എ. എം .എം. ഹയർസെക്കണ്ടറി സ്കൂൾ ഇടയാറന്മുള/ലിറ്റിൽകൈറ്റ്സ്/2024-27

37001-**ലിറ്റിൽകൈറ്റ്സ്**
37001-ലിറ്റിൽകൈറ്റ്സ്
സ്കൂൾ കോഡ്	37001
യൂണിറ്റ് നമ്പർ	LK/2018/37001
ബാച്ച്	2024-27
അംഗങ്ങളുടെ എണ്ണം	40
റവന്യൂ ജില്ല	പത്തനംതിട്ട
വിദ്യാഭ്യാസ ജില്ല	തിരുവല്ല
ഉപജില്ല	ആറന്മുള
ലീഡർ	പാർത്ഥൻ ബിജു
ഡെപ്യൂട്ടി ലീഡർ	ആദിത്യ സുജിത്ത്
കൈറ്റ് മാസ്റ്റർ / മിസ്ട്രസ് 1	ലക്ഷ്മി പ്രകാശ്
കൈറ്റ് മാസ്റ്റർ / മിസ്ട്രസ് 2	ആശ പി മാത്യു
അവസാനം തിരുത്തിയത്
13-12-2025	37001

ഫ്രീഡം ഫെസ്റ്റ് ഡിജിറ്റൽ മാഗസിൻ LK Alumni 2018-20 2019-21 2020-23 2021-24 2022-25

അഭിരുചി പരീക്ഷ

ഇടയാറന്മുള എ.എം.എം ഹയർ സെക്കൻഡറി സ്കൂളിലെ 2024- 27 ലിറ്റിൽ കൈറ്റ്സ് ബാച്ചിലേക്കുള്ള അഭിരുചി പരീക്ഷ 15/6/2024 ശനിയാഴ്ച സ്കൂൾ ഐടി ലാബിൽ നടന്നു. 76 വിദ്യാർത്ഥികൾ അഭിരുചി പരീക്ഷയ്ക്ക് രജിസ്റ്റർ ചെയ്തു. 56 കുട്ടികൾ പരീക്ഷ അറ്റൻഡ് ചെയ്തു. വിദ്യാർത്ഥികൾക്കുള്ള പരിശീലന ക്ലാസ് മറ്റ് ബാച്ചിലെ ലിറ്റിൽ കൈറ്റ്സ് വിദ്യാർത്ഥികളുടെ നേതൃത്വത്തിൽ നടത്തി. പരീക്ഷ സോഫ്റ്റ്‌വെയർ ഇൻസ്റ്റോൾ ചെയ്യുവാനും, റിസൾട്ട് അപ്‌ലോഡ് ചെയ്യുവാനും വിദ്യാർത്ഥികൾ കൈറ്റ് മാസ്റ്റേഴ്സിന് സഹായിച്ചു.

കമ്പ്യൂട്ടറിൽ പ്രത്യേകം തയ്യാറാക്കിയ സോഫ്റ്റ് വെയറിലാണ് പരീക്ഷ നടത്തിയത്. 30 മിനിറ്റ് ദൈർഘ്യമുള്ള 20 ചോദ്യങ്ങൾ ആയിരുന്നു പരീക്ഷയിൽ ഉണ്ടായിരുന്നത്. ലോജിക് ആൻഡ് റീസണിങ്, പ്രോഗ്രാമിംഗ് വിഭാഗം,5,6,7 ഐ.സി.ടി പാഠപുസ്തകങ്ങൾ അടിസ്ഥാനമാക്കിയുള്ള ചോദ്യങ്ങൾ, ഐടി പൊതുവിജ്ഞാനം ഇവയുമായി ബന്ധപ്പെട്ട ചോദ്യങ്ങളാണ് അഭിരുചി പരീക്ഷയ്ക്ക് വന്നത്.

സെർവർ ഉൾപ്പെടെ 25 കമ്പ്യൂട്ടറുകളിലാണ് പരീക്ഷ ഇൻസ്റ്റാൾ ചെയ്തത്. കുട്ടികളെ മറ്റ് ക്ലാസ്സിൽ പ്രോട്ടോക്കോളനുസരിച്ചിരുത്തി മൂന്നു ബാച്ചുകളായി പരീക്ഷ നടത്തി. പരീക്ഷയിൽ ഉടനീളം കൈറ്റ് മാസ്റ്റേഴ്സ് ആയ ആഷ പി മാത്യു, ലക്ഷ്മി പ്രകാശ്, മറ്റു ബാച്ചിലെ ലിറ്റിൽ കൈറ്റ്സ് വിദ്യാർത്ഥികൾ തുടങ്ങിയവർ നേതൃത്വം നൽകി.

അംഗങ്ങളുടെ വിവര പട്ടിക

ക്രമ നമ്പർ	അഡ്മിഷൻ നമ്പർ	കുട്ടികളുടെപേര്	ഡിവിഷൻ
1	14851	ഏബെൽ വി റ്റി	ബി
2	14835	അഭിഷേക് ടി ആർ	ബി
3	14417	എബിൻ അനു ചാക്കോ	ബി
4	14643	ആദിശങ്കരൻ	ബി
5	14502	ആദിത്യ സുജിത്ത്	എ
6	14734	ഐറിൻ മേരി അലക്സ്	എ
7	14472	അനഘ എ	എ
8	14439	അനാമിക എം പ്രദീപ്	സി
9	14396	അഞ്ജന കെ എസ്	സി
10	14490	ആരാധ്യ ശ്രീലാൽ	എ
11	14434	ആര്യൻ ബിജു	എ
12	14404	അശ്വിൻ സുനിൽ	ബി
13	14404	അശ്വിൻ അനിൽ	എ
14	14462	അശ്വിൻ കെ എസ്	ബി
15	14534	ആവണി കെ	എ
16	14420	ക്രിസ്റ്റി തോമസ് ജേക്കബ്	ബി
17	14401	ദേവനന്ദ ആർ	എ
18	14421	ഗൗരി കൃഷ്ണ എസ്	എ
19	14398	ജെറിൻ റിജു	ബി
20	14728	ജസ്റ്റിൻ ചെറിയാൻ ടിജു	എ
21	14415	കെ എസ് ശില്പ	എ
22	14826	കീർത്തന അജിത്ത്	എ
23	14419	മാധവ് കൃഷ്ണ എസ്	ബി
24	14426	മഹേഷ് എം	ബി
25	14880	മഹി മനോജ്	എ
26	14672	നീരജ അനിൽ	ബി
27	14641	നിബിൻ എബ്രഹാം നിബു	ബി
28	14719	നിരഞ്ജൻ പി നാഥ്	എ
29	14414	പാർത്ഥൻ ബിജു	എ
30	14429	പൊന്നി സജി	എ
31	14400	രജത്ത് രാജീവ്	ബി
32	14757	രഞ്ജൻ ഉറോ	എ
33	14872	സഞ്ജയ് എസ് നായർ	സി
34	14430	ഷൈൻ സി റെജി	ബി
35	14397	സോനാ വർഗീസ്	ബി
36	14451	വർഷ കെ വി	സി
37	14617	വിന്യ വിനോദ്	ബി
38	14416	വിസ്മയ എം	ബി
39	14663	വൈശാഖ് കുമാർ വി	സി
40	14822	വൈഷ്ണവ് സന്ദീപ്	എ

പ്രിലിമിനറി ക്യാമ്പ്

പത്തനംതിട്ട ജില്ലയിലെ ഇടയാറന്മുള എ.എം.എം ഹയർ സെക്കൻഡറി സ്‌കൂളിലെ 2024-27 ലിറ്റിൽ കൈറ്റ്‌സ് ബാച്ചിന്റെ പ്രിലിമിനറി ക്യാമ്പ് 2024 ഓഗസ്റ്റ് 2 വെള്ളിയാഴ്ച 9:30 മുതൽ 5വരെ സ്‌കൂളിന്റെ ഐടി ലാബിൽ വച്ച് നടന്നു. സ്‌കൂൾ ഹെഡ്മിസ്ട്രസ് അനില സാമുവേലിന്റെ അധ്യക്ഷത വഹിച്ച സമ്മേളനത്തിൽ ആറന്മുള കൈറ്റ്‌ മാസ്റ്റർ ട്രെയിനറായ തോമസ് എം ഡേവിഡ് ഉദ്ഘാടനം നിർവഹിച്ചു. കൈറ്റ് മിസ്ട്രെസ് ആശ പി മാത്യു സ്വാഗതവും, കൈറ്റ് മാസ്റ്റർ ലക്ഷ്മി പ്രകാശ് നന്ദിയും രേഖപ്പെടുത്തി. ജെബി തോമസ് ആശംസകൾ അറിയിച്ചു.

ഉദ്ദേശ്യങ്ങൾ

പ്രിലിമിനറി ക്യാമ്പിന്റെ പ്രധാന ലക്ഷ്യം ലിറ്റിൽ കൈറ്റ്‌സ് അംഗങ്ങളുടെ ചുമതലകളും ഉത്തരവാദിത്തങ്ങളും വ്യക്തമാക്കുക, ലിറ്റിൽ കൈറ്റ്‌സ് പ്രവർത്തന പദ്ധതികൾ സംബന്ധിച്ച് പൊതുവായ ധാരണ നൽകുക, ഹൈടെക് ക്ലാസ്‌റൂമുകളിലെ പിന്തുണ പ്രവർത്തനങ്ങൾക്കായി അംഗങ്ങളെ സജ്ജമാക്കുക, പദ്ധതി പ്രവർത്തനങ്ങളെ പിന്തുണയ്ക്കുന്നതിന് രക്ഷിതാക്കളുടെ പങ്കാളിത്തം ഉറപ്പാക്കുക എന്നിവയായിരുന്നു.

ഗ്രൂപ്പിങ് പ്രോഗ്രാം

സ്ക്രാച്ച് ഗെയിം ഉപയോഗിച്ച് വിദ്യാർത്ഥികളെ എഐ, റോബോട്ടിക്സ്, ഇ-കൊമേഴ്സ്, ജിപിഎസ്, വിആർ എന്നീ ഗ്രൂപ്പുകളായി തിരിച്ചു. ഓരോ സെഷനിലും ഗ്രൂപ്പ് തലത്തിൽ പോയിന്റുകൾ നൽകി, അധ്യാപകൻ ഇത് സ്‌കോർ ഷീറ്റിൽ രേഖപ്പെടുത്തി.

ക്വിസ്സ്

മാറിയ ലോകത്തും മാറിയ സ്‌കൂളുകളിലും സാങ്കേതികവിദ്യയുടെ സാധ്യതകൾ ഉൾക്കൊള്ളിച്ചുള്ള വീഡിയോ പ്രദർശനം നടത്തി. ദൈനംദിന ജീവിതത്തിൽ വിവരവിനിമയ സാങ്കേതികവിദ്യ ഉപയോഗിക്കുന്നതിനെക്കുറിച്ച് വിദ്യാർത്ഥികൾ ഗ്രൂപ്പ് തലത്തിൽ ചർച്ച ചെയ്തു. കിസ്സ് വഴി ലിറ്റിൽ കൈറ്റ്‌സ് പദ്ധതിയെ പരിചയപ്പെടുത്തി.

ഗെയിം നിർമ്മാണം

ലിറ്റിൽ കൈറ്റ്‌സ് റോളുകൾ മനസ്സിലാക്കുന്നതിനുള്ള പ്രസന്റേഷനും ചർച്ചയും നടന്നു. ലിറ്റിൽ കൈറ്റ്‌സ് അംഗങ്ങളിൽ കോഡിങ് അഭിരുചി വളർത്തുന്നതിന് സ്ക്രാച്ച് സോഫ്റ്റ്‌വെയർ ഉപയോഗിച്ച് ഗെയിം നിർമ്മാണം നടത്തി.

അനിമേഷൻ

അനിമേഷൻ സങ്കേതങ്ങൾ പഠിക്കുന്നതിന് ഓപ്പൺടൂൺസ് സോഫ്റ്റ്‌വെയർ ഉപയോഗിച്ച് അനിമേഷൻ നിർമ്മാണ മത്സരം നടത്തി.

റോബോട്ടിക്സ്

ഉച്ചഭക്ഷണത്തിന് ശേഷം റോബോട്ടിക്സ് മേഖലയെ പരിചയപ്പെടുത്തി. ആർഡുയിനോ ബ്ലോക്കിലി ഉപയോഗിച്ച് തീറ്റ കാണുമ്പോൾ കോഴിയുടെ ചലനം കാണിക്കുന്ന പ്രവർത്തനം നടത്തി. സ്റ്റേറ്റ് ക്യാമ്പിൽ പങ്കെടുത്ത വിദ്യാർത്ഥികളുടെ ഉൽപ്പന്നങ്ങൾ പ്രദർശിപ്പിച്ചു.

രക്ഷിതാക്കൾക്കുള്ള ബോധവൽക്കരണം

രക്ഷിതാക്കൾക്കുള്ള ബോധവൽക്കരണ ക്ലാസിൽ ലിറ്റിൽ കൈറ്റ്‌സ് ക്ലബ്ബിന്റെ പ്രാധാന്യം, പദ്ധതിയുടെ പ്രവർത്തന രീതി, വിദ്യാർത്ഥികൾക്ക് ലഭിക്കുന്ന അവസരങ്ങൾ എന്നിവ വിശദീകരിച്ചു. കുട്ടികൾ തയ്യാറാക്കിയ അനിമേഷനും റോബോട്ടിക്സ് ഉൽപ്പന്നങ്ങളും പ്രദർശിപ്പിച്ചു.

ഈ പദ്ധതിയിലൂടെ വിദ്യാർത്ഥികൾ മാറുന്ന സാങ്കേതികവിദ്യയുമായി എളുപ്പത്തിൽ ഇടപഴകാൻ പഠിക്കുമെന്നും, ഇവിടെ പഠിക്കുന്ന അടിസ്ഥാന കാര്യങ്ങൾ അവരുടെ ജീവിതത്തിൽ ഉപകാരപ്പെടുമെന്നും പ്രതീക്ഷിച്ചുകൊണ്ട് ക്യാമ്പ് വൈകുന്നേരം 5 മണിക്ക് അവസാനിച്ചു.

ലിറ്റിൽ കൈറ്റ്സ് യൂണിഫോം, ഐഡി കാർഡ് വിതരണം

2024-27 ലിറ്റിൽ കൈറ്റ്സ് ബാച്ചിന്റെ ഐഡി കാർഡുകളും, കൈറ്റ്സ് യൂണിഫോമുകളും പ്രധാന അദ്ധ്യാപിക അനില സാമുവേലിന്റെ നേതൃത്വത്തിൽ വിതരണം ചെയ്തു. ലിറ്റിൽ കൈറ്റ്സ് പദ്ധതിയുമായി ബന്ധപ്പെട്ട എല്ലാ പ്രവർത്തനങ്ങളിലും വിദ്യാർത്ഥികൾ ഈ യൂണിഫോമും, ഐഡി കാർഡും ധരിക്കുന്നു.

സ്വതന്ത്ര സോഫ്റ്റ്‌വെയറിൽ പൂക്കളം

2024-25 ഓണാഘോഷവുമായി ബന്ധപ്പെട്ട് ഇടയാറന്മുള എ എം എം ഹയർ സെക്കൻഡറി സ്കൂളിലെ ലിറ്റിൽ കൈറ്റ്സ് വിദ്യാർത്ഥികൾ ഡിജിറ്റൽ പൂക്കളം നിർമ്മാണത്തിന് നേതൃത്വം നൽകി.റ്റെസ്റ്റ് പെയിന്റ്, ജിമ്പ് തുടങ്ങിയ സ്വതന്ത്ര സോഫ്റ്റ്‌വെയറുകൾ ഉപയോഗിച്ച് വിദ്യാർത്ഥികൾ സ്വന്തമായി ഡിജിറ്റൽ പൂക്കളം തയ്യാറാക്കി. ഓണാഘോഷത്തിൽ പൂക്കളം ഡിജിറ്റൽ രൂപത്തിൽ തയ്യാറാക്കിയത് ഒരു വ്യത്യസ്ത അനുഭവമായിരുന്നു. പൂക്കളം നിർമ്മാണ മത്സരത്തിൽ അർജുൻ സന്തോഷ് ഒന്നാം സ്ഥാനവും ഗൗരി കൃഷ്ണ രണ്ടാം സ്ഥാനവും നേടി. ലിറ്റിൽ കൈറ്റ്സ് വിദ്യാർത്ഥികൾ അവതരിപ്പിച്ച വഞ്ചിപ്പാട്ട് മത്സരം നാടൻ കലകളെ പ്രോത്സാഹിപ്പിക്കുന്നതിലൂടെ ഓണാഘോഷത്തിന്റെ ഭാഗമായി.

നോട്ടീസ് ബോർഡിൽ വിജ്ഞാനത്തിന്റെ വിളക്ക്

ലിറ്റിൽ കൈറ്റ്സ് നോട്ടീസ് ബോർഡിൽ വിദ്യാർത്ഥികൾ വിവിധ പത്രങ്ങളിൽ നിന്നും ശേഖരിച്ച ഐടി, നിർമ്മിത ബുദ്ധി എന്നീ മേഖലകളിലെ വാർത്തകളും, മറ്റു വിജ്ഞാനപ്രദമായ വാർത്തകളും പ്രദർശിപ്പിച്ചുകൊണ്ട് വിജ്ഞാനം പകർന്നു.

വേൾഡ് വൈഡ് വെബ് വഴി ബഹിരാകാശം

ബഹിരാകാശ വാരാചരണത്തിന്റെ ഭാഗമായി, ലിറ്റിൽ കൈറ്റ്സ് വിദ്യാർത്ഥികൾ വേൾഡ് സ്പേസ് വീക്ക് അസോസിയേഷൻ വെബ്സൈറ്റും, ഐഎസ്ആർഒയുടെ വെബ്സൈറ്റും സന്ദർശിച്ച് ബഹിരാകാശത്തെക്കുറിച്ച് കൂടുതൽ അറിവുകൾ നേടി.

