എ. എം .എം. ഹയർസെക്കണ്ടറി സ്കൂൾ ഇടയാറന്മുള/ലിറ്റിൽകൈറ്റ്സ്/2025-28

37001-**ലിറ്റിൽകൈറ്റ്സ്**
37001-ലിറ്റിൽകൈറ്റ്സ്
സ്കൂൾ കോഡ്	37001
യൂണിറ്റ് നമ്പർ	LK/2018/37001
ബാച്ച്	2025-28
അംഗങ്ങളുടെ എണ്ണം	40
റവന്യൂ ജില്ല	പത്തനംതിട്ട
വിദ്യാഭ്യാസ ജില്ല	തിരുവല്ല
ഉപജില്ല	ആറന്മുള
ലീഡർ	ജോഷ്വാ പി മനോജ്
ഡെപ്യൂട്ടി ലീഡർ	ആരോൺ ലിജോ
കൈറ്റ് മാസ്റ്റർ / മിസ്ട്രസ് 1	ലക്ഷ്മി പ്രകാശ്
കൈറ്റ് മാസ്റ്റർ / മിസ്ട്രസ് 2	ആശ പി മാത്യു
അവസാനം തിരുത്തിയത്
01-06-2026	37001

ഫ്രീഡം ഫെസ്റ്റ് ഡിജിറ്റൽ മാഗസിൻ LK Alumni 2018-20 2019-21 2020-23 2021-24 2022-25 2023-26

അഭിരുചി പരീക്ഷ- ബോധവൽക്കരണ ക്ലാസ്

2025-28 ലിറ്റിൽ കൈറ്റ്സ് ബാച്ചിലേക്കുള്ള അഭിരുചി പരീക്ഷയുടെ ബോധവൽക്കരണ ക്ലാസ് സീനിയർ ലിറ്റിൽ കൈറ്റ്സ് വിദ്യാർത്ഥികളുടെ നേതൃത്വത്തിൽ നടത്തി. അഭിരുചി പരീക്ഷയ്ക്ക് വരുന്ന ചോദ്യങ്ങളുടെ പ്രത്യേകതകൾ, ലിറ്റിൽ കൈറ്റ്സിൽ ചേരുന്നതിന്റെ നേട്ടങ്ങൾ, സാമൂഹ്യപ്രതിബദ്ധത വിദ്യാർത്ഥികളിൽ വളർത്തുന്ന പ്രവർത്തനങ്ങൾ, പത്താം ക്ലാസിലെ പബ്ലിക് എക്സാമിന് ശേഷം ലഭിക്കുന്ന ഗ്രേസ് മാർക്ക്, പ്ലസ് ടു അഡ്മിഷനുള്ള ബോണസ് പോയിന്റ്, കൈറ്റ് എങ്ങനെയാണ് റാങ്ക് ലിസ്റ്റ് തയ്യാറാക്കുന്നത് തുടങ്ങിയ വിവരങ്ങൾ വിദ്യാർത്ഥികളിലൂടെ പുതിയ തലമുറയിൽ എത്തിച്ചു. സാക്ഷ്യപത്രത്തിന്റെ പകർപ്പ് നോട്ടീസ് ബോർഡിൽ പ്രദർശിപ്പിച്ചു. സാക്ഷ്യപത്രം ശേഖരിക്കുന്നതിന്റെ മേൽനോട്ടം വഹിക്കുന്നതും സീനിയർ ലിറ്റിൽ കൈറ്റ്സ് വിദ്യാർത്ഥികളാണ്.

ലിറ്റിൽ കൈറ്റ്സ് അഭിരുചി പരീക്ഷ 2025

ഐടി ലോകത്തേക്ക് ആദ്യപടി -ലിറ്റിൽ കൈറ്റ്സ് അഭിരുചി പരീക്ഷ വിജയകരം- ഇടയാറൻമുള എ.എം.എം. ഹയർസെക്കൻഡറി സ്കൂളിലെ 2025-28 ലിറ്റിൽ കൈറ്റ്സ് ബാച്ചിലേക്കുള്ള അഭിരുചി പരീക്ഷ 2025 ജൂൺ 25 ബുധനാഴ്ച സ്കൂൾ ഐ.ടി. ലാബിൽ നടന്നു. 77 വിദ്യാർത്ഥികൾ പരീക്ഷയ്ക്ക് രജിസ്റ്റർ ചെയ്തതിൽ 76 പേർ പരീക്ഷ എഴുതാൻ ഹാജരായി.

വിദ്യാർത്ഥികൾക്കുള്ള പരിശീലന ക്ലാസുകൾ മുൻ ബാച്ചിലെ ലിറ്റിൽ കൈറ്റ്സ് അംഗങ്ങളുടെ നേതൃത്വത്തിലായിരുന്നു. ലിറ്റിൽകൈറ്റ്സ് അഭിരുചി മോഡൽ പരീക്ഷയും കുട്ടികളെ പരിശീലിപ്പിച്ചു. പരീക്ഷയ്ക്ക് ആവശ്യമായ സോഫ്റ്റ്‌വെയർ ഇൻസ്റ്റോൾ ചെയ്യുന്നതിനും റിസൾട്ട് അപ്‌ലോഡ് ചെയ്യുന്നതിനുമായി വിദ്യാർത്ഥികൾ കൈറ്റ് മാസ്റ്റേഴ്‌സിന് സഹായമായി.

സോഫ്റ്റ്‌വെയർ വഴി കമ്പ്യൂട്ടറിൽ നടത്തിയ ഈ പരീക്ഷ 30 മിനിറ്റ് ദൈർഘ്യമുള്ളതും 20 ചോദ്യങ്ങൾ ഉൾക്കൊള്ളുന്നതുമായിരുന്നു. ലോജിക് ആൻഡ് റീസണിംഗ്, പ്രോഗ്രാമിംഗ് വിഭാഗം, 5, 6, 7 ക്ലാസ്സുകളിലെ ഐ.സി.ടി പാഠപുസ്തകങ്ങൾ, ഐ.ടി. പൊതുവിജ്ഞാനം എന്നിവയെ അടിസ്ഥാനമാക്കിയുള്ള ചോദ്യങ്ങളാണ് പരീക്ഷയിൽ ഉൾപ്പെട്ടത്.

സെർവർ ഉൾപ്പെടെ 25 കമ്പ്യൂട്ടറുകളിൽ സോഫ്റ്റ്‌വെയർ ഇൻസ്റ്റോൾ ചെയ്ത് പരീക്ഷ നടത്തിയിരുന്നു. മൂന്ന് ബാച്ചുകളായി പരീക്ഷ നടപ്പിലാക്കി. പരീക്ഷയുടെ സംയോജിത നടത്തിപ്പിന് കൈറ്റ് മാസ്റ്റേഴ്സായ ആശ പി. മാത്യു, ലക്ഷ്മി പ്രകാശ്, മുൻ ബാച്ചിലെ ലിറ്റിൽ കൈറ്റ്സ് വിദ്യാർത്ഥികൾ എന്നിവർ നേതൃത്വം നൽകി. ഈ പ്രവർത്തനം കുട്ടികളിൽ സാങ്കേതികമേഖലയിലെ താത്പര്യവും ആത്മവിശ്വാസവും വളർത്തുന്നതിന് മികച്ച അവസരമായി മാറി.

അഭിരുചി പരീക്ഷ ഫലം

2025-28 വർഷത്തേക്കുള്ള ലിറ്റിൽ കൈറ്റ്സ് വിദ്യാർഥികളുടെ അഭിരുചി പരീക്ഷാഫലം 2025 ജൂൺ 30-ന് പ്രസിദ്ധീകരിച്ചു. പരീക്ഷയെഴുതിയ 76 വിദ്യാർഥികളിൽ 71 പേരും യോഗ്യത നേടി, മികച്ച പ്രകടനം കാഴ്ചവെച്ചു. ഈ ബാച്ചിലേക്കുള്ള അന്തിമ റാങ്ക് ലിസ്റ്റ് 2025 ജൂൺ 10-ന് പ്രസിദ്ധീകരിക്കുകയും, 40 വിദ്യാർഥികൾ തെരഞ്ഞെടുക്കപ്പെടുകയും ചെയ്തു.


സ്കോർ നിലവാരം
15ൽ കൂടുതൽ	2
12ൽ കൂടുതൽ	11
10ൽ കൂടുതൽ	21

അംഗങ്ങളുടെ വിവര പട്ടിക

ക്രമ നമ്പർ	അഡ്മിഷൻ നമ്പർ	കുട്ടികളുടെപേര്	ഡിവിഷൻ
1	14816	മാധവ് സൂര്യൻ	എ
2	14942	വൈഷണവി വി	ബി
3	14960	വൈഗ എസ്	ബി
4	14938	അയാന അനിൽകുമാർ	ബി
5	14557	നിവേദ് രാജ്	ബി
6	14622	അഗസ്ത്യ മനോജ്	എ
7	14729	ജെഫിൻ ജെ	എ
8	14619	ജോഷ്വാ തോമസ് ഷിനോയ്	എ
9	14593	ലെയ എലിസബത്ത് ഷനോയ്	ബി
10	14548	കൃപ സൂസൻ ജോസഫ്	എ
11	14956	അദ്വൈത് പി	എ
12	14732	ആർദ്ര സുഭാഷ്	എ
13	14644	ശ്രീഹരി.കെ.എം	ബി
14	14885	ജോഹാന്ന സൂസൻ സിബി	എ
15	14620	ജെസ്റ്റിന സി ജെയിംസ്	എ
16	14696	നീരജ ഷിംജിത്ത്	എ
17	14566	ആദിത്യൻ പി എൻ	ബി
18	14815	റെഹാൻ അഹമ്മദ് ഷാ	ബി
19	14910	ആരോൺ ലിജോ	ബി
20	14550	സോണിയ ആൻ തോമസ്	എ
21	14635	ആർഷ സന്തോഷ്	ബി
22	14674	അതുല്യ. സി. വി	സി
23	14655	നിരഞ്ജന .വി	ബി
24	14636	അശ്വിൻ രാജേഷ്	സി
25	14621	ദേവനന്ദൻ എ	എ
26	14857	ജെയദീപ് കൃഷ്ണ	എ
27	14634	നിസ്സി ജോയൽ	എ
28	14913	അനഘ രതീഷ്	ബി
29	14606	നവിക വി എസ്	സി
30	14573	ആരതി ആർ കൃഷ്ണൻ	എ
31	14628	ജോഷ്വാ പി മനോജ്	ബി
32	14651	അർഷിദ കെ രാജ്	ബി
33	14958	സഞ്ചിത് എസ് നായർ	സി
34	14930	കാർത്തിക് സജിത്ത്	ബി
35	14731	നിവേദ് ഹരി	എ
36	14807	ദേവഗംഗ രമേഷ്	എ
37	14591	അസ്ന മുഹമദ്	സി
38	14567	അബിദ ജെഹൻ	എ
39	14618	ജെഷ്ലി എൽസ ഷിബു	എ
40	14581	ജെഫിൻ സാം ജേക്കബ്	ബി

2025 - 28 ബാച്ച് ഉജ്ജ്വല സ്വീകരണം

2025 ജൂലൈ 11 വെള്ളിയാഴ്ച, പൊതു വിദ്യാഭ്യാസ വകുപ്പിന്റെ നേതൃത്വത്തിൽ ആരംഭിച്ച ലിറ്റിൽ കൈറ്റ്സ് 2025–28 ബാച്ചിന് ഇടയാറൻമുള എ.എം.എം ഹയർ സെക്കൻഡറി സ്കൂളിൽ ആഘോഷപരമായ സ്വീകരണം നൽകി. 2025 ജൂൺ 25-ന് നടന്ന അഭിരുചി പരീക്ഷയിൽ വിജയിച്ച 40 വിദ്യാർത്ഥികളാണ് പുതിയ ബാച്ചിലേക്ക് തെരഞ്ഞെടുക്കപ്പെട്ടത്.

