യൂ.പി.എസ്. ഇലകമൺ

പ്രോജക്ടുകൾ
തിരികെ വിദ്യാലയത്തിലേക്ക്	(സഹായം)
എന്റെ ഗ്രാമം	(സഹായം)
നാടോടി വിജ്ഞാനകോശം	(സഹായം)
സ്കൂൾ പത്രം	(സഹായം)
അക്ഷരവൃക്ഷം	(സഹായം)
ഓർമ്മക്കുറിപ്പുകൾ	(സഹായം)
എന്റെ വിദ്യാലയം	(സഹായം)
Say No To Drugs Campaign	(സഹായം)
ഹൈടെക് വിദ്യാലയം	(സഹായം)
കുഞ്ഞെഴുത്തുകൾ	(സഹായം)

യൂ.പി.എസ്. ഇലകമൺ
യൂ.പി.എസ്. ഇലകമൺ
	മാനേജർ. എസ്. സുഷമ
വിലാസം
	ഇലകമൺ; ഇലകമൺ യു പി എസ്, ഇലകമൺ പി ഒ, പിൻ. 695310, ഇലകമൺ പി.ഒ., 695310, തിരുവനന്തപുരം ജില്ല
സ്ഥാപിതം	1921
വിവരങ്ങൾ
ഫോൺ	0470 2665040
ഇമെയിൽ	elakamonupsvarkala@gmail.com
വെബ്‍സൈറ്റ്	ഉപജില്ല=വർക്കല
കോഡുകൾ
സ്കൂൾ കോഡ്	42250 (സമേതം)
യുഡൈസ് കോഡ്	32141200205
വിക്കിഡാറ്റ	Q64037937
വിദ്യാഭ്യാസ ഭരണസംവിധാനം
റവന്യൂ ജില്ല	തിരുവനന്തപുരം
വിദ്യാഭ്യാസ ജില്ല	ആറ്റിങ്ങൽ
ഭരണസംവിധാനം
ലോകസഭാമണ്ഡലം	ആറ്റിങ്ങൽ
നിയമസഭാമണ്ഡലം	വർക്കല
താലൂക്ക്	വർക്കല
ബ്ലോക്ക് പഞ്ചായത്ത്	വർക്കല
തദ്ദേശസ്വയംഭരണസ്ഥാപനം	ഇലകമൺ പഞ്ചായത്ത്
വാർഡ്	5
സ്കൂൾ ഭരണ വിഭാഗം
സ്കൂൾ ഭരണ വിഭാഗം	എയ്ഡഡ്
സ്കൂൾ വിഭാഗം	പൊതുവിദ്യാലയം
പഠന വിഭാഗങ്ങൾ	യു.പി
സ്കൂൾ തലം	5 മുതൽ 7 വരെ
മാദ്ധ്യമം	മലയാളം, ഇംഗ്ലീഷ്
സ്ഥിതിവിവരക്കണക്ക് ;
ആൺകുട്ടികൾ	44
പെൺകുട്ടികൾ	52
ആകെ വിദ്യാർത്ഥികൾ	96
അദ്ധ്യാപകർ	7
സ്കൂൾ നേതൃത്വം
പ്രധാന അദ്ധ്യാപിക	ബിജിയ കുമാരി എസ് ആർ
പി.ടി.എ. പ്രസിഡണ്ട്	ബഷീറ
എം.പി.ടി.എ. പ്രസിഡണ്ട്	ഷൈമ
അവസാനം തിരുത്തിയത്
20-11-2023	Shobha009

2021-22 ലെ സ്കൂൾവിക്കി പുരസ്കാരം നേടുന്നതിനായി മൽസരിച്ച വിദ്യാലയം.

സ്കൂൾ

ഇലകമൺ യു പി എസ് തിരുവനന്തപുരം ജില്ലയുടെ വടക്കേ അറ്റത്ത് ഇലകമൺ പഞ്ചായത്തിലാണ് സ്ഥിതി ചെയ്യുന്നത്. ആറ്റിങ്ങൽ വിദ്യാഭ്യാസ ജില്ലയിലെ വർക്കല സബ് ജില്ലയിലാണ് ഈ സ്കൂൾ. ശതാബ്ദിയുടെ നിറവിൽ നിൽക്കുന്നനഇലകമൺ യു പി എസ് വിവിധ മേഖലയിൽ സേവനം ചെയ്യുന്ന ഒട്ടനവധി പ്രഗത്ഭരുടെ പ്രാഥമിക വിദ്യാഭ്യാസത്തിന് വേദിയായി.

