എ. യു. പി. എസ്. കണ്ണാറ

Google Translation

സ്കൂൾ

സൗകര്യങ്ങൾ

പ്രവർത്തനങ്ങൾ

ക്ലബ്ബുകൾ

ചരിത്രം

അംഗീകാരം

എ. യു. പി. എസ്. കണ്ണാറ
വിലാസം
കണ്ണാറ കണ്ണാറ പി.ഒ. , 680652 , തൃശ്ശൂർ ജില്ല
സ്ഥാപിതം	1955
വിവരങ്ങൾ
ഫോൺ	0487 2698317
ഇമെയിൽ	aupskannara@gmail.com
കോഡുകൾ
സ്കൂൾ കോഡ്	22456 (സമേതം)
യുഡൈസ് കോഡ്	32071205901
വിക്കിഡാറ്റ	Q64091360
വിദ്യാഭ്യാസ ഭരണസംവിധാനം
റവന്യൂ ജില്ല	തൃശ്ശൂർ
വിദ്യാഭ്യാസ ജില്ല	തൃശ്ശൂർ
ഉപജില്ല	തൃശ്ശൂർ ഈസ്റ്റ്
ഭരണസംവിധാനം
ലോകസഭാമണ്ഡലം	തൃശ്ശൂർ
നിയമസഭാമണ്ഡലം	ഒല്ലൂർ
താലൂക്ക്	തൃശ്ശൂർ
തദ്ദേശസ്വയംഭരണസ്ഥാപനം	പാണഞ്ചേരി, പഞ്ചായത്ത്
സ്കൂൾ ഭരണ വിഭാഗം
സ്കൂൾ ഭരണ വിഭാഗം	എയ്ഡഡ്
സ്കൂൾ വിഭാഗം	പൊതുവിദ്യാലയം
പഠന വിഭാഗങ്ങൾ	എൽ.പി യു.പി
സ്കൂൾ തലം	1 മുതൽ 7 വരെ
മാദ്ധ്യമം	മലയാളം
സ്ഥിതിവിവരക്കണക്ക്
ആൺകുട്ടികൾ	65
പെൺകുട്ടികൾ	62
ആകെ വിദ്യാർത്ഥികൾ	127
സ്കൂൾ നേതൃത്വം
പ്രധാന അദ്ധ്യാപിക	മേഴ്‍സി വർഗ്ഗീസ്
പി.ടി.എ. പ്രസിഡണ്ട്	എം പി വർഗ്ഗീസ്
എം.പി.ടി.എ. പ്രസിഡണ്ട്	രജനി വി ആർ
അവസാനം തിരുത്തിയത്
30-07-2025	9895023175

പ്രോജക്ടുകൾ
അക്കാദമിക മാസ്റ്റർപ്ലാൻ (സഹായം)
എന്റെ ഗ്രാമം (സഹായം)
സ്കൂൾ പത്രം (സഹായം)
തിരികെ വിദ്യാലയത്തിലേക്ക് (സഹായം)
അക്ഷരവൃക്ഷം (സഹായം)
ഓർമ്മക്കുറിപ്പുകൾ (സഹായം)
എന്റെ വിദ്യാലയം (സഹായം?) ഹൈടെക് വിദ്യാലയം (സഹായം) നാടോടി വിജ്ഞാനകോശം (സഹായം) Say No To Drugs Campaign (സഹായം)

ജില്ലയിലെ ഏറ്റവും പഴക്കമേറിയ വിദ്യാലയങ്ങളിലൊന്നാണ്.

