ഗവ.മോഡൽ എൽ.പി.എസ്സ് മെഴുവേലി

2021-22 ലെ സ്കൂൾവിക്കി പുരസ്കാരം നേടുന്നതിനായി മൽസരിച്ച വിദ്യാലയം.

സ്കൂൾ

സൗകര്യങ്ങൾ

പ്രവർത്തനങ്ങൾ

ക്ലബ്ബുകൾ

ചരിത്രം

അംഗീകാരം

ഗവ.മോഡൽ എൽ.പി.എസ്സ് മെഴുവേലി
വിലാസം
മെഴുവേലി GOVERNMENT MODEL LPS MEZHUVELI , മെഴുവേലി പി.ഒ. , 689507 , പത്തനംതിട്ട ജില്ല
സ്ഥാപിതം	1914
വിവരങ്ങൾ
ഫോൺ	0468 2288886
ഇമെയിൽ	gmlpsmezhuveli8@gmail.com
വെബ്‍സൈറ്റ്	gmlpsmezhuveli@gmail.com
കോഡുകൾ
സ്കൂൾ കോഡ്	37407 (സമേതം)
യുഡൈസ് കോഡ്	32120200105
വിക്കിഡാറ്റ	Q87593855
വിദ്യാഭ്യാസ ഭരണസംവിധാനം
റവന്യൂ ജില്ല	പത്തനംതിട്ട
വിദ്യാഭ്യാസ ജില്ല	തിരുവല്ല
ഉപജില്ല	ആറന്മുള
ഭരണസംവിധാനം
ലോകസഭാമണ്ഡലം	പത്തനംതിട്ട
നിയമസഭാമണ്ഡലം	ആറന്മുള
താലൂക്ക്	കോഴഞ്ചേരി
ബ്ലോക്ക് പഞ്ചായത്ത്	പന്തളം
തദ്ദേശസ്വയംഭരണസ്ഥാപനം	പഞ്ചായത്ത്മെഴുവേലി
വാർഡ്	5
സ്കൂൾ ഭരണ വിഭാഗം
സ്കൂൾ ഭരണ വിഭാഗം	സർക്കാർ
സ്കൂൾ വിഭാഗം	പൊതുവിദ്യാലയം
പഠന വിഭാഗങ്ങൾ	എൽ.പി
സ്കൂൾ തലം	1 മുതൽ 4 വരെ
മാദ്ധ്യമം	മലയാളം, ഇംഗ്ലീഷ്
സ്ഥിതിവിവരക്കണക്ക്
ആൺകുട്ടികൾ	55
പെൺകുട്ടികൾ	54
ആകെ വിദ്യാർത്ഥികൾ	109
അദ്ധ്യാപകർ	5
സ്കൂൾ നേതൃത്വം
പ്രധാന അദ്ധ്യാപിക	സീമ മാത്യു
പി.ടി.എ. പ്രസിഡണ്ട്	ബിബി പുന്നൂസ്
എം.പി.ടി.എ. പ്രസിഡണ്ട്	ലിജ എക്സി
അവസാനം തിരുത്തിയത്
12-03-2022	Gmlpswiki

പ്രോജക്ടുകൾ
തിരികെ വിദ്യാലയത്തിലേക്ക്	(സഹായം)
എന്റെ ഗ്രാമം	(സഹായം)
നാടോടി വിജ്ഞാനകോശം	(സഹായം)
സ്കൂൾ പത്രം	(സഹായം)
അക്ഷരവൃക്ഷം	(സഹായം)
ഓർമ്മക്കുറിപ്പുകൾ	(സഹായം)
എന്റെ വിദ്യാലയം	(സഹായം)
Say No To Drugs Campaign	(സഹായം)
ഹൈടെക് വിദ്യാലയം	(സഹായം)
കുഞ്ഞെഴുത്തുകൾ	(സഹായം)

ജില്ലയിലെ ഏറ്റവും പഴക്കമേറിയ വിദ്യാലയങ്ങളിലൊന്നാണ്.

പത്തനംതിട്ട ജില്ലയിൽ ആറന്മുള വിദ്യാഭ്യാസ ഉപജില്ലയിൽ ഉൾപ്പെടുന്നതും മെഴുവേലി പഞ്ചായത്തിൽ സ്ഥിതിചെയ്യുന്നതുമായ സരസ്വതിക്ഷേത്രമാണിത്.

മെഴുവേലി ഗവ. മോഡൽ എൽ പി സ്കൂൾ കഴിഞ്ഞ ഒരു നൂറ്റാണ്ട് കാലത്തിലധികമായി ഈ നാടിന്റെ സാംസ്ക്കാരികവും സാമൂഹ്യവും വിദ്യാഭ്യാസപരവുമായ പുരോഗതിയിൽ ഗണ്യമായ സ്വാധീനം ചെലുത്തിയ ഒരു മഹാസ്ഥാപനമാണ്. അനേകായിരങ്ങൾക്ക് അക്ഷര വെളിച്ചം നൽകി അറിവിന്റെ ലോകത്തേക്ക് പിടിച്ചുയർത്തിയ ഈ സരസ്വതീമന്ദിരം ഇന്നും ആ പഴയ പ്രൗഢി കൈവിടാതെ കാത്തുസൂക്ഷിക്കുന്നു.

ചരിത്രം

പത്തനംതിട്ട ജില്ലയിൽ ആറന്മുള വിദ്യാഭ്യാസ ഉപജില്ലയിൽ ഉൾപ്പെടുന്നതും മെഴുവേലി പഞ്ചായത്തിൽ സ്ഥിതിചെയ്യുന്നതുമായ സരസ്വതിക്ഷേത്രമാണിത്.

