പത്തനംതിട്ട ജില്ലയിൽ പത്തനംതിട്ട വിദ്യാഭ്യാസജില്ലയിൽ അടൂർ ഉപജില്ലയിൽ ചൂരക്കോട് എന്ന സ്ഥലത്തുള്ള ഒരു സർക്കാർ പ്രൈമറി വിദ്യാലയം ആണ് ഗവൺമെൻറ് എൽ പി എസ് ചൂരക്കോട്.
1947 ൽ സ്‌ഥാപിതമായി.അടൂരിൽ നിന്നും 5കി:മി : ദൂരെ ചൂരക്കോട് കുറ്റിയിൽ ശ്രീ രാജരാജേശ്വരി -ക്ഷേത്രത്തിനു സമീപം സ്‌ഥിതിചെയ്യുന്നു. പത്തനംതിട്ട ജില്ലയിൽ അടൂർ താലൂക്കിൽ ഏറത്ത് ഗ്രാമ പഞ്ചായത്തിൻറെ പരിധിയിൽ പെടുന്ന ഒരു സർക്കാർ സ്കൂൾ ആണ് ഗവൺമെൻറ് എൽ പി എസ് ചൂരക്കോട്.
പത്തനംതിട്ട ജില്ലയുടെ തെക്ക് ഭാഗത്തായി പള്ളിക്കൽ ആറിനും കല്ലടയാറിനു ഇടയിലാണ് ചൂരൽകാടുകളാൽ നിബിഡമായ സംബന്ധമായ എന്റെ ഗ്രാമം സ്ഥിതി ചെയ്യുന്നത്. ഈ പ്രദേശം സാമുദായിക സൗഹാർദ്ദത്തിന് ഉത്തമ ഉദാഹരണമാണ്. സർഗ്ഗാത്മകതയുടെ ഉയരങ്ങളിലേക്ക് പറക്കാനുള്ള അവസരം നേടുന്നതിന് ആവശ്യമായ വായനാ മികവുകൾ ഉള്ള ഗ്രന്ഥശാലകൾ പ്രവർത്തിക്കുന്ന യുനെസ്കോ അംഗീകാരം ലഭിച്ച കഥകളി അഭ്യസിപ്പിക്കുന്ന ഒരു കഥകളിയോഗം പ്രവർത്തിക്കുന്ന എന്റെ ഗ്രാമത്തിന്റെ നട്ടെല്ല് കൃഷി ആണ്. വിദ്യാഭ്യാസത്തിന് ഈ പ്രദേശത്തെ സംഭാവന ചെറുതായി കാണുന്നതല്ല. ആരോഗ്യമേഖലയിലും ഈ ഗ്രാമത്തിൽ മികച്ച പുരോഗതി കൈവരിക്കാൻ സാധിച്ചു. ലോകപ്രശസ്ത ദാദാസാഹിബ് ഫാൽക്കെ അവാർഡ് ജേതാവുമായ ശ്രീ അടൂർ ഗോപാലകൃഷ്ണൻ കർണാടകസംഗീതത്തിൽ സ്വന്തം വ്യക്തിമുദ്ര പതിപ്പിച്ച ഡോക്ടർ മണക്കാല ഗോപാലകൃഷ്ണൻ എന്നിവർക്ക് ജന്മം നൽകാനുള്ള ഭാഗ്യം എന്റെ ഗ്രാമത്തിന് ഉണ്ടായി. എന്റെ ഗ്രാമത്തിന് കേരളത്തിന് നൽകാൻ കഴിയുന്ന ഏറ്റവും വലിയ സംഭാവനയാണ് ഈ രണ്ടു മഹാപുരുഷന്മാർ. ഐതിഹ്യ സ്മരണകൾ നിലനിർത്തുന്ന ധാരാളം ചരിത്രശേഷിപ്പുകൾ ഗ്രാമത്തിൽ ഇന്ന് ദർശിക്കാൻ സാധിക്കും.
