സഹായം Reading Problems? Click here


ഗവ. ഡബ്ല്യൂ എൽ പി സ്കൂൾ, പയ്യനല്ലൂർ

Schoolwiki സംരംഭത്തിൽ നിന്ന്
(36225 എന്ന താളിൽ നിന്നും തിരിച്ചുവിട്ടതു പ്രകാരം)
ഗവ. ഡബ്ല്യൂ എൽ പി സ്കൂൾ, പയ്യനല്ലൂർ
സ്കൂൾ ചിത്രം
സ്ഥാപിതം 1954
സ്കൂൾ കോഡ് 36225
സ്ഥലം പയ്യനല്ലൂർ
സ്കൂൾ വിലാസം ജി ഡബ്ള്യു പി എസ് പയ്യനല്ലൂർ,പയ്യനല്ലൂർ പി.ഒ, നൂറനാട്
പിൻ കോഡ് 690504
സ്കൂൾ ഫോൺ 9446183905
സ്കൂൾ ഇമെയിൽ 36225alappuzha@gmail.com
സ്കൂൾ വെബ് സൈറ്റ്
വിദ്യാഭ്യാസ ജില്ല മാവേലിക്കര
റവന്യൂ ജില്ല ആലപ്പുഴ
ഉപ ജില്ല മാവേലിക്കര
ഭരണ വിഭാഗം സർക്കാർ
സ്കൂൾ വിഭാഗം പൊതു വിദ്യാലയം
പഠന വിഭാഗങ്ങൾ എൽ.പി
മാധ്യമം മലയാളം‌
ആൺ കുട്ടികളുടെ എണ്ണം 34
പെൺ കുട്ടികളുടെ എണ്ണം 27
വിദ്യാർത്ഥികളുടെ എണ്ണം 61
അദ്ധ്യാപകരുടെ എണ്ണം 4
പ്രധാന അദ്ധ്യാപകൻ ലതിക പി
പി.ടി.ഏ. പ്രസിഡണ്ട് മഹേഷ് കുമാർ
പ്രോജക്ടുകൾ
ഇ-വിദ്യാരംഗം‌ സഹായം
11/ 08/ 2018 ന് Glpserumakuzhy
ഈ താളിൽ അവസാനമായി മാറ്റം വരുത്തി
അക്ഷരവൃക്ഷം സഹായം

................................

ചരിത്രം

1950കളിൽ ഈ പ്രദേശത്തു നിലനിന്നിരുന്ന സാമൂഹിക പശ്ചാത്തലം ഇന്നത്തേതിൽ നിന്നും വ്യത്യസ്തമായിരുന്നു. റോഡ്, വൈദ്യുതി എന്നിവ ഇല്ലാതിരുന്ന ആ കാലത്ത് ജന്മി അടിയാൻ സമ്പ്രദായം നിലനിൽക്കുകയും 15 വയസ്സു വരെ പ്രായമുള്ളവരെ സ്‌കൂളിൽ അയക്കുകയുമില്ലായിരുന്നു. ഈ സാഹചര്യം നിലനിൽക്കുമ്പോഴാണ് അടൂർശ്ശേരിൽ കൊച്ചുകുഞ്ഞും, പാതിരിശ്ശേരിൽ മാധവൻ പിള്ളയും, മുകടിയിൽ തേവനും, വെളുമ്പനും, കെ സി കൊച്ചു കുഞ്ഞും, മീനത്തുപുരയിൽ തേവനും സാമൂഹ്യ നവോദ്ധാരണത്തിന്റെ ഭാഗമായി 1956 ജൂൺ 4ന്, കൃഷിയും വാടകയും ഇല്ലാത്ത, പ്രദേശത്തെ കർഷക തൊഴിലാളികളും കമ്മ്യൂണിസ്റ് പാർട്ടി പ്രവർത്തകരും ചേർന്ന് സ്‌കൂൾ പ്രവത്തനം ആരംഭിച്ചു. പന്തളം മുൻ MLA ശ്രീ പി കെ കുഞ്ഞച്ചൻ അവർകളുടെ പിന്തുണയും ഉണ്ടായിരുന്നു. വിവിധ പ്രായത്തിലുള്ള 68 കുട്ടികളെ ഒന്നാം ക്ലാസിൽ ചേർത്തു. തുടർന്ന്, കെ ഗംഗാധരൻ മലയിൽ ക്ലാസിൽ ആദ്യം അദ്ധ്യാപകനായി. രണ്ടു വർഷക്കാലം ശമ്പളമില്ലാതെയായിരുന്നു സേവനം. കാരണം സ്‌കൂളിന് സ്വന്തമായി സ്ഥാലവും കെട്ടിടവും ഇല്ലായിരുന്നു. തുടർന്ന് പോത്തോട്ടിൽ പി കെ ഗംഗാധരൻ, കരിമുളക്കൽ ആലുംവിളയിൽ ആർ നാണു, കുരുംപോലിൽ വടക്കേതിൽ സുമതിയമ്മ എന്നിവരെ അധ്യാപകരായി നിയമിച്ചു. തുടർന്ന് മാനേജ്മെന്റ് സ്ഥലം വാങ്ങുന്നതിനു തീരുമാനിച്ചു. കുറ്റിയിൽ ശ്രീമാൻ കുഞ്ഞൻകാളി 250 രൂപയ്ക്കു 15 സെന്റ് സ്ഥലം നൽകുകയും പ്രദേശ വാസികളുടെ ശ്രമഫലമായി ഒരു ടാൽക്കാലിക കെട്ടിടം പണിയുകയും ചെയ്തു. പിന്നീട് അറുപതു അടി നീളത്തിൽ കെട്ടിടം നിർമ്മിക്കുകയും 1957 ൽ സ്‌കൂൾ ഗവൺമെന്റിന് കൈമാറുകയും ചെയ്തു.

