എ ജെ ബി എസ് പുത്തിഗെ ಎ ಜೆ ಬಿ ಎಸ್ ಪುತ್ತಿಗೆ

പ്രോജക്ടുകൾ
തിരികെ വിദ്യാലയത്തിലേക്ക്	(സഹായം)
എന്റെ ഗ്രാമം	(സഹായം)
നാടോടി വിജ്ഞാനകോശം	(സഹായം)
സ്കൂൾ പത്രം	(സഹായം)
അക്ഷരവൃക്ഷം	(സഹായം)
ഓർമ്മക്കുറിപ്പുകൾ	(സഹായം)
എന്റെ വിദ്യാലയം	(സഹായം)
Say No To Drugs Campaign	(സഹായം)
ഹൈടെക് വിദ്യാലയം	(സഹായം)
കുഞ്ഞെഴുത്തുകൾ	(സഹായം)

എ ജെ ബി എസ് പുത്തിഗെ ಎ ಜೆ ಬಿ ಎಸ್ ಪುತ್ತಿಗೆ
എ ജെ ബി എസ് പുത്തിഗെ ಎ ಜೆ ಬಿ ಎಸ್ ಪುತ್ತಿಗೆ
വിലാസം
	പുത്തിഗെ; പുത്തിഗെ പിഒ പുത്തിഗെ കാസർഗോഡ് ജില്ല, പുത്തിഗെ പി.ഒ., 671321
സ്ഥാപിതം	11 - 11 - 1930
വിവരങ്ങൾ
ഫോൺ	04998 246200
ഇമെയിൽ	11320puthige@gmail.com
കോഡുകൾ
സ്കൂൾ കോഡ്	11320 (സമേതം)
യുഡൈസ് കോഡ്	32010200204
വിദ്യാഭ്യാസ ഭരണസംവിധാനം
റവന്യൂ ജില്ല	കാസർഗോഡ്
വിദ്യാഭ്യാസ ജില്ല	കാസർഗോഡ്
ഉപജില്ല	കുമ്പള
ഭരണസംവിധാനം
ലോകസഭാമണ്ഡലം	കാസർഗോഡ്
നിയമസഭാമണ്ഡലം	മഞ്ചേശ്വരം
താലൂക്ക്	മഞ്ചേശ്വരം
ബ്ലോക്ക് പഞ്ചായത്ത്	മഞ്ചേശ്വരം
തദ്ദേശസ്വയംഭരണസ്ഥാപനം	പുത്തിഗെ പഞ്ചായത്ത്
വാർഡ്	12
സ്കൂൾ ഭരണ വിഭാഗം
സ്കൂൾ ഭരണ വിഭാഗം	എയ്ഡഡ്
സ്കൂൾ വിഭാഗം	പൊതുവിദ്യാലയം
പഠന വിഭാഗങ്ങൾ	എൽ.പി
സ്കൂൾ തലം	1 മുതൽ 4 വരെ 1 to 4
മാദ്ധ്യമം	മലയാളം MALAYALAM, ഇംഗ്ലീഷ് ENGLISH, കന്നട KANNADA
സ്ഥിതിവിവരക്കണക്ക് ;
ആൺകുട്ടികൾ	139
പെൺകുട്ടികൾ	161
ആകെ വിദ്യാർത്ഥികൾ	300
അദ്ധ്യാപകർ	15
ഹയർസെക്കന്ററി
ആകെ വിദ്യാർത്ഥികൾ	0
സ്കൂൾ നേതൃത്വം
പ്രധാന അദ്ധ്യാപിക	സിന്ധു. ആർ
പി.ടി.എ. പ്രസിഡണ്ട്	ജുനൈദ് ഉറുമി
എം.പി.ടി.എ. പ്രസിഡണ്ട്	ശ്രീമതി ബിന്ദു
അവസാനം തിരുത്തിയത്
05-03-2024	Rahulavudinur

2021-22 ലെ സ്കൂൾവിക്കി പുരസ്കാരം നേടുന്നതിനായി മൽസരിച്ച വിദ്യാലയം.