ലിറ്റിൽ കൈറ്റ്സ് മെന്റർമാരായ ആശ പി. മാത്യു, ലക്ഷ്മി പ്രകാശ് എന്നിവർ ലിറ്റിൽ കൈറ്റ്സ് ക്ലബിൽ പുതുതായി പ്രവേശനം നേടിയ വിദ്യാർത്ഥികളെ അഭിസംബോധന ചെയ്തു. റോബോട്ടിക്സ്, അനിമേഷൻ, നിർമിതബുദ്ധി, പ്രോഗ്രാമിങ് തുടങ്ങിയ നവീന സാങ്കേതിക മേഖലകളിലേക്കുള്ള പ്രവേശന വാതായനമാണിതെന്ന് കുട്ടികളോട് വ്യക്തമാക്കി. പൊതു വിദ്യാഭ്യാസ വകുപ്പ് കുട്ടികളിൽ സാങ്കേതികശേഷിയും, സൃഷ്ടിപരമായ ചിന്തയും, നേതൃത്വം കാണിക്കുന്ന കഴിവുകളും വളർത്തുക എന്ന ലക്ഷ്യത്തോടെയാണ് ഈ ക്ലബ്ബ് ആരംഭിച്ചിരിക്കുന്നത് എന്ന് ചൂണ്ടിക്കാട്ടി.

ക്ലബ്ബിന്റെ മുൻ ബാച്ചുകളിലെ അംഗങ്ങൾ പുതിയ അംഗങ്ങളുമായി അവരുടെ അനുഭവങ്ങൾ പങ്കുവെച്ച് പുതിയ പ്രവേശിതർക്കു പ്രചോദനമായി. പ്രവർത്തനങ്ങളിലൂടെ ലഭിച്ച അറിവും അനുഭവവും അവരുടെ ജീവിതത്തിൽ വലിയ മാറ്റം കൊണ്ടുവന്നതായി അവർ പങ്കുവെച്ചു. ഈ വർഷം പ്രവേശനം ലഭിച്ച ലിറ്റിൽ കൈറ്റ്സ് കുട്ടികൾക്ക് വലിയ ഉത്സാഹം സൃഷ്ടിക്കുകയും കുട്ടികളിൽ സാങ്കേതിക മേഖലയിലെ ആത്മവിശ്വാസം വളർത്തുകയും ചെയ്തു.

ലിറ്റിൽ കൈറ്റ്സ് രക്ഷകർത്താ സമ്മേളനം 2025

2025 ജൂലൈ 21 തിങ്കളാഴ്ച, ഇടയാറന്മുള എ.എം.എം ഹയർ സെക്കൻഡറി സ്കൂളിൽ ലിറ്റിൽ കൈറ്റ്സ് ക്ലബ്ബിന്റെ ആഭിമുഖ്യത്തിൽ എട്ടാം ക്ലാസ് ലിറ്റിൽ കൈറ്റ്സ് വിദ്യാർത്ഥികളുടെ രക്ഷകർത്താ സമ്മേളനം സംഘടിപ്പിച്ചു. വിദ്യാർത്ഥികളുടെയും രക്ഷകർത്താക്കളുടെയും സാന്നിധ്യത്തിൽ സംഗമം ആവേശകരമായി നടന്നു.

ഉദ്ഘാടനം

രക്ഷകർത്താ സമ്മേളനം സ്കൂളിന്റെ പ്രധാനാധ്യാപിക അനില സാമുവൽ ഉദ്ഘാടനം ചെയ്തു. ക്ലബ്ബ് പ്രവർത്തനങ്ങളിലൂടെ കുട്ടികളുടെ സാങ്കേതിക കഴിവുകൾ വളർത്തുന്നതിനുള്ള പങ്ക് അതിവിശദമായി രേഖപ്പെടുത്തി. ലിറ്റിൽ കൈറ്റ്സ് മെന്റർമാരായ ആശ പി മാത്യു സ്വാഗത പ്രസംഗം നടത്തി. ക്ലബ്ബിന്റെ കൃത്യനിഷ്ഠയോടെയും ശുഭാപ്തിയോടെയും നടപ്പിലാക്കിയ പദ്ധതികളെ കുറിച്ച് പരാമർശിച്ചു. ലിറ്റിൽ കൈറ്റ്സ് മെന്റർ ലക്ഷ്മി പ്രകാശ് കൃതജ്ഞതാ പ്രസംഗം നടത്തി.

ഹോം പ്രൊട്ടക്ടിംഗ് അലാറം

ലിറ്റിൽ കൈറ്റ്സ് യൂണിറ്റിൽ നിന്നും കഴിഞ്ഞ വർഷം കിട്ടിയ അറിവിന്റെ അടിസ്ഥാനത്തിൽ വീട്, ക്ലാസ് മുറികൾ തുടങ്ങിയ ഇടങ്ങളിൽ സുരക്ഷ ഉറപ്പാക്കാൻ സഹായിക്കുന്ന അലാറം സംവിധാനം എട്ടാം ക്ലാസ് വിദ്യാർത്ഥികളായ ദേവഗംഗയും സോണിയയും ചേർന്ന് ഒരുക്കി. ഡി. സി മോട്ടോർ, ബെൽ, ബാറ്ററി, പെൻ ട്യൂബ് തുടങ്ങിയ ലളിതമായ ഘടകങ്ങൾ ഉപയോഗിച്ചാണ് ഈ പ്രോജക്ട് നിർമ്മിച്ചിരിക്കുന്നത്. ഈ ഉപകരണം അടിയന്തര സന്ദർഭങ്ങളിൽ അലാറം പ്രവർത്തിക്കുകയും സുരക്ഷാ മുന്നറിയിപ്പ് നൽകുകയും ചെയ്യുന്നു.

രക്ഷകർത്താവിന്റെ അഭിപ്രായം

രക്ഷകർത്താക്കളുടെ പ്രതിനിധിയായി ഷിംജിത് സംസാരിച്ചപ്പോൾ, ക്ലബ്ബിന്റെ പ്രവർത്തനങ്ങളിൽ ഏറെ സന്തോഷമുണ്ടെന്നും കുട്ടികൾക്കായുള്ള ഇത്തരം പദ്ധതികൾ കൂടുതൽ ശക്തിപ്പെടുത്തണമെന്നും അഭിപ്രായപ്പെട്ടു. ഈ സമ്മേളനം ലിറ്റിൽ കൈറ്റ്സ് ക്ലബ്ബ് അംഗങ്ങളുടെ സാങ്കേതിക കഴിവുകൾക്കും അതിന്റെ പ്രദർശനത്തിനും ഒരു വേദിയായി മാറി. രക്ഷകർത്താക്കളുടെ പങ്കാളിത്തം പരിപാടിയെ കൂടുതൽ വിജയകരമാക്കി.

വയനാട് ഉരുൾപൊട്ടൽ -സ്കൂളിന്റെ ശ്രദ്ധാഞ്ജലി

2024 ജൂലൈ 30-ന് വയനാട് ജില്ലയിലെ ചൂരൽമല മുണ്ടക്കൈയിൽ ഉണ്ടായ ഉരുൾപൊട്ടലിൽ 52 വിദ്യാർത്ഥികൾ മരണപ്പെട്ടിരുന്നു. ഈ വിദ്യാർത്ഥികളോടുള്ള ആദരസൂചകമായും കൂട്ടായ ദുഃഖം പ്രകടിപ്പിക്കുന്നതിനായും ഇടയാറന്മുള എ.എം.എം. ഹയർ സെക്കൻഡറി സ്കൂളിലെ നല്ല പാഠം ക്ലബ്, ലിറ്റിൽ കൈറ്റ്സ് യൂണിറ്റുമായി സഹകരിച്ച് ശ്രദ്ധേയമായൊരു പരിപാടി സംഘടിപ്പിച്ചു.

അസംബ്ലിയിൽ ഒരു മിനിറ്റ് മൗനം ആചരിക്കുകയും, 2025 ജൂലൈ 30-ന് 52 വിദ്യാർത്ഥികൾ മെഴുകുതിരി കത്തിച്ച് അനുശോചനം അർപ്പിക്കുകയും ചെയ്തു. നഷ്ടപ്പെട്ട യുവജീവിതങ്ങളെ ആദരിക്കുന്നതിനും സുരക്ഷ, സഹാനുഭൂതി, ഐക്യദാർഢ്യം തുടങ്ങിയ സാമൂഹിക പ്രതിബദ്ധത വിദ്യാർത്ഥികളിൽ ഊട്ടിയുറപ്പിക്കുന്നതിനും ഈ പ്രവർത്തനം സഹായിച്ചു.

ഡിജിറ്റൽ വോട്ട്

2025–26 അധ്യായന വർഷത്തെ സ്കൂൾ പാർലമെന്റ് തിരഞ്ഞെടുപ്പ് 2025 ആഗസ്റ്റ് 14-ന് രാവിലെ 10 മണിക്ക് ലിറ്റിൽ കൈറ്റ്‌സ് ക്ലബ്ബിന്റെ ആഭിമുഖ്യത്തിൽ നടത്തി. കൈറ്റ്‌സ് തയ്യാറാക്കിയ സ്കൂൾ പോൾ സോഫ്റ്റ്‌വെയർ ഉപയോഗിച്ച് തിരഞ്ഞെടുപ്പ് പൂർണ്ണമായും ഡിജിറ്റൽ രീതിയിൽ സംഘടിപ്പിച്ചു.

