സ്കൂൾവിക്കി വാർഷികയോഗം 2025

(03/04/2025 - 05/04/202 കോഴിക്കോട് നടക്കുന്ന വാർഷികയോഗത്തിലേക്കുള്ള കരട് റിപ്പോർട്ട് )

മുൻവർഷങ്ങളേപ്പോലെ സ്‌കൂൾവിക്കിയിൽ സജീവത നിലനിർത്താൻ 2024-25 അദ്ധ്യയനവർഷത്തിലും ശ്രമിച്ചിട്ടുണ്ട്. വിവരങ്ങൾ ഉൾപ്പെടുത്തുന്നതിൽ പിന്നാക്കമുള്ള വിദ്യാലയങ്ങളുടെ സ്കൂൾവിക്കി താളുകൾ വികസിപ്പിക്കുന്നതിലായിരുന്നു ഈ വർഷം ശ്രദ്ധചെലുത്തിയിരുന്നത്.

വിവരവിശകലനം

• സ്കൂൾവിക്കി പ്രവർത്തിക്കുന്ന മീഡിയാവിക്കി സോഫ്റ്റ്‍വെയ‌ർ 1.35 ൽ നിന്നും 1.41 ലേക്ക് അപ്ഡേറ്റ് ചെയ്തു.
• PHP 8.1 ൽ നിന്നും 8.3 യിലേക്ക് അപ്ഗ്രേഡ് ചെയ്തു.

• 26/03/2025 ലെ കണക്കുപ്രകാരം സ്കൂൾ വിക്കിയിൽ നിലവിൽ 1,72,694 ലേഖനങ്ങളും 71,642 ഉപയോക്താക്കളുണ്ട്. ഇതുവരെ 26,77,124 തിരുത്തലുകൾ ഇവിടെ നടന്നു. അപ്‌ലോഡ് ചെയ്തിട്ടുള്ള പ്രമാണങ്ങളുടെ എണ്ണം 6,22,179.

• നിലവിൽ സംസ്ഥാനത്തെ 12591 വിദ്യാലയങ്ങളിൽ സ്കൂൾവിക്കിയുണ്ട്. സർക്കാർ, എയ്ഡഡ് മേഖലയിലെ മുഴുവൻ വിദ്യാലയങ്ങൾക്കും സ്കൂൾവിക്കിയുണ്ട്. എന്നാൽ, അൺഎയ്ഡഡ് മേഖലയിലെ 581 വിദ്യാലയങ്ങളുടെ സ്കൂൾവിക്കി സൃഷ്ടിക്കാനുണ്ട്.

ആകെ വിദ്യാലയങ്ങൾ						സ്കൂൾവിക്കിയുള്ള വിദ്യാലയങ്ങൾ
ജില്ല	എയ്ഡഡ്	ഗവൺമെന്റ്	അൺഎയ്ഡഡ്	ആകെ		ജില്ല	എയ്ഡഡ്	ഗവൺമെന്റ്	അൺഎയ്ഡഡ്	ആകെ
തിരുവനന്തപുരം	366	537	141	1044		തിരുവനന്തപുരം	366	537	92	995
പത്തനംതിട്ട	423	261	48	732		പത്തനംതിട്ട	423	261	25	709
കൊല്ലം	437	429	112	978		കൊല്ലം	437	429	40	906
ആലപ്പുഴ	387	333	63	783		ആലപ്പുഴ	387	333	21	741
ഇടുക്കി	254	205	41	500		ഇടുക്കി	254	205	7	466
കോട്ടയം	552	308	62	922		കോട്ടയം	552	308	43	903
എറണാകുളം	518	373	114	1005		എറണാകുളം	518	373	78	969
തൃശ്ശൂർ	670	264	104	1038		തൃശ്ശൂർ	670	264	66	1000
പാലക്കാട്	580	333	111	1024		പാലക്കാട്	580	333	76	989
മലപ്പുറം	804	563	249	1616		മലപ്പുറം	804	563	125	1492
കോഴിക്കോട്	861	333	96	1290		കോഴിക്കോട്	861	333	71	1265
വയനാട്	113	173	27	313		വയനാട്	113	173	12	298
കണ്ണൂർ	956	285	81	1322		കണ്ണൂർ	956	285	52	1293
കാസർഗോഡ്	216	303	86	605		കാസർഗോഡ്	216	303	46	565
ആകെ	7137	4700	1335	13172		ആകെ	7137	4700	751	12591

