"കാലിക്കറ്റ് ഗേൾസ് വൊക്കേഷണൽ ആന്റ് എച്ച്. എസ്സ്. എസ്സ്./പ്രവർത്തനങ്ങൾ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

{{PVHSSchoolFrame/Pages}}

കാലിക്കറ്റ് ഗേൾസ് വി എച്ച് എസ് എസ് 2022-23 അധ്യയന വർഷത്തിൽ തുടക്കം കുറിച്ച പരിപാടിയാണ് പാരൻ്റ്സ് സ്കൂൾ. ആധുനിക കാലത്തിൽ കുട്ടികളെ വളർത്തുമ്പോൾ അഭിമുഖീകരിക്കുന്ന പ്രശ്നങ്ങൾ തരണം ചെയ്യാൻ രക്ഷിതാക്കളെ ശാക്തീകരിക്കുക എന്നതാണ് ഈ പരിപാടിയുടെ ലക്ഷ്യം.ഇതിൻ്റെ ഭാഗമായി സ്കൂളിൽ പഠിക്കുന്ന മുഴുവൻ വിദ്യാർത്ഥികളുടെയും രക്ഷിതാക്കൾക്ക് നിരന്തരമായി പരിശീലനം നൽകാൻ ഉദ്ദേശിക്കുന്നു. എല്ലാ ബുധനാഴ്ചകളിലും ഉച്ചക്ക് ശേഷം 3 മണി മുതൽ 5 മണി വരെയാണ് ക്ലാസ് നൽകുക. ഒരു കുട്ടിയെ ഗർഭം ധരിക്കുന്നത് മുതൽ കൗമാര ഘട്ടം വരെ ശ്രദ്ധിക്കേണ്ട കാര്യങ്ങളും ഇ- ലോകത്ത് കുട്ടികളെ നേർവഴിയിൽ നയിക്കാൻ വേണ്ട നിർദേശങ്ങളുമാണ് ഈ പരിശീലന പാഠ്യപദ്ധതിയിൽ ഉൾപ്പെടുത്തിയിരിക്കുന്നത്.

[[പ്രമാണം:Imagecgv.png|ലഘുചിത്രം|167x167ബിന്ദു]]മെയ് 25-ാം തീയതി അഞ്ചാം ക്ലാസിലെ രക്ഷിതാക്കൾക്ക് ക്ലാസ് നൽകിക്കൊണ്ട് പാരൻ്റ്സ് സ്കൂൾ പരിപാടിക്ക് തുടക്കം കുറിച്ചു.സ്കൂൾ പ്രിൻസിപ്പാൾ അബ്ദു സർ ആണ് ക്ലാസ് നൽകുന്നത്.5 മുതൽ 12 വരെ ക്ലാസുകളിലെ രക്ഷിതാക്കൾക്ക് ക്ലാസ് നൽകി മികച്ച ഒരു തലമുറയെ വാർത്തെടുക്കുക എന്നതാണ് പാരൻ്റ്സ് സ്കൂളിൻ്റെ ലക്ഷ്യം. 6, 7,8,10 ക്ലാസ്സുകളിലെ parents meet ജൂണിൽ നടന്നു.

[[പ്രമാണം:Vocational training.png|ലഘുചിത്രം|247x247px|vocational training]]

[[പ്രമാണം:Poomukham1.jpg|ലഘുചിത്രം|273x273px]]

"പൂമുഖം"  അതിഥികൾക്കിരിക്കാൻ വിസിറ്റിംഗ് ലോഞ്ച് ഉദ്ഘാടനം 25.07.22ന് 11.00മണിക്ക് പ്രിൻസിപ്പൽ അബ്ദു സർ ഉദ്ഘാടനം ചെയ്തു. വളണ്ടിയർ ലീഡർ അമീഷ സ്വാഗതം ചെയ്തു."Do it your Self". (DIY) പാഴ്‌വസ്തുക്കളിൽ നിന്നാണ് മനോഹരമായ ഈ ഇരിപ്പിടം തയ്യാറാക്കിയത്.കല സാമൂഹിക നന്മക്ക് എന്ന NSS സന്ദേശം കുട്ടികൾ ഇതിലൂടെനൽകാൻ ശ്രമിച്ചു.23, 24ദിവസങ്ങളിലായി'ചായം'എന്നപേരിൽ നടന്ന ക്യാമ്പിൻ്റെഭാഗമായാണ് പൂമുഖം നിർമ്മിച്ചത്.വിവിധ കരകൗശല വസ്തുക്കളും നിർമ്മിച്ചു.

