ഇംഗ്ലീഷ് വിലാസം

പത്തനംതിട്ട ജില്ലയിലെ തിരുവല്ല വിദ്യാഭ്യാസ ജില്ലയിൽ പുല്ലാട്‌ ഉപജില്ലയിലെ ഇരവിപേരൂർ പഞ്ചായത്തിൽ കോഴിമലയിൽ സ്ഥിതി ചെയ്യുന്ന ഒരു എയ്ഡഡ് വിദ്യാലയമാണ് സെൻ്റ് മേരീസ് യു .പി .സ്കൂൾ .ഇത് മന്ദിരം സ്കൂൾഎന്നും അറിയപ്പെടുന്നു .മലങ്കര ഓർത്തഡോക്സ് സഭയുടെ കീഴിലുള്ള സെൻ്റ് മേരീസ് കോൺവെൻ്റ് മാനേജ്മെന്റിന്റ ചുമതലയിലാണ് ഇത് നടത്തപ്പെടുന്നത്

ചരിത്രം

പത്തനംതിട്ട ജില്ലയിലെ തിരുവല്ല വിദ്യാഭ്യാസ ജില്ല പുല്ലാട് ഉപജില്ലയിൽ ഇരവിപേരൂർ പഞ്ചായത്തിലെ കോഴിമലയിൽ സ്ഥിതി ചെയ്യുന്ന വിദ്യാലയമാണ് സെൻ്റ് മേരീസ് യു .പി .സ് കൂൾ. ഈ സ്കൂളിൻ്റെ നാൾവഴികൾ ഒരുപാട് ചരിത്ര നിമിഷങ്ങർക്ക് സാക്ഷ്യം വഹിച്ചുകൊണ്ടാണ് ഈ സുവർണ്ണ നിമിഷത്തിൽ എത്തിനിൽക്കുന്നത് . കൂടുതൽ ചരിത്രം‍‍

ഭൗതികസൗകര്യങ്ങൾ

ഒന്നര ഏക്കർ ഭൂമിയിൽ ഇരുനില കെട്ടിടത്തിലായി സ്കൂൾ പ്രവർത്തിക്കുന്നു .ഒന്നു മുതൽ 7വരെ ക്ലാസ്സുകൾ 2 ഡിവിഷനുകളായി നടത്തപ്പെടുന്നു .2013-ൽ ഓഡിറ്റോറിയവും നിർമ്മിച്ചു.

വിശാലമായ കളിസ്ഥലവും ചുറ്റുമതിലും ,ഗേറ്റും സ്കൂളിനുണ്ട്. ശുദ്ധജലത്തിനായി സ്‌കൂളിന്റെ ഉള്ളിൽ തന്നെ കിണറും മോട്ടറും ഉണ്ട് .കുഞ്ഞുങ്ങൾക്ക് ഉപയോഗിക്കാനായി 16 പൈപ്പുകളും ,ആൺകുട്ടികൾക്കും പെൺകുട്ടികൾക്കും പ്രത്യേകം ടോയ്ലറ്റുകളും ഉണ്ട്. കൂടുതൽ അറിയാൻ

മാനേജ്‌മെന്റ്

ഈ സ്കൂൾ ഇന്ന് നിലനിൽക്കുന്നത് പത്തനംതിട്ട ജില്ലാ പഞ്ചായത്തിന്റെ പരിധിയിൽ ആണ്. ഓർത്തഡോക്സ് സഭയുടെ കീഴിലുള്ള സെൻമേരിസ് കോൺവെന്റ് മാനേജ്മെന്റ് ആണ് സ്കൂൾ നടത്തിവരുന്നത്.കൂടുതൽ അറിയാൻ

അധ്യാപകർ

പ്രഥമ അധ്യാപിക ശ്രീമതി.ഡോളി ജോർജ്ജ്

ക്രമനമ്പർ .	പേര്
1	ശ്രീമതി. ഡോളി ജോർജ്ജ് (പ്രഥമ അദ്ധ്യാപിക) ,
2	ശ്രീമതി.നിർമ്മലാ മേരി
3	ശ്രീമതി.സുനിത ജോർജ്ജ്
4	ശ്രീമതി.ജെസ്സി ഫിലിപ്പ്
5	സിസ്റ്റർ.സൂസമ്മ.റ്റി
6	ശ്രീമതി.റെനി സൂസൻ പോൾ
7	സിസ്റ്റർ.ഷീജ.കെ.ജോർജ്ജ്
8	സിസ്റ്റർ.ഷൈബി ജോസഫ് ,
9	സിസ്റ്റർ.ആശാ.പി.അച്ചൻകുഞ്ഞ്
10	ശ്രീമതി ഷിനു വർഗ്ഗീസ്,
11	ശ്രീമതി ഷിംന മേരി ജേക്കബ്
12	ശ്രീമതി .ഹെലന ഐപ്പ്
13	ശ്രീമതി. ലിജി സാറാ കോശി
14	ശ്രീമതി .ശ്രീനിത്യ വി .വി

മികവുകൾ പത്രവാർത്തകളിലൂടെ

പഠന പ്രവർത്തങ്ങളിലും കലാകായികരംഗത്തു അതുപോലെ പ്രവൃത്തി പരിചയ രംഗത്തും മികച്ച പ്രകടനം കാഴ്ചവെയ്ക്കാൻ സെന്റ് മേരിസിലെ വിദ്യാർത്ഥികൾക്ക് കഴിയുന്നുണ്ട് ... യു .എസ്.എസ് ,എൽ എസ്.എസ് പരീക്ഷകളിൽ പ്രശംസിനീയമായ വിജയം കരസ്ഥമാക്കാൻ ഈ സ്കൂളിലെ ഓരോ വർഷങ്ങളിലായി പഠിക്കുന്ന വിദ്യാർത്ഥികൾക്ക് കഴിയുന്നുണ്ട് .. അധ്യാപകരുടെ പരിശീലനവും രക്ഷകർത്താക്കളുടെ താങ്ങലുമാണ് ഈ നേട്ടത്തിന് പിന്നിലുള്ളത് ...

