എ. എം .എം. ഹയർസെക്കണ്ടറി സ്കൂൾ ഇടയാറന്മുള/ലിറ്റിൽകൈറ്റ്സ്/ഫ്രീഡം ഫെസ്റ്റ്
| Home | 2023 - 26 | 2024 - 27 | 2025 - 28 |
  ഫ്രീഡം ഫെസ്റ്റ് ഡിജിറ്റൽ മാഗസിൻ LK Alumni 2018-20 2019-21 2020-23 2021-24 2022-25
|
ഫ്രീഡം ഫെസ്റ്റ് 2023
2023 ഓഗസ്റ്റ് 12 മുതൽ 15 വരെ തിരുവനന്തപുരത്ത് വച്ച് നടക്കുന്ന ഫ്രീഡം ഫെസ്റ്റിന്റെ ആശയങ്ങൾ വിദ്യാർത്ഥികളിൽ എത്തിക്കുക എന്ന് ലക്ഷ്യത്തോടുകൂടി വിവിധ പരിപാടികൾ ലിറ്റിൽ കൈറ്റ്സിന്റെ ആഭിമുഖ്യത്തിൽ സ്കൂളിൽ സംഘടിപ്പിക്കുന്നുണ്ട്.
ഐ റ്റി കോർണർ
സ്വതന്ത്ര സോഫ്റ്റ്വെയർ ആശയങ്ങളുടെ പ്രചാരണത്തോടൊപ്പം സ്വതന്ത്ര ഹാർഡ്വെയർ പ്രചാരണവും ലക്ഷ്യം വെച്ചുള്ള പ്രവർത്തനമാണ് ഐ റ്റി കോർണറിന്റെ ഭാഗമായി ആസൂത്രണം ചെയ്തിരിക്കുന്നത്
പോർട്ടബിൾ ഇലക്ട്രോണിക് വോട്ടിംഗ് മെഷീൻ (പ്രോട്ടോടൈപ്പ് )
ബസർ, എൽസിഡി (16*2) ഡിസ്പ്ലേ വിത്ത് 12 C കൺവേർട്ടർ, ജമ്പർ വയർ, പുഷ് സ്വിച്ച്, എൽഇഡി, ആർഡിനോ കോഡുകൾ എന്നിവ ഉപയോഗിച്ച് നിർമ്മിച്ച ഉപകരണം.
എക്സ്പ് ഐയ്സ്
ശാസ്ത്ര പരീക്ഷണങ്ങളും ശാസ്ത്ര പ്രൊജക്ടുകളും ചെയ്യാൻ സഹായിക്കുന്ന സോഫ്റ്റ്വെയറും ഹാർഡ്വെയറും അടങ്ങിയ ഒരു ഫ്രെയിംവർക്ക് ആണ് എക്സ്പ് ഐയ്സ്. എക്സ്പ് ഐയ്സ് എന്ന ഉപകരണത്തെ കംമ്പ്യൂട്ടറുമായ് ഒരു യു.എസ്.ബി വഴി ബന്ധിപ്പിച്ചാണ് ഉപയോഗിക്കേണ്ടത്. സ്വതന്ത്ര ഹാർഡ്വെയർ നിയമങ്ങൾ അനുസരിക്കുന്ന ഉപകരണം ആണ് എക്സ്പ് ഐയ്സ്.മൈക്രോകൺട്രോളർഅടിസ്ഥാനമാക്കി പ്രവർത്തിക്കുന്ന ഒരു ഇലക്ട്രോണിക് സർക്യൂട്ട് ആണ് എക്സ്പ് ഐയ്സിന്റെ പ്രധാനഭാഗം. വോൾട്ടേജ് സമയം തുടങ്ങിയവ അളക്കുന്നതും ലഭിച്ച വിവരങ്ങൾ തിരിച് കംമ്പ്യൂട്ടറിലേക്ക് അയക്കുന്നതും മൈക്രോകൺട്രോളർ ആണ്.ഇങ്ങനെ ലഭിച്ച വിവരങ്ങൾ പൈത്തൺ കോഡ് ഉപയോഗിച്ച് വിശകലനം ചെയ്യുകയും സ്ക്രീനിൽ തെളിയിക്കുകയും ചെയ്യുന്നു.ഒരു യു.എസ്.ബി ഉപയോഗിച്ചാണു എക്സ്പ് ഐയ്സ് കംമ്പ്യൂട്ടറുമായ് ബന്ധിപ്പിക്കുന്നത്.എക്സ്പ് ഐയ്സ് പ്രവർത്തിക്കനാവശ്യമായ വൈദ്യുതി ലഭ്യമാവുന്നത് ഈ യു.എസ്.ബി വഴിയാണ്. ഈ ഉപകരണത്തിൽ വിവിധങ്ങളായ ഇൻപുട്ട് ടെർമിനലുകൾ ഉണ്ട്.ഈ ടെർമിനലുകളിലൂടെയുള്ള വോൾട്ടത നിരീക്ഷിക്കാനും നിയന്ത്രിക്കാനും ഈ ഉപകരണത്തിനു കഴിയും. ഹയർസെക്കൻഡറിയിൽ ഊർജ്ജതന്ത്ര വിഭാഗത്തിലെ അദ്ധ്യാപകനായ സിബി മത്തായി ലിറ്റിൽ കൈറ്റ്സ് കുട്ടികൾക്ക് വിശദമായ ക്ലാസ്സ് നൽകി.
ഫയർ അലാം
ആർഡിനോ കിറ്റിലെ ബസ്സർ, ഫയർ സെൻസർ, ജമ്പർ വയർ, കോഡ്, എന്നിവ ഉപയോഗിച്ച് പൈത്തൺ സോഫ്റ്റ്വെയറിൽ തയ്യാറാക്കിയ ഫയർ അലാം.
മൊബൈൽ ആപ്പ് കൺട്രോൾ
മൊബൈൽ ആപ്പ് ഇൻവെന്റർ ഉപയോഗിച്ച് പൊതു സമൂഹത്തിന് പ്രയോജനപ്പെടുന്ന വിവിധ ഇലക്ട്രോണിക് സംവിധാനങ്ങൾ ആർഡിനോ കിറ്റുകൾ ഉപയോഗിച്ച് കുട്ടികൾ തയ്യാറാക്കി.
ഡോർ ഓപ്പണിങ്
ആർഡിനോ കിറ്റിലെ സെർവോ മോട്ടോർ, ജമ്പർ വയറുകൾ, ഐ. ആർ സെൻസർ എന്നിവ ഉപയോഗിച്ചാണ് ഈ പ്രവർത്തനം തയാറാക്കിയത്. ആരെങ്കിലും അടുത്ത് വരുമ്പോൾ സെൻസ് ചെയ്ത് ഡോർ തുറക്കുന്ന സംവിധാനമാണിത്.