തിരഞ്ഞെടുപ്പിനായി ലാപ്‌ടോപ്പിൽ സജ്ജീകരിച്ച കൺട്രോൾ യൂണിറ്റും, മൊബൈൽ ഫോണുകളിൽ സജ്ജീകരിച്ച ബാലറ്റ് യൂണിറ്റും ഉപയോഗിച്ച് വിദ്യാർത്ഥികൾ വോട്ടുചെയ്തു.

ഫസ്റ്റ് പോളിംഗ് ഓഫീസറായി ജോഷ്വാ പി. മനോജ്, സെക്കൻഡ് പോളിംഗ് ഓഫീസറായി സോണിയ തോമസ്, തേർഡ് പോളിംഗ് ഓഫീസറായി നിവേദ് രാജ്, പ്രിസൈഡിങ് ഓഫീസറായി മാധവ് സൂര്യൻ എന്നിവർ സേവനമനുഷ്ഠിച്ചു.

തിരഞ്ഞെടുപ്പ് പ്രക്രിയയുടെ ഡോക്യുമെന്റേഷൻ ലിറ്റിൽ കൈറ്റ്‌സ് അംഗങ്ങളായ ആദിത്യ സുജിത്, പാർത്ഥൻ ബിജു എന്നിവർ നിർവഹിച്ചു. എൻ.സി.സി.യും ജെ.ആർ.സി.യും അംഗമായ വിദ്യാർത്ഥികളുടെ സഹായത്തോടെ വളരെ കൃത്യതയോടെ തെരഞ്ഞെടുപ്പ് നടന്നു.

സ്കൂളിലെ അഞ്ചാം ക്ലാസ്സ് മുതൽ പത്താം ക്ലാസ്സ് വരെയുള്ള വിദ്യാർത്ഥികളുടെ വോട്ടെടുപ്പ്, അവരുടെ ക്ലാസ്സുകളിൽ സ്ഥാപിച്ചിരുന്ന ബാലറ്റ് യൂണിറ്റുകൾ മുഖേന നടന്നു. പ്രധാന അധ്യാപിക അനില സാമുവലിന്റെ നേതൃത്വത്തിൽ, എല്ലാ സ്ഥാനാർത്ഥികളുടെയും സാന്നിധ്യത്തിൽ തെരഞ്ഞെടുപ്പ് ഫലം പ്രഖ്യാപിക്കുകയും വിജയികളെ അഭിനന്ദിക്കുകയും ചെയ്തു. തെരഞ്ഞെടുപ്പ് വിജയകരമാക്കുന്നതിൽ കൈറ്റ് മെന്റർമാരായ ആഷ പി മാത്യുവും, ലക്ഷ്മി പ്രകാശും നിർണായക പങ്കുവഹിച്ചു. അധ്യാപകരുടെ നേതൃത്വത്തിൽ തെരഞ്ഞെടുക്കപ്പെട്ട വിദ്യാർത്ഥികൾ സത്യപ്രതിജ്ഞ ചൊല്ലി.

സാങ്കേതിക വിദ്യയുടെ സഹായത്തോടെ നടന്ന ഈ തിരഞ്ഞെടുപ്പ്, വിദ്യാർത്ഥികളിൽ ജനാധിപത്യ മൂല്യങ്ങളും ഡിജിറ്റൽ പഠനവും ഏകകാലത്ത് വളർത്തിയെടുത്ത ഒരു മാതൃകാപരമായ പരിപാടിയായി.

ഐഡി കാർഡ്, യൂണിഫോം വിതരണം

ഇടയാറൻമുള എ.എം.എം. ഹയർ സെക്കൻഡറി സ്കൂളിൽ 2025 സെപ്റ്റംബർ 10 നു ലിറ്റിൽ കൈറ്റ്സിന്റെ ആഭിമുഖ്യത്തിൽ 2025–28 ബാച്ചിലെ വിദ്യാർത്ഥികൾക്കായി ഐഡി കാർഡും യൂണിഫോമും വിതരണം ചെയ്തു.

പരിപാടിയുടെ ഉദ്ഘാടനം സ്കൂൾ പ്രധാനാധ്യാപിക അനില സാമുവൽ നിർവഹിച്ചു. വിദ്യാർത്ഥികൾക്ക് ഐഡി കാർഡും യൂണിഫോമും കൈമാറി. പഠനത്തിലും, സഹപാഠ്യ പ്രവർത്തനങ്ങളിലും ലിറ്റിൽ കൈറ്റ്സ് ക്ലബ് നിർണായക പങ്ക് വഹിക്കുന്നതായും, സാങ്കേതിക വിദ്യയെ സൃഷ്ടിപരവും ഉത്തരവാദിത്വമുള്ള രീതിയിലും ഉപയോഗിക്കാനുള്ള കഴിവ് വളർത്തിക്കൊടുക്കുക എന്നതാണ് ക്ലബ്ബിന്റെ മുഖ്യ ലക്ഷ്യമെന്നും ഉദ്ഘാടന പ്രസംഗത്തിൽ വ്യക്തമാക്കി.

കൈറ്റ് മെന്റർമാരായ ആശാ പി. മാത്യുവും, ലക്ഷ്മി പ്രകാശും പരിപാടിക്ക് നേതൃത്വം നൽകി. ക്ലബ്ബിന്റെ ഭാവി പ്രവർത്തനങ്ങൾ, പരിശീലന പരിപാടികൾ, വിദ്യാർത്ഥികൾക്കുള്ള വിവിധ അവസരങ്ങൾ എന്നിവ വിശദീകരിച്ചു. വിദ്യാർത്ഥികളിൽ ഉത്തരവാദിത്തബോധവും സംഘാത്മക മനോഭാവവും വളർത്തുന്നതിനായി ഇത്തരം പരിപാടികൾ ഏറെ സഹായകരമാണെന്ന് അവർ അഭിപ്രായപ്പെട്ടു.

2025–28 ബാച്ചിലെ പുതുതായി ചേർന്ന കുട്ടികൾക്ക് ഇത് ഏറെ സന്തോഷം സമ്മാനിച്ചു. കുട്ടികളുടെ മുഖങ്ങളിലെ ആവേശവും സന്തോഷവും ചടങ്ങിനെ സ്മരണീയമാക്കി.

ലിറ്റിൽ കൈറ്റ്‌സ് പ്രിലിമിനറി ക്യാമ്പ് 2025

ഇടയാറന്മുള എ എം എം ഹയർ സെക്കൻഡറി സ്കൂളിലെ ലിറ്റിൽ കൈറ്റ്‌സ് പ്രിലിമിനറി ക്യാമ്പ് 2025 സെപ്റ്റംബർ 20-ന് ശനിയാഴ്ച രാവിലെ 9 മുതൽ വൈകുന്നേരം 4:30 വരെ ഐ.ടി. ലാബിൽ വെച്ച് നടന്നു. കൈറ്റ് പത്തനംതിട്ട മാസ്റ്റർ ട്രെയിനറായ തോമസ് എം. ഡേവിഡാണ് പരിശീലനങ്ങൾക്ക് നേതൃത്വം നൽകിയത്.

ലിറ്റിൽ കൈറ്റ്സ് അംഗങ്ങളെ അവരുടെ ചുമതലകളെയും ഉത്തരവാദിത്തങ്ങളെയും കുറിച്ച് ബോധവാന്മാരാക്കുക, ലിറ്റിൽ കൈറ്റ്സ് പ്രവർത്തന പദ്ധതികളെക്കുറിച്ച് പൊതുവായ ധാരണ നൽകുക, ഹൈടെക് ക്ലാസ് മുറികളിലെ പ്രവർത്തനങ്ങൾക്ക് പിന്തുണ നൽകാൻ അവരെ സജ്ജരാക്കുക, കൂടാതെ ഈ പദ്ധതികളിൽ രക്ഷിതാക്കളുടെ പങ്കാളിത്തം ഉറപ്പാക്കുക എന്നിവയായിരുന്നു പരിശീലനത്തിന്റെ പ്രധാന ലക്ഷ്യങ്ങൾ. ഓരോ കുട്ടിയുടെയും സജീവ പങ്കാളിത്തം ഉറപ്പാക്കിക്കൊണ്ട്, മത്സരസ്വഭാവമുള്ള ഗ്രൂപ്പ് പ്രവർത്തനങ്ങളാണ് ക്യാമ്പിൽ ആസൂത്രണം ചെയ്തത്. ഓരോ പ്രവർത്തനത്തിനും പോയിന്റുകൾ നൽകിയാണ് മുന്നോട്ട് പോയത്. ആദ്യം പൂർത്തിയാക്കിയ ഗ്രൂപ്പിന് 25 പോയിന്റും, രണ്ടാമത് പൂർത്തിയാക്കിയ ഗ്രൂപ്പിന് 20 പോയിന്റും, തുടർന്ന് 15, 10, 5 എന്നിങ്ങനെയാണ് പോയിന്റുകൾ നൽകിയത്.

ഗ്രൂപ്പിങ്

സാങ്കേതികവിദ്യ എന്ന പ്രധാന വിഷയത്തെ അടിസ്ഥാനമാക്കി, വിവിധ ഗ്രൂപ്പുകളായി തിരിഞ്ഞ് വിദ്യാർത്ഥികൾ പ്രവർത്തനങ്ങൾ ആരംഭിച്ചു. ഫേസ് സെൻസിങ്ങിന്റെ ചിത്രം ഉപയോഗിച്ച്, റോബോട്ടിക്സ്, ഇ-കൊമേഴ്‌സ്, എ.ഐ., ജി.പി.എസ്, വി.ആർ. തുടങ്ങിയ വിഷയങ്ങളിൽ ഓരോ ഗ്രൂപ്പിനും ചുമതലകൾ നൽകി.

ഇന്റർനെറ്റിന്റെ സ്വാധീനം

നിത്യജീവിതത്തിൽ ഇന്റർനെറ്റിന്റെ സ്വാധീനം വ്യക്തമാക്കുന്ന ഒരു വീഡിയോ പ്രദർശിപ്പിക്കുകയും, അതിലെ പ്രധാന ആശയങ്ങൾ ഉൾപ്പെടുത്തി ഒരു പട്ടിക തയ്യാറാക്കുകയും ചെയ്തു. തുടർന്ന്, ഗൂഗിൾ സെർച്ച് എൻജിൻ എങ്ങനെയാണ് ഉപയോഗിക്കേണ്ടതെന്നും, ഉപയോഗങ്ങളെ കുറിച്ചും വിദ്യാർത്ഥികളെ പഠിപ്പിച്ചു.

