എസ്.എൻ.എച്ച്.എസ്.എൻ.പറവൂർ/ലിറ്റിൽകൈറ്റ്സ്

25068-**ലിറ്റിൽകൈറ്റ്സ്**
25068-ലിറ്റിൽകൈറ്റ്സ്
സ്കൂൾ കോഡ്	25068
യൂണിറ്റ് നമ്പർ	LK/25068/2018
അംഗങ്ങളുടെ എണ്ണം	124
റവന്യൂ ജില്ല	എറണാകുളം
വിദ്യാഭ്യാസ ജില്ല	ആലുവ
ഉപജില്ല	എൻ. പറവൂർ
കൈറ്റ് മാസ്റ്റർ / മിസ്ട്രസ് 1	ബിനിത ടി കെ
കൈറ്റ് മാസ്റ്റർ / മിസ്ട്രസ് 2	ലൈജു എം എസ്
അവസാനം തിരുത്തിയത്
28-11-2025	25068

ഫ്രീഡം ഫെസ്റ്റ് ഡിജിറ്റൽ മാഗസിൻ LK Alumni 2018-20 2019-21 2020-23 2021-24 2022-25 -- Help

2018 മുതൽ സ്കൂളിൽ LK പ്രവർത്തനങ്ങൾ നടത്തി വരുന്നു. റൂട്ടീൻ ക്ലാസുകൾക്ക് പുറമെ സൈബർ സെക്യൂരിറ്റി, നിർമ്മിത ബുദ്ധി, റോബോട്ടിക്സ്, ഹാർഡ് വെയർ എന്നീ മേഖലകളിൽ മറ്റു കുട്ടികൾക്കും രക്ഷിതാക്കൾക്കും ക്ലാസ്സ്‌ നൽകുന്നു. ഹൈ ടെക് ക്ലാസ്സ്‌ റൂം ക്രമീകരണത്തിൽ ഓരോ ക്ലാസ്സിലെയും ഏതാനും കുട്ടികൾക്ക് പരിശീലനം നൽകുന്നു. കൂടാതെ 2022 ഒക്ടോബർ, നവംബർ മാസങ്ങളിലായി 8,9,10,11,12 ക്ലാസ്സുകളിലെ ഏകദേശം ആയിരത്തിലധികം വിദ്യാർത്ഥികൾക്ക് YIP ട്രെയിനിങ്ങും നൽകി.2023 ലെ സ്വാതന്ത്ര്യ ദിനാഘോഷവുമായി ബന്ധപ്പെട്ട് സ്വതന്ത്ര വിഞ്ജനോത്സവം നടത്തുകയുണ്ടായി. ഇതിന്റെ ഭാഗമായി പോസ്റ്റർ നിർമ്മാണം, റോബോഫെസ്റ്റ് എന്നിവ സംഘടിപ്പിച്ചു. രക്ഷിതാക്കൾക്കും കുട്ടികൾക്കും വേണ്ടി പ്രദർശനവും നടത്തി.

നേട്ടങ്ങൾ

▪️ക്ലബ്‌ തുടങ്ങിയ വർഷം മുതൽ തന്നെ ഉപജില്ല ക്യാമ്പുകളിൽ 8 വീതം കുട്ടികളെ പങ്കെടുപ്പിക്കുന്നു.

2021-14 ബാച്ചിലെ ആഷിഫ് അനൂപ് ജില്ലാ, സംസ്ഥാന ക്യാമ്പുകളിൽ പങ്കെടുക്കാൻ അർഹത നേടുകയും ഉത്പന്നം എക്സിബിഷനിലേക്ക് തെരഞ്ഞെടുക്കുകയും ചെയ്തു.

ASHIF ANOOP
DISTRICT CAMP CERTIFICATE
STATE CAMP CERTIFICATE
ASHIF ANOOP AT STATE CAMP

കൂടാതെ 2022-23, 2023-24 അധ്യയന വർഷങ്ങളിൽ ജില്ലാ, സംസ്ഥാന IT മേളകളിൽ ആഷിഫ് അനൂപ് വെബ് പേജ് ഡിസൈനിംഗിൽ പങ്കെടുക്കാൻ അർഹത നേടി. ജില്ലയിൽ ഒന്നാം സ്ഥാനവും സംസ്ഥാന തലത്തിൽ A ഗ്രേഡോടെ മൂന്നാം സ്ഥാനവും കരസ്ഥമാക്കി.

