ഗവൺമെന്റ് ഗേൾസ് എച്ച്.എസ്.എസ്.മിതൃമ്മല/ചരിത്രം

സ്കൂൾ

സൗകര്യങ്ങൾ

പ്രവർത്തനങ്ങൾ

പ്രൈമറി

എച്ച്.എസ്

എച്ച്.എസ്.എസ്.

ചരിത്രം

അംഗീകാരം

കാലവർഷം 1111 ഇടവം 19-ാം തീയതി (1-6-1936) മിതൃമ്മലയിൽ ഒരു സ്വകാര്യ മിഡിൽ സ്കൂൾ സ്ഥാപിതമായി. യശഃശരീരനായ ശ്രീമാൻ ആർ. മാധവക്കുറുപ്പായിരുന്നു സ്കൂളിന്റെ സ്ഥാപകൻ. മിതൃമ്മല മാധവവിലാസം മലയാളം മീഡിയം സ്കൂൾ എന്ന പേരിൽ പുതിയ വിദ്യാലയം പ്രവർത്തനം ആരംഭിച്ചു.

മാധവവിലാസം മിഡിൽ സ്കൂളിന് നാട്ടുകാരുടെ ശ്രമഫലമായി അഭിവൃദ്ധിയുണ്ടായി. വിദ്യാഭ്യാസ പരിഷ്കാരങ്ങളുടെ ഭാഗമായി മലയാളം മിഡിൽ സ്കൂൾ ഇംഗ്ളീഷ് മിഡിൽ സ്‌കൂളായി .1948 ൽ മാനേജർ പ്രതിഫലം കൂടാതെ ഈ സ്ഥാപനം ഗവണ്മെന്റിലേക്ക് വിട്ടുകൊടുത്തു. കൂടുതൽ ഷെഡുകളും സ്ഥലസൗകര്യങ്ങളുമായി 1950-ൽ ഇതൊരു ഹൈസ്കൂളായി ഉയർന്നു. വിദ്യാർത്ഥികളുടെ എണ്ണം വർദ്ധിച്ചതോടെ 1974-ൽ ബോയ്സ്, ഗേൾസ് ഹൈസ്കൂളു കളായി മാറുകയും ചെയ്തു

നിരന്തര പുരോഗതിയുടെ പാതയിലായിരുന്നു പിന്നെ മിത്യമല ഗേൾസ്. മിതൃമ്മലയുടെ വിദ്യാഭ്യാസരംഗത്ത് സമഗ്രമായ മാറ്റങ്ങൾ വരുത്തുവാൻ ഈ സ്ഥാപനത്തിന് കഴിഞ്ഞു. 1998-ൽ ഹൈസ്കൂൾ ഹയർ സെക്കന്ററിയായി ഉയർത്തപ്പെടുകയും ചെയ്തു. വിദ്യാഭ്യാസ രംഗത്തെ നൂതന പ്രവണതകളെ സ്വാംശീകരിച്ച് സമ്പൂർണ്ണ മുന്നേറ്റത്തിന്റെ പാതയിലൂടെ സഞ്ചരിക്കുവാൻ ഈ സ്ഥാപനത്തിന് കഴിയുന്നുണ്ട്. ഒരു കൊച്ചോലപ്പുര, ഒരു സ്റ്റൂൾ, ഒരു മേശ, ഒരു ക്ലാസ് ഒരാൾ തന്നെ മാസ്റ്ററും മാനേജരും... സ്കൂൾ സ്ഥാപിക്കുന്ന കാലത്തെ അതിന്റെ അവസ്ഥയെ കുറിച്ചുള്ള മാനേജരുടെ വരികൾ തന്നെ കടംകൊണ്ട് പറഞ്ഞാൽ.തിരുവനന്തപുരം ജില്ലയിലെ മികച്ച സർക്കാർ വിദ്യാലയങ്ങൾക്കൊപ്പമാണ് ഇന്ന് മിതൃമ്മല ഗേൾസ് ഹയർ സെക്കന്റി സ്കൂളിന്റെ സ്ഥാനം. ഗുരുപരമ്പരകളുടെ കാരുണ്യവും ജന്മനാടിന്റെ നിതാന്തമായ കരുതിവയ്പ്പുകളും ഏറ്റുവാങ്ങികൊണ്ട് ഈ വിദ്യാലയ മുത്തശ്ശി കർമപഥത്തിൽ നടന്നുകൊണ്ട യിരിക്കുന്നു...