വീഡിയോ പ്രദർശനം

ഹൈടെക് കേരള എന്ന വീഡിയോ പ്രദർശിപ്പിച്ചതിനുശേഷം, പൊതുവിദ്യാഭ്യാസ വകുപ്പിന് കീഴിലുള്ള സ്കൂളുകൾക്ക് ഹൈടെക് സ്കൂൾ പദ്ധതി വഴി ലഭിച്ച സൗകര്യങ്ങൾ എന്തൊക്കെയാണെന്ന് വിദ്യാർത്ഥികൾ വിശകലനം ചെയ്ത് പട്ടികപ്പെടുത്തി. ഈ പ്രവർത്തനം, ലിറ്റിൽ കൈറ്റ്സ് ക്ലബ്ബിന്റെ ലക്ഷ്യങ്ങളെക്കുറിച്ച് എല്ലാ അംഗങ്ങൾക്കും വ്യക്തമായ ധാരണ നൽകി.

ലിറ്റിൽ കൈറ്റ്സ് പദ്ധതി പരിചയപ്പെടൽ

ഈ പ്രവർത്തനത്തിന്റെ പ്രധാന ലക്ഷ്യം, ലിറ്റിൽ കൈറ്റ്സ് പദ്ധതിയെക്കുറിച്ചും അതിലെ അംഗങ്ങളുടെ ചുമതലകളെക്കുറിച്ചും വിദ്യാർത്ഥികൾക്ക് വ്യക്തമായ ധാരണ നൽകുക എന്നതായിരുന്നു. ഈ പ്രവർത്തനം ഒരു ക്വിസ് രൂപത്തിലാണ് നടപ്പാക്കിയത്.

ലിറ്റിൽ കൈറ്റ്സിന്റെ പങ്ക്

ഈ പ്രവർത്തനത്തിലൂടെ, ലിറ്റിൽ കൈറ്റ്സ് അംഗങ്ങളുടെ പങ്കിനെക്കുറിച്ചും അവരുടെ പ്രവർത്തന പദ്ധതികളെക്കുറിച്ചും വിദ്യാർത്ഥികൾക്ക് വിശദമായ ധാരണ നൽകി.

ഗെയിം നിർമ്മാണം

ലിറ്റിൽ കൈറ്റ്സ് അംഗങ്ങളിൽ കോഡിങ് അഭിരുചി വളർത്തുന്നതിനും, സ്ക്രാച്ച് ഇന്റർഫേസ് പരിചയപ്പെടുത്തുന്നതിനും വേണ്ടിയുള്ളതായിരുന്നു ഈ പ്രവർത്തനം. ഇതിലൂടെ, സ്ക്രാച്ച് പ്രോഗ്രാമിങ്ങിനെക്കുറിച്ച് വിദ്യാർത്ഥികൾക്ക് ഒരു ധാരണ നൽകാൻ സാധിച്ചു.

അനിമേഷൻ നിർമ്മാണം

ലിറ്റിൽ കൈറ്റ്സ് പ്രവർത്തന പദ്ധതിയുടെ ഭാഗമായ അനിമേഷൻ മേഖലയും അതിനായി ഉപയോഗിക്കുന്ന ഓപ്പൺ ടൂൺസ് സോഫ്റ്റ്‌വെയറും പരിചയപ്പെടുത്തുക എന്നതായിരുന്നു ഈ പ്രവർത്തനത്തിന്റെ ലക്ഷ്യം. ഒരു തീവണ്ടിയുടെ ചലനം അനിമേറ്റ് ചെയ്യുന്നതിലൂടെ വിദ്യാർത്ഥികൾ അനിമേഷൻ നിർമ്മാണം എങ്ങനെയാണെന്ന് മനസ്സിലാക്കി.

റോബോട്ടുകളുടെ ലോകം

ഉച്ചഭക്ഷണത്തിന് ശേഷം നടന്ന ക്യാമ്പിൽ റോബോട്ടുകളെക്കുറിച്ചുള്ള ചർച്ചകളാണ് നടന്നത്. ലിറ്റിൽ കൈറ്റ്സ് അംഗങ്ങൾ അവരുടെ പ്രവർത്തനങ്ങളുടെ ഭാഗമായി റോബോട്ടിക്സ് മേഖലയെക്കുറിച്ച് ധാരണ നേടുക എന്ന ലക്ഷ്യത്തോടെയാണ് ഈ പ്രവർത്തനം സംഘടിപ്പിച്ചത്.

ഒരു റോബോട്ട് എങ്ങനെയാണ് പ്രവർത്തിക്കുന്നതെന്നും അതിന്റെ പ്രധാന ഘടകങ്ങൾ എന്തൊക്കെയാണെന്നും ക്ലാസ്സിൽ വിശദമായി പഠിപ്പിച്ചു. റോബോട്ടിക് കിറ്റിലെ സെൻസറുകൾ ഉപയോഗിച്ച് ഒരു 'ചിക്കൻ ഫീഡ്' ഉപകരണം നിർമ്മിച്ചുകൊണ്ടാണ് റോബോട്ടിക്സിന്റെ അടിസ്ഥാന ആശയങ്ങൾ വിദ്യാർത്ഥികളെ മനസ്സിലാക്കിയത്. ഇതിലൂടെ, റോബോട്ടിക് ഉപകരണങ്ങൾ നേരിട്ട് സ്പർശിച്ചറിയാനും പ്രവർത്തിപ്പിക്കാനും അവർക്ക് അവസരം ലഭിച്ചു.

ലിറ്റിൽ കൈറ്റ്സ് ഉൽപ്പന്നങ്ങൾ പരിചയപ്പെടൽ

ഈ സെഷനിൽ, സംസ്ഥാന ക്യാമ്പിൽ വിദ്യാർത്ഥികൾ തയ്യാറാക്കിയ ഉൽപ്പന്നങ്ങൾ പരിചയപ്പെടുത്തി. ഇതിലൂടെ, ലിറ്റിൽ കൈറ്റ്സ് ക്ലബ്ബിൽ ചേരുന്നതിലൂടെ വിദ്യാർത്ഥികൾക്ക് ലഭിക്കുന്ന അവസരങ്ങളെക്കുറിച്ചും സാധ്യതകളെക്കുറിച്ചും അവർക്ക് വ്യക്തമായ ധാരണ ലഭിച്ചു.

രക്ഷാകർത്താക്കൾക്കുള്ള ബോധവൽക്കരണ ക്ലാസ്

ലിറ്റിൽ കൈറ്റ്സ് ക്ലബ്ബിന്റെ പ്രാധാന്യവും, സാങ്കേതികവിദ്യയിൽ കുട്ടികളുടെ കഴിവുകൾ വളർത്തുന്നതിൽ രക്ഷിതാക്കളുടെ പങ്കും മനസ്സിലാക്കുക എന്ന ലക്ഷ്യത്തോടെയാണ് ഈ സെഷൻ നടത്തിയത്. ലിറ്റിൽ കൈറ്റ്സ് പദ്ധതിയുടെ പ്രവർത്തന രീതികൾ, അതുവഴി വിദ്യാർത്ഥികൾക്ക് ലഭിക്കുന്ന അവസരങ്ങൾ, കൂടാതെ പ്രവർത്തനങ്ങൾ കൂടുതൽ ഫലപ്രദമാക്കാൻ രക്ഷിതാക്കളുടെ സഹകരണം എങ്ങനെ ഉറപ്പാക്കാം തുടങ്ങിയ കാര്യങ്ങളെക്കുറിച്ച് രക്ഷാകർത്താക്കളെ ബോധവാന്മാരാക്കി. വിദ്യാർത്ഥികളുടെയും രക്ഷിതാക്കളുടെയും അഭിപ്രായങ്ങൾ രേഖപ്പെടുത്തിക്കൊണ്ട് ക്യാമ്പ് അവസാനിച്ചു.

ഇടയാറന്മുള എ.എം.എം. ഹയർ സെക്കൻഡറി സ്കൂളിലെ ലിറ്റിൽ കൈറ്റ്സ് യൂണിറ്റിന്റെ നേതൃത്വത്തിൽ, പൊതുവിജ്ഞാനം വർദ്ധിപ്പിക്കുക എന്ന ലക്ഷ്യത്തോടെ വിദ്യാർത്ഥികൾക്കായി ഒരു വിജ്ഞാനപ്രദമായ നോട്ടീസ് ബോർഡ് പ്രദർശനം സംഘടിപ്പിച്ചു. ഈ പ്രദർശനത്തിൽ ആന്റിബയോട്ടിക്കുകളുടെ ഉത്തരവാദിത്തമുള്ള ഉപയോഗത്തെക്കുറിച്ച് ഊന്നൽ നൽകിയിരുന്നു. ഡോക്ടറുടെ നിർദ്ദേശങ്ങൾ കർശനമായി പാലിക്കുക, നിർദ്ദേശിക്കപ്പെട്ട മരുന്നിന്റെ കോഴ്സ് പൂർണ്ണമായും കഴിക്കുക, പാർശ്വഫലങ്ങൾ ശ്രദ്ധയിൽപ്പെട്ടാൽ ഉടൻ ഡോക്ടറെ അറിയിക്കുക തുടങ്ങിയ സുപ്രധാന നിർദ്ദേശങ്ങൾ വിശദമാക്കുന്ന പത്ര കട്ടിങ്‌സുകളാണ് വിദ്യാർത്ഥികൾ പ്രദർശിപ്പിച്ചത്. കൂടാതെ, ബാക്ടീരിയൽ അണുബാധകൾക്ക് മാത്രമാണ് ഈ മരുന്നുകൾ ഫലപ്രദമെന്നും ഏതെല്ലാം രോഗങ്ങൾക്ക് ആന്റിബയോട്ടിക്കുകൾ ഉപയോഗിക്കാമെന്നും വ്യക്തമാക്കുന്ന വിവരങ്ങൾ ഉൾപ്പെടുത്തിയിരുന്നു. ഈ ബോധവൽക്കരണ പരിപാടിയിലൂടെ വിദ്യാർത്ഥികൾക്ക് മരുന്നുകളുടെ ശരിയായ ഉപയോഗത്തെക്കുറിച്ചുള്ള അവബോധം നൽകാനും, ആന്റിബയോട്ടിക് റെസിസ്റ്റൻസ് പോലുള്ള ആരോഗ്യ വെല്ലുവിളികളെക്കുറിച്ച് വിദ്യാർത്ഥികളെ ബോധവാന്മാരാക്കാനും സാധിച്ചു.