ചിത്രരചനയുടെ ലോകത്ത് ഭിന്നശേഷി കുട്ടികൾ

എട്ടാം ക്ലാസിലെ ലിറ്റിൽ കൈറ്റ്സ് വിദ്യാർത്ഥികൾ ഭിന്നശേഷി കുട്ടികൾക്ക് ഐടി സാങ്കേതികവിദ്യയിലെ സ്വതന്ത്ര സോഫ്റ്റ്‌വെയർ ഉപയോഗം പഠിപ്പിക്കുന്നു. ചിത്രരചനയിൽ കൂടുതൽ താൽപര്യം കാണിക്കുന്ന ഈ വിദ്യാർത്ഥികളിൽ ജിമ്പ് സോഫ്റ്റ്‌വെയർ ഉപയോഗിച്ച് ചിത്രങ്ങൾ വരയ്ക്കാനും, റ്റുപ്പി ട്യൂബ് ഡെസ്ക് സോഫ്റ്റ്‌വെയർ ഉപയോഗിച്ച് അനിമേഷൻ തയ്യാറാക്കാനുള്ള കഴിവ് വികസിപ്പിക്കുന്നതിനുമാണ് ഈ മേഖല തെരഞ്ഞെടുത്തത്.

ഭക്ഷണം പങ്കിടുക, സ്നേഹം വളർത്തുക

2024 ഒക്ടോബർ 16-ന് ലോക ഭക്ഷ്യ ദിനത്തോടനുബന്ധിച്ച്, ഇടയാറന്മുള എ.എം.എം ഹയർ സെക്കൻഡറി സ്കൂളിലെ ലിറ്റിൽ കൈറ്റ്സ് വിദ്യാർത്ഥികളും, പിടിഎയും ചേർന്ന് ഒരു പ്രത്യേക സംരംഭം ആരംഭിച്ചു. സ്കൂളിലെ വിദ്യാർത്ഥികൾക്ക് ഭക്ഷണം തയ്യാറാക്കുന്ന മണിയമ്മയ്ക്ക് പച്ചക്കറികളും, മസാലകളും നൽകിയതോടെ, സാമൂഹിക പ്രതിബദ്ധതയുടെ പ്രാധാന്യം വിദ്യാർത്ഥികൾക്ക് മനസ്സിലായി. ഈ പ്രവർത്തനത്തിലൂടെ, ഭക്ഷ്യ സുരക്ഷയെക്കുറിച്ചുള്ള അവബോധം വർദ്ധിച്ചതോടൊപ്പം, ആവശ്യമുള്ളവരെ സഹായിക്കുന്നത് ഒരു സാമൂഹിക ഉത്തരവാദിത്വമാണെന്ന് വിദ്യാർത്ഥികൾക്ക് ബോധ്യമായി.

അനിമേഷൻ പഠന വർക്ക്‌ഷോപ്പ്

2024 ഒക്ടോബർ 28 ലോക അനിമേഷൻ ദിനാചരണത്തിന്റെ ഭാഗമായി ലിറ്റിൽ കൈറ്റ്‌സ് വിദ്യാർത്ഥികളുടെ ആഭിമുഖ്യത്തിൽ നിരവധി പരിപാടികൾ സംഘടിപ്പിച്ചു. അനിമേഷൻ ക്ലബ്ബ് രൂപീകരണം, അനിമേഷൻ മത്സരങ്ങൾ, പ്രത്യേക ക്ലാസുകൾ എന്നിവ ഇതിൽ ഉൾപ്പെടുന്നു. അനിമേഷൻ മേഖലയിലെ മറ്റ് വിദ്യാർത്ഥികളുമായും, പ്രൊഫഷണലുകളുമായും സമ്പർക്കം പുലർത്താൻ വിദ്യാർത്ഥികൾക്ക് അവസരം നൽകാൻ തീരുമാനിച്ചു.

അനിമേഷൻ ക്ലബ്ബ് രൂപീകരണം

അനിമേഷൻ ക്ലബ്ബുകൾ വിദ്യാർത്ഥികളുടെ സർഗ്ഗാത്മകതക്ക് പുത്തൻ ചിറകുകൾ നൽകി അവരുടെ ഭാവനയെ പുതിയ ഉയരങ്ങളിലെത്തിക്കുന്നു. ഒരു കഥയെ ചലനത്തിലാക്കാൻ ശ്രമിക്കുന്ന പ്രക്രിയയിൽ, അവരുടെ ചിന്തകൾ പുതിയ ഉയരങ്ങളിലെത്തുന്നു. അനിമേഷൻ അവർക്ക് പുതിയ ആശയങ്ങൾ, കാഴ്ചപ്പാടുകൾ എന്നിവ ആവിഷ്കരിക്കാനുള്ള അവസരം നൽകുന്നു. ഇത് വിദ്യാർത്ഥികളെ പുതിയ ആശയങ്ങൾ ആവിഷ്കരിക്കാനും, അവരുടെ ഭാവനയെ ഉപയോഗപ്പെടുത്താനും പ്രോത്സാഹിപ്പിക്കുന്നു. സ്കൂളിലെ മറ്റ് വിദ്യാർത്ഥികൾക്കും ഈ മേഖലയിലെ പഠനം ലഭ്യമാക്കുന്നതിനായി കൂടുതൽ ക്ലാസുകൾ സംഘടിപ്പിക്കാൻ തീരുമാനിച്ചു.

അനിമേഷൻ മത്സരങ്ങൾ

എട്ടാം ക്ലാസിലെ ലിറ്റിൽ കൈറ്റ്സ് വിദ്യാർത്ഥികൾക്കായി റ്റുപി ട്യൂബ് ഡെസ്ക് സോഫ്റ്റ്‌വെയർ ഉപയോഗിച്ച് അനിമേഷൻ മത്സരം സംഘടിപ്പിച്ചു. ഇത് വിദ്യാർത്ഥികളിൽ അനിമേഷൻ മേഖല പഠിക്കുവാനുള്ള താല്പര്യം വർദ്ധിച്ചു.

പ്രത്യേക ക്ലാസുകൾ

അനിമേഷൻ മേഖലയിൽ പരിചയസമ്പന്നനായ സ്കൂളിലെ പൂർവ്വവിദ്യാർത്ഥിയായ ആൽബിൻ സി അനിയൻ കുഞ്ഞിന്റെ നേതൃത്വത്തിൽ, വിദ്യാർത്ഥികൾക്ക് അനിമേഷൻ മേഖലയിൽ കൂടുതൽ അറിവ് ലഭ്യമാക്കുന്നതിനുള്ള പരിപാടികൾ സംഘടിപ്പിച്ചു. അനിമേഷൻ മേഖലയിലെ ഏറ്റവും പുതിയ ട്രെൻഡുകളും,തൊഴിൽ സാധ്യതകളും, സാങ്കേതികവിദ്യകളും പഠിക്കാൻ വിദ്യാർത്ഥികൾക്ക് അവസരം നൽകി.

ഇ -ഗ്രാമം പ്രോജക്റ്റ്

ലിറ്റിൽ കൈറ്റ്സ് അനുമോദന സമ്മേളനത്തിൽ ആറന്മുള ഗ്രാമപഞ്ചായത്ത് പ്രസിഡന്റ് ശ്രീമതി. ഷീജ ടി. ടോജി സ്കൂളിന്റെ ദീർഘകാല ഇ-ഗ്രാമം ഐടി സാക്ഷരതാ പ്രോജക്റ്റ് 2024 നവംബർ 13ന് ഉദ്ഘാടനം ചെയ്തു. ഗ്രാമീണ മേഖലകളെ ഡിജിറ്റൽ സാങ്കേതികവിദ്യയുടെ സഹായത്തോടെ വികസിപ്പിക്കുന്ന ഒരു പദ്ധതിയാണ് ഇ-ഗ്രാമം. ഗ്രാമീണ ജനങ്ങളെ ഡിജിറ്റൽ സാക്ഷരരാക്കുക, ഗ്രാമങ്ങളിൽ സർക്കാർ സേവനങ്ങൾ ഓൺലൈനായി ലഭ്യമാക്കുക, വിദ്യാഭ്യാസം, ആരോഗ്യം തുടങ്ങിയ മേഖലകളിൽ ഡിജിറ്റൽ സാങ്കേതികവിദ്യ ഉപയോഗിക്കുക, ഡിജിറ്റൽ സാങ്കേതികവിദ്യയുടെ സഹായത്തോടെ ഗ്രാമങ്ങളെ വികസിപ്പിച്ചെടുക്കുകയും, ഗ്രാമീണ ജനങ്ങളുടെ ജീവിതം സുഖകരമാക്കുകയും ചെയ്യുക എന്നതാണ് ലക്ഷ്യം. 2024-27 ലിറ്റിൽ കൈറ്റ്‌സ് വിദ്യാർത്ഥികളുടെ നേതൃത്വത്തിൽ നടത്തുന്നു.

ഡിജിറ്റൽ സാക്ഷരതയിലേക്ക് ഒരു കൈത്താങ്ങ്

ലിറ്റിൽ കൈറ്റ്സ് വിദ്യാർത്ഥികൾ ആറന്മുള പഞ്ചായത്തിലെ വാർഡ് അടിസ്ഥാനത്തിൽ മുതിർന്നവർക്കും, വയോധികർക്കും ഡിജിറ്റൽ സാക്ഷരത പകർന്നു നൽകുന്ന പ്രവർത്തനം ആരംഭിച്ചു. മലയാളം ടൈപ്പിംഗ്, കെഎസ്ഇബി ബിൽ പേയ്‌മെന്റ്, പെൻഷൻ സംബന്ധമായ കാര്യങ്ങൾ, ആരോഗ്യ സേവനങ്ങൾ (ഡോക്ടറെ കാണാനുള്ള അപ്പോയിന്റ്‌മെന്റ് ബുക്ക് ചെയ്യൽ, രേഖകൾ പരിശോധിക്കൽ തുടങ്ങിയവ), പാസ്‌പോർട്ട്, വോട്ടർ ഐഡി, ബാങ്ക് സേവനങ്ങൾ തുടങ്ങിയ ഇ-ഗവർണൻസ് സേവനങ്ങൾ മൊബൈൽ ഫോൺ വഴി എങ്ങനെ ഉപയോഗിക്കാം എന്നും അവർ പഠിപ്പിച്ചു.

മലയാളം ടൈപ്പിംഗ് മുതൽ വിവിധ സർക്കാർ സേവനങ്ങൾ വരെ, മൊബൈൽ ഫോൺ ഉപയോഗിച്ച് എങ്ങനെ സ്വയം ചെയ്യാം എന്നുള്ളതിന്റെ അടിസ്ഥാന വിവരങ്ങൾ അവർ പകർന്നുനൽകി. ഇത് അവരുടെ ജീവിതം കൂടുതൽ സ്വതന്ത്രവും സുഗമവുമാക്കി. ഇത് വാർദ്ധക്യത്തിലുള്ളവർക്ക് സ്വയം പല കാര്യങ്ങളും ചെയ്യുവാൻ സഹായിച്ചു.

വഞ്ചിപ്പാട്ട് - ഡോക്കുമെന്റേഷൻ

2024 നവംബർ 15-ന്, ലിറ്റിൽ കൈറ്റ്സ് ക്ലബ്ബിന്റെ നേതൃത്വത്തിൽ സ്കൂളിലെ 3 അധ്യാപകരും 6 കുട്ടികളും ചേർന്ന് വഞ്ചിപ്പാട്ട് ഗായകനും, കേരള ഫോക് ലോർ അക്കാഡമി അവാർഡ് ജേതാവുമായ വിജയൻ നായർ അവർകളുടെ ഭവനം സന്ദർശിച്ചു. അവിടെവെച്ച് അദ്ദേഹവുമായി കൂടിക്കാഴ്ച നടത്തുകയും വള്ളപ്പാട്ടിന്റെ ഐതിഹ്യം, പ്രാധാന്യം, വിവിധ രൂപങ്ങൾ എന്നിവയെക്കുറിച്ച് വിശദമായി മനസ്സിലാക്കുകയും ചെയ്തു.

രാമപുരത്ത് വാര്യർ രചിച്ച കുചേലവൃത്തം വഞ്ചിപ്പാട്ടിനാണ് പ്രാവീണ്യവും പ്രാധാന്യവും ഏറെയുള്ളത്. കോട്ടയം ജില്ലയിലെ മീനച്ചിൽ താലൂക്കിൽ രാമപുരത്ത് ജനിച്ച അദ്ദേഹം സംസ്‌കൃതത്തിലും ജ്യോതിഷത്തിലും ഒരുപോലെ പണ്ഡിതനായിരുന്നു. കൂടാതെ, അദ്ദേഹം ഒരു സംഗീതവിദ്വാനും സാഹിത്യകാരനുമായിരുന്നു.

കൊല്ലവർഷം 925-ൽ വടക്കുംകൂർ രാജ്യം മാർത്താണ്ഡവർമ്മയുടെ ഭരണത്തിൻ കീഴിലായപ്പോൾ, രവിവർമ്മ രാജാവ് വൈക്കത്ത് താമസമാക്കി. ഈ സമയം, വാര്യർ രാജാവിനെ സമീപിക്കുകയും ഏതാനും ശ്ലോകങ്ങൾ സമർപ്പിക്കുകയും ചെയ്തു. ഇതിലൂടെ വാര്യരുടെ ജീവിത സാഹചര്യങ്ങൾ മനസ്സിലാക്കിയ രാജാവ്, ഭാഗവതം കഥയിലെ കുചേലവൃത്തം ആസ്പദമാക്കി ഒരു വഞ്ചിപ്പാട്ട് രചിക്കാൻ അദ്ദേഹത്തെ ചുമതലപ്പെടുത്തി. അങ്ങനെയാണ് പ്രദ്ധമായ കുചേലവൃത്തം രൂപംകൊള്ളുന്നത്.

വഞ്ചിപ്പാട്ട് സാധാരണയായി നതോന്നത വൃത്തത്തിലാണ് ആലപിക്കുന്നത്. ഇന്ന് ലോകമെമ്പാടുമുള്ള ആളുകൾ ആറന്മുളയെ അറിയുന്നത് വഞ്ചിപ്പാട്ടിന്റെ പേരിലാണ്. ലോകത്തിൽ തിരുവാറന്മുളയപ്പന്റെയും നമ്മുടെ സംസ്കാരത്തിന്റെയും പേര് ഉയർത്തിക്കാട്ടുന്നത് ഈ വഞ്ചിപ്പാട്ട് തന്നെയാണ്. ഭക്തിക്ക് വഞ്ചിപ്പാട്ടിൽ വളരെയധികം പ്രാധാന്യമുണ്ട്. അതുകൊണ്ടാണ് സന്താനഗോപാലം, കുചേലവൃത്തം തുടങ്ങിയ വഞ്ചിപ്പാട്ടുകൾ കൂടുതലായി ഉപയോഗിച്ച് വരുന്നത്.

കേരള ഫോക് ലോർ അക്കാഡമി അവാർഡ് ജേതാവായ വിജയൻ നായരുമായി കൂടിക്കാഴ്ച നടത്താനും, ആറന്മുളയുടെ പൈതൃകമായ വള്ളപ്പാട്ടിനെക്കുറിച്ച് വിശദമായ വിവരങ്ങൾ അറിയാനും സാധിച്ചത് സ്കൂളിന് ഒരു വലിയ നേട്ടം തന്നെയാണ്.

ഡിജി ഫിറ്റ്

2024- 27 ലിറ്റിൽ കൈറ്റ്സ് വിദ്യാർത്ഥികളുടെ നേതൃത്വത്തിൽ പ്രൈമറി സ്കൂളുകളിലെ 500-ലധികം വിദ്യാർത്ഥികൾക്ക് 6 മാസത്തെ ഒരു പരിപാടിയായി അനിമേഷൻ, മലയാളം ടൈപ്പിംഗ്, സൈബർ സുരക്ഷ, എഐ, റോബോട്ടിക്സ്, ഇ-ക്യൂബ് തുടങ്ങിയ വിഷയങ്ങളിലുള്ള ക്ലാസുകൾ സംഘടിപ്പിച്ചു. വിദ്യാർത്ഥികൾ തന്നെ ഈ പദ്ധതിയിൽ നേതൃത്വം നൽകുന്നത് വളരെ പ്രശംസനീയമാണ്. ക്രിസ്റ്റി തോമസ് ജേക്കബ്, ആദിശങ്കരൻ, ജസ്റ്റിൻ ചെറിയാൻ ടിജു, ആദിത്യാ സുജിത്ത്,രജത്ത് രാജീവ്, നിബിൻ എബ്രഹാം നിബു തുടങ്ങിയ വിദ്യാർത്ഥികൾ ആണ് ഈ പ്രവർത്തനങ്ങൾക്ക് ആർ പി ആയി എത്തിയത്. ഈ പരിപാടിയുടെ അവസാനത്തോടെ, വിദ്യാർത്ഥികൾക്ക് ഈ വിഷയങ്ങളിൽ അടിസ്ഥാന അറിവ് ലഭിക്കുകയും, സാങ്കേതിക വിദ്യയോടുള്ള താത്പര്യം വർധിക്കുകയും ചെയ്തു. ഭാവിയിൽ, കൂടുതൽ വിദ്യാർത്ഥികളെ ഇത്തരം പരിപാടികളിൽ ഉൾപ്പെടുത്തുക എന്ന ലക്ഷ്യത്തോടെ ഈ പദ്ധതി വികസിപ്പിക്കാനുള്ള ശ്രമങ്ങൾ നടക്കുന്നു.

ഇ-ക്യൂബ്

കേരളത്തിലെ പ്രൈമറി, അപ്പർ പ്രൈമറി സ്കൂളുകളിലെ ഇംഗ്ലീഷ്, ഹിന്ദി ഭാഷാ പ്രാവീണ്യം മെച്ചപ്പെടുത്തുന്നതിനായി കൈറ്റ് വികസിപ്പിച്ച ഒരു പരിപാടിയാണ്. കൊച്ചുകുട്ടികളിൽ ഇംഗ്ലീഷ് പ്രാവണ്യം വളർത്തുവാൻ വിവിധ പ്രവർത്തനങ്ങളിലൂടെ കൈറ്റ്‌സ് വിദ്യാർത്ഥികൾക്ക് കഴിയുന്നു.

അനിമേഷൻ

ഓപ്പൺ ടൂൺസ് പോലുള്ള അനിമേഷൻ സോഫ്റ്റ്‌വെയറുകൾ ഉപയോഗിച്ച് വിദ്യാർത്ഥികൾക്ക് വിവിധ കാർട്ടൂൺ കഥാപാത്രങ്ങളുടെ ചലനം സൃഷ്ടിക്കുന്നതിനുള്ള അവസരം ഒരുക്കി.

