൊണ്ട് കൊണ്ടുള്ള വിവിധ പ്രവർത്തനങ്ങൾ നടത്തിവരുന്നു.
എല്ലാ വർഷവും നടത്തി വരാറുള്ള ജൈവവൈവിധ്യ കോൺഗ്രസിൽ ക്ലബ് അംഗങ്ങൾ ആയ കുട്ടികൾ പങ്കെടുത്തു വരുന്നു.
- ഹരിത ക്ലബ്ബ്.
വിവിധ കാർഷിക പ്രവർത്തനങ്ങളിൽ കുട്ടികളെ പങ്കാളികളാക്കുന്നു. വാഴക്കൃഷി, ജൈവ പച്ചക്കറി കൃഷി, ശീതകാല പച്ചക്കറി കൃഷി, നെൽകൃഷി, പൂന്തോട്ടനവീകരണം, ഔഷധസസ്യ തോട്ടം, ജന്മനക്ഷത്ര പാർക്ക് തുടങ്ങിയവയുടെ നിർമാണവും പരിചരണവും, തുണി സഞ്ചി നിർമ്മാണം തുടങ്ങിയവ കാര്യക്ഷമമായി നടത്തിവരുന്നു. കർഷക അഭിമുഖങ്ങൾ , ക്ലാസുകൾ തുടങ്ങിയവ സംഘടിപ്പിക്കുന്നു.
- ആരോഗ്യ ക്ലബ്ബ്
ആരോഗ്യ ബോധവൽക്കരണ ക്ലാസ്സുകൾ, ശുചീകരണ പ്രവർത്തനങ്ങൾ, ദിനാചരണങ്ങൾ തുടങ്ങിയവ സംഘടിപ്പിക്കുന്നു.
- ജലശ്രീ ക്ലബ്ബ്.
ജലസംരക്ഷണ പ്രവർത്തനങ്ങൾ , ബോധവൽക്കരണ ക്ലാസ്സുകൾ തുടങ്ങിയവ സംഘടിപ്പിക്കുന്നു.
◼️സാമൂഹ്യശാസ്ത്ര ക്ലബ്ബ്
*കുട്ടികളിൽ സാമൂഹിക അവബോധം സൃഷ്ടിക്കുന്നതിനുള്ള പ്രവർത്തനങ്ങൾ ആസൂത്രണം ചെയ്തു നടപ്പിലാക്കുന്നു.
*സാമൂഹ്യശാസ്ത്രമേള കൾ പ്രവർത്തിപരിചയമേള കൾ എന്നിവ സംഘടിപ്പിക്കുകയും അതിൽ പങ്കാളികളാവുകയും ചെയ്യുന്നു.
*ദേശീയ പ്രാധാന്യമുള്ള ദിനാചരണങ്ങൾ ആഘോഷിക്കുകയും അതിനോടനുബന്ധിച്ച് റാലികളും ക്വിസ് മത്സരങ്ങളും സംഘടിപ്പിക്കുകയും ചെയ്യുന്നു.
*ചരിത്രപ്രധാനമായ സ്ഥലങ്ങളിലേക്ക് പഠനയാത്രകൾ നടത്തുകയും പ്രശസ്തരായ വ്യക്തികളുമായി അഭിമുഖം സംഭാഷണത്തിനുള്ള അവസരങ്ങൾ ഒരുക്കുകയും ചെയ്യുന്നു.
◼️ഗണിത ക്ലബ്ബ്
*കുട്ടികളുടെ ഗണിതശാസ്ത്രപരമായ കഴിവുകളെ കണ്ടെത്തി പരിപോഷിപ്പിക്കുന്നു.
*ഗണിതശാസ്ത്ര മേളകളും അതിനോടനുബന്ധിച്ചുള്ള പ്രവർത്തനങ്ങളും സംഘടിപ്പിക്കുന്നു.
*ഗണിതശാസ്ത്രവുമായി ബന്ധപ്പെട്ട് വരുന്ന ദിനാചരണങ്ങൾ സംഘടിപ്പിക്കുന്നു.
◼️ഇംഗ്ലീഷ് ക്ലബ്ബ്
*കുട്ടികൾക്ക് ഇംഗ്ലീഷ് ഭാഷ കൈകാര്യം ചെയ്യുന്നതിനുള്ള അന്തരീക്ഷം ഒരുക്കുന്നു.
*ഇംഗ്ലീഷ് ഭാഷ അനായാസം കൈകാര്യം ചെയ്യുന്നതിനായി ഇംഗ്ലീഷ് അസംബ്ലിയും ഇംഗ്ലീഷ് ഫെസ്റ്റും കുട്ടികളുടെ നേതൃത്വത്തിൽ നടത്തപ്പെടുന്നു.