കലാമേളകളിലും വിദ്യാർത്ഥികൾ മികച്ച പ്രകടനം കാഴ്ചവെയ്ക്കുന്നുണ്ട് .പുല്ലാട് സബ് ജില്ലയിലെ ഓവറോൾ ചാമ്പ്യൻഷിപ്പ് പലതവണ കരസ്ഥമാക്കാൻ ഈ സ്കൂളിലെ യു .പി വിഭാഗത്തിനും എൽ .പി വിഭാഗത്തിനും കഴിഞ്ഞിട്ടുണ്ട് ....കൂടുതൽ അറിയാൻ

മുൻസാരഥികൾ

സ്കൂളിന്റെ പ്രധാനാദ്ധ്യാപകർ


ക്രമനമ്പർ	പേര്	ചാർജ്ജ് എടുത്ത തീയതി
1	കെ .ഒ ശോശാമ്മ	18- 05-1939
2	അന്നമ്മ വർക്കി	20- 01 1941
3	എം ആർ .തങ്കമ്മ	02-05-1942
4	മറിയാമ്മ ഉമ്മൻ	01 -06-1942
5	ഇ .എം.അക്കമ്മ	19-03- 1945
6	വി.സി ശോശാമ്മ	02-06-1945
7	മറിയാമ്മ വർക്കി	06-06-1950
8	റേബേക്ക മാത്യു	01-07-1953
9	സൂസികുട്ടി പി .ജേക്കബ്	03-06-1969
10	ലീലാ ബെഞ്ചമിൻ	01-07-1994
11	ബ്ലോസം സാം	01-04-2009
12	ആൻസി.എൻ .സുജ .തോമസ്	01-04-2019

നേട്ടങ്ങൾ

പഠന നിലവാരത്തിൽ എന്നും മുന്നിലാണ് സെൻ്റ് മേരീസ് യു .പി സ്കൂളിലെ കുട്ടികൾ ,പുല്ലാട് ഉപജില്ലയിൽ നടത്തുന്ന ക്വിസ് മത്സരങ്ങളിലും ,മത്സര പരീക്ഷകളിലും പങ്കെടുത്ത് വിജയം കരസ്ഥമാക്കാറുണ്ട്

ഈ സ്കൂളിൽ നിന്ന് എൽ.എസ്.എസ് ,യു എസ് എസ്.സ്കോളർഷിപ്പ് പരീക്ഷയിൽ സമ്പൂർണ്ണവിജയം കരസ്ഥമാക്കാൻ കുട്ടികൾക്ക് സാധികുന്നു .ഇതിനു അധ്യാപകരുടെ പരിശീലനവും അതുപോലെ രക്ഷകർത്താക്കളുടെ ശ്രദ്ധേയുമാണ് സുനിശ്ചിതമായ വിജയത്തിന് വഴികാട്ടി ആവുന്നത്.കൂടുതൽ അറിയാൻ‍‍

പഠനമികവുകൾ

പഠന നിലവാരത്തിൽ എന്നും മുന്നിലാണ് സെൻ്റ് മേരീസ് യു .പി സ്കൂളിലെ കുട്ടികൾ ,പുല്ലാട് ഉപജില്ലയിൽ നടത്തുന്ന ക്വിസ് മത്സരങ്ങളിലും ,മത്സര പരീക്ഷകളിലും പങ്കെടുത്ത് വിജയം കരസ്ഥമാക്കാറുണ്ട് .ഈ സ്കൂളിൽ നിന്ന് എൽ.എസ്.എസ് ,യു എസ് എസ്.സ്കോളർഷിപ്പ് പരീക്ഷയിൽ സമ്പൂർണ്ണവിജയം കരസ്ഥമാക്കാൻ കുട്ടികൾക്ക് കഴിയുന്നുണ്ട് .ഗവൺമെൻറ് വിദ്യഭ്യാസ സംരക്ഷണ യജ്ഞത്തിൻ്റെ ഭാഗമായി നടപ്പിലാക്കുന്ന എല്ലാ പദ്ധതികളും വിജയപ്രദമായി നടപ്പിലാക്കി മികവ് പുലർത്താൻ കഴിയുന്നു .കൂടുതൽ അറിയാൻ

പ്രശസ്തരായ പൂർവവിദ്യാർത്ഥികൾ

Late .മത്തായി എൻ.ജെ [ മികച്ച അധ്യാപക സംസ്ഥാന അവാർഡ് (1999) ഗുരുശ്രേഷ്ഠ അവാർഡ് ]

ജോബിൻ വള്ളംകുളം ( മിനിസ്ക്രീൻ കോമഡി ആർട്ടിസ്റ്റ്)

ശ്രീ .ജോ മോഹൻ ജോസഫ് [ BA R C ശാസ്ത്രഞ്ജൻ]

ശ്രീ .ജീവേഷ് [ മിനിസ്ക്രീൻ അവതാരകൻ]

ക്ലബ്ബുകൾ

വിദ്യാരംഗം‌

സോഷ്യൽ സയൻസ്ക്ലബ്ബ്

സയൻസ് ക്ലബ്ബ്

ഗണിത ക്ലബ്ബ്

പരിസ്ഥിതി ക്ലബ്ബ്
പ്രവർത്തി പരിചയ നൈപുണ്യ ക്ലബ്.