മലയാളം ടൈപ്പിംഗ്

മലയാള അക്ഷരങ്ങൾ ടൈപ്പ് ചെയ്യുവാൻ വിദ്യാർത്ഥികൾ പരിശീലിച്ച് വരുന്നു.

സൈബർ സുരക്ഷ ക്ലാസുകൾ

സ്മാർട്ട്‌ഫോൺ, ഇന്റർനെറ്റിന്റെ സുരക്ഷിത ഉപയോഗം, ഇന്റർനെറ്റിന്റെ വിവിധ ഉപയോഗങ്ങൾ, രക്ഷകർത്താക്കളുടെ ഫോൺ ഉപയോഗിക്കുന്ന വിദ്യാർത്ഥികൾ, പാസ്‌വേർഡിന്റെ പ്രാധാന്യം എന്നീ വിഷയങ്ങളിൽ വിശദമായ ചർച്ച നടന്നു. പ്രത്യേകിച്ചും, സ്മാർട്ട്‌ഫോൺ ഉപയോഗത്തിൽ രക്ഷകർത്താക്കളെ ബോധവൽക്കരിക്കേണ്ടതിന്റെ ആവശ്യകതയെക്കുറിച്ച് ഊന്നിപ്പറഞ്ഞുകൊണ്ടാണ് ക്ലാസ് അവസാനിച്ചത്.

മലയാളം ടൈപ്പിംഗ്

മലയാള അക്ഷരങ്ങൾ മനസ്സിലാക്കാനുള്ള അവസരം ഈ ക്ലാസിൽ വിദ്യാർത്ഥികൾക്ക് ലഭിച്ചു. ഇതുവഴി, ബാല്യകാലത്തുതന്നെ മലയാള ലിപിയുടെ അടിസ്ഥാനം വിദ്യാർത്ഥികളിൽ ഉറപ്പിക്കാൻ സാധിച്ചു.

റോബോട്ടിക്സ്

ചുറ്റുപാടുകളിലെ മാറ്റങ്ങൾ മനസ്സിലാക്കാൻ സഹായിക്കുന്ന സെൻസറുകളെക്കുറിച്ചും, റോബോട്ടുകളെ നിയന്ത്രിക്കുന്നതിനുള്ള പ്രോഗ്രാമിംഗ് ഭാഷകളെക്കുറിച്ചും വിദ്യാർത്ഥികൾക്ക് വ്യക്തമായ ധാരണ നൽകി. തുടർന്നുള്ള ക്ലാസുകളിൽ വിവിധ പ്രായോഗിക പ്രവർത്തനങ്ങൾ നൽകി ഈ അറിവ് ഉറപ്പിക്കാനാണ് ഉദ്ദേശിക്കുന്നത്.

എഐ ക്ലാസുകൾ

വിവിധ എഐ സങ്കേതങ്ങളെക്കുറിച്ചും, അവയുടെ ഉപയോഗങ്ങളെക്കുറിച്ചും വിശദമായ ചർച്ച നടത്തി. പല വിദ്യാർത്ഥികൾക്കും ഈ സങ്കേതങ്ങൾ നേരിട്ട് ഉപയോഗിക്കുന്നതിന്റെ അനുഭവം ലഭിച്ചു.

ഡിജി ഫിറ്റ് ക്ലാസുകൾ കാണുവാൻ സന്ദർശിക്കുക

കമ്പ്യൂട്ടർ കളിക്കളം - രക്ഷിതാക്കൾക്കായി

ലിറ്റിൽ കൈറ്റ്സ് വിദ്യാർത്ഥികളുടെ നേതൃത്വത്തിൽ രക്ഷകർത്താക്കൾക്കായി സൈബർ സുരക്ഷ, മലയാളം കമ്പ്യൂട്ടിംഗ്, ഇ-ഗവേണൻസ് സേവനങ്ങൾ എന്നീ വിഷയങ്ങളിൽ വിദഗ്ധമായ ക്ലാസുകൾ സംഘടിപ്പിച്ചു. റോബോട്ടിക്സ് വിഭാഗത്തിലെ വിദ്യാർത്ഥികൾ നിർമ്മിച്ച ഉൽപ്പന്നങ്ങളുടെ പ്രദർശനവും ഒൻപതാം ക്ലാസിലെ രക്ഷകർത്താക്കൾക്കായി നടത്തി.

അനധികൃത പ്രവേശനം ഉണ്ടായാൽ അലാറം മുഴങ്ങുന്ന ഒരു മോഡൽ വിദ്യാർത്ഥികളുടെ സൃഷ്ടിപരമായ കഴിവുകളെ പ്രകടമാക്കി. ഈ ക്ലാസുകൾ രക്ഷകർത്താക്കൾക്ക് ഏറെ ഉപകാരപ്രദമായിരുന്നു. ആർ.പി. മാരായ ആദിത്യ സുജിത്ത്, രജത്ത് രാജീവ്, നിബിൻ, ജസ്റ്റിൻ, ക്രിസ്റ്റി തുടങ്ങിയ വിദ്യാർത്ഥികളുടെ സജീവമായ പങ്കാളിത്തം ശ്രദ്ധേയമായിരുന്നു.

മലയാളം കമ്പ്യൂട്ടിംഗ്

രക്ഷിതാക്കൾ സ്വരാക്ഷരങ്ങൾ, വ്യഞ്ജനാക്ഷരങ്ങൾ, കൂട്ടക്ഷരങ്ങൾ എന്നിവ കമ്പ്യൂട്ടറിൽ ടൈപ്പ് ചെയ്ത് മലയാളം ടൈപ്പിംഗ് നൈപുണ്യം നേടി.

സൈബർ സുരക്ഷ ക്ലാസുകൾ

സ്മാർട്ട് ഫോൺ, ഇന്റർനെറ്റ്, ഇന്റർനെറ്റിന്റെ സുരക്ഷിത ഉപയോഗം,ഇന്റർനെറ്റിന്റെ വ്യാപനത്തോടൊപ്പം ഫോണുകൾക്ക് വന്ന പരിണാമം മനസിലാക്കുക,സ്മാർട്ട് ഫോൺ നിത്യ ജീവിതത്തിൽ ചെലുത്തുന്ന സ്വാധീനം,മൊബൈൽഫോൺ ഉപയോഗം - സുരക്ഷയൊരുക്കാൻ പാസ്‍വേഡുകൾ, ഓൺലൈൻ ലോകത്തെ തട്ടിപ്പുകൾ,പത്രവാർത്തകൾ,രക്ഷിതാവും കുട്ടിയും മൊബൈൽ ഫോൺ ഉപയോഗവും,പതിരും നെല്ലും തിരിച്ചറിയുന്ന വാർത്തകളുടെ കാണാലോകം,വ്യാജവാർത്തകൾ തിരിച്ചറിയുക,അവയെ തടയുന്നതിനുള്ള മാർഗങ്ങൾ, ഇന്റർനെറ്റിലെ ചതിക്കുഴികൾ, ഇന്റർനെറ്റ് ജാഗ്രതയോടെ പ്രയോജനപ്പെടുത്തുന്ന വിധം തുടങ്ങിയവ വിദ്യാർഥികളുടെ നേതൃത്വത്തിൽ ക്ലാസ്സിൽ ചർച്ച ചെയ്തു.

ഇ-ഗവേണൻസ് സേവനങ്ങൾ

ജനന-മരണ സർട്ടിഫിക്കറ്റുകൾ ഓൺലൈനായി അപേക്ഷിക്കുന്ന വിധം, പൊതുജനാരോഗ്യ സേവനങ്ങൾ,ഭൂ രജിസ്ട്രേഷൻ തുടങ്ങിയവ സാധ്യമാക്കുന്ന ആപ്പുകളുടെ ഉപയോഗം വിദ്യാർത്ഥികൾ രക്ഷികർത്താക്കളിൽ എത്തിച്ചു.

ലേസർ സെക്യൂരിറ്റി സിസ്റ്റം

രജിത്ത് രാജീവ് അവതരിപ്പിച്ച ലേസർ സെക്യൂരിറ്റി സിസ്റ്റം വീടുകൾ, ബാങ്കുകൾ, ഓഫീസുകൾ, വാഹനങ്ങൾ, മ്യൂസിയങ്ങൾ തുടങ്ങിയ നിരവധി സ്ഥലങ്ങളിൽ സുരക്ഷ ഉറപ്പാക്കാൻ ഉപയോഗിക്കാവുന്ന ഒരു ലളിതമായ ഉപകരണമാണ്.

ഈ സിസ്റ്റം ഒരു ഇലക്ട്രോണിക് സർക്യൂട്ട് ഉപയോഗിക്കുന്നു. ഇതിൽ ട്രാൻസിസ്റ്റർ, റെസിസ്റ്റർ,എൽഡിആർ (ലൈറ്റ് ഡിപെൻഡന്റ് റെസിസ്റ്റർ), എൽഇഡി , ബസർ എന്നീ ഘടകങ്ങൾ ഉൾപ്പെടുന്നു. ഈ സിസ്റ്റത്തിന്റെ പ്രധാന ഭാഗം എൽഡിആർ ആണ്. ലേസർ വെളിച്ചം എൽഡിആർ- ൽ പതിക്കുമ്പോൾ ഒരു സർക്യൂട്ട് പൂർത്തിയാകും. എന്നാൽ, ഏതെങ്കിലും ഒരു കാരണവൽ ലേസർ വെളിച്ചം തടസ്സപ്പെട്ടാൽ, സർക്യൂട്ട് തുറന്ന് അലാറം മുഴങ്ങും.

സാധാരണയായി, നാല് മൂലകളിൽ സ്ഥാപിച്ച മിററുകൾ ഉപയോഗിച്ച് ലേസർ വെളിച്ചം എൽഡിആർ-ൽ പതിപ്പിക്കുന്നു. ഏത് മൂലയിൽ നിന്നായാലും തടസ്സം ഉണ്ടായാൽ, അതനുസരിച്ചുള്ള അലാറം സർക്യൂട്ട് പ്രവർത്തിക്കും.

നാസ് പരീക്ഷാ ബോധവൽക്കരണം

നാസ് പരീക്ഷയെക്കുറിച്ചുള്ള ബോധവൽക്കരണവും രക്ഷകർത്തൃ സമ്മേളനത്തിലെ ശ്രദ്ധേയമായ പ്രവർത്തനങ്ങളായിരുന്നു.

വയോധികർക്കായി കമ്പ്യൂട്ടർ പാഠശാല

ഇടയാറന്മുള എ.എം.എം. ഹയർ സെക്കൻഡറി സ്കൂളിലെ ലിറ്റിൽ കൈറ്റ്സ് യൂണിറ്റ്, ഡിസംബർ രണ്ട് ലോക കമ്പ്യൂട്ടർ സാക്ഷരതാ ദിനത്തോടനുബന്ധിച്ച് വയോധികർക്കായി ശ്രദ്ധേയമായ സംരംഭങ്ങൾ 2024 ഡിസംബർ മൂന്നിന് സംഘടിപ്പിച്ചു.

ഭവനങ്ങളിലും വിദ്യാലയത്തിലും കമ്പ്യൂട്ടർ സാക്ഷരതാ ക്ലാസുകൾ നടത്തി. കൈറ്റ്സ് കുട്ടികളുടെ നേതൃത്വത്തിൽ, വയോധികരെ സൈബർ ദുരുപയോഗത്തെക്കുറിച്ച് ബോധവൽക്കരിക്കുന്നതിനുള്ള ശക്തമായ ശ്രമങ്ങൾ നടന്നു. സ്മാർട്ട്‌ഫോൺ ഉപയോഗം, മെയിൽ ഐഡി നിർമ്മാണം, സോഷ്യൽ മീഡിയ ഉപയോഗം, സൈബർ ദുരുപയോഗങ്ങളെകുറിച്ചുള്ള ബോധവൽക്കരണം, ഈ-ഗവർണൻസ് തുടങ്ങിയ വിഷയങ്ങൾ ക്ലാസുകളിൽ ഉൾപ്പെടുത്തി. വിദ്യാർത്ഥികളുടെ നേതൃത്വത്തിലുള്ള ഈ പദ്ധതികൾ, പുതുതലമുറയും പഴയ തലമുറയും തമ്മിലുള്ള ഡിജിറ്റൽ അന്തരം കുറയ്ക്കാൻ സഹായിച്ചു. പങ്കെടുത്ത എല്ലാവർക്കും ഈ അനുഭവം ഏറെ പ്രയോജനകരമായിരുന്നു.

എക്സ്പോ 2025

പത്തനംതിട്ട ജില്ലയിലെ ഇടയാറന്മുള എ എം എം ഹയർ സെക്കൻഡറി സ്കൂളിലെ ലിറ്റിൽ കൈറ്റ്സ് വിദ്യാർത്ഥികൾ നേതൃത്വം നൽകിയ ടെക് ഫെസ്റ്റ്, എക്സ്പോ 2025 എന്ന പരിപാടി 2025 ജനുവരി 8-ന് സ്കൂളിലെ ഐടി ലാബിൽ വിപുലമായി നടന്നു. വിവിധ സ്കൂളുകളിൽ നിന്നുള്ള അധ്യാപകരും വിദ്യാർത്ഥികളും എക്സ്പോയിൽ പങ്കെടുത്തു. അവർ തങ്ങളുടെ അനുഭവങ്ങൾ പങ്കുവെച്ചു. പിടിഎയുടെ സജീവ പങ്കാളിത്തവും എക്സ്പോയുടെ വിജയത്തിന് സഹായകമായി. എക്സ്പോയിൽ പ്രഥമ അദ്ധ്യാപിക അനില സാമുവേൽ, സ്റ്റാഫ് സെക്രട്ടറി ജെബി തോമസ്, ഹയർ സെക്കൻഡറി ഊർജ്ജ തന്ത്ര അദ്ധ്യാപകൻ സിബി മത്തായി, സീനിയർ അദ്ധ്യാപിക സുനു മേരി സാമുവേൽ, കൈറ്റ് മാസ്റ്റേഴ്സായ ആശ പി മാത്യു, ലക്ഷ്മി പ്രകാശ് തുടങ്ങിയവർ ആശംസ അറിയിച്ചു.

അനിമേഷൻ

എക്സ്പോയിൽ, കൈറ്റ്സ് വിദ്യാർത്ഥികൾ അനിമേഷൻ മേഖലയിലൂടെ പരിസ്ഥിതി സംരക്ഷണം, ലഹരി വിരുദ്ധ ബോധവൽക്കരണം, സൈബർ സുരക്ഷ, റോഡ് സുരക്ഷ, വനനശീകരണം തടയൽ, മാലിന്യ സംസ്കരണം എന്നീ പ്രധാന വിഷയങ്ങളിൽ ബോധവൽക്കരണം നടത്തി. ഇതിനായി അവർ ടുപി ട്യൂബ് ഡെസ്ക്, ഓപ്പൺ ടൂൺസ്, ബ്ലെൻഡർ തുടങ്ങിയ സ്വതന്ത്ര സോഫ്റ്റ്‌വെയറുകൾ ഉപയോഗിച്ചു.

ഗെയിം

സ്ക്രാച്ച് സോഫ്റ്റ്‌വെയർ ഉപയോഗിച്ച് വിവിധ ബോധവൽക്കരണ ഗെയിമുകളും തയ്യാറാക്കിയിരുന്നു.

റോബോട്ടിക്സ്

റോബോട്ടിക്സ് വിഭാഗത്തിൽ, മൊബൈൽ ആപ്പ് ഉപയോഗിച്ച് നിയന്ത്രിക്കുന്ന ഒബ്‌സ്റ്റക്കിൾ അവോയ്ഡൻസ് റോബോട്ട്, ആർഡ്വിനോ ഉപയോഗിച്ചുള്ള ഫയർ സെൻസർ മൊബൈൽ ആപ്പ് ഉപയോഗിച്ച് നിയന്ത്രിക്കുന്ന ഹോം ആപ്ലിക്കേഷൻ കൺട്രോൾ ,ആർഡ്വിനോ ഉപയോഗിച്ചുള്ള ഹാൻഡ് സെൻസിംഗ് ക്യാമറ, സെൽഫ് പ്ലാന്റ് വാട്ടറിംഗ് സിസ്റ്റം തുടങ്ങിയവ പ്രദർശിപ്പിച്ചു. ഇവയെല്ലാം കാണികളെ ഏറെ ആകർഷിച്ചു.

വിവിധ തരത്തിലുള്ള റോബോട്ടുകളെക്കുറിച്ചും അവയുടെ പ്രവർത്തനങ്ങളെക്കുറിച്ചും അറിയുവാൻ വിവിധതരം റോബോട്ടുകൾ എന്ന പേജ് സന്ദർശിക്കുക

മാഗസിൻ നിർമ്മാണം

സ്ക്രൈബസ് സോഫ്റ്റ്‌വെയർ ഉപയോഗിച്ച് മാഗസിൻ നിർമ്മിക്കുന്നത് കുട്ടികളെ ആകർഷിച്ചു.

ഗ്രാഫിക് ഡിസൈനിങ്

പോസ്റ്ററുകളും ഡിസൈനുകളും ജിമ്പ് സോഫ്റ്റ്‌വെരിവുകൾ ഉപയോഗിച്ച് വിദ്യാർഥികൾ തയ്യാറാക്കി.

സ്കൂൾ വെബ്‌സൈറ്റ്

സ്കൂളിന്റെ വിവിധ പ്രവർത്തനങ്ങൾ അപ്ഡേറ്റ് ചെയ്യുന്ന വെബ്സൈറ്റ് വിദ്യാർത്ഥികളിൽ കൗതുകം ഉളവാക്കി.

സ്കൂൾ വിക്കി പേജ്

സ്കൂളിലെ വിവിധ ക്ലബ്ബുകളുടെ പ്രവർത്തനങ്ങൾ പ്രതിനിധീകരിക്കുന്ന സ്കൂൾ വിക്കി പേജ് എക്സിബിഷനിൽ പ്രദർശിപ്പിച്ചു.

ഹാർഡ്‌വെയർ പ്രദർശനം

ഹാർഡ്‌വെയർ ഉപകരണങ്ങളുടെ ഒരു പ്രദർശനം എക്സിബിഷനിൽ സംഘടിപ്പിച്ചു.

ഇലക്ട്രോണിക്സ് ഉപകരണങ്ങളുടെ പ്രദർശനം

ഇലക്ട്രോണിക് ഉപകരണങ്ങളുടെ ഉപയോഗവും, പ്രവർത്തനവും എക്സിബിഷൻ പ്രദർശിപ്പിച്ചു.