ചരിത്രം

ഇലകമൺ യൂ പി എസ് 1921 ൽ സ്ഥാപിതമായി. ശ്രീ അച്യുതക്കുറുപ്പുശാസ്ത്രികൾ ആണ് ഇലകമൺ യുപിഎസ് സ്ഥാപിച്ചത്. ആംഗലേയ വിദ്യാലയം എന്ന് ശാസ്ത്രികളുടെ മാതൃഭൂമി എന്ന പുസ്തകത്തിൽ പരാമർശിക്കുന്ന ഈ സ്കൂളിനെ ഇന്നും നാട്ടുകാർ ഇംഗ്ലീഷ് പള്ളിക്കൂടം എന്നു വിളിക്കുന്നു. ശ്രീ ശ്രീകണ്ഠേശ്വരം രാമൻപിള്ള ആയിരുന്നു ആദ്യ ഹെഡ്മാസ്റ്റർ. സാമൂഹ്യമായി വളരെ പിന്നാക്കമായിരുന്നു അക്കാലത്ത് ഇലകമൺ ഗ്രാമം. പഠിക്കാൻ കുട്ടികൾ ഇല്ലാത്തതിനാൽ 1927 ൽ സ്കൂളിന്റെ പ്രവർത്തനം നിലച്ചു. സ്കൂൾ ഏറ്റെടുത്തു നടത്തുവാൻ ശാസ്ത്രികൾ ശ്രീനാരായണഗുരുവിനോട് അഭ്യർത്ഥിച്ചതായി ശാസ്ത്രികളുടെ ഡയറിക്കുറുപ്പുകളിൽ കാണുന്നു. അതിന് ഫലം കാണത്തതിനാൽ എൻ എസ് എസ് സ്കൂൾ എറ്റെടുക്കണം എന്നഭ്യർത്ഥിച്ച് മന്നത്തു പത്മനാഭൻ നെ കാണുകയുണ്ടായി. അതും ഫലം കണ്ടില്ല. പ്രവർത്തനം നിലച്ച സ്കൂൾ വീണ്ടും പ്രവർത്തനം തുടങ്ങിയത് 1952 ലാണ്. രാണ്ടാം ലോക മഹായുദ്ധവും ഇന്ത്യയുടെ സ്വാതന്ത്ര്യ ലബ്ധിയും ഇലകമണിലെ സാമൂഹ്യചുറ്റുപാടുകളെയും മാറ്റി. ഒട്ടേറെപ്പേർ കേരളത്തിനു വെളിയിൽ ജോലിക്കായി പോകുകയുണ്ടായി. നവോത്ഥാനഫലങ്ങൾ അനുഭവിച്ചു തുടങ്ങിയ ഈ സാഹചര്യത്തിൽ സ്കൂൾ പുത്തനുണർവ്വിൽ പ്രവർത്തിച്ചു. ശ്രീ ശിവരാമപിള്ളയായിരുന്നു അന്ന് ഹെഡ്മാസ്റ്റർ. ശതാബ്ദിയുടെ നിറവിൽ ഇന്നും സ്കൂൾ നല്ല നിലയിൽ പ്രവർത്തിക്കുന്നു. അഞ്ചിലും ആറിലും ഏഴിലും മലയാളവും ഇംഗ്ലീഷും മീഡിയവും ക്ലാസുകൾ ഉണ്ട്.