പ്രവർത്തനങ്ങൾ

പ്രോജക്ടുകൾ
തിരികെ വിദ്യാലയത്തിലേക്ക്	(സഹായം)
എന്റെ ഗ്രാമം	(സഹായം)
നാടോടി വിജ്ഞാനകോശം	(സഹായം)
സ്കൂൾ പത്രം	(സഹായം)
അക്ഷരവൃക്ഷം	(സഹായം)
ഓർമ്മക്കുറിപ്പുകൾ	(സഹായം)
എന്റെ വിദ്യാലയം	(സഹായം)
Say No To Drugs Campaign	(സഹായം)
ഹൈടെക് വിദ്യാലയം	(സഹായം)
കുഞ്ഞെഴുത്തുകൾ	(സഹായം)

സെന്റ്മേരീസ് യു .പി .എസ്സ് .കോഴിമല
സെന്റ്മേരീസ് യു .പി .എസ്സ് .കോഴിമല
വിലാസം
	കോഴിമല; കോഴിമല പി .ഒ പി.ഒ., 689541, പത്തനംതിട്ട ജില്ല
സ്ഥാപിതം	03 - 11 - 1938
വിവരങ്ങൾ
ഫോൺ	0469 2657833
ഇമെയിൽ	smupskozhimala@gmail.com
കോഡുകൾ
സ്കൂൾ കോഡ്	37342 (സമേതം)
യുഡൈസ് കോഡ്	32120600105
വിക്കിഡാറ്റ	Q87593803
വിദ്യാഭ്യാസ ഭരണസംവിധാനം
റവന്യൂ ജില്ല	പത്തനംതിട്ട
വിദ്യാഭ്യാസ ജില്ല	തിരുവല്ല
ഉപജില്ല	പുല്ലാട്
ഭരണസംവിധാനം
ലോകസഭാമണ്ഡലം	പത്തനംതിട്ട
നിയമസഭാമണ്ഡലം	ആറന്മുള
താലൂക്ക്	തിരുവല്ല
ബ്ലോക്ക് പഞ്ചായത്ത്	കോയിപ്രം
തദ്ദേശസ്വയംഭരണസ്ഥാപനം	ഇരവിപേരൂർ പഞ്ചായത്ത്
വാർഡ്	11
സ്കൂൾ ഭരണ വിഭാഗം
സ്കൂൾ ഭരണ വിഭാഗം	എയ്ഡഡ്
സ്കൂൾ വിഭാഗം	പൊതുവിദ്യാലയം
പഠന വിഭാഗങ്ങൾ	എൽ.പി; യു.പി
സ്കൂൾ തലം	1 മുതൽ 7 വരെ
മാദ്ധ്യമം	മലയാളം, ഇംഗ്ലീഷ്
സ്ഥിതിവിവരക്കണക്ക് ;
ആൺകുട്ടികൾ	193
പെൺകുട്ടികൾ	197
ആകെ വിദ്യാർത്ഥികൾ	390
അദ്ധ്യാപകർ	14
സ്കൂൾ നേതൃത്വം
പ്രധാന അദ്ധ്യാപിക	ശ്രീമതി .ഡോളി ജോർജ്ജ്
പി.ടി.എ. പ്രസിഡണ്ട്	ശ്രീ .രാജീവ് എൻ .എസ്
എം.പി.ടി.എ. പ്രസിഡണ്ട്	ലിജി .മാത്യൂ
അവസാനം തിരുത്തിയത്
02-02-2022	37342

ഉച്ചഭക്ഷണ പദ്ധതി

കേന്ദ്ര ഗവൺമെൻ്റിൻ്റെ ധനസഹായത്തോടെ സംസ്ഥാന ഗവൺമെൻ്റ് നടത്തി വരുന്നഈ പദ്ധതിയിൽ സംസ്ഥാനത്ത് 12 ലക്ഷത്തോളം കുട്ടികൾ ഭാഗമായിട്ടുണ്ട് .

ഈ പദ്ധതി സെന്റ് മേരീസ് സ്കൂളിലും വിജയപ്രദമായി നടത്തപ്പെടുന്നു . ഉച്ചഭക്ഷണത്തിൽ ചോറിന് പുറമേ നാല് തരം കറികൾ ഉൾപ്പെടുത്തിയാണ് ഉച്ചഭക്ഷണം ദിനംപ്രതി നടത്തി വരുന്നത് അങ്ങനെ നിലവാരമുള്ള ഭക്ഷണം കുട്ടികൾക്ക് നൽകുന്നു .പാചകപ്പുരയിൽ ബർണർ ഗ്യാസും ഗ്യാസ് സ്റ്റൗവും ഉപയോഗിച്ചാണ് പാചകം ചെയ്യപ്പെടുന്നത് .പാചകത്തിനാവശ്യമായ പാത്രങ്ങളും ഉപകരണങ്ങളും പാചകപ്പുരയിൽ ഉണ്ട് ..കൂടുതൽ അറിയാൻ

പി.ടി.എ കമ്മിറ്റി

പി .ടി .എ പ്രസിഡൻ്റ് ശ്രീമാൻ .രാജീവ് എൻ .എസ്

സ്കൂളിലെ എല്ലാവിധ പ്രവർത്തനങ്ങളിലും രക്ഷിതാക്കൾ വളരെ ആത്മാർത്ഥമായി പങ്കെടുക്കാറുണ്ട്. കുട്ടികളുടെ പഠനത്തിലും അത്പോലെ മറ്റു പ്രവർത്തനങ്ങളിലും അധ്യാപകരോടൊപ്പം രക്ഷകർത്താക്കളും അവർക്ക് പ്രചോദനം നൽകുന്നത് പ്രശംസനീയമായ ഒന്നാണ്. സ്കൂൾ പിടിഎ യുടെ ആഭിമുഖ്യത്തിൽ പലവിധ സംഘടനാ പ്രവർത്തനങ്ങളും കാലാകാലങ്ങളായി സംഘടിപ്പിക്കാറുണ്ട്. സ്കൂളിന്റെ വിജയത്തിൽ പിടി എയുടെ സ്ഥാനം വളരെ വലുതാണ്.പി.ടി .എ യുടെ ശ്രമം ഫലമാണ് സ്കൂൾ ബസ്സ് വാങ്ങാൻ ഇടയായത് നല്ല പാഠം പദ്ധതിയുടെ ഭാഗമായി നടത്തിയ ഭവന നിർമ്മാണത്തിലും പി.ടി എ വളരെ വലിയ പങ്ക് വഹിച്ചു .ഈ സ്കൂളിൻ്റെ എല്ലാ പ്രവർത്തനങ്ങളിലും പി. ടി.എ കമ്മിറ്റിയുടെ കൈത്താങ്ങ് ലഭിക്കുന്നു ..ശ്രീമാൻ .രാജീവ് എൻ .എസ് . പി .റ്റി.എ പ്രസിഡൻറ് ആയി ഈ വർഷം ചുമതലയിൽ ഇരിക്കുന്നു .