പ്രവർത്തനങ്ങൾ

• 2024 നവംബർ 4 മുതൽ 11 വരെ തീയതികളിൽ എറണാകുളം ജില്ലയിലെ പതിനേഴ് വേദികളിലായി നടന്ന കേരള സ്കൂൾ കായികോത്സവം മൽസര ഇനങ്ങളുടെ ഫോട്ടോ ഡോക്കുമെന്റേഷൻ നടത്തി.

• 2024 നവംബർ 16 ന് സെന്റ്. ജോസഫ്സ് ജി.എച്ച്. എസ്സ്. എസ്സ്. ആലപ്പുഴ വെച്ച് നടന്ന 2024 ലെ സംസ്ഥാന സ്കൂൾ ഐടിമേളയിലെ ഡിജിറ്റൽ പെയിന്റിംഗ് മൽസരത്തിന്റെ ഡോക്കുമെന്റേഷൻ നടത്തി.
• 2025 ജനുവരി 4 മുതൽ 8 വരെ 2025 ജനുവരി 4 മുതൽ 8 വരെ തിരുവനന്തപുരത്ത് നടന്ന അറുപത്തിമൂന്നാം സംസ്ഥാന സ്കൂൾകലോൽസവ രചനാമൽസരങ്ങളുടെ ഡിജിറ്റൽവൽക്കരണവും പൂർത്തിയാക്കി. കലോൽസവത്തിലെ രചനകൾക്കുപുറമേ, വേദികളുടുടെ വിവരണവും ചിത്രങ്ങളും കൂടി സ്കൂൾവിക്കിയിൽ ചേർത്തിട്ടുണ്ട്. കൂടാതെ മുഴുവൻ മൽസരഫലങ്ങളും പ്രസിദ്ധീകരിച്ചിട്ടുണ്ട്. സംസ്ഥാനകലോൽസവത്തിൽ പങ്കെടുത്ത വിദ്യാലയങ്ങളുടെ പേജിൽ കലോത്സവസൃഷ്ടികൾ കണ്ണിയിൽ രചനകളും ഫലവും ചേർക്കാൻ സാധിച്ചു.
• OSM Map - 2024 നവംബർ 16, 17 തീയതികളിൽ വയനാട് അമ്പലവയലിൽ നടന്ന OSM Community Meet ൽ KITE കൂടി പങ്കാളിത്തം വഹിച്ചു. ഇതിലെ പ്രവർത്തകരുടെ സഹായത്തോടെ സ്കൂൾവിക്കിയിലെ വഴികാട്ടിയിലെ Openstreet Map ദൃശ്യമാവുന്നില്ല എന്ന പ്രശ്നം പരിഹരിച്ചു. കൂടാതെ, OSM മാപിനൊപ്പം ബാഹ്യഭൂപടങ്ങൾ കൂടി ബന്ധിപ്പിച്ചു. വിക്കിമീഡിയപ്രവർത്തകരായ രഞ്ജിത്ത് സിജി, ജിനോയ് ടോം അഞ്ജലി എന്നിവർ ഇതിൽ പ്രധാന സംഭാവന നൽകി.
• ലിറ്റിൽ കൈറ്റ്സ് ഐ.ടി. ക്ലബ്ബുകളിലെ 2023-26 ലിറ്റിൽ കൈറ്റ് ബാച്ചിലെ തെരഞ്ഞെടുത്ത കുട്ടികളുടെ ദ്വിദിന സംസ്ഥാന സഹവാസക്യാമ്പ് 2025 ഫെബ്രുവരി 8, 9 തീയതികളിൽ കാര്യവട്ടത്തുള്ള IFOSS, ഗ്രീൻഫീൽഡ് സ്റ്റേഡിയത്തിൽ വെച്ച് നടന്നതിന്റെ വിശദവിവരങ്ങൾ ഉൾപ്പെടുത്തി.
• ഒൻപതാംതരത്തിലെ ഐടി പാഠപുസ്തകത്തിൽ സ്കൂൾവിക്കി വിശദപഠനത്തിനായി ഉൾപ്പെടുത്തിയ സാഹചര്യം കണക്കിലെടുത്ത് കുട്ടികൾക്ക് തിരുത്തൽ പരിശീലിക്കുന്നതിന് വേണ്ടി ഓരോ അംഗത്തിനും ഒരു എഴുത്തുകളരി (Sandbox) ക്രമീകരിച്ചിട്ടുണ്ട്.
• കന്നഡ, തമിഴ് മാധ്യമങ്ങളിലെ കുട്ടികളുടെ പരിശീലനത്തിനുവേണ്ടി, അതാത് ഭാഷകളിൽ ലോഗിൻ സൗകര്യം ഏർപ്പെടുത്തി.
• മലയാളമറിയാത്തവർക്കും അവർ ആഗ്രഹിക്കുന്ന ഭാഷകളിൽ സ്കൂൾവിക്കി വായിക്കാൻ സാധിക്കുന്നതിന് Google Translation Tool പരീക്ഷണാടിസ്ഥാനത്തിൽ പേജുകളിൽ സജ്ജീകരിച്ചിട്ടുണ്ട്.