[[പ്രമാണം:Wings 2.jpg|ലഘുചിത്രം|292x292px|wings 2|പകരം=|ഇടത്ത്‌]]

[[പ്രമാണം:Wings camp.jpg|ലഘുചിത്രം|187x187ബിന്ദു|wings (HS)]]

കാലിക്കറ്റ് ഗേൾസ് ഹൈസ്കൂളിൽ പുതുതായി അഞ്ചാം ക്ലാസിലേക്ക് അഡ്മിഷൻ നേടിയ കുട്ടികൾക്ക് സംഘടിപ്പിച്ച ത്രിദിന അവധിക്കാല ക്യാമ്പ് സിറ്റി എ.ഇ.ഒ ജയകൃഷ്ണൻ സർ ഉദ്ഘാടനം ചെയ്തു. പട്ടം പോലെ വിണ്ണിൽ പാറാൻ ഇഷ്ടത്തോടെ മുന്നേറാൻ ' WINGS 2K22' എന്ന് നാമകരണം ചെയ്ത ക്യാമ്പ് രണ്ട് ബാച്ചുകളിലായി 23/5/22 മുതൽ 28/5/22 വരെ സംഘടിപ്പിച്ചു.ഓരോ ബാച്ചിനും മൂന്ന് ദിവസങ്ങളിലായി ലഭിച്ച ക്യാമ്പനുഭവം ഓരോ കുട്ടിയും പങ്കുവച്ചു.ആദ്യ ദിവസം ഭയത്തോടെ ആശങ്കയോടെ വന്ന കുട്ടികൾ പിറ്റേ ദിവസം വളരെ സന്തോഷത്തോടെ നേരത്തെ തന്നെ സ്കൂളിൽ എത്തി. ഓരോ ദിവസവും കുട്ടികളും രക്ഷിതാക്കളും നൽകിയ ഫീഡ്ബാക്ക് ക്യാമ്പ് കുട്ടികൾക്ക് എത്രത്തോളം ഇഷ്ടപ്പെട്ടു എന്നതിന് തെളിവായിരുന്നു. ക്യാമ്പിൻ്റെ ഉദ്ദേശ്യലക്ഷ്യങ്ങൾ സ്കൂൾ പ്രിൻസിപ്പാൾ അബ്ദു സർ വിശദീകരിച്ചു.പി.ടി.എ പ്രസിഡണ്ട് ശ്രീ.എ.ടി.നാസർ അധ്യക്ഷത വഹിച്ച ഉദ്ഘാടനച്ചടങ്ങിൽ ഹെഡ്മിസ്ട്രസ്സ് സൈനബ ടീച്ചർ സ്വാഗതം പറഞ്ഞു.ചടങ്ങിൽ പി ടി.എ, മാനേജ്മെൻറ് കമ്മിറ്റി അംഗങ്ങൾ ആശംസകൾ അർപ്പിച്ചു.

ഹൊറിഗല്ലു സമർപ്പിച്ചിരിക്കുകയാണ് കാലിക്ക് ഗേൾസ് ഹയർസെക്കന്ററി എൻ.എസ് എസ് ടീം.  കോഴിക്കാട് കോർപ്പറേഷൻ മേയർ  ബീനാ ഫിലിപ്പ് ഉദ്ഘാടനം നിർവ്വഹിച്ചു. സപ്തദിന ക്യാമ്പിനോടനുബന്ധിച്ച് സമൂഹോദ്യാനം നിർമ്മിക്കാൻ കല്ലായി പാലത്തിന് സമീപമെത്തിയ വളണ്ടിയേഴ്സിന് കല്ലായി അണ്ടർ പാസ് സംരക്ഷണ സമിതിയാണ് 1926 ൽ യു ഭവാനി റാവുവിന്റെ സ്മരണക്കായി സ്ഥാപിച്ച അത്താണിയും കിണറും ശ്രദ്ധയിൽ പെടുത്തിയത്.  

