വയനാട് ജില്ലയിലെ സുൽത്താൻ ബത്തേരി ഉപജില്ലയിൽ പള്ളിത്താഴെ എന്ന സ്ഥലത്ത് സ്ഥിതിചെയ്യുന്ന ഒരു സർക്കാർ യു.പി വിദ്യാലയമാണ് ഉദയ ജി യു പി എസ് ശശിമല.
ചരിത്രം
കുടിയേറ്റ ജനതയുടെ അശ്രാന്തപരിശ്രമത്തിന്റെ ഫലമായി 1973 ൽ ഉദയ ഗവൺമെൻറ് യുപി സ്കൂൾ സ്ഥാപിതമായി സമൂഹത്തിൻറെ ചിരകാല അഭിലാഷമായിരുന്ന ഈ വിദ്യാലയം നിർമ്മിക്കുന്നതിന് സന്മനസ്സുകൾ സ്ഥലം വിട്ടു കൊടുക്കുകയും കെട്ടിടം സ്ഥാപിതമാവുകയും ചെയ്തു.വിദ്യാലയത്തിലെ ആദ്യ പ്രധാനാധ്യപകൻ ശ്രീ. അപ്പുണ്ണി മാസ്റ്റർ ആയിരുന്നു. കൂടുതൽ വായിക്കുക
ഭൗതികസൗകര്യങ്ങൾ
സാമൂഹികപരമായും വിദ്യാഭ്യാസപരമായി വളരെ പിന്നോക്കം നിന്നിരുന്ന വയനാട് ജില്ലയിലെ മുള്ളൻകൊല്ലി പഞ്ചായത്തിൽ ചണ്ണോത്ത് കൊല്ലി, കാപ്പി പാടി, എപിജെ നഗർ, മാടപ്പള്ളികുന്ന് കോളനികളിലെ കുട്ടികൾ ഉൾപ്പെടെ ആകെ 71 കുട്ടികൾ ഇന്ന് ഈ സ്കൂളിൽ പഠിക്കുന്നു. ഇതിൽ 39 ആൺകുട്ടികളും 32 പെൺകുട്ടികളും ഉണ്ട്. ഒന്നു മുതൽ 7 വരെ ക്ലാസുകൾ പ്രവർത്തിക്കുന്നുണ്ട് അധ്യാപകരും ഓഫീസ് അറ്റൻഡ് മെന്റർ ടീച്ചറും ഇവിടെ ജീവനക്കാരായി ഉണ്ട്. കലാകായിക പ്രവർത്തനങ്ങളിലും അക്കാദമിക പ്രവർത്തനങ്ങളിലും ഈ വിദ്യാലയം മികച്ച നിലവാരം പുലർത്തുന്നു.
ആകെ 8 ക്ലാസ് റൂമുകൾ സ്കൂളിൽ ഉണ്ട്. അതിനുപുറമേ ഇന്ററാക്ടിവ് വൈറ്റ് ബോർഡ് ഉൾപ്പെടെയുള്ള ഒരു സ്മാർട്ട് ക്ലാസ്സ് റൂം രണ്ട് പ്രോജക്ട്റുകൾ 13 ലാപ്ടോപ്പുകൾ നാല് കമ്പ്യൂട്ടറുകൾ, സൗണ്ട് സിസ്റ്റം എന്നിവ സ്കൂളിലുണ്ട്. ആൺകുട്ടികൾക്കും പെൺകുട്ടികൾക്കും പ്രത്യേകം ടോയ്ലറ്റ് സൗകര്യം, അധ്യാപകർക്ക് പ്രത്യേക ടോയ്ലറ്റ്, വാഷിംഗ് ഏരിയ, വൃത്തിയും എല്ലാവിധ സൗകര്യങ്ങളും ഉള്ള സ്കൂൾ കഞ്ഞിപ്പുര, ചുറ്റുമതിലുള്ള വിശാലമായ സ്കൂൾ കളിസ്ഥലം എന്നിവയുമുണ്ട്. 5000ത്തിലധികം പുസ്തകങ്ങൾ ഉള്ള സ്കൂൾ ലൈബ്രറി, സ്കൂൾ ശാസ്ത്ര ലാബ്, ഗണിത ലാബ് എന്നിവയും സുഗമമായ രീതിയിൽ പ്രവർത്തിക്കുന്നു.
പാഠ്യേതര പ്രവർത്തനങ്ങൾ
സാംസ്കാരികാവബോധം വളർത്തി, മാനവികമായ കാഴ്ചപ്പാടുകൾ രൂപീകരിച്ച്, സാമൂഹിക പ്രതിബദ്ധതയുള്ള തലമുറയെ വളർത്തിയെടുക്കാൻ പുസ്തക പഠനം മാത്രം പോരാ. കുട്ടിയുടെ പരിപൂർണ വികാസത്തിന് അവസരമുണ്ടാകണം. സ്കൂൾ പാഠ്യപദ്ധതിയിൽ, കലാ, കായിക, പ്രവൃത്തി പരിചയമേഖലകൾ ഉൾക്കൊള്ളിച്ചിട്ടുണ്ടെങ്കിലും, ഈ മേഖലകളിലുള്ള കഴിവുകൾ തിരിച്ചറിഞ്ഞ്, അവയെ പുഷ്ടിപ്പെടുത്താനുള്ള അവസരങ്ങൾ വേണം. അതിനുള്ള വേദികളൊരുക്കുകയാണ് പാഠ്യേതര പ്രവർത്തനങ്ങളുടെ ലക്ഷ്യം. കലാ, കായിക, പ്രവൃത്തി പരിചയ രംഗങ്ങളിലും, ശാസ്ത്ര, സാഹിത്യ മേഖലകളിലും കുട്ടികളെ കൈ പിടിച്ചുയർത്താനാവശ്യമായ വിവിധ പ്രവർത്തനങ്ങൾ സ്കൂൾ സോഷ്യൽ സർവീസ് സ്കീമിന്റെ നേതൃത്വത്തിലും, വിവിധ ക്ലബ്ബുകളുടെ നേതൃത്വത്തിലും, ദിനാചരണങ്ങളിലൂടെയും സംഘടിപ്പിച്ചു വരുന്നു. സ്കൂളിന്റെ തനത് പ്രവർത്തനങ്ങൾ പലതും അതുല്യങ്ങളായിരുന്നു.
