സഹായം Reading Problems? Click here


തിരുവങ്ങൂർ എച്ച്.എസ്സ്.എസ്സ്.

Schoolwiki സംരംഭത്തിൽ നിന്ന്
Jump to navigation Jump to search
സ്കൂളിനെക്കുറിച്ച്സൗകര്യങ്ങൾപ്രവർത്തനങ്ങൾപ്രൈമറിഹൈസ്കൂൾഹയർസെക്കന്ററിചരിത്രംഅംഗീകാരങ്ങൾ


സ്വാഗതം - തിരുവങ്ങൂർ ഹയർ സെക്കണ്ടറി സ്കൂൾ, തിരുവങ്ങൂർ



"School Logo"
തിരുവങ്ങൂർ എച്ച്.എസ്സ്.എസ്സ്.
16054 01.jpg
വിലാസം
തിരുവങ്ങൂർ പി. ഒ,

തിരുവങ്ങൂർ
,
673304
സ്ഥാപിതം12 - 06 - 1926
വിവരങ്ങൾ
ഫോൺ04962633978
ഇമെയിൽvadakara16054@gmail.com
വെബ്സൈറ്റ്
കോഡുകൾ
സ്കൂൾ കോഡ്16054 (സമേതം)
ഹയർസെക്കന്ററി കോഡ്10061
വിദ്യാഭ്യാസ ഭരണസംവിധാനം
റവന്യൂ ജില്ലകോഴീക്കോട്
വിദ്യാഭ്യാസ ജില്ലവടകര
ഉപ ജില്ലകൊയിലാണ്ടി
സ്ക്കൂൾ ഭരണ വിഭാഗം
സ്ക്കൂൾ ഭരണ വിഭാഗംഎയ്ഡഡ്
സ്കൂൾ വിഭാഗംപൊതു വിദ്യാലയം
പഠന വിഭാഗങ്ങൾ
എൽ.പി വിഭാഗം

യു.പി. വിഭാഗം

ഹൈസ്ക്കൂൾ വിഭാഗം
മാദ്ധ്യമംമലയാളം‌ , ഇംഗ്ലീഷ്
സ്ഥിതിവിവരകണക്ക്
ആൺകുട്ടികളുടെ എണ്ണം1984
പെൺകുട്ടികളുടെ എണ്ണം1453
വിദ്യാർത്ഥികളുടെ എണ്ണം3437
HSS - 499
അദ്ധ്യാപകരുടെ എണ്ണം117
HSST- 20
സ്ക്കൂൾ നേതൃത്വം
പ്രിൻസിപ്പൽ ടി.കെ ഷെറീന
പ്രധാന അദ്ധ്യാപകൻകെ.കെ വിജിത
പി.ടി.ഏ. പ്രസിഡണ്ട് എൻ.പി. രജീഷ്
അവസാനം തിരുത്തിയത്
09-12-2020Tknarayanan


പ്രോജക്ടുകൾ
എന്റെ നാട് സഹായം
നാടോടി വിജ്ഞാനകോശം സഹായം
സ്കൂൾ പത്രം സഹായം

ഒരു വിദ്യാലയം അതിന്റെ അസ്തിത്വത്തിന്റെ ഭൂമികയൊരുക്കുന്നത് അവിടെ നൂറുമേനി വിളയുന്ന അറിവിന്റെ പേരിലാണ്......
അവിടെ ഉയിർക്കൊള്ളുന്ന കായികക്കുതിപ്പിന്റെ സാധനകളിലാണ്...........
കലയുടെ നിറച്ചാർത്തണിയിക്കുന്ന സിദ്ധിവിശേഷങ്ങളിലാണ്.............
അക്ഷരോപാസനയുടെ ഒമ്പത് പതിറ്റാണ്ടുകൾ പിന്നിട്ട തിരുവങ്ങൂർ ഹയർ സെക്കണ്ടറി സ്കൂൾ നേട്ടങ്ങളുടെ നെറുകയിലേക്ക്................................

