കൊടുവായൂരിലെ നിവാസികൾക്ക് അറിവിന്റെവെളിച്ചം പകർന്ന് നൽകാനായി ജി.ബി.ൽ.പി
സ്കൂൾ എന്ന ഈ വിദ്യാലയം. പാലക്കാട് ജില്ലയിലെ തന്നെ പ്രശസ്തവാണിജ്യകേന്ദ്രങ്ങളിൽ
ഒന്നായ കൊടുവായൂരിന്റെ ഹൃദയഭാഗത്ത് നിലകൊള്ളുന്ന ഈ സർക്കാർ വിദ്യാലയം കൊടുവായൂരിന്റെ സാംസ്‌കാരിക പുരോഗതിയിൽ സ്തുത്യർഹമായ പങ്കാണ് വഹിച്ചിട്ടുള്ളത്. 1 മുതൽ 5 വരെ ക്ലാസുകളിലായി പ്രവർത്തിക്കുന്ന അത്യപൂർവ്വം എൽ.പി വിഭാഗങ്ങളിൽപ്പെടുന്ന ഒന്നാണ് ഈ വിദ്യാലയം എന്നതും ഒരു പ്രത്യേകതയാണ്. തിരക്കേറിയ വാണിജ്യകേന്ദ്രങ്ങളിൽ ഗുണനിലവാരം ഒന്ന് കൊണ്ട് മാത്രം 105 വർഷം പിന്നിട്ട ഈ വിദ്യാലയം വിദ്യാഭ്യാസമേഖലയിൽ ഇന്നും ശിരസ്സുയർത്തി നിൽക്കുന്നു എന്നതിൽ അഭിമാനിക്കാം.1912 ൽ മലബാർ ഡിസ്ടിക് ബോർഡിന്റെ
കീഴിൽ പെൺകുട്ടികളുടെ ഒരു പളളിക്കൂടമായിട്ടാണ് ഈ വിദ്യാലയം പ്രവർത്തിച്ചുക്കൊണ്ടിരുന്നത്. സ്ത്രീവിദ്യാഭ്യാസം പ്രോത്സാഹിപ്പിക്കുക എന്ന ഉദ്ദേശ്യത്തോടുകൂടിയാണ് ഈ വിദ്യാലയം തുടങ്ങിയിട്ടുളളത്. കാലക്രമേണ അത് മിശ്രവിഭാഗത്തിലേക്ക് മാറി . അ‍‍‍‍‍‍‍ഞ്ചാം ക്ലാസ്സുും കൂടി ഉൾപ്പെട്ട അപൂർവ്വ വിദ്യാലയങ്ങളിൽ ഒന്നായ ഈ വിദ്യാലയം അക്കാദമിക നിലവാരത്തിൽ മികവ് പുലർത്തുന്നു . ശക്തമായ പി.ടി.എ യും പൂർവ്വവിദ്യാർത്ഥി സംഘടനയും അർപ്പണമനോഭാവമുളള അധ്യാപകരും ഈ വിദ്യാലയത്തിന്റെ പടിപടിയായുളള വളർച്ചക്ക് സഹായിക്കുന്നു . പതിറ്റാണ്ടുകൾക്ക് മുൻപുതന്നെ പതിവായി കുട്ടികളുടെ ഗൃഹസന്ദർശനം നടത്തി സമൂഹവുമായി നല്ല ബന്ധം സ്ഥാപിക്കുന്നതിൽ ഈ വിദ്യാലയം മികച്ച നിലവാരം പുലർത്തി വരുന്നുണ്ട് .
ഭൗതികസൗകര്യങ്ങൾ
35 സെൻറ് സ്ഥലത്തിലാണ് കെട്ടിടം നിലകൊളളുന്നത് .
നിലവിൽ 1 മുതൽ 4 വരെ രണ്ട് വീതം ഡിവിഷനുകൾ ഉണ്ട് .
ഇംഗ്ലീഷ് മീഡിയം ഉണ്ട് .
എൽ. പി വിഗാത്തിൽ 167 ഉം പ്രീപ്രൈമറി വിഭാഗത്തിൽ 68 ഉം വീതം കുട്ടികൾ പഠിക്കുന്നുണ്ട് .
നെൻമാറ MLA ശ്രീ .കെ. ബാബുവിന്റെ ആസ്തിവികസന ഫണ്ട് ഉപയോഗിച്ച് 5 ക്ലാസ്സുമുറികളുളള മനോഹരമായ കെട്ടിടം പണി പുർത്തിയായി വരുന്നു .
