ജി.എം.യു.പി.എസ് എടപ്പാൾ

സ്കൂൾ

സൗകര്യങ്ങൾ

പ്രവർത്തനങ്ങൾ

ക്ലബ്ബുകൾ

ചരിത്രം

അംഗീകാരം

ജി.എം.യു.പി.എസ് എടപ്പാൾ
ജി.എം.യു.പി.എസ് എടപ്പാൾ
വിലാസം
എടപ്പാൾ GMUPS EDAPPAL , എടപ്പാൾ പി.ഒ. , 679576 , മലപ്പുറം ജില്ല
സ്ഥാപിതം	01 - 06 - 1925
വിവരങ്ങൾ
ഫോൺ	0494 2685703
ഇമെയിൽ	gmupsedapal@gmail.com
വെബ്‍സൈറ്റ്	gmupsedapal.blogspot.in
കോഡുകൾ
സ്കൂൾ കോഡ്	19246 (സമേതം)
യുഡൈസ് കോഡ്	32050700203
വിദ്യാഭ്യാസ ഭരണസംവിധാനം
റവന്യൂ ജില്ല	മലപ്പുറം
വിദ്യാഭ്യാസ ജില്ല	തിരൂർ
ഉപജില്ല	എടപ്പാൾ
ഭരണസംവിധാനം
ലോകസഭാമണ്ഡലം	പൊന്നാനി
നിയമസഭാമണ്ഡലം	തവനൂർ
താലൂക്ക്	പൊന്നാനി
ബ്ലോക്ക് പഞ്ചായത്ത്	പൊന്നാനി
തദ്ദേശസ്വയംഭരണസ്ഥാപനം	എടപ്പാൾ പഞ്ചായത്ത്
വാർഡ്	10
സ്കൂൾ ഭരണ വിഭാഗം
സ്കൂൾ ഭരണ വിഭാഗം	സർക്കാർ
സ്കൂൾ വിഭാഗം	പൊതുവിദ്യാലയം
പഠന വിഭാഗങ്ങൾ	എൽ.പി യു.പി
സ്കൂൾ തലം	1 മുതൽ 7 വരെ
മാദ്ധ്യമം	മലയാളം, ഇംഗ്ലീഷ്
സ്ഥിതിവിവരക്കണക്ക്
ആൺകുട്ടികൾ	202
പെൺകുട്ടികൾ	205
ആകെ വിദ്യാർത്ഥികൾ	407
അദ്ധ്യാപകർ	15
സ്കൂൾ നേതൃത്വം
പ്രധാന അദ്ധ്യാപിക	സാവിത്രി.കെ.പി
എം.പി.ടി.എ. പ്രസിഡണ്ട്	മിനി
അവസാനം തിരുത്തിയത്
18-02-2024	19246-wiki

പ്രോജക്ടുകൾ
തിരികെ വിദ്യാലയത്തിലേക്ക്	(സഹായം)
എന്റെ ഗ്രാമം	(സഹായം)
നാടോടി വിജ്ഞാനകോശം	(സഹായം)
സ്കൂൾ പത്രം	(സഹായം)
അക്ഷരവൃക്ഷം	(സഹായം)
ഓർമ്മക്കുറിപ്പുകൾ	(സഹായം)
എന്റെ വിദ്യാലയം	(സഹായം)
Say No To Drugs Campaign	(സഹായം)
ഹൈടെക് വിദ്യാലയം	(സഹായം)
കുഞ്ഞെഴുത്തുകൾ	(സഹായം)

