ഗവൺമെന്റ് വി. എച്ച്. എസ്. എസ്. വീരണകാവ്/ലിറ്റിൽകൈറ്റ്സ്/2024-27

44055-**ലിറ്റിൽകൈറ്റ്സ്**
44055-ലിറ്റിൽകൈറ്റ്സ്
സ്കൂൾ കോഡ്	44055
യൂണിറ്റ് നമ്പർ	LK/2018/44055
അംഗങ്ങളുടെ എണ്ണം	33
റവന്യൂ ജില്ല	തിരുവനന്തപുരം
വിദ്യാഭ്യാസ ജില്ല	നെയ്യാറ്റിൻകര
ഉപജില്ല	കാട്ടാക്കട
ലീഡർ	ഗംഗ
ഡെപ്യൂട്ടി ലീഡർ	ലയന സുജിത്ത്
കൈറ്റ് മാസ്റ്റർ / മിസ്ട്രസ് 1	ലിസി ആർ
കൈറ്റ് മാസ്റ്റർ / മിസ്ട്രസ് 2	സുരജ എസ് രാജ്
അവസാനം തിരുത്തിയത്
06-03-2026	44055

പൊതുവിവരങ്ങൾ

2024-2027 ബാച്ചിൽ ആകെ 33അംഗങ്ങളാണ് ഉള്ളത്. പ്രിലിമിനറി പരീക്ഷ എഴുതിയ 40 പേരും റാങ്ക് ലിസ്റ്റിൽ ഇടം നേടി അംഗത്വത്തിന് അർഹരായി. ഇതിൽ നിന്നും 7 കുട്ടികൾ എൻ സി സി യിൽ അംഗത്വം ലഭിച്ചതിനെ തുടർന്ന് എൻ സി സി യിലേയ്ക്ക് പോകുകയും അവരെ ഒഴിവാക്കി ബാക്കി 33 പേരെ ലിറ്റിൽ കൈറ്റ്സ് അംഗങ്ങളാക്കി തുടർന്നും പ്രവർത്തിച്ചു. കൈറ്റ് മിസ്ട്രസുമാരായി ലിസി ടീച്ചറും സുരജ എസ് രാജ് ടീച്ചറും പ്രവർത്തിച്ചു വരുന്നു.

ലിസി ടീച്ചർ,കൈറ്റ് മിസ്ട്രസ് 1
സുരജ എസ് രാജ് കൈറ്റ് മിസ്ട്രസ് II

വിദ്യാ‍ത്ഥികളിൽ നിന്നുള്ള ലീഡർ ഗംഗയും ഡെപ്യൂട്ടി ലീ‍ഡർ ഗോഡ്സി സിബിയുമാണ്.ഹെഡ്മിസ്ട്രസ് സന്ധ്യടീച്ചറും പിടിഎയും ശക്തമായ പിന്തുണ നൽകുന്നു.ബുധനാഴ്ച വൈകുന്നേരം മൂന്നര മുതൽ നാലര വരെയാണ് ക്ലാസുകൾ.കൈറ്റ് മിസ്ട്രസുമാർ എടുക്കുന്ന ക്ലാസുകൾക്കു പുറമെ വിക്ടേഴ്സ് ചാനലിലെ ക്ലാസുകൾ കുട്ടികൾ ലാബിൽ വന്ന് കാണുകയും കൂടുതൽ വിവരങ്ങൾ മനസിലാക്കി പരിശീലിക്കുകയും ചെയ്യുന്നു.ഗ്രൂപ്പായി പരസ്പരം പഠിപ്പിക്കുകയും സഹായിക്കുകയും ചെയ്തുവരുന്നു.

കുട്ടികൾ ഹൈടെക് ഉപകരണങ്ങൾ പരിപാലിക്കുകയും ഹൈടെക് ഉപകരണങ്ങളുടെ ലോഗ് ബുക്ക് അതാത് ക്ലാസുകളിൽ സൂക്ഷിക്കുകയും ചെയ്യുന്നു. ലഭിക്കുന്ന പ്രവർത്തനങ്ങളിലെല്ലാം സജീവമായി പങ്കെടുത്ത് ലിറ്റിൽ കൈറ്റ്സ് മികവുറ്റ രീതിയിൽ സ്കൂളിന്റെ ഉന്നമനത്തിനായി പ്രയത്നിക്കുന്നു.ബുധനാഴ്ച മാത്രമല്ല സാധിക്കുന്ന എല്ലാ സമയങ്ങളിലും കുട്ടികൾ തങ്ങൾക്ക് ലഭിച്ച ഹൈടെക് ഉപകരണങ്ങൾ പരമാവധി ഉപയോഗിക്കുന്നു.

അംഗങ്ങളുടെ വിവര പട്ടിക

ക്രമ നമ്പർ	അഡ്മിഷൻ നമ്പർ	കുട്ടികളുടെപേര്	ഡിവിഷൻ
1	15190	ആരോമൽ എ അനീഷ്	എ
2	15187	നിജിൻ	എ
3	15887	ശബരിനാഥ് ജെ എസ്	എ
4	15462	അനശ്വര എം എ	എ
5	15643	അനിഷ്മ എസ്	എ
6	15072	അന്നപൂ‌ർണ എസ് എ	എ
7	15108	ആതിര എസ് ബി	എ
8	15057	ക്രിസ്റ്റീന എച്ച് സതീഷ്	എ
9	15603	ഗംഗ എസ് നായർ	എ
10	15436	ഗോഡ്‍സി സിബി	എ
11	15605	ലയന സുജിത്ത്	എ
12	15926	സ്നേഹ വി ലിജു	എ
13	15857	അക്ഷയ എസ്	ബി
14	15755	ധനീഷ് ആർ	ബി
15	15608	നിഖിൽ എസ് വി	ബി
16	15898	ഐശ്വര്യ എ	ബി
17	15889	ആവണി എ എം	ബി
18	15924	കാവ്യ എസ്	ബി
19	15607	നവമി വി	ബി
20	15594	നിരഞ്ചന എ എസ്	ബി
21	15416	സാന്ദ്ര എസ് ആർ	ബി
22	15640	സനുഷ എസ് ജെ	ബി
23	15439	സ്നേഹ എ എസ്	ബി
24	15875	സ്നേഹ എസ്	ബി
25	15874	സൗപർണിക എസ് ബി	ബി
26	15610	സൗപർണിക വി എസ്	ബി
27	15918	ശ്രീദുർഗ എസ് വി	ബി
28	15611	ശ്രീലക്ഷ്മി ജി പി	ബി
29	15728	സുരഭി എസ് സി	ബി
30	15735	വരദ ആർ വിനോദ്	ബി
31	15063	സിദ്ധാർത്ഥ് പി ജെ	സി
32	15062	സാധിക പി ജെ	സി
33	15106	അഞ്ചിത ഡെന്നിസ്	സി

സ്കൂൾതലനിർവ്വഹണസമിതി അംഗങ്ങൾ 2022-2023


ചെയർമാൻ	ശ്രീ.അരുൺകുമാർ	പി.ടി.എ പ്രസിഡന്റ്
കൺവീനർ	ശ്രീമതി സന്ധ്യ	ഹെഡ്‍മിസ്ട്രസ്
വൈസ് ചെയർപേഴ്സൺ 1	ശ്രീമതി.കുമാരിഗീത	എം.പി.ടി.എ പ്രസിഡന്റ്
വൈസ് ചെയർപേഴ്സൺ 2	ശ്രീ.ജിജിത്ത്. ആർ.നായർ	പി.ടി.എ വൈസ് പ്രസിഡന്റ്
ജോയിന്റ് കൺവീനർ 1	മിസ്.ലിസി ആർ	ലിറ്റിൽ കൈറ്റ്സ് മിസ്ട്രസ്
ജോയിന്റ് കൺവീനർ 1	സുരജ എസ് രാജ്	ലിറ്റിൽ കൈറ്റ്സ് മിസ്ട്രസ്
കുട്ടികളുടെ പ്രതിനിധി	അശ്വനി	ലിറ്റിൽ കൈറ്റ്സ് ലീഡർ
കുട്ടികളുടെ പ്രതിനിധി	ട്വിങ്കിൾ	ലിറ്റിൽ കൈറ്റ്സ് ഡപ്യൂട്ടി ലീഡർ

അംഗങ്ങൾ

2025-2028 ബാച്ച് 2025 ൽ	2025-2028 ബാച്ച് 2025 ൽ

LK 2022-2025

നിർമിതബുദ്ധി പരിശീലനം 2024-2027 ബാച്ചിലെ രക്ഷാകർത്താക്കൾക്ക്

ഒന്നാം ദിവസം

2026 ഫെബ്രുവരി 18 ന് രക്ഷിതാക്കൾക്കായി പരിശീലനം സംഘടിപ്പിക്കുകയും അറിയിപ്പ് ക്ലാസ് ഗ്രൂപ്പുകളിൽ നൽകുകയും ചെയ്തു.എന്നാൽ നിർഭാഗ്യവശാൽ രണ്ടിലധികം പിടിഎ യോഗങ്ങൾ തൊട്ടുമുന്നിലുള്ള ആഴ്ചകളിൽ നടന്നതിനാൽ രക്ഷിതാക്കൾ വീണ്ടും വരാനായി ബുദ്ധിമുട്ട് പ്രകടിപ്പിച്ചു.എന്നാൽ ഏതാനും രക്ഷാകർത്താക്കൾ എത്തുകയും വന്നവരെല്ലാം താല്പര്യപൂർവം ക്ലാസിൽ പങ്കെടുക്കുകയും ചെയ്തു.സന്ധ്യ ടീച്ചറാണ് ഉദ്ഘാടനം നടത്തിയത്.ക്രിസ്റ്റീന,അനിഷ്മ,ഗംഗ,ലയന,സ്നേഹ,നിരഞ്ചന,ശബരിനാഥ് മുതലായവർ ക്ലാസുകൾ മാറി മാറി എടുത്തു.രക്ഷിതാക്കൾക്ക് പുതിയ ഒരു അനുഭവമായി മാറി കുട്ടികളുടെ ക്ലാസുകളെന്ന് അവർ അഭിപ്രായപ്പെട്ടു.

