ഗവ എൽ പി എസ് പാങ്ങോട്

സ്കൂൾ

സൗകര്യങ്ങൾ

പ്രവർത്തനങ്ങൾ

ക്ലബ്ബുകൾ

ചരിത്രം

അംഗീകാരം

ഇംഗ്ലീഷ് വിലാസം

https://schoolwiki.in/Govt._L.P.S._Pangode

ഗവ എൽ പി എസ് പാങ്ങോട്
school ‎
വിലാസം
ഗവ.എൽ.പി.എസ്സ് പാങ്ങോട് കല്ലറ , പാങ്ങോട് പി.ഒ. , 695609 , തിരുവനന്തപുരം ജില്ല
സ്ഥാപിതം	10 - 05 - 1948
വിവരങ്ങൾ
ഫോൺ	0472 2869022
ഇമെയിൽ	glpspangodepalode@gmail.com
കോഡുകൾ
സ്കൂൾ കോഡ്	42641 (സമേതം)
യുഡൈസ് കോഡ്	32140800605
വിക്കിഡാറ്റ	Q64035580
വിദ്യാഭ്യാസ ഭരണസംവിധാനം
റവന്യൂ ജില്ല	തിരുവനന്തപുരം
വിദ്യാഭ്യാസ ജില്ല	ആറ്റിങ്ങൽ
ഉപജില്ല	പാലോട്
ഭരണസംവിധാനം
ലോകസഭാമണ്ഡലം	ആറ്റിങ്ങൽ
നിയമസഭാമണ്ഡലം	വാമനപുരം
താലൂക്ക്	നെടുമങ്ങാട്
ബ്ലോക്ക് പഞ്ചായത്ത്	വാമനപുരം
തദ്ദേശസ്വയംഭരണസ്ഥാപനം	പാങ്ങോട് പഞ്ചായത്ത്
വാർഡ്	18
സ്കൂൾ ഭരണ വിഭാഗം
സ്കൂൾ ഭരണ വിഭാഗം	സർക്കാർ
സ്കൂൾ വിഭാഗം	പൊതുവിദ്യാലയം
പഠന വിഭാഗങ്ങൾ	എൽ.പി
സ്കൂൾ തലം	1 മുതൽ 5 വരെ
മാദ്ധ്യമം	മലയാളം, ഇംഗ്ലീഷ്
സ്ഥിതിവിവരക്കണക്ക്
ആൺകുട്ടികൾ	227
പെൺകുട്ടികൾ	226
അദ്ധ്യാപകർ	16
സ്കൂൾ നേതൃത്വം
പ്രധാന അദ്ധ്യാപകൻ	നൗഷാദ് എം.എച്ച്
പി.ടി.എ. പ്രസിഡണ്ട്	അബുബക്കർ
എം.പി.ടി.എ. പ്രസിഡണ്ട്	സുലഭ
അവസാനം തിരുത്തിയത്
27-02-2022	43439

പ്രോജക്ടുകൾ
തിരികെ വിദ്യാലയത്തിലേക്ക്	(സഹായം)
എന്റെ ഗ്രാമം	(സഹായം)
നാടോടി വിജ്ഞാനകോശം	(സഹായം)
സ്കൂൾ പത്രം	(സഹായം)
അക്ഷരവൃക്ഷം	(സഹായം)
ഓർമ്മക്കുറിപ്പുകൾ	(സഹായം)
എന്റെ വിദ്യാലയം	(സഹായം)
Say No To Drugs Campaign	(സഹായം)
ഹൈടെക് വിദ്യാലയം	(സഹായം)
കുഞ്ഞെഴുത്തുകൾ	(സഹായം)