ഭിന്നശേഷി കുട്ടികൾക്കുള്ള പരിശീലനം

പത്തനംതിട്ട ജില്ലയിലെ സ്പെഷ്യൽ സ്കൂളുകളിലെ വിദ്യാർത്ഥികൾക്ക് ഐടി പരിശീലനം നൽകുന്ന ലിറ്റിൽ കൈറ്റ്സ് പദ്ധതിക്ക് പുതിയ അദ്ധ്യായം. പൊതുവിദ്യാഭ്യാസ വകുപ്പിന്റെ നിർദ്ദേശപ്രകാരം പത്തനംതിട്ട കൈറ്റ് നടപ്പാക്കുന്ന ഈ പദ്ധതിയിൽ, പ്രോഗ്രാമിംഗ്, അനിമേഷൻ, ഗ്രാഫിക്‌സ് ഡിസൈൻ തുടങ്ങിയ വിവിധ ഐടി പരിപാടികളിലൂടെ പ്രായോഗിക പരിശീലനം നൽകി, സി എസ് ഐ, വി എച്ച് എസ് എസ് ഡെഫ് സ്കൂൾ തിരുവല്ല സ്കൂളിലെ ഭിന്നശേഷി വിദ്യാർത്ഥികളെ സഹായിക്കുന്ന പദ്ധതിക്ക് 2025 ജനുവരി 24ന് തുടക്കമായി. കൈറ്റ്സ് വിദ്യാർത്ഥികളുടെ നേതൃത്വത്തിൽ നടത്തുന്ന ഈ പ്രവർത്തനം, അവരിൽ സമൂഹത്തിൽ സേവനം ചെയ്യാനുള്ള അവസരം ലഭിക്കുകയും സാമൂഹിക ബോധം വളർത്തുകയും ചെയ്യുന്നു.

ആർഡുയിനോ ഉപയോഗിച്ചുള്ള ഹോം ആപ്ലിക്കേഷൻ കൺട്രോളർ

സ്മാർട്ട് ഹോം സാങ്കേതികവിദ്യയിലേക്ക് വിദ്യാർത്ഥികളെ പരിചയപ്പെടുത്തുന്ന ഈ പദ്ധതിയിൽ, മൊബൈൽ ഫോൺ ഉപയോഗിച്ച് വീട്ടിലെ ഉപകരണങ്ങൾ നിയന്ത്രിക്കുന്നതിനുള്ള സംവിധാനം വികസിപ്പിക്കുന്നു.

പിക്ടോഡോസ് ബോക്സ് ഉപയോഗിച്ചുള്ള സൈൻ ലാംഗ്വേജ് ക്വിസ്

ഭിന്നശേഷി വിദ്യാർത്ഥികളുടെ ആശയവിനിമയ കഴിവുകൾ വികസിപ്പിക്കുന്നതിന് സഹായിക്കുന്ന ഈ പദ്ധതിയിൽ, ചിത്രങ്ങളും വാക്കുകളും ഉപയോഗിച്ച് സൈൻ ഭാഷ പഠിക്കാനുള്ള രസകരമായ മാർഗം ഒരുക്കുന്നു.

ഒപ്റ്റിക്കൽ അവോയ്ഡൻസ് റോബോ കാർ

റോബോട്ടിക്‌സിലേക്ക് വിദ്യാർത്ഥികളെ പരിചയപ്പെടുത്തുന്ന ഈ പദ്ധതിയിൽ, തടസ്സങ്ങളെ മറികടന്ന് സഞ്ചരിക്കാൻ കഴിയുന്ന റോബോട്ടുകൾ നിർമ്മിക്കുന്നു.

ലേസർ സെക്യൂരിറ്റി സിസ്റ്റം

സുരക്ഷാ സംവിധാനങ്ങളെക്കുറിച്ച് വിദ്യാർത്ഥികൾക്ക് അറിവ് നൽകുന്ന ഈ പദ്ധതിയിൽ, ലേസർ സെൻസറുകൾ ഉപയോഗിച്ച് സുരക്ഷാ സംവിധാനങ്ങൾ നിർമ്മിക്കുന്നു.

ബ്ലെൻഡർ സോഫ്റ്റ്‌വെയർ ഉപയോഗിച്ചുള്ള ത്രീഡി സിറ്റി നിർമ്മാണം

ത്രീഡി മോഡലിംഗിലേക്ക് വിദ്യാർത്ഥികളെ പരിചയപ്പെടുത്തുന്ന ഈ പദ്ധതിയിൽ, 3D സിറ്റികൾ നിർമ്മിക്കുന്നതിനുള്ള കഴിവുകൾ വികസിപ്പിക്കുന്നു.

ഓപ്പൺ ടൂൺസ് സോഫ്റ്റ്‌വെയർ ഉപയോഗിച്ചുള്ള ലഹരി ബോധവൽക്കരണ പ്രവർത്തനങ്ങൾ

അനിമേഷൻ സോഫ്റ്റ്‌വെയർ ഉപയോഗിച്ച് ലഹരി വിരുദ്ധ സന്ദേശങ്ങൾ പ്രചരിപ്പിക്കുന്ന ഈ പദ്ധതിയിൽ, വിദ്യാർത്ഥികളുടെ സർഗ്ഗാത്മകത പ്രോത്സാഹിപ്പിക്കുന്നു.

സൈബർ സെക്യൂരിറ്റി പ്രവർത്തനങ്ങൾ

ഇന്റർനെറ്റ് സുരക്ഷയെക്കുറിച്ച് വിദ്യാർത്ഥികളെ ബോധവത്കരിക്കുന്ന ഈ പദ്ധതിയിൽ, സൈബർ അക്രമങ്ങളിൽ നിന്ന് സ്വയം സംരക്ഷിക്കാനുള്ള മാർഗങ്ങൾ പഠിപ്പിക്കുന്നു.

ജിമ്പ് സോഫ്റ്റ്‌വെയർ ഉപയോഗിച്ചുള്ള ചിത്രരചന

ഗ്രാഫിക്‌സ് ഡിസൈനിലേക്ക് വിദ്യാർത്ഥികളെ പരിചയപ്പെടുത്തുന്ന ഈ പദ്ധതിയിൽ, ചിത്രങ്ങൾ എഡിറ്റ് ചെയ്യുന്നതിനും പുതിയ ചിത്രങ്ങൾ സൃഷ്ടിക്കുന്നതിനുമുള്ള കഴിവുകൾ വികസിപ്പിക്കുന്നു.

ഈ പദ്ധതിയിലൂടെ, ഭിന്നശേഷി വിദ്യാർത്ഥികളിൽ സാങ്കേതിക വിദ്യയോടുള്ള താത്പര്യം വളർത്തിയെടുക്കുകയും, അവരുടെ സർഗ്ഗാത്മകത പ്രോത്സാഹിപ്പിക്കുകയും ചെയ്യുന്നു.

ഹ്രസ്വചിത്ര നിർമ്മാണം

പത്തനംതിട്ട ജില്ലയിലെ ഇടയാറന്മുള എ.എം.എം ഹയർ സെക്കന്ററി സ്കൂളിൽ മാലിന്യ വലിച്ചെറിയൽ വിരുദ്ധ ദിനാചരണത്തിന്റെ ഭാഗമായി ഒരു ഹ്രസ്വചിത്രം നിർമ്മിച്ചു. പരിസ്ഥിതി സംരക്ഷണത്തിന്റെയും മാലിന്യ വ്യവസ്ഥാപനത്തിന്റെയും ആവശ്യകത പ്രചരിപ്പിക്കുന്നതിനായാണ് ഈ പ്രമേയവുമായി ഹ്രസ്വചിത്രം ഒരുക്കിയത്. സ്കൂളിന്റെ പരിസരത്തും സമീപ പ്രദേശങ്ങളിലും സംഭവിക്കുന്ന പ്ലാസ്റ്റിക് മാലിന്യ നിക്ഷേപം, വെള്ളം പാഴാക്കൽ, അശാസ്ത്രീയമായ മാലിന്യ സംസ്കരണം തുടങ്ങിയ പ്രശ്നങ്ങളെ ആസ്പദമാക്കി വിദ്യാർത്ഥികൾ സ്വയം രചനയും അഭിനയവും നിർവഹിച്ച ഹ്രസ്വചിത്രം ശ്രദ്ധേയമായി. കുട്ടികളിൽ പരിസ്ഥിതി അവബോധം വളർത്താനും അവരെ ഉദ്ദേശിക്കപ്പെട്ട സമൂഹ മാറ്റത്തിനായി ആകർഷിക്കാനുമുള്ള ശ്രമത്തിന്റെ ഭാഗമായാണ് ഈ പ്രവർത്തനം.

ഹ്രസ്വചിത്ര നിർമ്മാണത്തിന്റെ ഉദ്ഘാടനം സ്കൂൾ ഹെഡ്മിസ്ട്രെസ്സ് അനില ശാമുവേൽ നിർവഹിച്ചു. അധ്യാപകരും വിദ്യാർത്ഥികളും ചേർന്ന് ചിത്രീകരണ പ്രവർത്തനങ്ങൾക്ക് സജീവ സഹകരണവും പിന്തുണയും നൽകി. ചിത്രത്തിന്റെ തിരക്കഥയെഴുതുകയും സംവിധാനചുമതല ഏറ്റെടുക്കുകയും ചെയ്തവർ സ്കൂളിലെ ലിറ്റിൽ കൈറ്റ്സ് ക്ലബ്ബ് അംഗങ്ങൾ ആയിരുന്നു. ചിത്രീകരണത്തിനായി സ്കൂൾ പരിസരവും സമീപ പ്രദേശങ്ങളും ഉപയോഗപ്പെടുത്തി. അതിൽ പ്ലാസ്റ്റിക് മാലിന്യങ്ങളുടെ ദോഷഫലങ്ങൾ, വെള്ളം പാഴാക്കുന്നത് എങ്ങനെ പ്രകൃതിയെയും മനുഷ്യജീവിതത്തെയും ബാധിക്കുന്നു, ശുചിത്വത്തിന്റെ പ്രാധാന്യം തുടങ്ങിയ സന്ദേശങ്ങൾ ഉൾപ്പെടുത്തി.

ഹ്രസ്വചിത്രം പ്രദർശനം നടത്തുകയും അതിലൂടെ വിദ്യാർത്ഥികളിൽ ശുചിത്വ ബോധം വർദ്ധിപ്പിക്കാനും സാധിച്ചു. പരിസ്ഥിതിയെ സംരക്ഷിക്കാനുള്ള ഉത്തരവാദിത്വം ഓരോരുത്തരുടെയും കടമയാണെന്ന ബോധമുണ്ടാക്കുന്നതിനും അതുവഴി ശുചിത്വപരിപാലനത്തിലും മാലിന്യ സംസ്കരണത്തിലും അവർക്ക് ഗൗരവമുള്ള പങ്കാളിത്തം ഉറപ്പുവരുത്തുന്നതിനുമാണ് സ്കൂളിന്റെ ഈ ശ്രമം. ഈ ഹ്രസ്വചിത്രം സ്കൂളിന്റെ ഔദ്യോഗിക പ്ലാറ്റ്ഫോമുകളിലൂടെയും സാമൂഹിക മാധ്യമങ്ങളിലൂടെയും പ്രദർശിപ്പിക്കാനും കൂടുതൽ ആളുകളിലേക്ക് പരിസ്ഥിതി സംരക്ഷണ സന്ദേശം എത്തിക്കാനും സാധിച്ചു.

കീ ടു എൻട്രൻസ് പ്രോഗ്രാം

പൊതു വിദ്യാഭ്യാസ വകുപ്പ് കൈറ്റിന്റെ നേതൃത്വത്തിൽ നടപ്പാക്കുന്ന കീ ടു എൻട്രൻസ് പരിപാടിയിൽ ഇടയാറന്മുള എ എം എം ഹയർ സെക്കൻഡറി സ്കൂളിലെ വിദ്യാർത്ഥികളും പങ്കാളികളായി.

രജിസ്ട്രേഷൻ

ലിറ്റിൽ കൈറ്റ്സും, എൻഎസ്എസ് യൂണിറ്റും ചേർന്ന് 2025 ൽ വൊക്കേഷണൽ, ഹയർ സെക്കൻഡറി വിദ്യാർത്ഥികൾക്കും, പൊതുസമൂഹത്തിലെ മറ്റു വിദ്യാർത്ഥികളിൽ പന്ത്രണ്ടാം ക്ലാസ് പരീക്ഷ എഴുതുന്ന എല്ലാ വിദ്യാർത്ഥികളെയും കൈറ്റ് നേതൃത്വം നൽകുന്ന കീ ടു എൻട്രൻസ് പ്രോഗ്രാമിന് വേണ്ടി രജിസ്ട്രേഷൻ നടത്തിവരുകയാണ്. ചോദ്യപേപ്പറുകൾ, അസൈൻമെന്റുകൾ,മോക്ക് ടെസ്റ്റുകൾ എന്നിവ ഉൾപ്പെടെയുളള വിപുലമായ പോർട്ടലിൽ പൊതുവിദ്യാഭ്യാസ വകുപ്പ് വിദ്യാർത്ഥികൾക്കായി സൗജന്യമായ ലോഗിൻ ആക്സസ് നൽകുന്നു.

ബോധവൽക്കരണ ക്ലാസ്

എട്ടാം ക്ലാസിലെ വിദ്യാർത്ഥികളായ ക്രിസ്റ്റി തോമസ് ജേക്കബ്, ജെസ്റ്റിൻ ചെറിയാൻ ടിജു, രജത്ത് രാജീവ്, നിബിൻ നിബു, ആദിശങ്കരൻ തുടങ്ങിയ വിദ്യാർത്ഥികൾ ബോധവൽക്കരണ ക്ലാസിനും, രജിസ്ട്രേഷനും നേതൃത്വം നൽകി.

പ്ലസ് ടു പഠനത്തിനുശേഷം വിദ്യാർത്ഥികൾ ആഗ്രഹിക്കുന്ന തലത്തിൽ ഉന്നത പഠനത്തിന് അഡ്മിഷൻ നേടാൻ അവരെ പ്രാപ്തരാക്കുക എന്ന ലക്ഷ്യത്തോടുകൂടിയാണ് കീ ടു എൻട്രൻസ് എന്ന പരിപാടി ലക്ഷ്യം വെക്കുന്നത്. ഈ പ്രവർത്തനം വഴി കൈറ്റ്സ് പ്രവർത്തനം പ്ലസ് ടു വിദ്യാർത്ഥികളിലേക്കും വ്യാപിപ്പിച്ചു. വിക്ടേഴ്സ് ചാനലുകൾ വഴി സംപ്രേഷണം ചെയ്യുന്ന എല്ലാ ക്ലാസ്സുകളും വിദ്യാർഥികളിൽ ലിറ്റിൽ കൈറ്റ്സ് വിദ്യാർത്ഥികളുടെ നേതൃത്വത്തിൽ എത്തിക്കുന്നുണ്ട്.

മോക്ക് ടെസ്റ്റുകൾ

ഗുണനിലവാരമുള്ള വിദ്യാഭ്യാസത്തിനായുള്ള സാമൂഹ്യ പ്രതിബദ്ധതയുടെ ഭാഗമായി, സയൻസ്, ഹ്യുമാനിറ്റീസ്, കൊമേഴ്സ് എന്നീ സ്ട്രീമുകളിലെ വിദ്യാർത്ഥികൾക്കായി ഈ പഠന അവസരങ്ങൾ ഒരുക്കിയിരിക്കുന്നു.ഹയർ സെക്കൻഡറി വിഷയങ്ങളായ അക്കൗണ്ടൻസി, എക്കണോമിക്സ്, ഫിസിക്സ്, കെമിസ്ട്രി, സുവോളജി, ബോട്ടണി, മാക്സ്, കൊമേഴ്സ് തുടങ്ങിയ വിവിധ വിഷയങ്ങളുടെ പ്രത്യേക ക്ലാസുകളും, മോക് ടെസ്റ്റുകളും, ചോദ്യ പേപ്പറുകളും, വിശദമായ അസൈൻമെന്റുകളും കൈറ്റ് വിക്ടേഴ്സിൽ ലഭ്യമാണ്. ഇതിനെപ്പറ്റിയുള്ള വിശദമായ ബോധവൽക്കരണമാണ് വിദ്യാർത്ഥികൾ ക്ലാസ്സിൽ നടത്തിയത്.വിദ്യാർഥികൾക്ക് മോക്ക് ടെസ്റ്റിനുള്ള അവസരവും സ്കൂൾ നൽകുന്നുണ്ട്.

സൈബർ സുരക്ഷയ്ക്ക് സുരക്ഷിത പാതകൾ - സൈബർ സ്നേഹിത

പൊതുവിദ്യാഭ്യാസ വകുപ്പന്റെ നിർദ്ദേശം അനുസരിച്ച് കുടുംബശ്രീ പ്രവർത്തകർക്കായി ലിറ്റിൽ കൈറ്റ്സിന്റെ ആഭിമുഖ്യത്തിൽ ഫെബ്രുവരി11, 2025-ന്, സൈബർ സുരക്ഷാ പ്രവർത്തനങ്ങൾ നടത്തി. ലിറ്റിൽ കൈറ്റ്സിന്റെ സജീവ സഹകരണത്താൽ സംഘടിപ്പിച്ച ബോധവൽക്കരണ ക്ലാസ്, സമൂഹത്തെ സൈബർ ഭീഷണികളിൽ നിന്ന് സുരക്ഷിതരാക്കാൻ സഹായകമാകും. കുടുംബശ്രീ പ്രവർത്തകർക്കായി ഒരുക്കിയ സൈബർ സുരക്ഷാ ബോധവൽക്കരണ ക്ലാസ് സീനിയർ അധ്യാപികയായ അഞ്ജലി ദേവി എസ് ഉദ്ഘാടനം ചെയ്തു. ആശ പി മാത്യു, ലക്ഷ്മി പ്രകാശ് തുടങ്ങിയവർ ആശംസകൾ അറിയിച്ചു.