സ്കൂൾ മാനേജർ ശ്രീ പി.എസ്. അസ്സൻ കോയ അദ്ധ്യക്ഷത വഹിച്ച ചടങ്ങിൽ വാർഡ് കൗൺസിലർ ശ്രീമതി. ഉഷാദേവി ടീച്ചർ , മുഹ്സിന എന്നിവർ മുഖ്യപ്രഭാഷണം നടത്തി. എൻ.എസ് എസ് പ്രോഗ്രാം ഓഫീസർ ഷഹീന ഇ  കെ പ്രോജക്ട് അവതരണം നടത്തി. കുമാരി ആമിന ഷദ അനുഭവം പങ്കു വെച്ചു.എൻ.എസ് എസ്  ജില്ലാ കോർഡിനേറ്റർ എം.കെ ഫൈസൽ,ക്ലസ്റ്റർ കൺവീനർ ഗീതാ നായർ, ഹെഡ്മിസ്ട്രസ്സ് സൈനബ ടീച്ചർ, പി.ടി.എ വൈസ് പ്രസിഡന്റ് സാജിദ് അലി, കല്ലായ് അണ്ടർ പാസ് സംരക്ഷണ സമിതി അംഗം ഹസ്സൻ കോയ, മൻസൂർ, സാലിഹ്, ഈസ, അബ്ദു റഷീദ്, അയ്യൂബ്, ഇ വി ഹസീന എന്നിവർ ആശംസകൾ നേർന്നു. പ്രിൻസിപ്പാൾ എം അബ്ദു ചടങ്ങിന് സ്വാഗതവും വളണ്ടിയർ സെക്രട്ടറി അമീഷ നന്ദിയും രേഖപ്പെടുത്തി.

[[പ്രമാണം:RADIANT STEP.jpg|പകരം=RADIANT STEP|ലഘുചിത്രം|186x186px|RADIANT STEP|ഇടത്ത്‌]]

[[പ്രമാണം:RADIANT STEPS.jpg|ലഘുചിത്രം|236x236ബിന്ദു]]പാദവാർഷിക പരീക്ഷയുടെ  അടിസ്ഥാനത്തിൽ ഓരോ ക്ലാസിലും പിന്നോക്കം നിൽക്കുന്ന കുട്ടികളെ കണ്ടെത്തുകയും ആ കുട്ടികളുടെ  രക്ഷിതാക്കൾക്ക് ഒരു ബോധവൽക്കരണ ക്ലാസ് നൽകുകയും ചെയ്തു. രക്ഷിതാക്കളുടെയും  അധ്യാപകരുടെയും അഭിപ്രായത്തിൽ ഇത്തരം കുട്ടികൾക്ക് പ്രത്യേക പഠനം നൽകുന്നതിന് വേണ്ടിയുള്ള Radiant step  പദ്ധതി നടപ്പിലാക്കാൻ തീരുമാനിച്ചു. 5, 6, 7 ക്ലാസുകളിൽ നിന്നായി 51, 51 ,65 കുട്ടികളെ ഇതിനുവേണ്ടി തെരഞ്ഞെടുത്തു. ഈ കുട്ടികൾക്ക് ഒക്ടോബർ സെക്കൻഡ് വീക്ക് മുതൽ എല്ലാ ശനിയാഴ്ചകളിലും പത്തര മുതൽ ഒന്നര വരെ മൂന്ന് മണിക്കൂർ ദൈർഘ്യമുള്ള ക്ലാസ് നടപ്പിലാക്കി വരുന്നു. അതോടൊപ്പം 7 കുട്ടികൾക്ക് ഒരു അധ്യാപിക എന്ന രീതിയിൽ മെൻററെ നിയമിക്കുകയും ചെയ്തു. ഈ മെന്റർമാർ  കുട്ടികളുടെ വിദ്യാഭ്യാസപരമായും ശാരീരികവും മാനസികവും സാമ്പത്തികവും ആയിട്ടുള്ള എല്ലാ ബുദ്ധിമുട്ടുകളും മനസ്സിലാക്കുകയും അവർക്ക് വേണ്ട സഹായസഹകരണങ്ങൾ നൽകുകയും ചെയ്തു വരുന്നു.