ചരിത്രം

      കണ്ണാറ ഒരു കൊച്ചു ഗ്രാമമാണെങ്കിലും അന്തർദേശീയ തലത്തിൽ പോലും

പ്രസിദ്ധി നേടിയ വനഗവേഷണ കേന്ദ്രം,വാഴ ഗവേഷണ കേന്ദ്രം,അടക്ക ഗവേഷണ കേന്ദ്രം എന്നീ ബൃഹത്ത് സ്ഥാപനങ്ങളുടെ കേന്ദ്രബിന്ദു എന്നോണം ഈ വിദ്യാലയം നിലയുറപ്പിച്ചിരിക്കുന്നു.50വർഷം മുമ്പ് ഈ പ്രദേശം തികച്ചും വനനിബിഡമായിരുന്നു.രണ്ടാം ലോകമഹായുദ്ധവും 1940ലെ കൊടുംകാറ്റും വെള്ളപ്പൊക്കവും രാജ്യത്തെ ഭക്ഷ്യക്ഷാമം രൂക്ഷമാക്കി.1942ൽ കൊച്ചി തമ്പുരാൻ ഹിൽപാഡി സ്കീം പ്രഖ്യാപിച്ചു.ഇതനുസരിച്ച് കൊടുങ്കാറ്റിൽ മരങ്ങൾ കടപുഴകിവീണ വനപ്രദേശങ്ങളിൽ കാടു വെട്ടി തെളിയിച്ച് കൃഷിയിറക്കാൻ സർക്കാർ അനുവാദം കൊടുത്തു.അതേതുടർന്ന്തി രുവിതാംകൂറിൽ നിന്നും മറ്റും ധാരാളമായി കർഷകർ ഇവിടെ കുടിയേറി കാടുവെട്ടി കൃഷിയാരംഭിച്ചു.ഇത് ചലനാത്മകമായ ഒരു സാമൂഹ്യാവസ്ഥ ഇവിടെ കൊണ്ടുവന്നു.ഇത്തരമൊരു കാർഷികവികാസത്തോടൊപ്പം ഈ നാടിനെ സ്വന്തം തട്ടകമായി പുൽകിയ മഹത്മാവാണ് കെ.എസ്.മാരാർ, സ്വന്തം തറവാട്ടുവകയായി 300 ഏക്കർ കൃഷി ഭൂമി അദ്ദേഹത്തിന് ഈ പ്രദേശത്ത് ഉണ്ടായിരുന്നു.ക്രാന്തദർശിയായ അദ്ദേഹം എരച്ചുംപാറയിൽ തീർത്ത ചെറിയ അണക്കെട്ടാണ് പീച്ചി ഡാമിന്റെ നിർമ്മാണത്തിന് പ്രേരകമായത്.1957ൽ ജവഹർലാൽ നെഹ്റു പീച്ചി ഡാം രാഷ്ട്രത്തിന് സമർപ്പിച്ചു.പീച്ചി ഡാമിനോടൊപ്പം കണ്ണാറ പാലവും പണിതു.അങ്ങനെ കണ്ണാറയിലും പരിസരപ്രദേശങ്ങളും ജനവാസ കേന്ദ്രങ്ങളായി മാറി.

         മണലിപ്പുഴയുടെ തീരത്ത് ഉയർന്നു വന്ന് ഈ ഗ്രാമീണ സംസ്കാരം ശക്തിപ്പെടുത്തുന്നതിന് വിദ്യാഭ്യാസ സൗകര്യം അനിവാര്യമായി തീർന്നു.ഈ വെല്ലുവിളി സധൈര്യം ഏറ്റെടുത്ത് ശ്രീ.കെ.എസ്.മാരാർ സ്ഥാപിച്ചതാണ് ഈ കലാലയം. 1955 ജൂലയ് 18-ാം തിയ്യതി ഈ കലാലയത്തിന് സർക്കാർ അംഗീകാരം ലഭിച്ചു. പരേതനായ കരുണാകരൻ മാസ്റ്റർ ഹെഡ്മാസ്റ്ററായി 200-ാളം കുട്ടികളും ഒന്നും രണ്ടും ക്ലാസ്സുകളുമായി പ്രവർത്തനം ആരംഭിച്ച ഈ കലാലയം അനേകം പ്രതിഭകളെ ഈ നാടിന് സമ്മാനിച്ചു.ഉയർച്ച താഴ്ചകൾ താണ്ടി ഇന്ന് 7 ഡിവിഷനുകളിലായി 200-ഓളം കുട്ടികൾ ഇവിടെ പഠിക്കുന്നു.സ്കൂളിന്റെ സ്തുത്യർഹമായ സേവനത്തിൽ ഈ

നാട്ടിലെ ജനങ്ങളോടൊപ്പം തന്നെ പൂർവ്വഗുരുക്കന്മാരും പങ്കാളികളാണ്.ആരംഭത്തിൽ പ്രധാന അദ്ധ്യാപകനായി ചുമതല വഹിച്ചത് സി.കെ.കരുണാകരമേനോനായിരുന്നു. 43 അദ്ധ്യാപകർ അവരുടെ മികവ് തെളിയിച്ച് സ്കൂളിൽ നിന്നും വിടവാങ്ങിപ്പോയി. 1955 മുതൽ 2001 വർഷം വരെ ശ്രീ.കരുണാകരമേനോൻ, ശ്രീ.സി.ടി.ഔസേപ്പ്,ശ്രീ.ഗോപാലൻ മാസ്റ്റർ,ശ്രീമതി കെ.എൽ.മേരി, സി.ആർ.സുഭദ്ര,ടി.സരള,കെ.പത്മാവതി,വി.ടി.റോസ,സി.എ.മേരി, പി.ജി.ഏലിയാമ,കെ.കെ.ബെറ്റി എന്നിവർ വിവിധ കാലങ്ങളായി പ്രധാന അദ്ധ്യാപകരായി സേവനം അനുഷ്ഠിച്ചു.മുൻകാലങ്ങളിൽ അദ്ധ്യാപകരായിരുന്ന പലരും ഇന്ന് നമ്മളെ വിട്ടു പോയിരിക്കുന്നു.സ്കൂൾ തുടങ്ങിയ കാലം മുതൽ പ്യൂൺ പദവിയിൽ ഉണ്ടായിരുന്ന നായർ ബാലൻ നായരും ഇന്ന് നമ്മോടൊപ്പമില്ല.അവരുടെ സ്മരണക്കുമുന്നിൽ ആദരാഞ്ജലികൾ.

