"ജി യു പി എസ് ചായ്പ്പൻകുഴി" എന്ന താളിന്റെ പതിപ്പുകൾ തമ്മിലുള്ള വ്യത്യാസം

തൃശ്ശൂർ ജില്ലയിലെ ചാലക്കുടി താലൂക്കിന്റെ കിഴക്കേ അറ്റത്തായി ഇപ്പോൾ കുറ്റിച്ചിറ വില്ലേജിൽ പീലാർമുഴിയുടേയും കാരാപ്പാടത്തിന്റേയും, പുളിങ്കര, രണ്ടുകൈ, വീരഞ്ചിറ, ചൂളക്കടവ്, എന്നി ഗ്രാമങ്ങളുടേയും ഇടയിൽ സ്ഥിതിചെയ്യുന്ന പ്രശാന്തസുന്ദരമായ ഒരു ഗ്രാമമാണ് ചായ്പൻകുഴി. ഈ കൊച്ചു ഗ്രാമത്തെ സംരക്ഷിക്കാനെന്ന മട്ടിൽ നാലു ഭാഗത്തുമായി കുമ്പിളാൻ മുടി മല, മാരാൻങ്കോട് തേക്കിൻ തോട്ടം, കോർമല, ചൂളക്കടവ് മല എന്നീ മലകൾ തലയുയർത്തി പ്രൗഢഗംഭീരമായി നിലകൊള്ളുന്നു. മലയോര ഗ്രാമമായ ചായ്പൻകുഴിക്ക് ആദ്യകാലത്ത് കുടിപള്ളികൂടങ്ങളല്ലാതെ വിദ്യാഭ്യാസ സ്ഥാപനങ്ങൾ ഒന്നും തന്നെ ഇല്ലായിരുന്നു. പുതുതായി സ്കൂൾ അനുവദിക്കണമെങ്കിൽ സ്ഥലവും, കെട്ടിടവും, ഉപകരണങ്ങളും കണ്ടെത്തി കൈമാറണം എന്ന ഗവൺമെന്റ് നിർദ്ദേശം വന്നപ്പോൾ പ്രദേശത്തെ ആദ്യ റജിസ്ട്രേഡ് സംഘടനയായ 1274 ാം നമ്പർ SNDP ശാഖയിലെ നേതാക്കളുടെ നേതൃത്വത്തിൽ ചായ്പൻകുഴിയിൽ 80 സെന്റ് സ്ഥലം വാങ്ങി താൽകാലിക ഷെഡ് പണിത് സർക്കാരിന് കൈമാറുകയും തിരുവനന്തപുരത്ത് പോയി അംഗീകാരം നേടുകയും ചെയ്തു. ഈ സ്ഥാപനത്തിന്റെ മുഴുവൻ പണികളും ശ്രമദാനമായിട്ടാണ് ചെയ്തത്. അങ്ങനെ 1962-63 വർഷത്തിൽ ചായ്പൻകുഴി ഗവൺമെന്റ് എൽ.പി സ്കൂൾ നിലവിൽ വന്നു. എ.ഗോപാലമേനോൻ പ്രഥമപ്രധാന അധ്യാപകനായി നിയമിതനായി.  

പിന്നീട് എൽ.പി.സ്ക്കൂൾ, യു.പി.സ്ക്കൂളായി ഉയർത്തുന്നതിനെകുറിച്ച് ആലോചിക്കുകയും അതിനുള്ള നടപടികൾ ആരംഭിക്കുകയും ചെയ്തു. ജനങ്ങളിൽ നിന്നും പണം പിരിച്ചെടുത്ത് കെട്ടിട നിർമ്മാണം തുടങ്ങി. 1983-84 വർഷത്തിൽ ഈ സ്ഥാപനം യു.പി. സ്ക്കൂളായി ഉയർത്തി.

== നേട്ടങ്ങൾ, അവാർഡുകൾ ==

*2008-09 വർഷത്തിൽ ചാലക്കുടി ഉപജില്ലയിലെ മികച്ച സ്കൂളായി തിരഞ്ഞെടുക്കപ്പെട്ടു.

*2021 UP മലയാളം ഓൺലൈൻ വായന കൂട്ടായ്മയായ കർണികാരത്തിന്റെ ഭാഗമായി  ആറാംക്ലാസ് വിദ്യാർത്തിയായ ശ്രെയസ് KS ന്റെ ചിത്രപ്രദർശനം നടക്കുകയും ചിത്രങ്ങൾ വിറ്റ തുകകൊണ്ട് സഹപാഠിക്ക് ഫോൺ വാങ്ങിക്കൊടുക്കുവാൻ കഴിയുകയും ചെയ്തു.