ഗവ. എൽ. പി. എസ്. മച്ചേൽ

സ്കൂൾ

സൗകര്യങ്ങൾ

പ്രവർത്തനങ്ങൾ

ക്ലബ്ബുകൾ

ചരിത്രം

അംഗീകാരം

ഇംഗ്ലീഷ് വിലാസം

https://schoolwiki.in/Govt._L._P._S._Machel

തിരുവനന്തപുരം ജില്ലയിലെ നെയ്യാറ്റിൻകര വിദ്യാഭ്യാസ ജില്ലയിൽ കാട്ടാക്കട ഉപജില്ലയിൽ മലയിൻകീഴ് ഗ്രാമപഞ്ചായത് പതിനെട്ടാം വാർഡിൽ സ്ഥിതി ചെയ്യുന്ന സർക്കാർ വിദ്യാലയമാണ് ഗവ. എൽ. പി. എസ്. മച്ചേൽ

ഗവ. എൽ. പി. എസ്. മച്ചേൽ
വിലാസം
ഗവ.എൽ.പി.എസ് മച്ചേൽ , മച്ചേൽ പി.ഒ. , 695570 , തിരുവനന്തപുരം ജില്ല
സ്ഥാപിതം	1927
വിവരങ്ങൾ
ഫോൺ	0471 2282264
ഇമെയിൽ	glpsmachel@gmail.com
കോഡുകൾ
സ്കൂൾ കോഡ്	44313 (സമേതം)
യുഡൈസ് കോഡ്	32140401104
വിദ്യാഭ്യാസ ഭരണസംവിധാനം
റവന്യൂ ജില്ല	തിരുവനന്തപുരം
വിദ്യാഭ്യാസ ജില്ല	നെയ്യാറ്റിൻകര
ഉപജില്ല	കാട്ടാക്കട
ഭരണസംവിധാനം
ലോകസഭാമണ്ഡലം	ആറ്റിങ്ങൽ
നിയമസഭാമണ്ഡലം	കാട്ടാക്കട
താലൂക്ക്	കാട്ടാക്കട
ബ്ലോക്ക് പഞ്ചായത്ത്	നേമം
തദ്ദേശസ്വയംഭരണസ്ഥാപനം	മലയിൻകീഴ് പഞ്ചായത്ത്
വാർഡ്	18
സ്കൂൾ ഭരണ വിഭാഗം
സ്കൂൾ ഭരണ വിഭാഗം	സർക്കാർ
സ്കൂൾ വിഭാഗം	പൊതുവിദ്യാലയം
പഠന വിഭാഗങ്ങൾ	എൽ.പി
സ്കൂൾ തലം	1 മുതൽ 4 വരെ
മാദ്ധ്യമം	മലയാളം
സ്ഥിതിവിവരക്കണക്ക്
ആൺകുട്ടികൾ	37
പെൺകുട്ടികൾ	40
ആകെ വിദ്യാർത്ഥികൾ	77
അദ്ധ്യാപകർ	3
സ്കൂൾ നേതൃത്വം
പ്രധാന അദ്ധ്യാപിക	ഹെബ്സിബ ആർ എസ്
പി.ടി.എ. പ്രസിഡണ്ട്	അർച്ചന
എം.പി.ടി.എ. പ്രസിഡണ്ട്	ബിന്ദു
അവസാനം തിരുത്തിയത്
31-01-2022	32140401104

പ്രോജക്ടുകൾ
തിരികെ വിദ്യാലയത്തിലേക്ക്	(സഹായം)
എന്റെ ഗ്രാമം	(സഹായം)
നാടോടി വിജ്ഞാനകോശം	(സഹായം)
സ്കൂൾ പത്രം	(സഹായം)
അക്ഷരവൃക്ഷം	(സഹായം)
ഓർമ്മക്കുറിപ്പുകൾ	(സഹായം)
എന്റെ വിദ്യാലയം	(സഹായം)
Say No To Drugs Campaign	(സഹായം)
ഹൈടെക് വിദ്യാലയം	(സഹായം)
കുഞ്ഞെഴുത്തുകൾ	(സഹായം)

