സഹായം Reading Problems? Click here


ജി.എച്ച്. എസ്സ്.എസ്സ് അവിടനല്ലൂർ

Schoolwiki സംരംഭത്തിൽ നിന്ന്
ജി.എച്ച്. എസ്സ്.എസ്സ് അവിടനല്ലൂർ
സ്കൂൾ ചിത്രം
സ്ഥാപിതം 01-06-1911
സ്കൂൾ കോഡ് 47027
ഹയർ സെക്കന്ററി
സ്കൂൾ കോഡ്
{{{ഹയർ സെക്കന്ററി സ്കൂൾ കോഡ്}}}
സ്ഥലം അവിടനല്ലൂർ
സ്കൂൾ വിലാസം അവിടനല്ലൂർ പി.ഒ,
നടുവണ്ണൂർ
പിൻ കോഡ് 673614
സ്കൂൾ ഫോൺ 04962657235
സ്കൂൾ ഇമെയിൽ ghsavitanallur@gmail.com
സ്കൂൾ വെബ് സൈറ്റ് {{{സ്കൂൾ വെബ് സൈറ്റ്}}}
വിദ്യാഭ്യാസ ജില്ല താമരശ്ശേരി
റവന്യൂ ജില്ല കോഴിക്കോട്
ഉപ ജില്ല പേരാമ്പ്ര‌
ഭരണ വിഭാഗം സർക്കാർ
സ്കൂൾ വിഭാഗം പൊതു വിദ്യാലയം
പഠന വിഭാഗങ്ങൾ ഹൈസ്കൂൾ
എച്ച്.എസ്.എസ്
പ്രൈമറി
മാധ്യമം മലയാളം‌ & ഇംഗ്ലീഷ്
ആൺ കുട്ടികളുടെ എണ്ണം 2268
പെൺ കുട്ടികളുടെ എണ്ണം 2068
വിദ്യാർത്ഥികളുടെ എണ്ണം 4336
അദ്ധ്യാപകരുടെ എണ്ണം 53
പ്രിൻസിപ്പൽ കുഞ്ഞമ്മത് പി
പ്രധാന അദ്ധ്യാപകൻ /
പ്രധാന അദ്ധ്യാപിക
മുഹമ്മദ് സുബൈർ പി ടി
പി.ടി.ഏ. പ്രസിഡണ്ട് നരേന്ദ്രബാബു കെ
04/ 04/ 2018 ന് Sreeramyam
ഈ താളിൽ അവസാനമായി മാറ്റം വരുത്തി
ഈ താളിന്റെ ഗ്രേഡ് : 7 / 10 ആയി നൽകിയിരിക്കുന്നു
7/10 stars
ക്ലബ്ബുകൾ
ലിറ്റിൽകൈറ്റ്സ് സഹായം
ഗ്രന്ഥശാല സഹായം
എൻ.സി.സി സഹായം
സ്റ്റൂഡന്റ് പോലീസ് കാഡറ്റ് സഹായം
സ്കൗട്ട് & ഗൈഡ്സ് സഹായം
ജൂനിയർ റെഡ് ക്രോസ് സഹായം
വിദ്യാരംഗം‌ സഹായം
സോഷ്യൽ സയൻസ് ക്ലബ്ബ് സഹായം
സയൻസ് ക്ലബ്ബ് സഹായം
ഗണിത ക്ലബ്ബ് സഹായം
പരിസ്ഥിതി ക്ലബ്ബ് സഹായം
ആർട്‌സ് ക്ലബ്ബ് സഹായം
സ്പോർ‌ട്സ് ക്ലബ്ബ് സഹായം
ടൂറിസം ക്ലബ്ബ് സഹായം
ആനിമൽ ക്ലബ്ബ് സഹായം
ഫിലിം ക്ലബ്ബ് സഹായം
മറ്റ്ക്ലബ്ബുകൾ സഹായം
പ്രോജക്ടുകൾ
എന്റെ നാട് സഹായം
നാടോടി വിജ്ഞാനകോശം സഹായം
സ്കൂൾ പത്രം സഹായം