സ്ഥാപക മാനേജറായ അച്യുതക്കുറുപ്പു ശാസ്ത്രികളുടെ നിര്യാണത്തെ തുടർന്ന് അദ്ദേഹം വിഭാവനം ചെയ്ത അച്യുതക്കുറുപ്പുശാസ്ത്രി മെമ്മോറിയൽ എഡ്യൂക്കേഷണൽ ട്രസ്റ്റ് രൂപീകരിക്കുകയുണ്ടായി. ഈ ട്രസ്റ്റിന്റെ കീഴിലാണ് സ്കൂൾ മാനേജ്മെന്റ് ഇപ്പോൾ പ്രവർത്തിക്കുന്നത്. അച്യുതക്കുറുപ്പ് ശാസ്ത്രികളുടെ മരണശേഷം ട്രസ്റ്റിന്റെ ആദ്യ ചെയർമാനും അച്യുതക്കുറുപ്പു ശാസ്ത്രികളുടെ മകനുമായ എ. കമലാനന്ദക്കുറുപ്പ് 1985 ൽ ഇലകമൺ യു പി എസ് മാനേജറായി. തുടർന്ന് എ. സദാഭദ്രക്കുറുപ്പ്, എ. സദാശുഭപ്പിള്ള, എ. സദാലംബിക പിള്ള എന്നിവർ മാനേജറായി. സ്കൂളിന്റെ ഇപ്പോഴത്തെ മാനേജർ എസ്. സുഷമയാണ്. കൂടുതൽ അറിയാൻ

ഭൗതികസൗകര്യങ്ങൾ

2020ൽ ഉദ്ഘാടനം ചെയ്യപ്പെട്ട ശതാബ്ദി സ്മാരക കെട്ടിടത്തിൽ എല്ലാ ആധുനിക സൗകര്യങ്ങളുമുണ്ട്. പ്രമുഖ വ്യക്തികൾ വൃക്ഷത്തൈകൾ നട്ടുകൊണ്ടാണ് പുതിയ കെട്ടിടത്തിന്റെ ഉദ്ഘാടനം നിർവ്വഹിച്ചത്. എല്ലാ റൂമിലും ഡിജിറ്റൽ സങ്കേതിക സംവിധാനം ഉണ്ട്. പ്രൊജക്ടർ, ഇന്റർനെറ്റ് കണക് ഷൻ എന്നിവ എല്ലാ ക്ലാസ് റൂമിലുമുണ്ട്. നവീകരിച്ച ലൈബ്രറി പ്രശസ്ത സാഹിത്യകാരൻ ബെന്യാമിൻ ഉദ്ഘാടനം ചെയ്തു. ആധുനിക ലബോറട്ടറി, കംപ്യൂട്ടർ റൂം എന്നിവയും പുതിയ കെട്ടിടത്തിൽ ഉണ്ട്. ലൈബ്രറിയിൽ ടി വി യും സ്ഥാപിച്ചിട്ടുണ്ട്. ലൈബ്രറിയിൽ മലയാളത്തിലെ പ്രശസ്ത സാഹിത്യകാരന്മാരുടെ ചിത്രങ്ങൾ സ്ഥാപിച്ചിട്ടുണ്ട്. എല്ലാ ക്ലാസ് റൂമിലും ലോക പ്രശസ്ത ശാസ്ത്രജ്ഞരുടെ ചിത്രങ്ങൾ പെയിന്റ് ചെയ്ത് വച്ചിട്ടുണ്ട്. ഗാന്ധിജി, നാരായണ ഗുരു, അംബേദ്ക്കർ, അയ്യൻകാളി. വക്കം അബ്ദുൾഖാദർ മൗലവി എന്നിവരുടെ ചിത്രങ്ങൾ പ്രമുഖ ചിത്രകാരൻ ഷൈജു വരച്ചത് സ്കൂൾ ഭിത്തിയിൽ അറിവും അലങ്കാരവുമായി ഏവരുടേയും ശ്രദ്ധയെ ആകർഷിക്കുന്നു. ഓഫീസ് റൂമിൽ സ്ഥാപക മാനേജർ അച്യുതക്കുറുപ്പ് ശാസ്തികളുടേയും സ്വാമി വിവേകാനന്ദൻ , രവീന്ദ്രനാഥ ടാഗോർ, ജവഹർലാൽ നെഹ്രു, ഡാക്ടർ എസ്. രാധാകൃഷ്ണൻ, മൗലാനാ അബ്ദുൾ കലാം ആസാദ് എന്നിവരുടെയും ഛായാ ചിത്രങ്ങൾ സ്ഥാപിച്ചിട്ടുണ്ട്. തണൽ മരങ്ങളും ഉദ്യാനവും കുട്ടികൾക്ക് പ്രിയങ്കരമായ അന്തരീക്ഷം നൽകുന്നു. വിശാലമായ കളിസ്ഥലവും സ്കൂളിനോടനുബന്ധിച്ചുണ്ട്.