ഇലക്ട്രോണിക് പ്രൊട്രാക്ടർ
ഗണിത പഠനം എളുപ്പമാക്കുന്ന ഇലക്ട്രോണിക് പ്രൊട്രാക്ടർ, ആർഡിനോ കിറ്റിലെ സർവ്വോ മോട്ടോർ, ജമ്പർ വയർ എന്നിവ ഉപയോഗിച്ച് മൊബൈൽ ആപ്പ് ഇൻവെന്റർ ഉപയോഗിച്ച് തയ്യാറാക്കിയ പ്രവർത്തനം.
ആർ ജി ബി ലൈറ്റ്
റെഡ്, ഗ്രീൻ, ബ്ലൂ എൽ.ഇ.ഡി ലൈറ്റുകൾ, ജമ്പർ വയറുകൾ തുടങ്ങിയവ ഉപയോഗിച്ച് എം.ഐ.ടി ആപ്പ് ഇൻവെന്റർ ഉപയോഗിച്ച് മൊബൈലിൽ തയ്യാറാക്കിയ പ്രോഗ്രാം.
ഉബണ്ടു ഇൻസ്റ്റലേഷൻ
പൊതുജനങ്ങൾക്കും, രക്ഷിതാക്കൾക്കും ഉബണ്ടു ഇൻസുലേഷൻ ലിറ്റിൽ കൈറ്റ്സ് കുട്ടികളുടെ സഹായത്താൽ നടത്തി.
സോഫ്റ്റ്വെയർ വോട്ടിംഗ് മെഷീൻ
സ്വതന്ത്രസോഫ്റ്റ് വെയർ ഉപയോഗിച്ച് വോട്ടിങ്ങ് മെഷിൻ ഇൻസ്റ്റാൾ ചെയ്ത് പ്രവർത്തനം മറ്റു വിദ്യാർഥികളിൽ എത്തിച്ചു.
ആനിമേഷൻ
ബ്ലെൻഡർ, ഓപ്പൺ ഷോട്ട് വീഡിയോ എഡിറ്റർ, റ്റുപി ട്യൂബ് ഡെസ്ക് തുടങ്ങിയ സോഫ്റ്റ്വെയറുകളിൽ സമൂഹത്തിന് ബോധവൽക്കരണം നൽകുന്ന അനിമേഷനുകൾ തയ്യാറാക്കി പ്രദർശിപ്പിച്ചു.
രക്ഷകർത്താക്കൾക്കുള്ള സൈബർ സെക്യൂരിറ്റി ക്ലാസ്
സത്യമേവ ജയതേ, അമ്മയെ അറിയാൻ തുടങ്ങിയ ലിറ്റിൽ കൈറ്റ്സിന്റെ വിവിധ പ്രവർത്തനങ്ങളുടെ മോഡ്യൂളുകൾ ഉപയോഗിച്ച് രക്ഷകർത്താക്കൾക്കുള്ള സൈബർ സെക്യൂരിറ്റി ക്ലാസുകൾ ലിറ്റിൽ കൈറ്റ്സ് കുട്ടികൾ നടത്തി.
ഗേറ്റ് വേ ടു എ.ഐ
ലിറ്റിൽ കൈറ്റ്സിന്റെ ആഭിമുഖ്യത്തിൽ 'നിർമ്മിത ബുദ്ധിയും വിദ്യാർത്ഥികളും' എന്ന വിഷയത്തെ അധികരിച്ചു നടന്ന സെമിനാറിനു ശ്രീ. ജോയൽ ജോൺ നേതൃത്വം നൽകി.
അനിമേഷൻ
ബ്ലെൻഡർ, ഓപ്പൺ ഷോട്ട് വീഡിയോ എഡിറ്റർ, റ്റുപി ട്യൂബ് ഡെസ്ക് തുടങ്ങിയ സോഫ്റ്റ്വെയറുകളിൽ സമൂഹത്തിന് ബോധവൽക്കരണം നൽകുന്ന അനിമേഷനുകൾ തയ്യാറാക്കി പ്രദർശിപ്പിച്ചു.
ഫ്രീഡം ഫെസ്റ്റ് പോസ്റ്റർ മത്സരം
ലിറ്റിൽ കൈറ്റ്സ് വിദ്യാർത്ഥികൾക്ക് പോസ്റ്റർ നിർമ്മാണ മത്സരം സംഘടിപ്പിച്ചു. 8, 9, 10 ക്ലാസുകളിലെ ലിറ്റിൽ കൈറ്റ്സ് കുട്ടികൾക്ക് പ്രത്യേക മത്സരമാണ് സ്കൂൾ സംഘടിപ്പിക്കുന്നത്.ഏറ്റവും മികച്ച പോസ്റ്ററുകൾ തയ്യാറാക്കുന്ന കുട്ടികൾക്ക് സമ്മാനവും പ്രഖ്യാപിച്ചിട്ടുണ്ട്.
സ്പെഷ്യൽ അസംബ്ലി
ആഗസ്റ്റ് 9 ബുധനാഴ്ച സ്കൂൾ അസംബ്ലിയിൽ സ്വതന്ത്ര വിജ്ഞാനോത്സവവുമായി ബന്ധപ്പെട്ട സന്ദേശം ലിറ്റിൽ കൈറ്റ്സ് കുട്ടികൾ വായിച്ചു. ലിറ്റിൽ കൈറ്റ്സ് മിസ്ട്രസ് ഫ്രീഡം ഫസ്റ്റ് 2023 എന്താണ് എന്നുള്ള ആശയം കുട്ടികളിലും അദ്ധ്യാപകരിലും എത്തിച്ചു.
പോസ്റ്റർ നിർമ്മാണ മത്സരം
ജിമ്പ്,കൃത തുടങ്ങിയ സോഫ്റ്റ്വെയർ ഉപയോഗിച്ച് ഫ്രീഡം ഫസ്റ്റ് 2023ന്റെ ആശയങ്ങൾ മറ്റുള്ളവരിൽ എത്തുന്ന പോസ്റ്ററുകൾ നിർമ്മിച്ച് സാമൂഹ്യ മാധ്യമങ്ങളിൽ പ്രചരിപ്പിച്ചു. ഓരോ സ്റ്റാൻഡേർഡിലെയും ലിറ്റിൽ കൈറ്റ്സ് കുട്ടികൾ തയ്യാറാക്കിയ മികച്ച പോസ്റ്ററുകൾക്ക് സമ്മാനങ്ങൾ നൽകി. ഏറ്റവും മികച്ച 5 പോസ്റ്ററുകൾ സ്കൂൾ വിക്കിയിൽ അപ്പ്ലോഡ് ചെയ്തു. പോസ്റ്ററുകൾ പ്രിന്റ് എടുത്ത് സ്കൂൾ നോട്ടീസ് ബോർഡിൽ പ്രദർശിപ്പിച്ചു.
