എം .റ്റി .യു .പി .എസ്സ് .കാരംവേലി

സ്കൂൾ

സൗകര്യങ്ങൾ

പ്രവർത്തനങ്ങൾ

ക്ലബ്ബുകൾ

ചരിത്രം

അംഗീകാരം

ഇംഗ്ലീഷ് വിലാസം

https://schoolwiki.in/M_.T_.U_.P_.S_.KARAMVELI

പത്തനംതിട്ട ജില്ലയിലെ, പത്തനംതിട്ട വിദ്യാഭ്യാസ ജില്ലയിൽ, കോഴഞ്ചേരി ഉപജില്ലയിലെ നെല്ലിക്കാല പ്രദേശത്ത് സ്ഥിതി ചെയ്യുന്ന ഒരു എയ്ഡഡ് വിദ്യാലയമാണ് എം. ടി. യു. പി. എസ്. കാരംവേലി.

എം .റ്റി .യു .പി .എസ്സ് .കാരംവേലി
വിലാസം
കാരംവേലി, ഐക്കുഴ സ്കൂൾ നെല്ലിക്കാല , നെല്ലിക്കാല പി.ഒ. , 689643 , പത്തനംതിട്ട ജില്ല
സ്ഥാപിതം	9 - 06 - 1932
വിവരങ്ങൾ
ഇമെയിൽ	mtups12345@gmail.com
കോഡുകൾ
സ്കൂൾ കോഡ്	38443 (സമേതം)
യുഡൈസ് കോഡ്	32120401507
വിക്കിഡാറ്റ	Q87598359
വിദ്യാഭ്യാസ ഭരണസംവിധാനം
റവന്യൂ ജില്ല	പത്തനംതിട്ട
വിദ്യാഭ്യാസ ജില്ല	പത്തനംതിട്ട
ഉപജില്ല	കോഴഞ്ചേരി
ഭരണസംവിധാനം
ലോകസഭാമണ്ഡലം	പത്തനംതിട്ട
നിയമസഭാമണ്ഡലം	ആറന്മുള
താലൂക്ക്	കോഴഞ്ചേരി ഭരണവിഭാഗം =എയ്ഡഡ് സ്കൂൾ വിഭാഗം=പൊതുവിദ്യാലയം
തദ്ദേശസ്വയംഭരണസ്ഥാപനം	പഞ്ചായത്ത്
വാർഡ്	7
സ്കൂൾ ഭരണ വിഭാഗം
പഠന വിഭാഗങ്ങൾ	യു.പി
സ്കൂൾ തലം	5 മുതൽ 7 വരെ
മാദ്ധ്യമം	മലയാളം, ഇംഗ്ലീഷ്
സ്ഥിതിവിവരക്കണക്ക്
ആൺകുട്ടികൾ	64
പെൺകുട്ടികൾ	39
ആകെ വിദ്യാർത്ഥികൾ	103
അദ്ധ്യാപകർ	4
ഹയർസെക്കന്ററി
ആകെ വിദ്യാർത്ഥികൾ	103
അദ്ധ്യാപകർ	4
വൊക്കേഷണൽ ഹയർസെക്കന്ററി
ആകെ വിദ്യാർത്ഥികൾ	103
അദ്ധ്യാപകർ	4
സ്കൂൾ നേതൃത്വം
പ്രധാന അദ്ധ്യാപകൻ	ജോർജ് തോമസ്
പി.ടി.എ. പ്രസിഡണ്ട്	മനോജ് എ. എസ്.
എം.പി.ടി.എ. പ്രസിഡണ്ട്	വിനയ സുനിൽ
അവസാനം തിരുത്തിയത്
21-01-2022	38443mt

പ്രോജക്ടുകൾ
തിരികെ വിദ്യാലയത്തിലേക്ക്	(സഹായം)
എന്റെ ഗ്രാമം	(സഹായം)
നാടോടി വിജ്ഞാനകോശം	(സഹായം)
സ്കൂൾ പത്രം	(സഹായം)
അക്ഷരവൃക്ഷം	(സഹായം)
ഓർമ്മക്കുറിപ്പുകൾ	(സഹായം)
എന്റെ വിദ്യാലയം	(സഹായം)
Say No To Drugs Campaign	(സഹായം)
ഹൈടെക് വിദ്യാലയം	(സഹായം)
കുഞ്ഞെഴുത്തുകൾ	(സഹായം)

