"പി കെ വി എസ് എം യു പി സ്കൂൾ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

 

ഈ സാഹചര്യത്തിൽ ഇരിണാവിലെ സാമൂഹ്യരാഷ്ട്രീയരംഗത്ത് വ്യക്തിമുദ്രപതിപ്പിച്ച പ്രഗത്ഭ ഭിഷഗ്വരൻ പയ്യനാട്ട് കുഞ്ഞിക്കണ്ണൻ വൈദ്യർ സ്കൂൾ വിലക്കുവാങ്ങാൻ തയ്യാറായി. അദ്ദേഹത്തിനു പ്രേരണയായി ഇരിണാവിലെ പുരോഗമന ചിന്താഗതിക്കാരും വിശിഷ്യ ശ്രീ പാറക്കാട്ട് മമ്മു, കോനായിൽ മമ്മദ്, എൻ.കെ.അബ്ദുള്ള തുടങ്ങിയവരുമുണ്ടായി രുന്നു. ഏതെങ്കിലും തരത്തിലുള്ള സാമ്പത്തീകനേട്ടം ലക്ഷ്യം വെച്ച് തുടങ്ങിയതല്ല ഈ സ്ഥാപനം. അത് ആ അർത്ഥത്തിൽ തന്നെ മുന്നോട്ട് കൊണ്ട് പോകാൻ കുഞ്ഞിക്കണ്ണൻ വൈദ്യർക്ക് സാധിക്കുമെന്ന ദീർഘവീക്ഷണം മാനേജരായിരുന്ന അബ്ദുൾ ഹക്കീം മാസ്റ്റർക്കും ഇതിനു പ്രേരണയായി നിന്നവർക്കുമുണ്ടായിരുന്നു. അങ്ങനെ 1957 ഡിസംബർ 26 തീയ്യതി കുഞ്ഞിക്കണ്ണൻ വൈദ്യർ സ്കൂൾ വിലക്കുവാങ്ങി. പുതിയ മാനേജ്മെന്റ് സ്കൂളിന്റെ പുരോഗതിയിലേക്കുള്ള മാറ്റത്തിനു വഴിതെളിയിച്ചു. പുതിയ കെട്ടിടങ്ങൾ പണികഴിപ്പിച്ചു. കേരളത്തിൽ അപ്പോഴുണ്ടായ രാഷ്ട്രീയമാറ്റം ഈ സ്കൂളിന്റെ കാര്യത്തിലും പ്രതിഫലിച്ചു. മാടായി അസംബ്ലി മണ്ഡലത്തെ പ്രതിനിധീകരിച്ച എം.എൽ.എയും വൈദ്യരുടെ സുഹൃത്തുമായിരുന്ന ശ്രീ.കെ.പി.ആർ ഗോപാലന്റെ ശ്രമഫലമായി ഇരിണാവ് മുസ്ലിം എയിഡഡ് യു.പി.സ്കൂളായി ഉയർന്നു. ഈ സന്ദർഭത്തിൽ വിദ്യാലയത്തിന് മറ്റൊരു രൂപമാറ്റം കൂടിവനന്നു. മുസ്ലീം വിദ്യാർത്ഥികൾ മാത്രമുണ്ടായിരുന്ന ഇവിടെ എല്ലാ മതവിഭാഗത്തിൽപ്പെട്ട വിദ്യാർത്ഥികൾക്കും പ്രവേശനം കൊടുക്കുന്ന സ്ഥിതിവന്നു. അതിനുപറ്റിയ ഒരു സാഹചര്യവും ഈ പ്രദേശത്തുണ്ടായി. അതുവരെ ഇരിണാവിന്റെ തെക്കേ അറ്റത്തു ഈ സ്കൂളിനു സമീപത്തായി ഹിന്ദുമതത്തിൽപ്പെട്ട കുട്ടികൾമാത്രം പഠിച്ചിരുന്ന ഒരു എലിമെന്ററി സ്കൂൾ ഉണ്ടായിരുന്നു. ശ്രീ.കെ.എം.ഗോവിന്ദൻ നായരുടെ മാനേജ്മെന്റിനു കീഴിലായിരുന്ന ഇരിണാവ് യു.പി.സ്കൂൾ എന്ന വിദ്യാലയം 2 കിലോമീറ്റർ അകലെ പയ്യട്ടം പ്രദേശത്തേക്ക് മാറ്റി സ്ഥാപിച്ചു. അത്രയും ദൂരെ കുട്ടികളെ അയക്കുന്നതിന് രക്ഷിതാക്കൾ മടികാണിച്ചു. 64 കുട്ടികൾ വിടുതൽ സർട്ടിഫിക്കറ്റ് വാങ്ങിച്ച് ഈ സ്കൂളിൽ ചേർന്നു. തുടർന്ന് ഓരോ വർഷവും പുതിയ ക്ലാസ്സുകളും പുതിയ ഡിവിഷനുകളുമുണ്ടായി. പുതിയ കെട്ടിടങ്ങൾ, പുതുതായി അദ്ധ്യാപക നിയമനം ഉണ്ടായി. അദ്ധ്യാപക നിയമനത്തിനു കോഴയോ മറ്റ് ഉപാധികളോ വാങ്ങാത്ത മാനേജരെന്ന ഖ്യാതി നാടെമ്പാടും പരന്നു. ഏകദേശം ഒരു ദശവർഷക്കാലം കൊണ്ട് പാപ്പിനിശ്ശേരി സബ്ജില്ലയിലെ ഒരു മികച്ച സ്കൂളായി മാറാൻ ഇരിണാവ് മുസ്ലീം യു.പി.സ്കൂളിനു കഴിഞ്ഞു. ഈ കാലയളവിൽ പ്രധാനദ്ധ്യാപകൻ ശ്രീ.കെ.പി.കൃഷ്ണൻ മാസ്റ്ററായിരുന്നു. 1958 മുതലുള്ള ദശവർഷക്കാലം ഈ സ്കൂളിന്റെ വളർച്ചയുടെ ഒരു സുപ്രധാന കാലഘട്ടമായിരുന്നു.