ഡിജി ഫിറ്റ് 2024
2024- 27 ലിറ്റിൽ കൈറ്റ്സ് വിദ്യാർത്ഥികളുടെ നേതൃത്വത്തിൽ പ്രൈമറി സ്കൂളുകളിലെ 500-ലധികം വിദ്യാർത്ഥികൾക്ക് 6 മാസത്തെ ഒരു പരിപാടിയായി അനിമേഷൻ, മലയാളം ടൈപ്പിംഗ്, സൈബർ സുരക്ഷ, എഐ, റോബോട്ടിക്സ്, ഇ-ക്യൂബ് തുടങ്ങിയ വിഷയങ്ങളിലുള്ള ക്ലാസുകൾ സംഘടിപ്പിച്ചു. വിദ്യാർത്ഥികൾ തന്നെ ഈ പദ്ധതിയിൽ നേതൃത്വം നൽകുന്നത് വളരെ പ്രശംസനീയമാണ്. ക്രിസ്റ്റി തോമസ് ജേക്കബ്, ആദിശങ്കരൻ, ജസ്റ്റിൻ ചെറിയാൻ ടിജു, ആദിത്യാ സുജിത്ത്,രജത്ത് രാജീവ്, നിബിൻ എബ്രഹാം നിബു തുടങ്ങിയ വിദ്യാർത്ഥികൾ ആണ് ഈ പ്രവർത്തനങ്ങൾക്ക് ആർ പി ആയി എത്തിയത്. ഈ പരിപാടിയുടെ അവസാനത്തോടെ, വിദ്യാർത്ഥികൾക്ക് ഈ വിഷയങ്ങളിൽ അടിസ്ഥാന അറിവ് ലഭിക്കുകയും, സാങ്കേതിക വിദ്യയോടുള്ള താത്പര്യം വർധിക്കുകയും ചെയ്തു. ഭാവിയിൽ, കൂടുതൽ വിദ്യാർത്ഥികളെ ഇത്തരം പരിപാടികളിൽ ഉൾപ്പെടുത്തുക എന്ന ലക്ഷ്യത്തോടെ ഈ പദ്ധതി വികസിപ്പിക്കാനുള്ള ശ്രമങ്ങൾ നടക്കുന്നു.
ഇ-ക്യൂബ്
കേരളത്തിലെ പ്രൈമറി, അപ്പർ പ്രൈമറി സ്കൂളുകളിലെ ഇംഗ്ലീഷ്, ഹിന്ദി ഭാഷാ പ്രാവീണ്യം മെച്ചപ്പെടുത്തുന്നതിനായി കൈറ്റ് വികസിപ്പിച്ച ഒരു പരിപാടിയാണ്. കൊച്ചുകുട്ടികളിൽ ഇംഗ്ലീഷ് പ്രാവണ്യം വളർത്തുവാൻ വിവിധ പ്രവർത്തനങ്ങളിലൂടെ കൈറ്റ്സ് വിദ്യാർത്ഥികൾക്ക് കഴിയുന്നു.
അനിമേഷൻ
ഓപ്പൺ ടൂൺസ് പോലുള്ള അനിമേഷൻ സോഫ്റ്റ്വെയറുകൾ ഉപയോഗിച്ച് വിദ്യാർത്ഥികൾക്ക് വിവിധ കാർട്ടൂൺ കഥാപാത്രങ്ങളുടെ ചലനം സൃഷ്ടിക്കുന്നതിനുള്ള അവസരം ഒരുക്കി.
മലയാളം ടൈപ്പിംഗ്
മലയാള അക്ഷരങ്ങൾ ടൈപ്പ് ചെയ്യുവാൻ വിദ്യാർത്ഥികൾ പരിശീലിച്ച് വരുന്നു.
സൈബർ സുരക്ഷ ക്ലാസുകൾ
സ്മാർട്ട്ഫോൺ, ഇന്റർനെറ്റിന്റെ സുരക്ഷിത ഉപയോഗം, ഇന്റർനെറ്റിന്റെ വിവിധ ഉപയോഗങ്ങൾ, രക്ഷകർത്താക്കളുടെ ഫോൺ ഉപയോഗിക്കുന്ന വിദ്യാർത്ഥികൾ, പാസ്വേർഡിന്റെ പ്രാധാന്യം എന്നീ വിഷയങ്ങളിൽ വിശദമായ ചർച്ച നടന്നു. പ്രത്യേകിച്ചും, സ്മാർട്ട്ഫോൺ ഉപയോഗത്തിൽ രക്ഷകർത്താക്കളെ ബോധവൽക്കരിക്കേണ്ടതിന്റെ ആവശ്യകതയെക്കുറിച്ച് ഊന്നിപ്പറഞ്ഞുകൊണ്ടാണ് ക്ലാസ് അവസാനിച്ചത്.
മലയാളം ടൈപ്പിംഗ്
മലയാള അക്ഷരങ്ങൾ മനസ്സിലാക്കാനുള്ള അവസരം ഈ ക്ലാസിൽ വിദ്യാർത്ഥികൾക്ക് ലഭിച്ചു. ഇതുവഴി, ബാല്യകാലത്തുതന്നെ മലയാള ലിപിയുടെ അടിസ്ഥാനം വിദ്യാർത്ഥികളിൽ ഉറപ്പിക്കാൻ സാധിച്ചു.
റോബോട്ടിക്സ്
ചുറ്റുപാടുകളിലെ മാറ്റങ്ങൾ മനസ്സിലാക്കാൻ സഹായിക്കുന്ന സെൻസറുകളെക്കുറിച്ചും, റോബോട്ടുകളെ നിയന്ത്രിക്കുന്നതിനുള്ള പ്രോഗ്രാമിംഗ് ഭാഷകളെക്കുറിച്ചും വിദ്യാർത്ഥികൾക്ക് വ്യക്തമായ ധാരണ നൽകി. തുടർന്നുള്ള ക്ലാസുകളിൽ വിവിധ പ്രായോഗിക പ്രവർത്തനങ്ങൾ നൽകി ഈ അറിവ് ഉറപ്പിക്കാനാണ് ഉദ്ദേശിക്കുന്നത്.