മലപ്പുറം ജില്ലയിൽ തിരൂർ വിദ്യാഭ്യാസ ജില്ലയിൽ എടപ്പാൾ ഉപജില്ലയിലെ എടപ്പാൾ എന്ന സ്ഥലത്ത് സ്ഥിതി ചെയ്യുന്ന സ്കൂൾ ആണിത്. ഈ സ്കൂളിന്റെ പേര് ഗവൺമെന്റ് മാപ്പിള അപ്പർ പ്രൈമറി സ്കൂൾ എടപ്പാൾ എന്ന മലപ്പുറം ജില്ലയിലെ മികച്ച സർക്കാർ വിദ്യാലയങ്ങളിൽ ഒന്നായ ജി എം യു പി എസ് എടപ്പാൾ എടപ്പാൾ പഞ്ചായത്തിലാണ് സ്ഥിതി ചെയ്യുന്നത്. എടപ്പാൾ പട്ടണത്തിന്റെ ഹൃദയഭാഗത്ത് സ്ഥിതി ചെയ്യുന്ന ഈ വിദ്യാലയം എടപ്പാളിന്റെ പരിസരപ്രദേശത്തുള്ള ധാരാളം കുട്ടികൾക്ക് അറിവിന്റെ കേന്ദ്രമായി പ്രവർത്തിച്ചുവരുന്നു.

197ൽ നിലവിൽ വന്ന ഈ സ്കൂൾ ഒറ്റ ക്ലാസ് മുറി മാത്രമുള്ള ഒരു ഓല ഷെഡ് ആയിരുന്നു. 1980 ഈ ഏകാധ്യാപക വിദ്യാലയം പ്രിലിമിനറി സ്കൂൾ ആയി ഉയർത്തപ്പെട്ടു. പിന്നീട് നാൾക്കുനാൾ കുട്ടികളും തസ്തികകളും കൂടിക്കൂടിവന്നു. 1967ൽ ഓല ഷെഡ് മാറി 2 ഓടിട്ട കെട്ടിടങ്ങൾ പണിയുകയും പുതിയ അധ്യാപകരെ നിയമിക്കുകയും ഉണ്ടായി. അതിനുശേഷം പ്രസ്തുത വിദ്യാലയം ഗവൺമെന്റ് മാപ്പിള ലോവർ പ്രൈമറി സ്കൂൾ എന്ന പേരിൽ അറിയപ്പെട്ടു.309/1 നമ്പറിൽ തരിശുഭൂമിയായി കിടന്നിരുന്ന പ്രദേശം പൊന്നാനി താലൂക്ക് സെക്രട്ടറിയുടെ പേരിൽ രജിസ്റ്റർ ചെയ്ത് ആളുകൾ ശ്രമദാനം ആയി കല്ലുവെട്ടിയെടുത്താണ് ഈ ഓട് കെട്ടിടം നിർമ്മിച്ചത് എന്ന് പറയപ്പെടുന്നു. ബ്രിട്ടീഷ് സർക്കാറിന്റെയും സാമൂഹിക പ്രവർത്തകരുടെയും സഹകരണവും ഈ ഉദ്യമത്തിന് ലഭിക്കുകയുണ്ടായി. അഞ്ച് അധ്യാപകരും ആയി പ്രവർത്തനം തുടർന്ന ഈ വിദ്യാലയം 1995 ൽ മാറ്റത്തിന്റെ പുതിയൊരു ദിശയിലേക്ക് തിരിഞ്ഞു. എടപ്പാൾ ഗവൺമെന്റ് ഹൈസ്കൂളിൽ പ്രവർത്തിച്ചിരുന്ന യുപി വിഭാഗം ക്ലാസുകളെ ഈ വർഷം എൽപിയിലേക്ക് കൊണ്ടുവരികയും ഒന്നു മുതൽ ഏഴ് വരെ ക്ലാസുകൾ ഉള്ള യുപി സ്കൂൾ പ്രസ്തുത വിദ്യാലയത്തെ വിപുലപ്പെടുത്തുകയും ചെയ്തു.

ഇപ്പോഴുള്ള നിലവാരത്തിലേക്ക് സ്കൂളിനെ ഉയർത്തിയതിൽ തദ്ദേശ സ്വയംഭരണ സ്ഥാപനങ്ങൾക്കും സർക്കാറിനും ഇവിടെ പ്രവർത്തിച്ച മുൻ അധ്യാപകർക്കും വലിയ പങ്കുണ്ട്.