*ഇംഗ്ലീഷ് ക്ലബ്ബിന്റെ പഠന പ്രവർത്തനത്തിന്റെ ഫലമായി വിവിധ ഇനം കലാമേളകളിൽ കുട്ടികളുടെ സാന്നിധ്യം ഉറപ്പാക്കുന്നു.
◼️ സീഡ്
*കുട്ടികളിൽ പരിസ്ഥിതിസംരക്ഷണത്തിന് അവബോധം സൃഷ്ടിക്കുകയും തന്മൂലം വായു മണ്ണ് ജലം എന്നിവ സംരക്ഷിക്കേണ്ട പ്രാധാന്യം മനസ്സിലാക്കി കൊടുക്കുകയും ചെയ്യുന്നു.
*വഴുതന ചീര പയർ പാവൽ വെള്ളരി കുമ്പളം കോളിഫ്ലവർ കാബേജ് പടവലങ്ങ ഉരുളക്കിഴങ്ങ് എന്നിവ സ്കൂൾ പരിസരത്ത് കൃഷി ചെയ്യുന്നു.
*ജൈവവളം ജൈവകീടനാശിനി എന്നിവയുടെ നിർമാണ പ്രവർത്തനങ്ങൾ.
*പച്ചക്കറി വിത്ത് വിതരണം .
*കൃഷിയുമായി ബന്ധപ്പെട്ടുള്ള ദിനങ്ങളുടെ ആചരണം.
*കർഷകരെ കാണാനും അവരുടെ അനുഭവങ്ങൾ അറിയാനും ഉള്ള അവസരങ്ങൾ ലഭ്യമാകുന്നു.
◼️നല്ല പാഠം
*കുട്ടികളിൽ സഹജീവികളോട് അനുകമ്പയും സഹായമനസ്കത യും വളർത്തുന്നതിനുള്ള പ്രവർത്തനങ്ങൾ നടപ്പിലാക്കുന്നു.
*അഗതിമന്ദിര സന്ദർശനം.
*ചികിത്സാസഹായം ലഭ്യമാക്കൽ.
*ദുരിതാശ്വാസ ക്യാമ്പ് സന്ദർശനവും വിവിധ ഭക്ഷ്യവസ്തുക്കളുടെ വിതരണവും.
* സഹപാഠിക്ക് വീട് നിർമ്മിക്കാനുള്ള സഹായഹസ്തം.
◼️വർക്ക് എക്സ്പീരിയൻസ്
* തൊഴിലിനോടുള്ള ആഭിമുഖ്യം പുലർത്തുന്നതിന് അവസരമൊരുക്കുന്നു.
*കടലാസ് പാഴ്‌വസ്തുക്കൾ എന്നിവ ഉപയോഗിച്ചുള്ള നിർമ്മാണ പ്രവർത്തനങ്ങൾ.
*സോപ്പ്, ലോഷൻ, ബാഡ്മിൻറൺ നെറ്റ്, ചോക്ക്, ചന്ദനത്തിരി എന്നീ ഉത്പന്നങ്ങളുടെ നിർമാണം പരിശീലനം .
*കളിമൺ ഓല ചിരട്ട കയർ എന്നിവ ഉപയോഗിച്ചുള്ള ഉൽപ്പന്ന നിർമ്മിതിയിൽ പരിശീലനം നൽകുന്നു.
*വെജിറ്റബിൾ പ്രിൻറിംഗ് ഫാബ്രിക് പെയിൻറിംഗ് എന്നിവയിൽ പരിശീലനം.
* പേൾ ഉപയോഗിച്ചുള്ള ആഭരണ നിർമ്മാണ പരിശീലനം.
◼️ ആർട്ട്സ് ക്ലബ്
*കുട്ടികളുടെ നൈസർഗ്ഗികമായ കലാവാസനകൾ തിരിച്ചറിഞ്ഞ് പരിപോഷിപ്പിക്കുന്നതിനും കുട്ടിയുടെ അഭിരുചിക്കനുസരിച്ച് അഭ്യസിക്കുന്നതിനും ഉള്ള അവസരങ്ങൾ ഒരുക്കുന്നു.
*വിദഗ്ധ അധ്യാപകരുടെ ശിക്ഷണത്തിൽ കുട്ടികളെ ചിത്രകലയും സംഗീതവും അഭ്യസിപ്പിക്കുന്നു.
*കുട്ടികളുടെ സർഗവാസനകൾ പ്രകടിപ്പിക്കുവാനുള്ള വേദിയായി ബാല സഭകളും സർഗോത്സവങ്ങളും സംഘടിപ്പിക്കുന്നു.
◼️ റീഡേഴ്സ് ക്ലബ്ബ്
*കുട്ടികളെ അക്ഷരങ്ങളുടെ ലോകത്തേക്ക് കൈപിടിച്ചു ഉയർത്തുന്നു.