എഐ ക്ലാസുകൾ
വിവിധ എഐ സങ്കേതങ്ങളെക്കുറിച്ചും, അവയുടെ ഉപയോഗങ്ങളെക്കുറിച്ചും വിശദമായ ചർച്ച നടത്തി. പല വിദ്യാർത്ഥികൾക്കും ഈ സങ്കേതങ്ങൾ നേരിട്ട് ഉപയോഗിക്കുന്നതിന്റെ അനുഭവം ലഭിച്ചു.
ഡിജി ഫിറ്റ് ക്ലാസുകൾ കാണുവാൻ സന്ദർശിക്കുക
സോഫ്റ്റ്വെയർ സ്വാതന്ത്ര്യ ദിനം 2025
സ്വാതന്ത്ര്യ സോഫ്റ്റ്വെയർ ദിനാചരണത്തിന്റെ ഭാഗമായി, വിദ്യാർത്ഥികളിൽ സ്വതന്ത്ര സോഫ്റ്റ്വെയറുകളെക്കുറിച്ചുള്ള അവബോധം വളർത്തുന്നതിനായി എ.എം.എം ഹയർ സെക്കൻഡറി സ്കൂളിൽ ശില്പശാലകൾ, പ്രദർശനങ്ങൾ, സെമിനാറുകൾ എന്നിങ്ങനെ വിവിധ പരിപാടികൾ സംഘടിപ്പിച്ചു. ഇത് പുതിയ തലമുറയ്ക്ക് സ്വതന്ത്ര സോഫ്റ്റ്വെയറുകളുടെ പ്രാധാന്യത്തെക്കുറിച്ചും അവ സമൂഹത്തിൽ ചെലുത്തുന്ന സ്വാധീനത്തെക്കുറിച്ചും മനസ്സിലാക്കാൻ സഹായിച്ചു.
രക്ഷകർത്താക്കൾക്കുള്ള സെമിനാർ
സ്വാതന്ത്ര്യ സോഫ്റ്റ്വെയർ ദിനാചരണത്തോടനുബന്ധിച്ച് 2025 സെപ്റ്റംബർ 20-ന് എ.എം.എം. ഹയർ സെക്കൻഡറി സ്കൂളിലെ ഐ.ടി. ലാബിൽ വെച്ച് രക്ഷാകർത്താക്കൾക്കായി സെമിനാർ സംഘടിപ്പിച്ചു. 2024-27 ബാച്ചിലെ വിദ്യാർത്ഥികളുടെ നേതൃത്വത്തിൽ നടന്ന ഈ പരിപാടിയിൽ, സ്വതന്ത്ര സോഫ്റ്റ്വെയറുകളുടെ ഉപയോഗം, അവയുടെ പ്രാധാന്യം, സമൂഹത്തിൽ മുതിർന്നവർക്ക് അവ എങ്ങനെ പ്രയോജനപ്പെടുത്താം തുടങ്ങിയ വിഷയങ്ങളിൽ ആദിത്യ സുജിത്ത് വിശദമായ ക്ലാസ് നയിച്ചു. ഈ സംരംഭം, സാങ്കേതികവിദ്യയുടെ ലോകത്ത് സ്വതന്ത്ര സോഫ്റ്റ്വെയറുകളുടെ സാധ്യതകളെക്കുറിച്ച് രക്ഷാകർത്താക്കൾക്ക് അവബോധം നൽകുന്നതിന് സഹായകമായി.
അസംബ്ലി
2025 സെപ്റ്റംബർ 22-ന് എ.എം.എം. ഹയർ സെക്കൻഡറി സ്കൂളിൽ നടന്ന സ്വതന്ത്ര സോഫ്റ്റ്വെയർ ദിനാചരണത്തോടനുബന്ധിച്ച് ഒരു പ്രത്യേക അസംബ്ലി സംഘടിപ്പിച്ചു. അഞ്ച് മുതൽ പത്ത് വരെ ക്ലാസുകളിലെ മുഴുവൻ വിദ്യാർത്ഥികളും ഈ പരിപാടിയിൽ പങ്കെടുത്തു. പരിപാടിയുടെ എല്ലാ പ്രവർത്തനങ്ങൾക്കും നേതൃത്വം നൽകിയത് ലിറ്റിൽ കൈറ്റ്സ് വിദ്യാർത്ഥികളാണ്. എട്ടാം ക്ലാസ്സിലെ ജോഷ്വ, നിവേദ്, ദേവഗംഗ എന്നിവർക്ക് പുറമെ ഗൗരി കൃഷ്ണ, ക്രിസ്റ്റി തോമസ് ജോർജ്, ആദിത്യ സുജിത്ത്, ജസ്റ്റിൻ ചെറിയാൻ ടിജു, ആദിശങ്കരൻ, പൊന്നി സജി എന്നിവരും നേതൃനിരയിലുണ്ടായിരുന്നു.
അഡ്മിനിസ്ട്രസ് അനില സാമുവേൽ അധ്യക്ഷസ്ഥാനം വഹിച്ച ഈ അസംബ്ലി പ്രാർത്ഥനാഗാനത്തോടെ ആരംഭിച്ചു. തുടർന്ന് സ്കൂൾ ഗായകസംഘം ദേശീയഗാനവും ആലപിച്ചു.
പ്രതിജ്ഞ
സ്വതന്ത്ര സോഫ്റ്റ്വെയർ ദിനാചരണത്തിന്റെ ഭാഗമായി നടന്ന അസംബ്ലിയിൽ പൊന്നി സജി പ്രതിജ്ഞ ചൊല്ലിക്കൊടുത്തു.
സന്ദേശം
ക്രിസ്റ്റി തോമസ് ജോർജ് സ്വതന്ത്ര സോഫ്റ്റ്വെയറുകളെക്കുറിച്ചുള്ള സന്ദേശം വിദ്യാർത്ഥികൾക്ക് നൽകി. സ്വതന്ത്ര സോഫ്റ്റ്വെയറുകൾ എങ്ങനെ ഉപയോഗിക്കാം, അവ സമൂഹത്തിൽ ചെലുത്തുന്ന സ്വാധീനം എന്താണ് എന്നിവ ഈ സന്ദേശത്തിലൂടെ വിദ്യാർത്ഥികൾക്ക് മനസ്സിലാക്കാൻ സാധിച്ചു.
പോസ്റ്റർ പ്രദർശനം
എട്ടാം ക്ലാസിലെ ലിറ്റിൽ കൈറ്റ്സ് വിദ്യാർത്ഥികൾ തയ്യാറാക്കിയ വിവിധ സ്വതന്ത്ര സോഫ്റ്റ്വെയറുകളുടെ പോസ്റ്ററുകൾ അസംബ്ലിയിൽ പ്രദർശിപ്പിച്ചു. ഈ പോസ്റ്ററുകൾ വളരെ ആകർഷകമായി ഒരുക്കിയിരുന്നത് വിദ്യാർത്ഥികളുടെ ശ്രദ്ധ പിടിച്ചുപറ്റി.