ബോധവൽക്കരണ ക്ലാസ്

ഇന്റർനെറ്റിലും സോഷ്യൽ മീഡിയയിലും വ്യാപകമായി പ്രചരിക്കുന്ന വ്യാജവാർത്തകളും അവയിൽ ഒളിഞ്ഞിരിക്കുന്ന ചതിക്കുഴികളും വ്യക്തിഗത വിവരങ്ങൾ ചോർത്താനിടയാക്കുന്ന വ്യാജലിങ്കുകളെക്കുറിച്ചും ബോധവൽക്കരിക്കുക എന്നായിരുന്നു ക്ലാസിന്റെ പ്രധാന ഉദ്ദേശ്യം.

ലിറ്റിൽ കൈറ്റ്സ് എട്ടാം ക്ലാസ് യൂണിറ്റിലെ അംഗങ്ങളായ ക്രിസ്റ്റി തോമസ് ജേക്കബ്, ആദിശങ്കരൻ, പാർത്ഥൻ ബിജു, നിബിൻ നിബു തുടങ്ങിയ വിദ്യാർത്ഥികളാണ് ക്ലാസിന്റെ മുഖ്യ അവതാരകരായി പ്രവർത്തിച്ചത്.

ഇന്റർനെറ്റിലെ തെറ്റായ വിവരങ്ങൾ തിരിച്ചറിയുന്ന മാർഗങ്ങൾ, വൈറൽ വീഡിയോകളുടെ പാശ്ചാത്തലങ്ങൾ, വ്യാജ ലിങ്കുകൾ വഴി പണവും വിവരങ്ങളും നഷ്ടപ്പെടാനുള്ള സാധ്യതകൾ തുടങ്ങിയവ ദൃശ്യാവിഷ്കാരങ്ങളിലൂടെയും പ്രായോഗിക ഉദാഹരണങ്ങളുടെയും അടിസ്ഥാനത്തിൽ കുട്ടികൾ വിശദീകരിച്ചു.അവരുടെ സമർപ്പണവും സൈബർ ബോധവൽക്കരണത്തിൽ കാണിച്ച പ്രതിബദ്ധതയും മാതൃകാപരമായിരുന്നു.

സൈബർ ലോകത്തിന്റെ വ്യാപ്തിയും അതിന്റെ ലഭ്യമായ സവിശേഷതകളും ശ്രദ്ധയിൽപ്പെടുത്തി സുരക്ഷിതമായി ഉപയോഗിക്കാനുള്ള നിർദ്ദേശങ്ങളും അവർ പങ്കുവച്ചു.ഇത്തരമൊരു ബോധവൽക്കരണ ക്ലാസിലൂടെ കുടുംബശ്രീ പ്രവർത്തകർക്ക് സൈബർ ലോകത്തെ ആക്രമണങ്ങളിൽ നിന്ന് സ്വയം രക്ഷപ്പെടാനുള്ള അറിവും ആത്മവിശ്വാസവും ലഭിച്ചു. സമൂഹത്തെ സൈബർ സുരക്ഷിതത്വത്തിലേക്ക് നയിക്കുന്നതിന് ക്ലാസ് ഫലപ്രദമായെന്ന് എല്ലാവരും അഭിപ്രായപ്പെട്ടു.

നോട്ടീസ് വിതരണം

സൈബർ സുരക്ഷയെക്കുറിച്ചുള്ള ബോധവൽക്കരണങ്ങൾ സമൂഹത്തിൽ എത്തിക്കുന്ന നോട്ടീസ് വിതരണം വിദ്യാർത്ഥികളുടെ നേതൃത്വത്തിൽ നടത്തി.

ജില്ലാ റോബോ ഫെസ്റ്റ്

എ.എം.എം. ഹയർ സെക്കൻഡറി സ്കൂൾ ലിറ്റിൽ കൈറ്റ്സ് അംഗങ്ങൾ റോബോട്ടിക് എക്സ്പോയിൽ ഉജ്ജ്വലമായി പ്രകടനം കാഴ്ചവെച്ചു. പത്തനംതിട്ട കൈറ്റ് & അടൂർ ഐ എച്ച് ആർ ഡി എൻജിനീയറിങ് കോളേജും ചേർന്ന് 2025 മാർച്ച്‌ 1ന് സംഘടിപ്പിച്ച റോബോട്ടിക് എക്സ്പോയിൽ എം.എം.എം ഹയർ സെക്കൻഡറി സ്കൂളിലെ ലിറ്റിൽ കൈറ്റ്സ് അംഗങ്ങൾ ശ്രദ്ധേയമായ പങ്കാളിത്തം നടത്തി. സ്കൂൾ തല റോബോട്ടിക് ഫെസ്റ്റിൽ നിന്ന് തിരഞ്ഞെടുത്ത മികച്ച അവതരണങ്ങളാണ് എക്സ്പോയിൽ പ്രദർശിപ്പിച്ചത്.

കുട്ടികൾ തയ്യാറാക്കിയ റോബോട്ടിക് ഉപകരണങ്ങൾ പരിസ്ഥിതി സൗഹാർദ്ദപരവും നവീന സാങ്കേതികവിദ്യ ഉൾക്കൊള്ളുന്നതുമായിരുന്നു. പ്രധാനമായും ഓട്ടോമാറ്റിക് ഗേറ്റ്, സ്മാർട്ട് ഡസ്റ്റ് ബിൻ, ഓട്ടോ ഇറിഗേഷൻ സിസ്റ്റം, സ്മാർട്ട് ഹോം, വീൽചെയർ, റോബോകാർ തുടങ്ങിയ പ്രോജക്റ്റുകളാണ് വിദ്യാർത്ഥികൾ അവതരിപ്പിച്ചത്.

8, 9 ക്ലാസുകളിലെ ലിറ്റിൽ കൈറ്റ്സ് അംഗങ്ങൾ റോബോ ഫെസ്റ്റിലും പ്രദർശനത്തിലും സജീവമായി പങ്കെടുത്തു. അവരിൽ രജത് രാജീവ്, ജെസ്റ്റിൻ ചെറിയാൻ റ്റിജു, ക്രിസ്റ്റി തോമസ് ജേക്കബ് , അമീൻ മുഹമ്മദ്, ആദിത്യ കൃഷ്ണ എന്നിവരുടെ പ്രകടനം ഏറെ ശ്രദ്ധേയമായി. ഇതോടൊപ്പം അലീഷ സുനിൽ,കീർത്തിക എസ് എന്നിവർ റോബോ ഫെസ്റ്റിന്റെ മുഴുവൻ പരിപാടികളും ഡോക്യുമെന്റ് ചെയ്തു. കൈറ്റ് മിസ്റ്റേഴ്സും, പിടിഎ അംഗങ്ങളും നേതൃത്വം വഹിച്ചു.

വിദ്യാർത്ഥികളുടെ സാങ്കേതികജ്ഞാനം, ആശയവിനിമയം, സൃഷ്ടിപരത്വം എന്നിവ വികസിപ്പിക്കുന്നതിനുള്ള മികച്ച വേദിയായ റോബോട്ടിക് എക്സ്പോ ലിറ്റിൽ കൈറ്റ്സ് അംഗങ്ങൾക്ക് അത്യന്തം പ്രയോജനപ്രദമായി.

അവധിക്കാല ഐ ടി ക്യാമ്പ്

ഇടയാറന്മുള എ.എം.എം. ഹയർ സെക്കന്ററി സ്കൂളിൽ ലിറ്റിൽ കൈറ്റ്സിന്റെ നേതൃത്വത്തിൽ ഏപ്രിൽ 1 2025 മുതൽ ഏപ്രിൽ 11 വരെ 10 ദിവസം നീണ്ട അവധിക്കാല ഐ ടി ക്യാമ്പ് സംഘടിപ്പിച്ചു.

ക്യാമ്പിന്റെ ഉദ്ഘാടന കർമ്മം സ്കൂൾ ഹെഡ്മിസ്ട്രസ് അനില സാമുവൽ നിർവഹിച്ചു. കൈറ്റ് മിസ്ട്രസ്സുമാരായ ആശ പി. മാത്യു സ്വാഗതവും, ലക്ഷ്മി പ്രകാശ് നന്ദിയും അർപ്പിച്ചു. പൂർവ വിദ്യാർത്ഥികളായ ആയുഷ് എസും, അനന്ദു കൃഷ്ണനും വിവിധ ക്ലാസുകൾക്ക് നേതൃത്വം നൽകി.

ലിറ്റിൽ കൈറ്റ്സ് അംഗങ്ങളായ അഭിജിത് അജിത്, അക്ഷയ് അരുൺ, രോഹിത് രമേശ് എന്നിവരായിരുന്നു ക്ലാസുകൾ കൈകാര്യം ചെയ്തത്. ആനിമേഷൻ, അർഡിനോ, സ്ക്രാച്, മലയാളം ടൈപ്പിംഗ്, വീഡിയോ എഡിറ്റിങ്, മാഗസിൻ എഡിറ്റിങ് എന്നീ വിഷയങ്ങളിലായിരുന്നു ക്ലാസുകൾ. 5 മുതൽ 9 വരെയുള്ള ക്ലാസുകളിലെ വിദ്യാർത്ഥികൾ ഈ ക്യാമ്പിൽ സജീവമായി പങ്കെടുത്തു.

കുട്ടികളും രക്ഷിതാക്കളും ക്യാമ്പിന്റെ അനുഭവങ്ങൾ പങ്കുവെച്ചു. അറിവിന്റെ പുതിയ പാതകളിലേക്ക് കുട്ടികളെ നയിക്കാൻ ഈ ക്യാമ്പ് വലിയൊരു വഴികാട്ടിയായി മാറി.

ലഹരി വിരുദ്ധ പ്രതിജ്ഞ

ഇടയാറന്മുള എം.എം.എം. ഹയർ സെക്കൻഡറി സ്കൂളിലെ ലിറ്റിൽ കൈറ്റ്സ് ക്ലബ്ബിന്റെ നേതൃത്വത്തിൽ ലഹരിവിരുദ്ധ പ്രതിജ്ഞ നടത്തി. ലിറ്റിൽ കൈറ്റ്‌സ് അവധിക്കാല ക്യാമ്പിനോട് അനുബന്ധിച്ച് ഇന്ന് സമൂഹം നേരിടുന്ന ലഹരി എന്ന വിപത്തിനെക്കുറിച്ച് സ്കൂൾ പ്രിൻസിപ്പൽ വർഗീസ് മാത്യു തരകൻ വിദ്യാർഥികൾക്ക് ബോധവത്കരണം നൽകി. ലഹരി ഉൾപ്പെടെയുള്ള സാമൂഹിക വിപത്തുകളിൽനിന്ന് വിദ്യാർഥികളെ രക്ഷിക്കുക, സഹജീവികളെ മാനിക്കുക എന്ന ലക്ഷ്യത്തോടെയാണ് ലഹരിവിരുദ്ധ പ്രതിജ്ഞ സംഘടിപ്പിച്ചത്. എട്ടാം ക്ലാസ് വിദ്യാർഥിയായ ആദിത്യ സുജിത്ത് പ്രതിജ്ഞയ്ക്ക് നേതൃത്വം നൽകി. സ്കൂൾ ഹെഡ്മിസ്ട്രസ് അനില സാമുവേൽ, ആഷ പി. മാത്യു, ലക്ഷ്മി പ്രകാശ് എന്നിവർ ആശംസകൾ അറിയിച്ചു.

എ.ഐ ക്ലാസ്

ഇടയാറന്മുള എ.എം.എം. ഹയർ സെക്കൻഡറി സ്‌കൂളിൽ ലിറ്റിൽ കൈറ്റ്സിന്റെ ആഭിമുഖ്യത്തിൽ ആർട്ടിഫിഷ്യൽ ഇന്റലിജൻസ് എന്ന വിഷയത്തിൽ ഏപ്രിൽ 7, 2025-ന് പ്രത്യേക ക്ലാസ് സംഘടിപ്പിച്ചു. സ്കൂൾ ഹെഡ്മിസ്ട്രസ് അനില സാമുവൽ ക്ലാസിന്റെ ഔപചാരിക ഉദ്ഘാടനം നിർവഹിച്ചു.

ആർവെൻഷൻ ടെക്നോളജിസ് എൽ.എൽ.പി., ടെക്നോപാർക്കിലെ ഫൗണ്ടറും സി.ഇ.ഒയും ആയ അബി അശോകും, എമഡോൺ എ.ഐ എഡിയോ ലാബ് പ്രൈവറ്റ് ലിമിറ്റഡിന്റെ കോ-ഫൗണ്ടറും എം.ഡി.യുമായ അരുൺ യു.എൽയും ചേർന്നാണ് ക്ലാസിന് നേതൃത്വം നൽകിയത്. ആർട്ടിഫിഷ്യൽ ഇന്റലിജൻസിന്റെ അതിരുകളില്ലാത്ത സാധ്യതകളെക്കുറിച്ചും അതിന്റെ പ്രായോഗിക ഉപയോഗങ്ങളെക്കുറിച്ചും വ്യക്തതയോടെയും ആകർഷകമായ രീതിയിലും ക്ലാസിൽ അവതരിപ്പിച്ചു.

സമ്മർ ക്യാമ്പിൽ പങ്കെടുത്ത വിദ്യാർത്ഥികളും രക്ഷിതാക്കളും ക്ലാസിൽ സജീവമായി പങ്കാളികളായി. ലിറ്റിൽ കൈറ്റ് മിസ്ട്രസ് ലക്ഷ്മി പ്രകാശ് സ്വാഗതവും, എബിൻ ജിയോ മാത്യു നന്ദിയും അറിയിച്ചു. സ്കൂളിലെ സീനിയർ അസിസ്റ്റന്റ് അനീഷ് ബെഞ്ചമിൻ ആശംസകൾ അർപ്പിച്ചു.

ഉബുണ്ടു ഫെസ്റ്റ്

ഇടയാറൻമുള എ.എം.എം. ഹയർ സെക്കൻഡറി സ്‌കൂളിൽ ലിറ്റിൽ കൈറ്റ്സിന്റെ നേതൃത്വത്തിൽ ഉബുണ്ടു ഫെസ്റ്റ് നടത്തി

2025-26 അദ്ധ്യയനവർഷം ആരംഭിക്കുന്നതോടെ എട്ട് ഒൻപത്, പത്താം ക്ലാസുകളിലെ ഐ.ടി. പാഠപുസ്തകങ്ങളിൽ നിർണ്ണായകമായ മാറ്റങ്ങൾ നടപ്പിലാകുകയാണ്. പൊതു വിദ്യാഭ്യാസ വകുപ്പിന്റെ നിർദേശാനുസരണം പുതിയ ഐ.ടി. പഠനക്രമങ്ങൾ പിന്തുടരുന്നതിന് ആവശ്യമായ സാങ്കേതിക സാഹചര്യങ്ങൾ ഒരുക്കുന്നതിനിന്റെ ഭാഗമായാണ് 2025 ഏപ്രിൽ 16-ന് ഇടയാറൻമുള എ.എം.എം. ഹയർ സെക്കൻഡറി സ്‌കൂളിൽ ലിറ്റിൽ കൈറ്റ്സിലെ വിദ്യാർത്ഥികളുടെ നേതൃത്വത്തിൽ ഉബുണ്ടു 22.04 ഇൻസ്റ്റലേഷൻ പ്രക്രിയ സംഘടിപ്പിച്ചത്.

ലിറ്റിൽ കൈറ്റ്സിലെ അംഗങ്ങളായ വിദ്യാർത്ഥികളാണ് വിവിധ കമ്പ്യൂട്ടറുകളിൽ ഉബുണ്ടു 22.04 ഓപ്പറേറ്റിംഗ് സിസ്റ്റം ഇൻസ്റ്റാൾ ചെയ്തതും അനുബന്ധ സേവനങ്ങൾ സജ്ജമാക്കിയതും. ഈ പ്രക്രിയ വിദ്യാർത്ഥികളുടെ സാങ്കേതിക മികവിനെ പ്രകടിപ്പിക്കുന്നതായിരുന്നു.

ഈ സംരംഭത്തിന് നേതൃത്വം നൽകിയത് ലിറ്റിൽ കൈറ്റ്സ് മിസ്ട്രസ്സുമാരായ ആശ പി. മാത്യുവും ലക്ഷ്മി പ്രകാശും വിദ്യാർത്ഥികളെ പരിശീലിപ്പിക്കുകയും പ്രോത്സാഹിപ്പിക്കുകയും ചെയ്തു.

വിദ്യാഭ്യാസ മേഖലയിലെ ഡിജിറ്റൽ പരിവർത്തനത്തിന് സ്‌കൂൾ തലത്തിൽ തന്നെ വിദ്യാർത്ഥികളെ സജീവമായി പങ്കാളികളാക്കുന്ന മാതൃകാപരമായ സംരംഭമായിരുന്നു ഇത്. ലളിതമായ സംവിധാനങ്ങളിലൂടെ സാങ്കേതിക വിദ്യ വികസിപ്പിക്കുകയും സ്വയം പ്രവർത്തിക്കാനുള്ള ആത്മവിശ്വാസം കുട്ടികൾക്ക് നൽകുകയും ചെയ്യുന്നതിൽ ഈ പ്രവർത്തനത്തിന് വലിയ പങ്കുണ്ടായി.

എന്റെ കേരളം പ്രദർശനമേള

പത്തനംതിട്ടയിൽ നടന്ന എന്റെ കേരളം പ്രദർശനമേളയിൽ എ.എം.എം. ഹയർ സെക്കൻഡറി സ്കൂളിലെ ലിറ്റിൽ കൈറ്റ്സ് അംഗങ്ങൾ ശ്രദ്ധേയമായ പ്രകടനം കാഴ്ചവെച്ചു. 2025 മെയ് 16 മുതൽ മെയ് 22 വരെ നടന്ന മേളയിൽ, പൊതുവിദ്യാഭ്യാസ വകുപ്പിന്റെ കീഴിലുള്ള കൈറ്റിന്റെ സ്റ്റാളിൽ, ആദിശങ്കരൻ, രജത്ത് രാജീവ്, ജെസ്റ്റിൻ ചെറിയാൻ റ്റിജു, അമീൻ മുഹമ്മദ്, അക്ഷയ് അരുൺ എന്നീ വിദ്യാർത്ഥികൾ തങ്ങൾ നിർമ്മിച്ച നൂതന റോബോട്ടിക് ഉപകരണങ്ങൾ പ്രദർശിപ്പിച്ചു. ഈ ഉപകരണങ്ങൾ നിർമ്മിക്കാൻ ആവശ്യമായ അറിവും അർഡിനോ കിറ്റുകളും സ്കൂളിലെ ലിറ്റിൽ കൈറ്റ്സ് ക്ലബ്ബിൽ നിന്നാണ് അവർക്ക് ലഭിച്ചത്.