കോഴിക്കോട് ജില്ലയിൽ ബാലുശ്ശേരി ബ്ലോക്കിൽ ഉൾ‍പ്പെടുന്ന കോട്ടൂർ ഗ്രാമപഞ്ചായത്തിൽ സ്ഥിതിചെയ്യുന്ന ഗവ: ഹയർ സെക്കണ്ടറി സ്കൂളാണിത് പൂർണമായ പേര് ഗവർമെന്റ് ഹയർ സെക്കണ്ടറി സ്കൂൾ അവിടനല്ലൂർ

ചരിത്രം

പഴയ കുറുമ്പ്രനാട്ട് രാജാക്കൻമാരുടെ ഭരണപരിധിയിൽപ്പെട്ട അവിടനല്ലൂർ ഗ്രാമം ദരിദ്രഗ്രാമീണരും ഇടത്തരക്കാരും അധിവസിക്കുന്ന ഒരു ദേശമാണ്. ശതാബ്ദത്തോടുത്ത ഭൂതകാലചരിത്രം ഈ വിദ്യാലയത്തിനുണ്ട്. സമീപത്തെ ഇല്ലങ്ങളിലെ ഉണ്ണികൾക്കും ഭേദപ്പെട്ട നായർകുടുംബങ്ങളിലെ കുട്ടികൾക്കും എഴുത്തു പഠിക്കാൻ വേണ്ടി ആരംഭിച്ച ഒരു പള്ളിക്കൂടമായിരുന്നു ഇത്. സ്വാതന്ത്ര്യസമരത്തിന്റെ ആവേശം നാടെങ്ങും പടർന്നപ്പോൾ ദേശസ്നേഹികളായ വിദ്യാലയ നടത്തിപ്പുകാർ അയിത്തജാതിക്കാരു‍ടെ കുട്ടികളെക്കൂടി പള്ളിക്കൂടത്തിൽ ചേർത്തു. സാക്ഷരതാപ്രവർത്തനം ഊർജ്ജിതമാക്കി. സവർണർ ഇതിനെതിരെ പ്രതിഷേധിച്ചു. അവർ തങ്ങളുടെ കുട്ടികളെ വിദ്യാലയത്തിൽനിന്നു പിൻവലിച്ചു. എൻ എൻ കക്കാട്, എൻ പി നമ്പൂതിരി, എ പി വി നമ്പൂതിരി തുടങ്ങി മലയാള സാഹിത്യത്തിൽ അവിസ്മരണീയരായ മഹാപ്രതിഭകൾക്കു ജന്മം നൽകാൻ ഭാഗ്യം ലഭിച്ച അവിടനല്ലൂർ ഗ്രാമം കാലം കടന്നുപോയപ്പോൾ കൂട്ടാലിട എന്ന കച്ചവട കേന്ദ്രത്തിന്റെ വളർച്ചയോടെ വിസ്‌മൃതിയിൽ വീണുപോയ സ്വന്തം പേരു നിലനിർത്താൻ ആശ്രയിക്കുന്ന ചുരുക്കം ചില സ്ഥാപനങ്ങളിൽ ഒന്നാണ് അവിനല്ലൂർ ഗവൺമെന്റ് ഹൈസ്കൂൾ. കൂട്ടാലിടയിൽ നിന്നു നടുവണ്ണൂരേക്കുള്ള റോഡിനോട് ചേർന്നു സ്ഥിതിചെയ്യുന്ന ഇപ്പോഴത്തെ ഹൈസ്കൂളിൽ നിന്ന് അരക്കിലോമീറ്റർ മാറി തെക്കുഭാഗത്തുണ്ടായിരുന്ന അണിയോത്ത് പള്ളിക്കൂടമാണ് അവിടനല്ലൂർ ഹെസ്കൂൾ ആയി മാറുന്നത്. ഈ വിദ്യാലയത്തിന്റെ ആദ്യകാലത്തെകുറിച്ച് രേഖകളൊന്നുമില്ലെങ്കിലും 1911 മുതൽ വിദ്യാലയത്തെ സംബന്ധിക്കുന്ന വിവരങ്ങൾ സ്കൂൾ റിക്കാർഡുകളിൽ ഉണ്ട്. മഹാരാജാവിന്റെ ജന്മദിനം കല്പനദിനമായി ആചരിച്ച് ഹാജർപട്ടികയിൽ വ്യക്തമായി രേഖപ്പെടുത്തിയിട്ടുണ്ട്. ഹെഡ്മാസ്റ്ററുടെ മാസപ്പടി 14 ക 12ണയും അധ്യാപകർക്ക് 14 കയും ആയിരുന്നു. കൂടാതെ എല്ലാവർക്കും കൂടി 8 ക വീട്ടുവാടക ബത്ത ലഭിച്ചിരുന്നതായും റിക്കാർഡുകൾ സാക്ഷ്യപ്പെടുത്തുന്നു. 