പി .ടി .എ പ്രസിഡൻ്റ് ശ്രീ .രാജീവ് .എൻ.എസ്

കമ്മിറ്റി അംഗങ്ങൾ


ക്രമനമ്പർ	പേര്
1	ഗ്രേഷിയസ് ജോണി
2	ഷിബു .റ്റി. എസ്
3	സൂസൻ റെഞ്ചി
4	സനിത ഓമനക്കുട്ടൻ
5	സ്വപ്ന ഷിബു
6	സോണി പ്രസാദ്
7	മാത്യൂ പി .ജെ
8	എബി തോമസ്
9	ജോളി ജോസ്
10	ഷാജി മൈക്കിൾ
11	ശ്രീ കല സന്തോഷ്
12	രതീഷ് ജേക്കബ്
13	വിനീത മനു

ഫോട്ടോ ഗ്യാലറി

സ്കൂൾ പ്രവർത്തനങ്ങൾ ചിത്രങ്ങളിലൂടെകൂടുതൽ ചിത്രങ്ങൾ

പാഠ്യേതര പ്രവർത്തനങ്ങൾ

വിദ്യാരംഗം കലാ സാഹിത്യ വേദി
സയൻസ് ക്ലബ്.
വിദ്യാർത്ഥി സാഹിത്യരചനാ വേദി.|

നല്ലപാഠം പദ്ധതി

കരാട്ടേ
ഔഷധ തോട്ടം
കൃഷി

സ്കൂൾ അസംബ്ലി

കുട്ടികളിൽ കൃത്യമായ അച്ചടക്കം ഉണ്ടാക്കിയെടുക്കാനും അവരുടെ കഴിവുകൾ സഭാകമ്പം ഇല്ലാതെ മടികൂടാതെ പ്രദർശിപ്പിക്കുവാനും വ്യക്തിത്വ വികസനത്തിനും സ്കൂൾ അസംബ്ലി സഹായകമാകുന്നു ...1 മുതൽ 7വരെ എല്ലാ ക്ലാസ്സിനും അസംബ്ലി നടത്താൻ അവസരം നൽകുന്നു .അസംബ്ലി നടത്തുന്ന ക്ലാസ്സിലെ കുട്ടികൾ തന്നെയാണ് നേത്യത്വം നൽകുന്നതും .അതിനാൽ എല്ലാ കുട്ടികൾക്കും അവസരം ലഭിക്കുന്നു ഇതിൽ പങ്കാളിയാകാൻ . .പത്രപാരായണം ,പ്രസംഗം .വ്യായാമം .ദേശഭക്തിഗാനം . പ്രതിഞ്ജ ഈ പ്രവർത്തനങ്ങളിലൂടെ നേത്യത്വപാടവം നേടിയെടുക്കാൻ സാധിക്കുന്നു . തിങ്കൾ , ബുധൻ, വെള്ളി ദിവസങ്ങളിലും ,വിശേഷപ്പെട്ട ദിവസങ്ങളിലും അസംബ്ലി നടക്കുന്നു .

കരാട്ടേ

ഇന്നത്തെ പുതിയ തലമുറ നേരിടുന്ന പ്രശ്നങ്ങളിൽ ഒന്നാണ് മുതിർന്നവരെ പോലെ തന്നെ കുട്ടികൾക്കു നേരെ ഉള്ള അതിക്രമങ്ങൾ. സമകാലിക സാഹചര്യങ്ങളെ മുൻനിർത്തി കുട്ടികളിൽ ആത്മവിശ്വാസം വളർത്താനും, ഏതു പ്രതിസന്ധിയും സധൈര്യം നേരിടാനും കുട്ടികളെ പ്രാപ്തരാക്കുക, അതുപോലെ അവരുടെ ആരോഗ്യസ്ഥിതിയും കായികക്ഷമതയും മെച്ചപ്പെടുത്തുക എന്ന ലക്ഷ്യത്തോടെയാണ് മാർഷ്യൽ ആർട്സ് പഠനം സ്കൂളിൽ ആരംഭിച്ചത്. സമൂഹത്തിലെ തിന്മകളെ ചെറുത്തു നില്ക്കുവാനും ,പെൺകുട്ടികൾക്ക് നേരെയുള്ള അതിക്രമങ്ങളെ നേരിടുന്നതിനും പെൺകുട്ടികളെ സജ്ജരാക്കുക എന്ന പ്രാഥമിക ലക്ഷ്യംകരാട്ടേ ക്ലാസ്സിനുണ്ട്. ഇരവിപേരൂർ പഞ്ചായത്തിൻ്റെ ആഭിമുഖ്യത്തിലാണ് നമ്മുടെ സ്കൂളിൽ കരാട്ടേ ക്ലാസ്സുകൾ ആരംഭിച്ചത് .5 മുതൽ 7 വരെയുള്ള ക്ലാസ്സുകളിലെ പെൺ കുട്ടികൾക്കായിരുന്നു ക്ലാസ്സുകൾ നടത്തപ്പെട്ടത് . 4 മണിക്ക് ശേഷമുള്ള സമയത്താണ് ക്ലാസ്സുകൾ നടത്തപ്പെടുന്നത് .