മെഴുവേലി ഗവ. മോഡൽ എൽ പി സ്കൂൾ കഴിഞ്ഞ ഒരു നൂറ്റാണ്ട് കാലത്തിലധികമായി ഈ നാടിന്റെ സാംസ്ക്കാരികവും സാമൂഹ്യവും വിദ്യാഭ്യാസപരവുമായ പുരോഗതിയിൽ ഗണ്യമായ സ്വാധീനം ചെലുത്തിയ ഒരു മഹാസ്ഥാപനമാണ്. അനേകായിരങ്ങൾക്ക് അക്ഷര വെളിച്ചം നൽകി അറിവിന്റെ ലോകത്തേക്ക് പിടിച്ചുയർത്തിയ ഈ സരസ്വതീമന്ദിരം ഇന്നും ആ പഴയ പ്രൗഢി കൈവിടാതെ കാത്തുസൂക്ഷിക്കുന്നു.

കൊല്ലവർഷം 1070-ൽ മെഴുവേലി വലിയ പള്ളിയോട് ചേർന്ന് രണ്ടാം ക്ലാസ്സ് വരെയുള്ള ഒരു പാഠശാല ആരം ഭിച്ചിരുന്നു. മലയാളദേശത്ത് മിഷനറി മാരുടെ ആഗമനത്തോടുകൂടി ദേവാലയങ്ങളോട് ചേർന്ന് ഇത്തരം പാഠശാലകൾ പതിവായിരുന്നു. പള്ളിയോട് ചേർന്ന് ആരംഭിച്ചിരുന്ന ഇത്തരം പാഠശാലകളെ പള്ളിക്കൂടം എന്ന് പൊതുവിൽ പറഞ്ഞിരുന്നു. മെഴുവേലി വലിയ പള്ളിയുടെ ചുമതലയിൽ ഈ പള്ളികൂടം കുറെ വർഷക്കാലം ഭംഗിയായി പ്രവർത്തിച്ചു. എന്നാൽ സർക്കാരിൽ നിന്നും അംഗീകാരം ലഭിച്ച് ഗ്രാന്റ് സ്കൂളായി മാറണമെങ്കിൽ ഈ വിദ്യാലയം പള്ളിയുടെ സ്ഥലത്തു നിന്നും മാറ്റി സ്ഥാപിക്കേണ്ട സാഹചര്യമുണ്ടായി.

നാട്ടുപ്രമാണിമാരും പൗരമുഖ്യരും കൂടി ആലോചിച്ചതിന്റെ ഫലമായി ഇപ്പോൾ മലങ്കാവ് പള്ളി നിൽക്കുന്ന സ്ഥലം സ്കൂളിനു ലഭിക്കുന്നതിനു വേണ്ടി പരിശ്രമിക്കുകയുണ്ടായി. എന്നാൽ ആ സ്ഥലം സ്കൂളിന് അനുയോജ്യമല്ലെന്ന കാരണത്താൽ സർക്കാരിൽ നിന്നും അനുമതി ലഭിച്ചില്ല. വിദ്യാലയം നാടിന് നഷ്ടപ്പെടും എന്ന സാഹചര്യമുണ്ടായി.

ഭാവി തലമുറയ്ക്ക് അക്ഷര ലോകത്തേക്ക് കടന്നുചെല്ലാൻ സാധിക്കാത്ത അവസ്ഥ പലരെയും അസ്വസ്ഥരാക്കി. മഹാമനസ്കനായ പൂങ്കിഴാ മണ്ണിൽ ശ്രീ. മാത്തൻ ചാക്കോ ദീർഘവീഷണത്തോടു കൂടി ഒരു തീരുമാനമെടുത്തു. തന്റെ വക 70 സെന്റ് സ്ഥലം സ്കൂൾ ആവശ്യത്തിനു വേണ്ടി ദാനമായി നൽകി. ആ ഉദാരമനസ്കതയുടെ ഫലമാണ് 1914 ൽ സ്ഥാപിതമായ മെഴു വേലി ഗവ. മോഡൽ എൽ.പി. സ്കൂൾ.

കൊല്ലവർഷം 1090-ൽ തിരുവിതാംകൂർ ഗവൺമെന്റിനു വേണ്ടി ദിവാൻജി അവർകളുടെ പേരിൽ ചെങ്ങന്നൂർ സബ് രജിസ്റ്റർ ആഫീസിൽ 2808-ാം നമ്പരായി രജിസ്റ്റർ ചെയ്ത് ആധാരത്തിൽ ഇപ്രകാരം കാണുന്നു. "കുട്ടികളുടെ വിദ്യാഭ്യാസത്തിന്റെ ഉപയോഗത്തിലേക്ക് ഒരു കെട്ടിടം പണിയിക്കുന്നതിനായി ഞങ്ങൾ മുതൽ പേർക്ക് പൂങ്കിഴാമണ്ണിൽ മാത്തൻ ചാക്കോ ഈയാണ്ട് മകരമാസം അഞ്ചാംതീയതി 1310-ാം നമ്പരായി രജിസ്റ്റർ ചെയ്ത് വാങ്ങിയിരിക്കുന്ന ദാനപത്രപ്രകാരം കൈവശം വച്ച് ഞങ്ങളുടെ പൊതു മുതൽ ചെലവ് പള്ളിക്കൂട കെട്ടിടം പണികഴിപ്പിച്ച് ബാക്കിയുള്ള സ്ഥലം പള്ളിക്കൂടത്തിന്റെ കോമ്പൗണ്ടായി ഉപയോഗപ്പെടുത്തിയിട്ടും ഇരിക്കുന്നതായി എന്നും തുടർന്ന് ഈ സ്ഥലത്ത് 90 അടി നീളവും 18 അടി വീതിയും 10 അടി പൊക്കവും കൽ ഭിത്തിയും മുൻ വശത്തും വടക്കു വശത്തും ആറടിവീതിയിൽ വരാന്തയും ആഞ്ഞിലി, പ്ലാവ് മുതലായ കട്ടിയും ബലവുമുള്ള മരങ്ങളാൽ മേക്കൂടുമായി പണികഴിപ്പിച്ചിട്ടുള്ള പള്ളിക്കൂടം ഒന്നിലും അതിൽ ഞങ്ങൾ പണി കഴിപ്പിച്ചിട്ടുള്ള ഡ്രോയോടുകൂടി മേശ ഒന്നും ഡ്രോയില്ലാത്തതായ മേശ നാലും, കസേര ഒന്നും, സ്റ്റൂൾ നാലും, രണ്ടരകോൽ നിളത്തിൽ ബഞ്ച് മുപ്പതും, നാലരഅടിനീളം മൂന്നേകാൽ അടിവീതിയിൽ ബോർഡ് അഞ്ചും അതിന്റെ സ്റ്റാന്റ് അഞ്ചും ഈ മരസാമാനങ്ങളിൽ മേലും ഞങ്ങൾക്കുള്ള സർവ്വഅവകാശവും ബാദ്ധ്യതയും യാതൊരു വ്യവസ്ഥയും കൂടാതെ വിദ്യാഭ്യാസത്തിന്റെ ഉപയോഗത്തിനായി ഗവൺമെന്റിലേക്ക് തീറായി ഒഴിഞ്ഞു നൽകിയിരിക്കുന്ന തായും " രേഖപ്പെടുത്തിയിരിക്കുന്നു.