അറിവിന്റെ വാതിൽ തുറന്ന് ലിറ്റിൽ കൈറ്റ്സ്

ഇടയാറന്മുള എ.എം.എം. ഹയർ സെക്കൻഡറി സ്കൂളിലെ ലിറ്റിൽ കൈറ്റ്സ് യൂണിറ്റിന്റെ നേതൃത്വത്തിൽ, പൊതുവിജ്ഞാനം വർദ്ധിപ്പിക്കുക എന്ന ലക്ഷ്യത്തോടെ വിദ്യാർത്ഥികൾക്കായി ഒരു വിജ്ഞാനപ്രദമായ നോട്ടീസ് ബോർഡ് പ്രദർശനം 2025 ഒക്ടോബർ 16 ന് സംഘടിപ്പിച്ചു. ഈ പ്രദർശനത്തിൽ ആന്റിബയോട്ടിക്കുകളുടെ ഉത്തരവാദിത്തമുള്ള ഉപയോഗത്തെക്കുറിച്ച് ഊന്നൽ നൽകിയിരുന്നു.

ഡോക്ടറുടെ നിർദ്ദേശങ്ങൾ കർശനമായി പാലിക്കുക, നിർദ്ദേശിക്കപ്പെട്ട മരുന്നിന്റെ കോഴ്സ് പൂർണ്ണമായും കഴിക്കുക, പാർശ്വഫലങ്ങൾ ശ്രദ്ധയിൽപ്പെട്ടാൽ ഉടൻ ഡോക്ടറെ അറിയിക്കുക തുടങ്ങിയ സുപ്രധാന നിർദ്ദേശങ്ങൾ വിശദമാക്കുന്ന പത്ര കട്ടിങ്‌സുകളാണ് വിദ്യാർത്ഥികൾ പ്രദർശിപ്പിച്ചത്. കൂടാതെ, ബാക്ടീരിയൽ അണുബാധകൾക്ക് മാത്രമാണ് ഈ മരുന്നുകൾ ഫലപ്രദമെന്നും ഏതെല്ലാം രോഗങ്ങൾക്ക് ആന്റിബയോട്ടിക്കുകൾ ഉപയോഗിക്കാമെന്നും വ്യക്തമാക്കുന്ന വിവരങ്ങൾ ഉൾപ്പെടുത്തിയിരുന്നു.

ഈ ബോധവൽക്കരണ പരിപാടിയിലൂടെ വിദ്യാർത്ഥികൾക്ക് മരുന്നുകളുടെ ശരിയായ ഉപയോഗത്തെക്കുറിച്ചുള്ള അവബോധം നൽകാനും, ആന്റിബയോട്ടിക് റെസിസ്റ്റൻസ് പോലുള്ള ആരോഗ്യ വെല്ലുവിളികളെക്കുറിച്ച് വിദ്യാർത്ഥികളെ ബോധവാന്മാരാക്കാനും സാധിച്ചു.

ഡിജിറ്റൽ സ്നേഹദീപം 2025

2025 ഡിസംബർ 4-ന്, ഇടയാറൻമുള എ.എം.എം. ഹയർ സെക്കൻഡറി സ്കൂളിൽ ലിറ്റിൽ കൈറ്റ്സിന്റെ ആഭിമുഖ്യത്തിൽ വയോധികർക്കായി ഡിജിറ്റൽ കമ്പ്യൂട്ടർ പരിശീലന പരിപാടി സംഘടിപ്പിച്ചു. എല്ലാവർക്കും സാക്ഷരത എന്ന പ്രതിജ്ഞയുമായി സ്കൂളിലെ ലിറ്റിൽ കൈറ്റ്സ് അംഗങ്ങൾ സമീപ പ്രദേശങ്ങളിലെ വീടുകളിൽ നേരിട്ട് എത്തി വയോധികരെ ഡിജിറ്റൽ പഠനത്തിലേക്ക് കൈപിടിച്ച് നയിക്കുകയും ചെയ്തു.

ലിറ്റിൽ കൈറ്റ്സ് അംഗങ്ങൾ വീടുകളിൽ പോയി കമ്പ്യൂട്ടർ ഉപയോഗം, മൊബൈൽ ഫോൺ അടിസ്ഥാന പ്രവർത്തനങ്ങൾ, ഗൂഗിൾ പേ വഴി ഇലക്ട്രിസിറ്റി ബിൽ അടയ്ക്കുന്ന വിധം തുടങ്ങിയ കാര്യങ്ങൾ കുടുതൽ ലളിതമായി വിശദീകരിച്ചു. വയോധികർക്ക് സ്വയം ചെയ്യാൻ കഴിയുന്ന വിധത്തിൽ ഓരോ ഘട്ടവും ക്ഷമയോടെ പഠിപ്പിക്കുകയും അവർക്കു ഡിജിറ്റൽ ആത്മവിശ്വാസം നൽകുകയും ചെയ്തു.

ലിറ്റിൽ കൈറ്റ്സ് അംഗങ്ങളായ ദേവഗംഗ, സോണിയ എന്നിവർ ഈ സാമൂഹിക പരിശീലന പ്രവർത്തനങ്ങളിൽ സജീവമായി പങ്കെടുത്തു.

ഡിജിറ്റൽ തലമുറയിൽപ്പെട്ട ഈ വിദ്യാർത്ഥികൾ സമൂഹത്തിന് കൈമാറിയ ഈ ചെറിയ സഹായം, വയോധികർക്ക് വലിയ സ്നേഹവും ആത്മവിശ്വാസവുമാണ് സമ്മാനിച്ചത് എന്നത് ശ്രദ്ധേയമാണ്.

ഡിടിഎച്ച് ക്യാമ്പയിൻ വിജയപഥത്തിൽ

ഇടയാറൻമുള എ.എം.എം. ഹയർസെക്കൻഡറി സ്കൂളിൽ 2026 ഫെബ്രുവരി 5-ന് കൈറ്റ് വിക്ടേഴ്സ് ചാനൽ ഡിടിഎച്ച് കണക്ഷനുകളിൽ ലഭ്യമാക്കുന്നതിനായി പ്രത്യേക ക്യാമ്പയിൻ സംഘടിപ്പിച്ചു.

സ്കൂളിലെ ലിറ്റിൽ കൈറ്റ്സ് അംഗങ്ങൾ ക്യാമ്പയിനിന്റെ ഭാഗമായി ഡിടിഎച്ച് സേവനദാതാക്കളായ എയർടെൽ, ഡിജിറ്റൽ ടിവി, ഡിഷ് ടിവി, ടാറ്റ പ്ലേ തുടങ്ങിയ സ്ഥാപനങ്ങളിലേക്ക് ഇമെയിലുകൾ അയച്ചു. കൈറ്റ് വിക്ടേഴ്സ് ചാനൽ എല്ലാ ഡിടിഎച്ച് പ്ലാറ്റ്‌ഫോമുകളിലും ലഭ്യമാക്കണമെന്ന് ആവശ്യപ്പെട്ടാണ് ഈ പ്രവർത്തനം നടത്തിയത്.

ക്യാമ്പയിന് കൂടുതൽ ശക്തി നൽകുന്നതിനായി സ്കൂളിലെ മുഴുവൻ വിദ്യാർത്ഥികളുടെയും ഒപ്പുകൾ ശേഖരിക്കുകയും ചെയ്തു. കൂടാതെ, കൈറ്റ് മെന്റർമാരും അവരുടെ വീടുകളിൽ ഉപയോഗിക്കുന്ന ഡിടിഎച്ച് കണക്ഷനുകളിൽ കൈറ്റ് വിക്ടേഴ്സ് ചാനൽ ലഭ്യമാ

വിദ്യാർത്ഥികളും അധ്യാപകരും ഒരുമിച്ച് പങ്കെടുത്ത ഈ പ്രവർത്തനം വിദ്യാഭ്യാസസാങ്കേതികവിദ്യയെ കൂടുതൽ വിദ്യാർത്ഥികൾക്ക് കൈമാറുന്നതിനുള്ള ശക്തമായ ഒരു മുന്നേറ്റമായി മാറി.

പ്രശസ്ത് ആപ്പിലേക്ക് വഴികാട്ടിയായി ലിറ്റിൽ കൈറ്റ്സ്' ടെക് ടീം

ഇടയാറന്മുള എ.എം.എം ഹയർസെക്കൻഡറി സ്കൂളിൽ 2026 ഫെബ്രുവരി 11-ന് ലിറ്റിൽ കൈറ്റ്സ് യൂണിറ്റിന്റെ നേതൃത്വത്തിൽ പ്രശസ്ത്' ആപ്പ് ഇൻസ്റ്റലേഷൻ സഹായ പരിപാടി സംഘടിപ്പിച്ചു. സ്കൂളിലെ അധ്യാപകർക്ക് അവരുടെ മൊബൈൽ ഫോണുകളിൽ ആപ്പ് ഇൻസ്റ്റാൾ ചെയ്യുന്നതിനും, അതിന്റെ ഉപയോഗക്രമം മനസ്സിലാക്കുന്നതിനുമായി ലിറ്റിൽ കൈറ്റ്സ് അംഗങ്ങൾ സാങ്കേതിക സഹായം നൽകി.

വിദ്യാർത്ഥികൾ വളരെ ഉത്തരവാദിത്വത്തോടും ആത്മവിശ്വാസത്തോടും കൂടിയാണ് പരിപാടിക്ക് നേതൃത്വം നൽകിയത്. ആപ്പ് ഇൻസ്റ്റലേഷൻ, ലോഗിൻ പ്രക്രിയ, അടിസ്ഥാന പ്രവർത്തനങ്ങൾ തുടങ്ങിയവ വിദ്യാർത്ഥികൾ അധ്യാപകർക്ക് വിശദീകരിച്ചു നൽകി. ഡിജിറ്റൽ സാക്ഷരതയും വിദ്യാർത്ഥികളുടെ സാങ്കേതിക മികവും തെളിയിക്കുന്ന ഈ പ്രവർത്തനം അധ്യാപകർക്ക് ഏറെ ഉപകാരപ്രദമായി.