അധിക വിവരങ്ങൾ

പൂർവ വിദ്യാർത്ഥി ധൻ വി സാഗറിൻ്റെ അനുഭവക്കുറിപ്പ്

നാടിൻ്റെ കലാ സാംസ്കാരിക പൈതൃകം

തിരുവല്ല താലൂക്കിലെ ഓതറ പുതുക്കുളങ്ങര ദേവി ക്ഷേത്രത്തിലെ പടയണി ഉത്സവം വളരെ പ്രസിദ്ധമാണ് കോഴിമലയോട് ചേർന്ന് കിടക്കുന്ന പ്രദേശം ആയതിനാൽ തന്നെ ഇവിടുത്തെ ജനങ്ങളുടെ പ്രധാന ഉത്സവങ്ങളിൽ ഒന്നാണ് ഇത്.കൂടുതൽ അറിയുന്നതിനായി ഇവിടെ ക്ലിക്ക് ചെയ്യുക

ദിനാചരണങ്ങൾ

2018 - 2019 ദിനാചരണങ്ങൾ

പ്രവേശനോത്സവം.

ജൂൺ 1 ന്  പ്രവേശനോത്സവം  നടന്നു.വാർഡു മെമ്പർ  മേഴ്സിമോൾ ബെന്നി മുഖ്യ അതിഥി ആയിരുന്നു. സ്കൂളിന്റെ  മുൻ പ്രഥമാദ്ധ്യാപിക    സിസ്റ്റർ   ലീല ബഞ്ചമിൻ  മീറ്റിംഗ്  ഉദ്ഘാടനം  ചെയ്തു.

ജൂൺ 5 - ലോക പരിസ്ഥിതി ദിനം.

ഇരവിപേരൂർ   കൃഷി ഓഫീസർ മീറ്റിംഗ് ഉദ്ഘാടനം  ചെയ്യുകയും   എല്ലാ  കുട്ടികൾക്കും   പച്ചക്കറി   വിത്തുകൾ   വിതരണം ചെയ്യുകയും ചെയ്തു. കൂടാതെ വനംവകുപ്പ്   നൽകിയ വൃക്ഷത്തെകൾ കുട്ടികൾക്കും  നൽകി. സ്കൂൾ  വളപ്പിൽ  പ്രഥമാധ്യാപിക   ബ്ലോസം ടീച്ചർ  വൃക്ഷത്തെ  നട്ടു.

ജൂൺ 19 വായനാദിനം:

ഗ്രന്ഥശാലാ പ്രസ്ഥാനത്തിന്റെ ഉപജ്ഞാതാവ് പി.എൻ.പണിക്കരുടെ ചരമദിനം. കോഴിമല സെന്റ് മേരീസ് യു.പി.സ്കൂളിൽ വിവിധ പരിപാടികളോടെ സമുചിതം ആഘോഷിച്ചു.രാവിലെ 10 മണിക്ക് പ്രത്യേക അസംബ്ലി നടത്തി.സ്കൂൾ ഹെഡ്മിസ്ട്രസ് ശ്രീമതി ബ്ലോസം സാം എല്ലാവർക്കും സ്വാഗതം ആശംസിച്ചു.പി.ടി.എ.പ്രസിഡന്റ് ശ്രീമതി മേഴ്സിമോൾ ബെന്നി അധ്യക്ഷത വഹിച്ചു. വായനയുടെ പ്രാധാന്യത്തെക്കുറിച്ച് അധ്യക്ഷ പ്രസംഗത്തിലൂടെ വ്യക്തമാക്കി. വായനാദിനം,വായനാ വാരാചരണം -എന്നിവയോടൊപ്പം തന്നെ വിദ്യാരംഗം, ഫോക് ലോർ ക്ലബ് എന്നിവയുടെ സകൂൾ തല ഉദ്ഘാടനവും തദവസരത്തിൽ നടത്തപ്പെട്ടു സകൂൾ  എസ്സ്.എസ്സ്.ജി.അംഗവും കലാ-സാംസ്കാരിക-സാമൂഹിക പ്രവർത്തകനുമായ ശ്രീ.പ്രകാശ് വള്ളംകുളം ദീപം തെളിയിച്ച് പരിപാടി ഔദ്യോഗികമായി ഉദ്ഘാടനം ചെയ്തു. പുസ്തകവായനയോടൊപ്പം പ്രകൃതിയെ വായിക്കുവാൻ പഠിക്കേണ്ടതിന്റെ ആവശ്യകതയെക്കുറിച്ചും, കാലഹരണപ്പെട്ടു കൊണ്ടിരിക്കുന്ന നാടൻ കലകളെ സംരക്ഷിക്കേണ്ടതിന്റെ (പാധാന്യത്തെക്കുറിച്ചും അദ്ദേഹം കൂട്ടികളെ ഉദ്ബോധിപ്പിച്ചു.തുടർന്ന് വായനാദിന പ്രതിജ്ഞ എല്ലാവരും   എടുത്തു.തുടർന്ന് കുട്ടികളുടെ വിവിധ കലാപരിപാടികൾ നടത്തപ്പെട്ടു.  പ്രശസ്ത എഴുത്തുകാരുടെ ബാലസാഹിത്യ കൃതികളും മറ്റു പുസ്തകങ്ങളുടെയും പ്രദർശനം   ഉണ്ടായിരുന്നു. വായനാ മത്സരം  വായനാദിന ക്വിസ് - തുടങ്ങിയവ നടത്തി. പോസ്റ്റർ രചന, പ്രസംഗ മത്സരം   ഉപന്യാസ രചന - തുടങ്ങിയ വ്യത്യസ്തങ്ങളായ  പരിപാടികൾ ഈ വായനാ വാരത്തിൽ നടത്തുന്നതാണ്. വായനാദിനത്തിൽ നടന്ന പരിപാടികളുടെ വീഡിയോ തയ്യാറാക്കി.