പ്രദർശനത്തിൽ, ലേസർ സെക്യൂരിറ്റി സിസ്റ്റം, മൊബൈൽ കൺട്രോൾഡ് വീൽചെയർ, ബ്ലൂടൂത്ത് കൺട്രോൾഡ് കാർ, മെക്കാനിക്കൽ റോബോട്ടിക് ആം തുടങ്ങിയ കുട്ടികളുടെ നിർമ്മിതികൾ മേളയിൽ പങ്കെടുത്തവരുടെ ശ്രദ്ധ ആകർഷിച്ചു. ഈ കൊച്ചുമിടുക്കരുടെ സാങ്കേതിക വൈദഗ്ധ്യവും നൂതനാശയങ്ങളും മേളയിൽ എത്തിയവരെ വിസ്മയിപ്പിച്ചു. പൊതുവിദ്യാഭ്യാസ വകുപ്പിന്റെ ഭാഗമായുള്ള കൈറ്റിന്റെ ഈ സ്റ്റാൾ, റോബോട്ടിക് മികവുകൾ അവതരിപ്പിച്ചതിലൂടെ പ്രത്യേക പ്രശംസ നേടി.

നിരവധി പ്രമുഖ വ്യക്തിത്വങ്ങൾ മേള സന്ദർശിക്കുകയും കുട്ടികളുമായി സംവദിക്കുകയും ചെയ്തു. റാന്നി എം.എൽ.എ. പ്രമോദ് നാരായണൻ, പത്തനംതിട്ട ജില്ലാ കളക്ടർ പ്രേം കൃഷ്ണൻ എസ്., ജില്ലാ വിദ്യാഭ്യാസ ഉപഡയറക്ടർ അനില, പത്തനംതിട്ട ഡി.ഇ.ഒ. മൈത്രേയി, എസ്.എസ്.കെ. ഡി.പി.സി. റെനി ആന്റണി, കൈറ്റ് ജില്ലാ കോർഡിനേറ്റർ രതി, മാസ്റ്റർ ട്രെയിനർ തോമസ് എം. ഡേവിഡ്, പന്തളം ബ്ലോക്ക് പഞ്ചായത്ത് വൈസ് പ്രസിഡന്റ് അശ്വതി വിനോജ്, ബ്ലോക്ക് പഞ്ചായത്ത് മെമ്പർ ജൂലി ദിലീപ്, ആറന്മുള ബി.പി.സി. വിജയലക്ഷ്മി, ബി.ആർ.സി. ഫാക്കൽറ്റി രഞ്ജിനി എന്നിവർ കുട്ടികളുടെ കഴിവുകളെ അഭിനന്ദിച്ചു. മേളയിൽ മികച്ച രൂപകൽപ്പനയ്ക്ക് പൊതുവിദ്യാഭ്യാസ വകുപ്പിന് ഒന്നാംസ്ഥാനം ലഭിക്കുകയും ചെയ്തു.

എന്റെ കേരളം പ്രദർശനമേള പേജ് സന്ദർശിക്കുക.

സ്കൂൾ തല ക്യാമ്പ് 2025ഒന്നാം ഘട്ടം

ഇടയാറന്മുള എ.എം.എം. ഹയർ സെക്കന്ററി സ്കൂളിലെ ലിറ്റിൽ കൈറ്റ്സ് ക്ലബിന്റെ ആഭിമുഖ്യത്തിൽ റീൽ സ്പാർക് 2025 എന്ന പേരിൽ ഏകദിന ക്യാമ്പ് 2025 മേയ് 24-ന് സ്കൂൾ ഐ ടി ലാബിൽ വിജയകരമായി നടത്തപ്പെട്ടു. ക്യാമ്പിന്റെ ഉദ്ഘാടനം ഹെഡ്മിസ്ട്രസായ അനില സാമുവൽ നിർവഹിച്ചു. സുനിത എൻ.എസ്.ക്ലാസിന് നേതൃത്വം നൽകി.

ഗ്രൂപ്പിംഗ് — ഗസ് ഗെയിം

ക്യാമ്പിന്റെ തുടക്കത്തിൽ വിദ്യാർത്ഥികളെ ഉത്സാഹപൂർണ്ണമായ ഗസ്സ് ഗെയിമുകൾ ഉപയോഗിച്ച് വിവിധ ഗ്രൂപ്പുകളായി തിരിച്ചു. ഈ ഘട്ടം കുട്ടികൾ തമ്മിലുള്ള ഇന്ററാക്ഷനും ടീംസ്‌പിരിറ്റും വളർത്തുവാൻ സഹായിച്ചു.

റീൽ നിർമ്മാണം

ഓരോ ഗ്രൂപ്പിനും തങ്ങളുടേതായ ഒരു ആശയം ലഭിക്കുകയും അതിന്റെ അടിസ്ഥാനത്തിൽ റീലുകൾ തയ്യാറാക്കുന്നതിനും അവസരം നൽകി.

വീഡിയോ ക്യാമറ പരിചയം

ക്യാമറയുടെ അടിസ്ഥാന പ്രവർത്തനം, ആംഗിളുകൾ, ഫ്രെയിമിങ്, ലൈറ്റിംഗ് തുടങ്ങിയ കാര്യങ്ങൾ വിശദീകരിച്ചു.

പ്രൊമോ വീഡിയോ നിർമ്മാണം

റീൽ ഐഡിയകളെ അടിസ്ഥാനമാക്കി ഓരോ ഗ്രൂപ്പും ചെറിയ പ്രൊമോ വീഡിയോകൾ തയ്യാറാക്കി. ക്രിയേറ്റിവിറ്റിയും ആശയവിനിമയശേഷിയും ഇവിടെ പ്രകടമാക്കി.

വീഡിയോ എഡിറ്റിംങ്ങും ഫൈനൽ റെൻഡറിംഗും

കെഡെൻലൈവ് സോഫ്റ്റ്‌വെയർ ഉപയോഗിച്ച് തയ്യാറാക്കിയ വിഡിയോയുടെ എഡിറ്റിംഗ്, ടെക്‌സ്റ്റ് ഇന്സെർഷൻ, ട്രിമ്മിങ്, ഓഡിയോ ചേർക്കൽ തുടങ്ങിയ ഘട്ടങ്ങൾ വിശദമായി പഠിച്ചു. അവസാനം വീഡിയോ റെൻഡർ ചെയ്ത് സേവ് ചെയ്യുകയും ഓരോ ഗ്രൂപ്പിന്റെയും ഫിനിഷ്‌ഡ് റീലുകൾ പ്രദർശിപ്പിക്കുകയും ചെയ്തു.

സന്ദർശനം

ലിറ്റിൽ കൈറ്റ്സ് മാസ്റ്റർ ട്രെയിനറായ തോമസ് എം. ഡേവിഡ് ക്യാമ്പ് സന്ദർശിച്ച് വിവിധ പ്രവർത്തനങ്ങളെ വിലയിരുത്തുകയും കുട്ടികളുടെ പങ്കാളിത്തത്തെ അഭിനന്ദിക്കുകയും ചെയ്തു.

കമ്പ്യൂട്ടർ വിജ്ഞാനത്തെയും, ഡിജിറ്റൽ ലോകത്തെ സുരക്ഷിതമായി സമീപിക്കുന്നതിനെക്കുറിച്ചുമുള്ള ബോധവൽക്കരണത്തിലൂടെയും ക്യാമ്പ് ഏറെ ഫലപ്രദമായി. കൈറ്റ്സ് മിസ്ട്രസ്സ്മാരായ ആശ പി മാത്യു സ്വാഗതവും, ലക്ഷ്മി പ്രകാശ് കൃതജ്ഞതയും അർപ്പിച്ചു.

സ്കൂൾതല ക്യാമ്പ് ഫെയ്സ്1 ന്റെ ചിത്രങ്ങൾ കൂടുതൽ കാണുവാൻ ഈ പേജ് സന്ദർശിക്കുക

സ്കൂൾതല ക്യാമ്പിന്റെ രണ്ടാം ഘട്ടം

ഇടയാറൻമുള എം.എം.എം. ഹയർ സെക്കൻഡറി സ്കൂളിലെ 2024-27 ലിറ്റിൽ കൈറ്റ്സ് ബാച്ചിന്റെ സ്കൂൾതല ക്യാമ്പ് രണ്ടാം ഘട്ടം 2025 ഒക്ടോബർ 23-ന് സ്കൂളിൽ വെച്ച് നടന്നു. കിടങ്ങന്നൂർ എസ്.വി.ജി.വി. എച്ച്.എസ്സിലെ രഞ്ജന പാർവതിയാണ് ക്യാമ്പിന് നേതൃത്വം നൽകിയത്. ക്യാമ്പ് ഉദ്ഘാടനം ചെയ്തത് എച്ച്.എം. ഇൻ-ചാർജ്ജ് ആയ അഞ്ജലി ദേവി ടീച്ചറാണ്. കൈറ്റ് മെന്റേഴ്സായ ലക്ഷ്മി പ്രകാശ്, ആശ പി. മാത്യു എന്നിവരും പ്രവർത്തനങ്ങൾക്ക് നേതൃത്വം നൽകി.

സംഘപാഠനത്തിന്റെയും, സഹവർത്തിത പഠനത്തിന്റെയും മികച്ച അനുഭവമാണ് ഇത്തരം ക്യാമ്പുകൾ ഓരോ വിദ്യാർത്ഥിക്കും നൽകുന്നത്. അതോടൊപ്പം, സ്കൂൾതല പരിശീലനത്തിലൂടെയും പ്രകടനത്തിലൂടെയും കുട്ടികൾ ആർജിച്ചെടുത്ത നൈപുണികൾ പ്രകടിപ്പിക്കുവാനുള്ള അവസരവും ഇത് ഒരുക്കുന്നു.

ഇതിനായി മൂന്ന് സെഷനുകളാണ് ഈ ക്യാമ്പിൽ ഉൾപ്പെടുത്തിയിരുന്നത്. കൈറ്റ്സ് വിദ്യാർത്ഥികളെ പഠനാന്തരീക്ഷത്തിലേക്ക് നയിക്കുന്ന മഞ്ഞുരുക്കൽ സെഷന് ശേഷം, ബ്ലോക്ക് പ്രോഗ്രാമിങ് ഉപയോഗിച്ച് ഒരു ബാസ്കറ്റ്ബോൾ ഗെയിം തയ്യാറാക്കൽ, കലോത്സവത്തിന്റെ പ്രചാരണത്തിനായി ഒരു റീൽസ് തയ്യാറാക്കൽ എന്നിവയായിരുന്നു ആ മൂന്ന് സെഷനുകൾ.

റെഗുലർ ക്ലാസുകളിൽ വിദ്യാർത്ഥികൾ പരിചയിച്ച ഐ.ടി. സങ്കേതങ്ങളും നേടിയ ശേഷികളും പ്രയോഗത്തിൽ വരുത്തുവാൻ അവസരം ഒരുക്കിക്കൊണ്ടാണ് ക്യാമ്പ് നടത്തിയത്.

ബ്ലോക്ക് കോഡിങ്

കോഡിങ് പഠനത്തിലൂടെ വിദ്യാർത്ഥിയുടെ കാര്യകാരണ ചിന്ത, വിശകലന ശേഷി, പ്രശ്ന നിർദ്ധാരണ ശേഷി എന്നിവ വികസിപ്പിക്കാൻ സാധിക്കുന്നു.

ഈ സെഷൻ, അംഗങ്ങൾക്ക് റെഗുലർ ക്ലാസുകളിൽ പഠിച്ചതിനേക്കാൾ കൂടുതൽ പ്രോഗ്രാമിങ് സങ്കേതങ്ങൾ പരിചയപ്പെടുത്താനും അതുവഴി പ്രോഗ്രാമിങ് പ്രവർത്തനങ്ങളിൽ കൂടുതൽ താൽപ്പര്യം ജനിപ്പിക്കാനും ഉദ്ദേശിച്ചുള്ളതായിരുന്നു.

ഗെയിം സെഷൻ

ക്യാമ്പിന്റെ മഞ്ഞുരുക്കൽ പ്രവർത്തനമായിരുന്നു ഈ സെഷൻ. ക്യാമ്പ് രസകരമാക്കാൻ കുട്ടികളെ ഒരു ഗെയിം അന്തരീക്ഷത്തിലേക്ക് കൊണ്ടുവരേണ്ടതുണ്ടായിരുന്നു. അതിനായി രണ്ട് ഗെയിമുകളാണ് അവതരിപ്പിച്ചത്.

ആധുനിക ഗെയിം ഡെവലപ്‌മെന്റിൽ ഉപയോഗിക്കുന്ന ഫിസിക്സ് എൻജിൻ പോലുള്ള ചില സങ്കേതങ്ങൾ ഉൾക്കൊള്ളുന്ന ഗെയിമുകൾ കളിക്കാൻ വിദ്യാർത്ഥികൾക്ക് അവസരം നൽകി.

ഇതിലൂടെ പരിചയപ്പെട്ട ഗെയിമിൻ്റെ സവിശേഷതകൾ ചർച്ച ചെയ്യുന്നതിലൂടെ, പ്രോഗ്രാമിങ്ങിലെ ഉയർന്ന സങ്കേതങ്ങൾ പരിചയപ്പെടാൻ വിദ്യാർത്ഥിക്ക് അവസരം ലഭിച്ചു.

ബാസ്കറ്റ്ബോൾ ഗെയിം തയ്യാറാക്കൽ

ലിറ്റിൽ കൈറ്റ്സ് റുട്ടീൻ ക്ലാസുകളിൽ കുട്ടികൾ പരിചയപ്പെട്ട സങ്കേതങ്ങളും നേടിയ ശേഷികളും പ്രയോഗിക്കാനും, പുതിയ സന്ദർഭങ്ങളിൽ അവ ഉപയോഗിക്കാനുമുള്ള അവസരം ഒരുക്കുന്ന തരത്തിലാണ് ഈ പ്രവർത്തനം ആസൂത്രണം ചെയ്തത്.

സ്ക്രാച്ച് 3-യിലെ ബോക്സ് 2D ഫിസിക്സ് എക്സ്റ്റൻഷൻ പ്രയോജനപ്പെടുത്തി വിദ്യാർത്ഥികൾ ഗെയിം തയ്യാറാക്കി. ഈ ഗെയിം നിർമ്മിക്കാൻ പഠിച്ചതിലൂടെ വിദ്യാർത്ഥികൾക്ക് പ്രോഗ്രാമിങ് പ്രവർത്തനങ്ങളിൽ കൂടുതൽ താൽപര്യം ജനിപ്പിക്കാൻ സാധിച്ചു.

അനിമേഷൻ സെഷൻ

വിദ്യാർത്ഥികളിൽ അനിമേഷനോടുള്ള അഭിരുചി വർദ്ധിപ്പിക്കാനും കൂടുതൽ അനിമേഷൻ സങ്കേതങ്ങൾ പരിചയപ്പെടുത്തി ഈ മേഖലയിലെ വിവിധ സാധ്യതകൾ മനസ്സിലാക്കാനും സഹായിക്കുക എന്നതാണ് ഈ പ്രവർത്തനത്തിന്റെ ലക്ഷ്യം.

സ്കൂൾ കലോത്സവത്തിന്റെ പ്രചരണാർത്ഥം ഒരു പ്രോമോ വീഡിയോ തയ്യാറാക്കുന്ന പ്രവർത്തനമാണ് ഇവിടെ വിദ്യാർത്ഥികൾ നടത്തിയത്. ഓപ്പൺ ടൂൺസ് സോഫ്റ്റ്‌വെയർ ഉപയോഗിച്ചാണ് ഈ വീഡിയോ തയ്യാറാക്കിയത്.

രണ്ടാമത്തെ പ്രവർത്തനത്തിൽ, കേഡൻലൈവ് സോഫ്റ്റ്‌വെയർ ഉപയോഗിച്ച് എഡിറ്റ് ചെയ്ത പശ്ചാത്തല സംഗീതം ഉൾപ്പെടുത്തി വീഡിയോ പൂർത്തിയാക്കി. ഓപ്പൺ ടൂൺസിൽ സ്കെയിൽ, റൊട്ടേഷൻ, പൊസിഷൻ തുടങ്ങിയവ ഉപയോഗിച്ചുള്ള അനിമേഷനുകൾ തയ്യാറാക്കാൻ വിദ്യാർത്ഥികൾ മനസ്സിലാക്കി.

തയ്യാറാക്കിയ അനിമേഷൻ വീഡിയോ റെൻഡർ ചെയ്ത് വിദ്യാർത്ഥികൾ പെൻഡ്രൈവിൽ സൂക്ഷിച്ചു. ഉപജില്ല തലത്തിലുള്ള സെലക്ഷനുവേണ്ടി ഈ വീഡിയോയുടെ നിലവാരം അടിസ്ഥാനമാക്കിയാണ് വിദ്യാർത്ഥികളെ തെരഞ്ഞെടുക്കുന്നത്. ഒമ്പതരയ്ക്ക് തുടങ്ങിയ ക്യാമ്പ് കൃത്യം നാലരയ്ക്ക് അവസാനിച്ചു. ക്യാമ്പിൽ വിദ്യാർത്ഥികൾക്ക് ഉച്ചഭക്ഷണം ക്രമീകരിച്ചിരുന്നു. വിദ്യാർത്ഥികളുടെ ഫീഡ്ബാക്കും രേഖപ്പെടുത്തി.

സ്കൂൾതല ക്യാമ്പ് ഫെയ്സ്2 ന്റെ ചിത്രങ്ങൾ കൂടുതൽ കാണുവാൻ ഈ പേജ് സന്ദർശിക്കുക

ക്യാമറ പരിശീലനം

ലിറ്റിൽ കൈറ്റ്സ് വിദ്യാർത്ഥികൾക്ക് സീനിയർ കൈറ്റ്സ് വിദ്യാർത്ഥികളുടെ സഹായത്തോടെ ക്യാമറ പരിശീലനം നൽകി. ഫോട്ടോകളും വീഡിയോകളും എങ്ങനെ ഫലപ്രദമായി എടുക്കാമെന്ന് പഠിക്കുന്നതിലൂടെ വിദ്യാർത്ഥികൾക്ക് അവരുടെ ആശയങ്ങളും ചിന്തകളും ദൃശ്യപരമായി പ്രകടിപ്പിക്കാൻ സാധിച്ചു.