പരിശീലനം

• ഓരോ വർഷവും സ്കൂൾവിക്കിയുടെ ചുമതലയിലേക്ക് പുതിയവർ എത്തുന്നതിനാൽ, മീഡിയാവിക്കിയുടെ ടൂളുകൾ പരിചയിക്കുന്നതിന് തുടർച്ചയായ പരിശീലനം ആവശ്യമാണ്.
• ഓഫ്‍ലൈൻ ആയി പരിശീലനം ലഭ്യമാക്കണമെന്ന് ആവശ്യമുയരുന്നുവെങ്കിലും അതിന് സാധിക്കുന്നില്ല. Google Meet സൗകര്യം പ്രയോജനപ്പെടുത്തി Online ആയി തുടർച്ചയായ പരിശീലനം നൽകാൻ ശ്രമിച്ചിട്ടുണ്ട്.

• അടിസ്ഥാന പരിശീലനം ഘട്ടം 1 : 2024 ജൂൺ 1 മുതൽ നടന്ന ഗൂഗിൾ മീറ്റ് ക്ലാസ്സ് സെപ്റ്റംബർ 6 ന് അവസാനിച്ചു. 5600 ൽപ്പരം പേർ ക്ലാസ്സിൽ ഹാജരായി.
• അടിസ്ഥാന പരിശീലനം ഘട്ടം 2 : 2024 ഒക്ടോബർ 1 മുതൽ ഡിസംബർ 19 വരെ നടന്ന ഗൂഗിൾ മീറ്റ് ക്ലാസ്സിൽ 3800 പേർ പരിശീലനം നേടി.
• അടിസ്ഥാന പരിശീലനം ഘട്ടം 3 : 2025 ജനുവരി 21 മുതൽ മാർച്ച് 19 വരെ നടന്ന ഗൂഗിൾ മീറ്റ് ക്ലാസ്സിൽ 1600 പേർ പരിശീലനം നേടി.
• LKM പരിശീലനം : 09/09/24 മുതൽ 27/09/24 വരെ ലിറ്റിൽ കൈറ്റ്സ് മാസ്റ്റർ/മിസ്ട്രസ് ടീമിന് സംശയനിവാരണ ക്ലാസ്സ് നടത്തി. 1200ൽപ്പരം ടീച്ചേർസ് പങ്കെടുത്തു.
• KOOLപരിശീലനം : KOOL Batch 15 മുതൽ Batch 18 വരെ നാലു ബാച്ചുകളിലായി ഒൻപതിനായിരത്തിൽപ്പരം പേർ പരിശീലനം നേടിയിട്ടുണ്ട്.