ഭൗതികസൗകര്യങ്ങൾ

പ്രീ പ്രൈമറി മുതൽ എഴു വരെയുള്ള ക്ലാസുകളിലായി അഞ്ഞൂറോളം കുട്ടികൾ പഠിക്കുന്ന ഈ വിദ്യാലയം ഭൗതിക സൗകര്യങ്ങളുടെ കാര്യത്തിൽ ഏറെ മികവ് പുലർത്തുന്ന ഒന്നാണ്. ഓരോ ക്ലാസിനും അനുയോജ്യമായ വിശാലമായ ക്ലാസ് മുറികൾ മറ്റ് അനുബന്ധ സൗകര്യങ്ങൾ എന്നിവയെല്ലാം ഇവിടെ കുട്ടികൾക്ക് ലഭ്യമാണ്. 28 ഓളം ലാപ്ടോപ്പുകളും നൂതന സൗകര്യങ്ങളോടുകൂടിയ സ്മാർട്ട് റൂമും പ്രോജക്ടുറുകളും ഐടി പഠനത്തിനും ഐടി അധിഷ്ഠിത ക്ലാസുകൾക്കും ഏറെ സഹായകമാകുന്നുണ്ട്. കുട്ടികളുടെ കായിക മികവുകൾക്ക് മാറ്റുകൂട്ടാൻ സഹായിക്കുന്ന വിശാലമായ കളിസ്ഥലം സ്കൂളിലുണ്ട്. ഗ്രാമപഞ്ചായത്ത്, വി ആർ സി എന്നിവയുടെ സഹകരണത്തോടെ വിപുലീകരിച്ച സ്കൂൾ ലൈബ്രറിയിൽ ഏകദേശം 5,000 ത്തോളം പുസ്തകങ്ങൾ ഉൾപ്പെടുത്തിയിരിക്കുന്നു. കുട്ടികളുടെ വായനയോടൊപ്പം അമ്മ വായന മുതിർന്നവരുടെ വായന, എന്നിവയ്ക്കും ഈ പുസ്തകശാല ഏറെ ഗുണം ചെയ്യുന്നു. പ്രക്രിയാധിഷ്ഠിത ശാസ്ത്ര പഠനം ഉറപ്പുവരുത്തുന്നതിനായി ഒരുക്കിയ ശിശു സൗഹൃദ സയൻസ് പാർക്ക് ഈ സ്കൂളിന്റെ മറ്റൊരു മേന്മയാണ്. സാമൂഹ്യശാസ്ത്രം ഇംഗ്ലീഷ് ഗണിതശാസ്ത്രം പ്രവർത്തിപരിചയം തുടങ്ങിയ വിഷയങ്ങൾക്കും ലാബുകൾ ഇവിടെ പ്രവർത്തിച്ചുവരുന്നു.സ്കൂളിലെ പൂർവ്വ അധ്യാപകരുടെ സഹകരണത്തോടെ നിർമ്മിച്ച ഓപ്പൺ ക്ലാസ് റൂം കുട്ടികൾക്ക് കുട്ടികൾക്ക് ഏറെ പ്രിയപ്പെട്ട ഒന്നാണ്. മുൻ അധ്യാപിക രമണി ടീച്ചർ സ്നേഹസമാനമായി സ്കൂളിന് നൽകിയ കളിമുറ്റം കുഞ്ഞുങ്ങൾക്ക് വിനോദത്തിന് ഏറെ വക നൽകുന്നു. ഇത് കൂടാതെ മൈക്ക് സൗണ്ട് ബോക്സ് എല്ലാ ക്ലാസ് മുറികളിലേക്കും സ്പീക്കർ സൗകര്യം എന്നിവയും ഏർപ്പെടുത്തിയിട്ടുണ്ട്. കലാമേള മറ്റ് അക്കാദമിക പ്രവർത്തനങ്ങൾ തുടങ്ങിയവയുടെ സുഗമമായ നടത്തിപ്പിന് ഇവ ഏറെ പ്രയോജനപ്പെടുന്നുണ്ട്. പഞ്ചായത്ത് സഹകരണത്തോടുകൂടി സ്കൂൾ മുറ്റം കട്ട