1912 മുതൽ 1926 വരെ ഹെഡ്‌മാസ്റ്റർ കെ എസ് ശ്രീനിവാസയ്യർ ആയിരുന്നു. ഹിന്ദുബോർഡ് സ്കൂൾ എന്നാണ് വിദ്യാലയം അറിയപ്പെട്ടിരുന്നത്. ഹെഡ്‌മാസ്റ്ററെ കൂടാതെ ഒന്നാം മാസ്റ്റർ, രണ്ടാം മാസ്റ്റർ എന്നിങ്ങനെ മൂന്ന് അധ്യാപകർ ജോലി ചെയ്തിരുന്നു. ശ്രീനിവാസയ്യർക്കു ശേഷം ദീർഘകാലം ഹെഡ്‌മാസ്റ്ററായിരുന്നത് വി അപ്പുനായരാണ്. വിദ്യാലയത്തെ സ്വാതന്ത്ര്യസമരവുമായി ബന്ധിപ്പിക്കുന്നതിൽ അപ്പുൂനായർ നിർണായക പങ്കുവഹിച്ചു. അപ്പുനായർക്കു ശേഷം പ്രധാനാധ്യാപകനായിരുന്നത് കൊല്ലൻകണ്ടി കുഞ്ഞിരാമൻനായരാണ്. സ്വാതന്ത്ര്യപ്രാപ്തിയ്ക്കു ശേഷം ബോർഡ് എൽ പി സ്കൂൾ എന്ന പേരിൽ അറിയപ്പെട്ട വിദ്യാലയം വിദ്യാർത്ഥികളുടെ എണ്ണം വർദ്ധിച്ചപ്പോൾ കൂട്ടാലിടയിൽ അഴോത്ത് കുഞ്ഞിരാമൻനായർ നിർമ്മിച്ച് വാടകയ്ക്കു നൽകിയ സൗകര്യപ്രദമായ കെട്ടിടത്തിലേക്കു മാറ്റി. ഈ വിദ്യാലയത്തിലെ ആദ്യത്തെ വിദ്യാർത്ഥി ആയിരുന്ന കക്കാട്ട് രാമുണ്ണി മകൻ ദാമോദര മാരാർ പിൽകാലത്ത് ഇവിടെ അധ്യാപകനായി സേവനം ചെയ്തിട്ടുണ്ട്. 1961 – ൽ വിദ്യാലയം അപ്പ‍ർ പ്രൈമറിയായി ഉയർത്തപ്പെട്ടു. അതോടെ അവിടനല്ലൂർ ഗവ.യു പി സ്കൂൾ എന്ന പേരിൽ അറിയപ്പെടുകയും ചെയ്തു. പി ഗോപാലകുറുപ്പ്, എൻ പര്യായിക്കുട്ടി, കെ കുഞ്ഞിക്കണാരൻ തുടങ്ങിയവർ പ്രഗത്ഭരായ പ്രധാനാധ്യാപകരായിരുന്നു. ബാലുശ്ശരി എ ഇ ഒ ആയി സർവ്വീസിൽ നിന്നു വിരമിച്ച കെ കുഞ്ഞിക്കണാരൻ മാസ്റ്ററുടെ നേതൃത്വത്തിലാണ് 1981 ൽ അവിടനല്ലൂർ യു പി സ്കൂൾ ഹൈസ്കൂളായി ഉയർത്തപ്പെട്ടത്. തുടർന്ന് വളരെക്കാലം ഈ സ്കൂളിലെ ടീച്ചർ ഇൻ ചാർജായും അദ്ധേഹം സേവനം അനുഷ്ഠിച്ചിട്ടുണ്ട്. ഒരു പഞ്ചായത്തിൽ ഒരു ഹൈസ്കൂളെങ്കിലും സ്ഥാപിക്കുക എന്ന ലക്ഷ്യം സാക്ഷാത്കരിക്കുന്നതിന്റെ ഭാഗമായി പിന്നോക്ക പ്രദേശങ്ങളിലെ യു പി സ്കൂളുകളിൽ മതിയായ കെട്ടിട സൗകര്യവും സ്ഥലവും നൽകാൻ പി ടി എ കൾ തയ്യാറാവുകയാണെങ്കിൽ ഹൈസ്കൂളായി