കടവത്രയിൽ ദിവ്യ ശ്രീ. പെരുമാൾ തോമസ് കത്തനാർ, ഇഞ്ചക്കിലേത്ത് ദിവ്യശ്രീ കുര്യൻ മാത്യു കത്തനാർ, വിളയശ്ശേരിൽ വറുഗീസ് ചാണ്ടി, പുളിയേലിൽ തടിശ്ശേരിൽ വറുഗീസ് തോമസ് കറുകയിൽ നാരായണന്റെ അനന്തിരവൻ കേശവൻ എന്നിവരുടെ പേർക്ക് പൂങ്കിഴാമണ്ണിൽ മാത്തൻ ചാക്കോ ദാനപത്രപ്രകാരം കൊടുത്ത 70 സെന്റ് വസ്തുവകകൾ ഗവണ്മെന്റിലേക്ക് കെട്ടിടവും ഉപകരണങ്ങളും സഹിതം തീറെഴുതി നൽകി. അപ്രകാരം അക്കാലത്തെ ജനങ്ങളുടെ സ്ഥിരോത്സാഹത്തിന്റെയും കഠിനാദ്ധ്വാനത്തിന്റെയും പൂർത്തീകരണമാണ് ഈ വിദ്യാലയം.

ശ്രീനാരായണ ഗുരുസ്വാമികളുടെ അരുവിപ്പുറം പ്രതിഷ്ഠയോടുകൂടി കേരള ചരിത്രത്തിൽ ഒരു നവയുഗം പിറന്നു. ഗുരുസ്വാമികളെ കൂടാതെ ചട്ടമ്പിസ്വാമികൾ, വാക്ഭടാനന്ദസ്വാമികൾ, മഹാനായ അയ്യങ്കാളി, ക്രൈസ്തവ മിഷനറിമാർ തുടങ്ങിയവരുടെ പ്രവർത്തനങ്ങൾ കേരളീയ സമൂഹത്തെ പുതിയ ഒരു ചിന്താധാരയിലേക്ക് നയിച്ചു. ജാതിവ്യവസ്ഥയുടെയും ജന്മിത്വത്തിന്റെയും അനാചാരങ്ങളുടെയും കൂത്തരങ്ങായിരുന്ന കേരളനാട് പുതിയ ഒരുണർവ്വോടുകൂടി ഉയിർത്തെഴുന്നേറ്റ കാലമായിരുന്നു അത്. സാമൂഹ്യനീതിക്കും സ്വാതന്ത്ര്യ ത്തിനും വേണ്ടി ജനങ്ങൾ പൊരുതുവാൻ തുടങ്ങി. ഗ്രന്ഥശാലകളും വിദ്യാലയങ്ങളും നാട്ടിൽ ധാരാളമായി ഉടലെടുത്തു.

ഉത്തമരും ശ്രേഷ്ഠരുമായ പ്രഥമാധ്യാപകരുടെയും കർമ്മോത്സുകരും ത്യാഗമനസ്കരുമായ അധ്യാപകരുടെയും സേവനം കഴിഞ്ഞ കാലങ്ങളിൽ ഈ വിദ്യാലയത്തിന് ലഭിച്ചിട്ടുണ്ട്. അവരുടെ വിലയേറിയ സേവനങ്ങളെ ഇത്തരുണത്തിൽ നന്ദിപൂർവ്വം സ്മരിക്കുന്നു.

കുട്ടികൾ വർദ്ധിച്ച സാഹചര്യ ത്തിൽ 1942-ൽ മുകളിലത്തെ കെട്ടിടത്തിനു സമാന്തരമായി അതേ വലിപ്പത്തിൽ വേറൊരു കെട്ടിടം കൂടി സർക്കാരിന്റെ സഹായത്തോടുകൂടി നാട്ടുകാർ നിർമ്മിച്ചു.

1960 കാലഘട്ടത്തിൽ ഓലമേഞ്ഞ കെട്ടിടങ്ങൾ ഓടു മേയുകയുണ്ടായി. അക്കാലത്ത് 600 ൽ അധികം വിദ്യാർത്ഥികൾ അഭ്യസനം നടത്തിയിരുന്ന ഈ സ്ഥാപനം തിരുകൊച്ചിയിലെ രണ്ടാമത്തെ വിദ്യാലയമായിരുന്നു. ഈ നാടിന്റെ യശസ്സുയർത്തിയ പല പ്രഗ മതികളും ഈ വിദ്യാലയത്തിലെ പൂർവ്വവിദ്യാർത്ഥികളാണ്. ശ്രീ. കെ.വി. സ്കറിയ പ്രഥമാധ്യാപകനായിരുന്നപ്പോൾ 1968-ൽ ഈ വിദ്യാലയം മോഡൽ സ്കൂളായി ഉയർത്തപ്പെട്ടു.