ചരിത്രം

1107 ഇടവം 27(9-6-1932) വ്യാഴാഴ്ച 10 മണിക്ക് നെല്ലിക്കാല മാർത്തോമ പള്ളി കെട്ടിടത്തിൽ 100 വിദ്യാർത്ഥികളുമായി ആരംഭിച്ചതാണ് ഈ വിദ്യാലയം. 1107 മിഥുനം (1932, ജൂലൈ) മാസത്തിൽ, നെല്ലിക്കാല പ്രീ-പ്രൈമറി സ്കൂളിന് സമീപം തേക്കേവീട്ടിൽ എം. സി. മാത്യൂ വക കെട്ടിടത്തിലേക്ക്, കൂടുതൽ സൗകര്യപ്രദമായ രീതിയിൽ മാറ്റി സ്ഥാപിക്കപ്പെട്ടു. 28-1-1932 - ൽ ഐക്കുഴ തടത്തിൽ ഗീവർഗീസ് യോഹന്നാന്റെ വക താന്നിമൂട്ടിൽ പുരയിടത്തിൽ വിദ്യാലയത്തിന് വേണ്ടി പണികഴിപ്പിച്ച കെട്ടിടത്തിലേക്ക് മാറ്റുകയുണ്ടായി. നെല്ലിക്കാല മാർത്തോമാ പള്ളിയുടെ പൂർണ സഹകരണത്തോടെയാണ് ഈ വിദ്യാലയം ആരംഭിക്കപ്പെട്ടത്. മാർത്തോമാ സഭയുടെ വിദ്യാലയം ആയിരുന്നെങ്കിലും, നാട്ടിലെ സർവ്വമതക്കാരുടെയും പൂർണ സഹകരണവും കൈത്താങ്ങലും വിദ്യാലയത്തിനൊപ്പം ഉണ്ടായിരുന്നു. ഈ പ്രദേശത്ത് പ്രൈമറി വിദ്യാഭ്യാസത്തിന് മറ്റ് വിദ്യാലയങ്ങൾ അടുത്ത് ഇല്ലാതിരുന്നതിനാൽ, ഇലന്തൂർ, നാരങ്ങാനം, നെല്ലിക്കാല, വെള്ളപ്പാറ, പരിയാരം എന്നീ പ്രദേശങ്ങളിലെ മുഴുവൻ കുട്ടികളും ഈ വിദ്യാലയത്തെ തന്നെയാണ് ആശ്രയിച്ചിരുന്നത്.

സമീപ പ്രദേശത്തുള്ള ഇതര മതസ്ഥരുടെ ഉത്സവങ്ങളിലും, ആഘോഷങ്ങളിലും വിദ്യാലയത്തിന്റെ ചുമതലക്കാരെ ക്ഷണിക്കുകയും, പങ്കെടുപ്പിക്കുകയും ചെയ്തിരുന്നു. വിദ്യാലത്തിനോടുള്ള നാട്ടുകാരുടെ പ്രതിബദ്ധതയാണ് ഇത് സൂചിപ്പിക്കുന്നത്. ഈ പ്രദേശത്തുള്ള പാവങ്ങളെ പട്ടിണിയിൽ നിന്നും സംരക്ഷിച്ചത് “കായംകുളം കൊച്ചുണ്ണി” ആണ് എന്ന് ഐതിഹ്യം നിലനിൽക്കുന്നു. കേരളത്തിൽ കായംകുളം കൊച്ചുണ്ണിയുടെ പേരിൽ സ്ഥാപിതമായിട്ടുള്ള ഇടപ്പാറക്കാവ് ക്ഷേത്രം ഈ വിദ്യാലയത്തിന് അടുത്തായി സ്ഥിതി ചെയ്യുന്നു. വിദ്യാലയത്തിൽ നിന്നും പഠിച്ച തയ്യലും, കരകൗശല വിദ്യയും ഉപജീവന മാർഗ്ഗമാക്കി തീർത്ത ഒട്ടേറെ പേർ ഈ പ്രദേശത്തുണ്ട്.