റോബോട്ടിക്സ് വിഭാഗം
റോബോട്ടിക്സ് വിഭാഗം പരിപാടിക്ക് കൂടുതൽ നിറം നൽകി. ജസ്റ്റിൻ ചെറിയാൻ ടിജു ആർഡിനോ കിറ്റ് ഉപയോഗിച്ചുള്ള സെൻസറുകളുടെ പ്രവർത്തനം പരീക്ഷണങ്ങളിലൂടെ വിശദീകരിച്ചു. ഈ പ്രായോഗിക പ്രദർശനം വിദ്യാർത്ഥികൾക്ക് സാങ്കേതികവിദ്യയെക്കുറിച്ച് കൂടുതൽ ഉൾക്കാഴ്ച നൽകി.
റോബോട്ടിക്സ് ക്ലാസ്
ഇടയാറന്മുള എ എം എം ഹയർ സെക്കൻഡറി സ്കൂളിലെ പത്താം ക്ലാസ് വിദ്യാർത്ഥികൾക്കായി 2023-26 ബാച്ചിലെ ലിറ്റിൽ കൈറ്റ്സ് വിദ്യാർത്ഥികളായ അമീൻ മുഹമ്മദ്, അക്ഷയ് എ എസ്, 2024-27 ബാച്ചിലെ ജസ്റ്റിൻ എന്നിവരുടെ നേതൃത്വത്തിൽ റോബോട്ടിക്സ് ക്ലാസ് സംഘടിപ്പിച്ചു. പത്താം ക്ലാസിലെ മുഴുവൻ വിദ്യാർത്ഥികളും ഈ ക്ലാസ്സിൽ പങ്കെടുത്തു.
ഈ ക്ലാസ്സിൽ, ആർഡിനോ കിറ്റിലെ ഉപകരണങ്ങൾ, അവയുടെ ഉപയോഗങ്ങൾ, സെൻസറുകളുടെ പ്രവർത്തനരീതി, സാധ്യതകൾ തുടങ്ങിയ വിഷയങ്ങളെക്കുറിച്ച് വിദ്യാർത്ഥികൾക്ക് വിശദമായ അറിവ് നൽകി. ഈ പ്രവർത്തനം പത്താം ക്ലാസിലെ പ്രാക്ടിക്കൽ പരീക്ഷയ്ക്ക് വിദ്യാർത്ഥികളെ കൂടുതൽ സജ്ജരാക്കാൻ സഹായിക്കുമെന്ന് പ്രതീക്ഷിക്കുന്നു.
ചിത്രരചനാ മത്സരങ്ങൾ
ജിമ്പ് , ഇങ്ക്സ്കേപ്പ് പോലുള്ള സ്വതന്ത്ര സോഫ്റ്റ്വെയറുകൾ ഉപയോഗിച്ച്, 2023-26, 2024-27 ബാച്ചിലെ ലിറ്റിൽ കൈറ്റ്സ് വിദ്യാർത്ഥികൾക്കായി ലോഗോ ഡിസൈൻ മത്സരങ്ങളും, ചിത്രരചനാ മത്സരങ്ങളും സംഘടിപ്പിച്ചു.
നോട്ടീസ് വിതരണം
സ്വതന്ത്ര സോഫ്റ്റ്വെയർ ദിനാചരണത്തിന്റെ ഭാഗമായുള്ള പ്രചാരണത്തിനായി, 2025-28 ബാച്ചിലെ ലിറ്റിൽ കൈറ്റ്സ് വിദ്യാർത്ഥികളുടെ നേതൃത്വത്തിൽ നോട്ടീസ് വിതരണം നടത്തി. സമീപപ്രദേശത്തെ വിദ്യാലയങ്ങളിലും വീടുകളിലെ മുതിർന്നവർക്കിടയിലും, സ്ഥാപനങ്ങളിലുമായിട്ടാണ് ഇത് നടത്തിയത്.
നോട്ടീസ് തയ്യാറാക്കുമ്പോഴും, അത് വിതരണം ചെയ്യുമ്പോഴും, സ്വതന്ത്ര സോഫ്റ്റ്വെയറിനെക്കുറിച്ച് വിദ്യാർത്ഥികൾക്ക് കൂടുതൽ അറിവും വ്യക്തതയും ലഭിച്ചു. സ്വതന്ത്ര സോഫ്റ്റ്വെയർ എന്താണ്, അതിന്റെ പ്രാധാന്യം, ഈ ദിനാചരണത്തിന്റെ ലക്ഷ്യം എന്നിവയെക്കുറിച്ച് സമൂഹത്തിൽ അവബോധം സൃഷ്ടിക്കാൻ ഇത് സഹായിക്കുന്നു. പ്രചാരണ പരിപാടി സംഘടിപ്പിച്ച് നടപ്പിലാക്കിയതിലൂടെ ടീം വർക്ക്, ഉത്തരവാദിത്തബോധം, നേതൃത്വപാടവം എന്നിവ വിദ്യാർത്ഥികളിൽ വളർത്താൻ സഹായിച്ചു.
ഫ്രീഡം ഫെസ്റ്റ് 2025
2025 സെപ്റ്റംബർ 22ന് 2023-26, 2024-27ബാച്ചിലെ ലിറ്റിൽ കൈറ്റ്സ് വിദ്യാർത്ഥികളുടെ നേതൃത്വത്തിൽ സ്കൂളിൽ ഫ്രീഡം ഫെസ്റ്റ് 2025 എന്ന പേരിൽ എക്സിബിഷൻ സംഘടിപ്പിച്ചു. അനിമേഷൻ, റോബോട്ടിക്സ്, സ്വതന്ത്ര സോഫ്റ്റ്വെയറുകൾ എന്നീ വിഭാഗങ്ങളിലായി വിദ്യാർത്ഥികൾ തങ്ങളുടെ സൃഷ്ടികളും പ്രോജക്റ്റുകളും പ്രദർശിപ്പിച്ചു. ഈ പ്രദർശനം കാണുന്നതിനായി സമീപപ്രദേശത്തെ വിദ്യാലയങ്ങളിൽനിന്ന് ധാരാളം വിദ്യാർത്ഥികൾ എത്തിച്ചേർന്നത് പരിപാടിയുടെ വിജയത്തിന് മാറ്റ് കൂട്ടി.