4 ക്ലാസ് മുറികളും ഒരു വലിയ ഹാളും ഉൾപ്പെടുന്ന നാല് പഴയ കെട്ടിടങ്ങളും, S.S.A. യിൽ നിന്ന് ലഭിച്ച പുതിയ 4 ക്ലാസ് മുറികൾ ഉൾപ്പെടുന്ന ഒരു കെട്ടിടവും ഇപ്പോൾ നിലവിലുണ്ട്. ഇതു കൂടാതെ ഒരു ഓഫീസ് മുറിയും ഉണ്ട്. ചിറ്റയം ഗോപകുമാർ എംഎൽഎ യുടെ പ്രവർത്തന ഫണ്ടിൽനിന്നും 4 ക്ലാസ് മുറികൾക്ക് കൂടി അനുമതി കിട്ടിയിട്ടുണ്ട്. കൂടുതൽ വയിക്കുക
അടൂർ ഉപജില്ലയിലെ ഏറ്റവും കൂടുതൽ വിദ്യാർഥികൾ ഉള്ള എൽ.പി സ്കൂളുകളാണ് ഗവൺമെൻറ് എൽ.പി.എസ് ചൂരക്കോട്. പാഠ്യ പാഠ്യേതര വിഷയങ്ങളിൽ ഏറ്റവും മികവു പുലർത്തുന്ന സ്കൂളാണ്. ക്വിസ് മത്സരങ്ങളിലും കലാമേളകളിലും, കായിക മേളയിലും, ശാസ്ത്ര ഗണിത ശാസ്ത്ര പ്രവൃത്തി പരിചയ മേളയിലും ഉൾപ്പെടെ അടൂർ ഉപജില്ലയിൽ ഒന്നാം സ്ഥാനം നേടിയിട്ടുണ്ട്. കൂടുതൽ വായിക്കുക
സ്കൂളിൽ സയൻസ് ക്ലബ് പ്രവർത്തനങ്ങൾ വളരെ ഭംഗിയായി നടത്താറുണ്ട്. സയൻസ് പ്രവർത്തനങ്ങൾക്കായി അധ്യാപകരെ ചുമതലപ്പെടുത്തിയിട്ടുണ്ട്. സുജ ടീച്ചർ, അശ്വതി ടീച്ചർ, ഗോപിക ടീച്ചർ, എന്നിവർക്കാണ് ചുമതല.കൂടുതൽ വായിക്കുക.
സ്കൂളിൽ വിദ്യാരംഗം പ്രവർത്തനങ്ങൾ ഭംഗിയായി നടത്താറുണ്ട്. രാധിക ടീച്ചർ ആണ് ഇതിന്റെ ചുമതല. പ്രവർത്തനങ്ങളുടെ ഉദ്ഘാടനവും അതിനുശേഷം പലതരത്തിലുള്ള പരിപാടികളും സംഘടിപ്പിക്കാറുണ്ട്. വളരെ പ്രശസ്തരായ വ്യക്തികളുടെ പങ്കെടുപ്പിച്ചു കൊണ്ടാണ് പരിപാടികൾ പരിപാടികൾ സംഘടിപ്പിക്കാറുള്ളത്. കലാ -കായിക രംഗങ്ങളിൽ മികവ് പുലർത്തുന്നവരെയാണ് ക്ഷണിക്കാറുള്ളത്.കൂടുതൽ വായിക്കുക
സ്കൂളിൽ ഗണിത ക്ലബ് പ്രവർത്തനങ്ങൾ നടത്താറുണ്ട്. ഗീത ടീച്ചർ, സുജാത ടീച്ചർ ദിവ്യ ടീച്ചർ എന്നിവരെയാണ് ഇതിനായി ചുമതലപ്പെടുത്തിയിരിക്കുന്നത്. മാസത്തിൽ രണ്ടു ദിവസം കുട്ടികൾക്കായി വേണ്ട പ്രവർത്തനങ്ങൾ ഇവർ നൽകാറുണ്ട്. പസിലുകൾ രൂപീകരിക്കുക, ഗണിത ചിത്രങ്ങളുടെ നിർമ്മാണം,ഗണിത വസ്തുതകളുടെ ശേഖരണം, ഇവ നടത്താറുണ്ട്. ചതുഷ്ക്രിയകൾ ഉറപ്പിക്കുന്നതിന് വേണ്ട ഗണിത കളികളും ചെയ്യാറുണ്ട്.കൂടുതൽ വായിക്കുക