പ്രകൃതി രമണീയമായതും, കുന്നിന്റെ മുകളിൽ സ്ഥിതി ചെയ്യുന്നതുമായ ഈ വിദ്യാലയത്തിൽ, 1960- കൾ വരെ, എണ്ണൂറോളം കുട്ടികൾ അഞ്ച്, ആറ്, ഏഴ്, വരെയുള്ള ക്ലാസ്സുകളിൽ പഠിച്ചിരുന്നു. തുടക്കം മുതലേ കലാ-കായിക രംഗങ്ങളിൽ മികവ് പുലർത്തിയിരുന്നു. തുടർന്ന് വേണ്ടത്ര ശ്രദ്ധയും പരിഗണനയും ലഭിക്കാഞ്ഞതിനാൽ മികവുകൾ തെളിയിച്ച പല കുട്ടികൾക്കും ഉയർന്നു വരുവാൻ സാധിച്ചില്ല. കുട്ടികളെ സന്മാർഗ പരിശീലനത്തിൽ പങ്കെടുപ്പിക്കുന്നതിൽ അധ്യാപകർ ശ്രദ്ധിച്ചിരുന്നു. പല രാഷ്ട്രീയ, സാംസ്ക്കാരിക മത നേതാക്കളെ സൃഷ്ടിക്കുന്നതിന് ഈ വിദ്യാലയം മുഖ്യ പങ്ക്‌ വഹിച്ചിട്ടുണ്ട്. പാർശ്വവൽക്കരിക്കപ്പെട്ടവരുടെയും സാമൂഹികപരമായി പിന്നോക്കാവസ്ഥയിൽ ഉള്ളവരുടെയും മാർഗദീപമായി ഇന്നും ഈ വിദ്യാലയം നിലനിൽക്കുന്നു.

ഭൗതികസൗകര്യങ്ങൾ

പ്രകൃതി രമണീയമായതും കുന്നിന്റെ മുകളിൽ സ്ഥിതി ചെയ്യുന്നതും ആയ ഈ വിദ്യാലയത്തിൽ ഓഫീസ്റൂം, സ്റ്റാഫ് റൂം, അഞ്ചു മുതൽ ഏഴു വരെ ഉള്ള വിദ്യാർത്ഥികൾക്ക് പഠിക്കുന്നതിനു ആവശ്യമായ ക്ലാസ്റൂമുകളും, ലൈബ്രറി, സയൻസ് ലാബ്, ആൺകുട്ടികൾക്കും പെൺകുട്ടികൾക്കും ആയി പ്രത്യേക ടോയിലെറ്റുകൾ, പാചകപ്പുര, ഭിന്നശേഷിക്കാർക് വേണ്ടി റാമ്പ്, ജൈവവൈവിധ്യ പാർക്ക്, വിശാലമായ കളിസ്ഥലം, വേനൽക്കാല ജലക്ഷാമം പരിഹരിക്കാൻ മഴവെള്ള സംഭരണി, ഹൈ-ടെക് പദ്ധതി പ്രകാരം ലഭിച്ച മൂന്ന് ലാപ്‌ടോപ്പുകൾ, രണ്ടു പ്രോജെക്ടറുകൾ, ശുദ്ധ ജലത്തിനായ് വാട്ടർ പ്യൂരിഫയർ, പച്ചക്കറി കൃഷി ചെയ്യാൻ ആവശ്യമായ സ്ഥലവും ഉണ്ട്.

പാഠ്യേതര പ്രവർത്തനങ്ങൾ

• വിദ്യാരംഗം
• ഫീൽഡ് ട്രിപ്പ്
• ജൈവ പച്ചക്കറി നിർമ്മാണം
• ഹലോ ഇംഗ്ലീഷ്
• സോഷ്യൽ സയൻസ് ക്ലബ്
• സയൻസ് ക്ലബ്
• പരിസ്ഥിതി ക്ലബ്
• ഇംഗ്ലീഷ് ക്ലബ്
• മാത്‍സ് ക്ലബ്
• ആർട്സ് ക്ലബ്
• ഹിന്ദി ക്ലബ്

മാനേജ്മെന്റ്

മാർത്തോമാ സഭയുടെ എം. ടി. ആൻഡ് ഇ. എ. കോർപ്പറേറ്റ് മാനേജ്മെന്റിന്റെ കീഴിൽ വരുന്ന112 എൽ. പി സ്കൂളുകൾ, 15 യു. പി. സ്കൂളുകൾ, 15ഹൈ സ്കൂളൂകൾ , 8ഹയർ സെക്കന്ററി സ്കൂളൂകൾ എന്നിവയിൽ ഒന്നാണ് എം. ടി. യു. പി. എസ്. കാരംവേലി. ഇപ്പോഴത്തെ മാനേജർ ലാലിക്കുട്ടി പി. ആണ് . നെല്ലിക്കാല മാർത്തോമ്മാ പള്ളിയുടെ ഇടവക വികാരിയാണ് സ്കൂളിന്റെ ലോക്കൽ മാനേജർ. ഇപ്പോഴത്തെ ലോക്കൽ മാനേജർ റവ. ജിജി വി. മാത്യു ആണ്.