ഭൗതികസൗകര്യങ്ങൾ

ഒന്ന് മുതൽ നാല് വരെയുള്ള നാല് ക്‌ളാസ് മുറികളുടെ ചുവരുകൾ ചിത്രങ്ങൾ ആലേഖനം ചെയ്ത് മനോഹരമാക്കുകയും തറകൾ ടൈൽ പാകിയവയുമാണ്. എല്ലാ ക്ലാസ്സ് മുറികളിലും വായന മൂലയും ജനറൽ ലൈബ്രറിയും ഉണ്ട്. ഗണിത മൂല കുട്ടികളുടെ ഗണിതാധ്യായനത്തിനു സഹായകമാകുന്നു.

പാഠ്യേതര പ്രവർത്തനങ്ങൾ


വിദ്യാരംഗം കലാസാഹിത്യ വേദി, സാമൂഹ്യ ശാസ്ത്ര ക്ലബ്, സയൻസ് ക്ലബ്, ഗണിത ക്ലബ്, ഹെൽത്ത് ക്ലബ്, പരിസ്ഥിതി ക്ലബ് എന്നിവ കുട്ടികളുടെ ഉന്നമനത്തിനായി പ്രവർത്തിക്കുന്നു

മുൻ സാരഥികൾ

സ്കൂളിലെ മുൻ അദ്ധ്യാപകർ :

  1. ശ്രീമതി ലീലാമ്മ മാത്യു
  2. ശ്രീമതി ഉഷ കുമാരി
  3. ശ്രീമതി സുശീല ടീച്ചർ എന്നിവർ പ്രഗത്ഭരായ മുൻ അദ്ധ്യാപകരാണ്

നേട്ടങ്ങൾ

മേളകളിൽ മാവേലിക്കര ജില്ലാ തലത്തിൽ മെച്ചപ്പെട്ട പ്രകടനം കാഴ്ചവെക്കാൻ സ്‌കൂളിന് കഴിഞ്ഞിട്ടുണ്ട്. മുൻ വർഷത്തേതിനേക്കാൾ പതിനൊന്നു കുട്ടികളുടെ വർദ്ധനവ് അഡ്മിഷനിൽ ഉണ്ടായിട്ടുണ്ട്.

പ്രശസ്തരായ പൂർവവിദ്യാർത്ഥികൾ

  1. ശ്രീ. സുധീഷ്, ഇന്ത്യൻ ആർമിയിൽ സേവനം അനുഷ്ഠിക്കുന്നു
  2. ശ്രീ. അനീഷ്, റെയിൽവേ എഞ്ചിനീയർ
  3. ശ്രീമതി. സുമ, ആലപ്പുഴ ജില്ലാ പഞ്ചായത്ത് അംഗം
  4. ശ്രീ മനോജ് സി ശേഖർ, ഇന്ത്യൻ നാഷണൽ കോൺഗ്രസ്സ്, ആലപ്പുഴ ജില്ലാ നേതാവ്
  5. ശ്രീമതി സുശീല, റിട്ട അധ്യാപിക
  6. ശ്രീ തുളസീ ദാസ്, അദ്ധ്യാപകൻ, ഗവ എച്ച് എസ് എസ് കായംകുളം
  7. ശ്രീമതി രമ്യ, അധ്യാപിക, കുതിരകെട്ടുംതടം എൽ പി എസ്
  8. ശ്രീ ഷാജി, അദ്ധ്യാപകൻ, ഗവ എച്ച് എസ് എസ് മാവേലിക്കര
  9. അഡ്വ. സുമേഷ്, അഭിഭാഷകൻ, മാവേലിക്കര കോടതി

വഴികാട്ടി

Loading map...