1972, 2009 വർഷങ്ങളിൽ ആറന്മുള ഉപജില്ലാ കലോത്സവത്തിന് ഈ സ്കൂൾ വേദിയായി. പഠന പ്രവർത്തനങ്ങൾക്കൊപ്പം പാഠ്യേതര പ്രവർത്തനങ്ങൾക്കും പ്രാധാന്യം നൽകുന്ന ഈ വിദ്യാലയത്തിലെ കുട്ടികൾ പഠനത്തിലും കലാ-കായിക പ്രവർത്തനങ്ങളിലും മുന്നിട്ടു നിൽക്കുന്നു.

ബഹുജന പങ്കാളിത്തത്തോടെ എല്ലാ പ്രധാന ദിനങ്ങളും വളരെ വിപുലമായി നടത്തിക്കൊണ്ടിരിക്കുന്നു. ഈ ആഘോഷ പരിപാടികൾ ഏവരുടെയും ശ്രദ്ധയാകർഷിക്കുന്നതാണ്. പരിസ്ഥിതി, ആരോഗ്യം, സുരക്ഷ ക്ലബ്ബുകളും, വിദ്യാരംഗം കലാവേദി തുടങ്ങിയവ കാര്യക്ഷമമായി പ്രവർത്തിക്കുന്നു. ഓരോ ക്ലാസ്സിലും, വായനമൂല ഗണിതമൂല ക്രമീകരിച്ച് പഠനപ്രവർത്തനങ്ങൾ മെച്ചപ്പെടുത്തുന്നു. തിങ്കൾ, ബുധൻ,വെള്ളി ദിവസങ്ങളിൽ അസംബ്ലി (പ്രാർത്ഥന, മാസ്ഡ്രിൽ ,പ്രതിജ്ഞ, വാർത്തവായന, മഹത് വചനം തുടങ്ങിയവ ഉൾപ്പെടുത്തിയിരിക്കുന്നു). എല്ലാ വർഷവും പഠന യാത്ര സംഘടിപ്പിക്കുന്നു, മെഴുവേലി പഞ്ചായത്തിലെ ക്ലസ്റ്റർ റിസോഴ്സ് സെന്റർ കൂടിയാണ് ഈ വിദ്യാലയം.

ഭൗതികസൗകര്യങ്ങൾ

പ്രീ പ്രൈമറി മുതൽ 4-ാം ക്ലാസ് വരെ ഇംഗ്ലീഷ് മീഡിയത്തിൽ വിദ്യാർത്ഥികൾ പഠിക്കുന്ന ഈ സ്കൂളിൽ ശിശു സൗഹൃദ അന്തരീക്ഷം സൃഷ്ടിക്കാൻ മികച്ച പൂന്തോട്ടം, പാർക്ക്, കളിയുപകരണങ്ങൾ , സ്റ്റേജോടുകൂടിയ മിനി ഓഡിറ്റോറിയം, ജൈവവൈവിധ്യ ഉദ്യാനം, ശലഭോദ്യാനം എന്നിവയുണ്ട്. ശുദ്ധജല വിതരണത്തിനായി കിണർ , സ്കൂൾ കെട്ടിടത്തിൽ നിന്നും അകന്നു നിൽക്കുന്ന പാചകപ്പുര, ആൺകുട്ടികൾക്കും പെൺകുട്ടികൾക്കും പ്രത്യേകം വാഷിങ് ഏറിയയും റ്റോയിലറ്റുകളും അംഗ പരിമിതരായ കുട്ടികൾക്ക് ക്ലാസ് മുറിയോട് ചേർന്ന റ്റോയിലറ്റ് എന്നിവ ഈ വിദ്യാലയത്തിന്റെ പ്രത്യേകതകളായി പറയാം. എല്ലാ ക്ലാസുകളിലേക്കും പ്രത്യേകം ICT ഉപകരണങ്ങൾ, മികച്ച രീതിയിൽ സജ്ജമാക്കിയിരിക്കുന്ന IT ലാബ് പ്രത്യേക മുറിയിൽക്രമീകരിച്ചിരിക്കുന്ന പ്രധാനാധ്യാപികയുടെ മുറി അധ്യാപകർക്ക് പ്രത്യേക ഇരിപ്പിടങ്ങൾ എന്നിവയും ഈ സ്കൂളിലുണ്ട്.

മികച്ച വാഹന സൗകര്യവും നാടിന്റെ നാനാഭാഗത്തു നിന്നും സ്കൂളിലെത്തുന്നതിനുള്ള റോഡ് സൗകര്യവും വാഹന സൗകര്യവും ഈ സ്കൂളിനുണ്ട്..

മികവുകൾ

2013 മുതൽ തുടർച്ചയായ 4 വർഷം ആറന്മുള സബ് ജില്ലയിൽ മികച്ച പി ടി എ അവാർഡ് നേടിയിട്ടുള്ള സ്കൂളാണ് ഗവ.മോഡൽ എൽ പി സ്കൂൾ മെഴുവേലി.

സബ് ജില്ലാ കലോത്സവങ്ങളിൽ നിരവധി തവണ ഓവറോൾ ചാമ്പ്യൻമാരായ ഈ സ്കൂൾ സബ് ജില്ലാ കായിക മേളകളിലും മികച്ച നിലവാരം പുലർത്തുന്നു.