ജൂലൈ 5 ബഷീർ ചരമ ദിനം.

ബേപ്പൂർ  സുൽത്താൻ '  എന്ന്  വിശേഷിപ്പിക്കുന്ന   വൈക്കം   മുഹമ്മദ് ബഷീറിന്റെ ചരമദിനം വിവിധങ്ങളായ പരിപാടികളോടെ സമുചിതമായി ആഘോഷിച്ചു. ബഷീറിനെക്കുറിച്ച്  ഡോക്യുമെന്ററി   അവതരിപ്പിച്ചു. ബഷീറിന്റെ   കൃതികൾ  പരിചയപ്പെടുത്തി .ബഷീർദിനക്വിസ് നടത്തി .

ജൂലൈ 21 ചാന്ദ്രദിനം.

ജൂലൈ 21ശനിയാഴ്ച   ആയതിനാൽ 23  തിങ്കളാഴ്ചയാണ്  ദിനം ആച രിച്ചത്.പ്രത്യേക  അസംബ്ലി   നടത്തി. കുട്ടികൾ  തയ്യാറാക്കിയ  ചാർട്ട്,  മോഡൽ  എന്നിവയുടെ  പ്രദർശനം നടത്തി. തുടർന്ന് സൂര്യ ഗ്രഹണം, ചന്ദ്ര ഗ്രഹണം, ചന്ദ്ര യാൻ   തുടങ്ങിയവയുടെ  വീഡിയോ പ്രദർശനം നടത്തി.ചന്ദ്രനെക്കുറിച്ചുള്ള   കവിതകൾ, കടങ്കഥകൾ   എന്നിവ  അവതരിപ്പിച്ചു.പിന്നീട്   ചാന്ദ്രദിനക്വിസ്  നടത്തി വിജയികൾ ക്ക്  സമ്മാനം   നൽകി.

ജൂലൈ 27-അബ്ദുൽ കലാം ചരമവാർഷികം.

ഇന്ത്യയുടെ പതിനൊന്നാം രാഷ്ട്രപതി ഡോ.എ.പി.ജെ അബ്ദുൽ കലാമിന്റെ മൂന്നാം ചരമവാർഷികാഘോഷങ്ങൾ സ്കൂളിൽ സമുചിതമായി ആഘോഷിച്ചു. അനുസ്മരണ മീറ്റിംഗിൽ അദ്ദേഹം രാജ്യത്തിന് നൽകിയ സംഭാവനകളെക്കുറിച്ച് ഹെഡ്മിസ്ട്രസ് ബ്ലോസ്സം ടീച്ചർ സംസാരിച്ചു.  കൂടാതെ അദ്ദേഹത്തിന്റെ പ്രസംഗം കേൾപ്പിക്കുകയും ചാർട്ടുകൾ , മഹദ് വചനങ്ങൾ എന്നിവ പ്രദർശിപ്പിക്കുകയും ചെയ്തു. അഗ്നിച്ചിറകുകൾ, ഇന്ത്യ 2020-എന്നീ പുസ്തകങ്ങളിലെ പ്രസക്തഭാഗങ്ങൾ കുട്ടികൾ അവതരിപ്പിച്ചു.

നാഗസാക്കി ദിനം, ലോക പുനരുപയോഗ ദിനം.

10 മണിക്ക് പ്രത്യേക അസംബ്ലി നടത്തി.സ്കൂൾ എച്ച്.എം.ശ്രീമതി ബ്ലോസ്സം സാം അധ്യക്ഷത വഹിച്ചു. യുദ്ധത്തിന്റെ പരിണിത ഫലങ്ങളെക്കുറിച്ച് വ്യക്തമാക്കുകയും സമാധനം പുലരേണ്ടതിന്റെ ആവശ്യകതയെപ്പറ്റി കുട്ടികളെ ബോധവാന്മാരാക്കുകയും ചെയ്തു.ശ്രീമതി ഡോളി ജോർജ് ,ശ്രീമതി സുനിത ജോർജ് എന്നിവർ ക്ലാസ്സുകൾക്ക് നേതൃത്വം നൽകി. യുദ്ധത്തിന്റെ ഭീകരത വ്യക്തമാക്കുന്ന വീഡിയോകൾ പ്രദർശിപ്പിച്ചു. മീറ്റിംഗിനു ശേഷം യുദ്ധവിരുദ്ധ റാലി നടത്തി. യുദ്ധവിരുദ്ധ പ്ലക്കാർഡുകൾ ഉയർത്തിപ്പിടിച്ചും മുദ്രാവാക്യങ്ങൾ മുഴക്കിയും എല്ലാ കുട്ടികളും റാലിയിൽ പങ്കെടുത്തു. കുട്ടികൾ യുദ്ധവിരുദ്ധ പ്രതിജ്ഞ ചൊല്ലി.
         ഉച്ചയ്ക്കുശേഷം ലോക പുനരുപയോഗ ദിനത്തിന്റെ സബ് ജില്ലാതല ഉദ്ഘാടനം നടന്നു.ഇരവിപേരൂർ ഗ്രാമപഞ്ചായത്ത് പതിനൊന്നാം വാർഡ് മെമ്പറും സ്കൂൾ പി.ടി.എ.പ്രസിഡന്റുമായ ശ്രീമതി.മേഴ്സിമോൾബെന്നി യോഗത്തിൽ അധ്യക്ഷത വഹിച്ചു.കടമ്മനിട്ട ഗവ.ഹയർസെക്കണ്ടറി സ്കൂൾ അധ്യാപകൻ ശ്രീ.എം.എം. ജോസഫ് യോഗം ഔപചാരികമായി ഉദ്ഘാഗനം ചെയ്തു ജോസഫ് സാറിന്റെ നേതൃത്വത്തിലുള്ള ഭൈരവി പാവനാടക സംഘം പ്രകൃതിസംരക്ഷണം, വായന- എന്നിവയുടെ പ്രാധാന്യം വ്യക്തമാക്കുന്ന പാവനാടകങ്ങൾ അവതരിപ്പിച്ചു.കുട്ടികൾക്കും അധ്യാപകർക്കും ഇത് വേറിട്ട അനുഭവമായിരുന്നു. തുടർന്ന് ജോസഫ് സാർ  പാവനിർമ്മാണത്തിന്റെ ഘട്ടങ്ങൾ വിശദീകരിക്കുകയും പേപ്പർ പൾപ് ഉയോഗിച്ച് പാവ നിർമ്മി ക്കുകയും ചെയ്തു-ഉണ്ടാക്കിയ പാവകൾ എങ്ങനെയാണ് പാവനാടകത്തിൽ ഉപയോഗിക്കേണ്ടതെന്നും കാണിച്ചു തന്നു.സ്കൂളിലെ കുട്ടികൾ പാഴ് വസ്തുക്കൾ ഉപയോഗിച്ച് തയ്യാറാക്കിയ വസ്തുക്കളുടെ പ്രദർശനവും നടത്തി. 4 മണിയോടെ ക്ലാസ്സ് സമാപിച്ചു.