സ്കൂൾ

ഇംഗ്ലീഷ് വിലാസം

https://schoolwiki.in/AJBS_Puthige

ചരിത്രം

അനേകർക്ക് ജീവിതപാതയിൽ കാവ്യഭാവയുടെ കരിമഷി പകർന്ന, ചിന്തകൾക്ക് എഴുത്താണിയുടെ മൂർച്ച പകർന്ന, മനസ്സിന് നീരുറവയുടെ കുളിർമ നൽകിയ വിദ്യാലയമാണ് പുത്തിഗെ എയ്ഡഡ് ജൂനിയർ ബേസിക് സ്‌കൂൾ. പുത്തിഗെ ഗ്രാമപഞ്ചായത്തിലെ പതിനൊന്നാം വാർഡിൽ പുത്തിഗെ ഗ്രാമത്തിന്റെ ഹൃദയഭാഗത്ത് സ്ഥിതിചെയ്യുന്ന ഈ സ്‌കൂൾ 1930ലാണ് സ്ഥാപിതമായത്. ദിവംഗതനായ ദൊഡ്ഡഗുത്തു സങ്കപ്പറൈ അവർകളാണ് ഈ വിദ്യാലയത്തിന്റെ സ്ഥാപകൻ. ആദ്യകാലങ്ങളിൽ ഓലമേഞ്ഞൊരു കെട്ടിടത്തിലാണ് വിദ്യലായം പ്രവർത്തിരുന്നത്. അക്കാലത്ത് ഒന്നുമുതൽ അഞ്ചുവരെ കന്നട മാധ്യമം മാത്രമേ ഉണ്ടായിരുന്നുള്ളൂ. മദ്രാസ് സംസ്ഥാനത്തിന്റെ ദക്ഷിണ കന്നഡ ജില്ലയിൽ ഉൾപ്പെട്ട ഈ വിദ്യാലയത്തിന് അന്നത്തെ മദ്രാസ് സംസ്ഥാനം 17.11.1938 ൽ അംഗീകാരം നൽകി. വിദ്യാഭ്യാസപരമായി പിന്നോക്കം നിന്നിരുന്ന ഈ പ്രദേശത്തിലെ നിരക്ഷരരായ ജനങ്ങൾക്ക് വിദ്യാഭ്യാസം നൽകുന്നതിനായി 1953 മുതൽ 1960 വരെയുള്ള കാലഘട്ടത്തിൽ നിശാപാഠശാലയായും ഈ വിദ്യാലയം പ്രവർത്തിരുന്നു. അതുപോലെ തന്നെ ശ്രീകുമാര സ്വാമി യക്ഷഗാന സംഘത്തിന്റെ നേതൃത്വത്തിൽ യക്ഷഗാന പരിശീലനവും നടന്നിരുന്നു. വിദ്യാലയത്തിൽ ദിവംഗതനായ ശ്രീ ദാസപ്പാചാരിയുടെ നേതൃത്വത്തിൽ ചർക്ക ഉപയോഗിച്ച് നെയ്ത്തുപരിശീലനവും നടത്തിയിരുന്നു. 1968ൽ നാട്ടുകാരുടെയും രക്ഷിതാക്കളുടെയും നിരന്തരമായ ആവശ്യപ്രകാരം ഒന്നുമുതൽ നാലുവരെ മലയാളത്തിലും അറബിയിലുമുള്ള അധ്യയനം ഇവിടെ ആരംഭിച്ചു. കാലത്തോടൊപ്പം മാനേജ്‌മെന്റുകളും മാറിമാറിവന്ന ഈ സ്‌കൂൾ ഇപ്പോൾ ഉയർച്ചയുടെ പാതയിലാണ്. ഇപ്പോൾ ത്രിഭാഷ മാധ്യമത്തിൽ കുട്ടികൾക്ക് മികച്ച പഠനാന്തരീക്ഷം ഒരുക്കുന്നു. ആധുനിക സൗകര്യങ്ങളോടുകൂടിയ കെട്ടിടം നിർമിക്കുകയും കുട്ടികളുടെ യാത്രാസൗകര്യങ്ങൾ വർദ്ധിക്കുകയും ചെയ്തതോടെ കുട്ടികളുടെ എണ്ണത്തിൽ അതിശയകരമായ പുരോഗതിയുണ്ടായി. പാഠ്യ പാഠ്യേതര വിഷയങ്ങളിൽ മികവുറ്റ പ്രകടനങ്ങൾ കാഴ്ചവയ്ക്കുന്നതോടൊപ്പം കുമ്പള ഉപജില്ലയിലെയും കാസർഗോഡ് ജില്ലയിലെയും മികച്ച വിദ്യാലയങ്ങളുടെ പട്ടികയിൽ ഇടംനേടിക്കഴിഞ്ഞു. ഒന്നുമുതൽ നാലുവരെ മലയാളത്തിലും ഇംഗ്ലീഷിലും കന്നഡയിലുമായാണ് വിദ്യാഭ്യാസം നൽകിവരുന്നത്. ജില്ലയിലെ മറ്റ് സ്‌കൂളുകളിൽനിന്നും വ്യത്യസ്തമായി ഞങ്ങളുടെ വിദ്യാലയത്തിൽ ഒന്നാംതരത്തിലേക്ക് പ്രവേശനം നേടിയകുട്ടികൾ നിരവധിയാണ്. പാഠ്യ-പാഠ്യേതര വിഷയങ്ങളിൽ ഞങ്ങളുടെ കുട്ടികൾ നേടിയ നേട്ടങ്ങൾ ജില്ലാതലങ്ങളിൽവരെ ശ്രദ്ധേയമായിരുന്നു. സബ്ജില്ലാ കലോത്സവം, കായികമേള, വിദ്യാരംഗം, മെട്രിക്‌മേള തുടങ്ങിയവയിലെ നേട്ടങ്ങൾ അവയിൽ ചിലതുമാത്രം. ഐടി വിദ്യാഭ്യാസത്തിനായി പ്രത്യേകം സമയം കണ്ടെത്തുകയും ക്ലാസ് അധ്യാപകരുടെ മേൽനോട്ടത്തിൽ പരിശീലനം നൽകിവരികയും ചെയ്യുന്നു. 2006 മുതൽ പ്രീ പ്രൈമറി വിഭാഗവും സ്‌കൂളിൽ പ്രവർത്തിച്ചുവരുന്നുണ്ട്. നൂറിലേറെ കുട്ടികൾ പ്രീ പ്രൈമറയിൽ 2019-20, 2020-21,2021-22 അധ്യയന വർഷത്തിൽ പ്രവേശനം നേടിയിട്ടുണ്ട്. കൃത്യമായ ഇടവേളകളിൽ സംഘടിപ്പിക്കുന്ന പിടിഎ യോഗങ്ങൾ, വിവിധ വിഷയങ്ങളിൽ രക്ഷിതാക്കൾക്കുവേണ്ടി സംഘടിപ്പിക്കുന്ന ബോധവൽക്കരണ ക്ലാസുകൾ, നൂതനവും വ്യത്യസ്തവുമായ ദിനാചരണ പരിപാടികൾ എന്നിവയെല്ലാം മികവിലേക്കുള്ള ഞങ്ങളുടെ ചവിട്ടുപടികളാണ്. സ്‌കൂൾ മാനേജ്‌മെന്റിന്റെയും അധ്യാപകരുടെയും പരിശ്രമഫലമായി രണ്ട് ബസ്സ സ്‌കൂളിന് സ്വന്തമായുണ്ട്. പരിമിതമായ സാഹചര്യങ്ങളിൽനിന്നുപോലും കുട്ടികൾ വിദ്യാലയത്തിലേക്ക് എത്തിച്ചേരുന്നതിന് ഇത് സഹായകമായി. വിദ്യാലത്തിന്റെ നിലവിലുള്ള സാഹചര്യങ്ങളുടെ പരിമിതികൾ ഉൾക്കൊണ്ടുകൊണ്ടുള്ള പ്രവർത്തനങ്ങളാണ് നാളിതുവരെയായി സംഘടിപ്പിച്ചിട്ടുള്ളത്. ഭൗതീകമായും അക്കാദമികമായും ഇനിയും മെച്ചപ്പെടേണ്ടതുണ്ടെന്ന തിരിച്ചറിവിന്റെ അടിസ്ഥാനത്തിലാണ് പിടിഎയും എസ്എസ്ജിയും മാനേജ്‌മെന്റും അധ്യാപകരും വിദ്യാലയ പ്രവർത്തനങ്ങളിൽ ഇടപെട്ടുകൊണ്ടിരിക്കുന്നത്.