സ്കൂളിന്റെ പ്രധാന അധ്യാപകർ

ക്രമ നമ്പർ	പേര്	എന്ന് മുതൽ	എന്ന് വരെ
1.	ജെ. ജോൺ	1932	1962
2.	ജോൺ ജോൺ	1962	1989
3.	സി.വി. നൈനാൻ	1989	1991
4.	എം. എം. മാത്യൂ	1991	1995
5.	മറിയാമ്മ മത്തായി	1995	2001
6.	മാത്യൂസ് ഏബ്രഹാം	2001	2006
7.	മറിയാമ്മ സാമുവേൽ	2006	2008
8.	ജോർജ് തോമസ്	2008

മികവുകൾ

2019 ഇൽ കോഴഞ്ചേരി ഉപജില്ലാ സാമൂഹ്യശാസ്ത്രമേളയിൽ സ്റ്റിൽ മോഡലിന് ഒന്നാം സ്ഥാനവും, ശാസ്ത്രമേളയിൽ സയൻസ് പ്രോജക്ടിന് രണ്ടാം സ്ഥാനവും, ഗണിതമേളയിൽ ഗെയിമിന് ഒന്നാം സ്ഥാനവും, പസിൽ രണ്ടാം സ്ഥാനവും ലഭിച്ചു. കലോത്സവത്തിൽ ഹിന്ദി പദ്യപാരായണം, മാപ്പിളപ്പാട്ട്, മോഹിനിയാട്ടം, സംഘഗാനം എന്നിവയ്ക്ക് ഒന്നാം സ്ഥാനവും, തിരുവാതിരയ്ക്ക് രണ്ടാം സ്ഥാനവും കരസ്ഥമാക്കി.

2020ഇൽ കോവിഡ് മഹാമാരിയെ തുടർന്ന് കുട്ടികൾക്ക് ഡിജിറ്റൽ പഠനത്തോടൊപ്പം അദ്ധ്യാപകർ ഓൺലൈൻ പിന്തുണ ക്ലാസുകൾ നൽകിയിരുന്നു. എല്ലാ ദിവസവും ടൈം ടേബിൾ പ്രകാരം, അതിരാവിലെ കുട്ടികൾ വായിച്ചിടുന്ന പാഠഭാഗങ്ങളുടെ ഓഡിയോ മെസ്സേജുകൾ അദ്ധ്യാപകർ വിലയിരുത്തിയിരുന്നു. ദിനാചരണങ്ങളും, ശാസ്ത്ര-സാമൂഹ്യശാസ്ത്ര-ഗണിത മേളയും, പ്രവർത്തിപരിചയ മേളയും ഓൺലൈനായി നടത്തിയിരുന്നു. ശിശുദിനവുമായി ബന്ധപ്പെട്ട് ജില്ലാ ശിശുക്ഷേമ സമിതി നടത്തിയ പ്രസംഗ മത്സരത്തിൽ ഒന്നാം സ്ഥാനവും കരസ്ഥമാക്കി.

2021ഇൽ മാർത്തോമാ മാനേജ്മെന്റ് നടത്തിയ ദക്ഷ കലാമേളയിൽ പത്തനംതിട്ട റീജിയണിൽ പ്രസംഗ മത്സരത്തിൽ ഒന്നാം സ്ഥാനവും, നാടോടി നൃത്തത്തിന് രണ്ടാം സ്ഥാനവും ലഭിച്ചു.

ദിനാചരണങ്ങൾ

1. സ്വാതന്ത്ര്യ ദിനം
2. റിപ്പബ്ലിക് ദിനം
3. പരിസ്ഥിതി ദിനം
4. വായനാ ദിനം
5. ചാന്ദ്ര ദിനം
6. ഗാന്ധിജയന്തി.
7. അധ്യാപകദിനം
8. ശിശുദിനം.
9. ഹിന്ദി ദിവസ്

ഉൾപ്പെടെ എല്ലാ ദിനാചരണങ്ങളും നടത്തുന്നു.

അദ്ധ്യാപകർ

ശ്രീ. ജോർജ് തോമസ്

ശ്രീമതി സോഫി കെ. എച്ച്.