രണ്ടാം ദിവസം

2026 ഫെബ്രുവരി 26 ന് രക്ഷിതാക്കൾക്കായി നടത്തിയ രണ്ടാമത്തെ പരിശീലനത്തിൽ കുറച്ചു പേർ പങ്കെടുത്തു.പരീക്ഷയും റിവിഷനും കാരണം കുട്ടികളും തിരക്കിലായിരുന്നു.തൊഴിലുറപ്പിന് പോകുന്ന അമ്മമാരും ദിവസകൂലിക്കാരായ അച്ഛന്മാരും ജോലി മുടക്കി ക്ലാസിലെത്താൻ ബുദ്ധിമുട്ടറിയിച്ചു.വന്നവർക്ക് കുട്ടികൾ നല്ലതായി ക്ലാസെടുത്തു.എല്ലാവരും ക്ലാസുകളെ കുറിച്ച് നല്ല അഭിപ്രായം പറഞ്ഞു.കൂടുതൽ പേർക്ക് ഇഷ്ടപ്പെട്ടത് ഗൂഗിൾ ട്രാൻസ്ലേറ്ററായിരുന്നു.ചിലർക്ക് ചാറ്റ്ജിപിടിയും ഇഷ്ടപ്പെട്ടു.സൈബർ ലോകത്തെ ചതികളെകുറിച്ച് ബോധവത്ക്കരണം നൽകിയത് ഉപകാരപ്രദമായിയെന്ന് ആളുകൾ അഭിപ്രായപ്പെട്ടു.

നിർമിതബുദ്ധി പരിശീലനം 2024-2027 ബാച്ചിലെ എല്ലാ കുട്ടികൾക്കും

2024-2027 ബാച്ചിന് ക്രിസ്റ്റീനയുടെ നേതൃത്വത്തിൽ പരിശീലനം നൽകി.ഫെബ്രുവരി 16 ന് 9 എ ക്ലാസിൽ വച്ചാണ് പരിശീലനം സംഘടിപ്പിച്ചത്.കുട്ടികൾ ആകാംക്ഷാപൂർവം ക്ലാസിൽ പങ്കെടുത്തു.ക്രിസ്റ്റീന പരിശീലന ക്ലാസ് ആദ്യമായിട്ടാണ് എടുക്കുന്നത്.നല്ലൊരു അനുഭവവും ഭാഗ്യവുമെന്ന് ക്രിസ്റ്റീന അനുഭവം പങ്കു വച്ചു.എല്ലാവരും വീട്ടിൽ പോയി ഫോണിൽ മാതാപിതാക്കളുടെ സഹായത്തോടെ മൊഡ്യൂൾ പരിശീലിക്കാമെന്ന് പറയുകയും എല്ലാവരും ക്ലാസെടുക്കാനായി പരിശീലിക്കുകയും ചെയ്തു.എന്നാൽ പലർക്കും മടിയായിരുന്നു.എന്നാൽ ആസ്വദിച്ച് ക്ലാസെടുത്ത കുട്ടികൾ ഇനിയും ക്ലാസെടുക്കാൻ താല്പര്യപ്പെടുകയും സന്തോഷം പ്രകടിപ്പിക്കുകയും ചെയ്തു.എല്ലാ കുട്ടികളും മൊഡ്യൂൾ പരിചയപ്പെട്ടു.

നിർമിതബുദ്ധി പരിശീലനം 2024-2027 ബാച്ചിന്

2024-2027 ബാച്ചിന് ക്രിസ്റ്റീനയുടെ നേതൃത്വത്തിൽ പരിശീലനം നൽകി.ഫെബ്രുവരി 13 ന് 9 എ ക്ലാസിൽ വച്ചാണ് പരിശീലനം സംഘടിപ്പിച്ചത്.തിരഞ്ഞെടുക്കപ്പെട്ട കുട്ടികൾ ആകാംക്ഷാപൂർവം ക്ലാസിൽ പങ്കെടുത്തു.ക്രിസ്റ്റീന പരിശീലന ക്ലാസ് ആദ്യമായിട്ടാണ് എടുക്കുന്നത്.നല്ലൊരു അനുഭവവും ഭാഗ്യവുമെന്ന് ക്രിസ്റ്റീന അനുഭവം പങ്കു വച്ചു.എല്ലാവരും വീട്ടിൽ പോയി ഫോണിൽ മാതാപിതാക്കളുടെ സഹായത്തോടെ മൊഡ്യൂൾ പരിശീലിക്കാമെന്ന് പറയുകയും എല്ലാവരും ക്ലാസെടുക്കാനായി പരിശീലിക്കുകയും ചെയ്തു..എന്നാൽ ആസ്വദിച്ച് ക്ലാസെടുത്ത കുട്ടികൾ ഇനിയും ക്ലാസെടുക്കാൻ താല്പര്യപ്പെടുകയും സന്തോഷം പ്രകടിപ്പിക്കുകയും ചെയ്തു.

നിർമിതബുദ്ധി പരിശീലനം സബ് ജില്ലാതലം

സബ്‍ജില്ലാതലത്തിൽ നടന്ന എഐ ട്രെയിനിംഗിൽ ക്രിസ്റ്റീന എച്ച് സതീഷ്,ലയന സുജിത്ത് എന്നിവരാണ് പങ്കെടുക്കാനിരുന്നതെങ്കിലും ലയനയ്ക്ക് സുഖമില്ലാതായതിനാൽ ക്രിസ്റ്റീനയും മെന്റർ ലിസി ടീച്ചറുമാണ് പരിശീലനത്തിനായി കാട്ടാക്കട പിആർ വില്യം സ്കൂളിലെത്തിയത്.മാസ്റ്റർ ട്രെയിനർ ജിനേഷ് സാറാണ് ക്ലാസെടുത്തത്.എ ഐ യുടെ പ്രയോഗസാധ്യതകളും ഗുണങ്ങളും ദോഷങ്ങളും ശ്രദ്ധിക്കേണ്ട കാര്യങ്ങളും സാർ അവതരിപ്പിച്ചു. ഉച്ചയ്ക്ക് 1.30 ന് തുടങ്ങിയ ക്ലാസ് 4.30 ന് അവസാനിച്ചു.കുട്ടികൾ ഫീഡ് ബാക്കിൽ ക്ലാസുകളെ കുറിച്ചുള്ള സന്തോഷം പങ്കു വച്ചു.

ഡിറ്റിഎച്ച് ക്യാപെയ്ൻ2026

വിക്ടേഴ്സ് ചാനൽ എന്നത് ഗവൺമെന്റ് കുട്ടികളുടെ പഠനനിലവാരം ഉയർത്താനായി നൽകിയിരിക്കുന്ന ചാനലാണ്. സൗജന്യമായ ഈ ചാനൽ വിദ്യാഭ്യാസരംഗത്ത് വൻകുതിപ്പിന് കാരണമായി,പ്രത്യേകിച്ചും കോവിഡ് സമയത്ത്.ഇന്ന് മാറിയ പാഠപുസ്തകങ്ങളുടെ ക്ലാസുകളും പത്താം ക്ലാസിന്റെ റിവിഷനുകളും ഉൾപ്പെടെ പ്രയോജനകരമായ ഒട്ടനവധി പ്രോഗ്രാമുകളാണ് വിദ്യാ‌ർത്ഥികൾക്കായി പ്രക്ഷേപണം ചെയ്യുന്നത്.എന്നാൽ ദൗർഭാഗ്യവശാൽ പല കേബിൾ ശ്യംഖലകളും ഡി റ്റി എച്ച് സംവിധാനങ്ങളും വിക്ടേഴ്സ് ചാനൽ നൽകുന്നില്ല എന്നത് ശ്രദ്ധയിൽപ്പെട്ടതിനാൽ എല്ലാ ഡിറ്റി എച്ച് പ്രൊവൈഡേഴ്സിനെയും മെയിൽ ചെയ്ത് പരാതി അറിയിച്ചു.ഇതിൽ സൂര്യയുടെ ഡിറ്റിഎച്ച് സംവിധാനം ഉടൻതന്നെ പ്രവർത്തനം ആരംഭിച്ചു.ബാക്കിയുള്ളവരും അനുഭാവപൂർവം ക്യാംപ്യംയെനിനോട് സഹകരിച്ചു.

ഫീൽഡ് വിസിറ്റ് - ടിങ്കറിങ് ലാബ്

റോബോട്ടിക്സ് ക്ലാസും പഠനവും കഴിഞ്ഞപ്പോൾ കുട്ടികളുടെ സാങ്കേതിക അറിവ് മെച്ചപ്പെടുത്താനായി അവരെ ടിങ്കറിങ് ലാബ് കാണിക്കാൻ തീരുമാനിച്ചു. സ്ഥലപരിമിതി കാരണം സ്കൂളിൽ ടിങ്കറിങ് ലാബില്ലാത്തതിനാൽ സമീപത്ത് എവിടെയാണ് സൗകര്യപ്രമെന്ന് അന്വേഷിച്ചപ്പോൾ കാട്ടാക്കട പ്ലാവൂർ സ്കൂളിലും കാട്ടാക്കട പി ആർ വില്യം സ്കൂളിലും ഉണ്ടെന്ന് അറിയുകയും പി ആർ വില്യം അടുത്തായതിനാൽ ആ സ്കൂളിൽ അന്വേഷിച്ച് അനുവാദം വാങ്ങി 2026 ജനുവരി 10 ന് ഫീൽഡ് വിസിറ്റ് പോകുകയും ചെയ്തു.ദൂരദർശിനിയും ത്രീഡി പ്രിന്ററും ഡ്രോണും വിവിധതരം സെൻസറുകളും ഉപകരണങ്ങളും കുട്ടികളുടെ കൗതുകത്തെ ഉണർത്തി.എല്ലാവരും ഫീൽഡ് ട്രിപ്പ് ആസ്വദിച്ചു. മാത്രമല്ല ഫീൽഡ് ട്രിപ്പ് ഉപകാരപ്രദമാണെന്ന് കുട്ടികളും അധ്യാപകരും അഭിപ്രായപ്പെട്ടു.ലിറ്റിൽ കൈറ്റ്സ് മെന്റർ ലിസി ടീച്ചറും എൻസിസി എ എൻ ഒ രാകേഷ് സാറുമാണ് കുട്ടികളെ കൊണ്ട് പോയത്.

ഉപജില്ലാ ക്യാമ്പ് 2025

കാട്ടാക്കട ഉപജില്ലാ ക്യാമ്പ് 2025 ഡിസംബ‌ർ 31 നും 2026 ജനുവരി ഒന്നിനുമായി കുളത്തുമ്മൽ എച്ച് എസ് എസ് സ്കൂളിൽ വച്ച് നടന്നു.സ്കൂൾ ക്യാമ്പിലെ മികച്ച പ്രകടനത്തിലൂടെ തിരഞ്ഞെടുക്കപ്പെട്ട എട്ടുകുട്ടികൾ ക്യാമ്പിൽ പങ്കെടുക്കാൻ അർഹരായി.സ്കൂൾ ക്യാമ്പ് രണ്ടാം ഘട്ടത്തിലെ ഓവറോൾ പങ്കാളിത്തമികവിന്റെ മാർക്കിന്റെയും അസൈൻമെന്റിന്റെ മികവിലുമാണ് ഇത്രയും പേർ തിരഞ്ഞെടുക്കപ്പെട്ടത്. പ്രോഗ്രാമിങ്ങിനിൽ നിന്നും 9 എ യിലെ ലയന സുജിത്ത്,സ്നേഹ എം ലിജു, 9 ബിയിലെ സനൂഷ,കാവ്യ എന്നിവരും അനിമേഷനിൽ 9 എ യിലെ ഗംഗ എസ് നായർ,അനിഷ്മ,ക്രിസ്റ്റീന എ സതീഷ്,ശബരിനാഥ് എന്നിവരും ഉപജില്ലാക്യാമ്പിൽ പങ്കെടുത്തു.