പാഠ്യേതര പ്രവർത്തനങ്ങൾ

വിവിധ ക്ലബ്ബുകളുടെ ആഭിമുഖ്യത്തിൽ ഗവേഷണാത്മകമായ ഒട്ടേറെ പ്രവർത്തനങ്ങൾ നടക്കുന്നു. സോഷ്യൽ സയൻസ് ക്ലബ്ബിന്റെ ആഭിമുഖ്യത്തിൽ പ്രാദേശിക ചരിത്ര രചന ഇലകമൺ ദേശത്തിന്റെ കഥ എന്ന പേരിൽ പ്രസിദ്ധീകരിക്കുകയുണ്ടായി. സയൻസ് ക്ലബ്ബിന്റെ ആഭിമുഖ്യത്തിൽ ഓരോ കുട്ടിയും അസംബ്ലിയിൽ ഒരു പരീക്ഷണം ചെയ്യുന്നപ്രവർത്തനം നടത്തിയിരുന്നു. 2021- 22 അദ്ധ്യായന വർഷം ശാസ്ത്രരരംഗം മത്സരത്തിൽ വിസ്മയ അനിലിന് സബ്ജില്ലാതലത്തിൽ ചരിത്ര രചനയ്ക്കും അനാമികാ സുരേഷിന് പ്രൊജക്ടിനും സനയ്യയ്ക്ക് പ്രവർത്തി പരിചയത്തിനും സമ്മാനം നേടുകയുണ്ടായി. വിദ്യാരംഗം കലാമേളയിൽ അക്ഷര R R കവിതാ രചനയ്ക്ക് സമ്മാനം നേടുകയുണ്ടായി.

2019-20 അദ്ധ്യായന വർഷം OUT OF THE BOX എന്ന പേരിലും 2021-22 അദ്ധ്യായനവർഷം EDU FEST എന്ന പേരിലും നടന്ന ക്യാമ്പുകൾ വിജ്ഞാനവും വിനോദവും പ്രദാനം ചെയ്തു. കുട്ടികളുടെ മാനസിക ബൗദ്ധിക ശേഷി വർദ്ധനയ്ക്കും ആത്മ വിശ്വാസത്തിനും ക്യാമ്പുകൾ ഉപകരിച്ചു

OUT OF THE BOX ക്യാമ്പിൽ നാടകപരിശീലനം, ചിത്രരചന, അനായാസം ഇംഗ്ലീഷ് എന്നിവയ്ക്കു പുറമേ മനഃശാസ്ത്രജ്ഞരും ആരോഗ്യ പ്രവർത്തകരും പങ്കെടുത്ത ആരോഗ്യ ക്യാമ്പും ഉണ്ടായിരുന്നു.

EDU FEST ക്യാമ്പിൽ കുട്ടിക്കര വിരുത് എന്ന പ്രവർത്തി പരിചയ പരിശീലന ക്ലാസ്, ഗണിതം, ഇംഗ്ലീഷ് എന്നീ ക്ലാസുകൾക്ക് പുറമേ സംഗീതം, സിനിമ എന്നീ വിഷയങ്ങളിലും വിദഗ്ദ്ധർ ക്ലാസുകൾ എടുത്തു. കുരിപ്പുഴ ശ്രീകുമാർ കുട്ടികൾക്കൊപ്പം എന്ന പരിപാടി ഏറെ ആകർഷകമായി. കൂടാതെ നിർമ്മിത ബുദ്ധിയുടെ അനന്ത സാധ്യാതകൾ, പോസിറ്റീവ് പേരെന്റിങ്ങ് എന്നിവയിലും ക്ലാസുകൾ ഉണ്ടായിരുന്നു.