സെപ്റ്റംബർ 22 ശനി: ചരിത്രാന്വേഷണ പഠനയാത്ര.

അഞ്ചാം ക്ലാസ്സിലെ സാമൂഹ്യശാസ്ത്രം  യൂണിറ്റ് 1ലെ പഠന പ്രവർത്തനവുമായി ബന്ധപ്പെട്ടാണ് വേലുത്തമ്പിദളവ സ്മാരക മ്യൂസിയം അടൂർ,മണ്ണടി,പത്തനംതിട്ട-യിലേക്ക് ചരിത്രാന്വേഷണയാത്ര നടത്തി യത്.ഹെഡ്മിസ്ട്രസ് ശ്രീമതി.ബ്ലോസ്സം സാം, പി.ടി.എ. പ്രസിഡന്റ് ശ്രീമതി.മേഴ്സിമോൾ ബെന്നി എന്നിവരുടെ നേതൃത്വത്തിൽ 57 കുട്ടികളും 2 ടീച്ചേഴ്‌സും ഈ പഠനയാത്രയിൽ പങ്കെടുത്തു.10 മണിക്ക് സ്കൂൾ ബസ്സിൽ യാത്ര തിരിച്ചു. 11.30 ന് മണ്ണടിയിലെത്തി. മ്യൂസിയം ചാർജ് ഓഫീസർ ശ്രീ.അച്ചൻകുഞ്ഞ്, ശ്രീ.സുനിൽ എന്നിവർ ഞങ്ങളെ സ്വീകരിക്കുകയും വേലുത്തമ്പി, ദളവാസ്ഥാനത്ത് എത്തിയ ചരിത്രവും അദ്ദേഹം ബ്രിട്ടീഷുകാരോട് പടപൊരുതി വീരചരമം പ്രാപിച്ചതുമെല്ലാം വിശദീകരിച്ചു.തുടർന്ന് സ്മാരകത്തിൽ പ്രദർശിപ്പിച്ച വസ്തുക്കളും നാണയ ഗ്യാലറിയും കണ്ടു. നൂറ്റാണ്ടുകൾക്കു മുമ്പ്   നമ്മുടെ മണ്ണിൽ വീര ചരമം പ്രാപിച്ച ദേശാഭിമാനിയുടെ വീര ചരിത്രം ഞങ്ങൾ ഉൾപ്പുളകത്തോടെയാണ് കേട്ടത്. വരും തലമുറകൾക്ക് കാണുവാനും പഠിക്കുവാനും ചരിത്ര സ്മാരകങ്ങൾ  സംരക്ഷിക്കേണ്ടതാണെന്ന് ഞങ്ങ ൾക്ക് മനസ്സിലായി.

ഗാന്ധി വാരാഘോഷം- ബി.ആർ.സി.തല ഉദ്ഘാടനം.

 ഒക്ടോബർ 1നാണ് ഗാന്ധി വാരാഘോഷങ്ങളുടെ ബി.ആർ.സി.തല ഉദ്ഘാടനം സ്കൂളിൽ നടത്തപ്പെട്ടത്.സ്കൂൾ പി.ടി.എ പ്രസിഡന്റ ശ്രീമതി. മേഴ്സിമോൾ ചടങ്ങിൽ അധ്യക്ഷത വഹിച്ചു. ജില്ലാ പഞ്ചായത്ത് പ്രസിഡന്റ് ശ്രീമതി.അന്നപൂർണ ദേവി വാരാഘോഷങ്ങൾ ഔപചാരി  കമായി ഉദ്ഘാടനം ചെയ്തു.ഗാന്ധി ദർശനങ്ങൾ നമ്മുടെ ജീവിത രീതി യാക്കി മാറ്റണമെന്ന് അവർ ഉദ്ബോധിപ്പിച്ചു.എസ്സ്.എസ്സ്.എ.ജില്ല പ്രോജക്ട് ഓഫീസർ, ഡോ.വിജയമോഹൻ മുഖ്യപ്രഭാഷണം നടത്തി. ശ്രീമതി - ആശാലത, ശ്രീമതി ശോഭനാകുമാരി എന്നിവർ ആശംസകൾ അറിയിച്ചു.പുല്ലാട് ബി.പി.ഒ-ശ്രീ. ഷാജി.എ.സലാം സ്വാഗതവും സ്കൂൾ ഹെഡ്മിസ്ട്രസ് ശ്രീമതി.ബ്ലോസ്സം സാം  കൃതജ്ഞതയും അർപ്പിച്ചു. പുല്ലാട് ബി.ആർ.സിയിലെ എല്ലാ അംഗങ്ങളും ചടങ്ങിൽ പങ്കെടുത്തു.തുടർന്ന് പുല്ലാട് ബി.ആർ.സി. തയ്യാറക്കിയ പ്രദർശനം ഉണ്ടായിരുന്നു. ഗാന്ധിജിയുടെ കണ്ണടയിലൂടെ തന്നെയും സമൂഹത്തെയും ലോകത്തെയും കാണുക എന്ന സന്ദേശം നൽകിയ പ്രദർശനം ആത്മവിമർശനം നടത്തുവാൻ പര്യാപ്തമായിരുന്നു.