പുരാവസ്തു പ്രദർശനം

പുരാവസ്തു പ്രദർശനം

പഴയകാല കൃഷി ഉപകരണങ്ങൾ, അളവുപാത്രങ്ങൾ,നാണയങ്ങൾ,അലങ്കാരവസ്തുക്കൾ ,തുടങ്ങിപുതിയതലമുറയ്ക്കുപരിചിതമല്ലാത്ത ധാരാളംവസ്തുക്കൾ നമ്മുടെപഴയ സ്റ്റോർമുറികളിൽ ഉപയോഗയോഗ്യമല്ലാതെ കാണപ്പെടും. ഇവയെ നമ്മുടെകുഞ്ഞുമക്കൾക്കു പരിചയപ്പെടാനും നമ്മുടെപഴയകാല സംസ്കാരം പകർന്നുനൽകാനും ഈ പ്രദർശനം വളരെയേറെ സഹായിച്ചിട്ടുണ്ട്. കുഞ്ഞുങ്ങളുംരക്ഷിതാക്കളും വളരെ താല്പര്യത്തോടെയും ആനന്ദത്തോടെയുമാണ് ഈപ്രദർശനങ്ങളിൽ സഹകരിക്കുന്നത്.

മുൻസാരഥികൾ

മുൻ പ്രധാനാദ്ധ്യാപകർ	എന്ന് മുതൽ	എന്നുവരെ
മൂലയിൽ വർഗീസ്	1941	1943
പുന്നമൂട്ടിൽ തോമസ്	1943	1947
പി.കെ.കേശവൻ	1947	1952
പങ്കജാക്ഷി	1952	1956
ജോസഫ് . കെ	1956	1965
സ്കറിയ കെ വി	1965	1975
ജോൺ , സി എ	1975	1980
ഉമ്മൻസാർ	1980	1983
ടി.സി.ഫീലിപ്പോസ്	1983	1985
പി.സി ജോർജ്ജ്	1986	1989
കെ എ തോമസ്	1989	1991
പി.ആർ.രമണി	1991	1995
വി ഇ മറിയാമ്മ	1997	2000
ചന്ദ്രികാഭായി	2000	2001
കെ ആർവിജയമ്മ	2001	2006
സൂസമ്മ ഒ. എം.	2006	2017
സ്മിതാകുമാരിജെ	2017	2018
സീനത്ത് പി	2018	2020
ബിന്ദു സഖറിയ (താത്കാലിക ചുമതല))	2020	2021

പ്രശസ്തരായ പൂർവവിദ്യാർത്ഥികൾ

പൂർവ്വ വിദ്യാർത്ഥികൾ

ഒരു നൂറ്റാണ്ടിൽ കൂടുതൽ പഴക്കമുള്ള  വിദ്യാലയം സമൂഹത്തിന്റെ നാനാ തുറകളിലും വ്യക്തിമുദ്ര പതിപ്പിച്ച പൂർവ്വ വിദ്യാർത്ഥികളാൽ സമ്പന്നമാണ്. വൈദിക ശ്രേഷ്ഠരായ നിരവധി പേർ ഈ വിദ്യാലയത്തിൽ നിന്നും പഠിച്ചിറങ്ങിയവരാണ്. മെഴുവേലി പഞ്ചായത്ത് വൈസ് പ്രസിഡന്റായിരുന്ന രാജു സഖറിയ സാർ മുതൽ നിരവധി രാഷ്ടീയ സാമൂഹിക നേതൃത്വങ്ങൾ ഈ വിദ്യാലത്തിന്റെ സംഭാവനയാണ്.ഡോക്ടർമാർ , എൻജിനിയർമാർ ,കലാകാരൻമാർ തുടങ്ങി എണ്ണിയാലൊടുങ്ങാത്ത ശിഷ്യ സമ്പത്തുള്ള ഈ സരസ്വതീ ക്ഷേത്രം നാട്ടുകാരും പഞ്ചായത്തും കണ്ണിലെ കൃഷ്ണമണിപോലെ കാത്തു സൂക്ഷിക്കുന്നു

അദ്ധ്യാപകർ

സീമാ മാത്യു (പ്രഥമാധ്യാപിക)

ബിന്ദു സഖറിയ

ദീപാ കുമാരി എ

ഷിംന റ്റി വൈ

ജീമോൻ പി.എസ്

മോളി എം ( പ്രീ പ്രൈമറി ടീച്ചർ )

ഷീല കെ എസ് ( പ്രീ പ്രൈമറി ആയ)

ദിനാചരണങ്ങൾ

ജൂൺ 5 , പരിസ്ഥിതി ദിനാചരണം

എല്ലാ വർഷവും വിപുലമായ രീതിയിൽ പരിസ്ഥിതി ദിനാചരണം സോഷ്യൽ ഫോറസ്റ്ററിയുടേയും പഞ്ചായത്തിന്റേയും സഹായത്തോടെ ആഘോഷിക്കുന്നു. 2021 വർഷത്തെ

പരിസ്ഥിതി ദിനാചരണത്തോടനുബന്ധിച്ച് കുട്ടികൾ അവരുടെ വീടുകളിൽ വൃക്ഷത്തൈ നടുകയും ഫോട്ടോ സ്കൂൾ ഗ്രൂപ്പുകളിൽ ഷെയർ ചെയ്യുകയും ചെയ്തു.പോസ്റ്റർ നിർമ്മാണം, പരിസ്ഥിതി ദിന ക്വിസ് എന്നീ പ്രവർത്തനങ്ങൾ നടത്തുകയും അന്നേദിവസം ഗൂഗിൾ മീറ്റ് സംഘടിപ്പിച്ചു പരിസ്ഥിതി ദിന സന്ദേശം നൽകുകയും ചെയ്തു. പ്രകൃതിയെ സുരക്ഷിതമാക്കണമെന്നു ഓർമപ്പെടുത്തുകയും ഇല്ലാതാകുന്ന പച്ചപ്പിനെയും ആവാസ വ്യവസ്ഥയേയും തിരികെ പിടിക്കാനുള്ള ശ്രമം കുട്ടികളിൽ വളർത്താനും പരിസ്ഥിതിദിനാഘോഷം സഹായിച്ചു.