ക്യാമറയുടെ വിവിധ ഭാഗങ്ങൾ, പ്രവർത്തനങ്ങൾ, ലൈറ്റിംഗ്, കോമ്പോസിഷൻ തുടങ്ങിയ സാങ്കേതിക കാര്യങ്ങളെക്കുറിച്ച് വിദ്യാർത്ഥികൾക്ക് അറിവ് നൽകി. ആധുനിക സാങ്കേതികവിദ്യകളെക്കുറിച്ച് അവരെ കൂടുതൽ ബോധവാന്മാരാക്കുവാനും സർഗാത്മകതയും ഭാവനയും വളർത്തുവാനും ഈ പരിശീലനത്തിലൂടെ സാധിച്ചു.

ഫോട്ടോഗ്രാഫി, വീഡിയോഗ്രാഫി തുടങ്ങിയവയിലൂടെ വിദ്യാർത്ഥികളുടെ നൈപുണ്യ വികസനം വർദ്ധിപ്പിക്കാൻ ഇത് സഹായകമായി. ഈ മേഖലയിൽ കഴിവ് നേടുന്നത് ഭാവിയിൽ അവരുടെ കരിയറിനും സഹായകമാകും. ക്യാമറ പരിശീലനം വിദ്യാർത്ഥികൾക്ക് സാങ്കേതികവും സർഗാത്മകവുമായ കഴിവുകൾ നൽകുകയും, അവരെ ആധുനിക ലോകത്ത് കൂടുതൽ പ്രാപ്തരാക്കുകയും ചെയ്യുന്നു.

പ്രവേശനോത്സവം 2025

ഇടയാറന്മുള എ എം എം ഹയർ സെക്കന്ററി സ്കൂളിൽ പ്രവേശനോത്സവം 2025 ജൂൺ 2ന് സ്കൂൾ ഹാളിൽ വിപുലമായി നടത്തി. പ്രവേശനോത്സവം ഔദ്യോഗികമായി ഉദ്ഘാടനം ചെയ്തത് എക്സൈസ് പ്രിവന്റീവ് ഓഫീസറും ജില്ലാ വിമുക്തി മെന്ററുമായ ബിനു വി വർഗീസായിരുന്നു. ലിറ്റിൽ കൈറ്റ്സ് വിദ്യാർത്ഥികളുടെ നേതൃത്വത്തിൽ വിപുലമായ പ്രവർത്തനങ്ങളാണ് ഇത്തവണത്തെ പ്രവേശനോത്സവത്തിൽ സ്കൂൾ സംഘടിപ്പിച്ചത്.

ലഘുലേഖ വിതരണം

പ്രവേശനോത്സവത്തിൽ കൈറ്റ്സ് വിദ്യാർത്ഥികൾ എല്ലാവരുടെയും ശ്രദ്ധ ആകർഷിച്ചു. ലിറ്റിൽ കൈറ്റ്സിന്റെ നേതൃത്വത്തിൽ ലഹരിവിരുദ്ധ സന്ദേശങ്ങൾ ഉൾക്കൊണ്ട നിരവധി ലഘുലേഖകൾസ്‌നേഹപൂർവം രക്ഷകർത്താക്കൾക്ക് പങ്കുവച്ചു.

ആപ്റ്റിട്യൂഡ് ട്രീ വോൾ

പുതിയ കുട്ടികളുടെ താല്പര്യങ്ങൾ മനസ്സിലാക്കാൻ 'ആപ്റ്റിട്യൂഡ് വോൾ' ഒരുക്കി. ഐ സി റ്റി യുടെ ഇഷ്ടപ്പെട്ട മേഖലകൾ തിരഞ്ഞെടുത്തു അവയുടെ പോസ്റ്ററുകൾ ഒട്ടിക്കാൻ അവസരം നൽകി. വിദ്യാർത്ഥികളിൽ ഐസിടി യുമായി ബന്ധപ്പെട്ട കഴിവുകൾ, താൽപ്പര്യങ്ങൾ, അഭിരുചികൾ എന്നിവ വളർത്തുക, വിദ്യാർത്ഥികളെ ഡിജിറ്റൽ ലോകത്ത് കൂടുതൽ വിവരമുള്ളവരും കഴിവുള്ളവരുമാക്കാൻ സഹായിക്കുക എന്ന ലക്ഷ്യത്തോടുകൂടിയാണ് കൈറ്റ്സ് കുട്ടികൾ ട്രീ വോൾ അലങ്കരിച്ചത്.

സ്കൂൾ മികവിന്റെ ക്യു ആർ കോഡ്

കൈറ്റ്സ് കുട്ടികൾ തയ്യാറാക്കിയ സ്കൂൾ മികവിന്റെ വീഡിയോ യൂട്യൂബിൽ അപ്‌ലോഡ് ചെയ്തു. അതിന്റെ ക്യു ആർ കോഡ് രക്ഷിതാക്കൾ സ്കാൻ ചെയ്ത് സ്കൂളിന്റെ മികവിന്റെ ദൃശ്യാനുഭവം നൽകി.

ബാഡ്ജ് വിതരണവും ബോധവൽക്കരണവും

റോഡ് സുരക്ഷ, സൈബർ സുരക്ഷ, ലഹരി വിരുദ്ധം തുടങ്ങിയ വിഷയങ്ങളിൽ ബാഡ്ജുകൾ കൈറ്റ്സ് കുട്ടികളുടെ നേതൃത്വത്തിൽ വിതരണം ചെയ്തു. ബ്ലോക്ക് പഞ്ചായത്ത് വൈസ് പ്രസിഡണ്ട് അശ്വതി വിനോജ് ബാഡ്ജ് വിതരണ ഉദ്ഘാടനം നടത്തി.

ഡിജിറ്റൽ കോർണർ

ഐ.റ്റി. ലാബിൽ ഡിജിറ്റൽ പെയിന്റിംഗ്, സ്വതന്ത്ര സോഫ്റ്റ്‌വെയറുകൾ ഉപയോഗിച്ചുള്ള വിവിധതരം ഗെയിമുകൾ തുടങ്ങിയവയ്ക്ക് സൗകര്യം ഒരുക്കി. വിവിധ സാങ്കേതികതയുമായി കുട്ടികളെ ബന്ധിപ്പിച്ചു.

റീൽ നിർമ്മാണം

പ്രവേശനോത്സവം അടിസ്ഥാനമാക്കി ലിറ്റിൽ കൈറ്റ്സ് കുട്ടികൾ റീലുകൾ നിർമിച്ചു. സാമൂഹ്യ മാധ്യമങ്ങളിൽ പ്രചരണം നടത്തി.

ഡിജിറ്റൽ പ്രകൃതി

ലിറ്റിൽ കൈറ്റ്സ് വിദ്യാർത്ഥികൾ സ്വതന്ത്ര സോഫ്റ്റ്‌വെയറുകളായ ജിമ്പ്, കൃത എന്നിവ ഉപയോഗിച്ച് പരിസ്ഥിതിയുമായി ബന്ധപ്പെട്ട ചിത്രങ്ങൾ ഡിജിറ്റൽ പെയിന്റിംഗിലൂടെ വരച്ചു. ഇതുവഴി വിദ്യാർത്ഥികളെ പരിസ്ഥിതി സംരക്ഷണത്തെക്കുറിച്ച് ബോധവൽക്കരിച്ചു.

അഭിരുചി പരീക്ഷ- ബോധവൽക്കരണ ക്ലാസ്

2025-28 ലിറ്റിൽ കൈറ്റ്സ് ബാച്ചിലേക്കുള്ള അഭിരുചി പരീക്ഷയുടെ ബോധവൽക്കരണ ക്ലാസ് സീനിയർ ലിറ്റിൽ കൈറ്റ്സ് വിദ്യാർത്ഥികളുടെ നേതൃത്വത്തിൽ നടത്തി.

അഭിരുചി പരീക്ഷയ്ക്ക് വരുന്ന ചോദ്യങ്ങളുടെ പ്രത്യേകതകൾ, ലിറ്റിൽ കൈറ്റ്സിൽ ചേരുന്നതിന്റെ നേട്ടങ്ങൾ, സാമൂഹ്യപ്രതിബദ്ധത വിദ്യാർത്ഥികളിൽ വളർത്തുന്ന പ്രവർത്തനങ്ങൾ, പത്താം ക്ലാസിലെ പബ്ലിക് എക്സാമിന് ശേഷം ലഭിക്കുന്ന ഗ്രേസ് മാർക്ക്, പ്ലസ് ടു അഡ്മിഷനുള്ള ബോണസ് പോയിന്റ്, കൈറ്റ് എങ്ങനെയാണ് റാങ്ക് ലിസ്റ്റ് തയ്യാറാക്കുന്നത് തുടങ്ങിയ വിവരങ്ങൾ വിദ്യാർത്ഥികളിലൂടെ പുതിയ തലമുറയിൽ എത്തിച്ചു. സാക്ഷ്യപത്രത്തിന്റെ പകർപ്പ് നോട്ടീസ് ബോർഡിൽ പ്രദർശിപ്പിച്ചു. സാക്ഷ്യപത്രം ശേഖരിക്കുന്നതിന്റെ മേൽനോട്ടം വഹിക്കുന്നതും സീനിയർ ലിറ്റിൽ കൈറ്റ്സ് വിദ്യാർത്ഥികളാണ്.

നിർമ്മിത ബുദ്ധിയുടെ സാധ്യതകൾ

2025 ജൂൺ 12-ന്, ടാറ്റാ കൺസൾട്ടൻസി സർവീസിലെ അസിസ്റ്റന്റ് സിസ്റ്റം മാനേജരും പൂർവ്വ വിദ്യാർത്ഥിയുമായ സേതു എസ്. നായർ, നിർമ്മിത ബുദ്ധി എന്ന വിഷയത്തിൽ വിദ്യാർത്ഥികൾക്ക് ബോധവൽക്കരണ ക്ലാസ് നൽകി. കൈറ്റ് മിസ്ട്രസ് ആശാ പി. മാത്യു സ്വാഗതം ആശംസിച്ചു. പ്രഥമ അദ്ധ്യാപിക അനില സാമുവൽ പരിപാടി ഉദ്ഘാടനം ചെയ്തു. സ്റ്റാഫ് സെക്രട്ടറി ജെബി തോമസ് ആശംസകൾ നേർന്നു. നിർമ്മിത ബുദ്ധിയുടെ പ്രത്യേകതകൾ, മെഷീൻ ലേണിംഗിന്റെ പ്രയോജനങ്ങൾ, സി പ്ലസ് പ്ലസ് പ്രോഗ്രാമിന്റെ സവിശേഷതകൾ, എന്നിവയെക്കുറിച്ച് ക്ലാസ്സിൽ വിശദീകരിക്കപ്പെട്ടു. ഈ ക്ലാസ് വിദ്യാർത്ഥികൾക്ക് വളരെ പ്രയോജനകരമായിരുന്നു.

ലിറ്റിൽ കൈറ്റ്സ് രക്ഷകർത്താ സമ്മേളനം 2025

2025 ജൂലൈ 21 തിങ്കളാഴ്ച, ഇടയാറന്മുള എ.എം.എം ഹയർ സെക്കൻഡറി സ്കൂളിൽ ലിറ്റിൽ കൈറ്റ്സ് ക്ലബ്ബിന്റെ ആഭിമുഖ്യത്തിൽ 8, 9 ക്ലാസുകളിലെ ലിറ്റിൽ കൈറ്റ്സ് വിദ്യാർത്ഥികളുടെ രക്ഷകർത്താ സമ്മേളനം സംഘടിപ്പിച്ചു. വിദ്യാർത്ഥികളുടെയും രക്ഷകർത്താക്കളുടെയും സാന്നിധ്യത്തിൽ സംഗമം ആവേശകരമായി നടന്നു.

ഉദ്ഘാടനം

രക്ഷകർത്താ സമ്മേളനം സ്കൂളിന്റെ പ്രധാനാധ്യാപിക അനില സാമുവൽ ഉദ്ഘാടനം ചെയ്തു. ക്ലബ്ബ് പ്രവർത്തനങ്ങളിലൂടെ കുട്ടികളുടെ സാങ്കേതിക കഴിവുകൾ വളർത്തുന്നതിനുള്ള പങ്ക് അതിവിശദമായി രേഖപ്പെടുത്തി.ലിറ്റിൽ കൈറ്റ്സ് മെന്റർമാരായ ആശ പി മാത്യു സ്വാഗത പ്രസംഗം നടത്തി. ക്ലബ്ബിന്റെ കൃത്യനിഷ്ഠയോടെയും ശുഭാപ്തിയോടെയും നടപ്പിലാക്കിയ പദ്ധതികളെ കുറിച്ച് പരാമർശിച്ചു. ലിറ്റിൽ കൈറ്റ്സ് മെന്റർ ലക്ഷ്മി പ്രകാശ് കൃതജ്ഞതാ പ്രസംഗം നടത്തി.

ലിറ്റിൽ കൈറ്റ്സ് സാങ്കേതിക പ്രദർശനം

ഒമ്പതാം ക്ലാസിലെ ക്ലബ് അംഗങ്ങൾ വിവിധ സാങ്കേതിക മേഖലയിൽ തയ്യാറാക്കിയ സാങ്കേതിക പദ്ധതികളും ആപ്ലിക്കേഷനുകളും 2025 ലെ ലിറ്റിൽ കൈറ്റ്സ് രക്ഷകർത്താ സമ്മേളനത്തിന്റെ പ്രധാന ആകർഷണമായിരുന്നു. ഓരോ വിദ്യാർത്ഥിയുടെയും കഴിവുകളും ആവിഷ്കാരങ്ങളും തെളിയിക്കുന്ന വിധത്തിൽ, ഗെയിമുകൾ, അലാറങ്ങൾ, ഡിജിറ്റൽ പ്ലാറ്റ്ഫോം വിശദീകരണങ്ങൾ മുതലായവ അവതരിപ്പിച്ചു. അവതരണങ്ങൾ രക്ഷകർത്താക്കൾക്ക് വലിയ ആകർഷണമായി മാറി.

മൾട്ടിപ്പിൾ ചോയിസ് ഗെയിം

വെയിസ്റ്റ് മാനേജ്‌മെന്റ് ആശയവുമായി ബന്ധപ്പെട്ട് ക്രിസ്റ്റി തോമസ് ജേക്കബ് ഗെയിം അവതരിപ്പിച്ചു. മാലിന്യ സംസ്കരണത്തെ കുറിച്ച് പൊതുജനങ്ങളിൽ ബോധവത്കരണം നൽകുന്നതിനായി ക്രിസ്റ്റി തോമസ് ജേക്കബ് തയ്യാറാക്കിയതാണ് ഈ എഡ്യൂക്കേഷണൽ ഗെയിം. വിവിധ ചോദ്യങ്ങൾ, ഉത്തരങ്ങൾ എന്നിവ ഉൾപ്പെടുത്തി കുട്ടികൾക്ക് വിജ്ഞാനത്തെയും വിനോദത്തെയും ഒന്നിച്ചു നൽകുന്ന പ്രോജക്ടായിരുന്നു ഇത്. കുട്ടികളിലും വലിയവരിലും മാലിന്യത്തെക്കുറിച്ചുള്ള ഉത്തരവാദിത്വബോധം വളർത്തുക എന്നതാണ് പ്രധാന ലക്ഷ്യം.

പ്രോഗ്രാമിംഗ് ആൻഡ് അനിമേഷൻ

നിബിൻ എബ്രാം നിബു തയ്യാറാക്കിയ ആനിമേഷൻ ഗെയിം പ്രോഗ്രാമിങ്ങിന്റെ അടിസ്ഥാനസിദ്ധാന്തങ്ങൾ പഠിച്ചുള്ള ഒരു പ്രായോഗിക മാതൃകയായിരുന്നു. സ്ക്രാച്ച് പോലുള്ള പ്ലാറ്റ്‌ഫോമുകൾ ഉപയോഗിച്ച് സ്വയം രൂപകല്പന ചെയ്ത ക്യാരക്ടറുകളും സ്റ്റോറിയുമാണ് അവതരിപ്പിച്ചത്. കുട്ടികൾ സ്വയം സ്ക്രിപ്റ്റ് എഴുതുകയും ആനിമേഷൻ ചേർക്കുകയും ചെയ്തിരിക്കുന്നു, ഇത് അവരുടെ സാങ്കേതിക വൈദഗ്ധ്യത്തിന്റെ തെളിവാണ്.

ബ്ലൂടൂത്ത് പ്രൊക്സ്റ്റി ഡിസ്റ്റൻസ് അലെർട്

ബ്ലൂടൂത്ത് ടെക്നോളജിയുടെ സഹായത്തോടെ സമീപത്തെ വ്യത്യാസം തിരിച്ചറിയുകയും അകലം കുറിയുമ്പോൾ അലർട്ട് നൽകുകയും ചെയ്യുന്ന ഡിസ്റ്റൻസ് അലർട്ട് സംവിധാനമാണ് ജസ്റ്റിൻ ചെറിയാൻ റ്റിജു ഒരുക്കിയത്. അനുമതിയില്ലാതെ ആരെങ്കിലും ഒരു വ്യക്തിക്ക് അടുത്ത് എത്തുമ്പോൾ അലെർട് തരുന്നത് ഉണ്ടാക്കുക എന്നതാണ് പ്രധാന ലക്ഷ്യം. വീട്ടിൽ മുതിർന്നവരുടെ സുരക്ഷയ്ക്കായി ഉപയോഗിക്കാവുന്ന സുരക്ഷാ സംവിധാന ഉപകരണമാണിത്.

സ്ക്രാച്ച് ഗെയിം സേവ് ദ ഏർത്

ഭൂമിയുടെ പരിസ്ഥിതി സംരക്ഷണത്തെ പ്രമേയമാക്കി സ്ക്രാച്ച് പ്ലാറ്റ്ഫോമിൽ ആദിശങ്കരൻ ഒരുക്കിയ ഗെയിം കുട്ടികൾക്ക് പരിസ്ഥിതി ചിന്ത വളർത്താൻ സഹായകമായി. ഗെയിമിൽ ഗ്രീൻ പ്ളാനറ്റിന്റെ ആശയം, കാടുകളുടെ സംരക്ഷണം, പ്ലാസ്റ്റിക് ഒഴിവാക്കൽ തുടങ്ങിയ സന്ദേശങ്ങൾ ഉൾപ്പെടുത്തിയിട്ടുണ്ട്. കളി കളിക്കുമ്പോൾ തന്നെ കുട്ടികൾക്ക് പരിസ്ഥിതി സൗഹൃദ സംസ്കാരത്തെക്കുറിച്ചുള്ള ബോധം ഉണ്ടാകുന്നു.