ലയന സുജിത്ത് - ക്യാമ്പ് റിപ്പോർട്ടിങ് ഒന്നാം സ്ഥാനം

കൃത്യം 9 മണിക്ക് തന്നെ ഉപജില്ലാക്യാമ്പ് ആരംഭിച്ചു. ആദ്യമായി തന്നെ ജിനേഷ് സാർ ഞങ്ങളെ ഓരോരുത്തരെയും വിളിച്ചിട്ട് ഓരോരുത്തർക്കും ഓരോ നിറത്തിലുള്ള ഐഡി കാർഡ് തന്ന ശേഷം ഗ്രൂപ്പ്‌ തിരിച്ചു. ഗ്രൂപ്പ്‌ തിരിച്ച രീതി ഇങ്ങനെ ആണ് സാ‍ർ തന്ന ഐ ഡി കാർഡിലെ നിറം അനുസരിച്ചായിരുന്നു ഗ്രൂപ്പ്‌ തിരിച്ചത്.അതിനു ശേഷം ഒരു ഗെയിം കളിച്ചുകൊണ്ട് ആണ് ക്യാമ്പിന്റെ ആരംഭം .ആ ഗെയിം എന്തെന്ന് വച്ചാൽ നമ്മുടെ കൈ കാമറയുടെ frontൽ വച്ച് കൈ വീശി കൊണ്ട് ഇരിക്കണം. ആ സമയം ഹിറ്റ് എത്ര കൂടുമോ അതിന് അനുസരിച്ചു ബാക്ക്ഡ്രോപ്പ് ചെയ്ഞ്ച് ചെയ്യുകയും മഴ പെയ്യുകയും ചെയ്യണം. ഇതായിരുന്നു ആ ഗെയിം. നല്ല ഗെയിം ആയിരുന്നു .അങ്ങനെ ഞങ്ങൾ ഗെയിം കളിച്ചു. പിന്നീട് ഞമ്മൾ പ്രോഗ്രാമിങ്ങിലോട്ട് പോയി .

ഞമ്മൾ ചെയ്ത പ്രോഗ്രാം വെതർ പ്രോഗ്രാമിങ് സിസ്റ്റം എന്ന പ്രോഗ്രാം ആണ് . അതിൽ ആദ്യം നമ്മൾ designing part പൂർത്തിയാക്കി. ശേഷം lunch break ആയിരുന്നു നല്ല സ്വാദുള്ള lunch ആയിരുന്നു ശേഷം class തുടർന്ന് എന്നിട്ട് നമ്മൾ comanding part ആയിരുന്നു അതിൽ നമ്മൾ my blocks use ചെയ്യാൻ പഠിച്ചു ശേഷം picto blox programing ആയിരുന്നു അതായത് robotics അതിൽ നമ്മൾ sensor reading ആണ് പഠിച്ചത് ശേഷം assignment തന്നു രാവിലെ ചെയ്ത പ്രോഗ്രാമിങ്ങിൽ robotics കൂടെ ഉൾപ്പെടുത്തണം എന്നതായിരുന്നു assignment

ഇതോട് കൂടി DAY 1 അവസാനിച്ചു.

ഉപജില്ലാക്യാമ്പ് രണ്ടാം ദിനം

***********

Sub-district ക്യാമ്പിന്റെ രണ്ടാം ദിവസം കൃത്യം 9 മണിക്ക് തന്നെ class ആരംഭിച്ചു

ആദ്യമായി തന്നെ ഇന്നലെ തന്ന assignment checking ആയിരുന്നു അങ്ങനെ assignment ചെയ്തവരുടെ ID കാർഡ് number sir കുറിച്ച് എടുത്തു ശേഷം ഇന്നലെ പഠിപ്പിച്ചു നിർത്തിയ അടുത്ത് നിന്നാണ് ഇന്നത്തെ ക്ലാസ്സ്‌ തുടങ്ങിയത് ആദ്യമായി തന്നെ robotics ക്ലാസ്സ്‌ ആയിരുന്നു robotics ചെയ്തപ്പോൾ ഇടയ്ക്കു ചെറിയ അബദ്ധങ്ങൾ പറ്റിയെങ്കിലും അത് സാറും ടീച്ചറും കൂടി ക്ലിയർ ചെയ്തു തന്നു. ശേഷം ഞങ്ങൾ ഇന്നലെ ചെയ്ത 𝓦𝓔𝓐𝓣𝓗𝓔𝓡 𝓕𝓞𝓡𝓔𝓒𝓐𝓢𝓣𝓘𝓝𝓖 𝓢𝓨𝓢𝓣𝓔𝓜 എന്ന പ്രോഗ്രാമിങ്ങിൽ wind speeder ഉണ്ടാക്കി ഉണ്ടാക്കിയ വിധം ഇങ്ങനെ ആണ് teachers ഞങ്ങൾക്ക് രണ്ട് വലിയ കപ്പും നാല് ചെറിയ കപ്പും‚പിന്നെ strawyum, മോട്ടുപ്പിന്, double side ടാപ്, masking tap എന്നിവ തരും നമ്മൾ അതുവച്ചുവേണം wind speeder ഉണ്ടാകുവാൻ അങ്ങനെ അതും ഞങ്ങൾ ഉണ്ടാക്കി കഴിഞ്ഞു ശേഷം LUNCH BREAK ആയിരുന്നു നല്ല സ്വാതുള്ള Lunch ആയിരുന്നു ശേഷം വേറെ oru craft ആയിരുന്നു after noon section ആയിരുന്നത് അങ്ങനെ ആ craft ഉം ചെയ്തു pictoblox block coding ചെയ്തു അതോടെ ആ സെക്ഷനും തീർന്നു ശേഷം രണ്ട് ദിവസത്തെ ക്ലാസ്സിന്റെ feedback പറയാനായി sir കുട്ടികളെ വിളിച്ചു ennayum വിളിച്ചു അങ്ങനെ ഞാൻ feed back പറഞ്ഞു ഇതോട് കൂടി subdistrict camp അവസാനിച്ചു ഞങ്ങൾക്ക് ക്ലാസ്സ്‌ എടുത്തത് ജിനേഷ്സാറും സിലീന ടീച്ചറും ആയിരുന്നു Teachers മനസിലാകുന്ന രീതിയിൽ ആണ് ക്ലാസ്സ്‌ എടുത്തത് നല്ല ക്ലാസ്സ്‌ ആയിരുന്നു ഞാൻ ഈ രണ്ട് ദിവസത്തെ camp വളരെ നന്നായി ആസ്വദിച്ചു. നല്ല camp ആയിരുന്നു..

പഠനപിന്തുണാ ബ്ലോഗർമാർ

പഠനപിന്തുണയും കൈത്താങ്ങും നൽകാനും ബ്ലോഗെഴുത്ത് പരിശീലിക്കാനും അതുവഴി ലഹരിയോടും അലസതയോടും വിടപറഞ്ഞ് എഴുത്തിന്റെയും പഠനത്തിന്റെയും മേഖലയിലേയ്ക്ക് കുട്ടികൾ തിരിയാനും അവരുടെ സാങ്കേതിക അറിവ് മറ്റ് വിദ്യാർത്ഥികൾക്കും സമൂഹത്തിനും പ്രയോജനകരമാകാനും വേണ്ടി ഫ്രീയായി ലഭിക്കുന്ന ബ്ലോഗുകൾ പരിചയപ്പെടുത്തുകയും ബ്ലോഗ് നിർമിച്ച് ലിറ്റിൽ കൈറ്റ്സ് കുട്ടികൾക്കായി നോട്ടുകൾ തയ്യാറാക്കി ഇടുകയും ചെയ്തു.താഴെ കൊടുത്തിരിക്കുന്ന ബ്ലോഗ് അഡ്രസ് സെർച്ച് ചെയ്ത് നോട്ട്സ് റഫറൻസിന് ഉപയോഗിക്കാം.

LK for Society – LKvrkv https://share.google/yVftrNdTgivFqeY9M

ജനാധിപത്യത്തിന്റെ ആത്മാവ് തൊട്ടറിയാം - ഭരണഘടനാദിനം2025

2025 നവംബർ 26 ഇന്ത്യയുടെ ഭരണഘടന നിലവിൽ വന്ന ദിവസത്തിന്റെ ഓർമ്മയ്ക്കായി ഭരണഘടനാ ദിനം ലിറ്റിൽ കൈറ്റ്സിന്റെ നേതൃത്വത്തിൽ ആചരിക്കുകയുണ്ടായി. കുട്ടികൾക്ക് എച്ച് എം സന്ധ്യ ടീച്ചർ ദിനാചരണത്തെ കുറിച്ചുള്ള പ്രാധാന്യം പറഞ്ഞു കൊടുക്കുകയും ഭരണഘടനയുടെ ആമുഖത്തിന്റെ അന്തസത്ത കുട്ടികളിൽ എത്തിക്കുകയും ചെയ്തു. തുടർന്ന് കുട്ടികൾ സമൂഹത്തിന്റെ പൊതുധാരയിലേയ്ക്കിറങ്ങി ബോധവൽക്കരണം നടത്തി. പ്രത്യേക പരിഗണന വേണ്ട കുട്ടികളും ബോധവൽക്കരണത്തിൽ അവരോടൊപ്പം പങ്കെടുത്തു. തുടർന്ന് കുട്ടികൾ ഭരണഘടന മറ്റുള്ളവർക്ക് പരിചയപ്പെടുത്താനായി പുറത്ത് സമൂഹത്തിലേക്ക് ഇറങ്ങിച്ചെന്നു. അവർ ഭരണഘടനയുടെ ആമുഖവും ഭരണഘടനയുടെ പ്രസക്തിയും ആളുകളുമായി പങ്കുവെച്ചു. മാത്രമല്ല രസകരമായ ഓൺ ദ സ്പോട്ട് ക്വിസ് മത്സരം നടത്തുകയും ചെയ്തു. അവർ വഴിയിൽ കാണുന്ന ആളുകളെ സമീപിക്കുകയും അവരോട് ഏതാനും ചോദ്യങ്ങൾ ഭരണഘടനയുമായി ബന്ധപ്പെട്ട് ചോദിക്കുകയും ചെയ്തു. ഭരണഘടനയുമായി ബന്ധപ്പെട്ട ചോദ്യങ്ങൾക്ക് ചിലരെങ്കിലും മറുപടി നൽകുകയുണ്ടായി .മറുപടി പറയാത്തവർക്ക് കുട്ടികൾ തന്നെ മറുപടി പറഞ്ഞു കൊടുക്കുകയും ഭരണഘടനയെ കുറിച്ച് അവബോധം ഉണ്ടാക്കുകയും ചെയ്തു. ഇതുവഴി കുട്ടികളും മറ്റുള്ളവരും ഭരണഘടനയുടെ പ്രാധാന്യം മനസ്സിലാക്കി.ജനാധിപത്യമൂല്യങ്ങൾ മനസിലാക്കാനും ഭരണഘടനയുടെ അന്തസത്തയും പ്രാധാന്യവും സാധാരണക്കാരിലെത്തിക്കാനും ഇതുവഴി ലിറ്റിൽ കൈറ്റ്സിനു സാധിച്ചു.