ജൂൺ 19, വായനാ ദിനാചരണം

ജൂൺ 19 വായനാ ദിനവുമായി ബന്ധപ്പെട്ടു 2021 വർഷത്തിൽ സ്കൂൾ ഏറ്റെടുത്ത് നടത്തിയത് വൈവിധ്യമാർന്ന പരിപാടികൾ ആയിരുന്നു ലോക്ക്ഡൗണുമായി ബന്ധപ്പെട്ടു സ്കൂൾ തുറക്കാത്ത സാഹചര്യത്തിൽ അത് സാഹചര്യത്തിൽ കുട്ടികളിലെ വായന ശീലം വളർത്തുന്നതിന് കോവിഡ് മാനദണ്ഡം പാലിച്ച് അവരുടെ കൈകളിലേക്ക് പുസ്തകങ്ങൾ എത്തിക്കുക എന്നതായിരുന്നു ആദ്യ പരിപാടി അതനുസരിച്ച് അധ്യാപകർ പുസ്തക വണ്ടി സജ്ജമാക്കുകയും പുസ്തകങ്ങൾ കുട്ടികളുടെ വീടുകളിൽ എത്തിച്ചു നൽകുകയും ചെയ്തു കൃത്യമായ ഇടവേളകളിൽ വീടുകൾ സന്ദർശിച്ച് വായനാ വിലയിരുത്തലുകൾ നടത്തി പുസ്തകങ്ങൾ കുട്ടികൾക്ക് മാറ്റി നൽകുകയും ചെയ്തു തുടർന്ന് വായനാദിന ക്വിസ് , വായനയുമായി ബന്ധപ്പെട്ട മഹത് വചനങ്ങളുടെ അവതരണം ഓൺലൈനായി നടത്തുകയും ചെയ്തു. കുട്ടികളുടെ മാനസിക ഉല്ലാസത്തിനും അവരുടെ അറിവുകളെയും ചിന്തകളെയും ധാർമിക മൂല്യങ്ങളെയും വളർത്താനും വായനയുടെ പ്രാധാന്യം മനസ്സിലാക്കാനും ഈ ദിനം സഹായിച്ചു.

ആഗസ്റ്റ് 15, സ്വാതന്ത്ര്യ ദിനാഘോഷം.

ആഗസ്റ്റ് 15 സ്വാതന്ത്ര്യ ദിനാഘോഷത്തിന് ഭാഗമായി എട്ട് മുപ്പതിന് പതാക ഉയർത്തുകയും ഗൂഗിൾ മീറ്റ് വഴി കുട്ടികളുടെ വിവിധപരിപാടികൾ അവതരിപ്പിക്കുകയും ചെയ്തു പഞ്ചായത്ത് പ്രതിനിധികളും എസ് എം സി അംഗങ്ങളും രക്ഷിതാക്കളും കുട്ടികളും പരിപാടിയിൽ പങ്കെടുത്തു. ദേശഭക്തിഗാനം,പ്രസംഗം, പ്രച്ഛന്നവേഷം പതാക നിർമ്മാണം, സ്വാതന്ത്രദിന ക്വിസ് മുതലായ പ്രവർത്തനങ്ങൾ അവതരിപ്പിക്കുകയും ചെയ്തു. ഇന്ന് നാം അനുഭവിക്കുന്ന സ്വാതന്ത്ര്യത്തിന് കാരണഭൂതരായ ധീര ദേശാഭിമാനികളെ സ്മരിക്കാനും അവരുടെ ത്യാഗത്തെ ഓർക്കാനും സ്വാതന്ത്ര്യദിനാഘോഷം സഹായിച്ചു.

ഒക്ടോബർ 2 ഗാന്ധിജയന്തി

ഗാന്ധിജയന്തി ദിനാചരണത്തോടനുബന്ധിച്ച് വിവിധ സംഘടനകളുടെ നേതൃത്വത്തിൽ സ്കൂളും പരിസരവും ശുചീകരിക്കുകയും ഫർണിച്ചറുകൾകഴുകി വൃത്തിയാക്കുകയും ചെയ്തു. ഗാന്ധി സൂക്തങ്ങൾ, ഗാന്ധി ക്വിസ് , ഗാന്ധിജി ജീവചരിത്രക്കുറിപ്പ് , പതിപ്പ് നിർമ്മാണം, ഗാന്ധി പാട്ട് ശേഖരണം എന്നീ പ്രവർത്തനങ്ങൾ ആസൂത്രണം ചെയ്തു നടപ്പിലാക്കി. സ്വാതന്ത്ര്യത്തെക്കുറിച്ചുള്ള ബോധം, ഗാന്ധി ജീവചര്യകൾ എന്നിവ കുട്ടികളിലും സമൂഹത്തിലും എത്തിക്കുവാൻ സാധിച്ചു.

ക്ലബുകൾ

ഇക്കോ ക്ലബ്ബ്

മനുഷ്യരുടേയും ജീവജാലങ്ങളുടേയും നിലനിൽപ്പിന് ആവാസ വ്യവസ്ഥകൾ സംരക്ഷിക്കേണ്ടത് ആവശ്യമാണെന്നു തിരിച്ചറിഞ്ഞ് പരിസ്ഥിതി സംരക്ഷണ പ്രവർത്തനങ്ങൾ നടത്തുന്നു

പ്രവർത്തനങ്ങൾ...