ആമുഖം

ചരിത്ര പ്രസിദ്ധമായ കാപ്പാട് കടൽത്തീരത്തുനിന്ന് ഏകദേശം 2 കിലോമീറ്റർ കിഴക്കുമാറി ദേശീയപാതയോരത്ത് കോഴിക്കോടിനും കൊയിലാണ്ടിക്കുമിടയിൽ ചേമഞ്ചേരി പഞ്ചായത്തിലാണ് തിരുവങ്ങൂർ ഹയർ സെക്കണ്ടറി സ്കൂൾ സ്ഥിതി ചെയ്യുന്നത്. മത്സ്യത്തൊഴിലാളികളും സാമൂഹ്യമായി പിന്നാക്കം നിൽക്കുന്നവരും പാർശ്വവൽക്കരിക്കപ്പെട്ടവരുമടങ്ങുന്ന ജനവിഭാഗങ്ങൾ ഏകോദരസഹോദരങ്ങളെപ്പോലെ സഹവർത്തിത്തത്തോടെ കഴിയുന്ന പ്രദേശം. പാരതന്ത്ര്യത്തിന്റെ ചങ്ങലക്കെട്ടുകൾ പൊട്ടിച്ചെറിയാൻ ദേശാഭിമാനികളായ സ്വാതന്ത്ര്യദാഹികൾ ഐതിഹാസികമായ പോരാട്ടം നടത്തിയതും ഇതേമണ്ണിൽ. എത്രയോ കലാകാരൻമാർക്ക് ജന്മം നൽകിയ പ്രദേശം. ഇവിടെ ഈ മണ്ണിലാണ് ഈ വിദ്യാലയം അറിവ് തേടിയെത്തുന്നവർക്ക് മുന്നിൽ ഒരു കെടാവിളക്കായി പ്രശോഭിച്ചുകൊണ്ടിരിക്കുന്നത്.

ചരിത്രം

സാമൂഹികമായി പിന്നോക്കം നിൽക്കുന്നവരെ ലക്ഷ്യമാക്കിക്കൊണ്ട് 1925-26 ലാണ് തിരുവങ്ങൂരിൽ ഒരു ലേബർ സ്കൂൾ ആരംഭിക്കുന്നത്. അന്ന് ആ വിദ്യാലയത്തിന് കെട്ടിടമുണ്ടാക്കിക്കൊടുത്തത് തിരുവങ്ങൂർ ഹയർ സെക്കണ്ടറി സ്കൂൾ സ്ഥാപക മാനേജരായിരുന്ന ശ്രീ. ടി.കെ. ഗോവിന്ദൻ നായരുടെ പിതാവായ ഉണിച്ചാത്തൻ നായരായിരുന്നു. ഇതേകാലത്ത് തിരുവങ്ങൂർ അങ്ങാടിയുടെ കിഴക്ക്ഭാഗത്ത് ഒരു പ്രൈമറി സ്കൂളും പ്രവർത്തിച്ചിരുന്നു. കൂടാതെ ഇതേ കോമ്പൗണ്ടിൽ ഡിസ്ട്രിക്ട് ബോർഡിന്റെ കീഴിൽ ഒരു ഗേൾസ് പ്രൈമറി സ്കൂളും പ്രവർത്തിച്ചിരുന്നു. ഈ മൂന്ന് വിദ്യാലയങ്ങളും ഏകോപിപ്പിച്ചുകൊണ്ട് 1939 ൽ ബ്രിട്ടീഷ് ഗവൺമെന്റ് തിരുവങ്ങൂർ മിക്സഡ് എലമന്ററി സ്കൂൾ എന്ന പേരിൽ ഒരു എയ്ഡഡ് സ്കൂളിന് രൂപം നൽകി. അതിന്റെ ഒന്നാമത്തെ മാനേജരായി നിയുക്തനായത് ശ്രീ. ടി.കെ. ഗോവിന്ദൻ നായരായിരുന്നു. 1958 ൽ ഈ വിദ്യാലയം അപ്പർ പ്രൈമറി ആയും 1966 ൽ ഹൈസ്കൂളായും ഉയർത്തപ്പെട്ടു. ശ്രീ. കണ്ണൻ മാസ്റ്ററായിരുന്നു ഈ വിദ്യാലത്തിന്റെ പ്രധമ പ്രധാനാധ്യാപകൻ. നീണ്ട 23 വർഷക്കാലം അദ്ദേഹം ഈ വിദ്യാലത്തിന്റെ പ്രധാനാധ്യാപകനായി തുടർന്നു. 1969 ലായിരുന്നു ആദ്യ എസ്.എസ്.എൽ.സി ബാച്ച് പുറത്തിറങ്ങിയത്. 2000 ത്തിൽ വിദ്യാലയം ഹയർസെക്കണ്ടറിയായി ഉയർത്തപ്പെട്ടു.