വനിതാശാക്തീകരണവുമായി ലിറ്റിൽകൈറ്റ്സ്

2025 നവംബർ 26 ലോക വനിതാദിനം ലിറ്റിൽ കൈറ്റ്സിന്റെ നേതൃത്വത്തിൽ ബോധവൽക്കരണത്തോടെ ആചരിച്ചു .വനിതകളുടെ സംരക്ഷണത്തിനുള്ള നിയമങ്ങളെക്കുറിച്ച് എച്ച്എം സന്ധ്യ ടീച്ചർ ലിറ്റിൽ കൈറ്റ്സ് കുട്ടികൾക്കും മറ്റു കുട്ടികൾക്കും ബോധവൽക്കരണം നൽകി .തുടർന്ന് കുട്ടികൾ വിവിധങ്ങളായ ബോധവൽക്കരണ പരിപാടികൾ സമൂഹത്തിന് ഉപകാരമായ രീതിയിൽ നടത്തുകയുണ്ടായി. കുട്ടികൾ വീടുകൾതോറും സർവ്വേ നടത്തി .അടുത്തുള്ള ഏതാനും വീടുകളിൽ സന്ദർശനം നടത്തുകയും അവിടെയുള്ള വനിതകളുമായി സംസാരിച്ച് അവർക്ക് നിയമ അവബോധം നൽകുകയും ചെയ്തു. അവർക്ക് വനിതാസംരക്ഷണ നിയമങ്ങളെ കുറിച്ചുള്ള അറിവ് സർവേയിലൂടെ മനസ്സിലാക്കിക്കുകയും അവരെ ശാക്തീകരിക്കുന്നതിലും കുട്ടികൾ ശ്രദ്ധിച്ചു. ചില വീടുകളിൽ നിന്നെങ്കിലും അവരുടെ നിർദ്ദേശങ്ങൾ സ്വീകരിക്കുകയും ചെയ്തു. അതുപോലെ കുട്ടികൾ വഴിയിലൂടെ പോകുന്ന പെൺകുട്ടികളെയും യുവതികളെയും കണ്ട് നേരിട്ട് സംസാരിക്കുകയും അനൗപചാരികമായ ബോധവൽക്കരണം നടത്തുകയും ചെയ്തു. അവരോട് വനിത സംരക്ഷണത്തെക്കുറിച്ചും വനിതകളുടെ ശാക്തീകരണത്തെക്കുറിച്ചും കുട്ടികൾ ചോദ്യങ്ങൾ ചോദിക്കുകയും വനിതാ സംരക്ഷണ നിയമത്തെ കുറിച്ചുള്ള അവരുടെ അറിവ് മനസ്സിലാക്കുകയും കൂടുതൽ കൂട്ടിച്ചേർക്കുകയും ചെയ്തു.ഇത് നാട്ടുകാരിലും വഴിപോക്കരിലും വലിയ സ്വാധീനം ഉണ്ടാക്കാനും ലിറ്റിൽ കൈറ്റ്സ് പ്രവർത്തനങ്ങൾ വലിയ മതിപ്പോടെ നോക്കികാണാനും സമൂഹത്തെ സ്വാധീനിക്കാനും സാധിച്ചു.

ഹരിതസഭ2025

ഇക്കോ ക്ലബ്ബിന്റെ നേതൃത്വത്തിൽ നടന്ന ഹരിത സഭയിൽ വളരെ മികവുറ്റ രീതിയിൽ കുട്ടികൾ പങ്കെടുക്കുകയും അവിടെ നടന്ന പ്രവർത്തനങ്ങൾ ക്യാമറയിൽ പകർത്തുകയും ചെയ്തു. തുടർന്ന് ഇത് ഇൻസ്റ്റഗ്രാമിൽ പങ്കുവയ്ക്കുകയും സ്കൂളിന്റെ പരിസ്ഥിതി സംരക്ഷണ പ്രവർത്തനങ്ങളിൽ സജീവമായി സഹകരിക്കുകയും ചെയ്തു. മാത്രമല്ല ഈ ബാച്ചിലെ പല കുട്ടികളും ഹരിത സഭയിൽ പ്രസന്റേഷൻ നടത്തുകയും മികച്ച രീതിയിൽ പ്രവർത്തനങ്ങൾ കാഴ്ചവയ്ക്കുകയും ചെയ്തു.

ക്യാമറ ആക്ഷൻ@2025

ഡിഎസ്എൽ ആ‌ർ ക്യാമറ ഉപയോഗിച്ച് ജൂനിയേഴ്സിനായി ക്ലാസെടുക്കാൻ അവസരം ലഭിച്ചപ്പോൾ കുട്ടികൾക്ക് സന്തോഷമായി.ലയന,അനിഷ്മ,ക്രിസ്റ്റീന,സ്നേഹ തുടങ്ങിയവരാണ് ക്ലാസ് നയിച്ചത്.ആദ്യദിവസം ക്യാമറയിലെ ബാറ്ററി എടുക്കുന്നതും ചാർജ്ജ് ചെയ്യുന്നതും മെമ്മറി കാർഡ് ഇൻസെർട്ട് ചെയ്യുന്നതും ഇജക്ട് ചെയ്യുന്നതും ലാപ്‍ടോപ്പിൽ പകർത്തുന്നതും പരിചയപ്പെടുത്തി. അടുത്ത ദിവസം ട്രൈപ്പോഡ് കൈകാര്യം ചെയ്യാനും ക്യാമറയുടെ അടിസ്ഥാന വിവരങ്ങളും നൽകി. പിന്നീടുള്ള ദിവസങ്ങളിൽ ഫോട്ടോ എടുക്കാനും വീഡിയോ പകർത്താനും പരിശീലിപ്പിച്ചു.

ഐ ടി പരീക്ഷാ മുന്നൊരുക്കം 2025

ഐ ടി പരീക്ഷയുടെ മുന്നൊരുക്കത്തിൽ ഐ ടി കോർഡിനേറ്ററെ സഹായിച്ചുകൊണ്ട് ലിറ്റിൽ കൈറ്റ്സ് കുട്ടികൾ സാങ്കേതികസഹായികളായിമാറി.സോഫ്റ്റ്‍വെയർ പെൻഡ്രൈവിൽ നിന്നും പേസ്റ്റ് ചെയ്യുകയും എക്സ്രാട്ക്ട് ചെയ്യുകയും ചെയ്തു.മാത്രമല്ല ലാബ് വൃത്തിയാക്കാനും പരീക്ഷയുടെ ടൈംടേബിൾ ടൈപ്പ് ചെയ്യാനും കുട്ടികളെ ലാബിലെത്തിക്കാനും സഹായിച്ചു.പരീക്ഷ കഴിയുമ്പോൾ ലാപ്‍ടോപ്പുകൾ സുരക്ഷിതമായി സൂക്ഷിക്കാനും കുട്ടികൾ സഹായിച്ചു.

റോബോട്ടിക്സ് പരീക്ഷ ഒരുക്കം 2025

പത്താം ക്ലാസിലെ ഐടി പരീക്ഷയ്ക്ക് വേണ്ടി റോബോട്ടിക് കിറ്റുകൾ പരിശോധിച്ച് പ്രവർത്തനക്ഷമമായവ തരംതിരിച്ച് സെറ്റുകൾ ആക്കി മാറ്റി. ഇവ പരീക്ഷ നടത്താനായി ബോക്സിൽ ആക്കുകയും ചെയ്തു. പരീക്ഷയ്ക്ക് വേണ്ട ആർഡുനോ, യു എസ് ബി പോർട്ട് ,എൽഇഡികൾ, സെൻസറുകൾ ,സർവ്വ മോട്ടോർ ,ജമ്പർ വയർ, ബ്രഡ് ബോർഡ് ഇവ അതാത് ബോക്സുകളിൽ ആവശ്യാനുസരണം ഒരുക്കി വെച്ചു. സാധനങ്ങൾ കളയാതിരിക്കാൻ ആയി ആവശ്യത്തിനുമാത്രം ബോക്സിൽ തയ്യാറാക്കി, ബാക്കി മറ്റു ബോക്സുകളിൽ സൂക്ഷിച്ചു വെച്ചു. ഓരോ ഉപകരണവും പ്രവർത്തനക്ഷമമാണോ എന്ന് നോക്കാനും തരംതിരിക്കാനും ഈ ബാച്ചിലെ കുട്ടികൾ വളരെയധികം പ്രയത്നിച്ചു.

ലൈബ്രറി ഡിജിറ്റലൈസേഷൻ

ലൈബ്രറിയിലെ ഡിജിറ്റലൈസേഷൻ പരിപാടിയിൽ ലിറ്റിൽ കൈറ്റ്സും പങ്കാളികളായി.ഇതിന്റെ ഭാഗമായി ലൈബ്രറി ബുക്കുകളുടെ ഡേറ്റാ അനാലിസിസ് നടത്താനായി ഈ ബാച്ചിലെ കുട്ടികൾ ലൈബ്രേറിയനെ സഹായിച്ചു.ലോഗ് ബുക്കുകളും സ്റ്റോക്ക് രജിസ്റ്ററും പരിശോധിച്ച് അവർ വേണ്ട രേഖപ്പെടുത്തലുകൾ നൽകി.ഡസ്ക്ടോപ്പിൽ അവർ ഡേറ്റ എൻട്രി നടത്തി.ലൈബ്രേറിയന് കുട്ടികൾ സമയമുള്ളപ്പോൾ സഹായം നൽകിവരുന്നു. വിശ്രമസമയങ്ങളിൽ അവർ ഉത്സാഹത്തോടെ ലൈബ്രറിയിലെത്തുകയും സഹായിക്കുകയും ചെയ്തു വരുന്നു.

സ്കൂൾ ക്യാമ്പ് രണ്ടാം ഘട്ടം 2025

ഈ ബാച്ചിന്റെ സ്കൂൾ ക്യാമ്പ് 2025 നവംബർ മാസം ഒന്നാം തീയതി സ്കൂൾ ഐടി ലാബിൽ വച്ച് നടന്നു.ക്യാമ്പിന്റെ എക്റ്റേണൽ ആർ പി കാട്ടാക്കട കുളത്തുമ്മൽ സ്കൂളിലെ ദിവ്യ ആർ നായർ ടീച്ചറായിരുന്നു.ഇന്റേണൽ ആർ പി യായി ലിസി ടീച്ചറും ഉണ്ടായിരുന്നു.ഹെഡ്മിസ്ട്രസ് സന്ധ്യ ടീച്ചർ ഉദ്ഘാടനം നിർവഹിച്ചു.