ഭൗതികസൗകര്യങ്ങൾ

ആൺകുട്ടികൾക്കും പെൺകുട്ടികൾക്കുമായി എട്ട് ടോയ് ലറ്റുകൾ.
കുടിവെള്ള സൗകര്യത്തിനായി കുഴൽക്കിണർ
ചുറ്റുമതിൽ
അംഗപരിമിതർക്കായുള്ള റാമ്പും റെയിലും
ഉച്ചഭക്ഷണ പാചകത്തിനായുള്ള അടുക്കള
കമ്പ്യൂട്ടർ ലാബ്
ലൈബ്രറി

പാഠ്യേതര പ്രവർത്തനങ്ങൾ

ഉപജില്ലാ കലോത്സവങ്ങളിലെ പങ്കാളിത്തവും മികച്ച വിജയവും
ഉപജില്ലാ ശാസ്ത്രമേള, കായികമേള എന്നിവയിൽ പങ്കാളിത്തവും മികച്ച വിജയവും
മെട്രിക് മേളയിൽ തിളക്കമാർന്ന വിജയങ്ങൾ
വിദ്യാലയ സർഗവേളകൾ
ദിനാചരണ പരിപാടികൾ
ഈസി ഇംഗ്ലീഷ് ക്യാമ്പുകൾ
ഫീൽഡ് ട്രിപ്പുകൾ
സർഗാത്മക ക്യാമ്പുകൾ

മാനേജ്‌മെന്റ്

ഇബ്രാഹിം മാസ്റ്റർ
മാനേജർ

മുൻ മാനേജർമാർ

സങ്കപ്പ റൈ
ദൂമണ്ണ റൈ
ഗുഡ്ഡപ്പ റൈ
വേണുഗോപാല റൈ
എം.ശങ്കരൻ നമ്പ്യാർ
സി.എം അശോക് കുമാർ

മുൻസാരഥികൾ

സങ്കപ്പ റൈ
ദൂമണ്ണ റൈ
ബാലകൃഷ്ണ റൈ
പി. കാവേരി

പ്രശസ്തരായ പൂർവവിദ്യാർത്ഥികൾ

കാസർഗോഡിന്റെ തനത് കലാരൂപമായ യക്ഷഗാനം ജനകീയമാക്കിയ യുവകലാകാരന്മാരായ ശ്രീഹർഷൻ, ശ്രീനിവാസ്, അജിത്ത്, അശ്വിൻ എന്നിവർ പുത്തിഗെ എജെബി സ്‌കൂളിലെ പൂർവ്വവിദ്യാർത്ഥികളാണ്. എടനീർ യക്ഷഗാന കലാമണ്ഡലത്തിൽ നിന്നുമാണ് ഇവർ യക്ഷഗാനം അഭ്യസിച്ചത്. ഇന്ത്യയുടെ വിവിധ ഭാഗങ്ങളിൽ മലയാളത്തിലും കന്നഡയിലും യക്ഷഗാനം അവതരിപ്പിച്ച് ജനശ്രദ്ധനേടിയിട്ടുണ്ട്

വഴികാട്ടി

1.കുമ്പള റെയിൽവേ സ്റ്റേഷൻ/ ബസ്റ്റാന്റിൽനിന്നും ബസ് മാർഗം സീതാംഗോളി എത്തി പെർള റോഡിൽ അഞ്ച് കിലോമീറ്റർ ദൂരത്തിൽ സ്കൂൾ സ്ഥിതി ചെയ്യുന്നു. ആകെ 15 കിലോമീറ്റർ 2.കാസർഡോഡ് നിന്നും ബസ് മാർഗം വിദ്യാനഗർ വഴി സീതാംഗോളി എത്തുക. പെർള റോഡിൽ അഞ്ച് കിലോമീറ്റർ ദൂരത്തിൽ സ്കൂൾ സ്ഥിതി ചെയ്യുന്നു. ആകെ 20 കിലോമീറ്റർ