ചരിത്രം

കഴിഞ്ഞ 68 വർഷമായി തിരുവനന്തപുരം ജില്ലയിലെ വിദ്യാഭ്യാസ രംഗത്ത് പഠന- പഠനാനുബന്ധമേഖലയിൽ ഒരേപോലെ സ്തുത്യർഹമായ പ്രവർത്തനം കാഴ്ചവയ്ക്കുന്ന എൽ. പി. സ്കൂളുകളിൽ ഒന്നാണ് ഗവണ്മെന്റ് എൽ. പി. എസ്. പാങ്ങോട്. തിരുവനന്തപുരം ജില്ലയിൽ നെടുമങ്ങാട് താലൂക്കിൽ, പാങ്ങോട് ഗ്രാമപഞ്ചായത്തിന്റെ ഹൃദയഭാഗത്ത് തല ഉയർത്തിനിൽക്കുന്ന ഈ വിദ്യാഭ്യാസ സ്ഥാപനം 1948 - ൽ സ്ഥാപിതമായി. കൂടുതൽ വായിക്കുക പട്ടികജാതിക്കാരും മറ്റു പിന്നോക്ക സമുദായക്കാരും ധാരാളമുള്ള പാങ്ങോട് പ്രദേശത്തു മതിര, തൂറ്റിക്കൽ, വാഴത്തോപ്പുപച്ച, കൊച്ചാലുംമൂട്, പാലുവള്ളി എന്നീപ്രദേശങ്ങളിലുള്ള വിദ്യാർത്ഥികൾക്കായി ഈ സ്കൂൾ സ്ഥാപിതമായി. ആദ്യം മതിര, താഴെ പാങ്ങോട് റോഡ് തിരിയുന്ന ഭാഗത്ത് ഒരു സ്വകാര്യ വ്യക്തിയുടെ കെട്ടിടത്തിലാണ് പ്രവർത്തനം തുടങ്ങിയത്. പിന്നീട് എൽ. പി. എസ്. ജംഗ്ഷനിൽ ഒരു ഷെഡ് കെട്ടി അതിലേക്കു മാറി. തുടർന്ന് കല്ലറ പാങ്ങോട് സ്വാതന്ത്ര്യസമര നായകരിൽ ഒരാളായ പരേതനായ മുഹമ്മദ് ഹനീഫ ലബ്ബ അവര്കളുടെയും നാട്ടുകാരുടെയും ആത്മാർത്ഥമായ ശ്രമഫലമായാണ് 50 സെന്റ് സ്ഥലം സ്കൂളിന് സ്വന്തമായി ലഭിച്ചതും ഇന്ന് കാണുന്ന സ്ഥലത്തേക്ക് സ്കൂൾ പ്രവർത്തനങ്ങൾ ആരംഭിച്ചതും. മുസ്ലിം പെൺകുട്ടികളിൽ പലരും പ്രാഥമിക വിദ്യാഭ്യാസം പോലും ചെയ്യാതിരുന്ന പ്രദേശത്ത് പിൽക്കാലത്തു 60 % ലേറെ മുസ്ലിം കുട്ടികളുള്ള വിദ്യാലയങ്ങൾക്ക് അന്നത്തെ വിദ്യാഭ്യാസ മന്ത്രിയായിരുന്ന ശ്രീ. സി. എച്ച്. മുഹമ്മദ് കോയ പ്രത്യേക മുസ്ലിം പദവി നൽകി. രാവിലെ 10 .30 മുതൽ വൈകുന്നേരം 4.30 വരെ പഠന സമയവും വെള്ളിയാഴ്ച അവധിയും പകരം ശനി പ്രവൃത്തിദിവസവും ആയിട്ടാണ് അധ്യയനക്രമം നടന്നത്. റംസാൻ അവധിയും മുസ്ലിം എൽ. പി. എസ്. എന്നുള്ള പേരും അന്നത്തെ ഹെഡ്മാസ്റ്റർ ആയിരുന്ന ജനാബ് ജമാൽ മുഹമ്മദ് സ്വീകരിച്ചില്ല. 1980 കളിൽ അധ്യയന സമയക്രമം 10 മുതൽ 4 വരെ എന്നാക്കി. 2004 ൽ വെള്ളിയാഴ്ച ദിവസത്തെ അവധി മാറ്റുകയും പകരം ശനി പ്രവൃത്തിദിവസമാക്കുകയും ചെയ്തു. തുടക്കം ഒന്ന് മുതൽ അഞ്ചാം ക്ലാസ് വരെ ഉണ്ടായിരുന്ന ഇവിടെ ഗവണ്മെന്റ് ഓർഡർ പ്രകാരം അഞ്ചാം ക്ലാസ് 62 - 63 കാലത്തു നിർത്തലാക്കി. എന്നാൽ അന്നത്തെ പാങ്ങോട് ഗ്രാമപഞ്ചായത്തു പ്രസിഡന്റായിരുന്ന യു. സൈനുദ്ദീൻ തുടങ്ങിയവരുടെ ഇടപെടൽ മൂലം വീണ്ടും അഞ്ചാം ക്ലാസ് അനുവദിക്കുകയുണ്ടായി. 22 ഡിവിഷൻ വരെയുണ്ടായിരുന്ന ഇവിടെ ആദ്യകാലത്തു 1 മുതൽ 4 വരെ ഷിഫ്റ്റ് സമ്പ്രദായമായിരുന്നു.