സർവ്വം എ.ഐ മയം — നവയുഗത്തിലേക്ക് ഒരു ചുവട്

ലിറ്റിൽ കൈറ്റ്സ് ക്ലബ്ബിന്റെ ആഭിമുഖ്യത്തിൽ സർവ്വം എ.ഐ മയം എന്ന ബോധവൽക്കരണ പരിപാടി 2026 ഫെബ്രുവരി 24-ന് എം.എം ഹയർ സെക്കൻഡറി സ്കൂളിൽ വിജയകരമായി സംഘടിപ്പിച്ചു. സ്കൂളിലെ മുഴുവൻ വിദ്യാർത്ഥികളെയും പങ്കെടുപ്പിച്ചുകൊണ്ട് പരിപാടി സമഗ്രമായ രീതിയിൽ നടന്നു.

പരിപാടിയുടെ ഉദ്ഘാടനം സ്കൂളിലെ പ്രഥമ അധ്യാപിക അനില സാമുവൽ നിർവഹിച്ചു. ആർട്ടിഫിഷ്യൽ ഇന്റലിജൻസ് എന്ന നവീന സാങ്കേതിക വിദ്യയെക്കുറിച്ചുള്ള അവബോധം വിദ്യാർത്ഥികൾക്ക് നൽകുക എന്ന ലക്ഷ്യത്തോടെ ലിറ്റിൽ കൈറ്റ്സ് ക്ലബ് പരിശീലന പരിപാടിക്ക് നേതൃത്വം നൽകി.

എ.ഐ ബോധവൽക്കരണ ക്ലാസുകൾ

ഹൈസ്കൂൾ വിഭാഗത്തിലെ വിദ്യാർത്ഥികൾക്കായി ഒമ്പതാം ക്ലാസിലെ ലിറ്റിൽ കൈറ്റ്സ് അംഗങ്ങളായ ആദിത്യ സുജിത്, രജത് രാജീവ്, ക്രിസ്റ്റി തോമസ് ജേക്കബ്, പാർത്ഥൻ ബിജു എന്നിവർ ക്ലാസുകൾ കൈകാര്യം ചെയ്തു. യുപി വിഭാഗത്തിലെ കുട്ടികൾക്കായി ആരോൺ ലിജോ, ജോഷ്വാ പി. മനോജ്, ജെഫിൻ സാം ജേക്കബ്, ജോഹന്നാ സൂസൻ സിബി, ജസ്റ്റിന സി. ജെയിംസ് എന്നിവർ പരിശീലനം നൽകി.

ക്ലാസുകൾക്ക് മാർഗനിർദേശം നൽകിയത് ലിറ്റിൽ കൈറ്റ്സ് മെന്റർമാരായ ആശാ പി. മാത്യു, ലക്ഷ്മി പ്രകാശ് എന്നിവരാണ്. കൂടാതെ അധ്യാപകരായ സീന ജോയ്, സയന വർഗീസ് എന്നിവർ പ്രവർത്തനങ്ങൾക്ക് നേതൃത്വം നൽകി.

സ്കൂളിലെ മുഴുവൻ വിദ്യാർത്ഥികൾക്കും എ.ഐയുടെ അടിസ്ഥാന ധാരണ, ഉപയോഗങ്ങൾ, ഭാവി സാധ്യതകൾ എന്നിവ വ്യക്തമായി മനസ്സിലാക്കാൻ ഈ പരിപാടി സഹായകമായി. വിദ്യാർത്ഥികളുടെ സജീവ പങ്കാളിത്തവും ആവേശകരമായ പ്രതികരണവും പരിപാടിയെ വിജയകരമാക്കി.

എ.ഐ പഠനം കുട്ടികൾക്കും രക്ഷകർത്താക്കൾക്കും പുതിയ അറിവ്

ലിറ്റിൽ കൈറ്റ്സ് ക്ലബ്ബിന്റെ ആഭിമുഖ്യത്തിൽ രക്ഷകർത്താക്കൾക്കായി സംഘടിപ്പിച്ച “സർവ്വം എ.ഐ മയം” ബോധവൽക്കരണ പരിപാടി 2026 ഫെബ്രുവരി 26-ന് എം.എം ഹയർ സെക്കൻഡറി സ്കൂളിൽ വിജയകരമായി നടന്നു.

പരിപാടിയുടെ ഉദ്ഘാടനം സ്കൂളിന്റെ പ്രഥമാധ്യാപിക അനില സാമുവൽ നിർവഹിച്ചു. ആർട്ടിഫിഷ്യൽ ഇന്റലിജൻസ് എന്ന നവീന സാങ്കേതികവിദ്യയെക്കുറിച്ചുള്ള അടിസ്ഥാന അവബോധം രക്ഷകർത്താക്കൾക്ക് നൽകുക എന്ന ലക്ഷ്യത്തോടെ ലിറ്റിൽ കൈറ്റ്സ് ക്ലബ് പരിശീലന പരിപാടിക്ക് നേതൃത്വം നൽകി.

ഒമ്പതാം ക്ലാസിലെ ലിറ്റിൽ കൈറ്റ്സ് അംഗങ്ങളായ ആദിത്യ സുജിത്, രജത് രാജീവ്, ക്രിസ്റ്റി തോമസ് ജേക്കബ്, പാർത്ഥൻ ബിജു എന്നിവർ ക്ലാസുകൾ കൈകാര്യം ചെയ്തു. ആരോൺ ലിജോ, ജോഷ്വാ പി. മനോജ് എന്നിവർ പരിപാടിയുടെ ഡോക്യുമെന്റേഷൻ നിർവഹിച്ചു.

ലിറ്റിൽ കൈറ്റ്സ് മെൻറർമാരായ ആശാ പി. മാത്യു, ലക്ഷ്മി പ്രകാശ് എന്നിവർ മാർഗനിർദേശം നൽകി. കൂടാതെ അധ്യാപകരായ സീന ജോയ്, സയന വർഗീസ് എന്നിവർ പ്രവർത്തനങ്ങൾക്ക് നേതൃത്വം നൽകി.

വാട്സാപ്പിലെ മെറ്റാ ഉപയോഗം, എ.ഐയിലെ ചതിക്കുഴികൾ തുടങ്ങിയ വിഷയങ്ങൾ ക്ലാസുകളിൽ ഉൾപ്പെടുത്തി. പരിപാടിക്ക് ശേഷം ക്യൂആർ കോഡ് സ്കാൻ ചെയ്ത് രക്ഷകർത്താക്കൾ നൽകിയ ലിങ്ക് വഴി ഫീഡ്ബാക്ക് രേഖപ്പെടുത്തി.

കുട്ടികൾ കൈകാര്യം ചെയ്ത ക്ലാസുകൾ വളരെ പ്രയോജനകരമായിരുന്നുവെന്ന് രക്ഷകർത്താക്കൾ അഭിപ്രായപ്പെട്ടു. ഇൻററാക്ടീവ് രീതിയിൽ അവതരിപ്പിച്ച ക്ലാസുകൾ രക്ഷകർത്താക്കളെ സജീവമായി പങ്കെടുപ്പിക്കാൻ സഹായിച്ചു.

സമൂഹത്തിനായി എ.ഐ ബോധവത്കരണം

ലിറ്റിൽ കൈറ്റ്സ് എട്ടാം, ഒമ്പതാം ക്ലാസ് വിദ്യാർത്ഥികളുടെ നേതൃത്വത്തിൽ പൊതുസമൂഹത്തിനായി സർവ്വം എ.ഐ മയം എന്ന പരിപാടി 2026 ഏപ്രിൽ 1-ാം തീയതി ബുധനാഴ്ച രാവിലെ 10 മണിക്ക് മാലക്കര സൺഡേ സ്കൂൾ ഹാളിൽ സംഘടിപ്പിച്ചു. ഈ പരിപാടിയിൽ ആർട്ടിഫിഷ്യൽ ഇന്റലിജൻസ് (എ.ഐ) എന്ന സാങ്കേതിക വിദ്യയുടെ പ്രാധാന്യവും അതിന്റെ ഗുണങ്ങളും ദോഷങ്ങളും സംബന്ധിച്ച വിശദമായ ക്ലാസുകൾ സമൂഹത്തിനായി അവതരിപ്പിച്ചു. സ്കൂൾ പ്രധാന അധ്യാപിക അനില പരിപാടി ഉദ്ഘാടനം ചെയ്തു. പി.ടി.എ വൈസ് പ്രസിഡണ്ട് സന്ധ്യ എം.പി ആശംസകൾ നേർന്നു. പി.ടി.എ ശുഭ നന്ദിയും അറിയിച്ചു. വിദ്യാർത്ഥികളായ ആരോൺ ലിജോ, ജോഷ്വാ, ജസ്റ്റിൻ ചെറിയാൻ ടിജു, രജത് രാജീവ് എന്നിവർ ക്ലാസിന് റിസോഴ്‌സ് പേഴ്സൺമാരായി എത്തി. കൈറ്റ് മെന്റേഴ്സായ ആശ പി മാത്യു, ലക്ഷ്മി പ്രകാശ് തുടങ്ങിയവരും സന്നിഹിതരായിരുന്നു.

എ.ഐയുടെ ഉപയോഗം മനുഷ്യരുടെ ദൈനംദിന ജീവിതത്തിൽ എങ്ങനെ സഹായകരമാകുന്നു എന്നതിനെക്കുറിച്ച് വിദ്യാർത്ഥികൾ വ്യക്തമായി വിശദീകരിച്ചു. വിദ്യാഭ്യാസം, ആരോഗ്യരംഗം, കൃഷി, വ്യാപാരം തുടങ്ങി വിവിധ മേഖലകളിൽ എ.ഐയുടെ പ്രയോഗങ്ങളും അതിലൂടെ ലഭിക്കുന്ന നേട്ടങ്ങളും അവർ ഉദാഹരണങ്ങളോടെ അവതരിപ്പിച്ചു. കൂടാതെ, എ.ഐയുടെ അനിയന്ത്രിതമായ ഉപയോഗം ഉണ്ടാക്കുന്ന സ്വകാര്യതാ പ്രശ്നങ്ങൾ, തെറ്റായ വിവരങ്ങളുടെ പ്രചരണം, തൊഴിൽ അവസരങ്ങളിൽ ഉണ്ടാകാവുന്ന മാറ്റങ്ങൾ തുടങ്ങിയ ദോഷങ്ങളെയും അവർ സമൂഹത്തിന്റെ ശ്രദ്ധയിൽപ്പെടുത്തി.

പരിപാടിയുടെ ഭാഗമായി, പൊതുസമൂഹം ഉയർത്തിയ എല്ലാ സംശയങ്ങൾക്കും വിദ്യാർത്ഥികൾ വ്യക്തവും, തൃപ്തികരവുമായ മറുപടികൾ നൽകി. ഇതിലൂടെ എ.ഐയെ ശരിയായ രീതിയിൽ മനസ്സിലാക്കാനും, ഉത്തരവാദിത്വത്തോടെ ഉപയോഗിക്കാനും സമൂഹത്തിൽ ബോധവൽക്കരണം സൃഷ്ടിക്കാൻ കഴിഞ്ഞു.