ഉയർത്താമെന്ന് സർക്കാർ തീരുമാനിച്ചു. അവിടനല്ലൂരിന്റെ വികസനത്തിന് ഹൈസ്കൂൾ ആവശ്യാമാണെന്നു മനസ്സിലാക്കിയ രാഷ്ട്രീയ നേതാക്കളും വിദ്യാഭ്യാസ പ്രവർത്തകരും സാമൂഹിക സാംസ്കാരിക രംഗത്തെ പ്രമുഖരും ജനപ്രതിനിധികളും സമ്മേളിച്ച് സ്കൂൾ സ്പോൺസറിങ് കമ്മിറ്റിയ്ക്ക് രൂപം നൽകി. ദിവംഗതനായ ഫാ.പോൾ കളപ്പുര ചെയർമാനായും കെ സി കുഞ്ഞികൃഷ്ണൻ നായർ സെക്രട്ടറിയുമായ കമ്മിറ്റി അഴോത്ത് കുഞ്ഞിരാമൻ നായരിൽ നിന്ന് 60 X 20 വിസ്തീർണ്ണമുള്ള കെട്ടിടവും 40 സെന്റ് സ്ഥലവും പൊന്നും വില കൊടുത്ത് വാങ്ങി ഗവൺമെന്റിന് നൽകി സ്കൂളിന് അനുവാദം തേടി. സ്കൂൾ ആരംഭിക്കുന്നതിന് ആവശ്യമായ സ്ഥലവും കെട്ടിടവും വാങ്ങാൻ പണം സ്വരൂപിക്കുന്നതിന് വേണ്ടി മാലയും വളയും ഊരിക്കൊടുത്ത മറിയാമ്മ ജോർജ്ജ്, ലക്ഷ്മിക്കുട്ടിയമ്മ എന്നീ അധ്യാപകരും വളരെക്കാലം ഹെഡ്മാസ്റ്ററുടെ ചാർജ്ജ് വഹിച്ച ആർ കെ ഗോവിന്ദൻ, അധ്യാപകരായ വി പി ഗംഗാധരൻ ,പി പി കുട്ട്യേക്കിണി ,സി ഭാസ്കരൻ, എൻ അച്യുതൻ നായർ, എം മാധവൻ നായർ തുടങ്ങിയ അധ്യാപകരും ഈ വിദ്യാലയത്തിന്റെ വളർച്ചയിൽ നിസ്‌തുല സേവനം അർപ്പിച്ചവരാണ്. ജി ഒ 144/81dated 23-7-81 ഗവ.ഉത്തരവു പ്രകാരം ആരംഭിച്ച ഹൈസ്കൂളിൽ 23-8-81 ന് പഴേടത്ത് ഗംഗാധരൻ നായരുടെ മകൻ രാജന് 8ാം തരത്തിൽ ആദ്യമായി പ്രവേശനം നൽകി. ആരംഭത്തിൽ വിദ്യർതഥികളുടെ എണ്ണം കുറവായിരുന്നുവെങ്കിലും പിന്നീട് പ്രവേശനം ഗണ്യമായി വർദ്ധിച്ചപ്പോൾ സ്പോൺസറിങ് കമ്മിറ്റി ക്ലാസുകൾ നടത്താൻ ആവശ്യമായ താൽക്കാലിക ഷെഡുകൾ നിർമിച്ച് സ്ഥല പരിമിതിയ്ക്ക് പരിഹാരം കാണാൻ ശ്രമിച്ചു. വിവിധ ഫണ്ടുകൾ ഉപയോഗപ്പെടുത്തി നിർമിച്ച ഏതാനും അർദ്ധ സ്ഥിരകെട്ടിടങ്ങളും ഓലമേഞ്ഞ താൽക്കാലിക ഷെഡുകളുമാണ് വളരെക്കാലം ഈ വിദ്യാലയത്തിനുണ്ടായിരുന്നത്.