ഭൗതികസൗകര്യങ്ങൾ

മൂന്ന് ഏക്കർ ഭൂമിയിലാണ് വിദ്യാലയം സ്ഥിതി ചെയ്യുന്നത്. ഹൈസ്കൂളിന് 9 കെട്ടിടങ്ങളിലായി 55 ക്ലാസ് മുറികളും ഹയർ സെക്കണ്ടറിക്ക് ഒരു കെട്ടിടത്തിലായി 8 ക്ലാസ് മുറികളുമുണ്ട്. വിശാലമായ ഒരു കളിസ്ഥലം വിദ്യാലയത്തിനുണ്ട്. ഹൈസ്കൂളിനും ഹയർസെക്കണ്ടറിക്കും വെവ്വേറെ കമ്പ്യൂട്ടർ ലാബുകളുണ്ട്. രണ്ട് ലാബുകളിലുമായി ഏകദേശം മുപ്പത് കമ്പ്യൂട്ടറുകളുണ്ട്. രണ്ട് ലാബുകളിലും ബ്രോഡ്ബാന്റ് ഇന്റർനെറ്റ് സൗകര്യം ലഭ്യമാണ്. നവീകരിച്ച വിശാലമായ സ്കൂൾ ലൈബ്രറിയിൽ ഏകദേശം 3000 പുസ്തകങ്ങൾ സജ്ജീകരിച്ചിട്ടുണ്ട്.

പാഠ്യേതര പ്രവർത്തനങ്ങൾ

  • സ്കൗട്ട് & ഗൈഡ്സ്.

മികച്ച പ്രവർത്തനം കാഴ്ചവയ്ക്കുന്ന സ്കൗട്ടും ഗൈഡ്സും ഈ വിദ്യാലയത്തിന്റെ പ്രത്യേകതയാണ്.

  • ജെ ആർ സി

മികച്ച പ്രവർത്തനം കാഴ്ചവയ്ക്കുന്ന ജെ ആർ സി യുടെ എൽ പി, യു പി, ഹൈസ്കൂൾ യൂനിറ്റുകൾ ഈ വിദ്യാലയത്തിലുണ്ട്

  • എൻ.സി.സി.
  • ബാന്റ് ട്രൂപ്പ്.
  • ക്ലാസ് മാഗസിൻ.
  • വിദ്യാരംഗം കലാ സാഹിത്യ വേദി.
  • ക്ലബ്ബ് പ്രവർത്തനങ്ങൾ.
  • നേർക്കാഴ്ച

മാനേജ്മെന്റ്

ശ്രീ. ടി.കെ. ഗോവിന്ദൻ നായരായിരുന്നു സ്കൂളിന്റെ സ്ഥാപക മേനേജർ. അദ്ദേഹത്തിന്റെ മരണശേഷം ദീർഘകാലം ശ്രീ. ടി.കെ വാസുദേവൻനായർ മേനേജർ പദവി അലങ്കരിച്ചു.

'മാതാ പിതാ എഡുക്കേഷണൽ ട്രസ്റ്റ്' എന്ന ട്രസ്റ്റിന്റെ കീഴിലാണ് ഈ വിദ്യാലയം പ്രവർത്തിക്കുന്നത്.

ശ്രീ. ടി.കെ ജനാർദ്ദനൻ നായർ ആണ് സ്കൂളിന്റെ ഇപ്പോഴത്തെ മാനേജർ.