*ഒഴിവുവേളകളിലും വിശ്രമവേളകളിലും വായനയ്ക്കുള്ള അവസരം നൽകുന്നു.
*രണ്ടുമാസത്തിലൊരിക്കൽ ഏറ്റവും കൂടുതൽ പുസ്തകം വായിച്ച് വായന കുറിപ്പ് തയ്യാറാക്കുക കുട്ടികൾക്ക് സമ്മാനം വിതരണം ചെയ്യുന്നു.
*ഞാൻ വായിച്ച പുസ്തകം എന്ന ആശയവുമായി ബന്ധപ്പെട്ട് സംവാദം വായനാകുറിപ്പ് എന്നിവ സ്കൂൾ അസംബ്ലിയിൽ അവതരിപ്പിക്കുന്നു.
*കുട്ടികളോടൊപ്പം തന്നെ അമ്മമാർക്കും വായിക്കാനുള്ള അവസരം ലഭ്യമാക്കുന്നു.
*അമ്മമാരുടെ കലാസൃഷ്ടികൾ ഉൾപ്പെടുത്തിക്കൊണ്ട് പതിപ്പുകൾ തയ്യാറാക്കുന്നു.
*വായനയുമായി ബന്ധപ്പെട്ട ദിനാചരണങ്ങൾ സംഘടിപ്പിക്കുകയും വായനാവാരം ആഘോഷിക്കുകയും ചെയ്യുന്നു.
*അമ്മമാർക്ക് ദിനാചരണം ആയി ബന്ധപ്പെട്ട് ക്വിസ് മത്സരങ്ങൾ നടത്തുന്നു.
◼️സ്പോർട്സ് ക്ലബ്ബ്
*കുട്ടികളുടെ ശാരീരിക മാനസിക വികാസങ്ങളുടെ വളർച്ചയ്ക്ക് ഊന്നൽ നൽകുന്നു.
*എയ്റോബിക്സ് ,യോഗ, സൈക്ലിംഗ്,കരാട്ടെ തായ്ക്കോണ്ട, ബാഡ്മിൻറൺ എന്നിവയിൽ കുട്ടികൾക്ക് പരിശീലനം നൽകുന്നു.
*കായിക ദിനാചരണത്തിന് ഭാഗമായി കുട്ടികളുടെ മാർച്ച് പാസ്റ്റ് സംഘടിപ്പിക്കുന്നു.
* കായിക ദിനാചരണത്തിന്റെ ഭാഗമായി കുട്ടികളുടെ അഭ്യാസ പ്രദർശനങ്ങൾ നടത്തപ്പെടുന്നു.
സ്കൂൾഫോട്ടോകൾ
-
ശീതകാല പച്ചക്കറി വിളവെടുപ്പ്-2022
-
വിദ്യാലയ പൂന്തോട്ടം
-
വിദ്യാലയ പച്ചക്കറിത്തോട്ടം
വഴികാട്ടി
പത്തനംതിട്ട ജില്ലയിൽ പന്തളം എന്ന സ്ഥലത്തു നിന്ന് തിരുവനന്തപുരം പോകുന്ന വഴിയിൽ ഒരു കിലോമീറ്റർ സഞ്ചരിച്ച് എൻ.എസ്.എസ് മെഡിക്കൽ മിഷൻ ഹോസ്പിറ്റലിറ്റലിൻ്റെ അടുത്തു നിന്ന് വലത്തോട്ട് രണ്ട് കിലോമീറ്റർ സഞ്ചരിച്ചാൽ സ്ക്കൂളിൽ എത്തിച്ചേരാം. {{#multimaps:9.20200481165651, 76.67559078859416|| zoom=15}}
- പത്തനംതിട്ട വിദ്യാഭ്യാസ ജില്ലയിലെ വിദ്യാലയങ്ങൾ
- പത്തനംതിട്ട വിദ്യാഭ്യാസ ജില്ലയിലെ സർക്കാർ വിദ്യാലയങ്ങൾ
- പത്തനംതിട്ട റവന്യൂ ജില്ലയിലെ വിദ്യാലയങ്ങൾ
- പത്തനംതിട്ട റവന്യൂ ജില്ലയിലെ സർക്കാർ വിദ്യാലയങ്ങൾ
- 38325
- 1915ൽ സ്ഥാപിച്ച വിദ്യാലയങ്ങൾ
- പത്തനംതിട്ട റവന്യൂ ജില്ലയിലെ 1 മുതൽ 7 വരെ ക്ലാസുകളുള്ള വിദ്യാലയങ്ങൾ
- വിക്കിഡാറ്റ ക്യു ഐഡി ഉള്ള വിദ്യാലയങ്ങൾ
- സ്കൂൾ കോഡ് ഉള്ള വിദ്യാലയങ്ങൾ
- യുഡൈസ് കോഡ് ഉള്ള വിദ്യാലയങ്ങൾ