കൊടുവായൂർ ഗ്രാമപഞ്ചായത്തിന്റെ കീഴിൽ പ്രവർത്തിക്കുന്ന ഇത് ഒരു ക്ലസ്ററർ റിസോർസ് സെന്റർ കൂടിയാണ് .
മുൻ MLA ശ്രീ .ചെന്താമരാക്ഷൻ നൽകിയ സ്കൂൾവാഹനം ഉണ്ട് .
പ്രീപ്രൈമറി വിഭാഗത്തിൽ 4 പേരും പ്രൈമറി വിഭാഗത്തിൽ 9 പേരും സേവനം അനുഷ്ഠിക്കുന്നുണ്ട് .
പഞ്ചായത്തിന്റെ വിവിധ ഫണ്ടുകൾ ഉപയോഗിച്ച് പല വിദ്യാലയ വികസന പ്രവർത്തനങ്ങൾ നടക്കുന്നുണ്ട് .
പാഠ്യേതര പ്രവർത്തനങ്ങൾ
വിദ്യാരംഗം കലാ സാഹിത്യ വേദി.
ക്ലബ്ബ് പ്രവർത്തനങ്ങൾ.
പഠനത്തോടൊപ്പം കലാകായികപ്രവൃത്തിപരിചയ പ്രവർത്തനങ്ങൾക്ക് പരിശീലനം നൽകി വരുന്നുണ്ട് .
മികവുകൾ പത്രവാർത്തകൾ
സ്കൂളിന് സ്വന്തമായി യൂട്യൂബ് ചാനൽ - "തേരോട്ടം" .
പാഠഭാഗം ഷോർട്ട് ഫിലിം ആക്കി അവതരിപ്പിച്ചു . അതിൽ വിദ്യാലയത്തിലെ വിദ്യാർത്ഥികൾ അഭിനയിച്ചു . നാലാം ക്ലാസ്സിലെ അമൃതം എന്ന പാഠഭാഗം "കുഞ്ഞുമാലാഖ" എന്ന പേരിൽ അവതരിപ്പിച്ചു . മൂന്നാം ക്ലാസ്സിലെ മഞ്ഞപാവാട എന്ന പാഠഭാഗം "മഞ്ഞതൂവൽ "എന്നപേരിലും അവതരിപ്പിച്ചു .
എല്ലാ വർഷവും തപാൽദിനത്തിൽ പാലക്കാട് ജില്ലയിലെ തപാൽ ജീവനക്കാർക്ക് ആശംസാകാർഡുകൾ കുട്ടികൾ എഴുതി അയയ്ക്കാറുണ്ട് . അതിന് തപാൽ ജീവനക്കാരിൽ നിന്നും മറുപടികൾ കാർഡായും സമ്മാനപ്പൊതികളായും കുട്ടികൾക്ക് ലഭിക്കാറുണ്ട് .
കോവിഡ് ലോക്ക്ഡൗണിനുശേഷം സ്കൂൾ തുറന്നപ്പോൾ വിദ്യാഭ്യാസമന്ത്രി ശ്രീ ശിവൻകുട്ടിക്ക് കത്ത് അയച്ചതിന് മറുപടി ലഭിച്ചിരുന്നു .ആയത് പത്രവാർത്തയായി പ്രസിദ്ധീകരിച്ചിരുന്നു .
വിദ്യാലയത്തിലെ ഒരു വിദ്യാർത്ഥിക്ക് വീട് പൂർത്തികരിക്കുന്നതിന് പ്രധാനാധ്യാപികയുടെ സഹായവും മന്ത്രി തലം വരെയുള്ള ഇടപെടലും പത്രവാർത്തയായി വന്നിരുന്നു .
മാനേജ്മെന്റ്
കൊടുവായൂർ ഗ്രാമപഞ്ചായത്തിന്റെ കീഴിൽ പ്രവർത്തിക്കുന്ന സർക്കാർ ഉടമസ്ഥതയിലുളള വിദ്യാലയമാണ് .
സ്വന്തം കെട്ടിടത്തിലാണ് പ്രവർത്തിക്കുന്നത് .