വിരിച്ച് ഭംഗിയാക്കിയിട്ടുണ്ട്. കൂടാതെ ഗ്രാമപഞ്ചായത്ത് സ്കൂൾ പിടിഎ എന്നിവരുടെ സംയുക്താഭിമുഖ്യത്തിൽ സ്കൂൾ സൗന്ദര്യവൽക്കരണത്തിന്റെ ഭാഗമായി അതീവമനോഹരമായ ചിത്രങ്ങൾ കൊണ്ട് ഏറെ ആകർഷണീയമാക്കിയിരിക്കുന്നു. പഞ്ചായത്ത് വികസന ഫണ്ടിൽനിന്ന് ലഭ്യമായ തുകയ്ക്കുള്ള ശുചിമുറി ലേഡീസ് റൂം എന്നിവയുടെ നിർമ്മാണം പൂർത്തിയായിട്ടുണ്ട്. ശാസ്ത്രീയ രീതിയിൽ ജൈവ മാലിന്യങ്ങൾ നിക്ഷേപിച്ച് വളം ആക്കി മാറ്റുന്നതിനുള്ള ബയോബിൻ സംവിധാനം സ്കൂളിൽ ഒരുക്കിയിരിക്കുന്നു. ഹരിത ചട്ടങ്ങൾ പാലിച്ച് പ്രവർത്തിക്കുന്ന സ്കൂൾ മാലിന്യനിർമാർജനത്തിന്റെ കാര്യത്തിൽ മികച്ച മാതൃകയാണ് നൽകുന്നത്. നുണഞ്ഞു തീർന്ന മധുരം( മിഠായി കടലാസ് ശേഖരണം), എഴുതി തീർന്ന സമ്പാദ്യം ( പ്ലാസ്റ്റിക് പേന ശേഖരണം) തുടങ്ങിയ തനത് പ്രവർത്തനങ്ങൾ പ്ലാസ്റ്റിക് മാലിന്യ പരിപാലനത്തിൽ മികച്ച രീതികൾ കാണിക്കുന്നവയാണ്. ഇതുകൂടാതെ എംഎൽഎ ഫണ്ട് വിനിയോഗിച്ചുകൊണ്ട് നടക്കുന്ന സ്കൂളിന് ആയുള്ള പുതിയ കെട്ടിടത്തിന്റെ നിർമ്മാണം ഉടൻ പൂർത്തീകരിക്കും. തികച്ചും ഭിന്നശേഷി സൗഹൃദമായ കെട്ടിടവും മറ്റ് സൗകര്യങ്ങളുമാണ് ഇവിടെ ഒരുക്കിയിരിക്കുന്നത്. അറബിക് മലയാളം എന്നിവയ്ക്ക് പുറമെ സ്ഥിരമായ ഒരു സംസ്കൃത പോസ്റ്റ് കൂടി 2019 മുതൽ സ്കൂളിൽ നിലവിലുണ്ട്.

പാഠ്യേതര പ്രവർത്തനങ്ങൾ

• പരിസ്ഥിതി ക്ലബ്
  • വിദ്യാരംഗം കലാസാഹിത്യവേദി

മുൻസാരഥികൾ

ക്രമനമ്പർ	വർഷം	പേര്
	2019-22	കുട്ടപ്പൻ

വഴികാട്ടി

* കോഴിക്കോട്- തൃശ്ശൂർ റൂട്ടിൽ എടപ്പാൾ സ്റ്റോപ്പിൽ ഇറങ്ങി പൊന്നാനി ബസ്സിൽ യാത്ര ചെയ്താൽ ആദ്യ സ്റ്റോപ്പായി അംശ കച്ചേരിയിൽ ഇറങ്ങി 100 മീറ്റർ സഞ്ചരിച്ചാൽ സ്കൂളിൽ എത്താം.

* പൊന്നാനിയിൽ നിന്ന് പട്ടാമ്പി ബസ്സിൽ കയറി അംശ കച്ചേരിയിൽ ഇറങ്ങിയാലും സ്കൂളിൽ എത്താൻ സാധിക്കും.{{#multimaps:10.784605,76.001595|zoom=18}}