മുൻ സാരഥികൾ

സ്കൂളിന്റെ മുൻ പ്രധാനാദ്ധ്യാപകർ :
ശ്രീ. കെ.കണ്ണൻ മാസ്റ്റർ
ശ്രീ. എം.സി.മുഹമ്മദ് കോയമാസ്റ്റർ
ശ്രീ. ഒ.വാസുദേവൻ മാസ്റ്റർ
ശ്രീ. ടി.രാധാകൃഷ്ണൻ മാസ്റ്റർ
ശ്രീ. കെ.മമ്മദ് മാസ്റ്റർ
ശ്രീ. പി.ദാമോദരൻ മാസ്റ്റർ
ശ്രീമതി. കെ.സൗദാമിനി ടീച്ചർ
ശ്രീ. കെ.ചന്ദ്രശേഖരൻ മാസ്റ്റർ
ശ്രീ. ഇ.രാമചന്ദ്രൻ മാസ്റ്റർ
ശ്രീമതി. കെ.പ്രസന്ന ടീച്ചർ
ശ്രീ. ഇ,കെ.അശോകൻ മാസ്റ്റർ
ശ്രീമതി. ടി കെ മോഹനാംബിക

പ്രശസ്തരായ പൂർവവിദ്യാർത്ഥികൾ

ഡോക്ടർ എ.എസ്.അനൂപ് കുമാർ

കോഴിക്കോട് ബേബി മെമ്മോറിയൽ ആശുപത്രിയിലെ ക്രിട്ടിക്കൽ കെയർ വിഭാഗം മേധാവിയായ ഡോക്ടർ എ എസ് അനൂപ് കുമാറാണ് കേരളത്തിലെങ്ങും ഭീതി പടർത്തിയ നിപാ വൈറസ് ബാധ ആദ്യം സ്ഥിരീകരിക്കുന്നതിൽ മുഖ്യ പങ്ക് വഹിച്ചത്.
ഉസ്താദ് കോയ കാപ്പാട്
കേരള ഫോക്ക് ലോർ അക്കാദമി അവാർഡ് ജേതാവും ദഫ്‌മുട്ട് കുലപതിയും.

