"കരിപ്പാൽ എസ് വി യു പി സ്കൂൾ/ചരിത്രം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

{{PSchoolFrame/Pages}}1950 ജനുവരി രണ്ടാം തീയതിയാണ് അന്നത്തെ മദ്രാസ് സംസ്ഥാനത്തിലെ മലബാർ നോർത്ത് ജില്ലാ വിദ്യാഭ്യാസ അധികൃതരുടെ അംഗീകാരത്തോടെ ഈ സ്ഥാപനം നിലവിൽ വന്നതെങ്കിലും അതിനു വളരെ മുൻപ് തന്നെ ഇതിന്റെ ചരിത്രമാരംഭിക്കുന്നുണ്ട്. ഈ വിദ്യാലയത്തിന്റെ സ്ഥാപക മാനേജർ പരേതനായ ശ്രീ കെ.കെ. നാരായണൻ നമ്പ്യാരുടെ വീടിന്റെ വരാന്തയിലായിരുന്നു തുടക്കം. അക്ഷരമാകുന്ന  താക്കോൽ കൊണ്ട് മാത്രമേ അറിവിന്റെ വാതായനങ്ങൾ തുറക്കാൻ സാധിക്കുകയുള്ളൂയെന്ന് വളരെ മുൻകൂട്ടി കണ്ട അദ്ദേഹം തന്റെ വീടിന്റെ ഉമ്മറത്ത് പലകമേൽ മണൽ നിരത്തി തന്റെ കുടുംബത്തിലും പുറത്തുമുണ്ടായിരുന്ന കുറച്ചു കുട്ടികളെ അതിനു മുന്നിലിരുത്തി അക്ഷരം പഠിപ്പിക്കാനുള്ള വേദിയൊരിക്കുകയിരുന്നു. ഇന്നത്തെപ്പോലെ സ്ലേറ്റും പെൻസിലുമോ, കടലാസും പേനയുമോ ലഭ്യമല്ലാത്തിരുന്ന അന്നത്തെക്കാലത്ത് മണലിൽ വിരൽ ഉപയോഗിച്ചാണ് എഴുതിയിരുന്നത്. '''ശ്രീ സി. സി. ചാത്തു നമ്പ്യാരാ'''യിരുന്നു ആദ്യത്തെ എഴുത്താശാൻ. പിന്നീട് കോഴിപ്രയിലുള്ള തെയ്യം കലാകാരനായ '''ശ്രീ. വണ്ണാൻ കണ്ണൻ''' എന്നയാളെ കൊണ്ടുവന്നു പ്രതിഫലം കൊടുത്തുകൊണ്ടുതന്നെ പഠന പ്രവർത്തനം തുടർന്നു. കുട്ടികളിൽ നിന്നും ഒരു രൂപ വീതം വാങ്ങിയാണ് അദ്ദേഹത്തിന് പ്രതിഫലം കൊടുത്തത്.