വിഷയങ്ങളിൽ മുന്നോക്കം നിൽക്കുന്ന കുട്ടികൾക്ക് അധ്യാപികമാർ സ്റ്റാർ നൽകുകയും ഓരോ ആഴ്ചയിലും കൂടുതൽ സ്റ്റാർ ലഭിച്ച കുട്ടികൾക്ക് അസംബ്ലിയിൽ ബാഡ്ജ് നൽകി അനുമോദിക്കുന്നു. അതുപോലെ മാസാവസാനത്തിൽ കൂടുതൽ സ്റ്റാർ കിട്ടിയ കുട്ടികൾക്ക് star of the month അവാർഡും നൽകുന്നു[[പ്രമാണം:STAFF ROOM LIBRARY.jpg|ലഘുചിത്രം|179x179px]]

അദ്ധ്യാപകരുടെ വായനാശീലം വർധിപ്പിക്കുക എന്ന ലക്ഷ്യത്തോടെ സെപ്റ്റംബർ മാസത്തിൽ സ്റ്റാഫ്‌ റൂം ലൈബ്രറി ഉത്ഘാടനം ചെയ്തു. .നിരവധി അദ്ധ്യാപകർ പുസ്തകങ്ങൾ സംഭാവന ചെയ്തു.അദ്ധ്യാപകരുടെ കയ്യിൽ നിന്നും  fund ശേഖരിക്കുകയും ആവശ്യമായ പുതിയ പുസ്തകങ്ങൾ വാങ്ങുകയും ചെയ്തു .സമയപരിമിതി മൂലം പുസ്തകങ്ങൾ വായിക്കാൻ സാധിക്കാത്ത അദ്ധ്യാപകർക്ക് സ്‌റ്റാഫ്‌റൂം ലൈബ്രറി ഉപകാരപ്രദമായി മാറി.

[[പ്രമാണം:Kanivu 1.png|ലഘുചിത്രം|208x208px|kanivu|പകരം=|ഇടത്ത്‌]][[പ്രമാണം:Kanivu 2.jpg|ലഘുചിത്രം|215x215ബിന്ദു|kanivu 2]]കാലിക്കറ്റ് ഗേൾസ് വി എച്ച് എസ് എസ് ജെ ആർ സി യൂണിറ്റിന്റെ ആഭിമുഖ്യത്തിൽ സ്കൂളിലെ നിർധനരായ കുട്ടികൾക്ക് പഠനോപകരണങ്ങൾ നൽകുന്ന പദ്ധതിയായ കനിവ് കോഴിക്കോട് ഡി ഡി മനോജ് കുമാർ ഉദ്ഘാടനം ചെയ്തു കൂട്ടുകാരിക്കും ഒരു പഠനോപകരണം എന്ന പദ്ധതിയിൽ പങ്കാളിയാകാൻ കുട്ടികൾ തങ്ങളുടെ പഠനോപകരണങ്ങളോടൊപ്പം ഒന്നുകൂടി വാങ്ങി നൽകിക്കൊണ്ട് ത്യാഗത്തിന്റെ വലിയ മാതൃക സൃഷ്ടിക്കുകയായിരുന്നു. അർഹതപ്പെട്ട കുട്ടികളെ ക്ലാസ് അധ്യാപകർ കണ്ടെത്തി. കുട്ടികളെ വേദിയിലെത്തിച്ച് അവരുടെ ദൈന്യത പ്രദർശനം നടത്തുന്നതിന് പകരം ക്ലാസ് അധ്യാപകർ അവരവരുടെ കുട്ടികൾക്ക് വേണ്ടി പഠനോപകരണ കിറ്റുകൾ ഏറ്റുവാങ്ങിയത് മാതൃകാപരമായ ഒരു പ്രവർത്തനമാണ് എന്ന് ഉദ്ഘാടന പ്രസംഗത്തിൽ ഡിഡി എടുത്തുപറഞ്ഞു. ജില്ലാതല ഉദ്ഘാടനത്തിന് ഈ സ്കൂൾ വേദി ആയതിൽ അഭിമാനം ഉണ്ടെന്ന് മുഖ്യപ്രഭാഷണം നിർവഹിച്ചുകൊണ്ട് പ്ലസ് ടു പ്രിൻസിപ്പാൾ അബ്ദു മാസ്റ്റർ പറഞ്ഞു. എച്ച് എം സൈനബ ടീച്ചർ സ്വാഗതഭാഷണം നടത്തി. പിടിഎ പ്രസിഡന്റ് എടി നാസർ അധ്യക്ഷതവഹിച്ച ചടങ്ങിൽ മാനേജ്മെന്റ് കമ്മിറ്റി സെക്രട്ടറി ശ്രീ ഹസ്സൻ കോയ, റെഡ് ക്രോസ് ജില്ലാ ചെയർമാൻ ശ്രീ സത്യനാഥൻ മാടഞ്ചേരി, ജെ ആർ സി ജില്ലാ പ്രസിഡന്റ് രാജേന്ദ്രകുമാർ, ജില്ലാ കോഡിനേറ്റർ സിന്ധു സൈമൺ സിറ്റി സബ്ജില്ലാ ജയാർസി പ്രസിഡന്റ് അശ്വതി ടീച്ചർ ജില്ലാ കമ്മിറ്റി അംഗം റാസിക് മാസ്റ്റർ, വിഎച്ച്എസ്ഇ പ്രിൻസിപ്പാൾ ശ്രീദേവി ടീച്ചർ പിടിഎ വൈസ് പ്രസിഡന്റ് സാജിദ് അലി എന്നിവർ സംസാരിച്ചു കൗൺസിലർ ഹബീബ് ടീച്ചർ നന്ദി പറഞ്ഞു.