മൃദുല വാര്യർ
സിനിമാ പിന്നണി ഗായിക

അതുൽ ശ്രീവ
സിനിമാ, മിനിസ്കീൻ അഭിനേതാവ്

എ. പുരുഷോത്തമൻ
കെ.എസ്.എഫ്.ഇ യുടെ മാനേജിങ്ങ് ഡയറക്ടർ

പ്രൊ. അബൂബക്കർ കാപ്പാട്
കോളേ‍ജ് പ്രൊഫസർ, സാഹിത്യകാരൻ, ചെറുകഥാകൃത്ത്

ടി. ടി. ഇസ്‌മയിൽ
രാഷ്ട്രീയ നേതാവും കേരളാ പബ്ലിക് സർവ്വീസ് കമ്മീഷൻ അംഗവും

ആസിഫ്
ഗായകൻ, ഏഷ്യാനെറ്റ് 'മൈലാഞ്ചി' എന്ന പരിപാടിയിലെ വിന്നർ

വിജയോത്സവം പദ്ധതി

പഠന പ്രവർത്തനങ്ങൾ കാര്യക്ഷമമാക്കുന്നതിനുള്ള പ്രവർത്തനങ്ങൾ ചിട്ടയോടെ നടത്തുവാൻ ഈ വിദ്യാലയം പരിശ്രമിക്കുന്നുണ്ട്. എസ്.എസ്.എൽ.സി പഠന നിലവാരം ഉയർത്തുന്നതിനായി മോണിംഗ്-ഈവനിംഗ് ക്ലാസുകൾ, പിയർഗ്രൂപ്പ് ,മിഡ്ടേം പരീക്ഷകൾ, എ പ്ലസ് പ്രൈം ക്ലബ്, ഡി പ്ലസ് എൻലൈറ്റ് ക്ലബ്, പ്രത്യേകപരിശീലനങ്ങൾ, രാത്രികാല പഠനം, പഠന കേമ്പുകൾ എന്നിവ സംഘടിപ്പിച്ചുവരുന്നു. കഴിഞ്ഞ എസ്.എസ്.എൽ.സി പരീക്ഷയിൽ 732 വിദ്യാർത്ഥികളാണ് ഇവിടെ പരീക്ഷ എഴുതിയത്. 100% ആയിരുന്നു വിജയശതമാനം. ഇതിൽ 76 വിദ്യാർത്ഥികൾക്ക് മുഴുവൻ വിഷയങ്ങളിൽ എ പ്ലസ്സും 40 വിദ്യാർത്ഥികൾക്ക് 9 വിഷയങ്ങളിൽ എ പ്ലസ്സും കരസ്ഥമാക്കാൻ കഴിഞ്ഞു. കൊയിലാണ്ടി ഉപജില്ലയിൽ ഏറ്റവും അധികം എ പ്ലസ്സ് നേടിയ വിദ്യാലയമായി മാറുവാൻ തിരുവങ്ങൂർ ഹയർ സെക്കണ്ടറി സ്കൂളിന് കഴിഞ്ഞു എന്നത് അഭിമാനകരമാണ്.

  കഴിഞ്ഞ 5 വർഷത്തെ എസ്.എസ്.എൽ.സി  വിജയശതമാനം
അധ്യയന വർഷം പരീക്ഷ എഴുതിയവർ വിജയ ശതമാനം ടോപ്പ്സ്കോറേസ്
2013 - 2014 722 99.6% മുഴുവൻ വിഷയങ്ങൾക്കും A+ നേടിയവർ
2014 - 2015 795 100% മുഴുവൻ വിഷയങ്ങൾക്കും A+ നേടിയവർ
2015 - 2016 934 99% മുഴുവൻ വിഷയങ്ങൾക്കും A+ നേടിയവർ
2016 - 2017 823 98.54% മുഴുവൻ വിഷയങ്ങൾക്കും A+ നേടിയവർ
2017 - 2018 732 100% മുഴുവൻ വിഷയങ്ങൾക്കും A+ നേടിയവർ

കുട്ടികളുടെ സൃഷ്ടികൾ

വിദ്യാലയ വികസന സമിതി

നിർമ്മാണത്തിലിരിക്കുന്ന കെട്ടിടത്തിന്റെ മാതൃക

പൊതുവിദ്യാഭ്യാസ യജ്ഞത്തിന്റെ ഭാഗമായി കേരളത്തിലെ സ്കൂളുകളുടെ ഭൗതിക സാഹചര്യങ്ങൾ മെച്ചപ്പെട്ടുകൊണ്ടിരിക്കുന്ന ഈ അവസരത്തിൽ തിരുവങ്ങൂർ ഹയർ സെക്കണ്ടറി സ്കൂളും നവീകരണത്തിന്റെ പാതയിലാണ്. മാനേജ്‌മെന്റിന്റെയും രക്ഷാകർതൃ സമിതിയുടേയും, പൂർവ്വ വിദ്യാർത്ഥികളുടേയും, നാട്ടുകാരുടേയും സഹകരണത്തോടെ രൂപീകരിച്ച വിദ്യാലയ വികസന സമിതി അതിന്റെ പ്രാരംഭപ്രവർത്തനങ്ങളുമായി മുന്നേറുകയാണ്. 2018 സെപ്തംബറിൽ ബഹുമാനപ്പെട്ട കൊയിലാണ്ടി എം.എൽ.എ ശ്രീ. കെ.ദാസൻ 20 ക്ലാസ് മുറികളുള്ള ആധുനിക കെട്ടിടത്തിന് തറക്കല്ലിടും.




 സ്കൂളിന്റെ ഔദ്യോഗിക ഫെയ്സ് ബുക്ക് പേജ് സന്ദർശിക്കാൻ ഇവിടെ ക്സിക് ചെയ്യുക     https://www.facebook.com/thIruvangoorhss16054?ref=br_tf

വഴികാട്ടി