പുറമെ കുഞ്ഞിരാമൻ നായരുടെ വാടകകെട്ടിടവും .1984 ൽ എസ് എസ് എൽ സി ആദ്യ ബാച്ച് ആരംഭിച്ചതോടെ പ്രഥമ പ്രധാനാധ്യാപികയായി മറിയാമ്മാ ജേക്കബ് നിയമിക്കപ്പെടുകയും ചെയ്തു. എസ് എസ് എൽ സി സെന്റർ തുടങ്ങാൻ സേഫും ലോക്കറും കുര്യാക്കോസ് എന്ന വ്യക്തിയാണ് നൽകിയത്. ഈ സ്കൂളിൽ 4 ാമത് ഹെഡ്മാസ്റ്ററായിരുന്ന (1986) ടി ടി കോശിയാണ് സ്കൂളിന്റെ ഓഫീസ് പ്രവർത്തനത്തിന് ചിട്ടയും ക്രമീകരണവും ഉണ്ടാക്കിയത്. പി നരേന്ദ്രൻ 1989 ൽ ഹെഡ്മാസ്റ്ററായി വന്ന കാലത്ത് 40 സെന്റ് കൂടി വാങ്ങി സ്കൂളിന്റെ വിസ്തൃതി വർദ്ധിപ്പിക്കുകയും ദശവാർഷിക സ്മാരകമായ സ്റ്റേജ് പണിയുകയുമുണ്ടായി.1998 ൽ ഹെഡ്മാസ്റ്റർ ആയി നിയമിതനായ കെ ചന്തുകുട്ടി മാസ്റ്ററൂടെ കാലത്ത് ജനകീയാസൂത്രണ പദ്ധതിയുടെ ഭാഗമായി വികസന സമിതികൾ രൂപീകരിക്കപ്പെടുകയും ജില്ലാ പ‍ഞ്ചായത്തിന്റെ വിവിധ വാർഷിക പദ്ധതികളിൽ ഉൾപ്പെടുത്തി ബഹുനില കോൺക്രീറ്റ് കെട്ടിടങ്ങൾക്ക് തുടക്കം കുറിക്കുകയും ചെയ്തത്. വിവിധ കാലങ്ങളിൽ പി ടി എ പ്രസിഡന്റുമാരായിരുന്ന എ രാഘവൻ നായർ, പൊയിൽ കെ കെ മാധവൻ, ഇ ബാലൻ നായർ എന്നിവരുടെ വിലപ്പെട്ട സേവനങ്ങളും സ്കൂളിന്റെ വളർച്ചയ്ക്ക് വളരെ സഹായകമായിട്ടുണ്ട്. സ്കൂളിന്റെ ത്വരിതഗതിയിലുള്ള വികസനത്തിന് നേതൃത്വം നൽകിയ കോട്ടൂർ പഞ്ചായത്ത് പ്രസിഡന്റൂം വികസന സമിതി ചെയർമാനുമായിരുന്ന എൻ ശങ്കരൻ മാസ്റ്റർ,മുൻ പഞ്ചായത്ത് പ്രസിഡന്റൂം പി ടി എ പ്രസിഡന്റുമായിരുന്ന ടി കെ ശ്രീധരൻ എന്നിവരുടെ സേവനങ്ങളും സ്കൂളിന്റെ ചരിത്രത്തിൽ എക്കാലവും സ്മരിക്കപ്പെടും. 2002-03 വർഷത്തിൽ കെട്ടിട നിർമ്മാണത്തിനും റോഡിനും പി ടി എയുമായി സഹകരിച്ച് അധ്യാപകർ മുൻകൈയ്യെടുത്ത് 14 സെന്റ് സ്ഥലം വാങ്ങി റോഡ് നിർമിച്ചതും ഈ വിദ്യാലയത്തിന്റെ ഭൗതികസൗകര്യ ‍ വികസന ചരിത്രത്തിലെ മഹാസംഭവമാണ്. സി കെ വിനോദൻ ,വി ഇമ്പിച്ച്യാലി,സി എച്ച് കരുണാകരൻ ,ടി മുരളീധരൻ ,എൻ മുരളീധരൻ എന്നീ അധ്യാപകരുടെ അക്ഷീണമായ പ്രയത്നത്തിലൂടെയാണ് ഈ നേട്ടം കൈവരിക്കാൻ കഴിഞ്ഞത്. 1984 ലെ ആദ്യ എസ് എസ് എൽ സി ബാച്ചിന് ഉയർന്ന വിജയശതമാനമുണ്ടായിരുന്നു. ഈ വിദ്യാലയത്തിൽ നിന്ന് ഏറ്റവും കൂടിയ മാർക്ക് 2001 ൽ പരീക്ഷ എഴുതിയ സന്ദീപ്കുമാറിന്റെ 555 ആണ്. 2002 മുതൽ ഈ വിദ്യാലയം പാഠ്യേതര പ്രവർത്തനങ്ങളിലും ശ്രദ്ധിക്കപ്പെട്ടു തുടങ്ങി.