▪️2022-25 ബാച്ചിലെ സായ് കൃഷ്ണ ടി ബിജിൽ, ഹൃഷീകേശ് ആർ പ്രഭു, ലിൻസ് ജോൺസൻ എന്നിവർ LK ജില്ലാ ക്യാമ്പിലേക്ക് അർഹത നേടി. ഇതിൽ സായ് കൃഷ്ണ ടി ബിജിൽ സംസ്ഥാന തല ക്യാമ്പിലേക്ക് തിരഞ്ഞെടുക്കപ്പെട്ടു.

2022 എൻ പറവൂർ ഉപജില്ല കലോത്സവ ലോഗോ മത്സരത്തിൽ വിജയിച്ചതും സായ് കൃഷ്ണ ടി ബിജിൽ ആണ്.

SAIKRISHNA T BIJIL
DISTRICT
STATE
LOGO BY SAIKRISHNA

HRISHEEKESH R PRABHU
DISTRICT
LINS JOHNSON
DISTRICT

▪️2023-26 ബാച്ചിലെ ശബരിനാഥ്‌ വി വി LK ജില്ലാ ക്യാമ്പിലേക്ക് പ്രോഗ്രാമിങ്‌ വിഭാഗത്തിൽ തിരഞ്ഞെടുക്കപ്പെട്ടു.

സൈബർ സുരക്ഷ ക്ലാസ്സ്‌

രക്ഷിതാക്കൾക്കും കുട്ടികൾക്കുമുള്ള സൈബർ സുരക്ഷ ക്ലാസ്സിൽ ഇരുന്നൂറിലധികം രക്ഷിതാക്കൾ താല്പര്യത്തോടെ പങ്കെടുത്തു. കുട്ടികളെ ഗ്രൂപ്പുകളാക്കി വിഷയം തിരിച്ച് കൊടുത്തു. കുട്ടികൾ തയ്യാറായി വന്ന് അവതരിപ്പിക്കുകയും രക്ഷിതാക്കൾക്കുള്ള സംശയങ്ങൾ ദുരീകരിക്കാൻ ശ്രമിക്കുകയും ചെയ്തു. സുരക്ഷിതമായ മൊബൈൽ ഫോൺ ഉപയോഗം, പേരെന്റൽ കൺട്രോൾ, ചൈൽഡ് ലോക്ക്, പകർപ്പവകാശമുള്ള ചിത്രങ്ങൾ കണ്ടെത്തുന്ന വിധം, ചിത്രങ്ങളുടെയോ മെസ്സേജുകളുടെയോ ഫാക്റ്റ് ചെക്കിങ്, മെസ്സേജുകൾ ഫോർവേഡ് ചെയ്യുന്നതിന്റെ അപകടങ്ങൾ തുടങ്ങിയ വിഷയങ്ങളിൽ സജീവമായ ചർച്ച നടന്നു.

കുട്ടികളെ ഗ്രൂപ്പുകൾ ആക്കി തിരിച്ച് വിവിധ വിഷയങ്ങൾ നൽകി ഗ്രൂപ്പ് ചർച്ചയിലൂടെയും കൈറ്റ് നൽകിയ മൊഡ്യൂൾന്റെയും അടിസ്ഥാനത്തിൽ ക്ലാസുകൾ നൽകുന്നു.

2022 ൽ തുടങ്ങിയ ഈ ക്ലാസ്സ്‌ കൈകാര്യം ചെയ്തത് കൃഷ്ണരാജ് ആർ പൈ, അശ്വിൻരാജ് പി ആർ, സിദ്ധാർഥ് എസ്,ഫാത്തിമ നെസ്‌റിൻ, എൽദോ സിബി, അനന്തു എം എ, ശിവാനി സുധീർ, അഭിഷേക് രഞ്ജൻ, ധ്യാൻ അജയ്, അലൻ ജോൺ എന്നീ കുട്ടികളാണ്.