ചരിത്രം

കാട്ടാക്കട ഉപജില്ലയിൽ ഉൾപ്പെടുന്ന ഗവ. എൽ. പി. സ്കൂൾ സ്ഥാപിച്ചത് 1927-ൽ ശ്രീ വിദ്യാധിരാജ ചട്ടമ്പി സ്വാമി തിരുവടികളുടെ ജന്മം കൊണ്ട് പവിത്രമായ മച്ചേൽ മൂക്കുന്നി മലയുടെ താഴ്‌വാരത്തിലാണ്. തിരുവിതാംകൂർ മഹാരാജാവായിരുന്ന ശ്രീ മൂലം തിരുനാളിന്റെ കാലശേഷം റാണി സേതുലക്ഷ്മിഭായിയുടെ റീജൻറ് ഭരണത്തിന്റെ തുടക്കത്തിൽ മച്ചേൽ, മണപ്പുറം പറയാട്ട് സരസ്വതി മന്ദിരത്തിൽ ശ്രീ ചെല്ലപ്പൻ നായരുടെ ഉടമസ്ഥതയിലുള്ള 25 സെൻറ് വസ്തുവിൽ ഓല മേഞ്ഞു തട്ടികൾ കൊണ്ട് ക്ലാസ്സ്‌ മുറികൾ തിരിച്ച കെട്ടിടത്തിലായിരുന്നു തുടക്കം. മൂന്നാം സ്റ്റാൻഡേർഡ് വരെയുള്ള ക്ലാസുകൾ പ്രവർത്തിച്ച സ്കൂളിലെ ആദ്യ പ്രഥമധ്യാപകൻ വസ്തു ഉടമ കൂടിയായ ശ്രീ. ചെല്ലപ്പൻ നായർ ആയിരുന്നു. മച്ചേൽ കരിക്കകം വീട്ടിൽ രുദ്രായണിയമ്മയും, കുറുങ്കഴ വീട്ടിൽ കുട്ടൻപിള്ളയുമായിരുന്നു ആദ്യ വിദ്യാർത്ഥികൾ. ഇപ്പോൾ നാലാം സ്റ്റാൻഡേർഡ് വരെയുള്ള ക്ലാസുകളാണ് ഉള്ളത്.