ഭൗതികസൗകര്യങ്ങൾ

മികവ്

പാഠ്യേതര പ്രവർത്തനങ്ങൾ

  • സ്കൗട്ട്
  • ഗൈഡ്സ്
  • ജെ ആർ സി
  • ക്ലാസ് മാഗസിൻ.
  • വിദ്യാരംഗം കലാ സാഹിത്യ വേദി.
  • ക്ലബ്ബ് പ്രവർത്തനങ്ങൾ.

മാനേജ്മെന്റ്

ഒന്നാം ക്ലാസ് മുതൽ പന്ത്രണ്ടാം ക്ലാസ് വരെയുള്ള ഒരു സർക്കാർ വിദ്യാലയമാണ് ഇത്

മുൻ സാരഥികൾ

സ്കൂളിന്റെ മുൻ പ്രധാനാദ്ധ്യാപകർ.

  • കുഞ്ഞിക്കണാരൻ മാസ്റ്റർ
  • ടി ടി കോശി
  • നരേന്ദ്രൻ പി
  • രാജൻ
  • നാരായണൻ നമ്പൂതിരി
  • അലി
  • ഹസ്സൻ കു‍ഞ്ഞി മലയിൽ
  • അഹമ്മത് കോയ
  • കനകമ്മ
  • രമാദേവി
  • കുമാരൻ വി.വി
  • ശ്രീധരൻ
  • ശ്രീലത എൻ എസ്
  • ജയശ്രീ പി സി

വഴികാട്ടി

Loading map...

  • ബാലുശ്ശേരി കൂരാച്ചുണ്ട് റോഡിൽ കൂട്ടാലിട ടൗണിൽ നിന്നും നടുവണ്ണൂർ റോഡിലൂടെ 200 മീറ്റർ സഞ്ചരിച്ചാൽ സ്കൂളിലെത്താം

ചിത്രശേഖരം