ലിറ്റിൽ കൈറ്റ്സിന്റെ ആഭിമുഖ്യത്തിൽ രക്ഷിതാക്കൾക്ക് വേണ്ടിയുള്ള സൈബർ സെക്യൂരിറ്റി ക്ലാസുകൾ 2025 സെപ്റ്റംബർ 12 ന് നടത്തി. 2023-26 ബാച്ചിലെ പാർവതി എസ്, ഗൗരി എം വിജു എന്നിവർ ക്ലാസ്സ്‌ നയിച്ചു. സൈബർ ബുള്ളിയിങ്, ശരിയായ സോഷ്യൽ മീഡിയ ഉപയോഗം, ലിങ്കുകൾ, വീഡിയോ കാൾ വഴിയുള്ള തട്ടിപ്പുകൾ എന്നീ വിഷയങ്ങളെപ്പറ്റി കുട്ടികൾ ക്ലാസ്സ് എടുത്തു. ഏകദേശം അൻപതോളം രക്ഷിതാക്കൾ ക്ലാസ്സിൽ പങ്കെടുത്തു. കൂടുതലും അമ്മമാരാണ് ക്ലാസ്സിൽ പങ്കെടുത്തത്. ക്ലാസ്സ്‌ വളരെ രസകരമായിരുന്നുവെന്ന് അമ്മമാർ അഭിപ്രായപ്പെട്ടു. LK കുട്ടികൾ കൈകാര്യം ചെയ്യുന്ന മേഖലകൾ രക്ഷിതാക്കൾക്ക് മനസ്സിലാക്കുന്നതിനും ക്ലാസ്സ്‌ സഹായിച്ചു.

YIP ട്രെയിനിംഗ്

2022 ഒക്ടോബർ, നവംബർ മാസങ്ങളിലായി നടന്ന YIP ട്രെയിനിങ് പ്രോഗ്രാമിൽ LK കുട്ടികളും മിസ്‌ട്രെസ്മാരും സജീവമായി പങ്കെടുത്തു.

KDISC തയ്യാറാക്കിയ വീഡിയോകൾ കാണിച്ചത് കുട്ടികളിൽ താല്പര്യം ഉണ്ടാക്കി. കൂടാതെ ഈ സ്കൂളിൽ നിന്ന് YIP യിലേക്ക് സെലെക്ഷൻ ലഭിച്ച പ്രൊജക്റ്റ്‌ നെ ക്കുറിച്ചുള്ള വീഡിയോ പ്രദർശിപ്പിച്ചു. ഏകദേശം 1842 കുട്ടികളാണ് ഈ ട്രെയിനിങ് പ്രോഗ്രാമിൽ പങ്കെടുത്തത്.

കലോത്സവം റെക്കോർഡിങ്ങ്.

2022 മുതൽ എല്ലാ വർഷവും എൻ പറവൂർ ഉപജില്ല കലോത്സവം, ബി ആർ സി തലത്തിൽ നടത്തുന്ന കല ഉത്സവ് എന്നിവ റെക്കോർഡ് ചെയ്യുന്നതിന് ഈ സ്കൂളിലെ കുട്ടികൾ സജീവമായി പ്രവർത്തിക്കുന്നു. അതിനായി അവർക്ക് ലഭിച്ചിരിക്കുന്ന DSLR ക്യാമറ, വെബ് ക്യാം എന്നിവ പ്രയോജനപ്പെടുത്തുന്നു.

ക്യാമറ ട്രെയിനിംഗ്

മറ്റു കുട്ടികൾക്കായി LK കുട്ടികൾ ക്യാമറ ട്രെയിനിങ്ങും നൽകുന്നുണ്ട്.

പഠന പിന്നാക്കാവസ്ഥയുള്ള കുട്ടികൾക്കുള്ള IT ട്രെയിനിംഗ്.

സ്ക്രീനിൽ കാണുന്ന വിൻഡോ വായിച്ചു മനസ്സിലാക്കാൻ ബുദ്ധിമുട്ടുള്ള കുട്ടികൾക്കായിIT സഹായക ക്ലാസുകൾ നടത്തുന്നു.