ശ്രീമതി പ്രെയിസ് കെ. പ്രസാദ്

ശ്രീമതി റീന ബെന്നി

സ്കൂൾ ഫോട്ടോകൾ

ചാന്ദ്രദിനം-02

ചാന്ദ്രദിനം-01

വായനാദിനം-01

വീടൊരു വിദ്യാലയം-സസ്യശ്യാമളം

പരിസ്ഥിതി ദിനം 2021 - 02

പരിസ്ഥിതി ദിനം 2021 - 01

പഠനോത്സവം 2019-03

പഠനോത്സവം 2019-02

പഠനോത്സവം 2019-01

പഠനയാത്ര 2019 -02

വിളവെടുപ്പ് 2019

പഠനയാത്ര 2019-01

ശാസ്ത്ര-സാമൂഹ്യശാസ്ത്ര-ഗണിത മേള 2020

പ്രശസ്തരായ പൂർവവിദ്യാർത്ഥികൾ

• സജി എം കെ (സംസ്ഥാന ക്ഷീരവകുപ്പ് മന്ത്രിയുടെ പേർസണൽ സ്റ്റാഫ്, മലപ്പുഴശ്ശേരി പഞ്ചായത്തിന്റെ മുൻ പഞ്ചായത്തു പ്രസിഡന്റ്)
• തോമസ് മാത്യു (കൃഷി വകുപ്പിലെ ഓഫീസർ )
• ജേക്കബ് ഏബ്രഹാം (സാഹിത്യകാരൻ )
• രാജൻ തോളൂർ (മിനി നെല്ലിക്കാല എന്ന് അറിയപ്പെടുന്ന അധ്യാപകൻ)
• വിജയ രാജൻ (അഗ്രിക്കൾച്ചറൽ സയന്റിസ്റ്റ് )
• റോയ് നെല്ലിക്കാല (സാംസ്കാരിക പ്രവർത്തകൻ )
• ബെഞ്ചമിൻ അലക്സ് ജേക്കബ് (സാംസ്കാരിക പ്രവർത്തകൻ )
• ബാബു കോടൻവേലി (സാഹിത്യകാരൻ, അധ്യാപകൻ)
• സുധാകരൻ വൈദ്യൻ (വിഷ വൈദ്യൻ)

ആത്മീയ മേഖലയിലെ ചില പ്രമുഖ വ്യക്തികൾ

• യൗസേബിയോസ് തിരുമേനി (മലങ്കര ഓർത്തഡോക്സ്‌ സഭ )
• റവ. വി. വി. തോമസ്
• റവ. മാത്യു വർഗീസ് (ഓർത്തഡോക്സ്‌ സഭ)
• റവ. ജോർജ് മാത്യു
• റവ. ജോൺ മാത്യു

വഴികാട്ടി

കോഴഞ്ചേരി പത്തനംത്തിട്ട റൂട്ടിൽ നെല്ലിക്കാല ജംഗ്ഷനിൽ നിന്നും വടക്കു കിഴക്കു റോഡിൽ നാരങ്ങാനം റൂട്ടിൽ 200 മീറ്റർ അകലെയായി സ്ഥിതി ചെയ്യുന്നു.

വിദ്യാലയത്തിലേക്ക് എത്തുന്നതിനുള്ള മാർഗ്ഗങ്ങൾ 01. ( തിരുവല്ല - ചങ്ങനാശ്ശേരി ഭാഗത്തു നിന്നും വരുന്നവർ എം സി റോഡ് ) ബസ്സിൽ യാത്ര ചെയ്യുന്നവർ തിരുവല്ല - ചങ്ങനാശ്ശേരി റോഡിൽ ഇടിഞ്ഞില്ലം ജംഗ്ഷനിൽ ഇറങ്ങുക . അവിടുന്ന് ഇടിഞ്ഞില്ലം കാവുംഭാഗം റോഡിൽ ആലംതുരുത്തി പോസ്റ്റോഫീസ് ജംഗ്ഷനിൽ എത്തി പോസ്റ്റോഫീസ് - ആലംതുരുത്തി ടെമ്പിൾ റോഡിൽ പ്രവേശിച്ചു 300 മീറ്റർ മുന്നോട്ടു വരുമ്പോൾ റോഡിന്റെ ഇടത് ഭാഗത്തു സ്കൂൾ സ്ഥിതി ചെയ്യുന്നു . 02. ( കായംകുളം തിരുവല്ല ഭാഗത്തു നിന്നും വരുന്നവർ ) ബസ്സിൽ യാത്ര ചെയ്യുന്നവർ തിരുവല്ല - കായംകുളം റോഡിൽ കാവുംഭാഗം ജംഗ്ഷനിൽ ഇറങ്ങുക . അവിടുന്ന് ഇടിഞ്ഞില്ലം കാവുംഭാഗം റോഡിൽ ആലംതുരുത്തി പോസ്റ്റോഫീസ് ജംഗ്ഷനിൽ എത്തി പോസ്റ്റോഫീസ് - ആലംതുരുത്തി ടെമ്പിൾ റോഡിൽ പ്രവേശിച്ചു 300 മീറ്റർ മുന്നോട്ടു വരുമ്പോൾ റോഡിന്റെ ഇടത് ഭാഗത്തു സ്കൂൾ സ്ഥിതി ചെയ്യുന്നു .. {{#multimaps:9.3374567,76.7388076|zoom=10}}