"ലിറ്റിൽ ഫ്ലവർ യു പി സ്ക്കൂൾ സൗത്ത് പറവൂർ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

ഉദയംപേരൂർ ഗ്രാമ പഞ്ചായത്തിലെ തെക്കൻ പറവൂർ എന്ന ഗ്രാമത്തിൽ 1934 ൽ ആണ് എൽ.എഫ്. യു.പി.എസ്. സ്ഥാപിതമായത്. ചരിത്രപരവും ഐതിഹ്യപരവുമായ പെരുമയേറുന്ന നാടാണിത്.ബി.സി അഞ്ചാം നൂറ്റാണ്ടിനോടടുത്ത് കേരളത്തിൽ തളിയാതിരി ഭരണം നടക്കുമ്പോഴാണ് ഇവിടെ ഒരു പുതിയ ജനവിഭാഗം കൂടിയേറി പാർക്കുന്നത്. കേരളത്തിൽ 64 തളികൾ ഉണ്ടായിരുന്നുവെന്നും ഓരോ തളിയുടേയും അധിപനും തളിയാതിരി എന്ന സ്ഥാനപ്പേരാണ് ഉണ്ടായിരുന്നതെന്നും അവർ വൈഷ്ണവ ബ്രാഹ്മണന്മാരായിരുന്നുവെന്നും ചരിത്രം പറയുന്നു. ഇവരാണ് പറവൂർ പ്രദേശം തെളിച്ചെടുത്തത്. സമുദ്രത്തോട് ചേർന്ന് കിടക്കുന്ന പ്രദേശമായിരുന്നതിനാൽ ഈ പ്രദേശത്തിന് പറവൂർ എന്ന പേര് നൽകി. "പരവം" എന്ന വാക്കിന് സമുദ്രം എന്നും "ഊര്" എന്ന വാക്കിന് നാട് എന്നും അർത്ഥം. ഈ പറവൂർ തെക്ക് ആയതിനാൽ തെക്കൻ പറവൂർ എന്ന പേര് വന്നു.