      

സ്കൂളിന്റെ സർവ്വതോന്മുഖമായ പുരോഗതിക്കു വേണ്ടി അക്ഷീണം പ്രയത്നിക്കുന്ന പാരമ്പര്യമാണ് സ്കൂൾ അദ്ധ്യാപക രക്ഷാകർതൃ സമിതി (പി.ടി.എ)ക്കുള്ളത്. ഇരിണാവിലെ പൊതുരംഗത്ത് സജീവ സാനിദ്ധ്യമായ ശ്രീ.ഒ.പി.ബാലൻ കല്ല്യാശ്ശേരി പഞ്ചായത്ത് വൈസ് പ്രസിഡണ്ടും പ്രമുഖ സഹകാരിയുമായിരുന്ന ശ്രീ.പി.കുഞ്ഞഹമ്മദ്, ശ്രീ.കെ.സി.ലക്ഷ്മണൻ, ശ്രീ.ടി.മനോഹരൻ, ശ്രീ.കപ്പള്ളി ശശി, ശ്രീ.കെ.കെ.അനിൽകുമാർ, ശ്രീ. കെ സുധാകരൻ ഇപ്പോൾ നിലവിലുള്ള പ്രസിഡണ്ട് ശ്രീ.രാമചന്ദ്രൻ കാക്കാടി തുടങ്ങിയവർ സ്കൂളിന്റെ ഭൗതീക സാഹചര്യങ്ങൾ മെച്ചപ്പെടുത്തുന്നതിനും പഠന നിലവാരം വർദ്ധിപ്പിക്കുന്നതിനും ഗണ്യമായ സംഭാവന ചെയ്ത പി.ടി.എയെ നയിച്ചവരിൽ എടുത്തുപറയേണ്ട നാമധേയങ്ങളാണ്.