മുൻ സാരഥികൾ
രുഗ്മിണി ടീച്ചർ : പതിറ്റാണ്ടുകൾക്ക് മുമ്പ് സമീപത്തുളള സ്വകാര്യമാനേജ്മെൻറ് വിദ്യാലയങ്ങളുടെ സമ്മർദ്ദം മൂലം അടച്ചുപൂട്ടൽ ഭീഷണി നേരിട്ട വിദ്യാലയത്തെ പൂർവ്വാധികം ശക്തിയോടെ പി.ടി.എ യുടെ പിൻബലത്തോടെ വിദ്യാലയത്തെ നിലനിർത്താൻ അഹോരാത്രം പ്രവർത്തിച്ച ഒരു മഹദ് വ്യക്തിയായിരുന്നു പരേതയായ രുഗ്മിണി ടീച്ചർ . അവരെ തുടർന്ന് ഹെഡ്മാസ്റ്റർ ആയി വന്ന നാരായണൻ മാസ്റ്റർ അതേ പാത പിന്തുടർന്നു .പൊതുജനപങ്കാളിത്തത്തോടെ വിദ്യാലയ വികസന പ്രവർത്തനങ്ങൾ ചെയ്യാൻ പരിശ്രമിച്ചിട്ടുണ്ട് .
സ്കൂളിന്റെ മുൻ പ്രധാനാദ്ധ്യാപകർ :
നമ്പർ
പേര്
സേവനകാലം
1
മാധവനുണ്ണി മാസ്റ്റർ
1979ആഗസ്റ്റ് - 1981മാർച്ച്
2
നാരായണൻ മാസ്റ്റർ
1981ജൂലായ് - 1991ജൂൺ
3
രാധ ടീച്ചർ
1991ആഗസ്റ്റ് - 1993ഏപ്രിൽ
4
ചന്ദ്രൻ മാസ്റ്റർ
1993ആഗസ്റ്റ് - 1994ജൂൺ
5
വേലായുധൻ മാസ്റ്റർ
1994ജൂലായ് - 1996മാർച്ച്
6
അമ്മിണിക്കുട്ടി ടീച്ചർ
1996ജൂലായ് - 1997ജൂൺ
7
മീനാക്ഷി ടീച്ചർ
1997ജൂലായ് - 1998മെയ്
8
ചെല്ല ടീച്ചർ
1998ജൂൺ - 2001മാർച്ച്
9
ഇന്ദിര ടീച്ചർ
2001ജൂലായ് - 2002മെയ്
10
രത്നമ്മ ടീച്ചർ
2002ജൂൺ - 2003ജൂൺ
11
ശശിധരൻ മാസ്റ്റർ
2003ജൂലായ് - 2007മെയ്
12
പത്മിനി ടീച്ചർ
2008ജൂൺ - 2012മെയ്
പ്രശസ്തരായ പൂർവവിദ്യാർത്ഥികൾ
നമ്പർ
പേര്
പ്രശസ്തരായ മേഖല
1
വേണുഗോപാലതരകൻ
ഡെപ്യൂട്ടി കലക്ടർ
2
എ .കെ നാരായണൻ
വ്യവസായപ്രമുഖൻ
വഴികാട്ടി
കൊടുവായൂർ ടൗൺ ആൽത്തറ ഗണപതിക്ഷേത്രത്തിനും എം എം എം എസ് ബി സ്കൂളിനും അടുത്തായി സ്ഥിതി ചെയ്യുന്നു .
കൊടുവായൂർ മാർക്കറ്റിലുളള കുഴൽമന്ദം റോഡിന് എതിർവശമുളള ഇടവഴിയിലൂടെ ഏകദേശം 100 മീറ്റർ സഞ്ചരിച്ചാൽ വലതുഭാഗത്ത് സ്കൂൾ കാണാവുന്നതാണ് .
കൊടുവായൂർ ഹയർസെക്കൻഡറി സ്കൂളിൽ നിന്നും എകദേശം അര കിലോമീറ്റർ ദൂരമുണ്ട് .
പാലക്കാട് ടൗണിൽ നിന്നും ബസ്സ് മാ‍ഗ്ഗം ഏകദേശം 10 കിലോമീറ്റർ സഞ്ചരിക്കണം .
ഒലവക്കോട് റെയിൽവേ സ്റ്റേഷനിൽ നിന്നും ഏകദേശം 15 കിലോമീറ്റർ സഞ്ചരിക്കണം .
കുഴൽമന്ദം നാഷണൽ ഹൈവേയിൽ നിന്നും ഏകദേശം 7 കിലോമീറ്റർ സഞ്ചരിക്കണം.