കേരളപ്പിറവി, മലയാള ദിനാഘോഷം.

സ്കൂളിൽ കേരളപ്പിറവിയും മലയാള ദിനവും സംയുക്തമായി ആഘോഷിച്ചു .ആഘോഷ പരിപാടികൾ സ്കൂൾ ഹെഡ്‌മിസ്ട്രസ് ശ്രീമതി ബ്ലോസ്സം സാം ദീപം തെളിയിച്ച്  നിർ

വഹിച്ചു.തുടർന്ന് അധ്യാപികമാരും കുട്ടികളൂം മൺചിരാതുകൾ തെളിയിച്ച് നവകേരളത്തിനായി പ്രാർത്ഥിച്ചു. പിന്നീട്  മാതൃഭാഷാപ്രതിജ്ഞ ചൊല്ലി . മാതൃഭാഷയുടെ മഹത്വം വർണിക്കുന്ന കവിതകളൂം ഗാനങ്ങളും കുട്ടികൾ അവതരിപ്പിച്ചു.സ്വന്തം നാടിനെയും ഭാഷയെയും ആദരിക്കുകയും സ്നേഹിക്കുകയും ചെയ്യേണ്ടതിനെക്കുറിച്ച് ശ്രീമതി ബ്ലോസ്സ് സാം ,ശ്രീമതി സുനിത ജോർജ്, കുമാരി സാന്ദ്രാ സതീഷ്, കുമാരി അലീഷാമറിയം അനിൽ -എന്നിവർ പ്രസംഗിച്ചു.വൈവിധ്യമാർന്ന ധാരാളം പരിപാടികൾ കുട്ടികൾ അവതരിപ്പിച്ചു. ജാതി-മത-രാഷ്ട്രീയ വേർതിരിവുകളില്ലാതെ ,മത സൗഹാർദ്ദത്തിന്റെയും  ഒത്തൊരുമയുടെയും കാഹളം മുഴക്കുന്ന നവകേരളത്തിന്റെ  പ്രതീകാത്മകത വിളിച്ചോതുന്ന കുട്ടികൾ അവതരിപ്പിച്ച പ്രച്ഛന്നവേഷങ്ങൾ  ശ്രദ്ധേയമായിരുന്നു.

ശിശുദിനം 2020-21 ചിത്രങ്ങളിലൂടെ

[[പ്രമാണം:37342 12.png|thumb|കേരളപ്പിറവി-]

സ്കൂൾ ഫോട്ടോസ്

വഴികാട്ടി

|}

ചെങ്ങന്നൂരിൽ നിന്ന് മൂന്ന് മാർഗ്ഗേന കോഴിമലയിലേക്ക് ഏത്തിച്ചേരാൻ സാധിക്കും.

ചെങ്ങന്നൂരിൽനിന്ന് പുത്തൻകാവ്,ഇടനാട്പാലം വഴി ഇരവിപേരൂർ പാതയിൽ.ഓതറ വഴി കോഴിമലജംഗ്ഷനിൽ എത്താം.കോഴിമലജംഗ്ഷനിൽ നിന്ന് 50 മീറ്റർമാറി നെല്ലാട് പോകുന്ന വഴിയിൽവലത് വശത്തായി സ്കൂൾ സ്ഥിതിചെയ്യുന്നു .
ചെങ്ങന്നൂർ മംഗലം കുറ്റിക്കാട് പടി വഴിഓതറ കവലയിൽ എത്തി അവിടെ നിന്ന്നെല്ലാട് പോകുന്ന വഴി 3km എത്തിയാൽകോഴി മലയിൽ എത്താം. ചെങ്ങന്നൂർമംഗലം റൂട്ട് 8.2 Km കോഴിമലയിൽ എത്താൻ
ചെങ്ങന്നൂർ കല്ലിശ്ശേരി കുറ്റിക്കാട്പടി ഓതറ കവലയിൽ എത്തി കോഴിമലയിൽ എത്തിച്ചേരാം., ചെങ്ങന്നൂർ കല്ലിശ്ശേരി റൂട്ട് 7.9km
തിരുവല്ലയിൽ നിന്ന് കോഴിമലയിൽ എത്തുന്നവഴി
തിരുവല്ല നിന്ന് കോഴഞ്ചേരി പോകുന്ന വഴി നെല്ലാട് എത്തി അവിടെ നിന്ന് ഓതറയ്ക്ക് പോകുന്ന വഴി ഇരവിപേരൂർ പഞ്ചായത്ത് കഴിഞ്ഞ് ഇടത് വശത്തായി സ്കൂൾ സ്ഥിതി ചെയ്യുന്നു. നെല്ലാട് നിന്ന് 2.2 km ദൂരം


വിദ്യാലയത്തിലേക്ക് എത്തുന്നതിനുള്ള മാർഗ്ഗം തിരുവല്ല - കോഴഞ്ചേരി റൂട്ടിൽ നെല്ലാട് ജംഗ്ഷനിൽ നിന്നും ചെങ്ങന്നൂർ റൂട്ടിൽ 2 KM ദൂരം. {{#multimaps:9.3642116,76.6269508\|zoom=18}}