ക്യാമ്പ് റിപ്പോർട്ട് ഒന്നാം സ്ഥാനം - ലയന സുജിത്ത് 9 എ

1-11-2025 ന് രാവിലെ 9 മണിക്ക് സ്കൂൾ ക്യാമ്പ് ആരംഭിച്ചു. ആദ്യം ഞങ്ങളെ ഗ്രൂപ്പ്‌ തിരിച്ചു തുടർന്ന് "hungry bird " എന്ന ഗെയിം കളിച്ചു. programing ആരംഭിച്ചു .പ്രോഗ്രാമിങ്ങിൽ basketball game program ആണ് പഠിച്ചത് .അതിൽ 2D physics എന്ന പുതിയ ബ്ലോക്ക്‌ കോഡ് പഠിച്ചു. ആ കോഡിനെ കുറിച്ച് ഞങ്ങൾക്ക് അറിയില്ല ആയിരുന്നു. ആ ബ്ലോക്ക്‌ കോഡിങ് വളരെ ഞങ്ങൾക്ക് ഇഷ്ടപ്പെട്ടു.

ശേഷം ഉച്ച ഭക്ഷണം കഴിച്ചു നല്ല സ്വാദുള്ള ഭക്ഷണം ആയിരുന്നു. പിന്നീട് "open toonz "ലെ ആനിമേഷൻ ആയിരുന്നു പഠിപ്പിച്ചത് .ഞങ്ങൾക്ക് ഓപ്പൺ ടൂൻസിലെ ആനിമേഷൻ അറിയാം ആയിരുന്നു എങ്കിലും ഡ്രോയിങ് റൂമിലെ ഡ്രോയിങ് അറിയില്ല ആയിരുന്നു. പക്ഷെ അതും ഞങ്ങൾ ഇന്നലത്തെ ക്യാമ്പിൽ പഠിച്ചു .കഥകളിക്ക് കണ്ണ് വരച്ചത് ഞങ്ങൾക്ക് വളരെ ഇഷ്ടപ്പെട്ടു. പിന്നെ kedenlive ലെ റെൻഡറിങ്ങും ഞങ്ങളെ പഠിപ്പിച്ചു. kulathummal സ്കൂളിലെ Divya ടീച്ചറും ഞങ്ങളുടെ സ്കൂളിലെ licy ടീച്ചറും ചേർന്നാണ് ഞങ്ങൾക്ക് ക്ലാസ്സ്‌ എടുത്തത് teachers വളരെ സാവാധാനത്തോടെ ഞങ്ങള്ക്ക് മനസിലാകുന്ന രീതിയിൽ ആണ് ക്ലാസ്സ്‌ എടുത്തത്. ഞങ്ങൾക്ക് വളരെ നന്നായി മനസിലായി.

നല്ല camp ആയിരുന്നു

44055 school camp2025 phaseII02.jpg 2ഡി ഫിസിക്സിൽ ശ്രദ്ധയോടെ
44055 school camp2025 phaseII01.jpg അനിമേഷനിലെ വരകൾ
44055 school camp2025 phaseII07.jpg നോട്ട് കുറിയ്ക്കാം...
44055 school camp2025 phaseII06.jpg ശ്രദ്ധിച്ചിരിക്കാം
44055 school camp2025 phaseII05.jpg ആർ പി മാർ
44055 school camp2025 phaseII04.jpg ഇന്ന് ഞാനിത് ശരിയാക്കും...

ഹാർഡ്വെയർ പഠനം2025

യു പി കുട്ടികളെ ഹാർഡ്‍വെയർ പഠിപ്പിക്കാനായി ഈ ബാച്ചിലെ കുട്ടികൾ തയ്യാറായി.അതിനായി പഠനം നടത്തുകയും ലാബിൽ നിന്നും വേണ്ട സാധനങ്ങൾ ശേഖരിക്കുകയും ചെയ്തു.താല്പര്യമുള്ള കുട്ടികൾക്ക് ലാബിൽ വരാനും ഹാർഡ്വെയർ പഠിക്കാനും സൗകര്യമൊരുക്കി. ഫ്രീ സമയങ്ങളിൽ കുട്ടികൾക്ക് ഓഫീസിൽ നിന്നും താക്കോൽ വാങ്ങി ലാബിലെത്തി ലിറ്റിൽകൈറ്റ്സ് കുട്ടികളുടെ സഹായത്തോടെ ഇഷ്ടമുള്ളതെല്ലാം പഠിക്കാം.ഹാർഡ്‌വെയറിന്റെ ബാലപാഠങ്ങളാണ് കുട്ടികൾക്ക് അറിയാവുന്നത്.അത് അവർ മറ്റുള്ള കുട്ടികൾക്ക് പറഞ്ഞുകൊടുക്കുന്നു.

ഐടി മേള ഓവറോൾ രണ്ടാം സ്ഥാനം 2025

കാട്ടാക്കട സബ്‍ജില്ലാ ഐടി മേളയിൽ വീരണകാവ് സ്കൂളിലെ കൊച്ചുമിടുക്കർ പങ്കെടുക്കുകയും ഹൈസ്കൂൾതലത്തിൽ ഓവറോൾ രണ്ടാം സ്ഥാനം നേടുകയും ചെയ്തു.തുടർച്ചയായി മൂന്നാം തവണയാണ് രണ്ടാം സ്ഥാനം ലഭിക്കുന്നത്.അനിമേഷനിൽ ഹരിചന്ദന ഒന്നാം സ്ഥാനവും എ ഗ്രേഡും പത്തു പോയിന്റും നേടി. പ്രോഗ്രാമിങ്ങിൽ ഗൗതം കൃഷ്ണ 10 പോയിന്റോടെ( എ ഗ്രേഡ്)ഒന്നാം സ്ഥാനത്തെത്തി. മലയാളം ടൈപ്പിങും രൂപകൽപ്പനയിലും സൗപർണിക മൂന്നാം സ്ഥാനം എ ഗ്രേഡും 8 പോയിന്റും,ഡിജിറ്റൽ പെയിന്റിംഗിൽ അമൽ ബി എ നാലാം സ്ഥാനവും എ ഗ്രേഡും 5 പോയിന്റും വെബ് പേജ് ഡിസൈനിങ്ങിൽ ഹരിനന്ദന ബി ഗ്രേഡും 3 പോയിന്റും മൾട്ടിമീഡിയ പ്രസെന്റേഷനിൽ ജിബിന വിൽസ് 3 പോയിന്റും ബി ഗ്രേഡും നേടി.ആകെ 39 പോയിന്റ് കരസ്ഥമാക്കി.മേള നടന്നത് ഒക്ടോബർ 16,17 ദിവസങ്ങളിൽ കുളത്തുമ്മൽ ഹൈസ്കൂളിൽ വച്ചാണ്.18 ലെ സമാപന സമ്മേളനത്തിൽ വച്ച് അഡ്വ.ജി സ്റ്റീഫൻ എം എൽ എ ആണ് ട്രോഫികൾ വിതരണം ചെയ്തത്.

അധ്യാപകർക്കുള്ള സാങ്കേതിക സഹായം സമ്പൂർണ പ്ലസ്

ലിറ്റിൽ കൈറ്റ്സ് കുട്ടികൾ എല്ലാ കാര്യങ്ങളിലും വളരെ ആക്റ്റീവ് ആണ്. ഇവർ അധ്യാപകരെ സമ്പൂർണ്ണ പോലുള്ള സൈറ്റുകളിൽ ഡാറ്റാ അപ്ഡേഷന് സഹായിച്ചു വരുന്നു. സമ്പൂർണ്ണ പ്ലസിൽ അറ്റൻഡൻസ് മാർക്ക് ചെയ്യാനും മാർക്ക് എൻട്രി ചെയ്യാനും കുട്ടികൾ സഹായിക്കുന്നു .ഏതെങ്കിലും അധ്യാപകർ സഹായം ചോദിച്ചാൽ കുട്ടികൾ ഉടൻ തന്നെ ഓടിയെത്താറുണ്ട് .സഹായം ആവശ്യമുള്ളവരെ അകമഴിഞ്ഞ് സഹായിക്കാൻ ആത്മാർത്ഥമായി കുട്ടികൾ പ്രയത്നിക്കാറുണ്ട്.തങ്ങളാൽ കഴിയുന്ന സാങ്കേതിക സഹായങ്ങൾ നൽകാൻ മെന്റർമാരുടെ നേതൃത്വത്തിൽ കുട്ടികൾ ഉത്സാഹിക്കുന്നുണ്ട്.

ചിലങ്ക 2025 ക്യാമറ

2025 സെപ്റ്റംബർ 25,26 തീയതികളിൽ സ്കൂൾ കലോത്സവം "ചിലങ്ക 2025" നടന്നു.ഈ മീറ്റിംഗിന്റെയും കലാപരിപാടികളുടെയും മീഡിയ കവറേജ് നൽകിയത് ലിറ്റിൽ കൈറ്റ്സിലെ കുട്ടികളാണ്.ഈ ബാച്ചിലെ കുട്ടികൾ വളരെ ആക്ടീവായി ക്യാമറ കൈകാര്യം ചെയ്യുകയും മറ്റു കുട്ടികളെ പരിശീലിപ്പിച്ച് അവർക്കും അവസരങ്ങൾ നൽകി പ്രോത്സാഹിപ്പിക്കുകയും ചെയ്തു. പ്രിൻസിപ്പൽ രൂപാനായർ സ്വാഗതം ആശംസിച്ച കലോത്സവമീറ്റിംഗിൽ പിടിഎ പ്രസിഡന്റെ അരുൺകുമാർ അധ്യക്ഷനായിരുന്നു.ഉദ്ഘാടനം ചെയ്തത് കൊറിയോഗ്രാഫറും നാടകപ്രവർത്തകനുമായ ജോയ് നന്ദാവനം ആയിരുന്നു.തുടർന്ന് വിവിധ ഗാനങ്ങളാലപിച്ച് ജോയ് കുട്ടികളെ ഉത്സാഹിപ്പിച്ചു.ഹെഡ്മിസട്രസ് സന്ധ്യ ടീച്ചർ കലോത്സവത്തിന് വേണ്ട നിർദേശങ്ങളും ആശംസകളും നേർന്നു.കലോത്സവ കൺവീനർ ശ്രീകാന്ത് ആർ എസ് കൃതജ്ഞത അർപ്പിച്ചു.തുടർന്ന് പ്രീപ്രൈമറി മുതൽ വിഎച്ച്എസ്എസ് വരെയുള്ള കുട്ടികളുടെ കലാപരിപാടികൾ അരങ്ങേറി.