എ.ഐയുടെ സഹായത്തോടെ പൊതുസമൂഹത്തിന് ബോധവൽക്കരണം നൽകാൻ കഴിയുന്ന പ്രധാന മേഖലകൾക്കുറിച്ചും വിദ്യാർത്ഥികൾ വിശദീകരിച്ചു. ആരോഗ്യസംരക്ഷണ അവബോധം, ഓൺലൈൻ സുരക്ഷ, സാമ്പത്തിക ഇടപാടുകളുടെ സുരക്ഷ, പരിസ്ഥിതി സംരക്ഷണം, ഡിജിറ്റൽ സാക്ഷരത തുടങ്ങിയ വിഷയങ്ങളിൽ എ.ഐ അടിസ്ഥാനമാക്കിയുള്ള ഉപകരണങ്ങൾ ഉപയോഗിച്ച് എളുപ്പത്തിൽ വിവരങ്ങൾ പ്രചരിപ്പിക്കാനാകുമെന്ന് അവർ വ്യക്തമാക്കി. ഇത്തരത്തിലുള്ള പരിപാടികൾ സമൂഹത്തെ സാങ്കേതിക വിദ്യയോട് കൂടുതൽ അടുത്തുചേർക്കുകയും, ഉത്തരവാദിത്തത്തോടെ അതിനെ ഉപയോഗിക്കാൻ പ്രേരിപ്പിക്കുകയും ചെയ്യുന്നു.

സംസ്ഥാനതലത്തിൽ ലിറ്റിൽ കൈറ്റ്സിന് ഒന്നാംസ്ഥാനം – വിജയാഘോഷ റോഡ് ഷോ

2026 മാർച്ച് 14ന് സംസ്ഥാനതലത്തിൽ തുടർച്ചയായി രണ്ടാം തവണയും ലിറ്റിൽ കൈറ്റ്സ് പദ്ധതിയിൽ ഒന്നാംസ്ഥാനം നേടിയ ഇടയാറന്മുള എ.എം.എം ഹയർസെക്കൻഡറി സ്കൂളിന്റെ നേട്ടത്തിന്റെ സന്തോഷം പങ്കിടുന്നതിനായി വിവിധ സ്ഥലങ്ങളിലായി റോഡ് ഷോ സംഘടിപ്പിച്ചു.

രാവിലെ 9 മണിക്ക് സ്കൂളിൽ നിന്ന് ആരംഭിച്ച റോഡ് ഷോ പൂവത്തൂർ, കരിയിലമുക്ക്, ആറാട്ടുപുഴ, മുളക്കുഴ, പുത്തൻകാവ്, കാരക്കാട്, കോട്ട, എഴിക്കാട്, വല്ലന, കിടങ്ങന്നൂർ, മെഴുവേലി, കോട്ടയ്ക്കകം, ആറന്മുള എന്നിവിടങ്ങളിലൂടെ സഞ്ചരിച്ച് കോഴിപ്പാലത്ത് സമാപിച്ചു. ഓരോ ജംഗ്ഷനുകളിലും ചെറിയ മീറ്റിങ്ങുകൾ സംഘടിപ്പിക്കുകയും അവിടുത്തെ ജനപ്രതിനിധികളെ ആദരിക്കുകയും ചെയ്തു.

8, 9 ലിറ്റിൽ കൈറ്റ്‌സ് ബാച്ചിലെ വിദ്യാർത്ഥികൾ ആവേശപൂർവ്വം റോഷോയിൽ പങ്കെടുത്തു. റോഡ് ഷോയിൽ സ്കൂളിന്റെ മികവുകളെക്കുറിച്ച് സ്കൂൾ മാനേജർ റവ. ഡോ. ടി. ടി. സക്കറിയ, പ്രിൻസിപ്പൽ വർഗീസ് മാത്യു തരകൻ, ഹെഡ്മിസ്ട്രസ് അനില സാമുവൽ, ലിറ്റിൽ കൈറ്റ്സ് മെന്റർമാരായ ആശാ പി. മാത്യു, ലക്ഷ്മി പ്രകാശ് എന്നിവർ സംസാരിച്ചു. അധ്യാപകരായ സുനു മേരി സാമുവൽ, ബിന്ദു കെ. ഫിലിപ്പ്, പി.ടി.എ പ്രസിഡന്റ് രാജീവ് കുമാർ, സ്കൂൾ ബോർഡ് സെക്രട്ടറി റോണി എം. എബ്രഹാം എന്നിവരും സ്കൂളിന്റെ നേട്ടങ്ങളെയും ഐ.ടി മേഖലയിലെ മികവുകളെയും കുറിച്ച് സംസാരിച്ചു.

ലിറ്റിൽ കൈറ്റ്സ് അംഗമായ ക്രിസ്റ്റി തോമസ് ജേക്കബ് ലിറ്റിൽ കൈറ്റ്സ് പദ്ധതിയിലൂടെ ലഭിച്ച അനുഭവങ്ങളും ഗുണങ്ങളും പങ്കുവച്ചു. ലിറ്റിൽ കൈറ്റ്സ് പദ്ധതി സമൂഹത്തിലുണ്ടാക്കുന്ന പ്രാധാന്യവും, അതിന്റെ ഗുണഫലങ്ങളും റോഡ് ഷോയിൽ വ്യക്തമായി അവതരിപ്പിക്കുകയും വിശദീകരിക്കുകയും ചെയ്തു.

കൂടാതെ ഹരിത വിദ്യാലയം 4.0 റിയാലിറ്റി ഷോയിലെ ബെസ്റ്റ് പെർഫോർമർ ക്രിപ മറിയം മത്തായിയെ വിവിധ കേന്ദ്രങ്ങളിലെ യോഗങ്ങളിൽ അനുമോദിക്കുകയും ചെയ്തു.

വിദ്യാർത്ഥികളുടെയും അധ്യാപകരുടെയും ജനപ്രതിനിധികളുടെയും പങ്കാളിത്തം കൊണ്ട് റോഡ് ഷോ വലിയ ആവേശത്തോടെയും ജനശ്രദ്ധയോടെയും നടന്നു.

നോട്ടീസ് വിതരണം

ലിറ്റിൽ കൈറ്റ്സ് സംസ്ഥാന അവാർഡ് നേടിയതിന്റെ ഭാഗമായി സംഘടിപ്പിച്ച റോഡ് ഷോയിൽ, വിദ്യാർത്ഥികൾ ലിറ്റിൽ കൈറ്റ്സിന്റെ നേതൃത്വത്തിൽ നടത്തിയ വിവിധ പ്രവർത്തനങ്ങളും, അവയുടെ മികവുകളും പൊതുജനങ്ങൾക്കു മുന്നിൽ അവതരിപ്പിക്കുന്നതിനായി വിശദമായ നോട്ടീസ് തയ്യാറാക്കി വിതരണം ചെയ്തു.

ഡിജിറ്റൽ ഡ്രീംമേഴ്‌സ് ക്യാമ്പ് 2026

ഇടയാറന്മുള എ.എം.എം ഹയർ സെക്കൻഡറി സ്കൂളിൽ ലിറ്റിൽ കൈറ്റ്സ് ക്ലബ്ബിന്റെ ആഭിമുഖ്യത്തിൽ യു.പി വിഭാഗം കുട്ടികൾക്കായി 2026 ഏപ്രിൽ 16ന് രാവിലെ 10.30-ന് സമ്മർ ക്യാമ്പ് ആരംഭിച്ചു. മൗന പ്രാർത്ഥനയോടുകൂടിയാണ് പരിപാടിക്ക് തുടക്കം കുറിച്ചത്. തുടർന്ന് അധ്യാപിക സുജ ജേക്കബ് സ്വാഗതം ആശംസിച്ചു.

സ്വാഗത പ്രസംഗത്തിനുശേഷം സ്കൂൾ ഹെഡ്മിസ്ട്രസ് അനില സാമുവൽ ക്യാമ്പ് ഉദ്ഘാടനം ചെയ്തു. ഉദ്ഘാടന പ്രസംഗത്തിൽ ക്യാമ്പിന്റെ നടത്തിപ്പ്, ഐ.ടി പരിശീലനത്തിന്റെ ആവശ്യകത, കൂടാതെ കുട്ടികളുടെ സൃഷ്ടിപരമായ കഴിവുകൾ വികസിപ്പിക്കുന്നതിൽ ഇത്തരം ക്യാമ്പുകളുടെ പ്രാധാന്യം, അടുത്തവർഷം ലിറ്റിൽ കൈറ്റ്സിൽ ചേരുന്നതിനുള്ള തയ്യാറെടുപ്പുകൾ എന്നിവയെക്കുറിച്ച് വിശദീകരിച്ചു. തുടർന്ന് അദ്ധ്യാപിക എലിസബത്ത് കൃതജ്ഞത രേഖപ്പെടുത്തി. ഇതോടെ ഉദ്ഘാടന സമ്മേളനം സമാപിച്ചു.

അതേ ദിവസം ലിറ്റിൽ കൈറ്റ്സ് പൂർവ്വ വിദ്യാർത്ഥിയായ ആയുഷ് എസ് കുട്ടികൾക്കായി അനിമേഷൻ ക്ലാസിന്റെ അടിസ്ഥാനങ്ങൾ ലളിതവും വ്യക്തവുമായ രീതിയിൽ അവതരിപ്പിച്ചു. കുട്ടികൾ വളരെ ആകാംക്ഷയോടെയും ശ്രദ്ധയോടെയും ക്ലാസിൽ പങ്കെടുത്തു.

2026 ഏപ്രിൽ 17ന് രാവിലെ 10.30-ന് പൂർവ വിദ്യാർഥിയായ നോയൽ വർഗീസ് പ്രസന്റേഷൻ സംബന്ധിച്ച ക്ലാസ് കൈകാര്യം ചെയ്തു. പ്രായോഗികമായ അവതരണ രീതികൾ, സ്ലൈഡുകൾ തയ്യാറാക്കൽ തുടങ്ങിയ വിഷയങ്ങൾ ഉൾപ്പെടുത്തി ക്ലാസ് നടന്നു. ക്ലാസിനു ശേഷം കുട്ടികൾ അവരുടെ സംശയങ്ങൾ പങ്കുവെച്ച് വ്യക്തത നേടി.