        1933-ലെ പ്രകൃതിക്ഷോഭത്തിൽ സ്കൂൾ കെട്ടിടം തകർന്നുപോയി. പ്രഥമധ്യാപകനും നാട്ടുകാരും ചേർന്ന് ഇതേ സ്ഥലത്തു നിർമിച്ച ഷെഡിൽ രണ്ടുവർഷത്തോളം സ്കൂൾ പ്രവർത്തിച്ചു. സാമ്പത്തികവും അല്ലാതെയുമുള്ള പ്രശ്നങ്ങൾ തടസ്സമായപ്പോൾ സ്കൂൾ, പട്ടം കേന്ദ്രമാക്കി പ്രവർത്തിച്ചിരുന്ന ക്രിസ്ത്യൻ മിഷണറിമാർക്ക് കൈമാറാൻ സ്കൂൾ അധികാരികൾ നിർബന്ധിതരായി. മൂന്നു കൊല്ലത്തോളം സ്കൂളിന്റെ നിയന്ത്രണം ഈ മിഷണറിമാർക്കായിരുന്നു. പിന്നീട് ബുദ്ധിമുട്ടുകൾ ഏറിയപ്പോൾ മിഷണറിമാർ സ്കൂളിന്റെ ചുമതല ഒഴിയുകയും നടത്തിപ്പ് വീണ്ടും ശ്രീ ചെല്ലപ്പൻനായരെ ഏൽപ്പിക്കുകയും ചെയ്തു. തുടർന്ന് സ്കൂളിൽ നാലും അഞ്ചും സ്റ്റാൻഡേർഡുകൾ കൂടി ആരംഭിച്ചു.
     ശ്രീ ചിത്തിരതിരുനാൾ ബാലരാമവർമയുടെ ഭരണകാലത്തു, സ്കൂളുകൾ ഏകീകരിക്കുന്നതിന്റെ ഭാഗമായി സർ സി. പി. രാമസ്വാമിഅയ്യർ മച്ചേൽ സ്കൂളിന് അംഗീകാരം നൽകി ഏറ്റെടുക്കുകയും അധ്യാപകർക്കു ശമ്പളവും, അറ്റകുറ്റ പണികൾക്ക് വാർഷിക ഗ്രാന്റും അനുവദിക്കുകയും ചെയ്തു. പ്രഥമധ്യാപകന് അഞ്ചര രൂപയും, അധ്യാപകർക്കു അഞ്ചു രൂപ വീതവുമായിരുന്നു ശമ്പളം. മൂന്നു രൂപയായിരുന്നു വാർഷിക ഗ്രാന്റ്.
സ്വാതന്ത്ര്യനാന്തരം 1958-ൽ സ്കൂളിന് ഓട് മേഞ്ഞ കെട്ടിടം നിർമിച്ചു. നാൽപതു വർഷത്തെ സേവനത്തിനു ശേഷം 1966-ൽ ശ്രീ. ചെല്ലപ്പൻ നായർ സർവീസിൽ നിന്ന് വിരമിച്ചു.1998 മുതൽ 2003വരെ പ്രഥമധ്യാപകനായ ശ്രീ വിക്രമൻ നായർ പ്രഥമ കെട്ടിടത്തിൽ അഞ്ചു മുറികൾ കെട്ടി ഡിവിഷൻ തിരിക്കുകയും രണ്ടാമത്തെ കെട്ടിടം പുതുക്കി പണിയുകയും ചെയ്തു.
     1962-ലുണ്ടായ വിദ്യാഭ്യാസ പരിഷ്കാരങ്ങളുടെ ഭാഗമായി ലോവർ പ്രൈമറി എന്നത് നാലാം സ്റ്റാൻഡേർഡ് വരെ നിജപ്പെടുത്തിയപ്പോൾ ഇവിടെ നിലവിലുണ്ടായിരുന്ന അഞ്ചാം സ്റ്റാൻഡേർഡ് നിർത്തലാക്കി. സ്കൂൾ കോമ്പൗണ്ടിൽ 1988-ൽ പ്രീപ്രൈമറി വിഭാഗത്തിനായി രണ്ട് കെട്ടിടം പണികഴിപ്പിക്കുകയും പ്രീപ്രൈമറി വിഭാഗം പ്രവർത്തിച്ചു വരുകയും ചെയ്യുന്നു. നിലവിൽ സ്കൂളിന് 52സെന്റ് വസ്തുവാണു.ള്ളത്

പാഠ്യേതര പ്രവർത്തനങ്ങൾ

• വിദ്യാരംഗം കലാ സാഹിത്യ വേദി.|
• ക്ലബ്ബ് പ്രവർത്തനങ്ങൾ.
• ദിനാചരണങ്ങൾ
• മാഗസിൻ
• ക്വിസ് മത്സരങ്ങൾ
• പരീക്ഷണ ശില്പശാല
• ഗണിത ശില്പശാല
• ഡാൻസ് പഠനം

വഴികാട്ടി

• തിരുവനന്തപുരം ജില്ലയിൽ ‍കാട്ടാക്കട താലൂക്കിൽ സ്ഥിതിചെയ്യുന്നു
• തിരുവനന്തപുരം റെയിൽവെ സ്റ്റേഷനിൽ നിന്നും ബസ്സ് മാർഗം എത്താം. (12 കിലോമീറ്റർ)
• കാട്ടാക്കടയിൽ നിന്നും 10കിലോമീറ്റർ അകലെയാണ്

---

{{#multimaps:8.47071,77.03014|zoom=8}}