ഭൗതികസൗകര്യങ്ങൾ

പ്രീ പ്രൈമറി, ക്രെഷ്, ഒന്ന് മുതൽ അഞ്ചാം ക്ലാസ് വരെ

മികവുകൾ

പാലോട് സബ് ജില്ലാ കലോത്സവം, ശാസ്ത്രോത്സവം, കായികോത്സവം, വിദ്യാരംഗം മത്സരങ്ങളിൽ മികച്ച വിജയം നിലനിർത്തിപ്പോരുന്നു. ഇക്കഴിഞ്ഞ ശാസ്ത്രോത്സവത്തിൽ രണ്ടാം സ്ഥാനവും, കലോത്സവത്തിൽ അറബിക് മേളയിൽ ഒന്നാം സ്ഥാനവും കരസ്ഥമാക്കി. മറ്റു വിദ്യാരംഗം, യുറീക്ക, മറ്റു ക്വിസ് മത്സരങ്ങളിൽ മികച്ച വിജയം കരസ്ഥമാക്കിപ്പോരുന്നു. കഴിഞ്ഞ വർഷങ്ങളിൽ നിന്നും കുട്ടികളുടെ എണ്ണത്തിൽ ഗണ്യമായ വർദ്ധനവ് ഉണ്ടായിട്ടുണ്ട്

പ്രശസ്തരായ പൂർവവിദ്യാർത്ഥികൾ

1. അബ്ദുൽ റഷീദ് (ക്യാപ്റ്റൻ റഷീദ്): പാങ്ങോട് പഴവിള സ്വദേശി. പ്രീഡിഗ്രി വിദ്യാഭ്യാസത്തിനു ശേഷം ആർമിയിൽ ചേര്ന്നു. കേണൽ പദവിയിൽ എത്തി വിരമിച്ചു. ഒമാൻ ഗവണ്മെന്റിന്റെ റിക്രൂട്ടിങ് ഓഫീസറായി പ്രവർത്തിച്ചിട്ടുണ്ട്. 2. എ. അബ്ദുൽ അസീസ് : പാങ്ങോട് ഉളിയംകോട് സ്വദേശി. ഡിഗ്രി പഠനത്തിന് ശേഷം പോലീസ് സേനയിൽ സബ് ഇൻസ്‌പെക്ടർ ആയി ചേർന്നു. ഡി. വൈ. എസ്. പി. ആയി വിരമിച്ചു. പത്മശ്രീ ജേതാവാണ്. 3. ഡോ. എ. സലാഹുദീൻ : എസ്. എസ്. എൽ. സി., ടി. ടി. സി. കഴിഞ്ഞ് പ്രൈമറി അദ്ധ്യാപകനായി., പി. എച്ച്. ഡി. എടുത്തു. പ്രൊഫസ്സർ ആയി വിരമിച്ചു. 4. അഡ്വ. എച്ച്.എ. ഷറഫ്. : തിരുവനന്തപുരം ജില്ലാ പഞ്ചായത്ത് വിദ്യാഭ്യാസ സ്റ്റാന്റിംഗ് കമ്മിറ്റി ചെയർമാൻ ആയിരുന്നു. 5. ഡോ. എ. ഫത്തഹുദീൻ (കാർഡിയോളോജിസ്റ്)  : പുലിപ്പാറ പാങ്ങോട്. ഹൃദ്രോഗ വിദഗ്ധൻ. 6. ഡോ. ഹാരിസ്: യൂറോളജിസ്റ് 7. എം. ഷറഫുദീൻ : ഈ സ്കൂളിൽ പഠിച്ച്‌ ഈ സ്കൂളിൽ തന്നെ അദ്ധ്യാപകനായി ജോലി നോക്കുകയും ഇവിടെ തന്നെ പ്രഥമാദ്ധ്യാപകനായി വിരമിക്കുകയും ചെയ്തു.

വഴികാട്ടി

വിദ്യാലയത്തിലേക്ക് എത്തുന്നതിനുള്ള മാർഗ്ഗങ്ങൾ

• കാരേറ്റ്-പാലോട് റൂട്ടിൽ പാങ്ങോട് ജംഗ്ഷനിൽ പാങ്ങോട് പഴവിള റൂട്ടിൽ 400 മീറ്റർ സഞ്ചരിക്കണം.

{{#multimaps:8.764119, 76.960786|zoom=8}}

|}