ക്യാമ്പിന്റെ വിവിധ പ്രവർത്തനങ്ങൾ ലിറ്റിൽ കൈറ്റ്സ് അംഗങ്ങളായ ജസ്റ്റിന സി. ജെയിംസ്, ആദിത്യ എസ്., ആരോൺ, ലയ എലിസബത്ത് ഷിനോയി എന്നിവർ ഡോക്യുമെന്റേഷൻ ചെയ്തു. ക്യാമ്പിന്റെ അവസാനത്തിൽ കുട്ടികൾക്ക് ലഘുഭക്ഷണവും പാനീയവും വിതരണം ചെയ്തു. കുട്ടികളുടെ സൃഷ്ടിപരമായ കഴിവുകൾ വളർത്തുകയും സാങ്കേതിക വിദ്യയോടുള്ള അവരുടെ താൽപ്പര്യം വർധിപ്പിക്കുകയും ചെയ്ത ഈ സമ്മർ ക്യാമ്പ് വളരെ വിജയകരമായി സംഘടിപ്പിക്കപ്പെട്ടു.

ലിറ്റിൽ കൈറ്റ്സ് ഏകദിന ക്യാമ്പ് ഫെയ്സ് 1

ലിറ്റിൽ കൈറ്റ്സ് യൂണിറ്റിന്റെ ആഭിമുഖ്യത്തിൽ ഇടയാറൻമുള എ.എം.എം. ഹയർ സെക്കൻഡറി സ്കൂളിൽ 2026 മെയ് 14-ന് ഏകദിന ക്യാമ്പ് സംഘടിപ്പിച്ചു. വിദ്യാർത്ഥികളുടെ ഡിജിറ്റൽ സാങ്കേതികവിദ്യാ നൈപുണ്യങ്ങൾ വികസിപ്പിക്കുന്നതിനും സൃഷ്ടിപരമായ കഴിവുകൾ പരിപോഷിപ്പിക്കുന്നതിനുമാണ് ക്യാമ്പ് സംഘടിപ്പിച്ചത്.

ഉദ്ഘാടനം

രാവിലെ 10 മണിക്ക് ആരംഭിച്ച ക്യാമ്പ് പി.ടി.എ. പ്രസിഡന്റ് ശ്രീ. രാജീവ് കുമാർ ഉദ്ഘാടനം ചെയ്തു. വിദ്യാർത്ഥികൾ സാങ്കേതികവിദ്യയെ ക്രിയാത്മകമായി ഉപയോഗിക്കേണ്ടതിന്റെ പ്രാധാന്യം അദ്ദേഹം ഉദ്ഘാടന പ്രസംഗത്തിൽ എടുത്തുപറഞ്ഞു.

നേതൃത്വം

കൈറ്റ് മെന്റർമാരായ ശ്രീമതി സീന ജോയിയും ശ്രീമതി സയന വർഗീസും ക്യാമ്പിന് നേതൃത്വം നൽകി. എസ്.വി.ജി.വി. ഹയർ സെക്കൻഡറി സ്കൂളിലെ ശ്രീമതി രഞ്ജന പാർവതി ടീച്ചർ വിവിധ സെഷനുകൾ കൈകാര്യം ചെയ്ത് വിദ്യാർത്ഥികൾക്ക് പരിശീലനം നൽകി. ക്യാമ്പിനിടെ ആറന്മുള ഐ.ടി. കോ-ഓർഡിനേറ്റർ ശ്രീ. തോമസ് സാർ ക്യാമ്പ് സന്ദർശിച്ച് പ്രവർത്തനങ്ങൾ വിലയിരുത്തുകയും വിദ്യാർത്ഥികളെ അഭിനന്ദിക്കുകയും ചെയ്തു.

പ്രവർത്തനം 1 – ഐസ് ബ്രേക്കിംഗ് ആക്ടിവിറ്റി

വിദ്യാർത്ഥികളെ അഞ്ച് ഗ്രൂപ്പുകളായി തിരിച്ചതിന് ശേഷം ഐസ് ബ്രേക്കിംഗ് ആക്ടിവിറ്റി നടത്തി. ആർ.പി. ആക്ടിവിറ്റി വൺ ഫോൾഡറിലെ ഫൺക്വിസ് എച്ച്.ടി.എം.എൽ ഉപയോഗിച്ചാണ് പ്രവർത്തനം നടത്തിയത്. ഫേസ്ബുക്ക്, വാട്സ്ആപ്പ് തുടങ്ങിയ കുട്ടികൾ സ്ഥിരമായി ഉപയോഗിക്കുന്ന സോഷ്യൽ മീഡിയ ആപ്ലിക്കേഷനുകളുടെ പേരുകൾ കണ്ടെത്തുന്ന രസകരമായ ക്വിസ് പരിപാടിയായിരുന്നു ഇത്. കുട്ടികൾ വളരെ ആവേശത്തോടെ ഈ പ്രവർത്തനത്തിൽ പങ്കെടുത്തു.

പ്രവർത്തനം 2 – റീൽ നിർമാണം

രണ്ടാമത്തെ പ്രവർത്തനമായി റീൽ നിർമാണ പരിശീലനം നടത്തി. ഇതിനായി വിവിധ മാതൃകാ വീഡിയോകൾ വിദ്യാർത്ഥികൾക്ക് കാണിച്ചു. തുടർന്ന് ഓരോ ഗ്രൂപ്പും സ്വന്തമായി ആശയങ്ങൾ രൂപപ്പെടുത്തി റീലുകൾ നിർമ്മിച്ചു. പേന, പുസ്തകം തുടങ്ങിയ വിവിധ ഉൽപ്പന്നങ്ങളെ പരിചയപ്പെടുത്തുന്ന രീതിയിലുള്ള റീലുകളാണ് കുട്ടികൾ തയ്യാറാക്കിയത്. പ്രവർത്തനത്തിന് ശേഷം എല്ലാ റീലുകളും ക്ലാസിൽ പ്രദർശിപ്പിക്കുകയും അവ വിലയിരുത്തുകയും ചെയ്തു.

പ്രവർത്തനം 3 – പ്രമോഷൻ വീഡിയോ നിർമ്മാണം

മൂന്നാമത്തെ പ്രവർത്തനമായി പ്രമോഷൻ വീഡിയോ നിർമ്മാണം സംഘടിപ്പിച്ചു. വിദ്യാർത്ഥികൾക്ക് വിവിധ പ്രമോഷണൽ വീഡിയോകൾ പ്രദർശിപ്പിച്ചതിന് ശേഷം സ്കൂൾ കായികമേളയെ ആസ്പദമാക്കി ഒരു പ്രമോഷൻ വീഡിയോ തയ്യാറാക്കാൻ നിർദേശം നൽകി.

പ്രമോഷൻ വീഡിയോയുടെ ആമുഖം, മത്സരാർത്ഥികളുടെ അഭിപ്രായങ്ങൾ, സമാപന സന്ദേശം എന്നിവ എങ്ങനെ ഉൾപ്പെടുത്താമെന്ന് വിശദമായി അവതരിപ്പിച്ചു. ഡി.എസ്.എൽ.ആർ ക്യാമറയും മൊബൈൽ ക്യാമറയും ഉപയോഗിച്ച് ആവശ്യമായ ദൃശ്യങ്ങൾ വിദ്യാർത്ഥികൾ ചിത്രീകരിച്ചു.

പ്രവർത്തനം 4 – വീഡിയോ എഡിറ്റിംഗ്

നാലാമത്തെ പ്രവർത്തനമായി വീഡിയോ എഡിറ്റിംഗ് പരിശീലനം നൽകി. ചിത്രീകരിച്ച വീഡിയോ ക്ലിപ്പുകളിൽ നിന്നുള്ള ആവശ്യമില്ലാത്ത ഭാഗങ്ങൾ ഒഴിവാക്കുക, വിവിധ ക്ലിപ്പുകൾ കൂട്ടിച്ചേർക്കുക, ശബ്ദ ക്രമീകരണം നടത്തുക, ട്രാൻസിഷനുകളും ഇഫക്റ്റുകളും ചേർക്കുക തുടങ്ങിയ എഡിറ്റിംഗ് സാങ്കേതിക വിദ്യകൾ പരിചയപ്പെടുത്തി.

വിദ്യാർത്ഥികൾ ചിത്രീകരിച്ച വീഡിയോ റഷസ് കെഡൻലൈവ് സോഫ്റ്റ്‌വെയറിന്റെ സഹായത്തോടെ എഡിറ്റ് ചെയ്ത് മികച്ച പ്രമോഷൻ വീഡിയോകളാക്കി മാറ്റി.

വീഡിയോ പ്രദർശനവും വിലയിരുത്തലും

പ്രവർത്തനങ്ങൾ പൂർത്തിയായ ശേഷം ഓരോ ഗ്രൂപ്പും തയ്യാറാക്കിയ പ്രമോഷൻ വീഡിയോകൾ പ്രദർശിപ്പിച്ചു. സൃഷ്ടിപരത, അവതരണശൈലി, സാങ്കേതിക മികവ് തുടങ്ങിയ മാനദണ്ഡങ്ങളുടെ അടിസ്ഥാനത്തിൽ വീഡിയോകൾ വിലയിരുത്തി. ആവശ്യമായ നിർദേശങ്ങൾ നൽകുകയും മികച്ച പ്രകടനം കാഴ്ചവെച്ച ടീമിനെ അഭിനന്ദിക്കുകയും ചെയ്തു.

സമാപനം

ക്യാമ്പിന്റെ അവസാനഘട്ടത്തിൽ വിദ്യാർത്ഥികൾക്ക് അസൈൻമെന്റുകൾ നൽകി. വൈകുന്നേരം 4.30-ഓടെ ക്യാമ്പ് സമാപിച്ചു.

ഉപസംഹാരം

ഡിജിറ്റൽ മീഡിയ നിർമ്മാണം, വീഡിയോ ചിത്രീകരണം, എഡിറ്റിംഗ്, ടീം വർക്ക്, ആശയവിനിമയം തുടങ്ങിയ മേഖലകളിൽ വിദ്യാർത്ഥികൾക്ക് പ്രായോഗിക പരിചയം നേടാൻ ഈ ഏകദിന ക്യാമ്പ് സഹായകമായി. സാങ്കേതികവിദ്യയെ സൃഷ്ടിപരമായി ഉപയോഗിക്കുന്നതിനുള്ള ആത്മവിശ്വാസവും കഴിവും വളർത്തുന്നതിൽ ക്യാമ്പ് വലിയ പങ്കുവഹിച്ചു.

പത്ര വാർത്തകൾ