ഫ്രീസോഫ്റ്റ്‍വെയർ പരിശീലനം ഫോർ പ്രൈമറി

ഫ്രീ സോഫ്റ്റ്വയറിന്റെ പ്രാധാന്യം മനസിലാക്കിക്കാനും തങ്ങൾ പഠിച്ചത് അടുത്ത തലമുറയ്ക്ക് പകർന്നു നൽകുവാനുമായി 2024-2027 ബാച്ചിലെ കുട്ടികൾ സമയം നീക്കി വച്ചു.അവർ പ്രൈമറിസ്കൂളിലെത്തി കുട്ടികളെ വിവിധ സോഫ്റ്റ്‍വെയറുകൾ പരിചയപ്പെടുത്തി.ചിത്രം വരയ്ക്കാൻ കെപെയിന്റും ജിമ്പും കളിക്കാൻ ഗെയിമുകളും ടൈപ്പ് ചെയ്യാൻ ലിബർ ഓഫീസ് റൈറ്ററും ഉൾപ്പെടെയുള്ള സോഫ്റ്റ്‍വെയറുകളും പഠനസഹായികളായ മാർബിൾ,കെ ജ്യോഗ്രഫി,ജിയോജിബ്ര മുതലായവയും പരിചയപ്പെടുത്തി.ഫ്രീ സോഫ്റ്റ്‍വെയർ നമുക്കായി സമത്വത്തിന്റെ വലിയ ഒരു മുഖമാണ് തുറന്നിരിക്കുന്നതെന്ന വലിയ ആശയം കുഞ്ഞുമനസുകളിലെ വിത്തായി പാകാൻ കുട്ടികൾക്ക് സാധിച്ചു.

സ്കൂൾവിക്കി അപ്ഡേഷൻ സ്വതന്ത്രസോഫ്റ്റ്‍വെയർ ദിനം2025

സ്വതന്ത്രസോഫ്റ്റ്‍വെയർ ദിനത്തോടനുബന്ധിച്ച് നടന്ന പ്രവ‌ർത്തനങ്ങൾ സ്കൂൾവിക്കി പേജിൽ അപ്‍ലോഡ് ചെയ്യാനായി പരിശ്രമിച്ചു.ഹെഡ്മിസ്ട്രസ് സന്ധ്യ ടീച്ചറിന്റെ നിർദേശങ്ങൾ ഉൾപ്പെടുത്തി പേജ് അപ്‍ഡേറ്റ് ചെയ്യാൻ ശ്രമം നടത്തി.മാത്രമല്ല കുട്ടികളുടെ പട്ടിക പൂർത്തിയാക്കാനും പ്രവർത്തനപേജിൽ കൂടുതൽ കൂട്ടിച്ചേർക്കാനും സഹായിച്ചു. സ്നേഹ വി ലിജു,ലയന സുജിത്ത് എന്നിവർ നേതൃത്വം നൽകി.

റോബോട്ടിക്സ്@ഫ്രീടൈം

ഫ്രീ ടൈമിൽ കുട്ടികളെ സാങ്കേതികവിദ്യയുടെ ബാലപാഠങ്ങൾ അഭ്യസിപ്പിക്കാൻ പരിശ്രമിക്കുന്ന കൂട്ടുകാരാണ് ലിറ്റിൽ കൈറ്റ്സിലുള്ളത്. ഫ്രീ കിട്ടുമ്പോൾ സ്വന്തം ക്ലാസിലെ കൂട്ടുകാർ വെറുതെ വർത്തമാനം പറഞ്ഞ് സമയം പോക്കുന്നത് കണ്ടപ്പോഴാണ് സമയം ഫലപ്രദമായി വിനിയോഗിക്കാമെന്ന ആശയത്തോടെ ക്രിസ്റ്റീന,ലയന സുജിത്ത്, അനിഷ്മ എന്നിവരുടെ നേതൃത്വത്തിൽ ലിറ്റിൽ കൈറ്റ്സുകാർ ഐ ടി കോ‌ർഡിനേറ്ററെ കണ്ട് റോബോട്ടിക്സ് ഉപകരണങ്ങൾ എടുത്ത് കൂട്ടുകാരെ റോബോട്ടിക്സ് പരിശീലിപ്പിച്ചുവരുന്നു.എല്ലാവരും റോബോട്ടിക്സ് പഠനം ആസ്വദിക്കുന്നുണ്ട്.അവരുടെ ജിജ്ഞാസയെ ഉണർത്താൻ റോബോട്ടിക്സ് പഠനത്തിനായിട്ടുണ്ട്.

ലിറ്റിൽ ജൂനിയേഴ്സിനുള്ള ക്ലാസ്

ലിറ്റിൽ കൈറ്റ്സ് 2025-2028 ബാച്ചിലെ കുട്ടികൾക്കായി ക്ലാസെടുക്കാൻ ഈ ബാച്ചിലെ കുട്ടികൾ ഉത്സാഹിച്ചു. അവർക്ക് ജിമ്പിൽ പശ്ചാത്തലചിത്രം വരയ്ക്കാനുള്ള ക്ലാസിനു പുറമെ ചിത്രങ്ങൾ മുറിക്കാനും പേസ്റ്റ് ചെയ്യാനും ചിത്രം കൂട്ടിച്ചേർക്കാനും പരിശീലനം നൽകി.എല്ലാവരും താല്പര്യം കാണിച്ചില്ലെങ്കിലും എല്ലാവർക്കായിട്ടും ക്ലാസ് നൽകുകയും തുടർന്ന് കൂടുതൽ താൽപര്യമുള്ളവർക്കായി കൂടുതൽ പരിശീലനം നൽകുകയും ചെയ്തു. സൗപർണിക,കാവ്യ,ആവണി എന്നിവരുടെ നേതൃത്വത്തിലാണ് ക്ലാസ് നടന്നത്.

പത്താം ക്ലാസുകാർക്കായി റോബോട്ടിക്സ് പരിശീലനം

2025 സെപ്റ്റംബർ മാസത്തിൽ പത്താം ക്ലാസുകാർക്കായി റോബോട്ടിക്സ് പരിശീലനം നടത്തി.അ‌ർഡുനോ യൂനോയും ഉപകരണങ്ങളും പരിചയപ്പെടുത്തുകയും കണക്ഷൻ നൽകുന്നത് പരിചയപ്പെടുത്തുകയും ചെയ്തു.എൽ ഇ ഡി യുടെ കണക്ഷൻ സെൻസറുകളുടെ പ്രവർത്തനം എന്നിവ പരിചയപ്പെടുത്തി. ക്ലാസുകൾ ഫ്രീയായിട്ടുള്ള സമയം ഉപയോഗിച്ചാണ് കുട്ടികൾ ഈ സേവനം ചെയ്തത്.തുടർന്ന് പത്താം ക്ലാസുകാർക്ക് ഐ ടി പഠനത്തിന് എളുപ്പമാകുന്ന തരത്തിലാണ് റോബോട്ടിക്സ് പരിശീലനം ക്രമീകരിച്ചത്.

അഭിരുചി പരീക്ഷ ലാബ് സജ്ജമാക്കൽ2025

അഭിരുചി പരീക്ഷയ്ക്കായി ലാബ് വൃത്തിയാക്കുകയും ഇരിപ്പിടങ്ങൾ ക്രമീകരിക്കുകയും ചെയ്തു.മാത്രമല്ല പരീക്ഷാ സോഫ്റ്റ്വെയർ ഇൻസ്റ്റാൾ ചെയ്യാൻ മെന്റർമാരെ സഹായിക്കുയും ചെയ്തു.ലാപ്ടോപ്പുകൾ ചാർജ്ജ് ചെയ്യാനും നമ്പറിടാനും രജിസ്റ്റർ നമ്പർ ലിസ്റ്റ് പ്രദർശിപ്പിക്കാനും അവർ മുൻകൈയെടുത്തു. പരീക്ഷാ ദിവസം കുട്ടികളെ ലാബിലെത്തിക്കാനും കാത്തിരിപ്പ് കേന്ദ്രത്തിൽ അവരോടൊപ്പം ആയിരുന്ന് അവരെ പ്രോത്സാഹിപ്പിക്കുകയും പരീക്ഷാഭയം അകറ്റുകയും ചെയ്തു.

അഭിരുചി പരീക്ഷ2025-2028 ബാച്ച് പരിശീലനവും മുന്നൊരുക്കവും

2025-2028 ലിറ്റിൽ കൈറ്റ്സ് ബാച്ചിലേയ്ക്കുള്ള കുട്ടികളെ കണ്ടെത്താനും അവർക്ക് ലിറ്റിൽ കൈറ്റ്സിനെ കുറിച്ച് അവബോധം നൽകാനും ക്ലാസുകൾ നൽകാനും ഈ ബാച്ചിലെ കുട്ടികൾ പരിശ്രമിച്ചു.സോഫ്റ്റ്വെയറുകൾ കൂടുതൽ പരിചയപ്പെടുത്തിയും മുൻ പരീക്ഷാ അനുഭവങ്ങൾ പങ്കു വച്ചും അവർ കുട്ടികളെ പ്രോത്സാഹിപ്പിച്ചു.ക്ലാസുകളിൽ പോയി രജിസ്റ്റർ നമ്പർ നൽകുകയും പരീക്ഷാ ദിവസം രജിസ്റ്റർ നമ്പർ ക്രമത്തിന് കുട്ടികളെ ലാബിലെത്തിക്കുകയും ചെയ്ത് ഉത്തരവാദിത്വബോധം പ്രകടിപ്പിച്ചു.

കുഞ്ഞുവായന2025

പ്രീപ്രൈമറിയിലെ കുഞ്ഞുകുട്ടികളെ വായനയുടെ ലോകത്തേയ്ക്ക് ആകർഷിക്കാനായി ലിറ്റിൽകൈറ്റ്സ് കുട്ടികൾ പുസ്തകങ്ങളുമായി അവരുടെ അടുത്തെത്തി.കഥകൾ വായിച്ചുകൊടുക്കുകയും ചിരിയിലൂടെയും അഭിനയത്തിലൂടെയും വായനാനുഭവം അവരിലെത്തിക്കുകയും ചെയ്തു.യൂട്യൂബിൽ മാത്രം കാർട്ടൂൺ കാണാൻ ഇഷ്ടപ്പെടുന്ന കുട്ടികളെ കഥ പറച്ചിലൂടെ വായനയുടെ അനുഭവം പകർന്ന് നൽകി ഹൈടെക് യുഗത്തിലും വായനയുടെ പ്രാധാന്യം എടുത്തുകാണിക്കുകയും വായനയോടൊപ്പം ഓഡിയോ കഥാകഥനത്തിന്റെ പ്രാധാന്യവും കുട്ടികളിലെത്തിച്ചു.