• പരിശീലനമോഡ്യൂളിന്റെ യൂണിറ്റ് ഫയലുകൾ ഓൺലൈൻ ആയി ലഭ്യമാക്കിയിട്ടുണ്ട്.
• സംശയനിവാരണത്തിനായി ജില്ലാതലത്തിൽ വാട്സ്ആപ് ഗ്രൂപ്പുകൾ സജീവമാക്കി നിർത്തുന്നുണ്ട്. മുപ്പതിനായിരത്തിൽപ്പരം അദ്ധ്യാപകർ ഇവയിൽ അംഗമായിട്ടുണ്ട്.

പ്രശ്നങ്ങൾ - പരിഹാരം

• 2025 ഫെബ്രുവരി മുതൽ, സ്കൂൾവിക്കിയിൽ നിന്നും സ്പാം എന്നു തോന്നിക്കുന്ന തരത്തിൽ അംഗത്വം സൃഷ്ടിക്കുന്നതായും ചില ഉൽപ്പന്നങ്ങളുടെ വെബ്സൈറ്റുകളുടെ ലിങ്കുകളും മറ്റും ചേർക്കുന്നതായും ശ്രദ്ധയിൽപ്പെട്ടു. ഇത് തടയുന്നതിനു് ഒരു ശ്രമം നടത്തിയെങ്കിലും ഇത് സാധിക്കണമെങ്കിൽ വിദേശ ഐ.പി. പൂർണ്ണമായും തടയേണ്ടിവരും എന്നത് പ്രയാസം സൃഷ്ടിക്കുന്നു. എന്നാൽ, ഇങ്ങനെ സൃഷ്ടിക്കുന്ന അക്കൗണ്ടിലൂടെ ഉള്ളടക്കം ചേർക്കുന്നത് തടയാൻ സാധിച്ചിട്ടുണ്ട്. ഇതിനുവേണ്ടി ദുരുപയോഗ അരിപ്പയുടെ പ്രവർത്തനരേഖ, ദുരുപയോഗ അരിപ്പയുടെ പ്രവർത്തനരേഖ 2, ദുരുപയോഗ അരിപ്പ കൈകാര്യം എന്നിവ തയ്യാറാക്കുന്നതിൽ രഞ്ജിത്ത് സിജി, ജിനോയ് ടോം അഞ്ജലി എന്നിവർ സാങ്കേതികസഹായം നൽകി.

സ്കൂൾവിക്കി - ഭാവി പ്രവർത്തനങ്ങൾ (ചർച്ചാനിർദ്ദേശങ്ങൾ)

സ്കൂൾവിക്കി പ്രവർത്തനങ്ങൾ കൂടുതൽ സജീവമാക്കുന്നതിനും ജനകീയമാക്കുന്നതിനുമായി ജില്ലാതലത്തിൽ കേന്ദ്രീകരിച്ചുനടന്ന ചർച്ചകളുടെ ക്രോഡീകരിച്ച നിർദ്ദേശങ്ങൾ :