അനിമേഷൻ വിഭാഗം
അനിമേഷൻ വിഭാഗത്തിൽ ബ്ലെൻഡർ സോഫ്റ്റ്വെയർ ഉപയോഗിച്ച് വിദ്യാർത്ഥികൾ അവതരിപ്പിച്ച വിവിധ പ്രോജക്റ്റുകൾ ശ്രദ്ധേയമായി. ഇതിൽ, ക്രിസ്റ്റി തോമസ് എന്ന വിദ്യാർത്ഥിയുടെ പ്രവർത്തനം പ്രത്യേകം എടുത്തുപറയത്തക്കതാണ്
- സ്കൂളിന്റെ ത്രീഡി ചിത്രങ്ങളും വീഡിയോകളും
- ത്രീഡി വേസ്റ്റ് മാനേജ്മെന്റ് മോഡൽ
- ത്രീഡി സിറ്റി മോഡൽ
ത്രീഡി സ്കൂൾ ഫ്യൂച്ചർ മോഡൽ, ഈ ത്രീഡി മോഡലുകൾ വിദ്യാർത്ഥികളിൽ കൗതുകം ഉളവാക്കി, ഒപ്പം സാങ്കേതികവിദ്യയുടെ സാധ്യതകളെക്കുറിച്ച് മറ്റുള്ളവർക്ക് പുതിയ അറിവ് നൽകുകയും ചെയ്തു.
റോബോട്ടിക്സ് വിഭാഗം
റോബോട്ടിക്സ് വിഭാഗത്തിൽ ആർഡ്യൂനോ കിറ്റിലെ വിവിധ ഘടകങ്ങൾ ഉപയോഗിച്ച് കൂടുതൽ പ്രായോഗികമായ ഉപകരണങ്ങൾ പ്രദർശിപ്പിച്ചു.
- ബ്ലൂടൂത്ത് കൺട്രോൾ റോബോട്ട് കാർ
- പ്രോക്സിമിറ്റി ഡിസ്റ്റൻസ് അലർട്ട്
- വിവിധ തരം സെൻസറുകളുടെ പ്രവർത്തനങ്ങൾ
റോബോട്ടിക്സിലെ ഈ ഇനങ്ങൾ സാങ്കേതികപരമായ കഴിവുകൾ വിദ്യാർത്ഥികൾക്ക് നേരിട്ട് മനസ്സിലാക്കാൻ അവസരം നൽകി.
സ്ക്രൈബസ് സോഫ്റ്റ്വെയർ
ഈ സോഫ്റ്റ്വെയർ ഉപയോഗിച്ച് തയ്യാറാക്കിയ വിവിധ ഡിജിറ്റൽ മാഗസിനുകളും, അതിന്റെ ഉപയോഗ രീതികളും പരിചയപ്പെടുത്തി.
സ്ക്രാച്ച് സോഫ്റ്റ്വെയർ
സ്ക്രാച്ച് ഉപയോഗിച്ച് വിദ്യാർത്ഥികൾ വിവിധ ഗെയിമുകൾ നിർമ്മിച്ച് അവതരിപ്പിച്ചു, ഇത് പ്രോഗ്രാമിംഗിന്റെ അടിസ്ഥാന പാഠങ്ങൾ ലളിതമായി പഠിക്കാൻ സഹായിക്കുന്നതായി.
ഭിന്നശേഷി കുട്ടികളുടെ കൈകളിൽ സാങ്കേതിക ലോകം
ഫ്രീ സോഫ്റ്റ്വെയർ ഡേയുടെ ഭാഗമായി എ.എം.എം. ഹയർ സെക്കൻഡറി സ്കൂളിലെ 2024-27 ബാച്ചിലെ ലിറ്റിൽ കൈറ്റ്സ് വിദ്യാർത്ഥികളുടെ നേതൃത്വത്തിൽ 2025 സെപ്റ്റംബർ 24ന് തിരുവല്ല സി.എസ്.ഐ വി.എച്ച്.എസ്.എസ് ഫോർ ദ ഡെഫ് സ്കൂളിലെ ഭിന്നശേഷി കുട്ടികൾക്കായി വൈവിധ്യമാർന്ന പ്രദർശനങ്ങളും പരിശീലനങ്ങളും സംഘടിപ്പിച്ചു.
പരിപാടിക്ക് സ്വാഗതം ആശംസിച്ചത് സ്കൂളിലെ സീനിയർ അധ്യാപികയും എസ്ഐടിസിയുമായ സോണി ഗബ്രിയേലാണ്. ലിറ്റിൽ കൈറ്റ്സ് പ്രവർത്തനങ്ങൾക്ക് നേതൃത്വം നൽകിയത് കൈറ്റ് മെന്റേഴ്സായ ആശാ പി. മാത്യുവും, ലക്ഷ്മി പ്രകാശും ചേർന്നാണ്. പരിപാടി ഡോക്യുമെന്റ് ചെയ്തത് ലിറ്റിൽ കൈറ്റ്സ് അംഗമായ ആദിത്യ സുജിത്താണ്.
ഫ്രീ സോഫ്റ്റ്വെയറിനെ ആശ്രയിച്ചുകൊണ്ട് ഭിന്നശേഷി കുട്ടികൾക്കായി ഒരുക്കിയ ഈ പരിപാടി, സാങ്കേതിക വിദ്യ അവരുടെ ജീവിതത്തെയും പഠനത്തിനെയും സമ്പന്നമാക്കുന്നതിൽ വലിയ പങ്കുവഹിച്ചു.
വിദ്യാർത്ഥികളുടെ അവതരണങ്ങൾ
കുട്ടികൾക്ക് ത്രീഡി സ്കൂൾ മോഡൽ, വേസ്റ്റ് മാനേജ്മെന്റ് ആനിമേഷൻ, സ്ക്രാച്ച് ഗെയിംസ്, സിറ്റി മോഡൽ, സ്കൂൾ ഫ്യൂച്ചർ മോഡൽ, സോഫ്റ്റ്വെയർ ഐക്കൺ ആനിമേഷൻ തുടങ്ങിയവ അവതരിപ്പിച്ചു. ഇവ കുട്ടികൾക്ക് സാങ്കേതിക ലോകത്തിന്റെ പുതിയ സാധ്യതകൾ തിരിച്ചറിയാൻ സഹായിച്ചു.