    

നല്ല ശിക്ഷണം നൽകുന്നതിനും ആവശ്യമായ അധ്യാപകരുടെ കൂട്ടായ്മയും ആസൂത്രണവും രക്ഷാകർതൃസമിതിയും നാട്ടുകാരും യഥാസമയം ഇടപെട്ടുകൊണ്ട് നടക്കുന്ന സ്കൂൾ പ്രവർത്തനവും ഈ സ്കൂളിനെ നമ്മുടെ പ്രദേശത്തെ ഒരു മികച്ച സ്ഥാപനമായി മാറ്റിയിരിക്കുന്നു. തൊട്ടടുത്ത ഹൈസ്കൂളുകളിൽ ഏറ്റവും മികച്ച വിദ്യാർത്ഥികളെ അയക്കുന്നതിൽ മുൻപന്തിയിൽ ഈ സ്ഥാപനമാണുള്ളത്. പുതിയ കാലഘട്ടത്തിന്റെ ആവിശ്യം ഉൾക്കൊണ്ട് ഇപ്പോൾ വിദ്യാർത്ഥികൾക്ക് കമ്പ്യൂട്ടർ പരിശീലനവും നൽകിവരുന്നു.

    

സ്കൂളിന്റെ മാനേജരായിരുന്ന പ്രശസ്തനായിരുന്ന ഭിഷ്വഗരനും ഇരിണാവിന്റെ സാമൂഹീക വളർച്ചയിൽ നിർണ്ണായക പങ്കുവഹിച്ച വ്യക്തിയുമായ ശ്രീ. പി.കുഞ്ഞിക്കണ്ണൻ വൈദ്യർ 1998 ആഗസ്ത് 30ന് ദിവംഗതനായി. തുടർന്ന് അദ്ദേഹത്തിന്റെ മകൻ പി രഘു മാനേജരായി ചുമതലയേറ്റു. സ്കൂളിന്റെ സർവ്വതോന്മുഖമായ പുരോഗതിക്ക് പുതിയ മാനേജ്മെന്റും ശ്രദ്ധയോടുകൂടി പ്രവർത്തിച്ചു വരുന്നു.

    

അഭിവന്ദ്യനായ മുൻ മാനേജരുടെ സ്മരണാർത്ഥം 2002 ഓഗസ്ത് 30ന് പി.കുഞ്ഞിക്കണ്ണൻ വൈദ്യർ സ്മാരക മുസ്ലീം എയ്ഡഡ് യു.പി. സ്കൂൾ എന്ന് പുനർനാമകരണം ചെയ്തു.

    

നമ്മുടെ പ്രദേശത്തിന്റെ പുരോഗതിയിൽ ഈ വിദ്യാലയം സുപ്രധാനമായ പങ്കാണ് വഹിച്ചിരിക്കുന്നത്. ഈ പ്രദേശത്തെ ഒട്ടേറെ മഹത് വ്യക്തിത്വങ്ങൾ ഈ വിദ്യാലയത്തിലെ പൂർവ്വ വിദ്യാർത്ഥികളാണെന്നത് അഭിമാനകരമാണ്. സമൂഹത്തിന്റെ എല്ലാ നിലകളിലും എത്തിച്ചേർന്നിട്ടുള്ള ഇവിടുത്തെ പൂർവ്വ വിദ്യാർത്ഥികളുടെ നിർലോഭമായ സ്നേഹവും സഹകരണവും ഈ സ്ഥാപനത്തിന്റെ വളർച്ചയുടെ ഊർജ്ജമായി മാറിയിട്ടുണ്ട് - ഈ സന്ദർഭത്തിൽ ഈ വിദ്യാലയത്തിന്റെ എക്കാലത്തുമുള്ള മേന്മകൾക്ക് വേണ്ടി പ്രവർത്തിച്ച അറിയപ്പെടുന്നവരും അറിയപ്പെടാത്തവരുമായ എല്ലാ സുമനസ്സുകളെയും സ്മരിക്കുന്നു. കാലം ഏൽപ്പിച്ച് തരുന്ന ഉത്തരവാദിത്വം നിർവ്വഹിക്കുന്നതിൽ മുൻപന്തിയിൽ ഈ സ്ഥാപനവും ഉണ്ടാവും.