കാലിക്കറ്റ്‌ ഗേൾസ് high സ്കൂൾ jrc unit നടപ്പിലാക്കുന്ന കനിവ് പദ്ധതിയുടെ ഭാഗമായി നിർധനരായ കുട്ടികൾക്ക് ബലിപ്പെരുന്നാൾ വസ്ത്രങ്ങൾ വാങ്ങുന്നതിനാവശ്യമായ കൂപ്പണുകൾ ക്ലാസ് അധ്യാപകർക്ക് കൈമാറി. ഇതിനുള്ള പണം അധ്യാപകർ തന്നെയാണ് നൽകിയത് വിസ്ഡം സ്റ്റുഡൻ്റ്സ് എന്ന സംഘടനയുടെ Eid Kiswa സഹായം കൂടി ലഭിച്ചപ്പോൾ നൂറോളം കുട്ടികൾക്ക് സഹായം നൽകാൻ കഴിഞ്ഞു

[[പ്രമാണം:News channel.jpg|ലഘുചിത്രം|226x226ബിന്ദു|News channel]]

കാലിക്കറ്റ് വൊക്കേഷണൽ ഹയർ സെക്കൻഡറി സ്കൂൾ സ്കൂളിൽലിറ്റിൽ കൈറ്റ്സ് ക്ലബ്ബിന്റെ ആഭിമുഖ്യത്തിൽ ഒരു സ്കൂൾ വാർത്താ ചാനൽ ആരംഭിച്ചു. എല്ലാ മാസവും സ്കൂളിലെ പ്രധാന സംഭവങ്ങൾ കോർതിണക്കിക്കൊണ്ട് സ്കൂളിലെ കുട്ടികളാണ് വാർത്ത അവതരിപ്പിക്കുന്നത്. സ്കൂൾ സ്റ്റുഡിയോയിൽ വച്ച് ചിത്രീകരിക്കുന്ന ന്യൂസ് റീഡിങ് ആൻഡ് റെക്കോർഡിങ്ങിന് ലിറ്റിൽ കൈറ്റ്‌സ് അധ്യാപിക ഫെമി ടീച്ചർ,സ്വബിർ സാർ എന്നിവർ നേതൃത്വം നൽകി.