റോബോട്ടിക്സ് പരിചയപ്പെടുത്തൽ
ലിറ്റിൽ കൈറ്റ്സ് അംഗമായ ജസ്റ്റിൻ ചെറിയാൻ റ്റിജു വിദ്യാർത്ഥികൾക്ക് ബ്ലൂടൂത്ത് നിയന്ത്രിത റോബോ കാർ പരിചയപ്പെടുത്തി. ആർഡിനോ യൂ നോ റോബോട്ടിന്റെ ബ്രെയിൻ ആണെന്നും, മോട്ടോർ ഡ്രൈവർ റോബോട്ടിന്റെ ചലനങ്ങൾ നിയന്ത്രിക്കുന്നതിനായി പ്രവർത്തിക്കുന്നു എന്നും ബ്ലൂടൂത്ത് മോഡ്യൂൾ മൊബൈൽ ഫോൺ ഉപയോഗിച്ച് റോബോട്ടിനെ നിയന്ത്രിക്കാൻ സഹായിക്കുമെന്നും കുട്ടികളെ ബോധ്യപ്പെടുത്തി. മോട്ടോറുകൾ റോബോട്ടിനെ മുന്നോട്ടും പിന്നോട്ടും നീക്കാൻ സഹായിക്കുന്നു. ജമ്പർ വയറുകൾ ഉപകരണങ്ങൾ തമ്മിൽ ബന്ധിപ്പിക്കാനാണ് ഉപയോഗിക്കുന്നത്. ബാറ്ററി പാക്ക് റോബോട്ടിന് ആവശ്യമുള്ള പവർ നൽകുന്നു.
പ്രോക്സിമിറ്റി ഡിസ്റ്റൻസ് അലർട്ട് സംവിധാനം
ജസ്റ്റിൻ ചെറിയൻ റ്റിജുവിന്റെ നേതൃത്വത്തിൽ കുട്ടികൾക്ക് പ്രോക്സിമിറ്റി ഡിസ്റ്റൻസ് അലർട്ട് സംവിധാനവും കാണിച്ചു കൊടുത്തു. ഇതിൽ ദൂരം അളക്കാൻ സെൻസർ, അലർട്ട് നൽകാൻ ബസർ, നിയന്ത്രണത്തിനായി ആർഡിനോ യൂ നോ, വിവരങ്ങൾ കൈമാറാൻ ബ്ലൂടൂത്ത് മോഡ്യൂൾ എന്നിവയാണ് ഉപയോഗിച്ചിരിക്കുന്നത്. കുട്ടികൾക്ക് ഈ ഉപകരണങ്ങളുടെ പ്രവർത്തനം ലളിതമായി വിശദീകരിച്ചു. ബ്ലൂടൂത്ത് നിയന്ത്രിത നാലുചക്രവും രണ്ടുചക്രവും റോബോ കാറുകളും പ്രോക്സിമിറ്റി ഡിസ്റ്റൻസ് അലർട്ട് സംവിധാനവും കുട്ടികൾക്ക് ഏറെ ആകർഷകമായിരുന്നു.
3D മോഡലുകളും ആനിമേഷനുകളും
ലിറ്റിൽ കൈറ്റ്സ് അംഗമായ ക്രിസ്റ്റി തോമസ് ജേക്കബ് ബ്ലെൻഡർ ഉപയോഗിച്ച് നിർമ്മിച്ച വിവിധ ത്രീഡി മോഡലുകളും ആനിമേഷനുകളും കുട്ടികൾക്ക് അവതരിപ്പിച്ചു. സിറ്റി മോഡൽ, സ്റ്റോൺമാൻ മോഡൽ, നൈറ്റ് വ്യൂ സിറ്റി മോഡൽ തുടങ്ങിയവ കുട്ടികളെ സാങ്കേതിക ലോകത്തേക്കുള്ള സൃഷ്ടിപരമായ യാത്രയിലേക്ക് നയിച്ചു.
കുട്ടികളുടെ അനുഭവവും പ്രയോജനങ്ങളും
ആനിമേഷനും റോബോട്ടിക്സും സംയോജിപ്പിച്ച് ഭിന്നശേഷി കുട്ടികൾക്ക് സൗഹൃദപരമായ രീതിയിൽ പ്രായോഗിക പരിശീലനം നൽകാൻ ഈ പരിപാടി ലക്ഷ്യമിട്ടു. കുട്ടികൾക്ക് സ്വന്തമായി നിർമാണങ്ങൾ പരീക്ഷിക്കാൻ അവസരം ഒരുക്കിയതിലൂടെ അവരുടെ ആത്മവിശ്വാസവും സാങ്കേതിക മികവും വർധിപ്പിക്കാനായി.
സെമിനാർ
ലിറ്റിൽ കൈറ്റ്സിന്റെ ആഭിമുഖ്യത്തിൽ, 2025 സെപ്റ്റംബർ 22-ന് ഇടയാറന്മുള എ.എം.എം. ഹയർ സെക്കൻഡറി സ്കൂളിലെ ഐ.ടി. ലാബിൽ വെച്ച് 2025-28 ലിറ്റിൽ കൈറ്റ്സ് ബാച്ചിലെയും മറ്റ് സ്കൂളുകളിലെയും വിദ്യാർത്ഥികൾക്കായി ഒരു സെമിനാർ സംഘടിപ്പിച്ചു.
സെമിനാറിൽ കൈറ്റ്സ് പത്തനംതിട്ടയിലെ മുൻ ഡിസ്ട്രിക്റ്റ് കോഡിനേറ്ററായ പി. രതിദേവി ടീച്ചറും, 2018 ബാച്ചിലെ ലിറ്റിൽ കൈറ്റ്സ് അംഗവും പൂർവ്വ വിദ്യാർത്ഥിയുമായ ആൽബിൻ സി. അനിയൻകുഞ്ഞുമാണ് സന്ദേശം നൽകിയത്.
ലിറ്റിൽ കൈറ്റ്സ് വിദ്യാർത്ഥികൾക്ക് അവരുടെ പഠനത്തിൽ ഉപയോഗിക്കാൻ കഴിയുന്ന സ്വതന്ത്ര സോഫ്റ്റ്വെയറുകളും അതിന്റെ പ്രാധാന്യവുമാണ് സെമിനാറിൽ പരിചയപ്പെടുത്തിയത്. സ്വതന്ത്ര സോഫ്റ്റ്വെയർ കേവലം സൗജന്യം എന്നതിലുപരി, കോഡ് പഠിക്കാനും പങ്കുവെക്കാനും മെച്ചപ്പെടുത്താനുമുള്ള സ്വാതന്ത്ര്യമാണ് നൽകുന്നതെന്ന് രതിദേവി ടീച്ചർ ഊന്നിപ്പറഞ്ഞു. സാങ്കേതികവിദ്യയിൽ സജീവമായി ഇടപെടാനും, കാലോചിതമായി അപ്ഡേറ്റ് ചെയ്യാനും ലിറ്റിൽ കൈറ്റ്സ് വിദ്യാർത്ഥികൾ തയ്യാറാകണം എന്ന ശക്തമായ സന്ദേശവും ടീച്ചർ നൽകി. കൂടാതെ, ടീച്ചർ വിദ്യാർത്ഥികൾക്ക് ജിയോജിബ്ര സോഫ്റ്റ്വെയറിനെക്കുറിച്ച് വിശദമായ ക്ലാസും നൽകി.