വായനയുടെ വിശാലതയിൽ

2025 ജൂൺ 19 വായനാദിനത്തോടനുബന്ധിച്ച് ആരംഭിച്ച വായനാവാരത്തിൽ ലിറ്റിൽകൈറ്റ്സ് കുട്ടികൾ വായനയുടെ ലോകത്ത് തങ്ങളുടെ മാതൃകയും മാർഗനിർദേശങ്ങളുമായി വിവിധ പ്രവർത്തനങ്ങൾ കാഴ്ചവച്ചു.സാങ്കേതിക ഉപകരണങ്ങൾ കൈകാര്യം ചെയ്യുമ്പോഴും തങ്ങൾ വായനയുടെ പ്രാധാന്യം തിരിച്ചറിയുന്നുവെന്ന സന്ദേശവുമായി പുറത്തുള്ള ലൈബ്രറിയിൽ പുസ്തകങ്ങളുമായി ചെലവഴിച്ചു.തങ്ങൾ നല്ല വായനക്കാരാണെന്ന് അവർ തെളിയിക്കുകയും വായനയുടെ ലോകത്ത് സാങ്കേതികവിദ്യയുടെ പ്രാധാന്യത്തെകുറിച്ചും ലൈബ്രറി ഡിജിറ്റലൈസേഷന് തങ്ങൾ സഹായിക്കാമെന്ന് ലൈബ്രറേറിയനെ അറിയിക്കുകയും ചെയ്തു.തകഴി ഗ്രന്ഥശാലയിൽ കുട്ടികൾ മെമ്പർഷിപ്പ് എടുക്കുകയും വായനയുടെ പ്രാധാന്യത്തെകുറിച്ച് ചർച്ച ചെയ്യുകയും ചെയ്തു.

ഇ-വേസ്റ്റിനോട് നോ പറയാം

ഉപയോഗ്യശൂന്യമായ ഇ-വേസ്റ്റ് സ്കൂളിന്റെ പല സെക്ഷനുകളിൽ പോയി പരിശോധിച്ച് ഒന്നിനും പുനരുപയോഗിക്കാനാകില്ലെന്ന് കണ്ട ഇ-വേസ്റ്റ് ശബരിനാഥിന്റെ നേതൃത്വത്തിൽ ശേഖരിക്കുകയും ലാബിലെത്തിച്ച് ഐ ടി കോ‌ർഡിനേറ്റർ ലിസി ടീച്ചറിനെ ഏൽപ്പിക്കുകയും ചെയ്തു.ടീച്ചർ വെരിഫൈ ചെയ്ത ശേഷം ഇ-വേസ്റ്റ് തരംതിരിച്ച് ലിറ്റിൽ കൈറ്റ്സ് കുട്ടികളെ ഏൽപ്പിക്കുകയും ചെയ്തു.കുട്ടികൾ ഇ-വേസ്റ്റ് സംഭരിച്ചിരിക്കുന്ന കോർണറിൽ തരംതിരിച്ച് വേസ്റ്റ് സൂക്ഷിക്കുകയും കൈമാറാനായി കണക്കിൽ രേഖപ്പെടുത്തുകയും ചെയ്തു.

സ്കൂൾ ക്യാമ്പ് 2025

2025 മെയ് 29 ന് സ്കൂൾ ക്യാമ്പ് സംഘടിപ്പിച്ചു. സ്കൂൾ ക്യാമ്പിലെ എക്റ്റേണൽ ആർ പി അന്തിയൂർകോണം എൽ എഫ് എസ് എം സ്കൂളിലെ രമണി ടീച്ചറും ഇന്റേണൽ ലിറ്റിൽ കൈറ്റ്സ് മിസ്ട്രസ് സുരജ ടീച്ചറും ആയിരുന്നു.ക്യാമ്പിൽ കേഡൻലൈവിലെ വീഡിയോ എഡിറ്റിംഗ് പഠിപ്പിച്ചു.കുട്ടികൾ വീഡിയോ എഡിറ്റ് ചെയ്ത് പരിശീലിക്കുകയും സ്ക്രിപ്റ്റ് തയ്യാറാക്കി റീൽസ്,പ്രൊമോ വീഡിയോകൾ ചെയ്യാനായി വൈദ്യുതി തടസവും മഴയും കാരണം വേറൊരു ദിവസത്തേയ്ക്ക് അസൈൻമെന്റ് നൽകി ക്യാമ്പ് അവസാനിപ്പിച്ചു.കൈറ്റ് മിസ്ട്രസ് ലിസി ടീച്ചർ വാവോട് എച്ച് എസിൽ എക്സ്റ്റേണൽ ആർ പിയായി പോയി തിരിച്ചുവന്ന ശേഷം അസൈൻമെന്റിന് വേണ്ട നിർദേശങ്ങൾ നൽകി.സ്കൂൾ തുറന്നശേഷം അസൈൻമെന്റ് പൂർത്തിയാക്കി നൽകാൻ കുട്ടികൾക്ക് അവസരം നൽകി.

ക്യാമ്പ് റിപ്പോർട്ട് - ഒന്നാം സ്ഥാനം -ലയന സുജിത്ത് 9 എ

2025 മെയ് 29 ന് കൃത്യം 9 മണിക്ക് തന്നെ ഞങ്ങളുടെ സ്കൂൾ ക്യാമ്പ് ആരംഭിച്ചു. ഒരുപാട് വീഡിയോ ഒരുമിച്ച് ചേർക്കുന്ന ഒരു സോഫ്റ്റ്‌വെയർ ആണ് ടീച്ചർ പരിചയപ്പെടുത്തിയത്. ആ സോഫ്റ്റ്‌വെയർ ആണ് K DENLIVE ഈ സോഫ്റ്റ്‌വെയർ എങ്ങനെ ആണ് ഉപയോഗിക്കുന്നത് എന്ന് എനിക്ക് അറിയില്ലായിരുന്നു. പക്ഷെ ടീച്ചർ പറഞ്ഞു തന്നപ്പോൾ എനിക്ക് മനസിലായി. അങ്ങനെ നമ്മൾ sports എന്ന titleൽ ഒരു വീഡിയോ ചെയ്തു. ചെറിയ mistakes ഉണ്ടായിരുന്നു അത് ടീച്ചർ തിരുത്തി തന്നു. ശേഷം lunch break ആയിരുന്നു. Lunch break കഴിഞ്ഞതിനു ശേഷം നമ്മുക്ക് teachers assignment തന്നു. നമ്മൾ ഫോണിൽ വീഡിയോ എടുത്തതിനുശേഷം ആ വീഡിയോകളെ ഒന്നാക്കി പുതിയ ഒരു വീഡിയോ ആകുക എന്നതായിരുന്നു നമ്മുടെ assignment നമ്മൾ അത് ചെയ്യുകയും ചെയ്തു. ശേഷം നമ്മുക്ക് Snacks ഒക്കെ കിട്ടുകയും ചെയ്തു അങ്ങനെ ഞങ്ങളുടെ school camp phase 1 അവസാനിച്ചു .ഞങ്ങൾക്ക് ക്ലാസ്സ്‌ എടുത്തത് രമണി ടീച്ചറും നമ്മുടെ സ്കൂളിലെ suraja ടീച്ചറും ചേർന്നായിരുന്നു class എടുത്തത് നല്ല ക്ലാസ്സ്‌ ആയിരുന്നു എനിക്ക് എന്റെ സ്കൂളിൽ നടന്ന school camp വളരെ നന്നായി ഇഷ്ടപ്പെട്ടു.

വർണ്ണക്കൂടാരം പ്രീപ്രൈമറി2025 മീഡിയ

എം എൽ എ അഡ്വ.ജി.സ്റ്റീഫൻ ഉദ്ഘാടനം ചെയ്ത വർണ്ണക്കൂടാരത്തിന്റെ മീഡിയ കവറേജ് ലിറ്റിൽ കൈറ്റ്സ് ടീം നന്നായി ചെയ്തു.ക്യാമറ കൈകാര്യം ചെയ്യുക മാത്രമല്ല,അലങ്കാരം,കുടിവെള്ളം,അച്ചടക്കം തുടങ്ങി എല്ലാ കാര്യങ്ങളിലും സഹകരിച്ചു.ക്യാമറയിലൂടെ വർണ്ണക്കൂടാരത്തിന്റെ എല്ലാ പരിപാടികളും പകർത്തുകയും യൂട്യൂബിലും ഇൻസ്റ്റഗ്രാമിലും ഒക്കെ പോസ്റ്റ് ചെയ്യാനായി വീഡിയോ എഡിറ്റ് ചെയ്ത് സഹായിക്കുകയും ചെയ്തു.പത്രത്തിൽ കൊടുക്കാനുള്ള ഫോട്ടോ തയ്യാറാക്കി വാർത്ത കൊടുത്തതും ലിസി ടീച്ചറിന്റെ നേതൃത്വത്തിൽ ഈ ബാച്ചിലെ കുട്ടികളാണ്. എം എൽ എ ഉൾപ്പെടെയുള്ള വിശിഷ്ടാതിഥികളുടെ ശ്രദ്ധ പിടിച്ചുപറ്റി.

കാട്ടാക്കട എൻക്ലേവ് 2025

കാട്ടാക്കട എൻക്ലേവിലെ സ്റ്റാർട്ട്അപ് മിഷന്റെ ആശയരൂപീകരണ സെമിനാറിൽ പങ്കെടുക്കാൻ സ്കൂളിലെ കുട്ടികൾക്ക് ലഭിച്ച അവസരം ഉപയോഗപ്പെടുത്തി ഈ ബാച്ചിലെ അനിഷ്മയും ക്രിസ്റ്റീന സതീഷും തങ്ങളുടെ ആശയം കേരള സ്റ്റാർട്ട് അപ് മിഷന്റെ പ്രതിനിധികളുമായി പങ്കുവച്ചു.അവർ കുട്ടികൾക്ക് വേണ്ട നിർദേശങ്ങളും മറ്റും നൽകി.ഫാബ് ലാബു പോലുള്ള കാര്യങ്ങൾ മനസിലാക്കാനും സ്റ്റാർട്ട് അപ് മിഷൻ എങ്ങനെയാണ് പുതിയ ആശയങ്ങളെ പിന്തുണയ്ക്കുന്നതെന്നും മനസിലാക്കാൻ കുട്ടികൾക്ക് സാധിച്ചു.

കലോത്സവം ലൈവ് റിക്കോർഡിങ്2024

2024 സെപ്റ്റംബർ 26,27 തീയതികളിൽ നടന്ന കലോത്സവം നൂപുരധ്വനിയിൽ പങ്കെടുത്ത് ലൈവ് റിക്കോർഡിങ്ങിൽ ലിറ്റിൽ കൈറ്റ്സ് കുട്ടികൾക്ക് അവസരം ലഭിച്ചു. ഈ ബാച്ചിലെ സിദ്ധാർത്ഥ് പി ജെ,സാധിക പി ജെ എന്നീ കുട്ടികൾക്കാണ് റിക്കോർഡിങിൽ സെലക്ഷൻ ലഭിച്ചത്. രണ്ടു ദിവസങ്ങളിലും വളരെ അർപ്പണബോധത്തോടെ കുട്ടികൾ ലൈവ് റിക്കോർഡിങ്ങിൽ പങ്കെടുത്തു. കൃത്യതയോടെ എല്ലാ പരിപാടികളും മത്സരങ്ങളും റിക്കോർഡ് ചെയ്തു.