ക്രമനമ്പർ	നിർദ്ദേശങ്ങൾ	റിമാർക്സ്	തീരുമാനം
1	സ്കൂ‌ൾവിക്കി കുട്ടികൾക്കും അധ്യാപകർക്കും വിദ്യാർത്ഥികൾക്കും അത്യാവശ്യമാണ് എന്ന തോന്നൽ ഇല്ലാത്തതിനാലാണ് അതിൽ നിന്നും അവർ വിട്ടുനിൽക്കുന്നത്. അതേസമയം വിദ്യാഭ്യാസ മേഖലയിലെ മാറ്റങ്ങളെക്കുറിച്ച് മനസ്സിലാക്കുന്നതിനും, കുട്ടികളുടെ കഴിവുകൾ നേരിൽ കാണുന്നതിനും, റിസോഴ്സുകൾക്കായും, സാമൂഹ്യ മാധ്യമങ്ങളിലും മറ്റ് ബ്ലോഗുകളിലും അന്വേഷിക്കുന്നു. വിദ്യാഭ്യാസ മേഖലയുമായി ബന്ധപ്പെട്ട പ്രധാന വാർത്തകൾ ഒരു നോട്ടീസ് മാതൃകയിൽ ആമുഖ പേജിൽ ഉണ്ടായാൽ അത് നോക്കുന്നതിന് എല്ലാവരും ഈ പേജ് സന്ദർശിക്കുന്നതിന് അവസരം ഉണ്ടാവും.	ആവശ്യമെങ്കിൽ വിദ്യാലയവാർത്തകൾ എന്ന ഒരു Window ചേർക്കാവുന്നതാണ്. ഇതിൽ ഒരു പ്രിവ്യൂ നൽകി ഉള്ളടക്കപേജിലേക്ക് ലിങ്ക് നൽകാം. സമഗ്രയിലേയും മറ്റും അപ്ഡേറ്റുകളും, ലിറ്റിൽകൈറ്റ്സ് ഉൾപ്പെടെയുള്ള ക്ലബ്ബ് പ്രവർത്തനങ്ങൾ, പരിശീലനവാർത്തകൾ തുടങ്ങിയവ പ്രസിദ്ധീകരിക്കാം.
2	ഹയർസെക്കണ്ടറി, വൊക്കേഷണൽ ഹയർ സെക്കണ്ടറി വിഭാഗത്തിന് സ്കൂൾവിക്കിയുടെ പ്രാധാന്യത്തെക്കുറിച്ച് അറിവില്ല. പരിശീലനക്ലാസ്സിൽ പങ്കാളിത്തമില്ല. അതിനാൽ അവിടെ നടക്കുന്ന പ്രവർത്തനങ്ങൾ വിക്കിയിൽ ചേർക്കപ്പെടുന്നില്ല.	ഹയർസെക്കണ്ടറി, വൊക്കേഷണൽ ഹയർ സെക്കണ്ടറി വിഭാഗത്തിൽ നിന്നും ഒരാൾക്ക് സ്കൂ‌ൾവിക്കി ചുമതല നല്‌കണം. ഇവർക്കും സ്‌കൂൾവിക്കി തിരുത്തൽ പരിശീലനം നൽകാം.
3	ഹൈസ്‌കൂളുകളിൽ വിക്കി അപ്ഡേഷൻ നടക്കുന്നുണ്ടെങ്കിലും പ്രൈമറി തലത്തിൽ ഭൂരിഭാഗം സ്‌കൂളിലും വിക്കി പേജുകൾ സമയബന്ധിതമായി അപ്ഡേറ്റ് ചെയ്യപ്പെടുന്നില്ല. പിന്നാക്കമുള്ള വിദ്യാലയങ്ങളിലെ അധ്യാപകർക്ക് മാത്രമായി ഒരു പരിശീലനക്ലാസ്സ് സംഘടിപ്പിക്കണം.	സബ്ജില്ലാതലത്തിൽ, എഡിറ്റിങ്ങ് കുറവുള്ള വിദ്യാലയങ്ങൾ കണ്ടെത്തി അവ മെച്ചപ്പെടുത്തുന്നതിന് മാസ്റ്റർ ട്രെയിനറുടെ നേതൃത്വത്തിൽ ശ്രമമുണ്ടാവണം. ഓൺലൈൻ ആയി പരിശീലനം ക്രമീകരിക്കാം.