അനുഭവ പാഠം
ഒരു മുൻ ലിറ്റിൽ കൈറ്റ്സ് അംഗം എന്ന നിലയിൽ, സ്കൂളിൽ വെച്ച് ജിമ്പ്, കെഡൻലൈവ് പോലുള്ള സ്വതന്ത്ര സോഫ്റ്റ്വെയറുകൾ ഉപയോഗിക്കാൻ പഠിച്ചത് തന്റെ തുടർ പഠനത്തിലും കരിയറിലും എത്രത്തോളം സഹായകമായെന്ന് ആൽബിൻ പങ്കുവെച്ചു.
സ്വതന്ത്ര സോഫ്റ്റ്വെയർ പ്രചാരണത്തിന് ലിറ്റിൽ കൈറ്റ്സ് വിദ്യാർത്ഥികൾ
ലിറ്റിൽ കൈറ്റ്സ് അംഗങ്ങളുടെ നേതൃത്വത്തിൽ സമീപപ്രദേശത്തെ വിദ്യാലയങ്ങളിൽ 2025 സെപ്റ്റംബർ 24, 26 തീയതികളിൽ സ്വതന്ത്ര സോഫ്റ്റ്വെയർ പ്രചാരണം നടത്തി. 2024-27 ബാച്ചിലെ ലിറ്റിൽ കൈറ്റ്സ് വിദ്യാർത്ഥികളാണ് ക്ലാസുകൾക്ക് നേതൃത്വം നൽകിയത്.
മാലക്കര ഗവൺമെന്റ് എൽ.പി. സ്കൂൾ, മാർത്തോമാ ഇംഗ്ലീഷ് മീഡിയം സ്കൂൾ ഇടയാറന്മുള തുടങ്ങിയ വിദ്യാലയങ്ങളിലെ എൽ.പി., യു.പി. വിഭാഗം വിദ്യാർത്ഥികൾക്കായാണ് പ്രത്യേക ക്ലാസുകൾ സംഘടിപ്പിച്ചത്.
വിഷയങ്ങൾ
ലിറ്റിൽ കൈറ്റ്സ് വിദ്യാർത്ഥികൾ വിവിധ സ്വതന്ത്ര സോഫ്റ്റ്വെയറുകൾ ലളിതമായി പരിചയപ്പെടുത്തി. കൂടാതെ, ആർഡ്യൂനോ കിറ്റിലെ സാധ്യതകൾ ഉപയോഗിച്ച് പ്രായോഗികമായ വിശദീകരണങ്ങളും ക്ലാസിലൂടെ നൽകി. സാങ്കേതികവിദ്യയുടെ ലോകത്തേക്ക് കടന്നുവരുന്ന ചെറിയ കുട്ടികൾക്ക് സ്വതന്ത്ര സോഫ്റ്റ്വെയറുകളെക്കുറിച്ചും ,കമ്പ്യൂട്ടർ പ്രോഗ്രാമിംഗിന്റെ അടിസ്ഥാന തത്വങ്ങളെക്കുറിച്ചും പ്രാഥമിക അറിവ് നൽകാൻ ഇത് സഹായിച്ചു.
നേതൃത്വം നൽകിയവർ
ക്ലാസുകൾക്ക് ആദിത്യാ സുജിത്ത്, ഗൗരി കൃഷ്ണ, ജസ്റ്റിൻ ചെറിയാൻ, ടിജു എന്നിവരുൾപ്പെടെയുള്ള ലിറ്റിൽ കൈറ്റ്സ് വിദ്യാർത്ഥികളാണ് നേതൃത്വം നൽകിയത്. തങ്ങളുടെ അറിവ് മറ്റുള്ളവരിലേക്ക് പകരാൻ ലിറ്റിൽ കൈറ്റ്സ് അംഗങ്ങൾ കാണിച്ച താൽപ്പര്യം അഭിനന്ദനാർഹമാണ്.
ഡിജിറ്റൽ മാഗസിന്റെ പ്രകാശനം
2023-26 ബാച്ചിലെ ലിറ്റിൽ കൈറ്റ്സ് വിദ്യാർത്ഥികൾ തയ്യാറാക്കിയ ഡിജിറ്റൽ മാഗസിന്റെ പ്രകാശനം, കൈറ്റ് പത്തനംതിട്ടയിലെ മുൻ ഡിസ്ട്രിക്റ്റ് കോർഡിനേറ്റർ പി. രതിദേവി ടീച്ചറുടെ സാന്നിധ്യത്തിൽ 2025 സെപ്റ്റംബർ 22-ന് നിർവഹിച്ചു.
സ്വതന്ത്ര സോഫ്റ്റ്വെയറായ സ്ക്രൈബസ് ഉപയോഗിച്ചാണ് വിദ്യാർത്ഥികൾ ഈ ഡിജിറ്റൽ മാഗസിൻ രൂപകൽപ്പന ചെയ്തത്. പ്രകാശന ചടങ്ങിനോടനുബന്ധിച്ച്, ലിറ്റിൽ കൈറ്റ്സ് വിദ്യാർത്ഥികൾ സ്ക്രൈബസ് സോഫ്റ്റ്വെയറിന്റെ സാധ്യതകളെക്കുറിച്ച് മറ്റു വിദ്യാർത്ഥികളെ ബോധവാന്മാരാക്കുകയും ചെയ്തു.
റീൽ നിർമ്മാണം
സ്വതന്ത്ര സോഫ്റ്റ്വെയറിന്റെ വിവിധ പ്രാധാന്യങ്ങളെക്കുറിച്ച് ലോകത്തെ ബോധ്യപ്പെടുത്തുന്നതിനായി, സ്വതന്ത്ര സോഫ്റ്റ്വെയർ ദിനാചരണത്തോടനുബന്ധിച്ച് എട്ടാം ക്ലാസിലെ ലിറ്റിൽ കൈറ്റ്സ് വിദ്യാർത്ഥികളുടെ നേതൃത്വത്തിൽ റീൽ നിർമിച്ച് സാമൂഹ്യ മാധ്യമങ്ങളിൽ പ്രചരിപ്പിച്ചു.
സ്വതന്ത്ര സോഫ്റ്റ്വെയർ ദിനാചരണത്തോടനുബന്ധിച്ചുളള റീൽ കാണുക)
പത്ര വാർത്തകൾ
സ്വാതന്ത്ര്യ സോഫ്റ്റ്വെയർ ദിനാചരണത്തിന്റെ കൂടുതൽ ചിത്രങ്ങൾ കാണുവാൻ ക്ലിക്ക് ചെയ്യുക