കൃഷിയുമായി ബന്ധപ്പെടുത്തിയ എന്റെ വാഴപദ്ധതി:- എല്ലാ കുട്ടികൾക്കും വാഴവിത്തുകൾ വിതരണം ചെയ്യുകയും കുട്ടികൾ ഇവ പരിപാലിച്ച് വിളവെടുപ്പു വരെയുള്ള ഘട്ടങ്ങൾ നേരിട്ടു മനസ്സിലാക്കി ഡയറിയിൽ രേഖപ്പെടുത്തുകയും ചെയ്യുന്നു.

ഇതേ രീതിയിൽ എന്റെ മരം പദ്ധതിയും നടപ്പിലാക്കി വരുന്നു.

പൂന്തോട്ടം, ജൈവ പച്ചക്കറി തോട്ടം, ഔഷധത്തോട്ടം, അക്വേറിയം, ഇവയെല്ലാം ചേർന്ന് ജൈവ വൈവിധ്യ പാർക്ക് സ്കൂളിൽ നിലവിൽഉണ്ട്

ഹെൽത്ത് ക്ലബ്ബ്

ഹെൽത്ത് ക്ലബ് പ്രവർത്തനത്തിന്റെ ഭാഗമായി എല്ലാ വെള്ളിയാഴ്ചയും ഡ്രൈ ഡേ ആചരിക്കുകയും സ്ക്കൂളും പരിസരവും ശുചീകരിക്കുകയും ചെയ്യുന

ഇതിന്റെ തുടർച്ചർച്ചയായി .ഞായറാഴ്ചകളിൽ വീടും പരിസരവും കുട്ടി വൃത്തിയാക്കും.

ആരോഗ്യ ക്ലാസുകൾ/രക്ഷിതാക്കളായ ആരോഗ്യ പ്രവർത്തകൾ മറ്റ് ആരോഗ്യ പ്രവർത്തകൾ കുട്ടികൾക്കും രക്ഷിതാക്കൾക്കും ക്ലാസുകൾ എടുത്തു വരുന്നു. നാടൻ പോഷകാഹാര ക്ലാസുകൾ വൈവിധ്യമാർന്ന പ്രവർത്തനമായിരുന്നു. ഇതിന്റെ ഭാഗമായി വർഷ ന്തോറും ഭക്ഷ്യ മേളകൾ സംഘടിപ്പിച്ചു വരുന്നു.

സുരക്ഷ ക്ലബ്ബ്

വിദ്യാർത്ഥികളുടെ സുരക്ഷയെ മാനദണ്ഡമായി കണ്ടുകൊണ്ട് സർക്കാർ നിർദ്ദേശത്തിനനുസരിച്ച് സ്കൂളിൽ സുരക്ഷാ ക്ലബ് പ്രവർത്തിക്കുന്നു. പിടി എ , പഞ്ചായത്ത്, ജനപ്രതിനിധി, ജനമൈത്രി പോലീസ്, ഹെൽത്ത് ഇൻസ്പെക്ടർ , രണ്ട് ഡ്രൈവർമാർ , എസ് എം സി ചെയർമാൻ എന്നിവര് പ്രഥമാധ്യാപിക അധ്യക്ഷയും ഉപജില്ലാ വാദ്യാഭ്യാ ഓഫീസറുടെ പ്രതിനിധി ഉപാധ്യക്ഷനുമായ ഒരു സുരക്ഷാ സമിതി പ്രവർത്തിക്കുന്നു.

സ്കൂളും പരിസരവും നിരീക്ഷിച്ച് കൈക്കോളേളണ്ട മുൻകരുതലുകൾ രേഖപ്പടുത്തുകയും അത് നടപ്പാക്കുന്നതിനു വേണ്ട നടപടികൾ സ്വീകരിക്കുകയും വിലയിരുത്തുകയും ചെയ്യുന്നു.

ശാസ്ത്ര ക്ലബ്ബ്

വിദ്യാരംഗം ക്ലബ്ബ്

എല്ലാ കുട്ടികൾക്കും മലയാള ഭാഷ എഴുതുവാന്നുംവായിക്കുവാനും ഉള്ള ശേഷി നേടുന്നതിനായി വായിക്കാം എഴുതാം എന്ന പ്രവർത്തന പാക്കേജ് നടപ്പിലാക്കി.

പ്രവർത്തനങ്ങൾ.

1.എല്ലാ ക്ലാസുകളിലും ലൈബ്രറി

2 .നിലവാരം കണ്ടെത്തൽ .

3. നില വാരത്തിനനുയോജ്യമായ വായനാ സാമഗ്രികളുടെ നിർമ്മാണം വിതരണം.

ഉദാ: കോഴിക്കുഞ്ഞും താറാവും നീന്താൻ പോയ കഥ; ആമയും ആനയും വാഴ വെച്ച കഥ ….

4.ആഭരണ മണിയിക്കൽ .

ചിഹ്നങ്ങൾ ഒഴിവാക്കി പാഠഭാഗത്തെ വാക്കുകളും വാചകങ്ങളും നൽകുന്നു. ഇവയെ ആഭരണമണിയിക്കാനായി ചിഹ്നാ ഭരണങ്ങൾ നൽകുന്നു…. അണിയിക്കുന്നു. വായിക്കുന്നു.

5. വായിച്ചതും കേട്ടതുമായ കഥയുടെ ചിത്രാ വിഷ്ക്കാരം. - പിന്നോക്ക പരിഗണനാപഠന തന്ത്രം.

6. വായിച്ച കഥയിലെ സംഭാഷണം തയ്യാറാക്കൽ, അഭിനയം…

ഗണിത ക്ലബ്ബ്

ഗണിതം മധുരം എന്ന ശീർഷകത്തിൽ കുട്ടികളുടെ അടിസ്ഥാന ഗണിത യകളിൽ മികവ് നേടാൻ.