വാർത്താ ചാനൽ കാണാൻ-https://youtu.be/z5vespWfeO0

[[പ്രമാണം:Scilore 1.jpg|ലഘുചിത്രം|209x209ബിന്ദു|Scilore 1]]

കുട്ടികളുടെ ശാസ്ത്രാഭിരുചി കണ്ടെത്തുന്നതിന്റെയും വളർത്തിയെടുക്കുന്നതിന്റെയും ഭാഗമായി ശാസ്ത്ര-ഗണിത ശാസ്ത്ര-സാമൂഹ്യ ശാസ്ത്ര-ഐ.ടി - പ്രവൃത്തി പരിചയമേള സംഘടിപ്പിച്ചു. മേളയുടെ ഭാഗമായി ഐ.ടി, പ്രവൃത്തി പരിചയ ക്ലബുകളുടെ നേതൃത്വത്തിൽ തത്സമയ മത്സരങ്ങൾ സംഘടിപ്പിച്ചു. വിജയികളെ കണ്ടെത്തി മറ്റ് ക്ലബുകളുടെ നേതൃത്വത്തിൽ still മോഡൽസ്, working model മത്സരങ്ങൾ സംഘടിപ്പിച്ചു.[[പ്രമാണം:Scilore exhibition.jpg|ലഘുചിത്രം|211x211ബിന്ദു|scilore exhibition|പകരം=|ഇടത്ത്‌]]

ശാസ്ത്രമേള  ഉദ്ഘാടനം ചെയ്തത് ISRO മുൻ ഡയറക്ടറും ശാസ്ത്രജ്ഞനുമായ ശ്രീ ഇ. കെ. കുട്ടി ആയിരുന്നു. ചടങ്ങിൽ IIT മുംബൈ വിദ്യാർത്ഥി ഭരത് ശ്രീജിത്തുമായി കുട്ടികൾ സംവദിച്ചു. സ്കൂൾ ഹെഡ്മിസ്ട്രസ്, ഹയർ സെക്കന്ററി പ്രിൻസിപ്പാൾ, വി.എച്ച് എസ് ഇ പ്രിൻസിപ്പാൾ, പി ടി എ പ്രസിഡണ്ട് മുതലായവർ പങ്കെടുത്ത ചടങ്ങിൽ വച്ച് മത്സര വിജയികൾക്ക് സമ്മാനം വിതരണം ചെയ്തു. വിവിധ മത്സരങ്ങളിൽ മികവ് പുലർത്തിയ കുട്ടികളെ കൂടുതൽ പരിശീലനം നൽകി സബ്ജില്ലാ മത്സരങ്ങളിൽ പങ്കെടുപ്പിക്കുന്നതിന് ഓരോ വിഭാഗത്തിന്റെയും അധ്യാപകർ തീരുമാനിച്ചു.

[[പ്രമാണം:Election poster.jpg|ലഘുചിത്രം|214x214ബിന്ദു|Election poster|പകരം=|ഇടത്ത്‌]]