4	LP, UP, HS, HSS എന്നിങ്ങനെ വിവിധ വിഭാഗങ്ങൾ ഉള്ള സ്കൂളുകളിൽ ഓരോ വിഭാഗത്തിൽ നിന്നും കുറഞ്ഞത് ഓരോ അധ്യാപകർക്ക് വീതം ഒരു ദിവസത്തെയെങ്കിലും പരിശീലനം നൽകണം. ഓഫ്‍ലൈൻ പരിശീലനത്തിന് സാധിക്കുന്നില്ലായെങ്കിൽ, ഓൺലൈൻ ആയി പരിശീലനം ക്രമീകരിക്കണം. സ്കൂൾ വിക്കിയുടെ പ്രാധാന്യം എല്ലാ അധ്യാപകരിലേക്കും എത്തിക്കുന്നതിന് സ്കൂൾതല ശില്പശാല ഓരോ സ്കൂളിലും നടത്തുന്നതിനുള്ള ചുമതല അവർക്ക് നൽകണം.	ഉപജില്ലാ ചുമതല വഹിക്കുന്ന എല്ലാ മാസ്റ്റർ ട്രെയിനർമാർക്കും ഒരു ദിവസത്തെ ഓൺലൈൻ പരിശീലനം ടീച്ചേഴ്സിന് ഒരു ദിവസത്തെ ഓഫ്‍ലൈൻ / ഓൺലൈൻ പരിശീലനം.	ഓൺലൈൻ പരിശീലനം നടത്താം
6	സ്‌കൂൾവിക്കിയുടെ പ്രാധാന്യം, പ്രയോജനം തുടങ്ങിയവ അധ്യാപക-വിദ്യാർത്ഥി സമൂഹത്തിന് ബോധ്യപ്പെടുത്തണം. നിശ്ചിതമായ ഒരു ദിവസം സ്കൂ‌ൾവിക്കി ദിനമായി എല്ലാ ലിറ്റിൽ കൈറ്റ്സ് യൂണിറ്റുകളിലും വിപുലമായ പരിപാടികളോടെ സംഘടിപ്പിക്കാവുന്നതാണ്.	2009 ഒക്ടോബർ 20 നാണ് സ്കൂൾവിക്കി ഈരംഭിച്ചത്. ഈ ദിവസം സ്കൂ‌ൾവിക്കിദിനം ആയി പരിഗണിക്കാവുന്നതാണ്.
7	നിരവധി വിദ്യാലയങ്ങളുടെ LK പേജ് പോലും അപ്ഡേഷൻ നടത്തുന്നില്ല പ്രൈമറി ഐടി പാഠപുസ്‌തകത്തിലും, ലിറ്റിൽ കൈറ്റ്സ് പാഠപുസ്‌തകത്തിലും സ്‌കൂൾ വിക്കിയുടെ പ്രാധാന്യം ഉറപ്പിക്കുന്നതിന് ആവശ്യമായ പാഠഭാഗങ്ങൾ ചേർക്കണം..	ലിറ്റിൽകൈറ്റുകൾ ചെയ്യുന്ന സ്കൂൾവിക്കി അപ്ഡേഷൻ പ്രവർത്തനങ്ങൾ അവരുടെ അസ്സൈൻമെന്റ്/പ്രൊജക്റ്റ് ആയി മൂല്യനിർണ്ണയത്തിൽ പരിഗണിക്കാവുന്നതാണ്.	കൂടുതൽ ചർച്ച ആവശ്യമാണ്
8	സ്‌കൂൾ വിക്കി കൂടുതൽ മൊബൈൽ ഫ്രണ്ടിലി ആവണം (നവമാധ്യങ്ങളിൽ വിവരങ്ങൾ ചേർക്കുന്ന മാതൃകയിൽ)	സ്മാർട്ട്ഫോണിൽ നിന്ന് എഡിറ്റിങ്ങ് നടത്തുന്നതിനും ചിത്രം ഉൾപ്പെടെ ചേർക്കുന്നതിനും സാധിക്കുന്നുണ്ട്. എന്നാൽ നവമാധ്യമങ്ങളിലേപ്പോലെ എഡിറ്റിങ് സൗകര്യം ലഭ്യമാക്കാൻ മീഡിയാവിക്കിയിൽ സാധ്യമല്ല. പരിശീലനമൊഡ്യൂൾ തയ്യാറാക്കുമ്പോൾ സ്മാർട്ട്ഫോൺ സാധ്യതകൂടി ഉൾപ്പെടുത്തുന്നതാണ്.
9	*പ്രാദേശിക ചരിത്രരചന ഉൾപ്പെടുത്തുന്നതിന് സൗകര്യം ഏർപ്പെടുത്തണം		കൂടുതൽ ചർച്ച ആവശ്യമാണ്