ഭിന്നശേഷി കുട്ടികൾക്കായി ആനിമേഷൻ ക്ലാസുകൾ നടത്തുന്നു.

സ്കൂൾ പ്രവർത്തനങ്ങളുടെ റെക്കോർഡിങ്ങ്

ഇത് കൂടാതെ സ്കൂളിൽ നടക്കുന്ന പ്രവർത്തനങ്ങൾ, ദിനചാരണങ്ങൾ, സ്കൂൾ കലോത്സവം, വാർഷികാഘോഷം എന്നിവയെല്ലാം റെക്കോർഡ് ചെയ്യുന്നത് ട്രെയിനിംഗ് ലഭിച്ച LK അംഗങ്ങൾ ആണ്.

ഹൈ ടെക് ക്ലാസ്സ്‌ മുറികളുടെ സജ്ജീകരണം

പ്രൊജക്ടർ ഉപയോഗം ക്ലാസ്സ്‌ മുറികളിൽ സമയ നഷ്ടം ഇല്ലാതെ നടപ്പാക്കുന്നതിനായി ഓരോ ക്ലാസ്സിലും രണ്ടോ മൂന്നോ കുട്ടികൾക്ക് അതിനുള്ള പരിശീലനം നൽകുന്നു.

ഹാർഡ്‌വെയർ ട്രെയിനിംഗ്

2021-24 ബാച്ച് കുട്ടികൾ അവരുടെ സിലബസിന്റെ ഭാഗമയുണ്ടായിരുന്ന ഹാർഡ് വെയർ ട്രെയിനിംഗ് താല്പര്യമുള്ള മറ്റു കുട്ടികൾക്ക് കൂടി നൽകുകയുണ്ടായി. കമ്പ്യൂട്ടറുകളെ അടുത്തറിയുന്നതിനും ഭാഗങ്ങൾ മനസ്സിലാക്കുന്നതിനും ഈ ട്രെയിനിംഗ് കുട്ടികളെ സഹായിച്ചു.

2025-26 ആൻറി ഡ്രഗ്സ് ക്യാമ്പയിൻ

ലഹരി വിരുദ്ധ പ്രവർത്തനങ്ങളുടെ ഭാഗമായി ലിറ്റിൽ കൈറ്റ്സ് അംഗങ്ങൾ 2025-26 അധ്യയന വർഷത്തെ സ്വാതന്ത്ര്യ ദിനത്തിൽ ലഹരി വിരുദ്ധ സന്ദേശങ്ങൾ എഴുതിയ പ്ലകാർഡുകൾ തയ്യാറാക്കുകയും റാലി നടത്തുകയും ചെയ്തു. രാവിലെ 7.30 ന് തന്നെ സ്കൂളിൽ എത്തി പതാക ഉയർത്തലിനു ശേഷം നഗരസഭയുടെ ആഭിമുഖ്യത്തിൽ നടത്തുന്ന സ്വാതന്ത്ര്യദിന റാലിയിൽ അണിനിരന്നു. മൂന്ന് ബാച്ചിലെയും കുട്ടികൾ താല്പര്യത്തോടെ റാലിയിൽ പങ്കെടുത്തു. സ്വാതന്ത്ര്യദിന റാലിയിൽ നമ്മുടെ സ്കൂൾ ഒന്നാം സ്ഥാനം കരസ്ഥമാക്കി.

സ്കൂൾ പത്രം

LK കുട്ടികളുടെ നേതൃത്വത്തിൽ 2025 ജൂലൈ മുതൽ ഓരോ മാസത്തേയും പ്രധാന സംഭവങ്ങൾ ഉൾപ്പെടുത്തി ഒന്നോ രണ്ടോ ലക്കം പത്രങ്ങൾ പുറത്തിറക്കുന്നു. സ്ക്രൈബസ് സോഫ്റ്റ്‌വെയർ ആണ് ഇതിനായി ഉപയോഗിക്കുന്നത്.

പത്രം-1
പത്രം-2
പത്രം-3
പത്രം-4
പത്രം-5
പത്രം-6
പത്രം-7
പത്രം-8