കാലിക്കറ്റ് ഗേൾസ് വൊക്കേഷണൽ ഹയർസെക്കൻഡറി സ്കൂൾ പാർലമെന്റ് തിരഞ്ഞെടുപ്പ് വിദ്യാഭ്യാസ വകുപ്പിന്റെ നിർദ്ദേശപ്രകാരം 2022 ഒക്ടോബർ 28,31 തീയതികളിൽ നടന്നു. യുപി, ഹൈസ്കൂൾ, ഹയർസെക്കൻഡറി വിഎച്ച്എസ്ഇ വിഭാഗം ക്ലാസുകളിലെ ക്ലാസ് ലീഡർ തിരഞ്ഞെടുപ്പ് ഒക്ടോബർ 28 വെള്ളിയാഴ്ച നടന്നു. തുടർന്ന് വോട്ടെണ്ണൽ കേന്ദ്രത്തിൽ വച്ച് ബാലറ്റ് പേപ്പർ എണ്ണകയും ക്ലാസ് ലീഡർമാരെ പ്രഖ്യാപിക്കുകയും ചെയ്തു. പിന്നീട് സ്കൂൾ പാർലമെന്റിലേക്ക് വിദ്യാർത്ഥി പ്രതിനിധികളിൽ നിന്നും നാമനിർദ്ദേശപത്രിക സ്വീകരിച്ചു. സ്കൂൾ ചെയർപേഴ്സൺ, വൈസ് ചെയർപേഴ്സൺ, സെക്രട്ടറി ജോയിൻ സെക്രട്ടറി എന്നീ തസ്തികളിലേക്ക് യഥാക്രമം വിഎച്ച്എസ്ഇ പത്താംതരം, ഒമ്പതാംതരം, ഹയർ സെക്കൻഡറി എന്നീ വിഭാഗങ്ങളിൽ എന്നാണ് നാമനിർദ്ദേശപത്രിക സ്വീകരിച്ചത്. ഒക്ടോബർ 31 തിങ്കളാഴ്ച ഉച്ചയ്ക്ക് 12:30 മുതൽ 2 മണി വരെ പ്രചരണ പരിപാടികൾ സംഘടിപ്പിച്ചു. ശേഷം 2:30 മുതൽ 3 മണി വരെ സ്കൂൾ പാർലമെന്റ് തിരഞ്ഞെടുപ്പ് വിഎച്ച്എസ്ഇ ഹാളിൽ വെച്ച് നടന്നു. അതേ കേന്ദ്രത്തിൽ വച്ച് തന്നെ വിദ്യാർത്ഥി പ്രതിനിധികളുടെ സാന്നിധ്യത്തിൽ വോട്ടെണ്ണൽ നടത്തി വിജയികളെ കണ്ടെത്തി. കൃത്യം 3; 30 ന് സ്കൂൾ അങ്കണത്തിൽ വെച്ച് പ്രിൻസിപ്പൽ അബൂസർ വിഎച്ച്എസ്ഇ പ്രിൻസിപ്പൽ ശ്രീദേവി ടീച്ചർ, ഹെഡ് മിസ്ട്രെസ് സൈനബ ടീച്ചർ എന്നിവർ സംയുക്തമായി ഫലപ്രഖ്യാപനം നടത്തി.

തികച്ചും ജനാധിപത്യ രീതിയിൽ നടന്ന തെരഞ്ഞെടുപ്പിൽ വിദ്യാർത്ഥികൾ ഉത്സാഹത്തോടെ പങ്കെടുത്തു. മീറ്റ് ദ ക്യാൻഡിഡേറ്റ് പ്രോഗ്രാം, പ്രചരണ പരിപാടി ആഹ്ലാദപ്രകടനം, എന്നിവ കരഘോഷത്തോടെയും തോരണങ്ങളും ആർപ്പുവിളികളുടെയും ആണ് കുട്ടികൾ സ്വീകരിച്ചത്. നാമനിർദ്ദേശപത്രിക, പോളിംഗ് ബൂത്ത്, ബാലറ്റ് പേപ്പർ, ബാലറ്റ് ബോക്സ് തുടങ്ങിയവ വിദ്യാർത്ഥികൾക്ക് നവ്യാനുഭവം നൽകി. ജനാധിപത്യ മൂല്യങ്ങൾ മനസ്സിലാക്കാനും മുറുകെ പിടിക്കാനും പ്രേരണ നൽകുന്നതായിരുന്നു സ്കൂൾ പാർലമെന്റ് തിരഞ്ഞെടുപ്പ്.

പരിസ്ഥിതി ദിനാചരണത്തിൻ്റെ ഭാഗമായി ജൂൺ 6 തിങ്കളാഴ്ച വിവിധ പരിപാടികൾ സംഘടിപ്പിച്ചു.

[[പ്രമാണം:Seed pen making.jpg|നടുവിൽ|ലഘുചിത്രം|163x163ബിന്ദു|seed pen making]]

സ്കൂൾ കാമ്പസിൽ "ഔഷധി" എന്ന ഔഷധത്തോട്ടത്തിൻ്റെ ഉദ്ഘാടനം PTAപ്രസിഡണ്ട് ATനാസർ നിർവ്വഹിക്കുന്നു. രാമച്ചം ആടലോടകം കരിനൊച്ചി കർപ്പൂരതുളസി തുടങ്ങി 40 ൽപരം ഔഷധസസ്യങ്ങൾ വച്ചു പിടിപ്പിച്ചു.