ലിറ്റിൽ കൈറ്റ്സ് യൂണിഫോം2024

2024-2027 ബാച്ചിലെ 33 കുട്ടികൾക്കും പുതിയ യൂണിഫോം വിതരണം ചെയ്തു.കുട്ടികൾക്ക് വലിയ സന്തോഷമായി.യൂണിഫോമിൽ ക്ലാസിൽ വരാനും ഡ്യൂട്ടികൾ ചെയ്യാനും കുട്ടികൾക്ക് വലിയ ഉത്സാഹമാണ്.രക്ഷാകർത്താക്കളുടെ സഹായത്തോടെയാണ് യൂണിഫോം സംഘടിപ്പിച്ചത്.

YIP 7.0 യിലെ സാങ്കേതിക സഹായം2024

YIP 7.0 യിൽ സീനിയേഴ്സ് നൽകിയ സാങ്കേതിക സഹായം കണ്ട് മനസിലാക്കി ലിസി ടീച്ചറിന്റെ മാർഗനിർദേശം അനുസരിച്ച് ഈ ബാച്ചിലെ കുട്ടികൾ ഇമെയിൽ ശേഖരിച്ച് ബൾക്ക് അപ്‍ലോഡ് ചെയ്യുകയും തങ്ങളുടെ പാസ്‍വേഡ് ഉപയോഗിച്ച് ലോഗിൻ ചെയ്യാൻ മറ്റു കൂട്ടുകാരെ സഹായിക്കുകയും ചോദ്യാവലി തയ്യാറാക്കാനും അത് ടൈപ്പ് ചെയ്യാനും സഹായിക്കുകയും ചെയ്തു. മാത്രമല്ല കണ്ടെത്തിയ ആശയങ്ങൾ നിലവിലുണ്ട് എന്ന് ലിസി ടീച്ചർ അറിയിച്ചതിൻ പ്രകാരം ഗൂഗിളിൽ സെർച്ച് ചെയ്ത് സമാന ആശയങ്ങൾ കണ്ടെത്താനും അതിനനുസരിച്ച് ആശയങ്ങൾ മാറ്റാനും പരിഷ്കരിക്കാനും വേണ്ടി നെറ്റിൽ സെർച്ച് ചെയ്യാൻ കൂട്ടുകാരെ സഹായിച്ചു.

സ്കൂൾ പാർലമെന്റ് ഇലക്ഷൻ സാങ്കേതിക സഹായം

ലിറ്റിൽ കൈറ്റ്സ് കുട്ടികൾ സാങ്കേതിക സഹായം നൽകി സ്കൂൾ പാർലമെന്റ് ഇലക്ഷൻ 2024 ഇലക്ട്രോണിക് വോട്ടിങ് മെഷീനിന്റെ അനുഭവം കുട്ടികൾക്ക് പകർന്ന് നൽകി.മാത്രമല്ല ഭാരവാഹികളുടെ ചൂടേറിയ തിരഞ്ഞെടുപ്പിലും ലിറ്റിൽ കൈറ്റ്സ് പങ്കാളിത്തം ശ്രദ്ധേയമായി. മത്സരം വന്ന വിഭാഗങ്ങളിൽ ഇലക്ട്രോണിക് വോട്ടിങ് മെഷീൻ പെട്ടെന്ന് തയ്യാറാക്കി വോട്ടെടുപ്പ് കാര്യക്ഷമമാക്കിമാറ്റി.

പ്രിലിമിനറി ക്യാമ്പ് 2024

2024 ഓഗസ്റ്റ് 7 ന് സ്കൂളിലെ കമ്പ്യൂട്ടർ ലാബിൽ വച്ച് പ്രിലിമിനറി ക്യാമ്പ് നടന്നു.പിടിഎ പ്രസിഡന്റ് അരുൺ സാറും പിടിഎ അംഗം അഡ്വ.ശിവകുമാറും ഹെഡ്മിസ്ട്രസ് സന്ധ്യ ടീച്ചറും മാസ്റ്റർ ട്രെയിനർ അരുൺ സാറിനെ സ്വീകരിച്ച് പ്രിലിമിനറി ക്യാമ്പിനായുള്ള സൗകര്യങ്ങൾ ഉറപ്പാക്കി.കൈറ്റ് മിസ്ട്രസുമാരായ ലിസി ടീച്ചറും സുരജ എസ് രാജും സഹായത്തിനായി നിന്നു.അരുൺ സാർ കുട്ടികളെ രസിപ്പിക്കുകയും ക്ലാസുകൾ സരസമായി കൈകാര്യം ചെയ്യുകയും ചെയ്തു.

പ്രിലിമിനറി ക്യാമ്പ് മുന്നൊരുക്കം

പ്രിലിമിനറി ക്യാമ്പിനായി എല്ലാ കുട്ടികളെയും ലാബിൽ ഒരുമിച്ചു കൂട്ടി.ലിസി ടീച്ചർ ലിറ്റിൽ കൈറ്റ്സ് പ്രിലിമിനറി ക്യാമ്പിനെ കുറിച്ചും ക്ലാസുകളെ കുറിച്ചും മുന്നറിവ് നൽകി.സീനിയർ ബാച്ചുകാർ ഇവരുടെ ക്യാമ്പിനുള്ള തയ്യാറെടുപ്പുകൾ ആരംഭിച്ചു.ലിസി ടീച്ചറിന്റെ നിർദേശാനുസരണം അവർ എല്ലാ ലാപ്‍ടോപ്പുകളിലും ആർഡ്യുബ്ലോക്ക്ലിയും ഓപ്പൺടൂൺസും ഉണ്ടെന്ന് ഉറപ്പാക്കി. ജില്ലാതലക്യാമ്പിൽ പങ്കെടുത്ത ഗൗരിയുടെ നേതൃത്വത്തിൽ പഞ്ചമിയുൾപ്പെട്ട സബ്‍ജില്ലാ ക്യാമ്പംഗങ്ങൾ അർഡ്യുനോയും മോട്ടോറുകളും പരിശോധിച്ചു.മാത്രമല്ല വൈകുന്നേരങ്ങളിൽ പുതിയ കുട്ടികളെ ഫ്രീ സോഫ്റ്റ്‍വെയർ പരിചയപ്പെടുത്തുകയും ചെയ്തു.

ലിറ്റിൽ കൈറ്റ്സ് അഭിരുചി പരീക്ഷ2024 ഫലവും ഫൈനൽ ലിസ്റ്റും

ലിറ്റിൽ കൈറ്റ്സ് പരീക്ഷയ്ക്കായി രജിസ്റ്റർ ചെയ്ത് പരീക്ഷയെഴുതിയ 40 പേരും വിജയിച്ചു. എന്നാൽ ഇതിൽ ഏഴുപേർക്ക് എൻസിസിയിൽ അംഗത്വം ലഭിച്ചതിനാൽ അവരെ ലിസ്റ്റിൽ നിന്നും ഒഴിവാക്കാനായി അപേക്ഷിച്ചതിൻ പ്രകാരം പുതിയ ലിസ്റ്റിൽ ആകെ 33 അംഗങ്ങളായി നിജപ്പെടുത്തി.

ലിറ്റിൽ കൈറ്റ്സ് അഭിരുചി പരീക്ഷ2024

2024-2027 ബാച്ചിന്റെ അഭിരുചി പരീക്ഷ ജൂ മാസം തീയതി രാവിലെ ന് ആരംഭിച്ചു. ഇൻവിജിലേറ്റേഴായി ലിസി,നിമ,സുരജ എസ് രാജ് എന്നീ അധ്യാപികമാർ പരീക്ഷാനടത്തിപ്പിൽ പങ്കാളികളായി.മുന്നൊരുക്കങ്ങൾക്ക് സഹായികളായി ലിറ്റിൽ കൈറ്റ്സ് സീനിയർ രണ്ടു ബാച്ചുകളും രാവിലെ 8.30 ന് ലാബിലെത്തി ലാപ്‍ടോപ്പുകൾ സജ്ജീകരിച്ച് പരീക്ഷയ്ക്ക് വേണ്ട അടിസ്ഥാനസൗകര്യങ്ങളൊരുക്കിയ ശേഷം 9 ന് പരീക്ഷ തുടങ്ങുന്നതിന് മുമ്പ് ലാബിൽ നിന്നും ക്ലാസുകളിലേയ്ക്ക് പോയി. അന്നേ ദീവസം തന്നെയാണ് ലിറ്റിൽ കൈറ്റ്സ് സംസ്ഥാന അവാർഡ് ലഭിച്ചതിന്റെ അഭിനന്ദനവുമായി പിടിഎ,എസ്എംസി ക്കാരും നാട്ടുകാരും സ്കൂളിലെത്തിയത്.മാത്രമല്ല പരീക്ഷാ അവലോകനത്തിനായി കടന്നു വന്ന മാസ്റ്റർ ട്രെയിനേഴ്സും അഭിനന്ദിച്ചു.

അഭിരുചി പരീക്ഷാ ഒരുക്കം

അഭിരുചി പരീക്ഷയ്ക്കായി എട്ടാം ക്ലാസ് കുട്ടികൾക്ക് അറിയിപ്പ് നൽകി.അപേക്ഷ തന്ന 40 കുട്ടികളുടെ ലിസ്റ്റ് പ്രസിദ്ധീകരിച്ചു.കൈറ്റ് വിക്ടേഴ്സിൽ സംപ്രേക്ഷണം ചെയ്യുന്ന അഭിരുചി ഒരുക്ക പരീക്ഷാക്ലാസുകൾ ക്ലാസുകൾ കാണിച്ചു.കുട്ടികൾ സ്ക്രാച്ച്,ടർട്ടിൽ ബ്ലോക്ക്സ് മുതലായ പ്രോഗ്രാമിങ് സോഫ്റ്റ്വെയറുകൾ ചെയ്തു പഠിച്ചു. 2023-2026 ബാച്ചിലെ കുട്ടികൾ അവരെ സഹായിച്ചു.

ലിറ്റിൽ കൈറ്റ്സ് എന്താണ്,ശ്രദ്ധയോടെ...
കുറിച്ചെടുക്കാം..
ഹായ്....
ഗെയിം നിർമാണം
ഗെയിം പൂർത്തിയാക്കൽ
ഗ്രൂപ്പിന് സമ്മാനദാനം
മാതാപിതാക്കൾക്ക് ക്ലാസുമായ് MT അരുൺ സാർ