സ്കൂൾ പരിസ്ഥിതിക്ക് പ്രവർത്തനങ്ങൾ നടക്കാറുണ്ട്. പ്രമീള ടീച്ചർ, ഏലിയാമ്മ ടീച്ചർ, മഞ്ജു ടീച്ചർ, ജസീറ ടീച്ചർ, എന്നിവർക്കാണ് പരിസ്ഥിതി ക്ലബ് പ്രവർത്തനങ്ങളുടെ ചുമതല നൽകിയിരിക്കുന്നത്. പരിസ്ഥിതി ക്ലബ്ബിൻറെ പ്രവർത്തനങ്ങൾ എല്ലാം വളരെ കൃത്യമായി നടത്താറുണ്ട്. പോസ്റ്റർ നിർമ്മാണം, ഡ്രൈ ഡേ ആചരണം, വിശേഷദിവസങ്ങളിൽ റാലികൾ സംഘടിപ്പിക്കുക തുടങ്ങി വ്യത്യസ്തമായ പ്രവർത്തനങ്ങൾ നടത്താറുണ്ട്. സ്കൂളും പരിസരവും വൃത്തിയാക്കുന്നതിനും സ്കൂളിലെ പൂന്തോട്ടം വൃത്തിയാക്കുന്നതിനും പരിസ്ഥിതി ക്ലബ്ബംഗങ്ങൾ വളരെയധികം സന്തോഷത്തോടെ പ്രവർത്തിക്കാറുണ്ട്. കൂടുതൽ വായിക്കുക
അടൂർ ഉപജില്ലാ കലോത്സവത്തിൽ ഒന്നാം സ്ഥാനവും ഓവറാൾ കിരീടവും. ശാസ്ത്രോത്സവം പ്രവർത്തിപരിചയമേള, സാമൂഹ്യശാസ്ത്രമേള, ഗണിതശാസ്ത്രമേള എന്നിവയിൽ ഓവറോൾ കിരീടം. അക്ഷരമുറ്റം ക്വിസ്, ജനയുഗം ക്വിസ് എന്നിവയിൽ സംസ്ഥാനതല വിജയം. സ്വദേശി ക്വിസ് ജില്ലാതല വിജയികൾ. യൂറിക്ക വിജ്ഞാനോത്സവം പരിപാടിയിൽ ഒന്നു മുതൽ ആറു സ്ഥാനങ്ങൾ നേടിയ 10 കുട്ടികൾ ഞങ്ങളുടെ സ്കൂളിൽ നിന്ന്. എൽ. എസ്. എസ്. സ്കോളർഷിപ്പ് 15 കുട്ടികൾക്ക് സ്കോളർഷിപ്പ് നേടാൻ കഴിഞ്ഞു. കൂടുതൽ വായിക്കുക
ഡോക്ടർ. ശ്രീ മണക്കാല ഗോപാലകൃഷ്ണൻപ്രശസ്ത ചലച്ചിത്ര സംഗീത സംവിധായകനും സംഗീതജ്ഞനും ആയ ഡോക്ടർ. ശ്രീ മണക്കാല ഗോപാലകൃഷ്ണൻ സാർ. ഉള്ളൂരിന്റെ പ്രേമ സംഗീതത്തിലൂടെ സാഹിത്യത്തെ സംഗീതത്തിലൂടെ ആവിഷ്കരിക്കുകയാണ് പ്രശസ്ത കർണാടക സംഗീതജ്ഞയും ഡോക്ടർ മണക്കാല ഗോപാലകൃഷ്ണൻ സാർ. അദ്ദേഹം പ്രശസ്തരായ പൂർവവിദ്യാർത്ഥികൾ ഒരാളാണ്