സമഗ്ര പോർട്ടൽ വിശദീകരണം

കേരള സംസ്ഥാന പൊതു വിദ്യാഭ്യാസ വകുപ്പിന്റെ സമഗ്ര ഡിജിറ്റൽ പ്ലാറ്റ്‌ഫോമായ സമഗ്ര പോർട്ടലിന്റെ ഉപയോഗവും, ലോഗിൻ രീതിയും, അധ്യാപകരും വിദ്യാർത്ഥികളും എങ്ങനെ വിവിധ വിദ്യാഭ്യാസ സേവനങ്ങൾ ലഭ്യമാക്കാം എന്നതിനെക്കുറിച്ചുള്ള വിശദമായ ഡെമോയും അവതരിപ്പിച്ചു. ഓൺലൈൻ പഠനം, മാർക്ക് എന്ററി, ചോദ്യപേപ്പറുകൾ, പാഠപുസ്തകങ്ങൾ, ന സാമഗ്രികൾ തുടങ്ങിയവയെക്കുറിച്ചുള്ള വിശദമായ അവലോകനം നടത്തി.

രക്ഷകർത്താവിന്റെ അഭിപ്രായം

രക്ഷകർത്താക്കളുടെ പ്രതിനിധിയായി ഷിംജിത് സംസാരിച്ചപ്പോൾ, ക്ലബ്ബിന്റെ പ്രവർത്തനങ്ങളിൽ ഏറെ സന്തോഷമുണ്ടെന്നും കുട്ടികൾക്കായുള്ള ഇത്തരം പദ്ധതികൾ കൂടുതൽ ശക്തിപ്പെടുത്തണമെന്നും അഭിപ്രായപ്പെട്ടു. ഈ സമ്മേളനം ലിറ്റിൽ കൈറ്റ്സ് ക്ലബ്ബ് അംഗങ്ങളുടെ സാങ്കേതിക കഴിവുകൾക്കും അതിന്റെ പ്രദർശനത്തിനും ഒരു വേദിയായി മാറി. രക്ഷകർത്താക്കളുടെ പങ്കാളിത്തം പരിപാടിയെ കൂടുതൽ വിജയകരമാക്കി.

കുട്ടികൾക്കായി ഇമെയിൽ ഐഡി

2025 ജൂലൈ 31 വ്യാഴാഴ്‌ച, ഇടയാറൻമുള എ.എം.എം ഹയർ സെക്കൻഡറി സ്കൂളിലെ ലിറ്റിൽ കൈറ്റ്സ് അംഗങ്ങൾ സ്കൂളിലെ വിദ്യാർത്ഥികൾക്കായി ഇമെയിൽ ഐഡികൾ സജ്ജമാക്കി നൽകി. സ്കൂൾ ഐടി ലാബിലാണ് ഈ പ്രവർത്തനം സംഘടിപ്പിച്ചത്.

2024- 27 ബാച്ചിലെ ലിറ്റിൽ കൈറ്റ്സ് അംഗങ്ങൾ സാങ്കേതിക കാര്യങ്ങളിൽ കഴിവ് തെളിയിച്ചുകൊണ്ടാണ് സഹവിദ്യാർത്ഥികൾക്കായി ഈ സേവനം നിർവഹിച്ചത്. പുതിയ ഇമെയിൽ ഐഡികൾ വിദ്യാർത്ഥികൾക്ക് വിവിധ അക്കാദമിക് ആവശ്യങ്ങൾക്ക് ഉപയോഗപ്രദമാകും എന്നത് ഈ പ്രവർത്തനത്തിന്റെ പ്രാധാന്യം വർദ്ധിപ്പിക്കുന്നു.

ഇതിലൂടെ വിദ്യാർത്ഥികൾക്ക് ഡിജിറ്റൽ ലോകത്തിലേക്ക് അനുയോജ്യമായ പ്രവേശനം നൽകുകയും, ലിറ്റിൽ കൈറ്റ്സ് അംഗങ്ങൾക്കു സഹകരണവും, ഉത്തരവാദിത്തബോധവുമുള്ള പ്രവൃത്തിയുടെ മാതൃകയാവാൻ കഴിയുകയും ചെയ്തു.

ടെക്‌നോളജിയിലേക്ക് ഒരു കുട്ടിക്കാൽവയ്പ്പ്

2025 ആഗസ്റ്റ് 1-ന്, ഇടയാറൻമുള എ. എം. എം. ഹയർ സെക്കൻഡറി സ്കൂളിലെ ലിറ്റിൽ കൈറ്റ്സ് ക്ലബ്ബിന്റെ നേതൃത്വത്തിൽ, ഇടയാറൻമുള മാർത്തോമ ഇംഗ്ലീഷ് മീഡിയം സ്കൂളിലെ വിദ്യാർത്ഥികൾക്കായി ഒരു സാങ്കേതിക ബോധവൽക്കരണ പരിപാടി സംഘടിപ്പിച്ചു. കമ്പ്യൂട്ടറിന്റെ അടിസ്ഥാന പാഠഭാഗങ്ങൾ ഉൾപ്പെടെ, സ്വതന്ത്ര സോഫ്റ്റ്‌വെയറുകളുടെ പരിചയപ്പെടുത്തൽ വഴി ഈ പരിപാടി ഉദാത്തമായ ഒരു മാതൃകയായി.

പരിപാടിയിലെ പ്രത്യേക ആകർഷണമായി മാറിയത്, ലിറ്റിൽ കൈറ്റ്സ് അംഗങ്ങളായ വിദ്യാർത്ഥികളുടെ വൈവിധ്യമാർന്ന സാങ്കേതിക അവതരണങ്ങൾ ആയിരുന്നു. മലയാളം ടൈപ്പിംഗിന്റെ അടിസ്ഥാനവും പ്രായോഗികതയും കുട്ടികൾക്ക് നൽകുന്നതിനായി ഗൗരി കൃഷ്ണ നേതൃത്വം വഹിച്ചു. തുടർന്ന്, ആദിശങ്കരനും, ജസ്റ്റിൻ ചെറിയാൻ റ്റിജുവും സ്ക്രാച്ച് പ്ലാറ്റ്‌ഫോം ഉപയോഗിച്ച് തയ്യാറാക്കിയ വിനോദപരവും ബോധവൽക്കരണപരവുമായ ഗെയിംസുകൾ അവതരിപ്പിച്ചു. റോബോട്ടിക് ഉപയോഗിച്ച് എൽഇഡി ബൾബിന്റെ പ്രവർത്തനം തത്സമയം വിശദീകരിച്ചത് ദേവഗംഗയും സോണിയയും ചേർന്നാണ്. അർഡിനോ കിറ്റ് ഉപയോഗിച്ചുള്ള നൂതന സാങ്കേതിക പ്രവർത്തനങ്ങൾ വിശദമായി അവതരിപ്പിച്ചത് ആദിത്യാ സുജിത്ത് ആയിരുന്നു. ഇ-ക്യൂബ് സോഫ്റ്റ്‌വെയറിന്റെ പരിചയം പങ്കുവെച്ചത് പൊന്നി സജി ആണ്. അനിമേഷൻ ക്ലാസ് നയിച്ചത് പാർത്ഥൻ ബിജു ആയിരുന്നു.

ലിറ്റിൽ കൈറ്റ്സ് അംഗങ്ങളുടെ സഹായത്തോടെ, കുട്ടികൾ സ്വയം ഈ പ്രവർത്തനങ്ങൾ ആഴത്തിൽ പരീക്ഷിക്കുകയും അനുഭവിക്കുകയും ചെയ്തു. സാങ്കേതികവിദ്യയിലൂടെ, അവരുടെ താല്പര്യം വളരെയധികം വർദ്ധിച്ചതായി പരിപാടിയിൽ വ്യക്തമായി പ്രകടമായി.

പ്രധാന അധ്യാപിക അനില കെ സാമുവൽ, കൈറ്റ് മെന്റേഴ്സായ ആശാ പി മാത്യു, ലക്ഷ്മി പ്രകാശ്, സുജാ ജേക്കബ് എന്നിവരുടെ നേതൃത്വവും പിന്തുണയും ഈ പരിപാടിയുടെ വിജയത്തിന് ശക്തിയേകി.

വളരെ സജീവവും മികച്ച പങ്കാളിത്തത്തോടെ നടന്ന ഈ പ്രവർത്തനദിനം, പങ്കെടുക്കുത്ത കുട്ടികൾക്ക് അത്യന്തം അറിവേറിയ അനുഭവമായി മാറി. തികച്ചും പ്രായോഗികതയിൽ ആധാരിതമായിരുന്നു അവതരണങ്ങൾ. മലയാളം ടൈപ്പിംഗ്, പ്രോഗ്രാമിംഗ്, ഡിസൈനിംഗ്, റോബോട്ടിക്, അനിമേഷൻ എന്നിങ്ങനെ വിവിധ മേഖലകളിൽ കൊച്ചു വിദ്യാർത്ഥികളിൽ താൽപ്പര്യം ഉണർത്തുവാൻ ലിറ്റിൽ കൈറ്റ്സ് വിദ്യാർത്ഥികൾക്ക് കഴിഞ്ഞു.

,

സൈബർ സുരക്ഷാ അവബോധ ക്ലാസ്സ്

ലിറ്റിൽ കൈറ്റ്സ് വിദ്യാർത്ഥികളുടെ നേതൃത്വത്തിൽ കുടുംബശ്രീ പ്രവർത്തകർക്കായി 2025 ഒക്ടോബർ 7 ന് സൈബർ സുരക്ഷാ അവബോധ ക്ലാസ്സ് സംഘടിപ്പിച്ചു. കുടുംബശ്രീ പ്രവർത്തകരുടെ ദൈനംദിന ജീവിതത്തിൽ അത്യാവശ്യമായ ഡിജിറ്റൽ സുരക്ഷാ അറിവുകൾ നൽകുക എന്നതായിരുന്നു ഈ ക്ലാസ്സിന്റെ പ്രാഥമിക ലക്ഷ്യം.

മൊബൈൽ ഫോൺ സുരക്ഷയും അടിസ്ഥാന ഡിജിറ്റൽ ശീലങ്ങളും

മൊബൈൽ ഫോൺ സുരക്ഷ ഉറപ്പാക്കുന്നതിനുള്ള മാർഗ്ഗങ്ങൾ, ശക്തമായ പാസ്‌വേഡുകൾ നിർമ്മിക്കുന്നതിന്റെ പ്രാധാന്യം, കൂടാതെ സുരക്ഷ ഇരട്ടിയാക്കുന്ന ടു-ഫാക്ടർ ഓതന്റിക്കേഷൻ ഉപയോഗിക്കേണ്ട രീതി എന്നിവ പരിചയപ്പെടുത്തി.

സോഷ്യൽ മീഡിയയിലെയും സന്ദേശങ്ങളിലെയും തട്ടിപ്പുകൾ

വാട്ട്സ്ആപ്പ്, ഫേസ്ബുക്ക് പോലുള്ള സോഷ്യൽ മീഡിയകളിലും ഇമെയിലുകളിലും ഉണ്ടാകാനിടയുള്ള ഫിഷിംഗ് തട്ടിപ്പുകൾ എങ്ങനെ തിരിച്ചറിയാമെന്നും വ്യാജ ലിങ്കുകളിൽ ക്ലിക്ക് ചെയ്യാതിരിക്കേണ്ടതിന്റെ ആവശ്യകതയും വിശദീകരിച്ചു.

സാമ്പത്തിക തട്ടിപ്പുകളും, ഡിജിറ്റൽ പേയ്മെന്റുകളും

ഓൺലൈൻ പണമിടപാടുകളിലെ (ബാങ്കിംഗ്) സുരക്ഷാ മുൻകരുതലുകൾ, വൺ ടൈം പാസ്‌വേർഡ് ആരുമായും പങ്കുവെക്കാതിരിക്കേണ്ടതിന്റെ പ്രാധാന്യം, സാമ്പത്തിക തട്ടിപ്പുകൾ ഉണ്ടായാൽ ചെയ്യേണ്ട കാര്യങ്ങൾ എന്നിവയെക്കുറിച്ച് അവബോധം നൽകി.

ഈ സമഗ്രമായ ക്ലാസ്സ്, കുടുംബശ്രീ പ്രവർത്തകരെ ഡിജിറ്റൽ ലോകത്തെ അപകടങ്ങളെക്കുറിച്ച് ബോധവത്കരിക്കാനും സുരക്ഷിതമായി ഇന്റർനെറ്റ് ഉപയോഗിക്കാനും സഹായിച്ചു.

ഐ.ടി. അർദ്ധവാർഷിക പരീക്ഷ ഇൻസ്റ്റലേഷൻ

പൊതുവിദ്യാഭ്യാസ വകുപ്പിന്റെ നിർദ്ദേശപ്രകാരം, ഇടയാറന്മുള എ.എം.എം. ഹയർ സെക്കൻഡറി സ്കൂളിലെ ഐ.ടി. ലാബിൽ ഐ.ടി. അർദ്ധവാർഷിക പരീക്ഷയുടെ ഇൻസ്റ്റലേഷൻ ലിറ്റിൽ കൈറ്റ്സ് വിദ്യാർത്ഥികളുടെ നേതൃത്വത്തിൽ വിജയകരമായി പൂർത്തിയാക്കി. നവംബർ 14-നകം പരീക്ഷകൾ പൂർത്തിയാക്കിയ ശേഷം, വിദ്യാർത്ഥികളുടെ സഹായത്തോടെ ഡാറ്റാ എക്സ്പോർട്ടും ഇംപോർട്ടും നടത്തി, ഈ വിവരങ്ങൾ സമ്പൂർണ്ണ പോർട്ടലിലേക്ക് അപ്‌ലോഡ് ചെയ്യുന്നതാണ്.

പ്രകാശം പകരുന്ന കൈകൾ

ലിറ്റിൽ കൈറ്റ്സ് ക്ലബ്ബിന്റെ നേതൃത്വത്തിൽ സാമൂഹിക നന്മ ലക്ഷ്യമാക്കി എൽ.ഇ.ഡി. ബൾബ് നിർമ്മാണ പദ്ധതി സ്കൂളിൽ വിജയകരമായി ആരംഭിച്ചു. സാങ്കേതിക വിദ്യാഭ്യാസവും പരിസ്ഥിതി സംരക്ഷണവും സമന്വയിക്കുന്ന ഈ സംരംഭം കുട്ടികളിൽ ശാസ്ത്രീയ ചിന്തയും പ്രായോഗിക അറിവും വളർത്തുന്നതിനൊപ്പം സമൂഹത്തിന് ഉപകാരപ്രദമായ ഒരു പ്രവർത്തനമായി മാറുകയാണ്.

കുട്ടികൾ അവരുടെ വീടുകളിൽനിന്നുള്ള ഉപയോഗശൂന്യമായ എൽ.ഇ.ഡി. ബൾബുകൾ ശേഖരണ ബോക്സിൽ നിക്ഷേപിച്ച് ഇ-വേസ്റ്റ് ശേഖരണത്തിൽ പങ്കാളികളാകുന്നു. തുടർന്ന്, ശേഖരിച്ച ബൾബുകൾ തരംതിരിച്ച്, പ്രധാനമായും സീരീസ് കണക്ഷനിലെ തകരാറോ സർക്യൂട്ട് ബോർഡിന്റെ കേടുപാടുകളോ ആകാം ബൾബുകൾ പ്രവർത്തനരഹിതമാകാനുള്ള കാരണമെന്ന് കണ്ടെത്തി, അവ നന്നാക്കി പുനരുപയോഗത്തിനായി പ്രവർത്തനക്ഷമമാക്കുന്നു. ഈ പ്രവർത്തനങ്ങൾ പ്രകൃതിക്കും മനുഷ്യർക്കും ഹാനികരമായ ഇ-വേസ്റ്റ് കുറയ്ക്കുന്നതിലും പരിസ്ഥിതി സംരക്ഷണത്തിന്റെ പ്രാധാന്യം പ്രായോഗികമായി മനസ്സിലാക്കുന്നതിലും വലിയ പങ്കുവഹിക്കുന്നു.

അക്കാദമിക് പഠനത്തോടൊപ്പം ഒരു കൈത്തൊഴിൽ പഠിക്കാനും ഇലക്ട്രോണിക്സ് രംഗത്ത് അടിസ്ഥാനപരമായ പ്രായോഗിക പരിജ്ഞാനം നേടാനും ഈ പദ്ധതി കുട്ടികളെ സഹായിക്കുന്നു. സ്കൂളിലെ സംഗീത അധ്യാപകനായ അജിത്ത് കുമാർ കുട്ടികൾക്ക് ആവശ്യമായ പരിശീലനം നൽകി പദ്ധതിക്ക് നേതൃത്വം നൽകുന്നു. ഇലക്ട്രോണിക് വിഷയങ്ങളിൽ താൽപ്പര്യമുള്ള കുട്ടികൾക്ക് പ്രത്യേക പരിശീലനം നൽകി, അവരുടെ നേതൃത്വത്തിലൂടെ ഈ അറിവ് മറ്റു കുട്ടികളിലേക്ക് പകരുകയാണ് പദ്ധതിയുടെ ലക്ഷ്യം.

സാങ്കേതിക വിദ്യാഭ്യാസം, പരിസ്ഥിതി ബോധം, സാമൂഹിക ഉത്തരവാദിത്തം എന്നീ മൂല്യങ്ങൾ കുട്ടികളിൽ വളർത്തുന്ന ഈ മാതൃകാപദ്ധതി, പ്രകാശം പകരുന്ന കൈകൾ എന്ന ആശയം യാഥാർഥ്യമാക്കി സമൂഹത്തിന് ഉപകാരപ്രദമായ ഒരു തലമുറയെ സൃഷ്ടിക്കുന്നതിൽ നിർണായക പങ്ക് വഹിക്കുന്നു.

ചിത്രശാല

ലിറ്റിൽ കൈറ്റ്സ് പ്രവർത്തനങ്ങളുടെ കൂടുതൽ ചിത്രങ്ങൾ കാണുവാൻ ചിത്രശാല സന്ദർശിക്കുക

പത്ര വാർത്തകൾ