      1980-ാമാണ്ടിൽ ഈ വിദ്യാലയം രജതജൂബിലി ആഘോഷിക്കുകയുണ്ടായി. 1600-ഓളം വിദ്യാർത്ഥികൾ ആ കാലഘട്ടത്തിൽ ഇവിടെ വിദ്യ അഭ്യസിച്ചിരുന്നു. വകുപ്പിന്റെയും പല പ്രവർത്തനങ്ങളും ഈ സ്കൂളിൽ നടപ്പാക്കുകയുണ്ടായിച്ചിരുന്നു. ശ്രീ.കെ.എസ്.മാരാർ മികച്ച സാമൂഹ്യ പ്രവർത്തകനും പ്രഗൽഭനായ കർഷകനുമായിരുന്നു.അതിനാൽ സാംസ്കാരിക വകുപ്പിന്റെയും കാർഷിക വകുപ്പിന്റെയും പല പ്രവർത്തനങ്ങളും ഈ സ്കൂളിൽ നടപ്പാക്കുകയുണ്ടായി.

ഭൗതികസൗകര്യങ്ങൾ

തൃശ്ശൂരിൽ നിന്ന് പീച്ചിയിലേക്കുള്ള യാത്രാമധ്യേ കണ്ണാറ സെന്ററിനോട് ചേർന്ന് ഏകദേശം ഒന്നര ഏക്കർ സ്ഥലത്താണ് കണ്ണാറ എയ്ഡഡ് അപ്പർ പ്രൈമറി സ്കൂൾ സ്ഥിതി ചെയ്യുന്നത്. ഇന്ന് ഈ സ്കൂളിന് ധാരാളം രൂപ പരിണാമം വന്നിരിക്കുന്നു. സ്കൂൾ നിൽക്കുന്ന സ്ഥലത്തിന്റെ മധ്യ ഭാഗത്തേക്ക് കവാടം മാറ്റി സ്ഥാപിക്കുകയും, തുടങ്ങിയ കാലം മുതൽ ഓഫീസിൽ നില നിന്നഇരുന്ന കെട്ടിടം പൊളിച്ചു മാറ്റുകയും ചെയ്തിരിക്കുന്നു. ഇന്ന് ഈ സ്കൂളിൽ ഒന്നും മുതൽ ഏഴ് വരെ, ഏഴ് ക്ലാസ്സുകളും ഒരു എൽ.കെ.ജി യും ഒരു യു.കെ.ജി യും പ്രവർത്തിച്ചു വരുന്നു. ഏകദേശം പതിനാല് ക്ലാസ് മുറികളും ആകർഷകമായ ഒരു ഊട്ട് പുരയും ഈ സ്കൂളിൽ നിലവിലുണ്ട്. അതുപോലെ കുട്ടികൾക്ക് കളിക്കാനുള്ള ഒരു ചെറിയ ഫുട്ബോൾ ഗ്രൗണ്ട് , ബാത്രൂം കോംപ്ലക്സ് , കുട്ടികൾക്കായുള്ള പാർക്ക് തുടങ്ങിയവ ഈ സ്കൂളിന്റെ പുരോഗതിയിലേക്ക് വിരൽ ചൂണ്ടുന്ന കാര്യങ്ങളാണ്. വിവിധ തരത്തിലുള്ള തണൽ മരങ്ങൾ നിറഞ്ഞ അന്തരീക്ഷം ഈ സ്കൂളിനെ മറ്റു സ്കൂളുകളിൽ നിന്ന് വ്യത്യസ്തമാക്കുന്നു. നിലവിൽ പാണഞ്ചേരി സർവീസ് കോഓപ്പറേറ്റീവ് ബാങ്കിന്റെ ശക്തമായ നേതൃത്ത്വത്തിൽ വിദ്യാർത്ഥി സൗഹൃദ അന്തരീക്ഷത്തിൽ ഈ നാട്ടിലെ മുഴുവൻ ആളുകളുടെയും അനുഗ്രഹാശിസുകളോടെ ഈ വിദ്യാലയം മുന്നോട്ട് പൊയ്ക്കൊണ്ടിരുന്നു.