1 ഈർക്കിൽ കെട്ടുകൾ

2 മഞ്ചാടികൾ

3. മുത്തുകൾ

4. പുളിങ്കുരു എന്നിവ ഉപയോഗിച്ച് സംഖ്യാ ബോധം വികസിപ്പിക്കുന്നതിന് രാവിലെ 9 മണി മുതൽ 9.45 വരെയും വൈകിട്ട് 3:30 മുതൽ 5 മണി വരെയും പ്രവർത്തനങ്ങളിൽ ഏർപ്പെടുന്നു.

തുടർന്ന് സംഖ്യാ ചക്രം, പാമ്പ് കോണി, സ്ഥാനവില പോക്കറ്റ്, എന്നിവയും ഗണിത ബോധനത്തിന്റ ഭാഗമാക്കി.

ഗണിത മേളകൾ, ഗണിത ശാസ്ത്രജ്ഞൻമാരുടെ ജീവചരിത്രം, ഗണിത ക്വിസ്, കുസൃതി കണക്ക്, മനക്കണക്ക് , ഉത്തരപ്പെട്ടി , ലിറ്റിൽ മാസ്റ്റർ, ഗണിത നാട്ടറിവ് , വർക്ക് ഷീറ്റ്, രക്ഷാകർത്തൃ ബോധനം തുടങ്ങിയ വൈവിധ്യമാർന്ന പ്രവർത്തനങ്ങൾ ഗണിത ക്ലബിന്റെ ആഭിമുഖ്യത്തിൽ നടന്നു വരുന്നു.

പാഠ്യേതര പ്രവർത്തനങ്ങൾ

• വിദ്യാരംഗം കലാ സാഹിത്യ വേദി. എല്ലാ കുട്ടികൾക്കും മലയാള ഭാഷ എഴുതുവാന്നുംവായിക്കുവാനും ഉള്ള ശേഷി നേടുന്നതിനായി വായിക്കാം എഴുതാം എന്ന പ്രവർത്തന പാക്കേജ് നടപ്പിലാക്കി. പ്രവർത്തനങ്ങൾ. 1.എല്ലാ ക്ലാസുകളിലും ലൈബ്രറി 2 .നിലവാരം കണ്ടെത്തൽ . 3. നില വാരത്തിനനുയോജ്യമായ വായനാ സാമഗ്രികളുടെ നിർമ്മാണം വിതരണം. ഉദാ: കോഴിക്കുഞ്ഞും താറാവും നീന്താൻ പോയ കഥ; ആമയും ആനയും വാഴ വെച്ച കഥ …. 4.ആഭരണ മണിയിക്കൽ . ചിഹ്നങ്ങൾ ഒഴിവാക്കി പാഠഭാഗത്തെ വാക്കുകളും വാചകങ്ങളും നൽകുന്നു. ഇവയെ ആഭരണമണിയിക്കാനായി ചിഹ്നാ ഭരണങ്ങൾ നൽകുന്നു…. അണിയിക്കുന്നു. വായിക്കുന്നു. 5. വായിച്ചതും കേട്ടതുമായ കഥയുടെ ചിത്രാ വിഷ്ക്കാരം. - പിന്നോക്ക പരിഗണനാപഠന തന്ത്രം. 6. വായിച്ച കഥയിലെ സംഭാഷണം തയ്യാറാക്കൽ, അഭിനയം…
• ക്ലബ്ബ് പ്രവർത്തനങ്ങൾ.

സ്കൂൾ ഫോട്ടോകൾ

• 

  തിരികെ വിദ്യാലയത്തിലേക്ക്

• 

  തിരികെ വിദ്യാലയത്തിലേക്ക്

• 

  തിരികെ വിദ്യാലയത്തിലേക്ക്

• 

  വരയുടെ ലോകത്ത്

• 

  വായനാദിനം

• 

  ഹരിതകേരളം

• 

  ഹരിതകേരളം

• 

  വിദ്യാരംഭം

• 

  പഠനോപകരണ വിതരണം

• 

  വിദ്യാരംഭം

• 

  സമഗ്ര സംഭാവന

• 

  പുരാവസ്തു പ്രദർശനവും ഭക്ഷ്യ മേളയും

• 
• 
• 
• 
• 
• 
• 

വഴികാട്ടി

വിദ്യാലയത്തിലേക്ക് എത്തുന്നതിനുള്ള മാർഗ്ഗം 01. ചെങ്ങന്നൂർ ഭാഗത്ത് നിന്ന് വരുന്നവർ മുളക്കുഴ - കോട്ട - കിടങ്ങന്നൂർ വഴി മെഴുവേലി വലിയപള്ളിയുടെ മുന്നിൽ നിന്ന് വലത്തോട്ട് 200m ചെന്നാൽ സ്കൂളിലെത്താം* 02. കോഴഞ്ചേരിയിൽ നിന്നു വരുന്നവർ ആറൻമുള - കിടങ്ങന്നൂർ - മെഴുവേലി വഴി വലിയപള്ളിയുടെ മുന്നിൽ നിന്ന് വലത്തോട്ട് 200m ചെന്നാൽ സ്കൂളിലെത്താം* 03. ഇലന്തൂർ, തെക്കേമല ഭാഗങ്ങളിൽ നിന്നു വരുന്നവർ കുഴിക്കാല - മെഴുവേലി പോസ്റ്റ് ഓഫീസ് ജംഗ്ഷനിൽ നിന്നും വലത്തോട്ട് തിരിഞ്ഞ് മെഴുവേലി വലിയപള്ളിയുടെ മുന്നിൽ നിന്ന് ഇടത്തോട്ട് 200m ചെന്നാൽ സ്കൂളിലെത്താം* {{#multimaps:9.29286, 76.69508|zoom=10}}