പ്രവർത്തിക്കുന്ന വിവിധ ക്ലബ്ബുകൾ

വിദ്യാരംഗം സാഹിത്യ കലാവേദി
ശാസ്ത്രരംഗം
ഭാഷാക്ലബ്ബുകൾ
ഗണിതക്ലബ്ബ്
എനർജിക്ലബ്ബ്
പരിസ്ഥിതി ക്ലബ്ബ്
ശാസ്ത്രക്ലബ്ബ്
എക്കോക്ലബ്ബ്
ഗാന്ധി ദർശൻ

വിവിധ ദിനാചരണങ്ങൾ ക്ലബ്ബുകളുടെ ആഭിമുഖ്യത്തിൽ നടന്നു വരുന്നു. ക്വിസ് പ്രോഗ്രാം, ചിത്രരചന, പ്രസംഗം, കവിതാലാപനം, പതിപ്പുകൾ തയ്യാറാക്കൽ തുടങ്ങിയ പ്രവർത്തനങ്ങൾ ദിനാചരണങ്ങളോടനുബന്ധിച്ച് നടക്കുന്നു. എക്കോക്ലബ്ബ് മരങ്ങൾ നട്ട് പരിപാലിക്കുന്നതിലും ഉദ്യാനപരിപാലനത്തിലുമ ശ്രദ്ധിക്കുന്നു. പിരിസ്ശിതി ദിനത്തിന് വർഷം തോറും വൃക്ഷത്തെകൾ നടുകയും പോസ്റ്റർ പ്രദർശനം, കവിതാലാപനം, ചിത്രരചന, ഫിലിം പ്രദർശനം എന്നിവ നടത്തുകയും ചെയ്യുന്നു.

മുൻ സാരഥികൾ- മുൻ പ്രഥമാദ്ധ്യാപകർ

ശ്രീകണ്ഠേശ്വരം രാമൻപിള്ള, ശിവരാമപിള്ള, എ കമലാനന്ദക്കുറുപ്പ്, എ സദാവാസക്കുറുപ്പ്, പി. വാസുപിള്ള, ആർ. സുധീശ് കുമാർ(സുധീശ് രാഘവൻ), ആർ സുധി, എസ് കെ ഗീത

പ്രശസ്തരായ പൂർവ്വവിദ്യാർത്ഥികൾ

Dr. K. വിജയൻ ആശാരി (Professor and Endowed Chair at University of Dayton, USA),

Prof. M. കരുണാകരൻ(Dewaswam College, Sasthamkotta)

R.K. ശശിധരൻ( Agriculture Department)

K K രവീന്ദ്രനാഥ്, N പത്മാക്ഷി, V സുമംഗല ( മുൻ പഞ്ചായത്ത് പ്രസിഡന്റുമാർ)

V രഞ്ജിത്(തിരുവനന്തപുരം ജില്ലാ പഞ്ചായത്ത് മുൻ വിദ്യാഭ്യാസ ആരോഗ്യ സ്ററാന്റിംഗ് കമ്മിറ്റി ചെയർമാൻ

ലെനിൻ രാജ്(ബ്ലോക്ക് പഞ്ചായത്ത് വൈസ് പ്രസിഡന്റ്)

സുധീശ് രാഘവൻ( നോവലിസ്റ്റ്)

ചിത്രശാല

ശതാബ്ദി സ്മാരക കെട്ടിടത്തിന്റെ ശിലാസ്ഥാപനം
ചരിത്രപുസ്തകവുമായി അദ്ധ്യാപകർ
ജില്ലാ പഞ്ചായത്ത് അംഗം ഗീതാ നസീർ ഡാക്ടർ എസ് സുലൈമാന് പുസ്തകം നൽകുന്നു

വഴികാട്ടി

അടുത്തുള്ള റയിൽവേസ്റ്റേഷൻ വർക്കലയും പരവൂരും
വർക്കല - അയിരൂർ - ഊന്നിൻമൂട് - പരവൂർ റോഡ്
- അയിരൂരിൽ നിന്ന് 2.5 കിലോ മീറ്റർ
- പരവൂർ നിന്ന് 8.3 കിലോമീറ്റർ
- വർക്കല റയിൽവേസ്റ്റേഷനിൽ നിന്ന് 6.2 കിലോമീറ്റർ
നാഷണൽ ഹൈവേയിൽ പാരിപ്പള്ളിയിൽ നിന്നും 6.3 കിലോമീറ്റർ